\³
ƏN-NƏCM
SURƏSİNİN
ŞƏRHİ
ﭑ ﭒ
ﭓ ﭔ
Mərhəmətli və Rəhimli Allahın
adı ilə!
(53. 1)
“Batdığı zaman ulduza and olsun ki”,
(53. 2)
“sizin yoldaşınız əsla azmamış və yoldan sapmamışdır».
Fövqəluca
sübh çağının lap başlanğıcında göy qübbəsindən çəkilən ulduza and içir. Bu
hadisə Allahın ən böyük möcüzələrindən biridir və Rəbbin ona and içməsinə
layiqdir. İlahiyyatçıların ən səhih rəyinə uyğun olaraq, ayədə xatırlanan
andiçmə bütün ulduzlara aiddir. Fövqəluca onlara and içir ki, Muhəmməd Peyğəmbərin
(ona
Allahın salavatı və salamı olsun!) təbliğ etdiyi ilahi vəhyin haqq
olduğunu təsdiq etsin. Ulduzlarla vəhy arasında böyük oxşarlıq vardır.
Ulduzlar göylərin yaraşığıdır, vəhylər və onların gözəl bəhrələri isə yer
üzünü bəzəyir. Əgər bəşəriyyətin peyğəmbərlərdən irsən aldıqları həqiqi biliklər
olmasaydı, onda yer üzünə gecə zülmətindən də qatı qaranlıq çökərdi.
Rəbb bu andla başa salmaq istəyir ki, Muhəmməd Peyğəmbərin (ona
Allahın salavatı və salamı olsun!) təlimi – haqdır, azğınlıq deyil, onun (s.ə.s.)
fikirləri isə boş fantaziya deyil. Onun (s.ə.s.) təlimi ona (s.ə.s.) düz
yolla getməyə kömək edir, onun (s.ə.s.) pak fikirləri onu (s.ə.s.) bütün bəşəriyyətə
bu yolu təbliğ etməyə yönəldir. O (s.ə.s.), yaramaz niyyətli, yalan və pozğun
xəbərlər yayan azğın günahkarlara qətiyyən bənzəmir.
Fövqəluca
Peyğəmbəri (s.ə.s.) qureyşlilərin yoldaşı adlandırır ki, onlara, onu (s.ə.s.)
çox gözəl tanıdıqlarını, onun (s.ə.s.) sədaqətli olduğunu və xalqı nəyə dəvət
etdiyini bildiklərini xatırlatsın.
ﭛ ﭜ ﭝ ﭞ ﭟ ﭠ ﭡ ﭢ ﭣ ﭤ ﭥ
(53. 3) “O,
öz arzusu ilə danışmır”[1].
(53. 4) “O –
yalnız nazil edilən vəhydir”.
Muhəmməd
(ona Allahın salavatı və salamı olsun!) sizin aranızda öz ağlına gələni təbliğ
etmir, o (s.ə.s.), sizə yalnız ona (s.ə.s.) nazil edilən vəhydən öyrəndiklərini
bəyan edir. O özü (s.ə.s) doğru yolla gedir və başqalarını da ona çağırır.
Bu ayələr sübut edir ki, Peyğəmbərin (ona Allahın salavatı və salamı
olsun!) səhih hədislərdə bizə gəlib çatan müddəaları ilahi vəhylərin bir hissəsidir.
Bu barədə Fövqəluca belə buyurur: “Allah sənə Kitab və Hikmət nazil
etmişdir” (Nisa, 4/113). Peyğəmbər də (s.ə.s.) Fövqəluca Allahdan
danışanda və müsəlmanlara Onun dinini öyrədəndə, səhvə yol vermirdi,
çünki o (s.ə.s), öz arzusu ilə danışmır və yalnız ona (s.ə.s.) nazil edilmiş vəhyi
təkrarlayırdı[2].
ﭦ ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ
ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ
(53. 5) “Onu
öyrədən nəhəng gücə malik”
(53. 6) “və
gözəl qamət sahibiydi. O, qalxmışdı”
(53. 7) “ən
yüksək üfüqə”.
(53. 8)
“Sonra yaxınlaşıb, enmişdi.”
(53. 9) “O,
onun, iki yay və ya ondan daha az məsafəsi qədər, yaxınlığındaydı”.
Fövqəluca xəbər verir ki, Muhəmməd Peyğəmbərin (ona Allahın salavatı və
salamı olsun!) müəllimi mələklərin ən ləyaqətlisi, ən güclüsü və ən kamili
olan Cəbrail əleyhissalam idi. O (ə) gözəl qamətə, yəni, çox nəhəng gücə və
həmçinin zahiri və mənəvi gözəlliyə malikdi. Allah ona (ə) vəhyi Muhəmməd Peyğəmbərə (ona Allahın salavatı və salamı olsun!)
çatdırmağı həvalə etmiş və ona (ə) fiziki güc və çoxlu qabiliyyətlər
vermişdi. Cəbrail (ə) Allahın tapşırığını yerinə yetirmiş, vəhyi Allahın
Elçisinə (ona Allahın salavatı və salamı olsun!) çatdırmış və onu seytandan qorumuş və ona imkan verməmişdi ki, Kitabdan bir şey oğurlasın və
ya ona nəsə əlavə bir şey – yalan və uydurma yazsın. Məhz bu etibarlı və nəhəng
qüvvəyə malik mələk Rəbbi tərəfindən vəhyi çatdırmaq üçün seçilmişdi və
bu da onu sübut edir ki, Allah Öz Kitabını necə bir ciddiyyətlə qoruyur.
O (ə), yer
üzərindəki göy qübbəsində peyda oldu. Cəbrail (ə) mələklərdən biri olduğu
üçün şeytanlar ona (ə) yaxınlaşa bilmirdilər. O (ə) göy qübbəsindən enərək,
Peyğəmbərə (s.ə.s.) yaxınlaşmışdı ki, vəhyi ona (s.ə.s.) təqdim etsin.
O (ə) Muhəmməddən (s.ə.s.) iki yay məsafəsində və hətta daha az bir məsafədə
dayanmışdı. Burada, ox atılan adi yaylardan bəhs edilir. Bu onu göstərir
ki, mələk (ə) Allahın Elçisinin (ona Allahın salavatı və salamı olsun!)
bilavasitə yaxınlığındaymış və vəhyi ona (s.ə.s.) hər hansı vasitəçi olmadan
təqdim etmişmiş.
ﭼ ﭽ ﭾ ﭿ ﮀ ﮁ
(53. 10) “O,
vəhyi Onun quluna təlqin etdi”
Cəbrail (ə)
Allah ilə Muhəmməd Peyğəmbər (ona Allahın salavatı və salamı olsun!)
arasında vasitəçi idi. Fövqəluca onun (ə) vasitəsi ilə Öz quluna və Elçisinə
(s.ə.s.) sarsılmaz haqqı və əzəmətli dinini öyrətmişdi.
ﮂ ﮃ ﮄ ﮅ ﮆ ﮇ
(53. 11) “və
onun ürəyi gördüyünü yalan saymadı».
Muhəmmədin (ona Allahın salavatı və salamı olsun!) ürəyi gözlərinin
gördüyünə və ona (s.ə.s.) nazil edilən vəhyin doğruluğuna şübhə etmədi. Vəhy o
dərəcədə kamil və inandırıcı idi ki, Peyğəmbərin (ona Allahın salavatı
və salamı olsun!) nə qulağı, nə gözü, nə də
qəlbi baş verənlərə şübhə etmədi. Onun ürəyi gördüyünü yalan saymadı və
ondan üz döndərmədi.
Belə bir rəy
mövcuddur ki, “gördüyü” ifadəsi altında Allahın Elçisinin (ona
Allahın salavatı və salamı olsun!) göyə qalxdığı gecə
bütün gördükləri nəzərdə tutulmuşdur. O (s.ə.s.) böyük möcüzələri öz gözləri
ilə görmüşdü və onların gerçəkliyinə şübhə etməmişdi. Bir sıra şərhçilər
deyiblər ki, burada – Elçinin (s.ə.s) səmaya ucaldıldığı zaman Fövqəlqüdrətli
Allahı görməsindən və Onunla danışmasından bəhs edilir. İlahiyyatçıların bir
çoxu məhz bu nəzər nöqtəsinə üstünlük verirlər və ona istinadən təsdiq edirlər
ki, Muhəmməd Peyğəmbər (ona Allahın salavatı və salamı olsun!) Allahı hələ özünün
yer həyatında da görmüşdür.
Lakin, əsil
həqiqətdə, ayədə Allahın Elçisinin (ona Allahın salavatı və salamı olsun!)
mələk Cəbraili (ə) bilavasitə görməsindən bəhs edilir və bunu mətnin bir hissəsi
təsdiq edir. Peyğəmbərliyinin bütün dövrlərində Elçi (s.ə.s) Cəbraili (ə)
cəmisi iki dəfə həqiqi qiyafəsində görmüşdür. Birinci dəfə bu, birinci göyün
altındakı uca göy qübbəsində baş vermişdi və biz bunu qeyd etmişdik, ikinci
dəfə isə bu, göyə merac etdiyi gecə yeddinci göydə olmuşdu. Buna görə Fövqəluca
buyurur:
ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ
ﮓ ﮔ ﮕ
(53. 12)
“Doğrudanmı siz onun gördükləri haqqında onunla mübahisə edəcəksiniz?”
(53. 13)
“And olsun ki, o, artıq onun digər enişini də görmüşdü – ”
(53. 14)
“son hüduddakı Sidrin yanında”,
Muhəmməd
(ona Allahın salavatı və salamı olsun!) Cəbraili (ə) bir dəfə də belə qiyafədə
o (ə) onun (s.ə.s.) yanına enəndə görmüşdü. Bu, yeddinci göydə bitən Sidrətül-Muntəha
adlı nəhəng bir ağacın yanında baş vermişdi. O ağac son hüduddakı Şanagüllə
bitkisidir, çünki yerdən qalxan və ya Allahdan nazil olan hər şey ona qədər
gedib çatır. Ehtimal var ki, o bu adı yerdən və yeddi göydən yüksəkdə olduğu
üçün almışdır və onunla da məxluqların bildikləri sona yetişir. Digər rəylər
də mövcuddur, lakin bu barədə ən yaxşısı yalnız Allaha məlumdur.
ﮖ ﮗ ﮘ ﮙ
(53. 15) “Cənnət
məkanı[3] da onun yanındadır».
Cənnət məkanı
ən uzaqdakı ağacın yanındadır və orada hər növ ləzzətli şeylər və
füsunkarlıqlar toplanmışdır. Bu Cənnət bütün mömin qulların arzu və xəyallarının
hüdududur. Fövqəlucanın bu sözləri bildirir ki, Cənnət yeddi göyün üzərindədir[4].
ﮚ ﮛ ﮜ ﮝ ﮞ ﮟ
(53. 16) “O
vaxt Sidr ağacını Örtən örtmüşdü”.
Bu örtüyün
ilahi keyfiyyəti yalnız Fövqəlqüdrətli və Böyük Allaha məlumdur”.
ﮠ ﮡ ﮢ ﮣ ﮤ ﮥ
(53. 17)
“Onun baxışı isə kənara meyil etmir və həddini aşmırdı”,
Muhəmməd
Peyğəmbər (ona Allahın salavatı və salamı olsun!) başını heç yana çevirmir və
baxışlarını qarşısında baş verənlərdən ayırmırdı. O (s.ə.s.), yalnız
Allahın imkan verdiyi tərəfə baxırdı. O (s.ə.s.), Rəbbin əmrindən çıxmır,
nöqsana yol vermir və qadağan olunana da baxmırdı. Bütün bunlar Peyğəmbərin
(ona Allahın salavatı və salamı olsun!) itaətkarlığına və gözəl əxlaqına dəlalət
edirdi.
Həqiqətən, onun (s.ə.s.) əxlaqı ən gözəl və ən kamil idi. Özünün əla
məziyyətləri ilə o (s.ə.s.), Adəmin bütün oğullarını ötüb keçmişdi. İnsan səhv
edə bilər, həddi aşa bilər, doğru yoldan sağa və ya sola meyil edə bilər,
lakin Allah bildirir ki, Onun Elçisi (ona Allahın salavatı
və salamı olsun!) bütün bu qüsurlardan xilas edilmişdi.
ﮦ ﮧ ﮨ ﮩ ﮪ ﮫ ﮬ
(53. 18) “və
o, həqiqətən, Rəbbinin ən böyük dəlillərini gördü”.
Muhəmməd
Peyğəmbərin (ona Allahın salavatı və salamı olsun!) göylərə merac etdiyi
gecə gördüyü Cənnət, Cəhənnəm və bir çox digər dəlillər nəzərdə tutulur.
ﮭ ﮮ ﮯ ﮰ ﮱ ﯓ ﯔ ﯕ
(53. 19)
“Siz əl-Latı və əl-Uzzanı görmədinizmi”
(53. 20) “və
bir də üçüncünü – Mənatı?”
Fövqəluca
bütpərəstliyin necə yalan və yaramaz olduğunu xəbər verir. Müşriklər
kamillikdən uzaq, fayda verməyə və ya ziyan vurmağa aciz olan bütlərə ibadət
edirdilər. Onların ilahları, hər hansı mənadan məhrum olan, sadəcə, boş sözlərdən
ibarət idi. Onlar öz cahil və azğın ataları ilə birlikdə özləri üçün bütlər
uydurmuş, onlara adlar vermiş və bu adlarla həm özlərini, həm də başqalarını
aldadırdılar. Bu minvalla dünyaya gətirdikləri “ilahlar” nə ibadətə, nə də
gurultulu adlarına belə layiq deyildilər.
Müşriklər zənn edirdilər ki, bütlər ilahi keyfiyyətlərə malikdir və
onlar üçün müvafiq adlar uydururdular. Əl-Latın adı “əl-ilah”-dan (ibadətə və
ilahlaşdırılmağa layiq) törəmişdir. Əl-Uzza adı da “əl-əziz” (“qüdrətli”)
sözündən törəmədir. Manat adı isə “mənnan” (“mərhəmətli”) sözündən
alınmışdır. Müşriklər Allahın gözəl adlarını beləcə təhrif edir və öz
uydurulmuş “ilahlarını” Ona bərabər tuturlar. Lakin onların “ilahları” boş ad
olaraq qalır və ilahi keyfiyyətlər kəsb etmirlər və bu, heç olmazsa bir
damcı ağlı olan hər kəsə aydındır.
ﯖ ﯗ ﯘ ﯙ ﯚ
(53. 21) “Məgər
sizinkilər – kişi, Onunkular – qadınmı olmalıdır?”
Siz Allaha nəinki
övlad qoşur, həm də iddia edirsiniz ki, onlar zərif cinsə məxsusdurlar.
ﯛ ﯜ ﯝ ﯞ ﯟ
(53. 22)
“Belə olduqda bu çox insafsız bölgüdür».
Məgər bölgü
zamanı Xaliqin qarşısında məxluqa üstünlük verilməsindən də böyük zalımlıq ola
bilərmi?! Həqiqətən, Allahın, sizin Onun haqqında uydurduqlarınıza aidiyyəti
yoxdur.
ﯠ ﯡ ﯢ ﯣ ﯤ ﯥ ﯦ ﯧ ﯨ ﯩ ﯪ
ﯫ ﯬﯭ ﯮ ﯯ ﯰ ﯱ ﯲ ﯳ ﯴﯵ ﯶ ﯷ ﯸ ﯹ ﯺ ﯻ
(53. 23)
“Onlar yalnız sizin və atalarınızın qoyduqları adlardır, Allah isə onların
barəsində heç bir dəlil nazil etməmişdir. Onlar, sadəcə, zənnə və nəfslərinin
istəyinə uyurlar, halbuki Rəbbindən onlara artıq haqq yol göstərən gəlmişdir”.
İstənilən nəzər
nöqtəsi və istənilən təşəbbüs[5]
Allahın nazil etdiyi ayələri ilə[6]
təsdiq edilmədikdə, yanlış və naqisdir və dinə heç bir aidiyyəti ola bilməz.
Lakin müşriklər onların gözünü haqqa açan dəlillərə əhəmiyyət vermirlər.
Özlərinin cılız biliklərinə istinad edərək və öz istəklərinə uyaraq, onlar zənnə
qapılır, müşrikliyə və bidətə bəraət qazandırmağa cəhd göstərirlər. Haqq onlara
artıq çatmışdır, lakin çoxsaylı gümanları və təxminləri onlara doğru yola gəlməyə
maneçilik törədir.
Allah Onun
qullarının dərk etməyə möhtac olduqları tövhidi, peyğəmbərliyi və bütün qalan
məsələləri onlara izah etmişdir. O (Pak və Müqəddəs), bütün bunları ən sadə və
ən inandırıcı tərzdə açıqlayaraq, Öz nəsihətlərinin gerçəkliyini təkzibolunmaz
dəlillər və sübutlarla əsaslandırmışdır və hər bir ağıllı insan onlara iman
gətirməli və doğru yolla getməlidir. Həqiqətən, belə açıqlamalardan və bu qədər
sübutlardan sonra, heç bir insanın kafirliyinə və yolunu azmasına haqq
qazandırmaq mümkün deyil.
Buna görə öz uydurma nəzəriyyələrindən və gümanlarından əl çəkmək
istəməyən müşrikləri əbədi əzab və sonsuz iztirablar gözləyir. Onların
inadkarlığı və güzəştəgetməzliyi bu vəziyyətdə - ən böyük
axmaqlıq və müdhiş zalımlıqdır. Lakin bütün bunlar müşriklərə özlərinə
baxıb həzz almağa və xəyalpərəstlik etməyə mane olmur. Buna baxmayaraq,
onların yalançı xülyalarının gerçəkləşməsi baş tutmayacaqdır və buna görə
sonra Fövqəluca belə buyurur:
(53. 24)
“Yoxsa insana umduğu hər şeymi veriləcək?”
(53. 25)
“Lakin Axirət də, dünya da Allahındır!”
Allah kimə istəyirsə, hədiyyə verir və kimi də istəsə, Öz mərhəmətindən
məhrum edir. Bütün hakimiyyət yalnız Onun əlində cəmləşdirilmişdir və bütün
baş verənlər Onun iradəsinə tabedir.
Sonra Fövqəluca Ona şərik qoşanların, mələklərə və digər məxluqlara
ibadət edənlərin ümidlərini dağıdıb puç edir. Müşriklər ümid edirlər ki,
Qiyamət günü onların “ilahları” Allah qarşısında onlara şəfaətçilik edəcəklər,
lakin onlar dərindən yanılırlar. Fövqəluca buyurur:
ﰅ ﰆ ﰇ ﰈ ﰉ ﰊ ﰋ ﰌ ﰍ ﰎ ﰏ
ﰐ ﰑ ﰒ ﰓ ﰔ ﰕ ﰖ ﰗ ﰘ
(53. 26)
“Göylərdə nə qədər mələk varsa da, onların şəfaətçiliyi, Allah istədiyinə
izn vermədikcə, ondan razı qalmadıqca, heç kimə bir fayda gətirməyəcəkdir”.
Şəfaətçilik yalnız Fövqəlucanın razılığından sonra və yalnız razı
qaldıqları kəslər üçün mümkün olacaqdır. Allah Öz qullarından yalnız Onun
xatirinə səmimiyyətlə və Elçinin (s.ə.s.) nəsihətlərinə uyğun olaraq
yerinə yetirilmiş əməlləri qəbul etdiyinə görə, müşriklər arzu etdikləri şəfaəti
ala bilməyəcəklər. Həqiqətən, onlar özləri özlərini Fövqəlmərhəmətli Allahın
rəhmətindən məhrum etmişlər.
ﭑﭒﭓﭔﭕﭖﭗﭘﭙﭚ
(53. 27) “Həqiqətən, Axirətə iman gətirməyənlər mələkləri qadın
adlandırırlar».
Öz Rəbbinin elçilərinə (onlara salam olsun!) və Axirət gününə iman gətirməkdən
imtina edən müşriklər öz küfürləri üzündən, Allahın və Onu Elçisinin (s.ə.s.)
nifrətini doğuran cinayətlər törətməyə cəsarət etdilər. Onlar mələkləri
Allahın qızları adlandırdılar. Bununla onlar Fövqəlucaya nəinki məxluqlara
xas olan uşaq doğurmaq qabiliyyəti qoşdular, həmçinin mələklərə qarşı hörmətsizlik
edərək, onları qadın cinsli varlıqlar adlandırdılar.
ﭛ ﭜ ﭝ ﭞ ﭟﭠ
ﭡ ﭢ ﭣ ﭤﭥ ﭦ ﭧ ﭨ ﭩ ﭪ ﭫ ﭬ ﭭ
(53. 28)
“Onların bu barədə heç bir elmi yoxdur. Onlar yalnız zənnə qapılırlar, halbuki
zənn haqqı əvəz edə bilməz”.
Nə Allah, nə də Onun Elçisi (ona Allahın salavatı və salamı olsun!)
bunu onlara xəbər verməmişdilər. İnsan zəkası belə bir şeyi təsəvvür etmək
gücündə deyil. Əksinə, hər şey müşriklərin uydurmalarının yalan və əsassız
olduğunu göstərir. Allah nə zövcəyə, nə də övladlara möhtac deyil. O (Pak və
Müqəddəs), – Təkdir və heç kimdən asılı deyil və heç kimə ehtiyacı yoxdur. O
(Pak və Müqəddəs), doğulmamışdır və doğmur, dünyada heç kim Ona bənzəmir.
Mələklərə gəldikdə isə, bu nəcib məxluqlar – Fövqəlucanın yaxın xidmətçiləridir
və Onun hökümlərini pozmurlar və onlara əmr olunanların hamısını yerinə yetirirlər.
Lakin
müşriklər bunlardan xəbərsizdirlər və Allaha böhtan atırlar. Onlar öz zənlərinə
və gümanlarına istinad edirlər. Amma onların zənni həqiqəti əvəz edə bilməz. Həqiqət
isə həmişə inandırıcı dəlillər və təkzibolunmaz sübutlarla təsdiq edilir.
ﭮﭯﭰﭱﭲﭳﭴﭵﭶﭷ ﭸﭹ
(53. 29)
“Bizim Xatırlatmamızdan üz döndərəndən və dünya həyatından başqa heç nə istəməyəndən
sən də üz döndər!”
Müşriklər özlərinin bütün davranışları ilə Peyğəmbərə (Allahın ona salavatı
və salamı olsun!) bildirmək istəyirdilər ki, onlar onun (s.ə.s) təbliğ etdiyi
haqqa ehtiyac duymurlar və öz ürəklərinin arzuladıqlarını etmək istəyirlər.
Belə olduqda, Fövqəluca ona (s.ə.s) buyurur ki, Onu xatırlamaqdan boyun
qaçıran və hikmətli nəsihətlərdən – Kəramətli Qurandan üz döndərənlərdən o
(s.ə.s.) da üz döndərsin. Bu günahkarlar onlara böyük fayda verəcək biliklər
haqqında eşitmək belə istəmirlər və təkcə bu həyatın nemətlərinə can
atırlar. Bu – onların düşüncələrinin həddidir.
Yaxşı məlumdur
ki, insan həmişə öz qarşısına qoyduğu məqsədə nail olmaq üşün çalışır. Bu
fasiqlərin də məqsədi həyatdan ləzzət almaq və öz alçaq ehtiraslarını təmin
etmək olduğu üçün, onlar yalnız bunun xatirinə çalışır və öz məqsədlərinə istənilən
yolla nail olurlar.
ﭺ ﭻ ﭼ ﭽﭾ ﭿ ﮀ ﮁ ﮂ ﮃ ﮄ ﮅ
ﮆ ﮇ ﮈ ﮉ ﮊ ﮋ
(53. 30) “Bu
onların biliyinin həddidir. Həqiqətən, sənin Rəbbin Onun yolundan azanları
yaxşı tanıyır və O, doğru yolla gedənlərə də yaxşı bələddir”.
Yer aləmi – kafirlərin bilmək istədikləri hər şey və dərk edə biləcəkləri
hər şeydir. Ağıl sahibi və Rəbbin onlara verdiyi vədinə səmimiyyətlə
iman gətirmiş möminlər isə, ölümdən sonra əbədi həyat haqqında daha çox
bilməyə və ona hazırlaşmağa səy göstərirlər. Onların biliklərinin mənbəyi
– Allahın Kitabı və Elçinin (s.ə.s) Sünnəsidir və buna görə onların
bilikləri ən gözəl və şərəflidir.
Fövqəluca
kimin doğru yolla getməyə layiq olduğunu və kiməsə azğınlıq zülmətində
dolaşmaq qismət olacağını çox yaxşı bilir. O (Pak və Müqəddəs), Onun mərhəmətinə
layiq olmayanları Öz köməyindən və Öz lütüfkarlığından məhrum edir və bu fasiqlər
düz yoldan azır və dərin azğınlığa düşürlər.
ﮌ ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ
ﮗ ﮘ ﮙ ﮚ ﮛ ﮜ ﮝ ﮞ ﮟ ﮠ ﮡ ﮢ ﮣﮤ ﮥ ﮦ ﮧ ﮨﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ ﯕ ﯖ ﯗﯘ ﯙ ﯚ ﯛﯜ ﯝ ﯞ ﯟ ﯠ ﯡ
(53. 31)
“Göylərdəkilər də, yerdəkilər də Allaha məxsusdur, ona görə ki, cinayətkarlara
törətdiklərinə görə əvəz versin, yaxşılıq edənlərə isə ən Yaxşısı[7] ilə əvəz versin”.
(53. 32) “Onlar, kiçik və azsaylı nöqsanlardan başqa, böyük
günahlardan və alçaqlıqdan qaçırlar. Həqiqətən, sənin Rəbbin hədsiz bağışlama
Sahibidir. O, sizi torpaqdan yaradanda və sizi analarınızın bətnində
rüşeym olanda da yaxşı tanıyırdı. Özünüz özünüzü tərifləməyin, çünki O, təqvalıları
yaxşı tanıyır».
Fövqəluca bildirir ki, O (Pak və Müqəddəs), – hər iki aləmin tək Vahid
Hökmdarı və Hakimidir. Göylərdə və yer üzündə olan bütün varlıqlar Onun
hökmü altındadır və O (Pak və Müqəddəs), Öz qullarına tam sərəncam çəkir.
Kainat Onun qədərinə və Onun qanunlarına uyğun olaraq yaşayır. O (Pak və Müqəddəs),
əmr edir, qadağan edir, cəzalandırır və mükafatlandırır. O (Pak və Müqəddəs),
Onun hökümlərinə itaət edənləri mükafatlandırır və Ona itaətsizlik göstərənləri
cəzalandırır.
Cinayəkarlara
gəldikdə isə, onlar kafirliyə və digər daha az ağır günahlara görə cəzalandırılırlar.
Fövqəlucaya ibadət edən və Onun məxluqlarına yardım göstərən möminlərə gəldikdə
isə, onlar öz mükafatını həm bu dünyada, həm də Axirət həyatında alacaqlar.
Lakin, əlbəttə ki, onlar üçün ən böyük mükafat Allahın onlara lütüfkarlığı və
Cənnət səadəti olacaqdır.
Onlar doğrudan da buna layiqdirlər, çünki dinin bütün vacib olan hökümlərini
yerinə yetirəndirlər və həmçinin zinadan, sərxoşedici içkilərdən, sələmçilikdən,
adam öldürməkdən və digər böyük günahlardan çəkinəndirlər. Lakin onlar
az əhəmiyyətli hərəkətlərə yol verərdilər, yəni, bəzən kiçik günahlar törədərdilər,
lakin onları həmişə və ya tez-tez törətməyə yol verməzdilər. Ara-sıra büdrəyən
və kiçik günahlar işlədən müsəlman dindar və vicdanlı iman sahibi
olmaqdan məhrum olmur, çünki vacib hökümləri
qüsursuz yerinə yetirən və ağır günahlardan çəkinən hər kəsin bütün kiçik
günahlarını və əməllərini Allah bağışlayır[8].
Yalnız Rəbbin mərhəməti və hədsiz bağışlaması Allahın qullarını məhv
olmaqdan, yer üzünü isə quraqlıqdan və dağıntılardan xilas edir[9]. Əgər
Allah həlim və Rəhimli olmasaydı, onda göylər parça-parça olub yerə düşər və
yer üzündə bir canlı belə qoymazdı. Lakin Rəbb qullarını bağışlayır və buna
görə Allahın Elçisi (ona Allahın salavatı və salamı olsun!) demişdir: “Gündəlik beş namaz arasında, cümə namazları və
ramazan ayında tutulan orucla onların arasında törətdikləri bütün günahları
(böyük günahlardan başqa) silinir”.
Sonra Fövqəluca
xəbər verir ki, O (Pak və Müqəddəs), məxluqlarının qisməti və xüsusiyyətləri,
onların Allahın hökümlərindən çoxunu yerinə yetirməyə mane olan zəiflikləri
və çatışmazlıqları, onların müqavimət göstərməyə bəzən
qadir olmadıqları günaha[10] güclü meyil
etmələri haqqında hər kəsdən daha yaxşı xəbərdardır.
Allah sizi torpaqdan xəlq edəndə, siz analarınızın bətnində inkişaf
edəndə siz zəif və aciz idiniz və bu zəiflik həmişə sizə xasdır. Hətta O (Pak
və Müqəddəs), sizə, dinin bütün ehkamlarını yerinə yetirmək üçün güc əta
etdikdə də, siz, onsuz da, bu zəifliyinizdən xilas ola bilmirsiniz. Fövqəluca
bu barədə yaxşı bilir və buna görə O (Pak və Müqəddəs), Öz mərhəməti, rəhmi və
bağışlaması ilə sizə himayə edir. Xüsusilə, əgər siz Onun qəzəbinə səbəb
ola biləcək günahlardan çəkinirsinizsə və var qüvvənizlə Ona yaxınlaşmağa
və Onun lütüfkarlığını qazanmağa can atırsınızsa, O (Pak və Müqəddəs),
günahlarınızı və cinayətlərinizi bağışlayır. Amma siz nə qədər cəhd göstərsəniz
də, yenə də zaman keçdikcə, səhvlər buraxır və günahlara yol verirsiniz ki,
onları Fövqəlmərhəmətli və Rəhimdil Allah sizə bağışlayır və Öz
qullarına, ananın övladına göstərdiyindən daha çox qayğı göstərir. Əgər bu
belədirsə, onda siz hamınız çox asanlıqla Allahın sizi bağışlamasına
layiq ola bilərsiniz, O (Pak və Müqəddəs), isə sizin dualarınıza diqqət
yetirməyə həmişə hazırdır.
Siz heç vaxt
insanların qarşısında pak və günahsız olmağınızla özünüzü tərifləməyin,
çünki Allah təqva sahiblərini[11]
daha yaxşı tanıyır. İman və təqvalılıq qulun ürəyində yaşayır və ürəklərinizdə
nəyin gizlədildiyi yalnız Allaha məlumdur. Sizin hər biriniz dindarlığınıza
və təqvalılığınıza uyğun gələn mükafat alacaqsınız, qarşılarında özünüzü
təriflədiyiniz insanlar isə sizə heç bir fayda verməyəcəklər.
ﯢ ﯣ ﯤ ﯥ ﯦ ﯧ ﯨ ﯩ
(53. 33)
“Gördünmü üz çevirəni”,
(53. 34) “Az
verib, xəsislik edəni?”
Fövqəluca, Tək
Allaha ibadət etmək istəməyən və haqqı inkar edən insanların vəziyyətinin necə
dəhşətli olduğundan xəbər verir. Onlar insanlara çox nadir hallarda
xeyirxahlıq edirlər, çünki onlar xəsisdirlər və ətraflarındakılara bir şey
bağışlamağı sevmirlər. Onların məziyyətləri arasında səxavətlilik və
xeyirxahlıq yoxdur, amma bunun əvəzində onların qəlbi Allaha itaətsizlik və
yaxşılıq etməmək hissi ilə doludur. Lakin, buna baxmayaraq, onlar özlərini
tərifləmək fürsətini əllərindən vermir və özlərini, Allahın onları qoyduğu
yerdən, yüksəyə qaldırmağı sevirlər.
ﯪ ﯫ ﯬ ﯭ ﯮ ﯯ
(53. 35) “Məgər qeyb elmi onun yanındadır ki, görə bilsin?”
Əgər bu belə deyilsə, onda o çox kobud yalançıdır və Allaha böhtan
atır. O, nəinki günah işlədir və cinayət törədir, həm də özünü alicənab kişi
hesab edir. O, qeybi bildiyini iddia edir, halbuki onun haqqında heç nə bilmir,
çünki günahsız Peyğəmbərin (ona Allahın salavatı və salamı olsun!) haqlı və
inandırıcı şəhadəti onun bəyanatının yalançılığına şübhə yeri qoymur.
ﯰ ﯱ ﯲ ﯳ ﯴ ﯵ ﯶ ﯷ ﯸ ﯹ ﯺ
ﯻ
(53. 36) “Məgər
ona xəbər verilməmişdi Musanın səhifələrindəkilər”
(53. 37) “və
vəfalı İbrahiminkilər?”
Məgər
Musanın (ə) səhifələrində və Allahın bütün sınaqlarından keçmiş, dinin
bütün əsas və fərdi hökümlərini ciddi surətdə yerinə yetirmiş İbrahimin (ə)
səhifələrində olanlar bu fasiqə xəbər verilməmişdimi?! Bu səhifələrdə çox əhdlər
və ehkamlar var idi. Fövqəluca bu əhdlərdən ən vaciblərini xatırladır və
buyurur:
ﯼ ﯽ ﯾ ﯿ ﰀ ﰁ ﰂ ﰃ ﰄ ﰅ ﰆ
ﰇ ﰈ
(53. 38)
“Heç kimin başqasının yükünü daşımayacağı”;
(53. 39)
“İnsanın təkcə can atdığı şeyi alacağı”;
Hər bir adam
yalnız özünün xeyirli və zərərli əməllərinin bəhrəsini dadacaqdır. Heç kim
özgəsinin mükafatını almayacaq və heç kim də başqalarının günahlarına görə məsuliyyət
daşımayacaqdır.
Bu ayələrə istinad edərək, bəzi ilahiyyatçılar iddia edirdilər ki, heç
bir insan başqaları tərəfindən edilən xeyirxahlıqlardan fayda ala bilməz.
Lakin bu iddia kifayət qədər inandırıcı deyildir, çünki başqası tərəfindən
bir insana bağışlanmış mükafatın ona çatmayacağı barədə Fövqəlucanın sözlərində
birbaşa göstəriş yoxdur. Eyni şeyi insanın var-dövləti haqqında da demək
olar. O, yalnız özünə məxsus olan şeyə sərəncam çəkə bilər, lakin bu o demək
deyil ki, o, ona hədiyyə edilmiş əmlaka sərəncam çəkə bilməz.
ﰉ ﰊ ﰋ ﰌ ﰍ ﰎ ﰏ ﰐ ﰑ ﰒ
(53. 40) “Həqiqətən,
onun səylərinin görüləcəyini”;
(53. 41)
“sonra isə onların əvəzini tam alacağını”;
Axirət həyatında insanlar özlərinin bütün yaxşılıqları və günahları
haqqında hər şeyi biləcəklər. Hər bir insan özünün xeyirli işlərinə görə mükafat
alacaq və cinayətlərinə görə cəzalandırılacaq. Qarışıq əməllərə gəldikdə
isə, insan bu və ya digər əməlindəki xeyrin və şərin payına uyğun olaraq həm
mükafat, həm də cəza alacaqdır. Beləliklə, Allahın verəcəyi əvəz Onun ədalətliliyinin
və bütün canlı məxluqlara qarşı xeyirxahlığının təzahürü olacaqdır. Bütün
varlıqlar buna görə Ona həmd edəcəklər və hətta Cəhənnəm əzabkeşləri də
Odlu Cəhənnəmə girdikləri halda Rəbbi tərifləyəcək və Onun müdrikliyi
qarşısında təzim edəcəklər. Onlar özləri özlərinə nifrət hissi duyacaq və dərk
edəcəklər ki, məhz onlar öz hərəkətləri ilə özlərini mənhus iztirablara məhkum
etmişlər.
ﰓ ﰔ ﰕ ﰖ ﰗ
(53. 42) “Həqiqətən, son dönüşün sənin Rəbbinə olacağını”;
Bütün əməllər
Allaha qayıdır, Qiyamət günü isə bütün yaradılmışlar da Ona qayıdır. Allah
bütün kamilliklərin ən alisidir və biliklər, hikmət, mərhəmət və digər gözəl
keyfiyyətlər Onunla sonuclanır.
ﰘ ﰙ ﰚ ﰛ ﰜ
(53. 43) “Həqiqətən, Onun Güldürən və Ağladan olduğunu”;
Xeyri və şəri,
sevinci və kədəri, şadlığı və məyusluğu və insanları güldürüb-ağladan hər
şeyi O (Pak və Müqəddəs), yaratmışdır. Həmd olsun Allaha ki, O (Pak və Müqəddəs),
bütün bunları hikmət və kamilliklə xəlq etmişdir.
ﰝ ﰞ ﰟ ﰠ ﰡ
(53. 44) “Həqiqətən, Onun Öldürən və Dirildən olduğunu”;
O (Pak və Müqəddəs), həyat və yoxluq üzərində Tək Hökmdardır. O
(Pak və Müqəddəs), yaradır, hökm verir və qadağan edir, insanlar öldükdən
sonra, O (Pak və Müqəddəs), onları dirildir ki, dünya həyatında etdikləri əməllərinə
görə onlara əvəzini versin.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
(53. 45) “Həqiqətən, Onun kişini və qadını cüt yaratdığını” –
(53. 46)
“püskürülən damcıdan».
Bu nəinki insanlara və cinlərə, həm də bütün canlı varlıqlara aiddir.
Kişinin və qadının, həmçinin erkək və dişilərin nütfənin bir damcısından törədilməsi
Allahın əzəmətinin və fövqəlqüdrətinin dəlillərindən biridir. O (Pak və Müqəddəs),
iri və xırda buynuzlu heyvanları da çəlimsiz sperma damlasından törədir və o,
toxum hüceyrəsini mayalayır və rüşeymə çevirir və sonuncu da öz növbəsində
artıb inkişaf etməklə, Onun məxluqlarından birinə çevrilir. İnsan dünyaya
məhz belə gəlir və sonradan böyüyüb Cənnətin yüksəkliklərinədək qalxır,
ola da bilər ki, Cəhənnəmin lap dibinə çöksün.
ﭜ ﭝ ﭞ ﭟ ﭠ
(53. 47) “Həqiqətən,
təkrar dirildilmənin də Ona aid olduğunu”;
Fövqəluca xatırladır ki, O (Pak və Müqəddəs), insanları belə ecazkar
bir tərzdə yaradır ki, onlarda, özləri öldükdən sonra, Onun tərəfindən, yenidən
həyata qaytarılacaqları barədə şübhə doğmasın. Allah bütün insanları qəbirlərindən,
sərdabələrindən[12]
dirildəcək və hamısını Öz qarşısında təyin olunmuş müddətdə toplayacaq
ki, hər kəs öz xeyirxah əməllərinə və günahlarına görə əvəzini alsın.
ﭡ ﭢ ﭣ ﭤ ﭥ
(53. 48) “Həqiqətən,
Onun ehtiyacdan xilas etdiyini və zənginlik əta etdiyini;
Allah qullarının bir qisminə yaşaması üçün var-dövlət verir ki, onlar
onu ticarət, peşə sahibləri olmaq və digər məşğələlərə yiyələnmək vasitəsi
ilə əldə edirlər, digərlərinə isə çox böyük həcmdə zənginlik, böyük dəyərə
malik mülklər və böyük ailə bəxş edir. Bütün bunlar – Allahın göstərdiyi
lütüfkarlığıdır və O (Pak və Müqəddəs), onların öz var-dövlətləri ilə kimə
minnətdar olmalı olduqlarını qullarına xatırladır ki, onlar Ona şükür etsinlər
və yalnız Tək Ona ibadət etsinlər.
ﭦ ﭧ ﭨ ﭩ ﭪ
(53. 49) “Həqiqətən,
Onun Siriusun[13]
Rəbbi olduğunu”;
Sirius – məşhur ulduzdur. Əlbəttə, Allah bütün varlığın Rəbbidir, lakin
O (Pak və Müqəddəs), bütün varlıqlardan, xüsusilə Siriusu qeyd edir, çünki
islamaqədərki dövrdə müşriklər bu ulduza sitayiş edərdilər. Bununla Fövqəluca
başa salmaq istəyir ki, müşriklərin ibadət etdikləri hər nə varsa, Onun tərəfindən
xəlq edilmişdir, Onun hakimiyyəti altındadır və onlar Onunla yanaşı ibadətə
layiq deyillər.
ﭫ ﭬ ﭭ ﭮ ﭯ ﭰ ﭱ ﭲ ﭳ ﭴ ﭵ
ﭶ ﭷﭸ ﭹ ﭺ ﭻ ﭼ ﭽ ﭾ
(53. 50) “Həqiqətən,
Onun əvvəlki Adları məhv etdiyini”;
(53. 51) “Səmudlulardan
heç nə saxlamadığını”;
(53. 52)
“daha əvvəl isə Nuhun xalqını. Həqiqətən də, onlar daha zalım və daha azğın
idilər;
Adlar – Hud peyğəmbərin (ə) xalqıdır. Allah onları amansız qasırğalı
küləyə məruz qoymuş və onlara göndərdiyi peyğəmbərini (ə) qəbul etmədiklərinə
görə onları məhv etmişdi. O (Pak və Müqəddəs), həmçinin səmudluları da – Saleh
peyğəmbərin (ə) qəbilədaşlarını cəzalandırmışdı. Onlar öz peyğəmbərlərini
rədd etmişdilər və belə olduqda Rəbb onlara möcüzəli bir dişi dəfə göndərmişdi.
Lakin fasiqlər peyğəmbərə (ə) itaət etməkdən imtina etmiş və dişi dəvəni
kəsmişdilər. Buna görə də, axırıncı nəfərlərinə kimi həlak edilmişdilər.
Hələ bundan da əvvəl Fövqəluca Nuhun (ə) qəbilədaşlarını da zalımlıqlarına
görə və bütün digər xalqlardan daha artıq itaətsizlik göstərdikləri üçün
daşqınla suda boğub məhv etmişdi.
ﭿ ﮀ ﮁ ﮂ ﮃ ﮄ
ﮅ
(53. 53) “Şəhərlərini[14] alt-üst edib,
dağıtdığını”;
(53. 54)
“Örtdükləri ilə onları örtdüyünü».[15]
Allah Lut
peyğəmbərin (ə) xalqının yaşadığı şəhərləri məhv etdi. O (Pak və Müqəddəs),
onların üstünə elə bir cəza göndərdi ki, o vaxtadək heç bir başqa
xalqa nəsib olmamışdı: onların yaşayış məntəqələri alt-üst edildikdən sonra,
onlara qurudulmuş gildən kəsəklər yağdırılmışdı. Onları elə bir əzabverici cəza
çulğamışdı ki, onu hətta təsvir etmək belə mümkün deyil.
ﮆ ﮇ ﮈ ﮉ ﮊ
(53. 55) “Sən
Rəbbinin hansı nemətlərinə şübhə edirsən?”
Allahın
bütün nemətləri sənin gözünün qabağındadır və onlara şübhə etmək olmaz. Səndə
və digər qullarımda olan hər şeyə görə siz Tək Ona borclusunuz və yalnız O (Pak
və Müqəddəs), sizi müsibətlərdən və cəzadan xilas edə bilər.
ﮋ ﮌ ﮍ ﮎ ﮏ ﮐ
(53. 56) “Bu
da əvvəlki nəsihətçilər kimi bir nəsihətçidir”.
Abdullahın oğlu, Haşimin nəsli, Qureyş qəbiləsinin nümayəndəsi – Muhəmməd
Peyğəmbər (ona Allahın salavatı və salamı olsun!) elçilərdən birincisi
deyildi. Ondan (s.ə.s.) əvvəl də insanlara elçilər göndərilirdi və onlar da
onun (s.ə.s.) təbliğ etdiyini təbliğ edirdilər. Onun (s.ə.s.) təlimində sizə
xoş gəlməyən nədir? Onun xütbələrində hansı nöqsanları tapmısınız? Məgər o (s.ə.s.)
sizə xeyirxahlığı öyrətmirmi və sizi şərdən çəkindirmirmi? Məgər o (s.ə.s.)
sizə Müdrik və Həmdəlayiq Rəbbin nazil etdiyi, yalan və uydurmalara heç bir
aidiyyəti olmayan Kəramətli Quranı oxumurmu? Məgər Allah alicənab elçiləri
(onlara salam olsun!) inkar edən sizdən əvvəlkiləri məhv etməmişdimi? Əgər
bu belədirsə, bəs onda Muhəmməd Peyğəmbəri, bütün elçilərin ağasını və bütün
təqvalı möminlərin rəhbərini (ona Allahın salavatı və salamı olsun!) inkar
edən günahkarları Allahın cəzasından nə xilas edə bilər?
ﮑ ﮒ ﮓ ﮔ ﮕ ﮖ ﮗ ﮘ ﮙ ﮚ
(53. 57)
“Yaxınlaşmaqda olan[16] yaxınlaşmışdır”
(53. 58) “və
Allahdan başqa, kimsə onun qarşısını ala bilməz».
Qiyamət
gününün başlanacağı müddət yaxındır və artıq onun əlamətləri özünü göstərməkdədir.
O başladıqda isə heç kim kafirləri vəd edilən cəzadan xilas etməyəcəkdir.
Sonra Fövqəluca,
Muhəmmədin (ona Allahın salavatı və salamı olsun!) peyğəmbərliyini və gətirdiyi
Mübarək Quranı inkar edən kafirləri təhdid edir:
ﮛ ﮜ ﮝ ﮞ ﮟ ﮠ ﮡ ﮢ ﮣ ﮤ ﮥ
ﮦ
(53. 59)
“Doğrudanmı siz bu hekayətə təəccüb edir”,
(53. 60)
“gülürsünüz, ancaq ağlamayıb”,
(53. 61) “əylənirsiniz?”
Doğrudanmı siz bütün Kitablardan ən gözəli, ən yaxşısı və ən şərəflisi
olanı inanılmaz adlandırmağa cəsarət edirsiniz? Doğrudanmı siz elə fikirləşirsiniz
ki, onun nazil edilməsi mümkün deyil?
Müşriklərin
davranışı onların nadanlığının, azğınlığının və inadkarlığının nəticəsi idi, əks
halda onlar hər sözü haqqın özü olan hekayətdən üz döndərməzdilər.
Ey insanlar!
Bu, nə zarafatdır, nə də əyləncə. Bu, Böyük Qurandır. Əgər Allah onu qüdrətli
dağlara nazil etsəydi, onlar Onun qarşısında qorxudan parça-parça olub
dağılardılar. O sizin ağlınızı daha kamil, sizin sözlərinizi isə daha hikmətli,
sizin baxışlarınızı daha düzgün, sizin əməllərinizi daha qəti, imanınızı
və etiqadınızı daha güclü edə bilərdi. Buna görə, bu Qurana təəccüb etməyin,
ona təəccüb edənlərin düşüncəsizliyinə, axmaqlığına və azğınlığına heyrət
edin!
Siz Quran və
onun ayələrinə məsxərə edir və gülürsünüz. Amma əgər siz hikmətli Quran
qadağalarına və hökümlərinə qulaq assanız və onun gözəl nəsihətləri və gerçək
hekayətləri üzərində düşünsəniz, bu ayələrin ürəkləri neçə fəth etdiyini, qəlbi
əsir aldığını və gözlərdən yaş çıxartdığını görərsiniz.
Siz Qurana laqeyd yanaşırsınız və onun mənaları üzərində düşünmürsünüz
və bu sizin fərasətsizliyinizə və etiqadınızın nöqsanlılığına dəlalət edir.
Əgər siz Allaha ibadət etsəydiniz və Onun razılığını qazanmağa can
atsaydınız, onda hər bir sağlam düşüncəli insanın nifrət bəslədiyi belə
bir acınacaqlı vəziyyətə düşməzdiniz.
ﮧ ﮨ ﮩ ﮪ ﮫ
(53. 62)
“Allaha səcdə qılın və ibadət edin!”
İbadət – elə bir anlayışdır ki, Allahın sevdiyi və onlardan razı qaldığı
bütün sözləri və bütün aşkar və ya gizli əməlləri özündə ehtiva edir. Allah,
ibadət ayinlərinin hamısından səcdəni xüsusilə ayırmışdır ki, bu da onun
faydası və üstünlüyünü təsdiq edir. Səcdə bütün ibadətin əsrarəngizliyi və
mahiyyətidir, çünki onlar Allah qarşısında qorxu və sitayişi təcəssüm etdirir.
İnsan səcdəyə qapanaraq, qəlbi və vücudu ilə Onun hüzurunda mütiləşir və bədəninin
ən şərəfli hissəsini Onun Ayağı səviyyəsində itaətkarlıqla endirir.
[1] Hətta müsəlmanlar arasında elələrinə rast gəlmək olur ki, onlar
yalnız Quranı əsas götürdüklərini və hədisləri ciddi qəbul etmədiklərini bəyan
edirlər. Birincisi, bu və buna bənzər digər ayələr belə şəkkaklara kifayət etməlidir
ki, onlar yanıldıqlarını dərk və etiraf etsinlər. İkincisi, Peyğəmbərin (s.ə.s)
hədislərinə şübhə ilə yanaşanlar belə hallarda bir çox həqiqətləri unudurlar və
yada salmaq istəmirlər ki, axı Kəramətli Quran da Peyğəmbərin (s.ə.s) vasitəsilə
bəşəriyyətə çatdırılmışdır. Onun (s.ə.s) hədislərinə şübhə ilə yanaşanın
Qurana münasibəti necə ola bilər? Üçüncüsü, şəkkakların bəziləri, həqiqətən də,
dünyəvi elm sahələrində yüksək təhsilə, savada və dərəcələrə malik olmalarına
baxmayaraq, belə düşüncə sahibidirlərsə, onda belələrini iman sahibi
adlandırmaq çətin işdir. Mən şəxsən belə bir elm adamı tanıyırdım. Elmlər
doktoru, professor idi. Ölkəmizin ali təhsil ocaqlarının birində vəzifə sahibiydi.
O deyirdi ki, yalnız Quranı əsas tutur və hədislərə etibar etmir. Təəssüflər
olsun ki, sonralar mən onu namazlarda görə bilmədiyimə görə, haqqı ona izah
etmək imkanına malik olmadım. Belə insanların belə yanlış baxışları, onların
çox vaxt hədis ötürücüləri olan Peyğəmbər səhabələrinə və hədis ravilərinə
olan münasibətləri ilə izah oluna bilərsə də, əksər hallarda bu, onların
İslamı tam səmimiyyətlə qəbul etməməsindən irəli gəlir. F.S.
[2] Quranın 61-ci (Səff)
surəsinin 6-ci ayəsində Muhəmməd Peyğəmbərin (s.ə.s.) gələcəyi haqqında belə
deyilir: “Bir dəfə Məryəm oğlu İsa dedi: “Ey İsrail oğulları! Həqiqətən, mən
– Allahın sizə göndərdiyi elçisiyəm, mənə qədər nazil edilən Tövratın
doğruluğunu təsdiq edirəm və məndən sonra gələcək, adı Əhməd olacaq Elçi ilə
sizi müjdələyirəm” – demişdi...”. Quran, gördüyümüz kimi, İsa peyğəmbərin
(ə) islam Peyğəmbəri Muhəmmədin (Əhmədin) (ona Allahın salavatı və salamı
olsun!) gələcəyini müjdələdiyini bildirmişdir. Bax: “Kuran Heç Tükənməyən Möcüzə”,
2005, İstanbul, səh. 250. F.S.
[3] “Məkan” kimi redaktə etdiyim – الْمَاْوٰى (əl-məva) sözü lüğətdə: “məkan” (sığınacaq, daldalanacaq)
mənalarını verir. Ayənin rus mətnində ifadə: “Сад пристанища” (“Sığınacaq bağı”)
kimi verilmişdir. F.S.
[4] Bu ayələrdən (53/12-15)
və Təfsirin müəllifinin gəldiyi nəticələrdən bir daha açıq-aydın bəlli olur ki,
Fövqəlqüdrət Sahibi Allah hər şeyə qadirdir və insanın təsəvvürünə gətirə bilmədiyi
və ona möcüzə kimi görünən gerçəkliklər yaratmaq hüdudsuzluğuna malikdir. Təfsirin
mətnindən göründüyü kimi, Allah Cənnəti yerin və yeddi göyün üzərində xəlq
etmişdir. Düzdür, bu yaradılışın hansı ilahi qanunlara əsaslandığını
bilmirik və öz bəşər təfəkkürümüzə uyğun mühakimə yürüdərək, iman sahibi
deyiliksə, düşünə bilərik ki, “fəza” boşluğunda nə və necə yaratmaq olar və bu
yaradılan obyekt (lər) nəyə istinad edib dayana, dura, qala, sallana (və s.)
bilərlər. Bu düşüncə insanın yalnız fiziki qanunlardan başqa qanunları təsəvvür
etməməsi və ya etmək istəməməsi ilə bağlıdır. Təfsirdə Allahın dənizlərin gün
ərzində dəfələrlə qalxıb əraziləri su altında qoymaq istəməsindən, Allahın isə
buna icazə verməməsindən nümunə gətirilir. Fiziki düşüncə sahibi, bu misala
da şəkk-şübhə ilə yanaşa bilər: Allah necə edir ki, dənizlər Onun sözünə
baxıb, qalxmır insanların yaşadığı quru əraziləri su altında qoymur? Əslində,
bu düşüncə, həqiqətən də, naqis düşüncədir. Çünki Allahın fövqəlqüdrəti və
digər ecazkar sifətləri haqqında oxuyub məlumatlanan və iman sahibi olanlar
bilirlər ki, doğrudan da, O – hüdudsuz fövqəlqüdrət və hikmət Sahibidir və
Onun Elmi, insanların təsəvvür edə bilməyəcəyi misilsiz qanunlardan ibarətdir.
Bu gün, möhtərəm oxucu, ola bilsin ki, televerilişlərin heç bir ekrandan
istifadə edilmədən açıq havada nümayiş etdirilməsinə möcüzə kimi baxar.
Lakin bu bir gerçəklikdir və vaxtı çatdıqda Müdrik Allah onu da bəşəriyyətə
verə bilər və bir çox buna bənzər “möcüzələri” də. Amma bəs bu və buna bənzər
elmi-texniki yeniliklər hansı prinsiplərə əsaslanır? Əlbəttə, əgər Allah belə
yenilikləri insana təlqin edirsə, ona onun sirlərinin cizgilərini də təlqin
etmiş olur ki, mütəxəssislər bunu öz “kəşfləri” kimi göstərib, müəlliflik
hüququ sahibləri olurlar. Son iki-üç yüz il ərzində bəşəriyyət çoxlu
elmi-texniki yeniliklərə nail olmuşdur və heç kim etiraf etmək istəmir ki, bu
kəşflərin insan ağlına özbaşına gələ bilməsi mümkün olmayan, yalnız Allahın Qədəri
əsasında gerçəkləşdirilən ilahi təlqinlərdir. Eləcə də, Allahın Cənnəti yerin və
göylərin fövqündə yaratması Onun Öz əsrarəngiz Qanunlarına əsaslanır. Axı, ey əziz
oxucu! Təsəvvür et və təəccüblənmə ki, elə bizim dünyamız da, Kainatımız da,
Qalaktikamız da (və s. də...) fəza boşluğundadır və daima nizam-intizam içində
hərəkət edir. Məgər bu sizi təəccübləndirməlidir? Sağlam düşüncəlilər bu
gerçəklikləri qravitasiya, cazibə və sair qanunauyğunluqlarla əlaqələndirib,
düzgün nəticə çıxarırlar. Lakin yuxarıda qeyd edildi ki, Allahın belə ilahi
qanunları hədsizdir. Bütün bu düşüncələrin Allaha, Onun Quranına və peyğəmbərlərinə
bəslənən imandan qaynaqlandığını insan anladıqda, həyatı dərk etməsi və Axirətə
hazırlaşması da asanlaşır. Bu qeydimdə mən təkcə Cənnət barədə deyil, digər
az-çox bənzər məxluqların, yəni, Rəbbin digər dəlillərinin də varlığı, var ola
biləcəyini oxucunun yadına salmaq istədim. Həmd olsun Fövqəlqüdrət Sahibinə, mərhəməti
ilə insana bu bilikləri aşıladığına görə! F.S.
[5] Əməl. F.S.
[6] Həm də Onun Elçisi Muhəmməd Peyğəmbərin (s.ə.s)
səhih hədisləri ilə. F.S.
[7]“ Cənnət” nəzərdə tutulur. F.S.
[9] Lakin Allah günahkar
insanları və xalqları, onların Ana Kitabda yazılmış qədərinə uyğun olaraq, bu
dünyada da kifayət qədər sərt və amansızlıqla cəzalandırır. Bu cəzalandırılmaların
ibrətamiz nümunələri bu Təfsirin çoxsaylı ayələrinin şərhində (Ad, Səmud və
s. xalqlar) açıq-aşkar verilmişdir. Allah tamamilə azğınlığa və küfrə
yuvarlanmış bütöv xalqları və məmləkətləri yerli-dibli məhv etmiş və tarix səhnəsindən
silib atmışdır. Ayrı-ayrı ifrat dərəcədə günahkar xalqların, məmləkətlərin və
cəmiyyətlərin cəzalandırılması sonrakı dövrlərdə davam etmiş və bizim zəmanəmizdə
də Onun ədalətli Qəzəbinin nəticələri özünü göstərməkdədir. Ermənilərin müttəfiqləri
ilə Azərbaycana qarşı apardıqları haqsız müharibədə o ölkənin ərazisində baş verən
müdhiş zəlzələ, digər ölkələrdə, qitələrdə baş verən sarsıdıcı su basqınları, zəlzələlər
və digər “təbii”, seysmik proseslər adlandırdığımız fəlakətlər məgər
özü-özbaşınamı baş verir? Bütün bu bəlalar yalnız insanlarla bağlı olur, onların
həlakına və yaşayıq yerlərinin dağıntısına səbəb olur. Deməli, yerdə, göylərdə,
bütün Kainatda hər şeyi İdarəedənin Allah olduğunu bildiyimiz halda, bu fəlakətlərin
Onun xəbəri olmadan baş verə biləcəyini müsəlman qəbul edə bilərmi? Əlbəttə
yox! Həmd olsun Allaha! O (Pak və Müqəddəs) günahkarların cəzasını elə bu dünyada
da, bizim gözümüzün qarşısında da verməkdədir. F.S.
[11] Allah səmimiyyətlə qorxanları. F.S.
[12] Öldükdən sonra basdırılmayanların
isə cəsədlərinin düşüb qaldığı yerlərdən dirildəcəkdir. Hər şeyə şübhə ilə
yanaşan insanlar üçün izah etmək yerinə düşər ki, burada belə bir qeyd də edim:
Allahın insanı fasiləsiz müşahidəsi altında saxlaması gerçəkliyinə müvafiq
olaraq, insanın bu dünyada ölümündən sonra, harada basdırılması, meyidinin
harada düşüb qalması bütün incəlikləri ilə ilahi dərgahında ən dəqiq
koordinatları ilə qeydə alınır və Qiyamət günü onların axtarılıb tapılmasına
ehtiyac qalmır. Onların dirildilməsinə yalnız bir ləhzə lazım olacaq – o da
Allahın verəcəyi əmridir. Bu, surun çalınması ilə gerçəkləşdiriləcəkdir. F.S.
[13] Ərəbcə: الشِّعْرٰى (Şira) adlanan bu ulduz ana dilimizdə “Sirius” adlanır. Təbii
ki, müxtəlif dillərdə Siriusun digər adları da vardır. F.S.
[14] Lut peyğəmbərin (ə) xalqının şəhərləri nəzərdə
tutulur. F.S.
[15] Qeyd etməliyəm
ki, bu surənin 36-cı ayəsindən başlayaraq (“Məgər
ona xəbər verilməmişdi Musanın səhifələrindəkilər və vəfalı İbrahiminkilər?”) 56-cı ayəyədək
Allah qoyduğu sualı izah edir və bunlar İbrahim (ə) ilə Musanın (ə) səhifələrində
olan nəsihətlərdir. Buna görə həmin ayələrin sonluğunun tərtibatı, müşahidə
etdiyiniz kimi, İmam Kurtubinin “Əl-Camiu li-Əhkamil-Kuran” adlı təfsirinə
müvafiq verilmişdir. F.S.
[16] Qiyamət günü nəzərdə tutulur. F.S.
Комментариев нет:
Отправить комментарий