\£
SAD
SURƏSİNİN
ŞƏRHİ
ﭑ ﭒ ﭓ
ﭔ
Mərhəmətli və Rəhmli Allahın adı ilə!
ﭑﭒ ﭓ ﭔ ﭕ ﭖ
(38. 1)
“Sad[1]. Zikrdən ibarət Qurana
and olsun!”
Fövqəluca Şərəfli
Quranın əzəmətini təsdiqləyərək, kafirlərin bu Kitaba və Allahın elçisinə, yəni,
onu təbliğ edən Elçiyə (ona Allahın salavatı və salamı olsun!) göstərdikləri
münasibəti izah edir. Fövqəluca Allah nəsihət verən Qurana and içərək, qullara
onların son dərəcə möhtac olduqları Allahın elmini açan Kitabın qiymətli və əhəmiyyətliliyini
vurğulayır. Bu – Allahın gözəl adları və Onun tərifəlayiq əməlləri haqqında
biliklər, Onun dininin qanunları və hökmləri haqqında biliklər və həmçinin Axirət
həyatı və ədalətli əvəz qanunları haqqındadır. Buna görə, biz deyə bilərik ki,
Quran nəsihət verən və İslam dininin əsas və fərdi məsələləri haqqında
xatırlatmadır.
Fövqəluca Şərəfli
Qurana and içmişdir, lakin O (Pak və Müqəddəs) bu andı niyə içdiyini qeyd
etmir. Bu isə o deməkdir ki, Şərəfli Qurana and içmə bu Kitabın böyüklüyünü və əhəmiyyətini
xüsusi ilə vurğulamaq üçündür. Ona ən gözəl məziyyətlər və ən şərəfli adlar məxsus
edilmişdir və təkcə bu ona dəlalət edir ki, Allahın qulları onu dərk etməyə necə
böyük ehtiyac duyurlar. Hər bir insan ona iman gətirməli və hər bir insan onun
nəsihətlərinə və xatırlatmalarına qulaq asmalıdır.
ﭗ ﭘ ﭙ ﭚ ﭛ ﭜ ﭝ
(38. 2)
“Lakin iman gətirməyənlər təkəbbür və nifaq içindədirlər”.
Allahın
doğru yola yönəltdiyi möminlər Quranın ehkamlarına səylə itaət edirlər, kafirlər
isə Qurana iman gətirməkdən və Muhəmməd Peyğəmbərə (ona Allahın salavatı və salamı
olsun!) tabe olmaqdan boyun qaçırırlar. Onların başı təkəbbürlə və itaətsizliklə
qarışmışdır, yəni, lovğalıqları üzündən Qurana inanmır, onu inkar edir və həm
də onu uydurma olmaqda ifşa etməyə və ona iman gətirənləri ləkələməyə cəhd
göstərirlər.
ﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭨ
(38. 3) “Biz
onlardan əvvəl neçə-neçə nəsillər həlak etmişik! Onlar bərk yalvarırdılar,
lakin artıq yayınıb xilas olmaq geç idi”.
Allah
kafirləri sərt cəzalandıracağı ilə təhdid edir və elçiləri inkar edən onlardan əvvəlki
günahkarların nəsillərini necə məhv etdiyini onların yadına salır. Hər dəfə
Allahın cəzası xalqlardan birini haqlayanda, kafirlər Allaha müraciət edərdilər
və Ona yalvarardılar ki, onları cəzadan xilas etsin, lakin bu zamang amansız cəzadan
xilas olmaq və böyük bəladan qurtulmaq imkanı artıq qalmamış olurdu. Ey
günahkarlar! Təkəbbürünüzdən və itaətsizliyinizdən özünüzü gözləyin ki, sələflərinizin
başına gələnlər sizin də başınıza gəlməsin.
ﭩ ﭪ ﭫ ﭬ ﭭﭮ ﭯ ﭰ ﭱ ﭲ ﭳ ﭴ
(38. 4) “Kafirlər
özlərindən onlara xəbərdarlıq edən bir nəsihətçi gəlməsinə təəccüblənib,
dedilər: “Bu – yalançı sehrbazdır!”
Kafirlər,
insanın qətiyyən təəccüblənməməli olduğu bir şeyə təəccüblənirdilər. Onların
yanına öz aralarından çıxmış bir nəsihətçi gəlmişdi. O, onların qəbilədaşı və
uzun illər boyu onlarla görüşmək və onları yaxından tanımaq imkanına malik
olan bir insan idi. Nə qısqanclıq, nə təkəbbür, nə öz xalqına hədsiz məhəbbət
onlara Allahın elçisinin (ə) ardınca getməyə maneə olmurdu. Bütün bunlar, bir
qayda olaraq, insanları öz Rəbbinə şükür etməyə və ona (ə) ən mükəmməl şəkildə
itaət etməyə sövq etməlidir. Lakin kafirlər əksinə rəftar edirlər. Onlar
Allahın Elçisinin (ona Allahın salavatı və salamı olsun!) gəlişinə təəccüblənərək,
onu (s.ə.s.) qəbul etmədilər. Bundan əlavə, onlar onu (s.ə.s.) sehrbaz və
yalançı adlandırdılar ki, bu da onların kafirliyinə və zalımlığına dəlalət
edirdi.
ﭵ ﭶ ﭷ ﭸﭹ ﭺ ﭻ ﭼ ﭽ ﭾ
(38. 5) “Məgər
o, allahları Vahid Allahami çevirmişdir? Doğrudan da, bu – qəribə bir şeydir!”
Onlar onu
(s.ə.s.), bir çox uydurma ilahlardan onları əl çəkməyə və səmimiyyətlə Vahid
Allaha ibadət etməyə çağırdığına görə günahlandırırdılar. Onlar Allahın təlimini
təəccüblü adlandırırdılar, onu yalan və səhv sayırdılar.
ﭿ ﮀ ﮁ ﮂ ﮃ ﮄ ﮅ ﮆﮇ ﮈ ﮉ ﮊ
ﮋ ﮌ
(38. 6)
“Onların zadəganları: “Gedin və ilahlarınıza görə səbir edin. Doğrusu, bu
arzuedilən bir şeydir” – deyərək uzaqlaşdılar”.
Qəbilədaşlarının
rəylərinə qulaq asdıqları ağsaqqaları xalqı, uzun əsrlər boyu etiqad bəslədikləri
bütpərəstlikdən əl çəkməməyə çağırdılar. Onlar öz qəbilədaşlarına belə
tapşırdılar: “Öz bütlərinizə ibadəti davam etdirin. Səbirli olun və səy göstərin
ki, heç kim sizi atalarınızın yolundan döndərməyə nail ola bilməsin. Muhəmməd
sizi öz ilahlarınıza ibadət etməkdən çəkindirməyə çağırır, lakin o bunu xoş
niyyətlə etmir. O, özünün məkrli məqsədinə çatmağa çalışır, siz isə ona bunu
etməyə yol verməməlisiniz”. Məkkə zadəganları bu sözlərlə qəbilədaşlarını öz tərəflərinə
çəkməyə cəhd göstərirdilər, lakin hər bir ağıllı insana aydın idi ki, onların əsassız
iddiaları yalnız axmaqlara və kəmağıllara ağıllı və inandırıcı görünə bilərdi.
İnsanın haqqı və ya batili inkar etməsinə cəhd göstərməsindən asılı olmayaraq,
o öz tərəf müqabilini onun niyyətinə görə qınamamalıdır, çünki hər bir insanın
niyyəti və əməli onun öz şəxsi işidir. İnsan bu və ya digər baxışları rədd edərkən,
onların yanlışlığını və yalan olmasını inandırıcı dəlillər və təkzibolunmaz
sübutlar sayəsində ifşa etməlidir. Lakin müşriklər belə dəlillərə malik
deyildilər və buna görə onlar iddia edirdilər ki, Muhəmməd (ona Allahın
salavatı və salamı olsun!) öz dinini şöhrət qazanmaq və insanları öz tərəfinə cəlb
etmək məqsədi ilə təbliğ edir.
ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ
(38. 7)
“Biz axırıncı ümmətdən bu barədə eşitməmişik. Bu – uydurma bir şeydir”.
Biz eşitməmişik
ki, atalarımız Muhəmmədin təbliğ etdiyi barədə bizə bir şey desinlər. Elə
atalarımız da öz əcdadlarından bu barədə bir şey eşitməmişlər. Ata və
babalarınızın ibadət etdiklərinə ibadətinizi davam etdirin, çünki onlar ən düz
yolla gedirdilər, Muhəmmədin dəvət etdiyi hər şey isə yalnız uydurma və
iftiradır.
Bu –
müşriklərin “dəlillərindən” daha biri idi, lakin o, əvvəlkilər kimi, əsassızdı.
Onlar haqqa qarşı qətiyyən duruş gətirməyə qadir olmayan “dəlillərə” söykənərək,
onu təkzib etməyə cəhd göstərirdilər. Allahın Elçisinin (ona Allahın salavatı və
salamı olsun!) sözləri onların yolunu azmış atalarının dediklərinə uyğun gəlmirdi.
Amma məgər bu onun yalan və uydurma olmasına dəlalət edirmi?
ﮘ ﮙ ﮚ ﮛ ﮜﮝ ﮞ ﮟ ﮠ ﮡ ﮢ ﮣﮤ
ﮥ ﮦ ﮧ ﮨ ﮩ
(38. 8) “Zikr
bizim aramızda niyə ona nazil edilib? Doğrusu, onlar Mənim Zikrimə şübhə edirlər.
Daha doğrusu, onlar hələ əzabımı dadmayıblar”.
O (s.ə.s.),
bizdən nəyi ilə üstündür və niyə Allah vəhyi məhz ona (s.ə.s.) nazil etmişdir?
Bu iddia Muhəmmədin (ona Allahın salavatı və salamı olsun!) peyğəmbərliyinin əleyhinə
inandırıcı bir dəlil olması baxımından çox şübhə doğurucudur. Allahın elçiləri
(onlara salam olsun!) Allahın onları yalnız Öz vəhyi ilə şərəfləndirməsi və
Öz dininin təbliğatçıları etməsi ilə digər adamlardan fərqlənirdilər. Müşriklərin
mənasız və əsassız etirazlarına gəldikdə isə, bunların səbəbi onların Allahın
nazil etdiyi Vəhyin gerçəkliyinə şübhə etmələrindədir. Onların mükəmməl
bilikləri və heç bir sübutları yoxdur.
Kafirlər
bütün zamanlarda şübhə və inamsızlıq içində olmuşlar. Lakin onlar öz vəziyyətlərindən
razıdırlar və buna görə də, açıq-aşkar haqq onlara aydın olduqda, onlar o saat
öz şübhəli baxışlarını müdafiə etməyə can atırlar. Onlar boşboğazlıq etməyə
başlayır və hətta haqqı təkzib etməyə cəhd göstərirlər, lakin bu zaman onları hərəkətə
gətirən haqlı olmalarına qəti əmin olmaları deyil, onların xeyrinə olmayan bir
şeyi yalana çıxartmaq istəyidir.
Belə
yaramaz keyfiyyətlərə malik olan insanlar, digər ağıllı insanların təqdir etmədikləri,
öz şübhəli inanclarını inadcıllıqla müdafiə edirlər. Axı haqqa iftira atmağa
yönəlməkdən də daha yaramaz bir şey nə ola bilər? Belə kobud hərəkətlər etməyə
cəsarət göstərən fasiqlər hamının nifrətinə və qınağına layiqdirlər və buna
görə Fövqəluca Allah onları cəzalandıracağı ilə təhdid edir. Onlar fani dünya
nemətlərindən zövq aldıqca, belə kobud ədəbsizliyə cəsarət edirlər. Əzab-əziyyətli
cəza hələ onlara toxunmamışdır. Əgər bu baş versəydi, onda onlar öz yaramaz əməllərini
törətməyə cəsarət etməzdilər.
ﮪ ﮫ ﮬ ﮭ ﮮ ﮯ ﮰ ﮱ
(38. 9) “Yoxsa
Fövqəlqüdrətli və Bəxşedən Rəbbinin rəhmət xəzinələri onların yanındadır?”
Bəlkə,
onlar Rəbbinin xəzinələrinə malik olduqlarına və Onun saysız-hesabsız
varidatına sərəncam çəkdiklərinə görə buna cəsarət edirlər? Əgər bu belə
deyilsə, onda niyə bəs deyirlər: “Doğrudanmı bizim aramızda təkcə o, ona vəhy
nazil olunmasına layiqdir?” Onların sözləri ədalətsizdir, çünki yalnız Fövqəluca
Allah Öz Rəhminə və Öz nemətlərinə Sərəncamçəkəndir. Müşriklər heç bir
hakimiyyətə malik deyillər və Ona kobudluq etmək haqları yoxdur.
ﯓ ﯔ ﯕ ﯖ ﯗ ﯘ ﯙﯚ ﯛ ﯜ ﯝ ﯞ
(38. 10)
“Yoxsa göylərin, yerin və onların arasındakılarının üzərində hakimiyyət onlara
məxsusdur? Qoy onlar öz səbəbləri ilə göyə yüksəlsinlər”.
Məgər göylər,
yer, onların arasınakılar üzərində hakimiyyət onlara məxsusdur? Əgər bu
belə olsaydı, onlar istədiklərini edə bilərdilər. Qoy onda onlar özləri səmalara
yüksəlsinlər və Allahın Elçisini (ona Allahın salavatı və salamı olsun!) Onun mərhəmətindən
məhrum etsinlər. Əlbəttə ki, onlar bunu etmək iqtidarında deyillər. Bəs onda
niyə bu köməksiz və zəif məxluqlar belə qaba sözlər danışmağa cəsarət edirlər?!
Məsələ ondadır ki, onlar öz həmfikirləri ilə birləşmək və yalanı bəyan etmək
üçün haqqa qarşı mübarizəyə başlamaq istəyirlər.
ﯟ ﯠ ﯡ ﯢ ﯣ ﯤ ﯥ
(38. 11) “Bu qoşunlar da əvvəlkilər kimi məğlub ediləcək”.
Lakin onlar heç vaxt qarşıya qoyduqları məqsədlərinə nail ola bilməyəcəklər.
Onların cəhdləri əbəs olacaqdır və onların qoşunları da məğlub ediləcək. Neçə-neçə
xalqlar Allahın elçilərinə (onlara salamı olsun!) qarşı çıxmışdılar və
onların hamısı məğlub və həlak edilmişdir. Muhəmməd Peyğəmbərlə (ona Allahın
salavatı və salamı olsun!) düşmənçilik edən kafirləri də eyni aqibət gözləyir.
(38. 12) “Onlaradək,
Nuhun xalqı, adlar və payalar sahibi[2] Firon da yalançı
saymışdı”,
(38. 13) “səmudlular,
Lutun xalqı və Əykənin əhalisi də. Bunlar bir partiyadandılar”.
(38. 14) “Onların
hamısı elçiləri yalançı saydılar və aqibətləri gerçəkləşdi”.
Fövqəluca
kafirləri onlardan əvvəlki xalqların cəzalandırılması barədə xəbərdar edir.
Onlar bizim günlərin müşriklərindən daha güclü, qüdrətli və yekdil idilər,
lakin bu onları amansız cəzadan xilas edə bilmədi. Süquta uğradılmış xalqlar
arasında – Nuh və Hud peyğəmbərlərin (onlara salam olsun!) xalqları və həm də
payalar sahibi Fironun (L) xalqı var idi. Firon (L) bu ləqəbi çox böyük sayda
qoşunlara və müdhiş qüvvəyə malik olduğuna görə almışdı. Bu qismət Saleh və
Lut peyğəmbərlərin (onlara salam olsun!) xalqlarına və həmçinin sıx ağaclı
baxça və bağları olan xalqa[3]
da nəsib olmuşdu. Şueyb peyğəmbərin (ə) qəbilədaşları çox qalın meşəliklərə
və gözəl bağlara sahib idilər və buna görə Fövqəluca Allah onların yaşayış məntəqəsini
Əykə[4]
adlandırmışdır. Bu xalqlar öz elçilərini qəbul etməmişdilər və onların hamısı
bir-biri ilə həmrəy olmuşlar. Onlar öz cəhdlərini birləşdirmişdilər ki, haqqı
təkzib etsinlər, lakin bu onlara heç bir fayda vermədi. Onlar bu cəzaya layiq edilmişdilər
və heç kim baş verməli olanın qabağını ala bilməzdi.
ﰀ ﰁ ﰂ ﰃ ﰄ ﰅ ﰆ ﰇ ﰈ ﰉﰊ
(38. 15)
“Onlar əsla gecikməyəcək bir Səsdən başqa heç nə gözləməməlidirlər!”
Həmin saat
başlayan kimi, mütləq kafirləri haqlayacaq və heç kim onları həlak olmaqdan
xilas edə bilməyəcəkdir. İman gətirməkdən və haqqa itaət etməkdən inadla boyun
qaçıranların hər birini yalnız belə sonluq gözləyir.
ﰋ ﰌ ﰍ ﰎ ﰏ ﰐ ﰑ ﰒ ﰓ
(38. 16) “Onlar
dedilər: “Ey Rəbbimiz! Haqq-hesab günündən əvvəl qismətimizi bizə tez ver”.
Fasiqlər bu
dünyada cəzalandırılmalarını tezləşdirməyi xahiş edirlər. Onlar özlərinin cəzalandırılması
üçün Allahı tələsdirirlər və bu onların nadanlığına, haqqa nifrət bəslədiklərinə
dəlalət edir.
ﭑﭒﭓﭔﭕﭖﭗﭘﭙﭚﭛ ﭜﭝ
(38. 17) “Onların
dediklərinə səbir et və Bizim qüvvətli qulumuz Davudu xatırla! O, həqiqətən,
həmişə dua edərdi”[5].
Ey Muhəmməd!
Müşriklər haqlı olduqlarında israr edir və iddia edirlər ki, əgər sən doğruçu
olsaydın, cəza onları mütləq haqlayardı. Onların danışıqlarına səbirlə yanaş və
öz alicənab sələflərindən nümunə götür. Sənin düşmənlərin haqqı təkzib etməyə
nayil ola bilməyəcəklər və onların kinli sözləri sənə heç bir zərər
vurmayacaq. Onlar yalnız özlərinə pislik edəcəklər.
Allah Muhəmməd
Peyğəmbərə (ona Allahın salavatı və salamı olsun!) çətinlikər zamanı nəinki mətin
və səbirli olmağı buyurmuş, həm də yalnız Vahid Allaha səbirlə ibadət etməyi və
Onun səmimi qullarının xeyirxah əməllərini xatırlamağı əmr etmişdi. Allah
buyurur: “Onların dediklərinə səbirlə döz və günəşin tülu etməsindən öncə
və qürubundan əvvəl Rəbbini həmd ilə şərəfləndir”[6] (Qaf, 50/39).
Allahın ən
şərəfli qullarından biri və qüvvətli peyğəmbər olan Davud (ə) idi. Onun (ə)
qüvvəti böyük fiziki və mənəvi gücə malik olmasındaydı və bu özünü Rəbbinə
böyük ciddiyyətlə ibadətdə göstərirdi. Davud (ə) bütün işlərində yalnız Ona
dua etməklə fərqlənirdi. O (ə) var qüvvəsi ilə yalnız Onu sevir, təkcə Ona pərəstiş
edir, yalnız Onun qəzəbindən qorxur, yalnız Onun yardımına təvəkkül edir, təkcə
Onun qarşısında təzim edir, müti olur və kömək üçün yalnız Ona dua ilə müraciət
edirdi. O (ə), xətaya yol verdikdə, Rəbbin qarşısında səmimiyyətlə tövbə edir
və törətdiyi nöqsanı bir də heç vaxt təkrarlamırdı.
ﭞ ﭟ ﭠ ﭡ ﭢ ﭣ ﭤ ﭥ ﭦ ﭧﭨ ﭩ
ﭪ ﭫ ﭬ
(38. 18) “Həqiqətən,
Bizi onunla birlikdə səhər-axşam mədh etsinlər deyə, Biz dağları ram etdik”
(38. 19) “və
bir yerə toplanmış quşları da. Hamısı da üzünü daima Ona çevirərdi”.
Allah Davud
peyğəmbəri (ə) itaətkarlığına və xalis ibadət etdiyinə görə mükafatlandırdı və
dağlarla quşlara əmr etdi ki, Davudla (ə) birlikdə günün əvvəlində və sonunda
Allahı tərifləyərək şöhrətləndirsinlər. “Ey dağlar və quşlar! Onunla birgə tərifləyin!”
(Səba, 34/10) – deyən Allahın iradəsinə dağlar və quşlar itaət etdilər. O (Pak
və Müqəddəs), səmimi qəlbdən gələn ibadətinə görə Davudu (ə) məhz belə təltif
etdi. Lakin bu, Onun Öz şərəfli peyğəmbərinə (ə) göstərdiyi yeganə neməti deyildi.
O (Pak və Müqəddəs) onun (ə) şan-şöhrətini böyük bir səltənət verməklə
ucaldaraq, belə buyurur:
ﭭ ﭮ ﭯ ﭰ ﭱ ﭲ ﭳ
(38. 20)
“Biz onun hakimiyyətini möhkəmləndirdik, ona müdriklik və haqq ilə batili
ayırmaq bacarığı əta etdik”.
Allah
Davudun (ə) hakimiyyətini çoxsaylı qoşunlar və onları yaxşı təchiz etməklə
gücləndirdi, onu peyğəmbərliklə şərəfləndirdi və ona dərin biliklər əta etdi
və həmçinin ona, çəkişən insanların mübahisəsini ədalətlə həll etməyi öyrətdi.
Davudun (ə) adilliyi və müdrikliyi xalqına yaxşı məlum idi. Lakin bir dəfə
Davudun (ə) qəlbinə bədxah bir fikir gəldi və onda Allah qərara aldı ki, ona (ə)
ibrət dərsi versin və bu məqsədlə onun (ə) yanına iki qasidini göndərdi. Onlar
onun (ə) yanında mübahisəyə başladılar. Davud (ə) öz səhvini başa düşüb, tövbə
etdi və Mərhəmətli Rəbb isə onun (ə) nöqsanlarını bağışladı.
Sonra, Fövqəluca
Muhəmməd Peyğəmbərə (ona Allahın salavatı və salamı olsun!) müraciət edərək,
belə buyurur:
ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ ﮀ ﮁ ﮂﮃ ﮄ ﮅ ﮆﮇ ﮈ ﮉ ﮊ ﮋ
ﮌ ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ
(38. 21) “Mübahisə
salıb, sonra da mehrabın divarından aşaraq, ora girənlər haqqında xəbər sənə
çatıbmı?”
(38. 22) “Onlar
Davudun yanına daxil olduqda, o, qorxdu. Onlar dedilər: “Qorxma, biz – iki nəfər
mübahisə edirik. Bizdən birimiz digərinə qarşı ədalətsiz davranmışdır. Bizim
aramızda ədalətlə hökm çıxart, zalım olma və bizə doğru yol göstər”.
Bu, Davud
peyğəmbərin (ə) ibadət etdiyi məbədin divarını aşaraq, Allahın iki elçisinin
ora daxil olması haqqında ecazkar bir hekayətdir. Onlar oraya daxil olmağa icazə
almamış, hətta dərvazadan da gəlməmişdilər. Buna görə bu hal Davudu (ə)
qorxuya salmışdı. Elçilər ona (ə) deyirlər ki, bir-biriləri ilə mübahisə edirlər
və onlardan biri digərinə qarşı zalımlıq etmişdir. Onlar haqqı axtardıqlarına
ümid bəslədiklərinə eyham vurdular. Bundan ötrü onlar əsil həqiqəti danışacaqlarına
söz verdilər və Davuddan (ə) xahiş etdilər ki, onların çəkişməsini ədalətlə həll
etsin. Alicənab peyğəmbər (ə) həmin çəkişənlərin onu ədalətli olmağa çağırdıqlarına
görə onları qınamadı və onların əhvalatını diqqətlə dinlədi.
ﮗ ﮘ ﮙ ﮚ ﮛ ﮜ ﮝ ﮞ ﮟ ﮠ ﮡ
ﮢ ﮣ ﮤ ﮥ ﮦ
(38. 23) “Həqiqətən,
bu, mənim qardaşımdır. Onun doxsan doqquz qoyunu, mənim isə cəmi bir qoyunum
var. O dedi ki: “Onu da mənə ver saxlayım!” və sözü ilə mənə üstün gəldi”.
Onlardan biri digərini öz qardaşı adlandırdı. O, onun doğma qardaşı və
ya din qardaşı, ya da ki, sadəcə yaxın bir dostu ola bilərdi. Bütün bunlar
onu göstərir ki, mübahisə edib çəkişən bu iki nəfər bir-birinə yaxın
adamlardılar və deməli, onlar bir-biriləri ilə ədalətsiz davranmamalıydılar.
Əgər onlardan biri öz qardaşı ilə ədalətsiz rəftar etmişdisə, onda o özünü çox
zalımcasına aparmışdır.
Sonra həmin
adam sözünə belə davam etdi: “Allah qardaşıma böyük bir nemət verərək, ona
doxsan doqquz zövcə bəxş etmişdi. O öz xoşbəxtliyi ilə qane olmalıydı, lakin
o, qərara aldı ki, hələ birini də alsın və indi də məndən xahiş edir ki, mən öz
yeganə zövcəmi ona güzəştə gedim. O, mübahisələrdə mənə üstün gəldi və az
qalmışdı ki, mənim zövcəmi də əlimdən alsın”.
ﮧ ﮨ ﮩ ﮪ ﮫ ﮬ ﮭﮮ ﮯ ﮰ ﮱ ﯓ
ﯔ ﯕ ﯖ ﯗ ﯘ ﯙ ﯚ ﯛ ﯜ ﯝ ﯞ ﯟﯠ ﯡ ﯢ ﯣ ﯤ ﯥ ﯦ ﯧ ﯨ ﯩ ﯪ ﯫ
(38. 24)
“Dedi: “And olsun ki, o, sənin bir qoyununu özünkülərinə qatmaq istəyi ilə
sənə qarşı zalımlıq etmişdir. Həqiqətən, mallarını bir-birinə qatan bir çox şəriklər,
iman gətirib, saleh işlər görənlər istisna olmaqla (lakin belələri çox azdır),
bir-birilərinə qarşı zalımcasına davranırlar”. Davud əmin oldu ki, Biz onu
sınayırıq və Rəbbindən onu bağışlamasını dilədi və səcdəyə qapılaraq, tövbə
etdi”.
Davud (ə) çəkişənlərdən
yalnız bir nəfərini dinləyərək, qərar qəbul etdi. Kimsə soruşa bilər ki, “Niyə
Davud peyğəmbər (ə) ikinci şikayətçini dinləmədən qərar qəbul etmişdir?” İş
orasındadır ki, mübahisə edənlərin sözlərindən bunun doğrudan da belə olması
aydın idi və buna görə ikinci çəkişən tərəfi dinləməyə ehtiyac qalmırdı.
Sonra Davud (ə) əlavə edir ki, haqsızlıq (zalımlıq) etmək bir çox insanlara
xas olan məziyyətlərdəndir və buna görə Adəmin nəsilləri çox vaxt öz
dostlarının və yaxınlarının haqqını tapdalayırlar. Bu yaramaz xasiyyətdən
yalnız iman gətirmiş və xeyirxah işlər görən möminlər uzaqdırlar. Onların imanı
və xeyirxahlığı onlara haqsızlıq etməyə və ətrafdakıları incitməyə yol vermir.
Lakin belələri çox azdır və buna görə Fövqəluca Allah buyurmuşdur: “...Mənim
qullarım arasında şükür edənlər azdır” (Səba, 34/13).
Davud (ə) ədalətli
bir hökm çıxartdı və anladı ki, çəkişən iki nəfər Davudun (ə) özünü sınamaqdan
və ona (ə) doğru yol göstərməkdən ötrü gəlmişmişlər. O (ə), yol verdiyi xətalara
görə Rəbbindən bağışlanmasını dilədi, səcdəyə qapıldı və Fövqəluca Allahın qarşısında
tövbə etdi.
ﯬ ﯭ ﯮﯯ ﯰ ﯱ ﯲ ﯳ ﯴ ﯵ ﯶ
(38. 25)
“Biz də bunu ona bağışladıq. Həqiqətən, o, Bizə yaxındır və ona gözəl qayıdış
yeri hazırlanmışdır”.
Allah
Davudun (ə) xətasını bağışladı, onu (ə) çoxsaylı nemətlərlə şərəfləndirdi və
onun (ə) üçün Cənnətin ən yüksəkliklərində, Fövqəluca Rəbbin Ərşindən bir qədər
aralıda gözəl məskən hazırladı. Fövqəluca, Davud peyğəmbərin (ə) hansı xətaya
yol verdiyini bildirmir, çünki onu bilmək müsəlmanlara heç bir fayda gətirə
bilməz. Bunun təfsilatına varmaq istəyən şərhçilər özlərini artıq əziyyətə
salırlar. Bu hekayətin əsil mənası ondan ibarətdir ki, Fövqəluca Allah Öz peyğəmbərinə
(ə) lütüfkarlıq göstərmiş, onun (ə) tövbəsini qəbul etmiş və ona (ə) Cənnətin ən
yuxarı güşələrində məskən bağışlamışdı. Bütün deyilənlərdən həmçinin aydın
olur ki, Davud peyğəmbər (ə) tövbə etdikdən sonra, əvvəlkindən daha yaxşı
olmuşdur.
ﯷ ﯸ ﯹ ﯺ ﯻ ﯼ ﯽ ﯾ ﯿ ﰀ ﰁ
ﰂ ﰃ ﰄ ﰅ ﰆ ﰇﰈ ﰉ ﰊ ﰋ ﰌ ﰍ ﰎ ﰏ ﰐ ﰑ ﰒ ﰓ ﰔ ﰕ ﰖ
(38. 26) “Ey
Davud! Həqiqətən, Biz səni yer üzündə xəlifə təyin etdik. İnsanları haqq ilə
mühakimə et və istəyinə uyma, yoxsa bu səni Allahın yolundan azdırar. Həqiqətən,
Allahın yolundan azanlara, Haqq-hesab gününü unutduqlarına görə ağır əzab-əziyyətlər
hazırlanmışdır”.
Biz sənə
dünyəvi və dini məsələlər üzrə hökm çıxarmaq səlahiyyəti verdik. Sən də
insanlar arasında haqq ilə hökm çıxart və hissiyata qapılma. Ədalətli mühakimə
yürütmək üçün Fövqəluca Rəbbin qanunlarını, şeylərin əsil vəziyyətini bilməli
və ədalətli hökmləri həyata keçirməyə imkanın olmalıdır. Bu qaydalara riayət
et və hissiyata qapılma, yəni, qohumluq əlaqələrinə, dostluğa, sevgiyə və ya
nifrətə görə çəkişənlərdən birinə tərəf meyil etmə. Araşdırmadan, öncədən hasil
etdiyin qənaətlə çəkişənlərə yanaşman sənə doğru yolla getməyə imkan verməz.
Axı düz yoldan sapan günahkarlara, xüsusilə də, onlar bunu şüurlu surətdə
etdikdə, Qisas gününü yaddan çıxartdıqlarına görə, sərt cəza hazırlanmışdır.
Əgər onlar Qiyamət gününü xatırlasaydılar, onların ürəyi Allah qarşısında qorxu
ilə dolardı və onlar öz yaramaz istəklərinə güzəştə getməzdilər.
ﭑ ﭒ ﭓ ﭔ ﭕ ﭖ ﭗﭘ ﭙ ﭚ ﭛ ﭜﭝ
ﭞ ﭟ ﭠ ﭡ ﭢ ﭣ
(38. 27) “Biz
göyü, yeri və onların arasındakıları əbəs yaratmamışıq. Yalnız iman gətirməyənlər
belə zənn edirlər. Vay cəhənnəmlik olacaq kafirlərin halına!”
Fövqəluca xəbər
verir ki, göylərin və yerin yaradılışı kamil müdrikliklə həyata keçirilmişdir.
Rəbb Kainatı əyləncə və ya kef çəkmək xatirinə yaratmamışdır və onu mənasız və
faydasız bir şeyə çevirməmişdir. Təkcə kafirlər belə düşünürlər. Onlar öz Rəbbinə
iman gətirmirlər və buna görə Onun haqqında əzəmətinə və kamilliyinə layiq
olmayan tərzdə danışmağa cəsarət edirlər. Vay iman gətirməyənlərin
halına! Od-alov saçan Cəhənnəm özünün bütün kin-küdurətinin əvəzini Cəhənnəm
əsirlərindən çıxacaqdır və onların əzabı sarsıdıcı və dözülməz olacaqdır.
Allah göyləri və yeri haqq ilə həqiqət xatirinə xəlq
etmişdir. Bu nəhəng məxluqlar Fövqəluca Allahın kamil elminə, fövqəlqüdrətinə
və hüdudsuz hakimiyyətinə dəlalət edir. Təkcə O (Pak və Müqəddəs) Öz qullarının
ibadətinə layiqdir, göylərdə və yerdə qalanların heç biri nə ibadətə, nə də
ilahlaşdırılmağa layiq deyil. Fasiqlər bu barədə düşünmürlər, lakin Qiyamət
günü gələcək və onda Allah bütün məxluqlarını dirildəcək, möminlər və cinayətkarların
ədalətli mühakiməsini həyata keçirəckdir.
ﭤ ﭥ ﭦ ﭧ ﭨ ﭩ ﭪ ﭫ ﭬ ﭭ ﭮ
ﭯ ﭰ ﭱ
(38. 28) “Məgər
Biz iman gətirib xeyirxah işlər görənlərlə yer üzündə şərəfsizlik yayanları bərabər
tutarıqmı? Yaxud təqvalıları fasiqlərlə bərabər tutarıqmı?”
Heç kim bu
mühakimədən qaçına bilməyəcək və qoy günahkarlar fikirləşməsinlər ki, Allah
onlarla, möminlərlə rəftar etdiyi kimi, davranacaqdır. Bu, həm ilahi
müdrikliyinə, həm də Allahın ədalət qanununa ziddir.
ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ
(38. 29) “Bu, Mübarək Kitabı, ayələri üzərində düşünülməsi və ağıl
sahiblərinin də nəsihət alması üçün sənə nazil etdik”.
Allah Muhəmməd
Peyğəmbərə (ona Allahın salavatı və salamı olsun!) xatırladır ki, ona (s.ə.s.)
Mübarək Kitab nazil etmişdir və o, böyük nemət və fövqəlqüdrətli biliklərdən
ibarətdir. Quran insanları doğru yola çıxardır, onları xəstəliklərdən, mərəzlərdən
xilas edir, nadanlığın zülmətində yollarını işıqlandırır, insanların və cinlərin
bilməsi zəruru olan hikmətli qanunlardan ibarətdir. O, insanlara onların bütün
müqəddəs arzu və istəklərinə nail olmalarının yolunu göstərir və buna görə də
o, dünya yaradıldığı zamandan yer üzünə nazil edilmiş ən əzəmətli Kitabdır.
Allah onu nazil etmişdir ki, insanlar onun ayələri üzərində düşünsünlər. Şərəfli
Quranın nazil edilməsinin əsil mənası da bundadır. İnsanlar onun ecazkar ayələri
üzərində düşünməli, onların həqiqi mənalarını dərk etməli, onların sirri və
hökmləri haqqında fikirləşməlidirlər. Yalnız Quran ayələrinin qeyri-adi mənaları
üzərində sürəkli düşüncələr sayəsində insan onlarda öz əksini tapmış böyük
faydanı dərk edə bilər. Allahın hər bir qulu Quranın vəhyləri üzərində düşüncələrə
dalmalıdır. Bu məşğuliyyət ən gözəl və ən yaxşı əməllərdən biridir. Bütün bu
deyilənlərdən aydın olur ki, Mübarək Quranı oxuyarkən insanın onun mənaları
üzərində düşünməsi, onları tez-tələsik oxuyub, ilahi mənalarını dərk edə
bilməməkdən daha yaxşıdır.
Sonra Fövqəluca
qeyd edir ki, yalnız sağlam düşüncəyə malik olan insanlar Mübarək Quranın
böyük nemət olduğunu dərk edə bilərlər. Onlar onun ayələri üzərində düşündükdə,
onlara ecazkar biliklər aşkar olur. Bu, hər bir dərrakəli insanın ən müqəddəs
arzusudur və insanın şüurluluq səviyyəsi yüksəldikcə, o, Mübarək Qurandan daha
çox fayda əldə edir.
ﭼ ﭽ ﭾﭿ ﮀ ﮁﮂ ﮃ ﮄ ﮅ
(38. 30)
“Biz Davuda Süleymanı bəxş etdik. O necə də gözəl qul idi! Həqiqətən, o, dönə-dönə
sığınardı”.
Fövqəluca
Allah Öz peyğəmbəri Davudu (ə) təriflədikdən sonra, ona (ə) göstərdiyi lütüfkarlığından
xəbər verir və O (Pak və Müqəddəs), Davudun (ə) oğlu Süleyman peyğəmbərin (ə)
hekayətini danışır. Süleymanın (ə) dünyaya gəlməsi Rəbbinin Davuda (ə) göstərdiyi
daha bir lütüfkarlığı idi və o (ə) saleh bir oğlunun doğulmasına son dərəcə
sevinmişdi. Süleyman (ə) gözəl məziyyətlərə malikdi və doğrudan da ən yaxşı tərifə
layiqdi. Onun özəl xüsusiyyətlərindən biri – Allaha səmimiyyətlə sədaqət göstərməsiydi.
O (ə) yalniz tək olan Allahı ilahlaşdırır, yalnız Onu bütün varlığı ilə sevir,
yalnız Onun qarşısında baş əyir və mütilik göstərir və yalnız Ona kömək
haqqında dua ilə müraciət edirdi. O (ə) böyük ciddiyyətlə Rəbbinin iltifatını
qazanmağa can atırdı və bu məqsədini bütün qalan şeylərdən üstün tuturdu.
ﮆ ﮇ ﮈ ﮉ ﮊ ﮋ ﮌ
(38. 31)
“Bir dəfə günortadan sonra ona, üç ayağı üstə dayanaraq, bir ayağının dırnağını
yerə vuran və sürətlə qaçan atlar nümayiş etdirilmişdi”.
Onlar çox əla,
ecazkar gözəlliyə malik atlar idi. Allah onları “dırnaqlarını yerə vuran”
adlandırır, çünki onlar dayandıqları yerdə ayaqlarından birini
qaldırırdılar. Krallar və hökmdarlar belə gözəl heyvanlara çox ehtiyac
duyurlar və buna görə Süleyman peyğəmbər (ə) atlara baxış keçirir və onların
gözəl görkəmindən zövq alırdı. O (ə) bu mənzərədən günəş üfüqdə batana qədər
həzz almaqda davam etdi və bu fani məmnunluğa qapılma onu (ə) axşam
namazından və Allahın zikrindən yayındırdı. Yadına düşüncə, Süleyman (ə) buna
bərk təəssüfləndi. O (ə) qərara aldı ki, öz xətasını düzəltsin və sübut etsin
ki, Allaha bəslədiyi məhəbbəti bütün şeylərdən üstün tutur.
ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ
ﮘ ﮙ ﮚﮛ ﮜ ﮝ ﮞ ﮟ ﮠ
(38. 32) “O
dedi: “Mən Rəbbimi xatırlamalı olduğum halda, o (günəş) batanadək nemətə
olan məhəbbətə üstünlük verməkdə davam etdim”.
(38. 33) “Onları
mənə qaytarın!” Sonra isə o, onların baldırlarını doğrayıb, başlarını kəsdi”.
Yer üzündə
sevinc gətirən şeylər – zənginlik və bütün qalan dünyəvi ləzzətlərdir, lakin
Süleyman peyğəmbər (ə) bu ifadələrlə məhz gözəl atları nəzərdə tuturdu. O (ə)
əmr etdi ki, atları geri qaytarıb, onun yanına gətirsinlər. Onları gətirdikdə,
o (ə) onların vətərlərini kəsməyə və boyunlarını vurmağa başladı.
ﮡﮢ ﮣﮤﮥﮦﮧﮨﮩﮪ
(38. 34)
“Biz Süleymanı imtahana çəkdik və onun taxtına bir cəsəd atdıq. Bundan sonra o,
tövbə edib qayıtdı”.
Süleymanın
(ə) taxtından uzaqlaşdırılması onun (ə) üçün bir imtahan idi, bunun səbəbi isə
adi insana xas olan nəfs meyilləriydi. Allah peyğəmbərini (s) sınaqdan keçirdi
və şeytanı bir müddət Süleymanın (ə) taxtında oturtdu, amma sonra Süleyman (ə)
tövbə edərək öz səltənətində hakimiyyətinə qayıtdı. Ərəb feli olan “ənəbə” “səlahiyyət
vermək”, “bağışlanmaq üçün dua etmək”, “tövbə etmək”, “qayıtmaq” mənalarını
bildirir. Bu ayədə Fövqəluca Allah həm Süleymanın (ə) tövbə etməsindən və həm
də onun (ə) taxt-tacına qayıtmasından bəhs edir.
ﮫ ﮬ ﮭ ﮮ ﮯ ﮰ ﮱ ﯓ ﯔ ﯕ ﯖ
ﯗﯘ ﯙ ﯚ ﯛ ﯜ ﯝ ﯞ ﯟ ﯠ ﯡ ﯢ ﯣ ﯤ ﯥ ﯦ ﯧ ﯨ ﯩ ﯪ ﯫ ﯬ ﯭ ﯮ ﯯ
(38. 35) “O
dedi: “Ey Rəbbim! Məni bağışla və mənə elə bir hakimiyyət ver ki, məndən sonra
kimsəyə verilmiş olmasın. Həqiqətən, Sən – Bəxşedənsən”.
(38. 36) “Onda
Biz onun əmri ilə istədiyi vaxt xəfif-xəfif əsən küləyi ona tabe etdik”,
(38. 37) “həmçinin
bənna və qəvvas şeytanları”
(38. 38) “və
digər zəncirlənmişləri də”.
Allah onun
(ə) duasını qəbul etdi və səltənətini ona (ə) qaytardı və sonra da ona (ə),
ondan sonra bir daha heç bir insanın malik olmadığı, bir hakimiyyət
bağışladı. O (Pak və Müqəddəs) Suleyman peyğəmbərə (ə) cinləri və şeytanları
tabe etdi. Onlar onun (ə) bütün əmirlərini icra edirdilər. Onlar möhtəşəm
binalar inşa edir, dənizlərin dibindən mirvari və bəzək şeyləri toplayırdılar.
Süleymana (ə) itaətsizlik göstərənləri isə o (ə) ağır qandallarla zəncirləyirdi.
ﯰ ﯱ ﯲ ﯳ ﯴ ﯵ ﯶ ﯷ
(38. 39)
“Bu – Bizim əta etdiyimizdir. Hesaba almadan istədiyini məmnun et və ya özündə
saxla”.
Allah
Süleymana (ə) bu böyük neməti bəxş edərək, belə buyurur: “Biz sənə, Rəbbinin
nemətlərindən ləzzət alasan deyə, bol ənamlar əta etdik. Sən bu nemətləri
kimisinə bəxş edə bilər, kimi də onlardan məhrum edə bilərsən və sən qəbul
etdiyin qərarına görə məsuliyyət daşımayacaqsan”. Fövqəluca Allah bu sözləri ilə
Süleymanın (ə) ədalətə bəslədiyi məhəbbətini və qəbul etdiyi qərarlarının müdrikliyini
vurğulayır.
ﯸ ﯹ ﯺ ﯻ ﯼ ﯽ ﯾ
(38. 40) “Həqiqətən,
onun dərgahımızda Bizə yaxınlığı və gözəl aqibəti vardır”.
Süleymanın
(ə) yer üzündəki qisməti çox böyükdü və insanların Süleymanın (ə) ölümündən
sonra artıq mükafat almayacağını düşünməməsi üçün Fövqəluca Allah buyurur ki,
o (ə), Allahın ən yaxınlarından biri olacaq və ən yüksək ehtirama layiq görüləcəkdir.
Davud peyğəmbər
ilə Süleyman peyğəmbər (onlara Allahın salamı olsun!) haqqında olan Quran
hekayətlərindən aşağıdakı faydalı nəticələri və hikmətli qərarları əldə etmək
olar:
- Fövqəluca, Muhəmməd Peyğəmbərə (ona Allahın salavatı və salamı
olsun!) ondan əvvəlkilərin həyatı haqqında ona görə xəbər vermişdir ki,
onun (s.ə.s.) imanını möhkəmlətsin və ürəyini sakitləşdirsin. Allah Öz elçilərinin
səylə ibadət etmələri və qeyri-adi dözümlü olmalarından rəvayət ki, onda rəqabət
ruhu və Rəbbinə daha yaxşı ibadət etməyə can atmaq istəyi və cahil qəbilədaşları
tərəfindən törədilən bütün incidilmələri və sarsıntıları səbirlə ötürməyə səbatlı
olmaq hissi oyatsın. Məhz buna görə Allah əvvəlcə Məkkə müşriklərinin ədalətsiz
danışıqları haqqında xəbər verir, sonra isə Öz Elçisinə (ona Allahın salavatı və
salamı olsun!) buyurur ki, dözümlü olsun və Davud peyğəmbərdən (ə) nümunə
götürsün.
- Fövqəluca
Allah Davudu (ə) fiziki və mənəvi gücünə və səylə ibadətinə görə tərifləyir. O (Pak
və Müqəddəs) Öz qullarını məhz belə görməyi sevir, çünki güclü insanlar, zəif
və taqətsizlərə nisbətən, Ona daha yaxşı və daha çox ibadət edə bilirlər.
Bütün bunlardan belə çıxır ki, mömin qul öz bədənini və ruhunu möhkəmləndirməli,
insanı həm fiziki, həm də mənəvi baxımdan zəiflədən tənbəllikdən və vaxtını
boş keçirməkdən ehtiyat etməlidir.
- Rəbb
bildirmişdir ki, bütün əməllərində Allaha müraciət etməyə səy göstərmək Allahın
peyğəmbərlərinin və elçilərinin məziyyətlərindəndir. Məhz bu gözəl keyfiyyətləri
Davudu (ə) və Süleymanı (ə) Rəbbin tərifinə layiq etmişdir və buna görə müsəlmanlar
onların yoluna istinad etməli və onlardan nümunə götürməlidirlər. Fövqəluca
belə buyurur: “Onlar – Allahın düz yolla apardıqlarıdır. Onların düz yolu ilə
get...” (Ənam, 6/90).
- Fövqəluca
Davuda (ə) gözəl və güclü səs bəxş etmişdi. Onun (ə) səsi o dərəcədə məlahətli
idi ki, o (ə) səhər-axşam Allahın şəninə təriflər deyəndə, hətta lal dağlar və
dilsiz quşlar belə onun tərif etməsinə qoşulurdular.
- Allah
bildirir ki, faydalı bilik və düzgün, ədalətli qərar çıxartma bacarığı Rəbbin ən
əzəmətli nemətlərindən biridir. Allah məhz belə bir neməti ilə Öz qulu və peyğəmbəri
Davudu şərəfləndirmişdi.
- Allah Muhəmməd
Peyğəmbərə (ona Allahın salavatı və salamı olsun!) və möminlərə xatırladır
ki, O (Pak və Müqəddəs), Özünün peyğəmbərləri və seçilmiş qullarına necə qayğı
çəkir. Onlar xətaya yol verdikdə, O (Pak və Müqəddəs) onları sınayır və bunun
sayəsində onlar arzuedilməz keyfiyyətlərindən xilas edilirlər. Nəticədə
onlar, Davud (ə) və Süleyman (ə) kimi, xəta etdikləri vaxtadək olduqlarından
daha yaxşı və daha təmiz olurlar.
- Fövqəluca
vurğulayır ki, Allahın elçiləri öz Rəblərinin vəhylərini bəşəriyyətə
çatdırmaları baxımından günahsız idilər. Əgər bu belə olmasaydı, onlar heç vaxt
peyğəmbərlik vəzifəsini yerinə yetirə bilməzdilər. İnsan təbiətinin zəifliyi
üzündən peyğəmbərlər bəzi xətalara yol verirdilər, lakin Allah onların səhvlərini
düzəldirdi və onlara mərhəmətini göstərərək, rəhm edirdi.
- Rəbb xəbər
verir ki, Davud (ə) vaxtının böyük bir hissəsini məbəddə Fövqəluca Allaha ibadətlə
keçirirdi. O (ə) məbəddə tənhalığa çəkildikdə, insanlar oraya daxil olmurdular
ki, onu (ə) özlərinin çoxsaylı məsələləri ilə ibadətdən yayındırmasınlar. Davud
(ə) vaxtının bir hissəsini adamların yaranan problemlərinin həllinə ayırır,
digər bir hissəsini isə öz Rəbbi ilə tənhalıqda keçirərək, yalnız tək Ona ibadət
və səmimi xidmət etməkdən zövq alırdı. Bu, Davuda (ə) bütün işlərində və təşəbbüslərində
Allah qarşısında səmimi olmağa kömək edirdi.
- Allah,
hökmdarların və bütün başqa insanların yanına daxil olarkən davranış normalarına
riayət etmək zəruriyyətini xüsusilə qeyd edir. Davudun (ə) hücrəsinə girən iki
çəkişən elçi oraya qeyri-adi yolla daxil olmuşdular. Onlar, hamının etdiyi
kimi, qapıdan keçib gəlməmişdilər və bu, nəcib peyğəmbəri (ə) qorxuya salmışdı.
Bundan başqa, bu, Davudun xoşuna da gəlməmişdi və o (ə), düzgün olaraq, belə
davranışı nalayiq hərəkət hesab etmişdi.
- Lakin çəkişənlərin
nə ləyaqətsiz rəftarı, nə də yaramaz hərəkəti Davuda (ə) ədalətli hökm
çıxarmaqda maneə olmadı.
- Bu əhvalat
Davudun (ə) kamil dözümünü və mülayimliyini bir daha təsdiq edir. O (ə) hücrəsinə
icazəsiz girən çəkişənlərin üstünə qəzəblənmədi. O (ə) onları danlamadı və hətta
məzəmmət də etmədi.
- İslam şəriəti
çəkişən tərəflərdən birinə digərini haqsız adam adlandırmağa və ya oxşar ifadələrdən
istifadə etməyə icazə verir, çünki çəkişənlərdən biri Davudun (ə) hüzurunda belə
demişdi: “Qorxma, biz – iki nəfər mübahisə edənlərik. Bizdən birimiz digərinə
qarşı haqsız davranmışdır...” (Sad, 38/22).
- Allah
bildirir ki, faydalı məsləhət və ya nəsihət verilən insan, adlı-sanlı və
bilikli olmasına baxmayaraq, qəzəblənməməli və ya narazılığını göstərməməlidir.
Əksinə, o, məsləhətə qulaq asmalı və xeyirxah nəsihətçiyə minnətdarlıq etməlidir.
Davud peyğəmbər (ə) də, öz aralarında mübahisə edən iki nəfər ona: qərar qəbul
edəndə “ədalətli ol” məsləhəti verəndə, məhz belə etdi. Xeyirli məsləhət onu (ə)
qəzəblənməyə qoymadı və onu (ə) haqdan döndərmədi – o (ə) ədalətli və müdrik qərar
qəbul etdi.
- Davud
peyğəmbərin (ə) sözlərindən bəlli olur ki, çox vaxt qohumlar və dostlar
arasında qarşılıqlı maddi münasibətlər onları bir-birinə kin-küdurət bəsləyən
düşmənlərə çevirir və bunun qarşısını yalnız təqvalılıq, səbir, iman və
möminlik sayəsində almaq mümkün olur. Təəssüflər olsun ki, məhz bu keyfiyyətlərə
insanlar arasında çox nadir hallarda rast gəlinir.
- Davud (ə)
öz Rəbbindən bağışlanmasını istəyəndən və səcdəyə qapılandan sonra, Allah
onun (ə) xətalarını bağışlayır və bu təsdiq edir ki, bağışlanma haqqında
dualar, ibadət və ən başlıcası isə, namaz insanın günahlarını yuyur.
- Allah öz
peyğəmbərləri Davudu (ə) və Süleymanı (ə) Rəhmanın Ərşi yaxınlığında gözəl bir
məskənlə mükafatlandırmış və onları digər çoxsaylı Cənnət nemətləri ilə şərəfləndirmişdir.
Rəbb bu barədə ona görə xəbər verir ki, qoy cahil insanlar alicənab peyğəmbərlərin[7]
bu dünyada əmin-amanlığının və uğur qazanmalarının onların Axirət həyatında
mükafatlarını azaldacağı barədə düşünməsinlər. Bu, Allahın sadiq qullarına bəslədiyi
xeyirxahlığının və rəhmətinin ən böyük təzahürüdür. Əgər Allah insanları
bağışlayırsa, onda O (Pak və Müqəddəs), onların nəinki günahlarını, həm də
günahlarından törəyən nəticələrini də silir. Bundan başqa, Allah tövbə etmiş
qullarını, günah etdikdən sonra onları üzən narahatçılıqdan da xilas edir. Müsəlmanlar
törətdikləri günahların onların əvvəlki imanına və möminliyinə nail olmalarına
maneçilik törədəcəyinə görə çox vaxt həyəcan keçirirlər. Fövqəluca Allah
onları bu həyəcanlardan xilas edərək, tövbənin böyük faydası haqqında xəbər
vermişdir. Həqiqətən də, bu Alicənab və Bağışlayan Rəbb üçün heç də çətin
deyildir.
- Fövqəluca
bildirir ki, yalnız dini məsələlərdən yaxşı baş çıxaranlar hökm vermək
hüququna malikdirlər. Bu – elçilərin və seçilmiş məxluqların haqqıdır. Həmin
insanlar ədalətli qərarlar qəbul etməli və mübahisə edən tərəflərə qarşı işi
araşdırmadan, öncədən hasil edilmiş yanlış rəyə əsaslanmamalıdırlar. Düzgün qərar
qəbul etməkdən və ədalətli hökm çıxartmaqdan ötrü hakim şəriət məsələlərini
yaxşıca araşdırıb təhlil etməli, baxılan işin mahiyyəti ilə mükəmməl tanış
olmalı və dəqiq bilməlidir ki, hər bir konkret şəraitdə hansı hökm tətbiq edilə
bilər. Əgər insan bu xüsusiyyətlərdən təkcə birini bilməzsə, onda o, məhkəmə qərarı
çıxarmaq haqqına malik ola bilməz.
- Biz artıq
dediyimiz kimi, hakim çəkişən tərəflərdən birinə işin mahiyyətinə varmadan,
qabaqcadan hasil etdiyi rəyə əsaslanaraq yanaşmamalıdır. İnsan müxtəlif
adamlara tamamilə eyni tərzdə yanaşa bilməz və buna görə də hakim öz şəxsi
hisslərinə qarşı mübarizə aparmalıdır. Onun yeganə məqsədi haqqı aşkar etməkdir
və hökm çıxartdıqda, o, çəkişən tərəflərdən birinə bəslədiyi məhəbbətini və
ya nifrətini kənara qoymalıdır.
- Allah həmçinin xəbər verir ki, Süleymanın (ə) dünyaya gəlməsi Rəbbin
Davud peyğəmbərə (ə) göstərdiyi mərhəmtinin təzahürü idi. Mömin oğul mömin atanın
məziyyətlərinin və ləyaqətinin nəticəsi idi. Bütün bunlar ona dəlalət edir ki,
Allah quluna mömin oğul əta edəndə, ona böyük lütüfkarlıq göstərir. Əgər bütün
bunlardan başqa Allah oğula da mükəmməl biliklər verirsə, onda o, onsuz da
işıqlı olan yolu daha da işıqlandıran nur kimi olur.
- Allah
qulu və peyğəmbəri Süleymanı (ə): “...O necə də gözəl qul idi! Həqiqətən, o,
dönə-dönə sığınardı”[8] (Sad, 38/30) deməklə,
tərifləyir.
- Fövqəluca
xeyirxah işlər görmələrindən ötrü qullarına yardım edir, onlara üstün keyfiyyətlər
verir və sonra onları qalan məxluqları qarşısında tərifləyir ki, bu da Onun
böyük lütüfkarlığını və xeyirxahlığını təsdiq edir.
- Allah
bildirir ki, Süleyman peyğəmbər (ə) Ona bəslədiyi məhəbbəti bütün qalan şeylərə
olan məhəbbətindən üstün tutur.
- İnsanı
Allahı zikr etməkdən yayındıran hər şey qınanılmağa layiqdir və buna görə də hər
bir qul düşünməli və ona yer üzündəki ötəri ləzzətlərdən daha çox fayda verəcək
əməlləri yerinə yetirməlidir.
- Rəbb
qullarına böyük bir həqiqəti açmışdır: “Əgər insan Allah xatirinə hər hansı bir
şeydən imtina edirsə, onda Allah onun əlindən çıxanın əvəzini ona artıqlaması
ilə qaytarır”. Süleyman peyğəmbər (ə) füsunkar atların vətərlərini kəsir və
boyunlarını vurur və bu rəftarı ilə sübut edir ki, o (ə) Allaha bəslədiyi məhəbbətini
maddi aləmə məxsus olan hər şeydən üstün tutur. Rəbb də onun (ə) itirdiyini ona
(ə) artıqlaması ilə ödəyir və alicənab Peyğəmbərin (ə) istədiyi səmtə əsən xəfif
küləyi Süleymana (ə) ram edir. Bir səhər çağı əsməsi ilə bu xəfif külək bir aya
gedilən yolu qət edirdi və eyni məsafəni də bir günorta nəsimi ilə başa
vururdu. Bundan başqa, Allah Adəmin nəsillərinin yerinə yetirməyə qadir
olmadıqları işlər görmək bacarığı əta edilmiş cinləri və şeytanları Süleymana (ə)
tabe etdi.
- Süleyman
(ə) qüdrətli hökmdar və peyğəmbər idi və istədiyi hər işi etmək imkanına
malikdi, lakin o (ə) adil hakim idi və həmişə ədalətlə davranardı. O (ə), adi
qul kimi qalan peyğəmbərlərə oxşamırdı. Belə peyğəmbərlərin iradəsi həmişə
Fövqəluca Allahın iradəsinə tabe olardı – onlar Rəbbin icazəsi olmadan heç bir
iş görməzdilər. Allahın son Elçisi – Muhəmməd (ona Allahın salavatı və salamı
olsun!) məhz belə peyğəmbər idi və bu peyğəmbərlik əvvəlkindən daha kamildi.
ﯿ ﰀ ﰁ ﰂ ﰃ ﰄ ﰅ ﰆ ﰇ ﰈ ﰉ
ﰊ
(38. 41) “Qulumuz
Əyyubu da xatırla! Bir vaxt o, Rəbbinə uca səslə demişdi: “Şeytan mənə
yorğunluq və əzab verdi!”
Ey Muhəmməd!
Mömin qulumuz Əyyubu (ə) da ən gözəl sözlərlə yada sal və onu (ə) layiqincə təriflə!
Onun (ə) başına böyük bəla gəlmişdi, lakin o (ə) dözümlülük və səbirlilik göstərdi.
O (ə) öz taleyindən şikayətlənmədi və Allahdan başqa heç kimdən kömək diləmədi.
O (ə) Rəbbinə müraciət edib, ona düçar olmuş ağır və əzablı sınağı Ona
bildirmişdi. Allah şeytana Əyyubu (ə) maddi rifahdan məhrum etməyə icazə
vermişdi və dindar peyğəmbərin (ə) bədəni irinli yaralarla örtülmüşdü. Lakin
Əyyubun (ə) iztirabları bütün övladlarını və yığdığı var-dövləti itirməklə
daha da dərinləşmişdi.
ﰋ ﰌﰍ ﰎ ﰏ ﰐ ﰑ ﰒ
(38. 42) “Ona
deyildi ki: “Ayağını yerə vur! Budur çimmək və içmək üçün sərin su!”
İndi sən
yanğını söndürə və əzab-əziyyətdən xilas ola bilərsən. Əyyub peyğəmbər (ə) Rəbbin
əmrini yerinə yetirdi və O (Pak və Müqəddəs) onu (ə) sağaltdı və iztirablardan
xilas etdi.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
(38. 43) “Bizdən mərhəmət və, ağıl sahibləri üçün
bir ibrət kimi, ona ailə üzvlərini və onlarla bərabər bir mislini də üstəlik
bağışladıq”.
Belə bir rəy mövcuddur ki, Fövqəluca Allah Əyyub
peyğəmbərin (ə) həlak olmuş uşaqlarını diriltmiş və ona (ə) bir o qədər də əlavə
övlad bəxş etmiş və həm də ona (ə) saysız-hesabsız var-dövlət nazil etmişdir.
Əyyub (ə) səbirlilik göstərmişdi və Allah Öz mərhəməti sayəsində onu (ə) həm
yer üzündə yaşadığı zaman, həm də ölümündən sonra bol mükafatla şərəfləndirmişdir.
Fövqəluca bu peyğəmbəri haqqında hekayəti ağıllı insanlar üçün ibrət etmişdir və
buna görə də hər bir müsəlman onun (ə) taleyi üzərində düşünməli və özü üçün
faydalı nəticələr çıxartmalıdır. Bu nəticələrin ən vacibi ondan ibarətdir ki,
hər bir səbirli qul həm bu dünyada, həm də Axirət həyatında Fövqəluca Allahın
mükafatlandırmasına layiq görülür. Əgər o, dua ilə Rəbbinə müraciət edirsə,
onda O (Pak və Müqəddəs) onun çağırışına mütləq cavab verir.
ﭜ ﭝ ﭞ ﭟ ﭠ ﭡ ﭢﭣ ﭤ ﭥ ﭦﭧ
ﭨ ﭩﭪ ﭫ ﭬ ﭭ
(38. 44) “Əlinə bir dəstə çubuq götürüb, arvadına
vur və andını pozma”. Doğrudan da, Biz onu səbirli gördük. O, necə də gözəl
qul idi! Həqiqətən, o həmişə Bizə üz tutardı”.
Quranın bir çox şərhçiləri
deyirdilər ki, Əyyub peyğəmbər (ə) xəstəliyi zamanı öz arvadının üstünə qəzəblənmişdi
və and içmişdi ki, xəstəlikdən sağaldıqdan sonra onu yüz çubuq vurmaqla cəzalandıracaq.
Əyyubun (ə) arvadı mömin qadın idi və ən çətin anlarda belə ərini tərk etməmişdi.
Buna görə, o (ə) sağaldıqdan sonra, Fövqəluca Allah qadına mərhəmət göstərib,
peyğəmbərinə (ə) əmr etmişdi ki, yüz çubuqdan bir dəstə bağlasın və onunla ehmallıca
arvadını vursun. Bu minvalla Əyyub (ə) da içdiyi andı pozmadı.
Allah Əyyubu (ə) böyük sınağa çəkmişdi, lakin o (ə)
səbirlilik göstərdi və Rəbbinin mərhəmətinə ümid bəslədi. Gör o qul necə də
gözəldi! Şanlı peyğəmbər (ə) bu tərifə layiq idi, çünki o (ə) həm firavanlıq və
əmin-amanlıq zamanında, həm də sərt sınaqlar dövründə ən kamil tərzdə öz vəzifələrinin
öhdəsindən gəlirdi. O (ə), dünya həyatı və din ilə bağlı olan bütün işlərində
yalnız Allaha təvəkkül edirdi. O (ə) yalnız bir olan Allahı bütün varlığı ilə
sevir, təkcə Ona pərəstiş edir, kömək haqqında yalnız Ona dua edir və Onu ən
gözəl sözlərlə yorulmadan xatırlayırdı.
ﭮ ﭯ ﭰ ﭱ ﭲ ﭳ ﭴ ﭵ ﭶ
(38. 45) “Bizim qüdrətli və bəsirətli qullarımız
İbrahimi, İshaqı və Yaqubu da yada sal!”
Ey Muhəmməd! Bizim sadiq qullarımız – Allahın
sevimlisi İbrahimi (ə), onun oğlu İshaqı (ə) və onun nəvəsi Yaqubu (ə) da yada
sal! Onlar, Fövqəluca Allaha ixlasla ibadət etməyə imkan verən böyük qüvvəyə və
bəsarətə malik idilər və bunların sayəsinə Onun dinini gözəl araşdırmağı
bacarırdılar. Bu əla məziyyətlər Allahn peyğəmbələri İbrahimin (ə), İshaqın (ə)
və Yaqubun (ə) fayda verə bilən biliklər sahəsində və saleh əməllərdə
seçildiklərinə dəlalət edir.
ﭷ ﭸ ﭹ ﭺ ﭻ ﭼ
(38. 46) “Biz onları Məskəni səmimiyyətlə yad
etdiklərinə görə seçmişdik”.
Allah onları böyük şan-şöhrətlə şərəfləndirir və
onlara heç vaxt Axirəti unutmamaq kimi tərifəlayiq məziyyət əta edir. Bu məziyyətin
sayəsində onlar həmişə Allah xatirinə saleh işlər görərdilər və yadda
saxlayardılar ki, O (Pak və Müqəddəs) fasiləsiz olaraq qullarını müşahidə edir
və həmişə də insanları Axirətdə nəyin gözlədiyi üzərində düşünərdilər. Hər bir
sağlam düşüncəli insan heç vaxt ölümdən sonrakı həyatı unutmamalı və çalışıb onlardan
nümunə götürməlidir.
ﭽ ﭾ ﭿ ﮀ ﮁ ﮂ
(38. 47) “Həqiqətən, onlar Bizim nəzdimizdə seçdiklərimizin
ən xeyirliləridir”.
Allah onları ən nəcib məziyyətlərinə və ən xeyirxah
əməllərinə görə seçmişdi.
ﮃﮄﮅﮆ ﮇﮈ ﮉ ﮊ ﮋﮌ
(38. 48) “İsmaili, Əlyasəni və Zül-Kifli də yad et!
Onların hamısı ən xeyirli olanlardandır”.
Ey Muhəmməd! Peyğəmbərlərim İsmaili (ə), Əlyasəni (ə)
və Zül-Kifli (ə) də xoş sözlərlə xatırla. Onların hamısı ən yaxşı sözlərə və ən
şərəfli təriflərə layiqdirlər, çünki onlar bəşəriyyətin ən yaxşı nümayəndələri
idilər. Allah onları nəcib xasiyyətlə şərəfləndirmiş, onlara tərifəlayiq məziyyətlər
əta etmiş, xeyirxah işlər görməyi öyrətmiş və ən gözəl əxlaqi sifətlər bəxş
etmişdi.
ﮍ ﮎﮏ ﮐ ﮑ ﮒ ﮓ ﮔ
(38. 49) “Bu, bir Xatırlatmadır və Allah qorxusu
olanların, həqiqətən, füsunkar qayıdış məskəni vardır –“
Bu, məsum peyğəmbərlərin şanlı məziyyətləri
haqqında xatırlatmadır. Bu surənin ən əvvəlində Fövqəluca Allah Quranı, məhz
kifayət qədər nəsihətlər və xatırlatmalardan ibarət olduğuna görə Nəsihətverən
adlandırır. Bunlar hər bir şüurlu insana Allahın elçilərinin tərifəlayiq əxlaqi
sifətlərindən nümunə götürməyi zəruri edir, onlara, Öz seçdiklərinə mübarək əxlaqi
keyfiyyətlər bəxş etmiş və onların adını digər məxluqları arasında şərəfləndirmiş
Rəbbin mərhəmətini xatırladır.
Fövqəluca Allah bu vaxtadək saleh insanların məziyyətlərini
təsvir edirdi və bu, öyüd-nəsihət vermənin bir formasıdır. Nəsihətvermənin
daha bir tərzi isə mükafatlandırma haqqında xatırlatmadır ki, o, bütün möminləri
gözləyir; digər bir ifadəsi də cəzalandırmadır. Bu da cinayətkarlar və
günahkarlar üçün hazırlanmışdır. Buna görə daha sonra Allah xəbər verir ki, təqvalıqulları[9]
üçün ən yaxşı sığınacaq hazırlanmışdır. Təqvalı qullar – mömin kişilər və
mömin qadınlardır və onlar Allahın yerinə yeti rilməsini əmr etdiklərini icra
edir və Onun qadağan etdiklərindən çəkinirlər. Onlar üçün Fövqəluca Rəbb
füsunkar gözəlliyə malik sığınacaq xəlq etmişdir. Onlar uzunsürən səfərdən
sonra orada dayanacaqlar. Sonra da Allah Əbədi bağlar adlandırdığı bu ecazkar
sığınacağı müfəssəl surətdə təsvir edir. Fövqəluca buyurur:
ﮕ ﮖ ﮗ ﮘ ﮙ ﮚ
(38. 50) “ – qapıları onlar üçün açıq əbədiyyət
bağları”.
Bu, əbədi qalınacaq məskəndir və o qədər gözəl və
mükəmməldir ki, möminlər onu heç vaxt hər hansı başqa bir şeylə dəyişməyə
razılaşmayacaqlar. Onlar Cənnət bağlarından heç bir səbəbə görə çıxmazlar və
heç kim onları oradan qovub çıxartmaq istəməz. Cənnətin saraylarının və uca
binalarının qapıları həmişə möminlərin qarşısında taybatay açıq olacaqdır –
onlar qapıları özləri açmayacaqlar, çünki bunu onlar üçün itaətkar xidmətçiləri
edəcəklər. Bütün bunlar ona dəlalət edir ki, Cənnət sakinləri tam əmin-amanlıq
içində olacaq və buna görə onlar, ümumiyyətlə, qapılarını açarlamayacaqlar.
ﮛ ﮜ ﮝ ﮞ ﮟ ﮠ ﮡ ﮢ
(38. 51) “Onlar orada taxtlarına dirsəklənərək, bol
meyvə və içki gətizdirəcəklər”.
Onlar bəzəkli taxtlarına və dəbdəbəli
kürsülərinə dirsəklənərək, xidmətçilərinə çoxlu meyvələr və içkilər gətirmələrini
əmr edəcəklər. Onlar ürəkləri istəyən hər şeyi alacaqlar. Bu – qüsursuz Səadət,
mükəmməl əmin-amanlıq və böyük məmnunluq olacaqdır.
ﮣ ﮤ ﮥ ﮦ ﮧ ﮨ
(38. 52) “Yanlarında baxışlarını onlardan çəkməyən
həmyaşıdları olacaqdır”.
Möminlərin yanında Cənnət huriləri olacaqdır. Allah
onları baxışlarını yerə dikmiş qızlar adlandırır, çünki onlar yalnız öz ərlərinə
baxacaqlar və ərləri isə onlardan başqa heç kimə baxmaq istəməyəcəklər. Bütün
bunlar Cənnət əhlinin qeyr-adi gözəlliyini və həm də onların qarşılıqlı məhəbbəti
və sədaqətini təsdiq edir. Ər-arvadın heç biri heç vaxt başqa bir həyat yoldaşı
haqqında xəyalına belə gətirməz və özü üçün daha istəkli bir cütlük axtarmaz.
Allah həmçinin Cənnət ər-arvadlarını yaşıdlar adlandırır, çünki Cənnətin bütün
sakinləri eyni yaşda olacaqlar. Onlar gənc olacaq və əbədi həyatdan zövq
alacaqlar.
ﮩ ﮪ ﮫ ﮬ ﮭ ﮮ
(38. 53) “Bu, sizə Hesab günü üçün vəd ediləndir”.
Ey təqvalı qullar! Belə mükafatlandırma sizi hesaba
çəkiləcəyiniz gündə gözləyir. Siz onlara öz saleh əməllərinizlə layiq olmusunuz.
ﮯ ﮰ ﮱ ﯓ ﯔ ﯕ ﯖ ﯗ
(38. 54) “Həqiqətən, bu, Bizim ruzimizdir. O, əsla
tükənməz”.
Allah mömin insanların hər
birinə belə gözəl qismət bəxş edir və bu qismət isə tükənməzdir. Əksinə, Cənnət
sakinləri həmişə öz Rəbbinin qəribə hədiyyələrindən zövq alıb xoşhallanacaq və
hər an onların məmnunluğu yalnız artacaqdır. Həqiqətən, bu, Fövqəluca, Comərd,
Şəfqətli, Mərhəmətli, Xeyirxah, Səxavətli, Zəngin, Hərşeyiəhatəedən, Həmdəlayiq,
Bəsirətli, Rəhmli, Hökmdar, Adil, Şərəfli, Füsunkar Rəbb üçün heç bir çətinlik
yaratmır. Onun lütüfkarlığı hüdudsuz, bol-bol əta etdiyi bəxşişləri
saysız-hesabsızdır. Bundan başqa, heç bir məxluq Onun lütüfkarlığının hətta ən
kiçicik hissəsini belə hərtərəfli dərk etmək iqtidarına malik deyil.
ﯘﯙ ﯚ ﯛ ﯜ ﯝ ﯞ
(38. 55) “Bax belə! Həqiqətən, azğınlara yaman
qayıdış yeri hazırlanıb –
Allah təqvalı möminləri belə mükafatlandırır. Bəs
görəsən, yol verilən həddi aşaraq, küfür və günahların bataqlığına düşərək,
itaətsizlik göstərənləri onda nə gözləyir? Onlara ən pis sığınacaq
hazırlanmışdır, yəni, uzunsürən səfərdən sonra onlar ən dəhşətli bir məskəndə
dayanacaqlar. Sonra Fövqəluca Allah bu məskəni daha da təfərrüatı ilə təsvir edərək,
kafirlər və müşriklər üçün hazırlanmış dəhşətli əzab-əziyyətdən, müdhiş istidən
və amansız soyuqdan xəbər verir.
ﯟ ﯠ ﯡ ﯢ ﯣ
(38. 56) “yanacaqları Cəhənnəm. Bu yataq necə də mənfurdur!”
Onlar, əzabkeşlərin bədənlərini hər tərəfdən qarsalayıb
qovuracaq Cəhənnəm Odunda yanacaqlar. Onların üzərində oddan sipər, altlarında
isə yanar döşəmə olacaq.
ﯤ ﯥ ﯦ ﯧ ﯨ ﯩ ﯪ ﯫ ﯬ ﯭ
(38. 57) “Bu – qaynar su və
irindir. Qoy onlar onu dadsınlar”.
(38. 58) “Onlara bunun başqa çeşidləri
də hazırlanmışdır”.
Cəhənnəmin məşəqqətli yatacaq yeri məhz belədir, sərt
cəza belədir, alçalma, namussuzluq və əzabkeşlərin iztirabı belədir! Bundan
sonra onlara günahkarların bağırsaqlarını yandırıb parçalayan qaynar su və həm
də bütün içkilərdən ən murdarı və ən iyrənci olan irin içirdiləcəkdir. Bu Cəhənnəm
içkisi çirkin görünüşə, acı dada və üfunətli iyə malik olacaqdır. Hələ bu
hamısı deyil! Cəhənnəm əzabkeşlərini bunlara bənzər digər əziyyətlər də gözləyir
ki, onlara iztirab və alçaldılmaqdan başqa bir şey gətirməyəcəkdir.
ﯮ ﯯ ﯰ ﯱﯲ ﯳ ﯴ ﯵﯶ ﯷ ﯸ ﯹ
ﯺ ﯻ ﯼ ﯽ ﯾ ﯿ ﰀﰁ ﰂ ﰃ ﰄﰅ ﰆ ﰇ ﰈ
(38. 59) “Budur, sizinlə
birlikdə[10]
vasil ediləcək o dəstə. Onlara salam verilməyəcək. Həqiqətən, onlar Odda
yanacaqlar!”
(38. 60) “Onlar[11] deyəcəklər:
“Xeyr! Salam sizə verilməyəcək! Siz bizi buraya gətirmisiniz. Bu qalınacaq
yer necə də pisdir!”
Kafirlər Cəhənnəmə düşən kimi, onların bəziləri digərlərini
qınayacaq və ittiham edəcəklər. Cəhənnəmə ilk daxil olan əzabkeşlər
qalanlarına deyəcəklər: “Sizə salam yoxdur! Həqiqətən, siz Odda yanacaqsınız!”
Onlara belə cavab veriləcək: “Salam sizə verilməyəcəkdir! Siz bizi günah işlətməyə
çağırırdınız, yalançı vədlərlə aldadırdınız, bizi haqdan çəkindirirdiniz və nəticədə,
məhkum etdiniz. Bu qalınacaq yer necə də mənfurdur və burada pislik və bədbəxtlik
necə də çoxdur! Vay halımıza! Biz sizinlə burada həmişəlik qalacağıq!”
ﰉﰊﰋﰌﰍﰎﰏﰐﰑﰒﰓﰔ
(38. 61) “Onlar deyəcəklər: “Ey Rəbbimiz! Bunu bizə
qismət edənin iztirabını Odda qat-qat artır”.
Sonra onlar fasiqlərin günahları üzündən Cəhənnəmə
düşdükləri üçün onları lənətləməyə başlayacaqlar. O zaman Fövqəluca Allah belə
deyəcək: “...Hamıya əvəzi ikiqat veriləcək, amma siz bilmirsiniz” (Əraf,
7/38).
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
(38. 62) “Onlar deyəcəklər: “Bizə nə olub? Biz ən
pis hesab etdiyimiz kişiləri niyə görmürük?”
Dünyada fasiqlər mömin müsəlmanları pis adamlar
sayırdılar və zənn edirlər ki, məhz möminlər Cəhənnəmdə cəzalandırılmağa
layiqdirlər. Axirət həyatında alçaldılmış və rüsvay edilmiş kafirlər öz ətraflarında
müsəlmanları görməyəcəklər və onların taleyi ilə maraqlanmağa başlayacaqlar.
ﭜ ﭝ ﭞ ﭟ ﭠ ﭡ ﭢ
(38. 63) “Məgər biz onları nahaq məsxərəyə qoyurmuşuq?
Bəlkə onlar, sadəcə, nəzərimizdən qaçırlar?”
Doğrudanmı biz yanılmışıq? Bəlkə onlar bizimlə
birlikdə Cəhənnəmə düşüblər, amma gözümüzə dəymirlər? Ola bilsin ki, biz,
onları pis adamlar adlandıranda, həqiqətən də, yolumuzu azmışmışıq? Bəlkə onlar
elə möminimişlər, biz isə onları zalımcasına lağa qoyurmuşuq. Onlar deyirdilər:
“Ey Rəbbimiz! Biz iman gətirdik. Bizi bağışla və rəhm et, çünki Sən – rəhm
edənlərin Ən Rəhimlisisən” (Muminun, 23/109). Lakin biz onlara məsxərə
edirdik və hətta Rəbbi yada belə salmırdıq. Bəlkə də, onlar da Cəhənnəmə düşüblər
bizimlə birgə iztirab çəkirlər, amma biz onları, sadəcə, görə bilmirik? Yəqin
ki, onların sonuncu ehtimalları Cəhənnəm əzabkeşlərinə daha inandırıcı görünəcək,
çünki onların yer üzündə etiqad etdikləri baxışları və müsəlmanlara bəslədikləri
hissləri hətta Axirət həyatında da dəyişməz qalacaqdır[12].
Həmin dünyəvi keyfiyyətlər Cəhənnəmin hər bir sakininin ayrılmaz xüsusiyyəti
kimi qalacaq və günahkarları beləcə qaba və ötkəm sözlər danışmağa sövq edəcəkdir.
Bu ayələrin daha bir şərhi mövcuddur və ona müvafiq
olaraq, Cəhənnəm əzabkeşlərinin sözləri sadəcə özünüaldatma olacaqdır. Onlar
dünyada da bir-birilərini aldadırdılar və Axirətdə də bir-birilərini
aldadacaqlar. Buna görə Fövqəluca Allah xəbər verir ki, hasar üstündə olacaq
insanlar Cəhənnəm sakinlərinə belə deyəcəklər: “Məgər onlar, sizin: “Allah
heç vaxt onlara mərhəmət göstərməyəcək” – dedikləriniz deyilmi?” (Əraf,
7/49).
ﭣ ﭤ ﭥ ﭦ ﭧ ﭨ ﭩ
(38. 64) “Həqiqətən, bu – Od sakinlərinin höcətləşəcəkləri
– haqdır!”
Fövqəluca bu hekayətin doğruluğunu təsdiq edir və
buyurur ki, Cəhənnəmdəki kafirlər və müşriklər bir-biriləri ilə məhz beləcə
inadkarcasına mübahisə edib, çəkişəcəklər. Bu – şübhə edilməyəcək bir həqiqətdir.
ﭪ ﭫ ﭬ ﭭﭮ ﭯ ﭰ ﭱ ﭲ ﭳ ﭴ ﭵ
ﭶ
(38. 65) “De: “Mən yalnız xəbərdarlıq edən bir nəsihətçiyəm.
Vahid və Fövqəlqüdrətli Allahdan başqa ilah yoxdur”,
Ey Elçi! Əgər kafirlər səndən
vəzifənə aid və səlahiyyətinə daxil olmayan şeylər tələb edirlərsə, onda sən öz
əsil vəzifələrini onlara xatırlat. Sən, sadəcə, bir nəsihətçisən, bütün
varlıqlar üzərində hakimiyyət tamamilə və bütövlüklə Fövqəluca Allaha məxsusdur.
Sən əmr edə, qadağa qoya, xeyirxahlıq etməyə çağıra və pislik etməyin qarşısını
ala bilərsən. Doğru yolla gedən hər kəs bunu özü üçün edir. Yolundan azan kimsə
də təkcə özünə ziyan vurur.
Fövqəluca, Vahid və Fövqəlqüdrətli Rəbdən başqa,
kimsə pərəstişə və ibadətə layiq deyildir. Bu ilahi sifətlər Allahın Ona ibadət
edilməsinə bölünməz haqqı olmasının təkzibolunmaz dəlilləridir. Mütləq
hakimiyyət yalnız bir Canlı Varlığa[13],[14]
məxsus ola bilər və buna görə də iki və daha artıq Fövqəlqüdrətli Allahın
mövcudluğu mümkün deyildir. Təkcə Fövqəluca Allah Kainatın tamhüquqlu Ağasıdır.
Ona bərabər və bənzər olan yoxdur və yalnız O (Pak və Müqəddəs), qullarının
ibadətinə layiqdir. Yalnız həqiqi Allahın bütün varlığın yaradıcısı, hökmdarı və
hakimi olduğunu nəzərdə tutaraq, Fövqəluca Allah növbəti ayədə Özünün
hökmranlığa bölünməz haqqı barədə belə buyurur:
ﭷ ﭸ ﭹ ﭺ ﭻ ﭼ ﭽ ﭾ
(38. 66) “O – göylərin, yerin və onların
arasındakıların Rəbbidir, Fövqəlqüdrətlidir, Fövqəlbağışlayandır”.
Allah bəyan edir ki, O (Pak və Müqəddəs), göylərin
və yerin və onların arasındakıların Yeganə Rəbbidir. O (Pak və Müqəddəs)
Kainatı yaratmışdır, fasiləsiz olaraq qayğısını çəkir və onu və onda gedən
bütün prosesləri Öz istədiyi kimi idarə edir. O (Pak və Müqəddəs) – Fövqəlqüdrətlidir,
Fövqəlbağışlayandır. Özünün fövqəlqüdrəti sayəsində O (Pak və Müqəddəs), nəhəng
bir Kainat yaratmış, Özünün hüdudsuz mərhəməti sayəsində isə tövbə edən
qullarının böyük günahlarını və kiçik xətalarını bağışlayır.
Belə gözəl sifətlərə malik olan Rəbb, həqiqətən də,
ibadətə layiqdir. O (Pak və Müqəddəs), ən kiçicik məxluqları belə yaratmağa
qabil olmayan və ya Fövqəluca Allahın məxluqlarına ruzi verə bilməyən bütlərə və
uydurma “ilahlara” qətiyyən bənzəmir. Onlar nə xeyrə, nə də şərə sərəncam çəkmirlər,
nə göylərdə, nə də yer üzündə hakimyyət sahibi deyillər, günahları bağışlamağı
və tövbə qəbul etməyi bacarmırlar.
ﭿ ﮀ ﮁ ﮂ ﮃ ﮄ ﮅ ﮆ ﮇ
(38. 67) “De: “O, əzəmtli bir xəbərdir”,
(38. 68) “siz isə ondan üz döndərirsiniz”.
Allah kafirləri dəhşətli bir cəzadan xəbərdar etməyi
qərara almışdı və buna görə Öz Elçisinə (ona Allahın salavatı və salamı olsun!)
buyurur ki, onlara desin: “Gələcəkdə dirilmə və əvəz veriləcəyi o dərəcədə əhəmiyyətlidir
ki, heç bir insanın ona laqeyd yanaşmağa haqqı yoxdur. Bəs onda siz bu haqlı
xəbəri niyə rədd edirsiniz, sanki hesablaşma, əvəzverilmə və mükafatlandırma
Günü sizdən yan ötəcəkdir. Əgər siz mənim sözlərimin etibarlı olmasına şübhə
edirsinizsə və ya mənə inanmaqdan boyun qaçırırsınızsa, onda bilin ki, mən
bu təlimi özüm uydurmamışam və onu kitablardan oxumamışam. Mən sizə yalnız Rəbbimin
vəhyini çatdırıram və ona heç bir əlavə və dəyişikliklər etmirəm. Məhz bu mənim
haqlı olmağımın ən böyük dəlili və mənim dinimin həqiqi din olmasının parlaq
sübutudur.
ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ
(38. 69) “Mən uca aləmlərdə gedən mübahisələrdən xəbərdar
deyildim”.
Mən mələklər haqqında heç bir biliyə malik
deyildim. Əgər Allah qeybə məxsus biliyin bir qismini mənə açmasaydı, onda mələklərin
Adəmin yaradılması haqqında etdikləri mübahisədən mənim heç vaxt xəbərim
olmazdı.
ﮒ ﮓ ﮔ ﮕ ﮖ ﮗ ﮘ ﮙ ﮚ
(38. 70) “Mənə, sadəcə, yalnız açıq xəbərdaredən nəsihətçi
olmağım vəhy edilir”.
Allahın Elçisinin (ona Allahın salavatı və salamı
olsun!) moizələri və nəsihətləri asan ifadə edilən və başa düşülən idi və heç
kim onun (ona Allahın salavatı və salamı olsun!) bu bacarığından üstün ola
bilməzdi.
ﮛ ﮜ ﮝ ﮞ ﮟ ﮠ ﮡ ﮢ ﮣ ﮤ
ﮥﮦﮧﮨ ﮩﮪﮫﮬﮭﮮ
(38. 71) “Bir vaxt Rəbbin mələklərə dedi: “Həqiqətən,
Mən gildən insan xəlq edəcəyəm.”
(38. 72) “Mən ona surət və ruhumdan nəfəs verdikdən
sonra ona səcdə qılın”.
Rəbb mələklərin nəyə görə mübahisə etdiklərini
bildirir. Bu, Allah bir insan yaradacağı haqqında mələklərə xəbər verərkən
olmuşdu. O (Pak və Müqəddəs) buyurmuşdu: “Mən gildən bir insan xəlq edəcəyəm. Mən
ona surət və nəfəs verdikdən sonra, onun qarşısında səcdəyə qapılarsınız”. Nəcib
mələklər çox fikirləşmədən, Rəbbin iradəsinə itaət etmişdilər və bununla Onun əmrini
nəinki yerinə yetirmiş, hətta Adəmə ehtiram da göstərmişdilər. Fövqəluca
Allah insan vücudunun yaradılışını sona çatdırdıqdan və ona nəfəs verdikdən
sonra, mələklər insan biliyinin göylərin sakinlərinin elmindən üstünlüyünə əmin
oldular. Məhz buna görə Allah onlara insana təzim etmək hökmü verdi.
ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ
ﯛ
(38. 73) “Bütün mələklər birlikdə səcdəyə
qapıldılar,“
(38. 74) “İblisdən başqa. O, təkəbbür göstərdi və
kafirlərdən oldu”.
İblis[15]
qərara almışdı ki, o, insandan yaxşıdır və öz Rəbbinə itaət etməkdən təkəbbürlə
boyun qaçırmışdı. İblis bu hərəkətindən sonra kafirlərdən biri oldu, lakin Fövqəluca
Allah bunu öncədən də bilirdi.
ﯜ ﯝ ﯞ ﯟ ﯠ ﯡ ﯢ ﯣ ﯤﯥ ﯦ ﯧ
ﯨ ﯩ ﯪ ﯫ
(38. 75) “O buyurdu: “Ey İblis! Mənim Öz iki Əlimlə
yaratdığımın qarşısında səcdə etməyinə nə mane oldu? Sən təkəbbürünümü göstərdin
və ya alilərdənmi idin?”
Mən insana böyük iltifat göstərdim və bununla onu
bir çox digər məxluqlardan üstün etdim. Məgər bu, kiminsə insana təkəbbürlə
baxmaması üçün kifayət etmirdimi? Məgər səndə lovğalıq hissimi baş qaldırdı? Məgər
sən özünü digər qullardan yaxşımı sayırsan?
ﯬ ﯭ ﯮ ﯯﯰ ﯱ ﯲ ﯳ ﯴ ﯵ ﯶ ﯷ
(38. 76) “Dedi: “Mən ondan xeyirliyəm. Sən məni
oddan yaratmısan, onu isə gildən yaratmısan”.
İblis qərara almışdı ki, o, insandan daha
xeyirlidir, çünki od gildən daha yaxşıdır, lakin hər iki halda o, yanılırdı. Od
bəla gətirir, nöqsan, təkəbbür və yüngülməcazlıq törədir, torpaq isə ağaclar,
ot-ələf, kolluqlar, təvazökarlıq yaradır. Məhz torpaq oda qələbə çalır və onu
söndürür və bunun əksi olmur. Bundan başqa, od oduna və alışdırıcı közə
möhtacdır, torpaq isə özü yaşamağa qabildir. Bütün bunlar onu sübut edir ki,
İblisin etirazı əsassız və yaramaz idi, axı məhz o, bütün kafirlərin ağsaqqalı
olmuşdur. Onun şagirdlərinin və ardıcıllarının, haqqı inkar etmək istəyərkən
necə mənasız və səfeh sübutlara əl atdıqlarını təsəvvür etmək heç də çətin
deyil. Onların “sübutları”, heç şübhə yoxdur ki, İblisin “dəlillərindən”
daha çox əsassızdır.
ﯸ ﯹ ﯺ ﯻ ﯼ ﯽ ﯾ ﯿ ﰀ ﰁ ﰂ
ﰃ ﰄ
(38. 77) “Buyurdu: “Çıx oradan! Sən daşlanmısan”[16].
(38. 78) “Şübhəsiz, Din gününədək lənətlənmişsən”.
Rəbb İblisi göylərdən qovmuşdu və ona alicənab mələklər
arasında görünmək belə əbədi olaraq qadağan edilmişdi. Bununla da O (Pak və Müqəddəs),
onu Öz mərhəmətindən məhrum etmişdi.
ﰅ ﰆ ﰇ ﰈ ﰉ ﰊ ﰋ
(38. 79) “Dedi: “Ey Rəbbim! Onların dirildiləcəkləri
günədək mənə möhlət ver”.
O, Adəmə (ə) və onun nəsillərinə ən böyük nifrət bəsləyirdi
və qismətinə yolunu azmaq nəsib olacaq kəslərin hamısını azğınlığa salmaq istəyi
ilə yanırdı. Fövqəlmüdrik Allah elə əzəldən insanları imtahana çəkməyə
hazırlaşırdı və buna görə O (Pak və Müqəddəs), şeytanın yalvarışını qəbul etdi.
ﰌ ﰍ ﰎ ﰏ ﰐ ﰑ ﰒ ﰓ ﰔ ﰕ
(38. 80) “Buyurdu: “Həqiqətən, sən – möhlət verilənlərdənsən – ”
(38. 81) “müddəti müəyyən olunmuş Günədək”.
Bu möhlətin
müddəti Adəmin (ə) bütün nəsillərinin yer üzündə
sınaqdan keçdikləri zaman sona çatacaqdır. İblis möhlət alan kimi, özünün bütün
kin-küdurətini Allaha və bəşəriyyətə qarşı yönəltdi. Məhz buna görə Fövqəluca
belə buyurur:
ﰖ ﰗ ﰘ ﰙ ﰚ ﰛ ﰜ ﰝ ﰞ ﰟ
(38. 82) “Dedi: “And içirəm Sənin qüdrətinə! Hamısını
sapdıracağam – ”
(38. 83) “Yalnız Sənin səmimi qullarından başqa”.
İblis çox
gözəl bilirdi ki, Allah öz Rəbbinə səmimiyyətlə ibadət edən və böyük ciddiyyətlə itaət
göstərən insanları onun fitnələrindən mütləq qoruyacaqdır. Elə buna görə də o,
Allahın əzəmətinə və fövqəlqüdrətinə
and içir ki, bu həmin
ayələrə verilən
izahlardan biridir.
Başqa bir şərhə görə, bu ayələri aşağıdakı kimi tərcümə etmək lazımdır: “Sənin fövqəlqüdrətin sayəsində mən
onların hamısını yoldan çıxaracağam, yalnız Sənin səmimi qullarından başqa”. İbis
özünün acizliyini bilirdi və qəti əmin idi ki, Rəbbin razılığı olmadan o,
insanları azdıra bilməz və buna görə Allahdan xahiş edir ki, Adəmin (ə) nəsillərini yoldan çıxarması
üçün ona yardım etsin. O, Fövqəluca Allahın qatı düşməni olsa da, bu addımı atmışdı.
Ey Rəbbimiz!
Biz zəif və köməksiz məxluqlarıq. Biz öz vəzifələrimizin hamısını yerinə
yetirməsək də, bunun əvəzində Sənin bizə əta etdiyin çoxsaylı nemətlərini
qəbul edirik. Biz Sənin fövqəlqüdrətinə, əzəmətinə və mərhəmətinə ümid bəsləyir
və qəti bilirik ki, Sənin İlahi rəhmətin bütün
varlıqları əhatə edir. Sən bizi Öz mərhəmətinlə himayə edir, bəlalardan və müsibətlərdən qoruyursan və
buna görə biz Səndən xahiş edirik ki, bizi şeytanın fitnələrindən
müdafiə edəsən və bizi müşriklikdən və cinayətlərdən uzaqlaşdırasan. Biz
inanırıq ki, Sən bizim dualarımızı mütləq eşidirsən və çağırışımıza cavab verəcəksən.
Sən belə demisən: “Mənə dua edin və Mən də sizə cavab
verim” (Mumin,
40/60). Biz Sənin vədinə inanırıq, Sənin hökmünü yerinə
yetiririk və səndən xahiş edirik ki, duamızı qəbul edib, Öz vədini yerinə yetirəsən,
“axı Sən vədini pozmursan” (Ali-İmran, 3/194).
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝ
(38. 84) “Buyurdu: “Budur Həqiqət! Mən yalnız həqiqəti
söyləyirəm”.
(38. 85) “Mən Cəhənnəmi sən və sənin ardınca gedənlərlə
dolduracağam”.
Mən Cəhənnəmi
sən və sənin insanlardan olan bütün ardıcıllarınla dolduracağam. Sən Mənim
sözlərimə şübhə etməyə bilərsən, çünki Mən yalnız həqiqəti
deyirəm. Haqq – Mənim tərifəlayiq sifətlərimdən biridir.
ﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭨ
(38. 86) “De: “Mən buna görə sizdən heç bir mükafat
istəmirəm və
Özümü uydurmalarla yükləmirəm”.
Mən xütbələrimə
və nəsihətlərimə görə sizdən mükafat istəmirəm və mən qeyb haqqında əfsanələr
uydurmuram. Mən sizə yalnız Fövqəluca Rəbbin vəhylərini çatdırıram və Onun əmr
etdiklərini
yerinə yetirirəm.
ﭩ ﭪ ﭫ ﭬ ﭭ ﭮ
(38. 87) “Bu – aləmlər üçün yalnız Xatırlatmadir”.
Bu Şərəfli
Quran insanlara bu dünyada və ruhani həyatda fayda gətirə bilən hər şeyi
xatırladır. Onun sayəsində bəzi insanlar şan-şöhrətə və əzəmətə nail olur, digərləri
isə öz küfrünə və itaətsizliyinə cahillik və bilməməzliklə bəraət qazanmaq
imkanından məhrum edilir.
Bu Şərəfli Quran surəsində hikmətli
xatırlatma və əzəmətli bir müjdə və həmçinin Quranı inkar etməyə və Muhəmməd
Peyğəmbəri (ona
Allahın salavatı və salamı olsun!) yalançılıqda günahlandırmağa
cəsarət edən kafirin inanması üçün kifayət qədər təkzibolunmaz sübut və dəlillər
vardır. Fövqəluca onda səmimi və təqvalı qullarının aqibətindən və həm də
insanları Axirət həyatında gözləyən əvəz haqqında
xəbər verir. Məhz buna görə surənin ən başlanğıcında Quran
xatırlatmadan ibarət olan Kitab, axırdan ikinci ayədə isə, aləmlər üçün
Xatırlatma adlandırılmışdır. Bundan başqa, surənin bütün
gedişatı boyu Allah dəfələrlə Kəramətli Quranın bu gözəl məziyyətini
xüsusilə vurğulayır.
ﭯ ﭰ ﭱ ﭲ ﭳ
(38. 88) “Siz bir müddət sonra onun xəbərini biləcəksiniz”.
Kafirlər
sonuncu Səmavi Kitabın gerçəkliyinə mütləq əmin olacaqlar. Bu, bir müddət sonra
baş verəcəkdir. Lakin bunun baş verəcəyi zaman onları şiddətli əzab verən cəza
haqlayacaqdır və onlar əllərindən qaçırdıqları imkanı qaytara bilməyəcəklər.
[1] Başlanğıc hərfli
Quran surələri içində “Sad” hərfi 38-ci surədə tək hərf kimi keçdiyi halda,
7-ci Əraf surəsində “Əlif-Lam-Mim-Sad” formasında (qəlibində), 19-cu Məryəm surəsində
“Kəf-Hə-Yə-Əyn-Sad” formasında keçir. Bu üç surədə keçən “Sad” hərflərinin cəmi
152-dir ki, bu da Quranın özünümühafizəsinin 19 kod rəqəminin (19 x 8) əmsalıdır.
Əgər mövcud olan bir çox Quran nüsxələrində “sad” hərflərini saysanız – Əraf
surəsində 97 deyil, 98 belə hərfin şahidi olarsınız. Bunun səbəbi isə 7-ci Əraf
surəsinin 69-cu ayəsində keçən “Bastatan” kəlməsinin “sin” yerinə, səhvən
“sad” hərfi ilə yazılması olacaqdır. Hətta bir çox nüsxələrdə bəhs etdiyimiz kəlmənin
üstündə kiçik “sin” hərfi yazıldığını və ərəbcə də bir izah əlavə edildiyini
(“Yukrau bis sini”, yəni, “sin” ilə oxuyun”) görərsiniz. Həmin ayədəki “Bastatan”
sözünün “sin” və ya “sad” hərfi ilə yazılması məsələsi, hətta iki tədqiqatçı cərəyanı
yaratmışdı ki, onları “sinçilər” və sadçılar” adlandırırdılar. Lakin Quran insan
sözü deyil, Allahın vəhyidir və ayədəki bu hərf problemini 19 kodu həll
etmişdir. Quranın “19 möcüzəsi”, yəni onun mühafizə sistemi kodu
kəşf edildikdən sonra, ən qədim Quran nüsxələri araşdırılıb yoxlandı və hərflərin
hesablanıb 19-a bölünməsi həmin (“Bastatan”) sözünün “sin” hərfi ilə yazılmış
olduğunu təsdiq etdi. (Daha geniş məlumat üçün bax: Quran heç tükənməyən möcüzə,
İstanbul, 2005, səh. 406). F.S.
[2] Payalar sahibi – Bir sıra Quran tərcümələrində
(türk dilində) Firon (L) payalar (türkcə - kazık) hökmdarı (sahibi)
adlandırılır (İskender Ali Mihr, Diyanet İşleri Vakfı, Ali Bulaç, Elmalılı
Hamdi və s.). F.S.
[3] Şueyb peyğəmbərin
(ə) xalqı nəzərdə tutulur. Bax: Tafsirus – Sadi, IV cild (türk dilində),
Quraba, I nəşr, 2006, s. 322.
F.S.
[4] Əykə - ağacları sıx-sıx bitən qalın meşəliyə deyilir. F.S.
[5] Fövqəluca Allah bu ayədə Davud peyğəmbərin (ə) həmişə yalnız Ona üz
tutub, ibadət etdiyini bildirir. F.S.
[6] Yəni həmin
vaxtlarda ibadət et, namaz qıl. F.S.
[7] Kursim
mənimdir. Bu söz birləşməsi rus mətnində: “святых
пророков” kimi verilmişdir. F.S.
[8] Burada:
Allaha sığınmaq nəzərdə tutulur. F.S.
[9] Təqvalı
qul – səmimi qəlbdən Allahdan qorxan və buna görə
də Onun bütün hökmlərini itaətkarlıqla yerinə yetirən quldur. F.S.
[10] Kafirlərə rəhbərlik
edənlər nəzərdə tutulur. Mir Mühəmməd Kərim əl-Bakuvi Təfsirində deyilir ki: “Qiyamət
günü, insanları zəlalətə salmış başçıları Cəhənnəmə girəcəklər. Onların ardınca
da onlara itaət edənlər girəcəklər və bu zaman başçılar onlara itaət edənlərə
baxaraq bir-birilərinə deyəcəklər: “Bunlar da sizin dalınızca düşənlərdir.
Onlara salam olmasın. Çünki onlar Cəhənnəm Oduna atılacaqlar... Bu başçılara
itaət edənlər isə belə deyəcəklər: “Küfürə batmağımıza siz səbəb oldunuz. İndi
də bizi qınayırsınız. Elə hamımız Cəhənnəmə atılacağıq” (Sad, 38/59-60).
F.S.
[11] Kafirlər.
F.S.
[12] Bu şərh ilə
bağlı İbn Kəsir Təfsirində belə deyilir: “Kafirlər öz zənlərinə görə özlərini
mömin sayırdılar və axtadıqları mömin müsəlmanları isə yolunu azmış sapıqlar
adlandırırdılar. Ona görə deyəcəklər ki, bizə nə olub ki, onları bizimlə
birlikdə Cəhənnəmdə görə bilmirik?!” Mücahid deyir ki: “Bu, Əbu Cəhlin sözüdür.
Belə deyəcəkdir: “Mənə nə olub ki, Bilalı, Əmmarı, Suheybi, filankəsi və filankəsi
görə bilmirəm. Əslinə qaldıqda bu bir nümunədir. Çünki bütün kafirlərin vəziyyəti
elə belə olacaqdır. Kafirlər onların Cəhənnəmə girəcəklərinə inanırdılar. Özləri
Cəhənnəmə girdikdə isə, müsəlmanları axtaracaq, lakin tapa bilməyəcəklər...
və deyəcəklər ki: “Pis saydığımız adamları burada niyə görmürük?” Dünyada biz
onları məsxərəyə qoyurduq. İndi isə gözümüzə görünmürlər”. İbn Kəsir Təfsiri, həmin
ayələrin şərhinə bax. F.S.
[13] O –
Yaradılmamışdır və Vahiddir, Yaradandır və Əbədidir. Mütləq və ən Kamil olan nə
varsa, Ona məxsusdur. O – Allahdır! Tərc. qeydi.
F.S.
[14] Bu ifadə (“Canlı Varlıq”) tərcümə etdiyim şərhin mətnində:
“живое существо” kimi verilmişdir. F.S.
[15] İblis mənşə
etibarı ilə mələklərdən deyildi. İbn Kəsir öz Təfsirində bu barədə belə yazır: “İblis
cinlərdəndi və zəruriyyət yarandığı bir zamanda onun təbiəti, fitrəti özünə xəyanət
etdi və o, Adəm əleyhissalama səcdə etməkdən boyun qaçırıb, Rəbbi ilə mübahisəyə
girdi və özünün Adəmdən (ə) daha xeyirli olduğunu bildirdi.O, oddan, Adəm (ə)
isə palçıqdan yaradılmışdı və onun zənninə görə, od palçıqdan daha xeyirli
idi. Buna görə xəta etmiş, Allahın əmrinin əleyhinə çıxmış və kafir olmuşdu.
Fövqəluca Allah da onu Öz mərhəmətindən məhrum etmiş, onu qovmuş və ona İblis
adını vermiş və yerə endirmişdi...” (Həmin ayələrin şərhinə bax). F.S.
[16] Mevdudi
özünün «Təfhimül Quran” adlı əsərinin həmin ayələrinin şərhində qeyd edir ki,
““Rəcm” – daşlamaq (daş atmaq) və öldürmək mənalarını verir. Burada
Allah məcaz yolu ilə şeytanın şərəfli bir məqamdan aşağı endirilərək, zəlil
edilməsini nəzərdə tutmuşdur. Bu, Əraf surəsində (7/13) də oxşar tərzdə ifadə
edilmişdir”. Amma, ümumiyyətlə, bu ayənin müxtəlif tərcümələrində, “rəcm”
(رَجٖيمٌ) sözü, nədənsə, əksərər mütərcimlər tərəfindən “qovulmaq” kimi
çevrilir. F.S.
Комментариев нет:
Отправить комментарий