SURƏSİNİN
ŞƏRHİ
ﭑ ﭒ ﭓ
ﭔ
Mərhəmətli
və Rəhmli Allahın adı ilə!
ﭑﭒ ﭓ ﭔ ﭕ ﭖ ﭗ ﭘ
Fövqəluca, qullarına sonuncu Səmavi Vəhyin
böyüklüyünə diqqəti cəlb edərək, onu Aydın Kitab adlandırır. Gözəl Quran ayələri
Allahın həqiqətlərinin ən əzəmətli möcüzələri və parlaq dəlilləridir. Onlar
insanlara ən müqəddəs məqsədlərə doğru yol göstərir və onlara xalis və pak
niyyətlərə nail olmağa, saleh əməllər işləməyə və nəcib məziyyətlərlə seçilməyə
kömək edir. Onlarda həqiqi rəvayətlər, gözəl hökmlər və insanları həlakedici
addımlardan və nifrətamiz keyfiyyətlərdən uzaqlaşdıran müdrik haramlar
öz əksini tapmışdır. Onlar hər bir ağıllı insanın qarşısında, günəş yer aləmini
işıqlandırdığı kimi, doğru yolu nurlandırır. Onlar haqq dinin üstünlüyünə
dəlalət edir və insanları iman gətirməyə çağırır və həmçinin keçmişdə baş
vermiş və bundan sonra gələcəkdə gerçəkləşəcək qeybə məxsus biliklərin bir
qismini Allahın qullarına açır. Onlar insanlara öz Fövqəlqüdrətli Rəbbini
Onun gözəl adları, əzəmətli sifətləri və qüsursuz əməlləri vasitəsilə dərk etməkdə
yardım göstərir. Onlar Allahın elçiləri və təqvalı saleh insanlar haqqında o dərəcədə
dəqiq xəbərlər verirlər ki, hətta ən sadə oxucu da onların simalarının gözləri
qarşısında canlandığını hiss edir. Lakin bütün bu yuxarıda deyilənlərə baxmayaraq,
insanların çoxu bu heyrətamiz ayələrdən fayda əldə edə bilmir və onların
müdrik hökmlərinə əsaslanmırlar. Bunda da bir ilahi hikmət vardır, çünki bunun
sayəsində Pak Vəhy yaxşılıq etməyə qadir olmayan, möminlikdən və mənəvi təmizlikdən
məhrum olan fasiqlərə qismət olmur. Həqiqətən, Quran ayələrini rəhbər
tutanlar yalnız pak niyyətlərə və nurlu qəlbə malik olan möminlərdir. Bunlar –
Allahın seçdiyi insanlardır ki, Allah onları həqiqi iman sahibləri olmaları
sayəsində ucaltmışdır. Məhz buna görə, daha sonra Fövqəluca Rəbb belə
buyurur:
ﭙ ﭚ ﭛ ﭜ
(27. 2) “möminlər üçün doğru yol göstərən
və müjdədir”;
Quran ayələri iman gətirənlərə doğru yolla getməyə
kömək göstərir, onlara nəyə doğru yönəlmələrini və nədən çəkinməli olduqlarını
izah edir. Bununla yanaşı onlar möminlərə vəd olunmuş və yalnız doğru yolla
getmək sayəsində layiq görülən bol mükafatlar haqqında müjdə verir.
İman gətirənlərin Cənnət mükafatlarına layiq görüləcəyini
eşidən məlumatsız bir insan, elə fikirləşə bilər ki, bol mükafat, özünü “mömin”
adlandıran, hər kəsə qismət ediləcəkdir. Bəlkə, insan öz iddialarını
müvafiq əməllərlə təsdiq etməlidir? Şübhəsiz ki, bu belə olmalıdır və buna görə
sonra Fövqəluca Allah möminlərin əsil məziyyətlərini izah edərək, buyurur:
ﭝ ﭞ ﭟ ﭠ ﭡ ﭢ ﭣ ﭤ ﭥ ﭦ
(27. 3) “onlar namaz
qılar, zəkat verər və Axirətə qəti əmin olarlar”.
Onlar fərz və nafilə namazlar qılarlar, həm də
namazda nəinki bədənləri ilə, həmçinin qəlbən iştirak edərlər. Onlar namaz
qılarkən onun bütün rüknlərini, həm də vacib və könüllü hökmlərini yerinə
yetirərlər. Onlar namazda ikən özlərini Fövqəluca Rəbbin qarşısında hiss edər və
hər söyləyəcəkləri sözün üzərində düşünərlər. Doğrudan da, müsəlmanın namazda
mütiliyi – namazın canı və mənasını əks etdirir.
Bununla yanaşı müsəlmanlar
fərz və nafilə ianələr verir və həmçinin Axirət həyatına qətiyyətlə inanırlar.
Onların imanı kamil əminlik dərəcəsinədək yüksəlmişdir. Etiqad – qəlbin dərinliyində
kök salmış və insanı müvafiq əməlləri yerinə yetirməyə təkan verən kamil
bilikdir. Axirət həyatının gerçəkliyinə etiqad etmək isə, möminləri özlərinin
Son Məkanında uğur qazanmaq üçün var qüvvəsi ilə səy göstərməyə və insanı məşəqqətli
cəzaya məhkum edə biləcək istənilən əməllərdən qorunmağa vadar edir. Doğrudan
da, əmin-amanlığın əsasını təşkil edən də məhz budur.
ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ
(27. 4) “Həqiqətən, Axirətə iman gətirməyənlərə
əməllərini gözəl göstərdik və onlar çaşqınlıq içində veyllənirlər”.
Onlar öldükdən sonra diriləcəklərini inkar edir və
buna inanan insanları yalançı adlandırırlar. Lakin son nəticədə onlar özlərinə
daldalanmağa yer tapa bilməyərək, şübhələr içində əzab çəkəcəklər. Əslində
onlar günahkardırlar, çünki Allahın mərhəmətini rədd etmiş və Onun dəhşətli qəzəbinə
düçar olmağı üstün tutmuşlar. Aləm onların gözü qarşısında tərsinə çevrilmiş:
yalan onlara həqiqət kimi, həqiqət isə yalan kimi görünmüşdür.
ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ ﭼ
(27. 5) “Onlar üçün şiddətli əzab
hazırlanmışdır, Axirətdə isə ən çox ziyana uğrayanlardan olacaqlar”.
Qiyamət gününün başlaması ilə onlar dünya həyatında
sahib olduqları hər şeyi itirəcəklər. Onlar ailələrindən məhrum olacaq,
Allahın elçilərinin onları dəvət etdikləri haqq dinə gəlmək ümidləri boşa
çıxacaq və hətta özlərini də itirəcəklər.
ﭽ ﭾ ﭿ ﮀ ﮁ ﮂ ﮃ ﮄ
(27. 6) “Həqiqətən, sən Quranı Hikmət
Sahibindən və Hərşeyi Biləndən alırsan”.
Ey Muhəmməd! Vəhylə aldığın Hikmətli Quranı Fövqəluca
Allah nazil edir ki, Onun gözəl adları arasında – Hikmət Sahibi və Hərşeyibilən
adları vardır. Allah Öz ilahi müdrikliyi sayəsində hər şeyi öz yerinə yerləşdirir,
Özünün kamil bilikləri sayəsində isə varlığın bütün sirlərini – həm aşkar, həm
də qeybə məxsus olanları bilir. Bu o deməkdir ki, Hikmətli Quran ən müdrik
hökmlərdən və ən faydalı öyüd-nəsihətlərdən ibarətdir. Həqiqətən, Allahın
məxluqlarına nəyin daha faydalı olmasını Onun Özü daha yaxşı bilir.
ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﮏ
ﮐ ﮑ ﮒ ﮓ ﮔ ﮕ
(27. 7) “Musa birdən
ailəsinə dedi: “Doğrusu, mən od görürəm. Gedim ondan
sizə ya bir xəbər, ya da isinməyiniz üçün
bir kösöv gətirim”.
Ey Muhəmməd! Musa peyğəmbərin
(ə) peyğəmbərliyinin necə başlamasını heç vaxt unutma. Allah onu (ə) digər
insanlardan yüksəyə ucaltdı, onu (ə) Özünün elçisi etdi və hətta onunla (ə)
vasitəçisiz danışdı. Bu, Musa (ə) bir-neçə il Mədyəndə qaldıqdan sonra öz
ailəsi ilə Misirə gedən zaman baş vermişdi. Soyuq qaranlıq gecələrin birində
o (ə), yolu azmışdı və birdən çox uzaqlıqda od gördü. O (ə) ailəsinə dedi: “Mən
od görürəm. Siz burada dayanın, mən sizə oradan ya bir xəbər, ya da bir kösöv
gətirərəm. Ola bilsin ki, qızınasınız”. Musanın (ə) sözləri birmənalı
olaraq təsdiq edir ki, o gözəl gecə vaxtı o (ə) düz yol tapa bilməmişdi və
bərk soyuq hiss edirdi.
ﮖ ﮗ ﮘ ﮙ ﮚ ﮛ ﮜ ﮝ ﮞ ﮟ ﮠ
ﮡ ﮢ ﮣ ﮤ
(27. 8) “O, onun yanına gəldikdə bir Səs
eşitdi: “Od içində olan da, onun ətrafındakı da bəxtiyardır və aləmlərin Rəbbi
Allah Pakdır!”
Bu, Fövqəluca Allahın Öz səsi idi və Musanın (ə)
mübarək bir yerə gəlib çıxmasından xəbər verirdi. Allahın məhz bu yeri, Musaya
(ə) müraciət etməsi və onu (ə) Öz elçisi təyin etməsi üçün seçdiyini demək
kifayətdir. Allah həmçinin bildirir ki, insanlar Onun barəsində layiq olmayan tərzdə
fikirləşmək haqqına malik deyillər, çünki Onun bütün sifətləri və əməlləri
kamildir və qüsursuzdur.
ﮥ ﮦ ﮧ ﮨ ﮩ ﮪ ﮫ
(27. 9) “Ey Musa! Həqiqətən, Mən –
Allaham, Fövqəlqüdrətliyəm, Müdrikəm”.
Digər bir ayədə xəbər verilir ki, Fövqəluca Rəbb
belə buyurmuşdur: “Həqiqətən, Mən – Allaham! Məndən başqa
ilah yoxdur. Yalnız Mənə ibadət et və namaz qıl ki, Məni xatırlayasan” (Taha,
20/14).
Fövqəlqüdrətli və Müdrik – Onun gözəl
adlarındandır. Bütün varlıqlar Ona itaətkardır və bütün məxluqlar Ona tabedirlər.
Onun
əməlləri və hökmləri ilahi hikməti ilə cilvələnmişdir. Fövqəluca Allah Öz
müdrikliyi sayəsində İmran oğlu Musanı (ə) elçi etmişdir. Ona yaxşı məlum idi
ki, Musa (ə) bu yüksək şərəfə - Ondan Vəhy almağa və Onunla danışmağa
layiqdir.
Ey Musa! Hər şeydə yalnız öz Fövqəlqüdrətli Rəbbinə
təvəkkül et və ardıcıllarının az, zalım düşmənlərinin isə çox olmasına görə
özünü tənha sayma! Onların hamısı Allahın hakimiyyəti altındadırlar. Allah Öz
qullarının nəinki əməllərini, həm də istirahətinin təşkilini də idarə
edir.
ﮬ ﮭﮮ ﮯ ﮰ ﮱ
ﯓ ﯔ ﯕ ﯖ ﯗ ﯘﯙ ﯚ ﯛ ﯜ ﯝ ﯞ ﯟ ﯠ ﯡ ﯢ
(27. 10) “Əsanı at!” O, onun ilan kimi qıvrıldığını
gördükdə, arxasına baxmadan qaçdı. “Ey Musa! Qorxma, çünki elçilər Mənim
qarşımda heç nədən qorxmamalıdırlar”.
Musa (ə) əsasını atdı və o ilan kimi qıvrılmağa
başladı. Musa (ə) ilandan təbii qorxu hissi keçirərək, dala baxmadan qaçmağa
başladı. Belə olduqda, Fövqəluca Allah buyurdu:“Ey Musa! Ona yaxınlaş və
qorxma, çünki sən əmin-amanlıq içində olanlardan birisən” (Qəsəs, 28/31).
Qorxu törədən və rahatsızlığa səbəb olan nə varsa, Fövqəlqüdrətli Rəbbinin
ixtiyarındadır. O (Pak və Müqəddəs Olan), Öz qulları arasından elçilər seçərək,
onları peyğəmbərlik və Vəhy ilə şərəfləndirmişdir və buna görə onlar Ondan
başqa heç kimdən və heç nədən qorxmamalıdırlar. Bütün bunlar daha artıq dərəcədə
Musa peyğəmbərə (ə) aid idi, çünki həmin əzəmətli anda Fövqəluca Allah
qeyri-adi halda onun (ə) yaxınlığında idi və onunla (ə) vasitəsiz danışırdı.
ﯣ ﯤ ﯥ ﯦ ﯧ ﯨ
ﯩ ﯪ ﯫ ﯬ ﯭ ﯮ
(27. 11) “Lakin kimsə zalımlıq
etdikdən sonra, onu yaxşılıqla əvəz edərsə, bilməlidir ki, Mən – Bağışlayanam, Rəhmliyəm”.
Şər əməllər və cinayətlər törədən kəslər qorxmalı və
narahat olmalıdırlar. Allahın elçiləri (onlara salam olsun!) isə qorxu hissi
və ya narahatçılıq keçirməməlidirlər. Çünki qorxu – günahkarların nəsibidir.
Lakin əgər insan ədalətsiz davranıbsa və Allaha itaətsizlik göstəribsə, sonra
isə tövbə edərək xeyirxah işlər görməyə başlayırsa, onda Fövqəluca Allah onu
bağışlamağa və ona mərhəmətini göstərməyə həmişə hazırdır. Həqiqətən, Allah
– Bağışlayandır, Rəhmlidir. Buna görə insanlar Rəbbin mərhəmətinə və
bağışlayacağına ümidlərini kəsməməlidirlər. O (Pak və Müqəddəs Olan), tövbə
edən qullarının istənilən günahlarını bağışlayır və O (Pak və Müqəddəs Olan),
Öz məxluqlarına, ananın öz körpəsinə bəslədiyi mərhəmət hissindən daha çox mərhəmətlidir.
ﯯ ﯰ ﯱ ﯲ ﯳ ﯴ
ﯵ ﯶ ﯷﯸ ﯹ ﯺ ﯻ ﯼ ﯽ ﯾﯿ ﰀ ﰁ ﰂ ﰃ ﰄ
(27. 12) “Əlini
qoltuğuna qoy və o, xəstəlik əlaməti olmadan, ağappaq çıxacaqdır. Bunlar
Firon və onun xalqı üçün doqquz möcüzədən bəziləridir. Doğrusu, onlar itaət
etməyən insanlardır”.
Əlini qoltuğuna sal və onda qotur əlaməti və ya digər
ləkələr olmayacaqdır. Əksinə, əlin ağappaq olacaq və onun parlaqlığı
baxanları heyrətə salacaqdır. Bu möcüzələr Firon (L) və onun xalqı üçün nəzərdə
tutulmuş doqquz möcüzədən bəziləridir.
Burada söhbət Musa peyğəmbərin (ə) Misir hökmdarına
və onun xalqına göstərdiyi iki böyük möcüzədən gedir. Bu - əsanın canlı ilana
çevrilməsi və qoltuğundan çıxartdığı əlinin işıq saçmasıdır. Alicənab peyğəmbər
(ə) onlara cəmi doqquz böyük möcüzə göstərmişdi ki, onların hər biri onun moizələrinin
gerçəkliyini təsdiq edirdi.
Sonra Fövqəluca Allah bildirir ki, Fironun (L)
xalqı uydurulmuş ilahlara ibadət edir, cinayətlər törədir, Allahın qullarına
zalımlıq göstərir və haqqı olmadan özlərini başqa xalqlardan üstün
tuturdular. Fövqəluca Allah Musanı (ə) məhz belə bir xalqın yanına göndərmişdi
və Peyğəmbər (ə) də çox götür-qoy etmədən Fironun (L) və Misir zadəganlarının
yanına getdi ki, onları Vahid Allaha iman gətirməyə dəvət etsin və onlara əzəmətli
möcüzələr göstərsin.
ﰅ ﰆ ﰇ ﰈ ﰉ ﰊ
ﰋ ﰌ ﰍ
(27. 13) “Möcüzələrimiz onlara gerçəkdən göstərildikdə,
dedilər: “Bu, aydın bir sehrdir”.
Musanın (ə) göstərdiyi möcüzələr günəşin yer aləmini
işıqlandırdığı kimi, həqiqətə işıq saçdıqda, Misir müşrikləri dedilər: “Bu –
açıq-aşkar bir sehrbazlıqdır”. Onlar nəinki haqqı sehrbazlıq adlandırdılar, həm
də bu sözdən ötrü gurultulu bir ləqəb də seçdilər. Bununla onlar demək istəyirdilər
ki, Musanın (ə) cadugərliyinin cazibədarlığı hər bir adama bəlli idi. Bu isə
onların küfrünün daha da əcaib olduğunu göstərirdi. Məgər əzəmətli möcüzələri
sehrin yalançı ovsunları və uydurmaları ilə müqayisə etmək olar?! Həqiqətən,
bu, onların təkəbbürlülüklərinin, inadkarlıqlarının və ibarəbazlıqlarının nəticəsi
idi.
ﭑ ﭒ ﭓ ﭔ ﭕ ﭖﭗ
ﭘ ﭙ ﭚ ﭛ ﭜ ﭝ
(27. 14) “Onlar möcüzələrin gerçəkliyinə ürəklərində
əmin olsalar da, onları zalımcasına və təkəbbürlə rədd etdilər. Bax gör, şərəfsizlik
yayanların sonu necə oldu!”
Firon (L) və əyanları Allahın möcüzələrinə iman gətirməkdən
boyun qaçırdılar, halbuki onlar ürəklərində bu möcüzələrin Fövqəluca Allah tərəfindən
nazil edildiyinə şübhə etmirdilər. Onlar hətta buna əmin idilər. Onların iman
gətirməməyinin səbəbi ədalətsiz və təkəbbürlü olmarındaydı. Onlar özlərinə
qarşı zalımlıq edir və Fövqəluca Allah qarşısında öz vəzifələrini yerinə yetirmirdilər.
Bununla yanaşı onlar haqqı təkəbbürlə rədd edir, insanlara etinasızlıqla
yanaşır və Allahın elçilərinə dikbaşlıq göstərib, itaət etmirdilər.
Zalımlıq törədənləri necə dəhşətli bir son çulğadı!
Rəbb onları dənizdə qərq etdi, bütün qalan məxluqlar qarşısında onları rüsvay
etdi və onların var-dövlətini, bir vaxtlar onların öz zülmü altında əsir
olanlara verdi.
ﭞ ﭟ ﭠ ﭡ ﭢﭣ
ﭤ ﭥ ﭦ ﭧ ﭨ ﭩ ﭪ ﭫ ﭬ ﭭ ﭮ
(27. 15) “Həqiqətən, Biz Davuda da, Süleymana da
elm əta etdik və onlar dedilər: “Bizi mömin qullarının çoxundan üstün tutan
Allaha həmd olsun!”
Fövqəluca Allah bu ayədə Davud peyğəmbəri (ə) və
onun oğlu Süleymanı (ə) xatırladır. Allah onlara çox böyük biliklər əta
etmişdi və bu ayədə “ilm” sözünün (“elm”) müəyyən artiklsiz işlədilməsi bunu
təsdiq edir.
Fövqəluca buyurur: “Davudu da, Süleymanı da[2]. Onlar gecə
vaxtı yad adamların qoyunlarının tapdaladığı tarla haqqında mühakimə yürüdürdülər.
Biz
Süleymana bunu araşdırmaqda kömək etdik və onların hər ikisinə
hakimiyyət və elm verdik” (Ənbiya, 21/78-79).
Davud (ə) və Süleyman (ə) Allahın onlara bəxş etdiyi biliklərə görə Ona şükür
edirdilər. Onlar bəxtiyar mömin edildiklərinə və hətta digər mömin qardaşlardan
uca tutulduqlarına görə də Rəbbə həmd edirdilər.
Heç şübhə yoxdur ki, möminlər dörd dərəcəyə
ayrılırlar. Onların ən aşağıda olanı – dindar iman sahibləridir. Daha yüksək
pillədə şəhidlərdir. Sonra doğru danışan xeyirxah insanlar gəlir. Ən yüksək
pilləni isə peyğəmbərlər və elçilər tuturlar. Davud (ə) və Süleyman (ə) beş
möhkəm ruhlu elçilərə aid deyillər, lakin onlar, buna baxmayaraq, Allahın ən
şan-şöhrətli və ən alicənab elçilərindəndirlər. Allah onların adlarını
Quranda qeyd etmiş və onları yüksək təriflə şərəfləndirmişdir.
Davud (ə) və Süleyman (ə), Öz məxluqlarının ən
yaxşılarının cərgəsində yüksək yer tutmaqda onlara kömək etdiyinə görə Rəbbə
yorulmaq bilmədən şükür edərdilər. Allaha saysız-hesabsız maddi və dini nemətlərə
görə minnətdarlıq etmək və bütün bu nemətləri qəbul etmək – hər bir müsəlmanın
vəzifəsi və Axirət həyatında əbədi Səadətin rəhnidir. İnsan ona əta edilmiş bol
nemətlərdən qürrələnməməli və onlara görə yolunu azmamalıdır. Əksinə, o başa
düşməlidir ki, Allahın hər yeni neməti onu öz Rəbbinə daha da qüvvətlə minnətdarlıq
etməyə sövq etməlidir.
ﭯ ﭰ ﭱﭲ ﭳ ﭴ
ﭵ ﭶ ﭷ ﭸ ﭹﭺ ﭻ ﭼﭽ ﭾ ﭿ
ﮀ ﮁﮂﮃ
(27. 16) “Süleyman Davudun varisi oldu və dedi: “Ey
insanlar! Bizə quşların dili öyrədilib və bütün şeylərdən əta edilib. Həqiqətən,
bu – açıq-aydın bir lütfkarlıqdır”.
Davudu (ə) və Süleymanı (ə) birgə xatırlatdıqdan
sonra, Fövqəluca Allah sonuncunu xüsusi diqqəti ilə şərəfləndirmişdir. Bunun səbəbi,
Allahın peyğəmbəri Süleymana (ə) böyük bir padşahlıq bağışlaması və ona
qeyri-adi bir hakimiyyət verməsi ilə əlaqədardır. Bundan başqa, Süleymanın (ə)
hakimiyyəti dövründə elə qəribə hadisələr baş verirdi ki, onlar onun şanlı
atasına (ə) nəsib olmamışdı. O (ə) öz atasının (ə) peyğəmbərliyinə və elminə
varis olmuşdu və nəticədə onun (ə) öz biliklərinə atasının bilikləri də əlavə
olunmuşdu. Ola bilsin ki, məhz buna görə bundan əvvəlki ayədə Fövqəluca Allah
xüsusilə qeyd edir ki, Davuda (ə) deyil, məhz Süleymana (ə) anlatmışdır[3]. Alicənab
peyğəmbər (ə) Rəbbin onu (ə) belə ecazkar mərhəmətilə himayəsi altına almasından
xoşbəxt idi. Allahın çoxsaylı nemətlərinə görə minnətdarlıq və təşəkkür əlaməti
olaraq o (ə) demişdir: “Ey insanlar! Bizə quşların dili öyrədilmişdir”.
Süleyman peyğəmbər (ə) quşların və digər heyvanların dilini başa düşürdü və
nümunə üçün onun (ə) şanapipiklə danışması və dişi qarışqanın sözlərinə qulaq
asması haqqında Quran hekayətlərini göstərmək olar. Belə ecazkar qabiliyyətə
bu şərəfli peyğəmbərdən (ə) başqa heç kim malik olmamışdır.
Fövqəluca ona (ə) qeyri-adi nemətlər və həmçinin
hakimiyyət və qüdrət əta etmişdi ki, onların bənzəri Adəmin digər nəsillərində
yoxdur və olmamışdır. Bir vaxtlar Süleyman peyğəmbər (ə) Allaha dua edərək demişdi:
“Ey Rəbbim! Məni bağışla və mənə elə bir hakimiyyət ver ki, məndən sonra
heç kim ona sahib olmasın. Həqiqətən, Sən – Bəxşedənsən” (Sad, 38/35).
Allah onun (ə) bu duasını qəbul edərək, şeytanları və cinləri ona (ə) tabe etmişdi.
Onlar onun (ə) bütün tapşırıqlarını yerinə yetirir və adi insanların bacara
bilmədikləri işlərin öhdəsindən də gəlirdilər. Rəbb küləyi də ona (ə) tabe
etmişdi. O, bir səhər mehinin əsməsi ilə bir aylıq yolu qət edə bilir və
sonra bir günorta mehi ilə də eyni məsafəni geriyə dönürdü. Alicənab peyğəmbər
(ə) səmimiyyətlə etiraf edirdi ki, ona (ə) əta edilən bütün nemətlər Fövqəluca
Allahın mərhəmətindəndir.
ﮄ ﮅ ﮆ ﮇ ﮈ ﮉ ﮊ ﮋ ﮌ ﮍ
(27. 17) “Süleymanın cinlər, insanlar və
quşlardan ibarət qoşunları onun hüzurunda toplandılar. Onlar döyüş qaydasında
düzülmüşdülər”.
Süleyman
peyğəmbərin (ə) qoşunları çoxsaylı və çox qorxunc idi. Ona təkcə insanlar
deyil, cinlər, şeytanlar və quşlar da daxil idilər. Bu qoşunların hədsiz
sayda olması Süleymanı (ə) çaşdırmırdı və o (ə) qoşunlarını ən mükəmməl
qaydada idarə edirdi. Onun (ə) döyüşçüləri hər birində yüksək dərəcədə intizam
hökm sürən bölmələrdə birləşmişdilər. Onlar istənilən anda yürüşə çıxmağa
hazır vəziyyətdə gözləyirdilər. Onun (ə) səf-səf düzülmüş əla qoşunlarının
sıraları hərəkətdə və düşərgəyə dayandıqları zaman qətiyyən pozulmurdu.
Süleymanın (ə) qoşunları onun icazəsi ilə hərəkətə gətirilir və bütün əmrləri
dinməz-söyləməz yerinə yetirilirdi. Onlar öz peyğəmbərlərinə (ə) etiraz etməyə
cəsarət göstərmir və onun (ə) əmrini eşidəndə, yerinə yetirməyə tərəddüd
etmirdilər. Fövqəluca bununla əlaqədar hətta belə deyir: “Bu – Bizim əta
etdiyimizdir! Ya mərhəmət göstər, ya da özündə saxla, hesabatı
soruşulmayacaq” (Sad, 38/39). Bütün bunlar birmənalı olaraq onu göstərir
ki, Süleyman peyğəmbər (ə) öz torpağının tam hüquqlu hökmdarı idi.
ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ ﮘ
ﮙ ﮚ ﮛ ﮜ ﮝ ﮞ ﮟ ﮠ ﮡ
(27. 18) “Onlar Qarışqa vadisinə gəldikdə,
bir dişi qarışqa dedi: “Ey qarışqalar! Məskənlərinizə girin ki, Süleyman və döyüşçüləri,
özləri də istəmədən, sizi tapdalamasınlar”.
Bir dəfə onun (ə) saysız-hesabsız
qoşunları hərbi yürüşə çıxaraq, Qarışqa vadisinə gəlmişdi. Bir dişi qarışqa
bu nəhəng ordunu gördükdə, öz həmmənşələrinə[4]
görə narahat olur və qarışqalara öz yuvalarında gizlənməyi tapşırır ki, onlar
Süleymanın (ə) və onun döyüşçülərinin ayaqları altında qalıb tapdalanmasınlar.
Dişi qarışqanın nəsihəti bütün qarışqalara çatdı. Ola bilsin ki, Fövqəluca
Allah həmin mübarək anda o qarışqaya qeyri-adi güclü səs əta etmişdi, çünki o,
əks təqdirdə, Qarışqa vadisində bütün qarışqaları xəbərdar etməyi bacarmazdı.
Ola da bilsin ki, dişi qarışqa təkcə öz ətrafına yığışmış qarışqaları xəbərdar
etmişdi və onlar da öz növbəsində xəbəri digərlərinə ötürmüşdülər. İstənilən
halda, o, bütün qarışqaları təhlükə ilə əlaqədar xəbərdar etmişdi və onlara öz
yuvalarına qayıtmağı tapşırmışdı. O, Süleymanın (ə) qoşununun nəhəngliyini və
qüdrətini bilirdi və başa düşürdü ki, alicənab peyğəmbərin (ə) döyüşçüləri öz
ayaqları altında nə baş verdiyini hiss etmədən kiçicik həşəratları tapdayıb məhv
edə bilərdilər. Süleyman (ə) qarışqanın bu sözlərini eşitdi və çətinlik çəkmədən
onları başa düşdü.
ﮢ ﮣ ﮤ ﮥ ﮦ ﮧ ﮨ ﮩ ﮪ ﮫ ﮬ
ﮭ ﮮ ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ ﯛ
(27. 19) “O gülümsədi və onun sözlərinə
gülüb dedi: “Ey Rəbbim! Sənin mənə və valideynlərimə mərhəmətinə görə məni Sənə
şükür etməyə və razı qalacağın xeyirli işlər görməyə sövq et. Öz mərhəmətinlə
məni saleh qullarının arasına daxil et”.
O (ə), dişi qarışqanın öz qohum-əqrəbalarına belə
qayğı göstərməsinə və beləcə gözəl şəkildə öz fikrini ifadə edə bilməsinə təəccüblənmişdi.
Süleyman peyğəmbərin (ə) öz davranışına gəldikdə isə, bu gözəl əxlaqın və
kamilliyin nümunəsi oldu. Birincisi, doğrudan da təəccübə və diqqət yetirilməsinə
layiq olan bu hadisə onu (ə) bir qədər əyləndirdi. İkincisi, o (ə) ağzını geniş
açıb gülmədi, sadəcə gülümsədi. Muhəmməd Peyğəmbər (s.ə.s.) də məhz belə edərdi.
O (s.ə.s.) da tez-tez gülümsəyər və bərkdən gülməyi sevməzdi. Həqiqətən, uca səslə
gülüş və qəhqəhə insanın yüngülməcazlığına və tərbiyəsizliyinə dəlalət edir.
Əgər insan məzhəkəli bir şəraitdə də gülümsəmirsə, onda bu hal onun kobud və təkəbbürlü
olmasını göstərir. Belə pis rəftar isə Allahın peyğəmbərləri və elçilərinə heç
vaxt xas məziyyət olmamışdır.
Sonra Süleyman peyğəmbər (ə) Fövqəluca Allaha, ona
(ə) belə ecazkar özəllik bəxş etdiyinə görə, şükür etdi. O (ə) dedi: “Ey Rəbbim!
Mənə və valideynlərimə əta etdiyin hər şeyə görə Sənə minnətdar olmaq və
şükür etmək üçün mənə kömək ol”. Həqiqətən də, Fövqəluca Allahın valideynlərə
bəslədiyi mərhəməti, həm də eyni zamanda insanın özünə bəslədiyi mərhəmətdir.
Bu, Süleymanın (ə) yadında idi və buna görə, Allahdan xahiş etdi ki, Rəbbin
ona (ə) və valideynlərinə bağışladığı bütün dünyəvi və dini nemətlərə görə onu
(ə) minnətdar qullardan etsin. O (ə) həm də belə dedi: “Ey Rəbbim! Məni, cəhdlərimi
puça çıxara və ya mükafatımı azalda bilən hər şeydən xali olan səmimi və
düzgün əməllər yerinə yetirmək üçün ruhlandır. Mənə səmimi olmağa, yəni hər
şeyi yalnız Sənin iltifatına nail olmaqdan ötrü yerinə yetirməyə kömək et.
Sənin müdrik hökmlərinə uyğun olaraq davranmağıma yardımçı ol. Öz mərhəmətinlə
məni mömin qullarının cərgəsinə qəbul et. Sənin ilahi mərhəmətin və onun bir
hissəsi olan Səadət yurdu Cənnət, əməllərinin kamilliyindən və ya nisbətən az
kamilliyindən asılı olmayaraq, möminlər üçün təyin edilmişdir”.
Beləliklə, biz Süleyman peyğəmbərin (ə) qeyri-adi
bacarıqlarından və məziyyətlərindən bir nümunəni – Qarışqa vadisindəki əhvalatı
şərh etdik. Sonra Fövqəluca Rəbb bu ecazkar peyğəmbərin (ə) həyatından daha
bir əhvalatı – şanapipiklə olan rəvayəti xəbər verir.
ﯜ ﯝ ﯞ ﯟ ﯠ ﯡ ﯢ ﯣ ﯤ ﯥ ﯦ
ﯧ ﯨ
(27. 20) “O, quşlara göz gəzdirib, dedi:
“Mənə nə olmuşdur? Niyə şanapipiyi görmürəm? Yoxsa o, gəlməyənlərdən oldu?”
Bir dəfə Süleyman peyğəmbər (ə) quşlara baxış
keçirirdi. Bu baxış faktının özü alicənab peyğəmbərin (ə) möhkəm
iradəsinə, qətiyyətinə və dərrakəli olmasına dəlalət edir. O (ə) özünün çox
böyük sayda olan ordusunda nizam-intizamın qayğısına qalır və bu sahədə həm əhəmiyyətli
və həm də az əhəmiyyət kəsb edən məsələlərlə də şəxsən məşğul olurdu. O (ə) hətta
quşların döyüş cərgələrini yoxlamaq və bütün döyüşçülərinin yoxlamada iştirakına
əmin olmaq imkanını da nəzərdən qaçırmırdı. Şərh etdiyimiz ayənin əsil
mahiyyəti də elə bundan ibarətdir. Lakin belə bir yanlış rəy də var ki,
Süleyman peyğəmbər (ə) şanapipiyi, içməli su mənbəyinin yerini ondan soruşmaq
üçün axtarırmış. Şanapipiklərin yerin altındakı suyu hiss edə bilmələri
haqqında müxtəlif əfsanələr mövcuddur, amma onların heç bir əsası yoxdur. Bundan
başqa, məntiqi dəlillər və naslar[5]
belə baxışların səhv olduğunu təsdiq edir.
Məntiqi dəlillərə gəldikdə isə, təcrübə
və müşahidələr göstərir ki, şanapipiklər yerin altında olan suyu aşkar etmək
qabiliyyətinə malik deyillər. Əgər bu belə olsaydı, onda Fövqəluca Allah
bu barədə Quranda mütləq xatırladardı, çünki belə bir qəribə bacarıq bəşəriyyət
üçün ən böyük möcüzələrdən biri olardı.
Naslara gəldikdə isə, onlarda Süleyman
peyğəmbərin (ə) məhz həmin məqsədlə şanapipiyi axtarması barədə heç bir xəbər
verilməmişdir. Bu belə olsaydı, öz əksini Quranın mətnində tapardı, çünki ərəb
dilində belə bir fikri birmənalı şəkildə ifadə etmək üçün kifayət qədər söz
vardır. Lakin Fövqəluca Allah bildirmişdir ki, Süleyman peyğəmbər (ə)
quşlara sıra baxışını ona görə keçirirdi ki, yoxlama zamanı kimin cərgədə olub,
kimin də olmadığını öyrənsin və onların hamısının verilmiş tapşırıqları yerinə
yetirdiyinə əmin olsun. Amma onun (ə), suyu aşkar etmək üçün şanapipiyin
axtarışına ehtiyacı yox idi, çünki suyun hansı dərinlikdə yerləşməsindən
asılı olmayaraq, onu qazıb tapmağı bacaran cin və şeytanlar onun (ə)
tabeliyində idilər. Bundan başqa, Allah küləyi də ona (ə) ram etmişdi ki, o,
bir səhər mehinin əsməsi ilə bir aylıq yolu qət edir və bir günorta küləyinin əsməsi
ilə də bir o qədər məsafə adlaya bilirdi. Məgər o (ə) su mənbəyinin aşkar edilməsi
üçün şanapipiyə möhtac ola bilərdi?!!
Şanapipiyin
qeyri-adi qabiliyyəti haqqında geniş yayılmış şərhə qayıdaraq, qeyd etmək
lazımdır ki, bu müstəsna olaraq yalnız İsrail oğullarının nağıllarına söykənir.
Bir çox müsəlmanlar bunun sağlam düşüncəyə zidd olması üzərində düşünməyərək,
ona istinad edirlər. Əgər biz bundan sonra da belə heç nə ilə əsaslandırılmamış
hekayətləri rəvayət etməli olsaq, onlar o qədər geniş yayılar ki, onları əsil
gerçəklik kimi qəbul etməyə başlayarlar. Nəticədə isə Quranın bəzi şərhləri
təhlükəli və hətta məhvedici ola bilər[6].
Sağlam təfəkkür xatırladır ki, aydın
ərəb dilində nazil edilən[7]
və bütün bəşəriyyətə göndərilən Quran həm alimlər, həm də azsavadlı insanlar tərəfindən
başa düşülməlidir. Biz onun ecazkar ayələrinin mənası üzərində düşünməli və hər
bir xalis ərəbə aydın olan Quranın əsli mətni ilə müxtəlif şərhləri müqayisə
etməliyik. Bu müddəa, yalnız Muhəmməd Peyğəmbərin (s.ə.s.) hədislərinə
istinad etməyən şərhlərə aiddir. Əgər onlar Quran ayələrinin açıq mənasına və
mətninə zidd deyillərsə, onda biz onları qəbul edə bilərik. Əgər onlar Quran
ayələrinin mənası və ya mətni ilə ziddiyyət təşkil edirsə, biz onları rədd etməli,
onların yanlış olmasına şübhə etməməliyik, çünki onlar Quran ayəsinin öz mahiyyətinə
müxalif çıxırlar.
Beləliklə, Süleyman peyğəmbər (ə)
quşlara sıra baxışı keçirəndə, görür ki, şanapipik yoxdur. Bu onu göstərir ki,
alicənab peyğəmbər (ə) qoşunlarını şəxsən idarə edirmiş, bəsirət və diqqətliliklə
seçilirmiş. Hətta kiçicik bir quş olan şanapipiyin yerində olmaması belə onun
(ə) nəzərindən qaçmamışdı. O (ə) demişdi: “Niyə mən şanapipiyi görmürəm? Bu
saysız-hesabsız ordunun içində gözümdən gizləndiyinə görəmi onu görə bilmirəm
və yaxud mənim icazəm olmadan gəlmədiyinə görəmi?”
ﯩ ﯪ ﯫ ﯬ ﯭ ﯮ ﯯ ﯰ ﯱ ﯲ
(27. 21) “Əgər o aydın bir səbəb gətirməsə,
mən ona sərt cəza verər və ya boğazını üzərəm”.
Əgər o öz yerində olmamağına aydın bir səbəb gətirməzsə,
ona şiddətli cəza verərəm və ya onun boğazını üzərəm. Alicənab peyğəmbərin (ə) sözləri
onun (ə) dindarlığını və ədalətli olmasını təsdiq edir. O (ə), sadəcə şanapipiyi
cəzalandıracağına və ya edam edəcəyinə and içmir, o (ə) bunu, quş öz günahı
üzündən sırada olmadığı halda, edəcəyinə and içir. O (ə) başa düşürdü ki,
şanapipiyin yerində olmamağının səbəbi üzrlü ola bilər və buna görə öz andının
icrasını şəraitdən asılı vəziyyətdə qoymuşdu. Yalnız təqvalı və ağıllı insanlar
belə davranırlar.
ﯳ ﯴ ﯵ ﯶ ﯷ ﯸ ﯹ ﯺ ﯻ ﯼ ﯽ
ﯾ ﯿ ﰀ ﰁ
(27. 22) “O orada çox az qaldı və dedi:
“Mən sənin bilmədiyini öyrəndim. Mən sənin yanına Səbadan etibarlı xəbərlə gəlmişəm”.
Çox keçmədi ki, şanapipik qayıtdı və bu
onu göstərir ki, Süleymanın (ə) döyüşçüləri onun qarşısında ehtiramla qorxu
hissi keçirir və hökmlərinə itaət edirdilər. Hətta şanapipik də yoxlama
düzülüşünə gəlmədiyinə baxmayaraq, yerində uzun müddət olmamağa cürət etməmişdi.
Şanapipik dedi: “Sənin çox geniş biliklərə malik olmağına və bu sahədə bir çox
məxluqlardan üstünlüyünə baxmayaraq, mən sənə məlum olmayan məlumatla gəlmişəm.
Mən sənə səbalılar haqqında dəqiq xəbərlər gətirmişəm”. Səba – Yəməndə yaşayan
məşhur bir qəbilə idi.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ
(27. 23) “Həqiqətən, mən orada onlara
hökmdarlıq edən bir qadın aşkar etdim. Ona hər şey bəxş edilmişdir və onun əzəmətli
bir taxtı var”.
Sonra şanapipik izah etdi ki, o, səbalıların
məskənində məhz nə aşkar etmişdir. O, bir qadın görmüşdür ki, saysız-hesabsız
var-dövlətə sahib idi və yaxşı təchiz olunmuş ordusu var idi. Onun qalaları, qəsrləri
var idi, lakin ən başlıcası isə, onun oturduğu əzəmətli bir taxt idi. Məlumdur
ki, taxtın əzəməti hökmdarın əzəmətinə və qüdrətinə, həm də çoxsaylı əyanlarına
və yaxın adamlarına dəlalət edir.
ﭝ ﭞ ﭟ ﭠ ﭡ ﭢ ﭣ ﭤ ﭥ ﭦ ﭧ
ﭨ ﭩ ﭪ ﭫ ﭬ ﭭ ﭮ
(27. 24) “Mən onu öz xalqı ilə birlikdə
Allahın əvəzinə günəşə səcdə edən gördüm. Şeytan onlara əməllərini gözəl göstərmiş,
onları yoldan çıxarmışdır və onlar düz yolla getmirlər”.
Səbalılar müşrik idilər və günəşə səcdə edirdilər.
Onlar azğınlığa batmışdılar və belə hesab edirdilər ki, doğru yoldadırlar.
Şeytan öz fitnələri sayəsində onları doğru yoldan azdırmış və haqq rəhbərlikdən
məhrum etmişdi. Haqq yolda olduğuna əminlik hasil edən insan, bir qayda
olaraq, öz əqidəsini dəyişməyə cəhd göstərmir. Məhz buna görə səbalılar öz
azğınlıqlarını araşdıra və doğru yola gələ bilmirdilər.
ﭯ ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ
ﭺ ﭻ ﭼ ﭽ
(27. 25) “Bu belə edilmişdi ki, onlar,
göylərdə və yerdə bütün gizli şeyləri Zahirəçıxaran və gizli saxladıqlarınızı
da, aşkar etdiklərinizi də Bilən Allaha ibadət etməsinlər”.
Kainatın bütün guşələrində baş verən hər şey, hətta
əgər onlar baxışlardan və Onun məxluqlarının dərk etməsindən gizlədilmişsə
də, Allaha məlumdur. O (Pak və Müqəddəs Olan), hər bir həşəratdan, hər
bir toxumdan və hər bir gizlədilmiş niyyətdən xəbərdardır. O (Pak və Müqəddəs
Olan), yağış nazil edir və torpağın daxilində olanları aşkara çıxardır, yəni,
bitkilərin toxumlarını və dənələrini yerin üstünə çıxıb cücərməyə məcbur
edir. Mələk sura üfürəndə Allah bütün ölüləri olduqları yerlərdən çıxaracaq
ki, hər insana onların etdikləri əməllərinə görə əvəzini versin. Bu Onun üçün
heç də çətin deyildir, çünki O (Pak və Müqəddəs Olan) bütün gizlətdiklərinizi və
açıq dediklərinizi bilir.
ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ
(27. 26) “Əzəmətli Ərşin Rəbbi Allahdan
başqa digər ilah yoxdur”.
İnsanlar Fövqəluca Allahdan – Vahid Haqq Rəbdən
başqa kiməsə məhəbbət və mütiliklə ibadət etmək haqqına malik deyillər. İbadət
edilmə haqqı yalnız Ona məxsusdur, çünki təkcə O (Pak və Müqəddəs Olan), kamil
sifətlərin Sahibidir və Öz qullarına nemətlər əta edir. Kainatın damı olan,
göyləri və yeri əhatə edən əzəmətli Ərş Ona məxsusdur. Bütün bu Kainat Bir
Allahın – Fövqəlqüdrətli Hökmdarındır. O (Pak və Müqəddəs
Olan) əzəmətli əməllər Xəlqedəndir. O (Pak və Müqəddəs Olan)
qullarının itaətinə və mütiliyinə layiqdir və onlar Onun qarşısında təzim etməli
və səcdəyə qapılmalıdırlar. Şanapipik Süleymana (ə) bu mühüm xəbəri verərək,
yerində olmamasının əbəs olmadığına görə özünə bəraət aldı, alicənab peyğəmbər
(ə) isə səbalıların məskənində baş verənlərdən özünün xəbər tutmamasına təəccübləndi.
Lakin Süleyman (ə) nəticə çıxartmağa tələsmədi və bu onun (ə) fərasətli və
ağıllı olmasını təsdiq edir.
ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ
ﮓ ﮔ ﮕ ﮖ ﮗ ﮘ ﮙ ﮚ ﮛ ﮜ
(27. 27) “O dedi: “Baxaq görək, doğru söyləyirsən
və ya sən yalançılardansan?”
(27. 28) “Mənim bu naməmlə get və onu
onlara at. Sonra kənara çəkilib, nə edəcəklərinə bax”.
Fövqəluca Allah həmin məktubun mətni barədə növbəti
ayələrin birində belə xəbər verir.
ﮝ ﮞ ﮟ ﮠ ﮡ ﮢ ﮣ ﮤ ﮥ ﮦ ﮧ
ﮨ ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ ﯕ
(27. 29) “O dedi: “Ey əyanlar! Mənə kəramətli
bir namə atılmışdır”.
(27. 30) “O – Süleymandandır və o, Mərhəmətli
və Rəhmli Allahın adıyladır:”
(27. 31) “Mənə təkəbbürlə yanaşmayın və
müsəlman kimi yanıma gəlin!”
Şanapipik məktubu alıb onunla Səba məlikəsinin
yanına yola düşdü. Qadın naməni aldıqda, onu əhatə edən əyanlarına dedi: “Ey şərəfli
insanlar! Mənə mübarək bir namə çatdırılmışdır. O, yer üzünün ən böyük hökmdarlarından
biri olan Süleyman tərəfindən yazılmışdır”. Sonra məlikə məktubun məzmununu
bildirmək üçün oxudu: “Mərhəmətli, Rəhmli Allahın adı ilə! Məni şan-şöhrətdə və
əzəmətdə ötüb keçməyə cəhd göstərməyin, əksinə, müti və itaətkar olun. İradəmi
sözsüz yerinə yetirin və müsəlman olun”.
Alicənab peyğəmbərin (ə) məktubu necə də qısa və
yığcam və eyni zamanda aydın yazılmışdı. Cəmi bir neçə sözlə o (ə), müşriklərə
özlərini təkəbbürlə aparmağı qadağan etməyi bacarmış, onları günah işlətməmək
barədə xəbərdar etmiş, onlara könüllü surətdə ona (ə) təslim olmağı təklif
etmiş, onlara onun (ə) hüzuruna gəlməyi əmr etmiş və hətta onlara müsəlman
olmağı, yəni, Allahın müti qulları olmağı təklif etmişdi. Süleymanın (ə) məktubundan
həmçinin belə bir nəticə çıxarmaq olar ki, kitabları və məktubları “Mərhəmətli,
Rəhmli Allahın adı ilə” sözləri ilə başlamaq arzuolunandır. Lakin bu sözlərə qədər
məktubu göndərənin, ünvan sahibinin adlarını və ya kitabın adını yazmağa icazə
verilir. Səba məlikəsinin davranışına bir daha qayıdaraq, qeyd etmək lazımdır
ki, o, öz ağıllılığı və düşüncəli olması ilə seçilirdi. Məhz buna görə, o, öz
ağsaqqallarını və adlı-sanlı adamlarını yanına çağırıb dedi:
ﯖ ﯗ ﯘ ﯙ ﯚ ﯛ ﯜ ﯝ ﯞ ﯟ ﯠ
ﯡ ﯢ
(27. 32) “O dedi: “Ey əyanlar! Mənə necə
etmək lazım olduğunu məsləhət görün. Siz mənim yanımda olduğunuz zaman mən
heç vaxt müstəqil qərar qəbul etməmişəm”.
Mən bu məktuba necə cavab verim? Biz bu hökmdara
itaət etməliyikmi və ya bizim başqa bir çıxış yolumuz varmı? Mən heç vaxt öz
istədiyim kimi rəftar etməmişəm. Əksinə, mən həmişə sizinlə məsləhətləşmişəm və
sizin rəyinizə qulaq asmışam.
ﯣ ﯤ ﯥ ﯦ ﯧ ﯨ ﯩ ﯪ ﯫ ﯬ ﯭ
ﯮ ﯯ
(27. 33) “Onlar dedilər: “Biz gücə və böyük
qüdrətə malikik, lakin qərar qəbul etmək sənə aiddir. Fikirləş, nə əmr edəcəksən”.
Əgər sən o hökmdarı rədd etmək istəyirsənsə və ona
itaət etmək istəmirsənsə, onda biz onunla döyüşməyə hazırıq.
Yəqin ki, Səba ağsaqqalları məhz bu qərara meyil
edirdilər və əgər onlar məlikəni bu qərarın doğruluğuna əmin edə bilsəydilər,
onda özlərini məhv olmağa məhkum edərdilər. Lakin ağsaqqallar tərəddüd
edirdilər və buna görə son qərarı qəbul etməyi məlikənin özünə təklif etdilər.
Onlar çox gözəl bilirdilər ki, o ağıllı və fərasətli bir qadındır və öz
xalqının əmin-amanlığının qayğısına qalır. Məlikə müharibə etmək istəmirdi və qərara
aldı ki, əyanlarını müharibənin olduqca pis nəticələr verə biləcəyinə inandırsın.
ﯰ ﯱ ﯲ ﯳ ﯴ ﯵ ﯶ ﯷ ﯸ ﯹ ﯺﯻ
ﯼ ﯽ ﯾ
(27. 34) “O dedi: “Hökmdarlar bir məmləkətə
zorla soxulanda, onu viran edir və onun ən adlı-sanlı adamlarını zəlil günə
salırlar. Onlar belə rəftar edirlər”.
Qüdrətli hökmdarlar bir özgə ölkəyə zorla girəndə,
sakinləri öldürür və əsir götürürlər, evləri talan edir, xarabaya çevirir və
həm də hakimiyyət sahibi olanları alçaldırlar. Siz mənə doğru qərar təklif
etmirsiniz. Mən bir hiyləyə əl atana qədər sizə qulaq asmayacağam. Mən hökmdar
Süleymana çaparlar göndərəcəyəm ki, onun imkanları haqqında mənə mümkün qədər
çoxlu məlumat gətirsinlər. Yalnız bundan sonra biz düzgün qərar qəbul edə bilərik.
ﯿﰀﰁﰂ ﰃﰄﰅﰆﰇ
(27. 35) “Mən onlara hədiyyələr göndərərəm
və görək səfirlərimiz nə ilə qayıdacaqlar”.
Ola bilsin ki, hökmdar Süleyman qərarından dönməzdir.
Ola da bilər ki, biz onu öz bol hədiyyələrimizlə razı salmağı bacararıq və
onda o bizə qarşı döyüşməkdən əl çəkər. İstənilən halda səfirlərimiz bizə onun
qoşunlarının imkanları və sayı haqqında dəqiq məlumat gətirərlər.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝ ﭞ ﭟ ﭠ ﭡ
(27. 36) “Onlar Süleymanın yanına gəldikdə, o dedi: “Doğrudanmı siz mənə var-dövlətlə kömək edə bilərsiniz? Allahın mənə bağışladığı, Onun sizə bağışladığından daha yaxşıdır.
Lakin sizə bağışlanan hədiyyələrinizlə ancaq özünüz fərəhlənirsiniz”.
Məlikə Süleymana (ə) bol hədiyyələr və tərkibində ən
müdrik və ağıllı adamlar olan elçilik göndərmişdi. Süleyman (ə) ona göndərilmiş
hədiyyələri gördükdə səbalıların hərəkətini bəyənmədi və hətta onun (ə) əmrini
yerinə yetirmədikləri üçün onlara acıqlandı. O (ə) dedi: “Məgər siz mənə
var-dövlət verə bilərsiniz? Sizin hədiyyələriniz qətiyyən mənim xoşuma gəlmir
və mən onları görüb heç bir sevinc duymuram. Allah mənə böyük nemətlər əta
etmişdir və Onun mərhəmətindən mənim sizin xeyirxahlığınıza ehtiyacım
yoxdur. Əksinə, siz özünüzə bəxş edilmiş hədiyyələrə sevinirsiniz, çünki siz
dünya həyatına vurulmuşsunuz və Rəbbin mənə əta etdiyinə siz malik
deyilsiniz”.
ﭢ ﭣ ﭤ ﭥ ﭦ ﭧ ﭨ ﭩ ﭪ ﭫ ﭬ
ﭭ ﭮ ﭯ
(27. 37) “Qayıt onların yanına, biz isə,
qarşısında dayana bilməyəcəkləri qoşunla hökmən gələrik və onları zəlil və
alçaldılmış halda oradan çıxararıq”.
Süleyman (ə) gördü ki, qasid ağıllı bir insandır və
onun (ə) sözlərini təhrif etmədən məlikənin nəzərinə çatdıra bilər. Buna görə,
o (ə) müraciətini sözlə ifadə etdi və ona əmr etdi ki, bütün hədiyyələri ilə
birlikdə geri qayıtsın. Qasid səbalıların yanına qayıtdı və Süleymanın
(ə) dediklərini məlikəyə çatdırdı. Bundan sonra o, böyük hökmdarın qarşısına
çıxmaq üçün hazırlaşmağa başladı. Süleyman (ə) əmin idi ki, məlikə mütləq onun
(ə) yanına gələcək. O (ə), yaxınlığında olan insanlara və cinlərə müraciət etdi
və bu barədə Fövqəluca Allah belə buyurmuşdur:
ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ
(27. 38) “O dedi: “Ey əyanlar!
Sizdən kim onlar gəlib müsəlman kimi qarşımda dayananadək, onun taxtını mənə gətirər?”
O (ə) başa düşürdü ki, əgər məlikə və
onun xalqı İslamı qəbul etsələr, onların əmlakı artıq toxunulmaz olacaqdır.
ﭻ ﭼ ﭽ ﭾ ﭿ ﮀ ﮁ ﮂ ﮃ ﮄ ﮅ
ﮆﮇ ﮈ ﮉ ﮊ ﮋ ﮌ
(27. 39) “Cinlərdən olan bir ifrit
dedi: “Sən yerindən qalxana qədər mən onu gətirərəm. Mən, şübhəsiz ki, kifayət
qədər güclüyəm və buna görə etibarlıyam”.
Cinlərdən olan bir ifrit taxtı gətirəcəyini
bildirdi. Ərəb sözü olan “ifrit” – “çox güclü”, “çalışqan” mənalarını bildirir.
Süleymanın (ə) səltənəti Şamda yerləşirdi
və Səba məlikəsinin taxtını gətirmək üçün isə, adi qaydada, təxminən dörd ay
lazım gələrdi: iki ay Yəmənə qədər gedib çatmaq, iki ay da oradan Şama qayıtmaq.
Buna baxmayaraq, qüvvətli cin nəhəng və ağır taxtı, o (ə) məclisi tərk
edənədək, gətirəcəyini boynuna götürdü. Mühüm məclislər, bir qayda olaraq,
bütün səhər ərzində keçirilərdi. Məclislər günün üçdə bir hissəsi və hətta daha
artıq davam edərdi. Tabeliyində belə qüdrətli və güclü təbəələri olan Süleyman
peyğəmbərin (ə) necə böyük hökmdar olduğunu təsəvvür etmək mümkündür.
ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ
ﮘ ﮙ ﮚﮛ ﮜ ﮝ ﮞ ﮟ ﮠ ﮡ ﮢ ﮣ ﮤ ﮥ ﮦ ﮧ ﮨﮩ ﮪ ﮫ ﮬ ﮭ ﮮﮯ ﮰ ﮱ ﯓ ﯔ ﯕ ﯖ ﯗ
(27. 40) “Bir nəfər Kitabdan elmi olan
dedi: “Mən onu sənə bir göz qırpımında gətirərəm”. O, qarşısında qoyulan
taxtı görəndə, dedi: “Rəbbim mənə iltifatını göstərir ki, mənim şükür edəcəyimi
və ya naşükür olacağımı sınaqdan keçirsin. Şükür edən öz xeyrinə şükür edər.
Kim naşükürdürsə, Rəbbim – Zəngindir, Comərddir”.
Sonra daha qəribə bir şey baş verdi.
Bir nəfər Kitab elmindən agah olan, dedi ki, taxtı bir göz qırpımında gətirə
bilər. Quranın bir çox şərhçilərinin rəyinə görə, bu alim şəxs Süleyman peyğəmbərin
(ə) yaxınlarından biri – Asəf b. Bərxiya adlı bir mömin idi. O, Allahın gözəl
adlarından ən əzəmətlisini bilirdi və onun vasitəsi ilə Allaha müraciət etmişdi.
Bunun sayəsində Rəbb daima onun dualarını qəbul edər və onun bütün xeyirxah
istəklərini yerinə yetirərdi. O, Allahın onun duasını eşidəcəyinə və bir göz
qırpımında taxtı Yəməndən Süleymanın (ə) səltənətinə gətirəcəyinə ümid bəsləyirdi.
Bir Allaha məlumdur ki, bu şərh nə dərəcədə səhihdir[8].
Ola bilsin ki, həmin mömin insan məsafəni necə qısaltmaq və ağır şeyi yüngülləşdirmək
haqqında Kitabdan biliyə malik idi[9].
İstənilən halda Allah bunu daha yaxşı bilir.
Süleyman (ə)
qarşısındakı taxtı gördükdə, Allaha, ona (ə) hakimiyyət və qüdrət verdiyinə
və onun (ə) üçün ən qeyri-adi şeyləri asanlaşdırdığına görə həmd etdi.
Alicənab peyğəmbər (ə) ona verilən hakimiyyətə və qüdrətə aldanmadı, çünki
ancaq nadan hökmdarlar belə şeylərə aldana bilərlər. Süleyman (ə) bilirdi
ki, maddi nemətlər sadəcə sınaq vasitələridir və buna görə Allaha Onun bitməz-tükənməz
səxavəti üçün layiqincə şükür edə bilməyəcəyindən ehtiyat edirdi. Bundan
başqa, o (ə) çox gözəl başa düşürdü ki, Fövqəluca Rəbbin onun (ə) minnətdarlığına
ehtiyacı yoxdur, möminlik və şükür etmə yalnız insana fayda gətirir. Allahın
gözəl adları arasında – Zəngin və Səxavətli adları. Rəbb o dərəcədə dövlətlidir
ki, Öz qullarının xeyirxah əməllərinə ehtiyac duymur və Onun səxavəti o də-rəcədə
bö-yükdür ki, O, nemətlərini həm şükür edən möminlərə və həm də naşükür
günahkarla nazil edir. Buna baxmayaraq, şükür insanın sərvətini çoxaldır,
naşükürlük isə onu əmin-amanlıqdan məhrum edir.
ﯘ ﯙ ﯚ ﯛ ﯜ ﯝ ﯞ ﯟ ﯠ ﯡ ﯢ
ﯣ ﯤ
(27. 41)
“O dedi: “Onun taxtını elə hala salın ki, onu tanıya bilməsin və biz də baxıb
görək, o, doğru yollamı gedir və ya doğru yolla getməyənlərdəndir”.
Sonra Süleyman (ə)
öz təbəələrinə əmr etdi ki, Səba məlikəsinin taxtının görkəmini dəyişdirsinlər.
O (ə) taxtın bəzi bəzəklərini götürüb, onların yerinə
digərlərini qoymağı tapşırdı ki, onlar məlikənin doğrudan da ağıllı və fərasətliliyinə
əmin ola bilsinlər. Əgər bu belədirsə, onda o, mütləq öz taxtını tanıyar və bu
da onun Səba taxtı-tacına yiyələnməsinə haqqı olduğunu təsdiq edər.
ﯥ ﯦ ﯧ ﯨ ﯩﯪ ﯫ ﯬ ﯭﯮ ﯯ ﯰ
ﯱ ﯲ ﯳ ﯴ ﯵ
(27. 42) “O gəldikdə, ona dedilər: “Bu
səninmi taxtındır?” O dedi: “Sanki, elə odur”. “Elm bizə, ona verildiyindən əvvəl
əta edilmişdi və biz müsəlmanlarıq”.
Biz bilirik ki, sənin əzəmətli bir
taxtın vardır, lakin məgər o, indi qarşında gördüyündən yaxşıdırmı? Məlikə öz
taxtını son dəfə məmləkətini tərk edəndə görmüşdü. Buna baxmayaraq, o, cavab
verdi ki: “Bəli, elə bil ki, o özüdür”. Bu sözlər onun ağlını və düşüncəliliyini
açıq surətdə təsdiq edirdi. O, iddia etmədi ki, qarşısında duran, onun görkəmi
dəyişdirilib tanınmaz vəziyyətə salınmış taxtıdır. O həmçinin bunu inkar da
etmədi, çünki taxtını tanımışdı. Onun cavabı təxmini idi və bütün hallar üçün
doğru idi. Süleyman (ə) qadının bəsirətli və ehtiyatlı olmasından heyrətlənmişdi
və Allaha həmd etdi ki, Rəbb ona (ə) daha çox bilik vermişdir. O dedi: “Rəbb
bu qadına ağıl iltifat etməzdən öncə, bizi doğru yola qoymuş, bizə ağıl və
düşüncə əta etmişdir. Bundan başqa, biz Allaha itaət edən müsəlmanlarıq, bu isə
o deməkdir ki, bizim elmimiz düzgün və faydalıdır”.
Belə bir ehtimal var ki, Səba məlikəsi
belə demişmiş: “Süleymanın gücü və qüdrəti haqqında o, özünün möcüzəvi imkanlarını
nümayiş etdirməmişdən və nəhəng taxtı səltənətimizdən çox uzaq bir guşəyə
apartdıqdan öncə bilirdik. Biz gəldik ki, Süleymana itaət edək və onun
hökmranlığını qəbul edək”. Belə olduğu halda, alicənab peyğəmbərin (ə) sözləri
məlikənin sözlərinə cavab imiş.
ﯶﯷﯸﯹﯺ ﯻﯼﯽﯾﯿ ﰀﰁﰂ ﰃ
(27. 43) “Ona təkcə Allahın əvəzinə
ibadət etdiyi mane olurdu, axı o, kafir xalqa məxsus idi”.
Səba məlikəsi həqiqəti yalandan ayıra
bilməsi üçün kifayət qədər ağıllı, lakin onun yanlış təsəvvürləri ona haqqı
görməkdə və İslam dininə gəlməkdə mane olurdu. Ona bu maneəni aşmaq çox çətin
idi, çünki o, kafir xalqa məxsus idi və o da həmqəbilələrinin etdiklərini təkrar
edirdi.
İnsanlar, bir qayda olaraq, öz
xalqlarının inanclarına etiqad edirlər, hətta əgər bu etiqadın yanlış və
qüsurlu olduğunu bilsələr də. Bu qaydalardan istisnalar olduqca nadir hallarda
baş verir və buna görə də Səba məlikəsinin uzun müddət müşrik qalmasında qəribə
heç nə yox idi.
ﰄ ﰅ ﰆ ﰇﰈ ﰉ ﰊ ﰋ ﰌ ﰍ ﰎ ﰏﰐ
ﰑ ﰒ ﰓ ﰔ ﰕ ﰖﰗ ﰘ ﰙ ﰚ ﰛ ﰜ ﰝ ﰞ ﰟ ﰠ ﰡ ﰢ ﰣ
(27. 44) “Ona[10]
dedilər: “Saraya daxil ol”. Onu[11] gördükdə
fikirləşdi ki, o dərin hovuzdur və ətəklərini qaldırıb, baldırlarını açdı.
O, dedi: “Bu – büllurdan cilalanmış saraydır”. Qadın dedi: “Ey Rəbbim! Bəli,
mən özüm özümə zalım olmuşam. Mən Süleymanla birlikdə aləmlərin Rəbbi Allaha
təslim oluram”.
Sonra Süleyman peyğəmbər (ə) qərara
aldı ki, onu öz qüdrəti ilə heyrətə salsın və ona Sərhə[12]
daxil olmağı təklif etdi. Bu, böyük və hündür salon idi, döşəməsi büllurdan
hazırlanmış və altından da çay axırdı. Məlikə büllur sarayı gördükdə, onu su
hovuzuna bənzətdi. Büllur o qədər şəffaf idi ki, o, həqiqətən elə bildi ki,
sarayın içində çay axır. O, su ilə getmək istəyərək libasını qaldırıb ayaqlarını
açıq qoydu. Məlikənin bu hərəkəti onun ağıllı və gözəl əxlaqa malik olduğunu təsdiq
edir. Qadın Süleymanın (ə) saraya girmək təklifindən boyun qaçırmayıb, içəri
girməyi qət etdi, çünki başa düşürdü ki, qüdrətli hökmdarın təklifi özünə yönəldilmiş
hörmət və ehtiram əlamətidir. O, artıq əmin olmuşdu ki, Süleyman öz səltənətini
müdrik bir plana müvafiq olaraq yaratmışdır və bütün gördüklərindən sonra o,
hətta artıq ehtiyat etmirdi ki, qüdrətli hökmdar ona qarşı pis rəftar göstərə
bilər. O, saraya girməyə cəhd göstərəndə, Süleyman (ə) dedi ki, ayaqqabılarını
çıxarmağa və ya ətəyini qaldırıb ayaqlarını açıq saxlamağa ehtiyac yoxdur.
Süleymanın (ə) səltənətində Səba məlikəsi çoxsaylı qəribə möcüzələr gördü ki,
onlar Süleymanın (ə) Allahın peyğəmbəri və seçdiyi insan olduğuna dəlalət
edirdi. Bunların nəticəsində, məlikə tövbə etdi və öz kafirliyindən əl çəkdi.
Quranda Səba məlikəsi
və Süleyman peyğəmbər (ə) haqqında verilmiş səhih əhvalat belədir. Bu hadisənin
daha geniş təfsilatı ya uydurmadır, ya da İsrail oğullarının nağıllarına əsaslanır.
İstənilən halda, biz onları Allahın kəlamları kimi şərh etmək üçün istifadə edə
bilmərik, çünki Quranın təfsiri səhih səciyyə daşımalı və aydın dəlillərə
istinad etməlidir ki, bunlar da yalnız ya Quranın digər ayələri, ya da Muhəmməd
Peyğəmbərin (ona Allahın salavatı və salamı olsun!) səhih hədisləri olmalıdır.
Əks halda Səba məlikəsi haqqında ravilərin söyləmədikləri çoxsaylı əhvalatlar
bu yüksək tələblərə uyğun gəlmir. Buna görə, yaxşı olar ki, insanlar belə əhvalatlardan
uzaq olsunlar, onları sonuncu Səmavi Vəhyin təfsiri ilə qarışdırmasınlar. Fövqəluca
Allah bu barədə daha yaxşı bilir.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝ ﭞ
(27. 45) “Biz səmudlulara öz qardaşları
Salehi göndərdik ki, Allaha ibadət etsinlər, lakin onlar bir-biri ilə mübahisə
edən iki fərqli tərəfə çevrildilər”.
Fövqəlqüdrətli Rəbb
bildirir ki, Saleh peyğəmbəri (ə) səmudluların arasında Vahid Allaha iman gətirmələrini
təbliğ etməsi üçün göndərdik. Rəbb Öz peyğəmbərini (ə) təkcə qan qohumluluğuna
görə səmudluların qardaşı adlandırır. Saleh (ə) öz qəbilədaşlarını tək Allaha
ibadət etməyə və müşriklikdən əl çəkməyə çağırır. Belə olduqda səmudluların
bir hissəsi haqqa iman gətirmiş, lakin böyük əksəriyyət isə kafirliyi üstün
tutub qalmışdılar.
ﭟ ﭠ ﭡ ﭢ ﭣ ﭤ ﭥﭦ ﭧ ﭨ ﭩ ﭪ
ﭫ ﭬ
(27. 46) “O dedi: “Ey xalqım! Siz
xeyirdən əvvəl şəri niyə tələsdirirsiniz? Niyə Allahdan bağışlanmanızı xahiş
etmirsiniz? Ola bilsin ki, əfv ediləsiniz”.
Niyə siz həvəslə günah edirsiniz və
xeyirxah əməllər etmək istəmirsiniz, halbuki bunların sayəsində öz dünyəvi və
dini məsələlərinizi sahmana salmağı bacarardınız. Həqiqətən, heç kim sizi
günahlar törətməyə və cinayətlər işlətməyə məcbur etmir. Öz müşrikliyinizə və
kafirliyinizə görə tövbə edin və Allahdan bağışlanmanızı istəyin. Ola bilsin
ki, siz əfv ediləsiniz. Yadda saxlayın ki, Allah xeyirxah işlər görənləri Öz mərhəmətindən
məhrum etmir, o cümlədən, tövbə də bu gözəl əməllərə daxildir.
ﭭ ﭮ ﭯ ﭰ ﭱﭲ ﭳ ﭴ ﭵ ﭶﭷ ﭸ
ﭹ ﭺ ﭻ ﭼ
(27. 47) “Onlar[13]
dedilər: “Biz səndə və yanındakılarda uğursuzluq nişanəsi görürük”. O dedi:
“Uğursuzluğunuz – Allahın dərgahındadır. Siz isə imtahana çəkilən bir
xalqsınız”.
Səmudlular – Allah onları rüsvay etsin!
– Saleh peyğəmbərin (ə) dəvətini rədd etdilər. Onlar alicənab peyğəmbərin təbliğ
etdiyi xeyirxahlığı görə bilmədilər və belə qərara gəldilər ki, o (ə) digər
möminlərlə birlikdə onların bu dünyada əmin-amanlıq əldə etmələrinə mane
olurlar. Saleh (ə) onlara dedi: “İnsanlar bu dünyada öz günahları və cinayətləri
üzündən cəzalandırılırlar. Allah sizi firavanlıq və məhrumiyyətlərlə və həm də
yaxşılıq və pisliklə sınaqdan keçirir ki, bu, öz cinayətlərindən əl çəkib, tövbə
edənlərin də, kafirlərin arasında qalanların da hamısına bəlli olsun”. Heyhat!
Səmudlular öz peyğəmbərlərinə iman gətirməkdən inadkarcasına imtina etdilər və
onun dəvətinə müqavimət göstərməkdən əl çəkmədilər.
ﭽ ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ
(27. 48) “Şəhərdə doqquz nəfər var idi
ki, hər yerdə pozğunluq yayır və nəyisə yaxşılaşdırmırdılar”.
Söhbət Saleh peyğəmbərin (ə) və onun (ə)
qəbilədaşlarının əksəriyyətinin yaşadığı şəhərdən getməkdədir. Onların
arasında doqquz nəfər adam var idi ki, zalımlıq edir və hətta yaxşılıq etmək
barəsində heç düşünmürdülər. Onlar alicənab peyğəmbərə (ə) qarşı düşmənçilik bəsləyir,
onun dinini ləkələməyə cəhd göstərir və xalqı öz dallarınca getməyə
çağırırdılar. Saleh (ə) isə öz növbəsində deyirdi: “Allahdan qorxun və mənə
tabe olun, ifrata varanların, yer üzündə şərəfsizlik yayanların, heç nəyi islah
etməyənlərin əmrlərinə qulaq asmayın” (Şüəra, 26/150-152).
ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ
ﮓ ﮔ ﮕ ﮖ
(27. 49) “Onlar dedilər: “Birlikdə
Allaha and içək və gecə vaxtı mütləq Salehə və ailəsinə basqın edək, sonra isə
onun vəlisinə[14]
deyərik ki, biz onun ailəsinin qətlində iştirak etməmişik və həqiqəti
deyirik”.
Mürtədlər dəhşətli
cinayət törətməyi qət edənə qədər öz yaramaz əməllərini davam etdirirdilər.
Onlar sözləşdilər ki, gecə vaxtı Salehə (ə) və onun ailəsinə basqın etsinlər və
qərarlaşdırdılar ki, əgər Salehin (ə) yaxın qohumu onları peyğəmbərin (ə)
və ailəsinin qətlində günahlandırsa, onda and içərlər ki, onun (ə) ailəsinin
ölümündə iştirak etməmişlər və onların dedikləri doğrudur.
ﮗ ﮘ ﮙ ﮚ ﮛ ﮜ ﮝ ﮞ
(27. 50) “Onlar hiylə qurdular və Biz də
onlara sezdirmədən hiyləmizi qurduq”.
Onlar Salehi (ə), hamıdan, hətta öz
kafir qəbilədaşlarından da gizlədərək, öldürməyi qərara aldılar, çünki peyğəmbərin
(ə) qohumlarının qəzəblənməsindən ehtiyat edirdilər. Lakin onların heç
ağıllarına da gəlmirdi ki, Fövqəluca Rəbb Öz elçisinə (ə) yardım göstərmək
üçün də elə bir şeyi nəzərdə tutmuşdur, yəni, onun (ə) vəzifəsini asanlaşdırmaq
və kafir qəbilədaşlarını məhv etmək üçün qərar qəbul etmişdir.
ﮟ ﮠ ﮡ ﮢ ﮣ ﮤ ﮥ ﮦ ﮧ ﮨ
(27. 51) “Gör bir onların hiyləgərliyinin
aqibəti necə oldu – Biz onların hamısını bütün xalqla birlikdə məhv etdik”.
Məgər onların məkri məqsədlərinə çatmaq
üçün onlara kömək etdi? Yaxud da onların qurğusu dağıdıldımı? Fövqəluca bu suallara
cavab verərək, buyurur ki, dəhşətli bir fəryad qopdu və ondan sonra bütün
günahkarların hamısı həlak oldu.
ﮩ ﮪ ﮫ ﮬ ﮭﮮ ﮯ ﮰ ﮱ ﯓ ﯔ ﯕ
ﯖ
(27. 52) “Budur, onların zalımlığına
görə xarabalığa çevrilmiş evləri. Həqiqətən, bunda – bilən insanlar üçün dəlil
vardır”.
Onların evlərinin divarları və damları
yararsız vəziyyətə düşmüşdür, çünki bir vaxtlar qəşəng evlər sakinlərsiz
qalmış, bunun səbəbi isə səmudluların zalımlığı və ədalətsizliyi olmuşdur.
Zülmkarlığın, şirkin və əxlaqsızlığın sonu belədir! Həqiqətən, bunda – bilən
insanlar üçün dəlil vardır. Onlar ətrafda baş verənləri görür və Fövqəluca
Allahın iman gətirmiş qulları ilə necə rəftar etməsi və Öz düşmənləri ilə necə
davranması üzərində düşünürlər. Onlar gördüklərindən faydalı dərs alır və hər
bir ədalətsizliyin və hər bir zalımlığın məhv olmaqla sona yetdiyi halda, imanın
və ədalətin insana kömək etdiyinə və nəticədə xilas və uğur qazandırdığına əmin
olurlar. Məhz buna görə sonra Fövqəluca Allah buyurur:
ﯗ ﯘ ﯙ ﯚ ﯛ ﯜ
(27. 53) “İman gətirənləri və Allahdan
qorxanları Biz xilas etdik”.
İman adı altında Allaha, Onun
Kitablarına, elçilərinə, mələklərə, Qiyamət gününə və xeyiri və şəri ilə Qədərə
iman gətirmək nəzərdə tutulur. Allah qorxusu dedikdə isə, müşriklikdən əl çəkmə,
günahlardan qaçınma və həmçinin Allaha və Onun elçilərinə itaət nəzərdə
tutulur.
Sonra Fövqəluca Rəbb bildirir ki, gözəl
qul və elçi olan Lut (ə) öz qəbilədaşlarını vahid Allaha iman gətirməyə dəvət
edirdi. Fövqəluca belə buyurur:
ﯝ ﯞ ﯟ ﯠ ﯡ ﯢ ﯣ ﯤ ﯥ
(27. 54) “Budur, Lut öz xalqına dedi:
“Doğrudanmı göz görə-görə siz fahişəlikmi edəcəksiniz?”
Doğrudan da siz şüurlu surətdə fahişəliklə
məşğul olacaqsınız? Sizin çirkin əməlləriniz sağlam düşüncəyə və insan təbiətinə
yaddır və Rəbbinizin şəriəti ilə qınanılır. Siz öz hərəkətlərinizin
çirkinliyini dərk etdiyiniz halda, onları törətməkdə davam edirsiniz, çünki
siz – qaba və zalım xalqsınız.
Sonra alicənab peyğəmbər (ə) izah edir
ki, onun qəbilədaşları hansı cinayəti törətmişlər və belə deyir:
ﯦ ﯧ ﯨ ﯩ ﯪ ﯫ ﯬﯭ ﯮ ﯯ ﯰ ﯱ
ﯲ
(27. 55) “Doğrudanmı siz qadınların
yerinə, kişilərəmi şəhvətlə yanaşırsınız? Doğrusu, siz nə etdiyini anlamayan
bir kütləsiniz!”
Siz bu alçaqlığa necə düşmüsünüz? Məgər
sizin nəfsiniz o dərəcədə pozğunlaşmışdır ki, kişilərlə arxadan – murdar nəcisin
çıxdığı yerdən cinsi əlaqəyə girməyi üstün tutursunuz? Nəyə görə sizin üçün xəlq
edilmiş və kişilərin təbiətən meyil etdikləri qadınlardan üz çevirirsiniz? Həqiqətən,
dünya sizin gözlərinizdə tərsinə çevrilmişdir: siz rəzaləti bəyənir və xeyirxah
əməlləri isə çirkin sayırsınız. Siz görünməmiş mənfur qabalıq nümayiş etdirir və
Allahın haram qıldığı şeyi etməyə cəsarət göstərirsiniz.
Lakin alicənab peyğəmbərin (ə) qəbilədaşları
onun (ə) sözlərinə qulaq asmaqdan və nəsihətlərini dinləməkdən boyun qaçırdılar.
Onlar nəinki günahlarından əl çəkdilər, əksinə, peyğəmbər moizələrinə müqavimət
göstərməyə başladılar. Lut (ə) öz xalqına nə qədər səmimi yanaşırdısa, müşriklər
də Allahın elçisinə (ə) bir o qədər zalımlıq göstərirdilər.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝﭞ ﭟ ﭠ ﭡ ﭢ
(27. 56) “Ona cavab olaraq xalqı təkcə
bunu dedi: “Lutun ailəsini şəhərinizdən qovun. Doğrudan da, bu adamlar pak olmaq
istəyirlər”.
Bu insanların onların qarşısında günahı
nə idi? Müşriklər onlardan niyə intiqam almaq istəyirdilər? Onların belə
davranmalarının səbəbi, alicənab peyğəmbərin (ə)
və onun (ə) ailə üzvlərinin homoseksuallıqdan boyun qaçırmaları və arxadan
cinsi əlaqəyə girmək meyillərinin olmaması idi. Allah o şərəfsizləri rüsvay
etsin ki, ən nəcib davranışı eyibli sayırdılar[15].
Onlar öz peyğəmbərindən (ə) imtina etməklə qane olmayaraq, onu (ə) şəhərdən
qovmağı qərara almışdılar. Lakin onlar öz sözləri ilə yalnız Rəbbin cəzasına
düçar oldular. Onlar öz sözlərinin əsil mənasını dərk etməyərək, etiraf etdilər
ki, bu yaramaz və murdar əməli şüurlu surətdə törədirlər və ən sərt cəzaya
layiqdirlər. Bu cəzadan təkcə onların lənətə gəlmiş şəhərini tərk edənlər
xilas ola bilərlər.
ﭣ ﭤ ﭥ ﭦ ﭧ ﭨ ﭩ ﭪ
(27. 57) “Biz onu ailəsi ilə birlikdə,
arvadından başqa, xilas etdik. Biz ona arxada qalanların arasında olmasını təqdir
etmişdik”.
Bu hadisə, mələklər Lut peyğəmbərin (ə)
yanına adi qonaqlar qiyafəsində gəldikləri zaman baş vermişdi. Lutun (ə) qəbilədaşları
yadellilərin gəlməsi haqqında eşitmiş və alicənab peyğəmbərin (ə) evinin ətrafına
yığışaraq, ondan (ə) evində olan qonaqlarını onlara verməyi tələb edirdilər. O
(ə), mürtədləri evindən çıxardı və bununla da özünü olduqca təhlükəli bir vəziyyətdə
qoydu. Belə olduqda, qonaqları ona (ə) bildirdilər ki, onlar mələkdirlər və
Fövqəluca Allah tərəfindən göndərilmişlər ki, Onun peyğəmbərini (ə) xilas
etsinlər və səhər tezdən onun (ə) şəhərində bütün kafirləri məhv etsinlər. Mələklər
Luta (ə) tapşırdılar ki, gecənin qaranlığından istifadə edərək öz ailəsini,
işgəncəli cəzaya layiq olan qoca qarısından başqa, şəhərdən çıxartsın. Gecə
vaxtı alicənab peyğəmbər (ə) ailəsi ilə birlikdə şəhəri tərk etdi, səhər isə
onun sakinlərini ən böyük bir fəlakət çulğadı. Şəhər alt-üst edildi və sonra
günahkarların üstünə bişirilmiş gil topaları yağmağa başladı. Bu gil
topalarının hər biri nişanlanmış və ayrı-ayrı günahkarların hər biri üçün nəzərdə
tutulmuşdu.[16]
ﭫ ﭬ ﭭﭮ ﭯ ﭰ ﭱ ﭲ
(27. 58) “Biz onların üstünə yağış
yağdırdıq. Xəbərdarlıq edilənlərin yağışı necə də pisdir!”
Lutun (ə) xalqının
cəzası uğursuz yağış oldu və o, özü ilə əzabverici, lakin ədalətli cəza gətirdi.
Fasiqlər ona layiq idilər, çünki xəbərdarlıq onlara gəlib çatmışdı, lakin
onlar ona qulaq asmaqdan və tövbə etməkdən imtina etmişdilər. Ancaq bundan
sonra Fövqəluca Allah onları özünün ən şiddətli cəzasına layiq gördü.
ﭫ ﭬ ﭭﭮ ﭯ ﭰ ﭱ ﭲ
(27. 59) “De: “Həmd olsun Allaha və
salam olsun Onun seçilmiş qullarına! Allah yaxşıdır, ya ki, şərik
qoşduqlarınız?”
Ey Muhəmməd! Həqiqətən, ən kamil həmdə
layiq olan Rəbbinə həmd et! O (Pak və Müqəddəs Olan), qüsursuz məziyyətlərə:
xeyirxahlığa, mərhəmətə, ədalətə, müdrikliyə malikdir. Bunların sayəsində O
(Pak və Müqəddəs Olan), kafirləri və zalımları cəzalandırır, lakin Onun
qullarından bəziləri bu sərt qisasdan xilas ola bilirlər. Onların arasında ən
yaxşıları vardır. Bunlar – peyğəmbərlər və elçilər, aləmlərin Rəbbi Allahın
seçdikləridir. Onlar üçün dua et ki, onların şan-şöhrətini ucaldasan və Allah
qarşısında onların yüksək məqamına hörmət göstərəsən. Onlara əmin-amanlıq, yəni,
rahatlıq və paklıq dilə. Onlar buna layiqdirlər, çünki özlərini şərdən və rəzalətdən
qorumağı və öz dillərini Fövqəlqüdrətli Rəbbin barəsində nalayiq sözlər
danışmaqdan çəkindirməyi bacarmışlar.
Sonra Allah əmr edir ki, müşriklərdən
soruşulsun ki, onların uydurduqları ilahlar Fövqəluca Rəbdən üstündürlərmi.
Bu – elə bir sualdır ki, cavaba ehtiyacı yoxdur. Allah – kamil sifətlərə və
hüdudsuz mərhəmətə malik olan Böyük Rəbdir. Müşriklərin Onunla yanaşı ilahiləşdirdikləri
bütlərin isə çoxsaylı qüsurları vardır. Onlar nə özlərinə, nə də onlara ibadət
edənlərə xeyir verməyə və ya zərər vurmağa qadir deyillər. Fövqəluca Allah
müşriklərin Onunla yanaşı ibadət etdiklərindən, şübhəsiz ki, yaxşıdır.
Daha sonra Fövqəluca Allah Özünün –
ibadətə və ilahlığa layiq Vahid Allah olmasına bir neçə dəlil gətirir. O (Pak və
Müqəddəs Olan) təkcə Ona ibadət etməyin haqq, məxluqlara isə ibadətin yalan və
faydasız olmasını təfsilatı ilə izah edir.
ﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ
ﮌ ﮍ ﮎ ﮏ ﮐ ﮑ ﮒ ﮓ ﮔﮕ ﮖ ﮗ ﮘﮙ ﮚ ﮛ ﮜ ﮝ ﮞ
(27. 60) “Yaxud da göyləri və yeri
yaradıb sizə səmadan su nazil edib, onunla ürək açan ecazkar bağ-bağçalar bitirənmi?[17]
Siz onlarda bir ağac belə bitirə bilməzsiniz. Məgər Allahla yanaşı bir ilahmı
var? Xeyr! Onlar şərik qoşan insanlardır”.
Göylər günəşlə, ayla, ulduzlar mələklərlə
birlikdə və həmçinin yer dağlarla, dənizlərlə, çaylarla və ağaclarla birlikdə
hamısı Tək Allahın məxluqlarıdır. O (Pak və Müqəddəs Olan) sizi yaratmış və
yağışı sizə görə nazil edir. Yağış suyu sayəsində öz bolluğu, müxtəlif meyvələri
və digər məhsulları ilə sizi heyran edən gözəl bağ-bağçalar bitirilir. Allah
sizə mərhəmət göstərib, onları yağışla sulamasa, siz əkdiyiniz ağacları özünüz
sərbəst böyütməyə nail ola bilməzsiniz. Hansı “ilah” sizə qayğı göstərir ki,
onu Allahla yanaşı ilahlaşdırasınız? Belə bir ilah yoxdur, lakin bəzi
insanlar buna baxmayaraq haqdan yayınırlar.
Ərəb feili olan “ədalə”
sözünün bir neçə mənası vardır və buna görə də həmin sözlərin digər tərcümələri
mövcuddur. Fövqəluca belə buyurur: “Xeyr! Lakin onlar – uydurulmuş ilahları
Allaha bərabər tutanlardır!” Onlar şüurlu surətdə belə davranırlar,
çünki qəti olaraq bilirlər ki, yalnız Allah göyləri və yeri yaratmağa və Öz
qullarına zəruri olan hər şeyi bəxş etməyə qadirdir.
ﮟ ﮠ ﮡ ﮢ ﮣ ﮤ ﮥ ﮦ ﮧ ﮨ ﮩ
ﮪ ﮫ ﮬﮭ ﮮ ﮯ ﮰﮱ ﯓ ﯔ ﯕ ﯖ ﯗ
(27. 61) “Kim yeri mənzil etmiş, onun
yarıqları ilə çaylar çəkmiş, üzərində sarsılmaz dağlar ucaltmış və dənizlər arasında
maneələr[18]
qoymuşdur? Allahdan başqa ilah varmı? Yoxdur! Lakin onların əksəriyyəti
bilmir”.
Doğrudanmı çoxsaylı qüsurlara malik
olan və ruzi verməyə, fayda gətirməyə və ya heç olmazsa öz yerindən tərpənməyə
belə qadir olmayan yararsız bütlər və daş heykəllər yaxşıdır, ya ki, yeri
insanlar və digər məxluqlar üçün tərpənməz məskənə çevirmiş Fövqəluca Allah?
Siz onun geniş sahələrində yerləşə, kənd təsərrüfatı və tikinti ilə məşğul ola,
səyahət edə və bir çox başqa işləri görə bilərsiniz. Siz Fövqəluca Rəbbin yerin
yarıqları ilə apardığı çaylardan çoxlu faydalar götürürsünüz. Siz çayların
suyundan əkinlərinizi və bağlarınızı suvarır, özünüz ondan içir və onunla
heyvanlarınızı sulayırsınız. Yerin ayaqlarınız altında titrəməməsi üçün
Müdriklər Müdriki Allah onun üzərində nəhəng payalara bənzər sarsılmaz dağlar
qoymuşdur. O (Pak və Müqəddəs Olan), yerdə şirin və duzlu su yaratmış və bu
suların arasında onların bir-birinə qarışmaması və faydalı keyfiyyətlərini
saxlaması üçün maneələr qoymuşdur. Bu maneələrdən biri quru ərazilərdir, çünki
çayların yataqları dənizlərdən və okeanlardan uzaqda yerləşir.
Məgər Allahla yanaşı başqa bir ilahmı
var ki, bütün bunları yaratdığına görə sizin ibadətinizə layiq olsun? Əlbəttə
yoxdur! Lakin insanların əksəriyyətinin bundan xəbəri yoxdur. Bu nadanlar öz
başçılarına kor-koranə itaət edərək, Allaha şərik qoşurlar. Əgər onlar haqqı
layiqincə dərk etsəydilər, belə davranmazdılar.
ﯘ ﯙ ﯚ ﯛ ﯜ ﯝ ﯞ ﯟ ﯠ ﯡﯢ ﯣ
ﯤ ﯥﯦ ﯧ ﯨ ﯩ ﯪ
(27. 62) “Ehtiyacı olan Ona dua etdikdə,
onun duasına cavab verir, şəri uzaqlaşdırır və sizi yerin varisi edir? Allahdan
başqa ilahmı var? Siz nəsihətləri nə qədər az anlayırsınız!”
Dərd-sərindən qəmgin və ehtiyac içində
olanın duasını təmin etməyə kim qadirdir? Kim insanın mürəkkəb problemlərinin
həllini asanlaşdıra, onu fəlakətlərdən xilas edə və şəri ondan dəf edə bilər?
Heç şübhəsiz ki, bunlara qadir olan yalnız Fövqəluca Allahdır.
Yer üzündə sizi varis edən kimdir? Kim
sizə maddi nemətlərdən istifadə etməyə kömək göstərir, sizə ruzi və hər növ nemətlər
əta edir, əcdadlarınızın sərvətini varislik üzrə sizə çatdırır, sonra isə sizin
var-dövlətinizi gələcək nəsillərinizin istifadəsinə verir? Məgər bunları
müşriklərin Allahla yanaşı ibadət etdikləri hansısa bir ilahmı edir? Xeyr!
Kainatın işlərini İdarəedən yalnız Fövqəluca Allahdır və müşriklər bunu çox
gözəl bilirlər. Başlarına müsibət gələndə, onlar kömək üçün səmimi qəlbdən bir
Allaha dua edirlər, çünki qəti əmindirlər ki, yalnız Allah fəlakətin və müsibətin
qarşısını almağa və ya ondan xilas etməyə qadirdir.
Siz necə də ətrafınızda baş verən hadisələr
və təzahür edən hallar üzərində az düşünürsünüz! Əgər siz onların üzərində daha
çox fikirləşsəydiniz, baş verməkdə olanların həqiqi mahiyyətini dərk edər və
düzgün yola gələrdiniz. Lakin siz Rəbbinizin ayələrinə laqeydsiniz və buna görə
də doğru rəhbərlik tapmağa və düz yolla getməyə qadir deyilsiniz.
ﯫ ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ
ﯶ ﯷﯸ ﯹ ﯺ ﯻﯼ ﯽ ﯾ ﯿ ﰀ ﰁ
(27. 63) “Kim sizi qurunun və dənizin
zülməti içində doğru yolla aparır və küləklərlə sizə Öz mərhəməti haqqında müjdə
göndərir? Allahdan başqa bir ilahmı var? Allah şərik qoşulanlardan çox
ucadır!”
Qurunun və dənizin qatı qaranlığında
sizə doğru yolu kim göstərir? Əgər bələdçidən məhrum olsanız və ya işarələri və
səmtləri görə bilməsəniz, Fövqəluca Allahın köməyi olmadan həmin vəziyyətdən
çıxış yolu tapa bilməzsiniz. O (Pak və Müqəddəs Olan) sizin yolunuzu
asanlaşdırır və getməli olduğunuz istiqamətdən azmamağınız üçün əlaltında olan
vasitələrdən istifadə etməyi sizə öyrədir. O (Pak və Müqəddəs Olan) Öz mərhəməti
haqqında müjdəsini sizə küləklər vasitəsi ilə göndərir. Bu küləklər də Allahın
mərhəmətinin təzahürü olan yağışlar haqqında öncədən sizi xəbərdar edir.
Allah küləkləri qovur, onlar isə buludları qovub gətirirlər. O (Pak və Müqəddəs
Olan) onları parça-parça edir və sonra da topalara çevirir. Daha sonra isə
topaların aralarından yağış yağır ki, Allahın qulları onların barəsində öncədən
küləyin əsməsi ilə xəbər tuturlar.
Doğrudanmı elə ilah var ki, bu işləri
Allahla bərabər həyata keçirsin? Bəlkə elə O (Pak və Müqəddəs Olan), – Kainatı
idarə edən Vahid Allahdır? Əgər bu belədirsə, onda niyə siz Ona şəriklər
qoşursunuz və uydurma “ilahlara” ibadət edirsiniz? O (Pak və Müqəddəs Olan) şəriklərə
möhtac deyil və istənilən saxta “ilahlardan” çox ucadır.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚﭛ ﭜ
ﭝ ﭞﭟ ﭠ ﭡ ﭢ ﭣ ﭤ ﭥ ﭦ
(27. 64) “Əzəldən varlığı yaradan,
sonra isə onu təkrar xəlq edən, sizi səmadan və yerdən ruzi ilə təmin edən
kimdir? Allahdan başqa ilahmı var? De: “Doğru danışanlarsınızsa, dəlilinizi gətirin”.
Əzəldən Öz məxluqlarını yaratdıqdan
sonra, onları Qiyamət günü təkrarən xəlq edəcək olan kimdir? Sizi səmadan və
yerdən olan ruzi ilə təmin edən, yəni, sizə yağış nazil edən və bitkilər bitirən
kimdir? Məgər bu işləri etməyə qadir olan Allahla bərabər başqa bir “ilah”
varmı? Doğru deyirsinizsə, dəlillərinizi gətirin. İnandırıcı dəlillər gətirməzsinizsə,
onda bütlərin ibadətə layiq olması haqqında sizin iddialarınız mənasız və əsassız
olacaqdır. Ey müşriklər, sizin dəlilləriniz yoxdur və ola da bilməz. Yolunuzu
azdığınızı etiraf edin və Allahın Kainatın Vahid Hökmdarı olmasının inandırıcı,
təkzibolunmaz dəlilləri üzərində fikirləşin. O (Pak və Müqəddəs Olan) məxluqlarını
təkbaşına idarə edir və onların ibadətinə layiqdir.
ﭧ ﭨ ﭩ ﭪ ﭫ ﭬ ﭭ ﭮ ﭯ ﭰﭱ ﭲ
ﭳ ﭴ ﭵ ﭶ
(27. 65) “De: “Allahdan başqa göylərdə
və yerdə olanlar qeybi bilmirlər, onlar, hətta, nə vaxt dirildiləcəklərini də
dərk etmirlər”.
Ey Muhəmməd! İnsanlara xəbər ver ki,
qeyb haqqında bilik yalnız Allaha məxsusdur. Fövqəluca buyurur: “Qeybin
açarları Ondadır və onlar haqqında bilən yalnız Odur. Quruda və dənizdə
olanlar Ona məlumdur. Hətta yarpaq da yalnız Onun icazəsi ilə düşər. Yerin
qaranlıqlarında bir dənəcik, təzə və ya quru bir şey belə yoxdur ki, Aydın
Kitabda olmasın” (Ənam, 6/59);
“Həqiqətən, yalnız Allah o Saat
haqqında biliyə malikdir, yağış nazil edir və bətnlərdə olanları bilir. Bir nəfər
belə bilmir ki, sabah o, nəyə nail olacaqdır və bir nəfər belə bilmir ki,
hansı yerdə öləcəkdir. Həqiqətən, Allah – Biləndir, Xəbərdardır” (Loğman,
31/34).
Bu Quran ayələrində xatırlanan və həmçinin
bütün qalan şeylər haqqında qeybə dair biliklər yalnız Allaha məxsusdur. Onlar
nə yaxın mələklərə, nə də seçilmiş elçilərə məlum deyil. Təkcə Fövqəluca Allah
qeybi bilir və qullarının ürəklərində gizli saxlanan hər şeydən xəbərdardır.
Bu isə o deməkdir ki, yalnız Allah ibadətə və sitayişə layiqdir. Kafirlərə gəldikdə
isə, onlar hətta nə vaxt dirildiləcəklərini belə bilmirlər. Rəbb bu sözləri ilə
Qiyaməti inkar edən allahsızların nadanlığını xüsusilə vurğulayır. Onlar
bilmirlər ki, qəbirdən dirildilmə nə vaxt başlayacaqdır və buna görə də bu əzəmətli
günə hazırlaşmırlar. Sonra, Fövqəluca Allah xüsusidən ümumiyə keçərək, belə
buyurur:
ﭷ ﭸ ﭹ ﭺ ﭻﭼ ﭽ ﭾ ﭿ ﮀ ﮁﮂ
ﮃ ﮄ ﮅ ﮆ ﮇ
(27. 66) “Xeyr, Axirət barədə biliklər
onlara tam çatdırılmışdır. Lakin onlar ona dair şübhə içindədirlər və hətta,
onu görə bilmirlər”.
Bu, kafirlərin ən böyük nöqsanı və ən
böyük səhvidir. Onlar Axirətin olmayacağına əmin deyillər. Onların sadəcə olaraq
onun haqqında heç bir məlumatı yoxdur və ancaq mənasız ehtimallara istinad
edirlər. Onların Axirət həyatı haqqında biliklərini nə dərin, nə də səthi
adlandırmaq olmaz, çünki bunlar – bilik deyil, şəkk-şübhələrdən ibarətdir. Şübhə
baş qaldıran yerdə bilik sona yetir, çünki hətta ən az bilik belə şübhə və
inamsızlıqla uyğun gəlmir. Lakin kafirlərin vəziyyəti həm də onunla çətinləşir
ki, onlar Axirətə kor kimi baxırlar. Onlar bu korluqları sayəsində Axirətdən xəbərsizdirlər
və hətta onun gələcəyini güman etmirlər. Onlar Axirət həyatını qeyri-mümkün və
inanılmaz sayırlar.
ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ
ﮓ ﮔ ﮕ ﮖ ﮗ ﮘ ﮙ ﮚ ﮛ ﮜ ﮝ ﮞ
(27. 67) “Kafirlər deyirlər:
“Doğrudanmı biz və əcdadlarımız torpaq olduqdan sonra mütləq çıxarılacağıq?”
(27. 68) “Əlbəttə, bu bizə və daha əvvəllər
isə atalarımıza vəd edilmişdi. Amma bu, yalnız qədim xalqların əfsanələrindəndir
”.
Onlar dirildilməni mümkün olmayan bir
şey sayırlar, çünki Fövqəlqüdrətli Rəbbin qüdrətini öz məhdud imkanları ilə müqayisə
edirlər. Onlar deyirlər: “Çox qədim zamanlardan bəri insanlar ölülərin
dirildilməsindən danışırlar, lakin indiyədək o dünyadan heç kim qayıdıb gəlməmişdir.
Bütün bunlar – qədim rəvayətlər və əfsanələrdir. İnsanlar başlarını onlarla
qarışdırırlar ki, vaxt keçirsinlər. Onların heç bir əsası yoxdur və həqiqətdən
uzaqdır”.
Fövqəluca Allah bu ayələrdə kafirlərin
vəziyyətini ardıcıl olaraq təsvir edir. Onlar Qiyamət gününün başlayacağı vaxtı
bilmirlər, sağlam zəkaya və düşüncə qabiliyyətinə malik deyillər və buna görə
də Axirət həyatı haqqında şəkk-şübhə içində əzab çəkirlər. Onlar kordurlar,
çünki dirilmənin gerçəkliyinin çoxsaylı dəlillərini görə bilmirlər və bu da
onları Axirəti inkar etməyə məcbur edir. Axirət qarşısında qorxu hissi tədricən
onların qəlbini tərk edir – onlar Allaha itaətsizlik etməyə başlayır və
vicdan əzabı çəkmədən haqqı inkar edir və yalan olanı bəyan edirlər. Onlar Fövqəlqüdrətli
Rəbbə ibadət etməkdən boyun qaçırır, öz pozğun istəklərini qane etməyi üstün
tutur və son nəticədə həm bu dünyada, həm də öldükdən sonra uğursuzluğa düçar
olurlar.
ﮟ ﮠ ﮡ ﮢ ﮣ ﮤ ﮥ ﮦ ﮧ ﮨ
(27. 69) “De: “Yer üzündə səyahətə
çıxın və günahkarların sonunun necə olduğunu görün”.
Allahın elçilərinin (onlara salam
olsun!) bütün xəbər verdiklərinin doğruluğu üzərində düşünün. Fövqəluca
Allaha cəsarət edib utanmazcasına itaətsizlik göstərən hər bir günahkara ən
dəhşətli aqibət düçar olur. Onun əməlləri nə qədər pis olarsa, nəticələri də
bir o qədər məşum və məşəqqətli olacaqdır.
ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ
(27. 70) “Onlardan ötrü qüssələnmə və
qoy hiylələri səni sıxmasın”.
Ey Muhəmməd! İnsanların iman gətirməkdən
imtina etməsinə görə qəm yemə! Sən, xeyirxahlıq etməyə qabil olmayan bu günahkarların
ürəyində nə qədər pislik olduğunu bilsəydin, onda onlardan ötrü kədərlənməzdin.
Onlara sənin əleyhinə fitnəkarlıqlar etməyi düşünürlər, amma bu səni narahat
etməsin, çünki kafirlərin fitnə-fəsadı onların təkcə özlərinə zərər vurur.
Fövqəluca həmçinin belə buyurur: “Onlar hiylə qururdular, Allah da hiylə
qurdu, axı Allah ən yaxşı Hiyləqurandır” (Ali-İmran, 3/54).
ﯔ ﯕ ﯖ ﯗ ﯘ ﯙ ﯚ ﯛ
(27. 71) “Onlar deyirlər: “Əgər doğru
söyləyənlərsinizsə, onda bu vədiniz nə zaman olacaq?”
Dirildiləcəklərini mümkün olmayan bir
şey sayan və Allahın Elçisinin (ona Allahın salavatı və salamı olsun!) gətirdiyi
haqqı inkar edən kafirlər belə deyirlər. Onlar istəyirlər ki, cəzanı
yaxınlaşdırsınlar, lakin onların sözləri yalnız onların öz cahilliyinə və
axmaqlığına dəlalət edir. Axirətin başlaması müddəti öncədən təyin edilmişdir
və dəyişdirilə bilməz. Şübhəsiz ki, kafirlərin belə tələbləri yerinə yetirilə
bilməz, lakin bu heç də onların haqlı olmasını təsdiq etmir.
ﯜﯝ ﯞﯟﯠﯡ ﯢ ﯣ ﯤﯥ
(27. 72) “De: “Ola bilsin ki, sizin tələsdirdiklərinizin
bəziləri artıq arxanızdadır”.
Ey Muhəmməd! Qoy onlar haqqın əleyhinə
getsinlər, sən isə onsuz da onların yaxınlaşdırmaq istədikləri cəzadan onları çəkindirməlisən.
Onlara bildir ki, çox yaxın bir vaxtda amansız cəza onları yaxalaya bilər.
ﯦ ﯧ ﯨ ﯩ ﯪ ﯫ ﯬ ﯭ ﯮ ﯯ ﯰ
(27. 73) “Həqiqətən, Rəbbin insanlara
lütfkardır, lakin onların əksəriyyəti naşükürdür”.
Fövqəluca Allah bu sözləri ilə Özünün hədsiz
səxavətini və nemətini insanlara xatırladır. İnsanlar minnətdar və şükür edən
olmalıdırlar, lakin çox vaxt hər şey əksinə baş verir. Allahın qulları maddi
nemətlərə o qədər aludə olurlar ki, bu bolluğu onlara kimin əta etdiyini
unudurlar.
ﯱ ﯲ ﯳ ﯴ ﯵ ﯶ ﯷ ﯸ ﯹ
(27. 74) “Həqiqətən, Rəbbin onların ürəklərində
gizlətdiklərini də, aşkar etdiklərini də bilir”.
Qoy insanlar aşkarı da, qeybi də Bilən və Öz
qullarını fasiləsiz Müşahidəedən Allahın qəzəbindən qorxsunlar.
ﯺ ﯻ ﯼ ﯽ ﯾ ﯿ ﰀ ﰁ ﰂﰃ ﰄ
(27. 75) “Göydə və yerdə elə bir gizli
şey yoxdur ki, aydın Kitabda olmasın”.
Ayədə söhbət Qorunan Kitabdan[19]
gedir. Onda Qiyamət Saatına qədər baş vermiş və baş verəcək hər şey haqqında səhih
məlumatlar vardır. Buna görə, Kainatda istənilən gizli və aşkar hadisələr
Aydın Kitabda saxlanan qeydiyyata tam uyğun olaraq gerçəkləşir.
ﰅ ﰆ ﰇ ﰈ ﰉ ﰊ ﰋ ﰌ ﰍ ﰎ ﰏ
ﰐ ﰑ
(27. 76) “Həqiqətən, bu Quran İsrail
oğullarının ixtilafa düşdükləri şeylərin əksəriyyətini rəvayət edir.
Quran, Allahın əvvəlki Kitablarında
nazil etdiyi həqiqətlərin mühafizəçisidir. Onda əvvəlki dinlərin bir sıra
müddəaları təfsilatı ilə ifadə olunmuşdur. Bu, İsrail oğullarının bəzi dini
hökmlərə aid çoxlu şübhələri və ziddiyyətli mülahizələri ilə bağlı idi.
Quran haqqa işıq salaraq bu və bir çox digər ziddiyyətləri mükəmməl şəkildə həll
etdi. Əgər çətinlik çəkmədən ziddiyyətləri və problemləri həll edən son Səmavi
Kitabın əzəmətini və aydınlığını nəzərə alsaq, onda məlum olar ki, məhz bu
Kitab Allahın insanlara bəslədiyi ən böyük mərhəmətidir. Lakin bu lütfkarlığa
heç də hamı minnətdarlıqla cavab vermir və buna görə sonra Fövqəluca Rəbb qeyd
edir ki, Quran ayələri yalnız möminlər üçün fayda verir və doğru yolu işıqlandırır.
Rəbb buyurur:
ﭑ ﭒ ﭓ ﭔ ﭕ
(27. 77) “Həqiqətən, bu, möminlər üçün
rəhbərlik və nemətdir”.
Quran insanları azğınlıqdan doğru yola
çıxardır, onları şübhələrdən xilas edir, onlara sevinc gətirir, onlara öz dünyəvi
və dini təşəbbüslərini mömincəsinə yerinə yetirməyə kömək göstərir. Lakin bu
böyük şərəfə yalnız iman sahibləri layiq görülürlər və onlar öz Rəbbinin
Kitabına iman gətirirlər, onu bütövlükdə və tamamilə qəbul edirlər və həm də
onun mənası üzərində düşünürlər. Bunun sayəsində onlar doğru yolla gedir və
Fövqəluca Allahın mərhəmətinə nail olurlar ki, bu da xoşbəxtliyin və uğur
qazanmanın rəhnidir.
ﭖﭗﭘﭙ ﭚﭛﭜﭝ ﭞﭟ
(27. 78) “Həqiqətən, Rəbbin onların
arasında Öz mühakiməsini yürüdəcəkdir. O – Fövqəlqüdrətlidir, Biləndir”.
Fövqəluca Rəbb mübahisə edən qulları
arasında Özü mühakimə yürüdəcək və ədalətli hökm çıxaracaqdır. Dünya həyatında
insanlar tez-tez ziddiyyətə düşürlər. Bəzən bu aydın dəlillərin olmaması
üzündən baş verir, bəzən isə insanlar tamahkar məqsədlər güddüklərindən bu dəlilləri
etiraf etməkdən boyun qaçırırlar. Lakin Axirətdə Fövqəlqüdrətli Allah haqqı
nurlandıracaq və bütün ixtilafları və ziddiyyətləri yalnız Özü mühakimə edəcəkdir.
Həqiqətən, O – Fövqəlqüdrətlidir, Biləndir.
Bütün varlıqlar Ona itaət edir və baş verən bütün hadisələr Ona agahdır. O
(Pak və Müqəddəs Olan), Öz mübahisə edən qullarının onların arasında ixtilaf
yaradan iddialarını və hər iki tərəfin hansı məqsədlər güddüyünü bilir. Məhz
bunun sayəsində məxluqlar ən ədalətli və tam əvəz alacaqlar.
ﭠ ﭡ ﭢﭣ ﭤ ﭥ ﭦ ﭧ ﭨ
(27. 79) “Allaha təvəkkül et! Həqiqətən,
sən aydın bir haqq tərəfdarısan”.
Ey Muhəmməd! Dini yayarkən, müsəlman cəmiyyətini
qurarkən və haqq dinin düşmənləri ilə mübarizədə öz Rəbbinin yardımına ümid
bağla! Həqiqətən, yalnız Allah sənə xeyir əta edə və səni şərdən qoruya bilər.
O (Pak və Müqəddəs Olan) daima sənə qayğı göstərir, çünki sən aydın bir həqiqət
tərəfdarısan. Sən xeyirxah işlər görür, Haqqı təbliğ edir, Onun mənafelərini
müdafiə edirsən və buna görə də sən cəsarətlə öz Rəbbinə təvəkkül edə bilərsən.
Doğru rəftar edən və haqlı olmasına əmin olan şəxs Allaha təvəkkül edə bilər. Məhz
bu sənin yolundur və onun gerçəkliyi heç kimdə şübhə doğurmur. Əgər sən bundan
sonra da öz vəzifələrini qüsursuz yerinə yetirmiş olsan və Allaha təvəkkül etsən,
onda insanların azğınlığı və küfrü sənə heç bir zərər vura bilməz, çünki ətrafdakıları
haqq dinə gəlməyə məcbur etmək sənin vəzifənə aid deyil. Sanki bunları izah etmək
məqsədi ilə Fövqəluca Allah buyurur:
ﭩ ﭪ ﭫ ﭬ ﭭ ﭮ ﭯ ﭰ ﭱ ﭲ ﭳ
ﭴ
(27. 80) “Həqiqətən, sən nə ölüləri
eşitməyə məcbur edə bilərsən, nə də geriyə dönən karları çağıra bilərsən”.
Belə davranış sənin moizələrinə qulaq
asmaqda insanlara daha güclü maneçilik törədir. Fövqəluca daha sonra buyurur: “Həqiqətən,
sən sevdiklərini doğru yola gətirə bilməzsən. Yalnız Allah istədiklərini
doğru yola gətirir. O, doğru yolla gedənləri yaxşı tanıyır” (Qəsəs,
28/56).
ﭵ ﭶ ﭷ ﭸ ﭹ ﭺﭻ ﭼ ﭽ ﭾ ﭿ ﮀ
ﮁ ﮂ ﮃ ﮄ
(27. 81) “Sən korları onların
azğınlığından çıxara bilməzsən. Sən ancaq Bizim ayələrimizə iman gətirən müsəlmanları
dinləməyə məcbur edə bilərsən”.
Ey Muhəmməd! Sənin sadiq ardıcılların
yalnız Allahın ayələrinə iman gətirən və öz imanını saleh əməllərlə təsdiq edən
möminlər olacaqdır. Fövqəluca buyurur: “Yalnız diqqətlə dinləyənlər cavab
verirlər. Ölüləri isə Allah dirildəcək və bundan sonra onlar Ona
qaytarılacaqlar” (Ənam, 6/36).
ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﮏ
ﮐ ﮑ ﮒ ﮓ ﮔ ﮕ ﮖ
(27. 82) “O Söz gerçəkləşəndə, Biz yerdən
onlara qarşı bir heyvan[20]
çıxaracağıq və o, onlara insanların Bizim ayələrimizə əmin olmadıqlarını söyləyəcək”.
Öncədən təyin olunmuş və vəd edilmiş
gün gəldikdə, Allah yerdən bir heyvan çıxaracaqdır. O, göylərdən gəlməyəcək, yerin
təkindən çıxacaqdır. O, insanlarla danışacaq və hamıya bildirəcək ki, fasiqlər[21]
Rəbbin ayələrinə inanmırdılar. İnsanların əksəriyyəti mükəmməl biliklərə və
Onun ayələrinə sarsılmaz imana malik deyillər və buna görə, üzdən iraq, “yerdən
çıxacaq heyvanın” (“dəbbət əl-ard”) zühuru insanların haqq gözünü açacaq və
onların mübahisə və ixtilaflarına son qoyacaqdır.
Bu heyvanın zühur etməsi Qiyamət
gününün ən böyük əlamətlərindən biridir və dünyanın sonuna az qalmış baş verəcəkdir.
Bu təzahür[22]
haqqında Muhəmməd Peyğəmbərin (ona Allahın salavatı və salamı olsun!) bir çox
səhih hədislərində xəbər verilmişdir. Lakin nə Quranda, nə də pak Sünnədə onun
hansı görkəmdə olacağı barədə bildirilməmişdir. Buna baxmayaraq, məlumdur ki,
o, Allahın möcüzələrindən biri olacaqdır və insanlarla ən ecazkar tərzdə danışacaqdır.
İnsanlar öz Rəbbinin dəlillərini inkar etməyə başlayacaqları zaman bu baş verəcək
və Onun Sözü onların üzərində həqiqətə çevriləcəkdir. Bu qəribə heyvanın təzahür
etməsi möminlərin doğru danışdıqlarının dəlili və kafirlər üçün isə ittiham
hökmü olacaqdır.
ﮗ ﮘ ﮙ ﮚ ﮛ ﮜ ﮝ ﮞ ﮟ ﮠ ﮡ
ﮢ
(27. 83) “Həmin gün Biz hər xalqın ayələrimizi
yalan sayanlarından bir kütləsini toplayacağıq və onları itələyəcəklər”.
Fövqəluca bu ayədə Qiyamət günü Məhşər
ayağında kafirlərin başına nə gələcəyini bildirir. İnsanlar bir yerdə
toplandıqdan sonra, hər bir xalqın arasından Allahın ayələrini inkar edənləri
ayıracaqlar. Sərt təbiətli mələklər günahkarları arxadan itələyəcəklər. Odur
ki, ən arxada dayananlar birinci cərgədə dayananları sıxışdıracaqlar. Bununla
kafirlərə başa salınacaq ki, onlar hamısı birlikdə öz cinayətlərinə görə cavab
verəcək, təhqirə məruz qalacaq və qınanıldıqlarını eşitmək məcburiyyətində
olacaqlar.
ﮣ ﮤ ﮥ ﮦ ﮧ ﮨ ﮩ ﮪ ﮫ ﮬ ﮭ ﮮ ﮯ ﮰ
(27. 84) “Onlar gəldikdə, O, deyəcək:
“Doğrudanmı siz Mənim ayələrimi, anlamadan, yalan saydınız? Bəs siz orada nə ilə
məşğul idiniz?”
Siz onların üzərində düşünməli idiniz
ki, haqqı özünüz üçün aydınlaşdıra biləsiniz. Sizin heç bir təsəvvürünüz
olmayan şeylər haqqında boşboğazlıq etməyə haqqınız yox idi. Necə oldu ki,
siz hətta məzmunu ilə tanış olmadan Vəhyimi inkar etdiniz? Bəs siz nə
edirdiniz?
Allah kafirlərə onların bilikləri və əməlləri
haqqında suallar verəcəkdir və bəlli olacaqdır ki, onlar öz biliklərini haqq
ilə mübarizə aparmaq üçün istifadə ediblər, öz əməllərini Onun elçilərinin
(onlara salam olsun!) əmrlərinin ziddinə gerçəkləşdiriblər və bu əməllərini Ona
deyil, kimə və nəyə rast gəliblərsə, ona da həsr ediblər.
ﮱ ﯓ ﯔ ﯕ ﯖ ﯗ ﯘ ﯙ ﯚ
(27. 85) “Zalımlıqları üzündən Söz
onları haqlayacaq və onlar heç danışmayacaqlar da”.
Allahın günahkarlar üçün, ədalətsizliyi
üstün tutduqlarına və hətta, məhvediciliyinə əmin olduqdan sonra da, zalımlığı
davam etdirdiklərinə görə təyin etdiyi və ona uyğun olaraq cəzalandırılacaqları
Qədər gerçəkləşəcəkdir. Bu zaman onlar dinməyəcəklər, çünki onların törətdikləri
cinayətlərə görə bəraət əldə etməyə heç bir haqqı olmayacaq”.
ﯛ ﯜ ﯝ ﯞ ﯟ ﯠ ﯡ ﯢ ﯣﯤ ﯥ ﯦ
ﯧ ﯨ ﯩ ﯪ ﯫ
(27. 86) “Məgər
onlar görmürlər ki, həqiqətən, Biz gecəni onda rahatlanmaları, gündüzü isə
işıqlandırmaq üçün yaratmışıq? Həqiqətən, bunda iman gətirən insanlar üçün dəlillər
vardır”.
Məgər onlar öz Rəbbinin əzəmətli möcüzələri
və dəyərləndirilməsi mümkün olmayan səxavəti üzərində düşünmürlərmi? Məgər
onlar görmürlər ki, Fövqəluca Allah gecəni və gündüzü onların mənafeyinə tabe
etmişdir? Gecə olan kimi onlar yataqlarına girir, istirahət edir və sabahkı
günə hazırlaşırlar. Səhər tezdən isə onlar dolanacaq və ruzi əldə etmək ümidi
ilə yer üzünə yayılırlar. Bütün bunlar – dəlillərdir ki, insanlara tövhidə
etiqad etməyi və Allahın mərhəməti üzərində düşünməyi zəruriləşdirir.
ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ ﯶ
ﯷ ﯸ ﯹ ﯺﯻ ﯼ ﯽ ﯾ ﯿ
(27. 87) “Həmin gün Sura üfürüləcək və
göylərdəkilər və yerdə olanların hamısı, Allahın istədiklərindən başqa, dəhşətə
qapılacaq. Hamı Onun hüzurunda müti halda durmalı olacaq”.
Allah Öz qullarına Qiyamət gününün dəhşətlərini
xatırladır. Bu Gün – böyük sınaqlar, böyük hüzn və böyük həyəcanlar günü
olacaqdır. Allahın bütün məxluqları misilsiz həyəcana və qorxuya məruz qalacaqlar.
Onlar vurnuxacaq, boş-boşuna ora-bura var-gəl edəcək və bunların səbəbi Surun
üfürülməsi olacaqdır. Yalnız seçilmiş məxluqlar qorxudan xilas olunacaq,
çünki Fövqəluca Allah onlara lütfkarlığını göstərəcəkdir.
Bütün məxluqlar Onun hüzurunda fağır və
müti halda dayanacaqlar. Fövqəluca buyurur: “Göylərdə və yerdə olan hər kəs
Rəhmanın yanına bir qul kimi gələcək” (Məryəm, 19/93). Bu dəhşətli gündə
hakimiyyətə sahib olanlar və sadə insanlar arasında fərqlər yox olacaq, çünki
onların hamısı alçaldılacaq və Fövqəlqüdrətli Hökmdara itaət edəcəklər.
ﰀ ﰁ ﰂ ﰃ ﰄ ﰅ ﰆ ﰇﰈ ﰉ ﰊ ﰋ
ﰌ ﰍ ﰎﰏ ﰐ ﰑ ﰒ ﰓ ﰔ
(27. 88) “Sən görəcəksən
ki, tərpənməz saydığın dağlar[23], buludlar
kimi hərəkət edir. Bu, yaratdıqlarını kamil surətdə Xəlqedən Allahın sənətidir. Həqiqətən,
O, sizin nə etdiklərinizi bilir”.
Sən bu nöqsanı və qüsurları olmayan
qüdrətli dağlara bir bax! Sən elə fikirləşə bilərsən ki, bu əzəmətli
istehkamlar həmişəlik öz yerlərində duracaqlar. Lakin Qiyamət gününün
sarsıntıları o qədər əhəmiyyətli olacaq ki, hətta dağlar da Allahın hüzurunda
qorxudan hərəkətə gələcəklər. Sonra onlar toz-torpağa çevriləcək və daha sonra
isə ümumiyyətlə bütün dünyaya yayılıb yox olacaqlar, sanki onlar heç vaxt
mövcud olmamışlar. Allah bu barədə və sizin bütün etdikləriniz barədə hər şeyi
bilir. Məhz buna görə, siz etdiyiniz bütün əməllərə görə əvəz alacaqsınız.
Sonra Fövqəluca Allah vəd etdiyi əvəzi
səciyyələndirir və belə buyurur:
ﭑﭒﭓ ﭔﭕﭖﭗﭘﭙﭚ ﭛﭜ ﭝ ﭞ ﭟ ﭠ
ﭡ ﭢ ﭣ ﭤ ﭥ ﭦ ﭧ ﭨ ﭩ ﭪ
(27. 89) “Kim yaxşılıqlarla gələrsə,
ondan da xeyirlisinə nail olar. Onlar həmin Günün dəhşətindən qorunmuş olarlar.
(27. 90) “Kim ki, pis əməllərlə gələrsə,
üzüqoylu Od içinə atılmaqla əvəzi veriləcək. Məgər bu, yalnız əməllərinizə görə
əvəz deyilmi?”
Yaxşı
əməllər sözlərdən, hərəkətlərdən və hətta niyyətlərdən də ibarət ola bilər. Cəza
onları insanların və qalan məxluqların dəhşətə gəldiyi həmin Gün yaxalamayacaqdır.
Lakin bu o demək deyildir ki, bu cəza qarşısında onlar qorxu hissi keçirməyəcəklər.
O
ki qaldı, pis əməllərlə gələnlərə, onları Cəhənnəmə üzüqoylu atacaqlar.
ﭫ ﭬ ﭭ ﭮ ﭯ ﭰ
ﭱ ﭲ ﭳ ﭴ ﭵ ﭶﭷ ﭸ ﭹ ﭺ ﭻ ﭼ ﭽ ﭾ ﭿ ﮀﮁ ﮂ ﮃ ﮄ ﮅ ﮆﮇ ﮈ ﮉ ﮊ ﮋ ﮌ ﮍ ﮎ ﮏ
(27. 91) “Mənə yalnız bu bölgənin, onu
haram qılan Rəbbinə ibadət etmək əmr olunmuşdur. Hər şey Ona məxsusdur, mənə
isə əmr edilmişdir ki, müsəlmanlardan olum
(27. 92) və Quran
oxuyum”. “Kim doğru yolla gedirsə, öz xeyrinədir. Zəlalətə düşənlərə isə de:
“Mən yalnız çəkindirənəm”.
Üstdəki ayədə söhbət mübarək Məkkədən
gedir. Orada yaşamaq çox şərəflidir. Bu isə o deməkdir ki, Məkkə sakinləri
öz Rəbbinə hamıdan daha çox minnətdar olmalı və Ona itaət etməlidirlər. Lakin
insanlar elə düşünməməlidirlər ki, Allahın hökmranlığı təkcə Kəəbəyə və ya Məkkəyə
aiddir. Çünki hər iki - ən yüksək və ən aşağı aləm Ona məxsusdur.
Fövqəluca Muhəmmədə (s.ə.s.)
buyurmuşdur ki, İslamı qəbul etməkdə ləngiməyə yol verməsin və Allahın Elçisi (s.ə.s.)
də öz Rəbbinin iradəsini yerinə yetirmişdir. O (s.ə.s.) birinci olaraq İslam
dinini qəbul etmiş və müsəlmanların ən yaxşısı olmuşdur. O (s.ə.s.) öz peyğəmbərlik
vəzifəsini də yerinə yetirmiş və həyatının sonuna kimi Quranı təbliğ etmişdir
ki, insanlar haqqı dərk edə bilsinlər, öz Rəbbinin Kitabını öyrənə bilsinlər və
onun gözəl mənalarını başa düşsünlər. İnsan doğru yolla gedirsə, onda o, öz
möminliyinin və dindarlığının bəhrələrini dada bilir. Əgər o, azğınlığa
düşürsə, onda hətta Peyğəmbər (s.ə.s.) də imanı onun qəlbinə sala bilməz.
ﮐ ﮑ ﮒ ﮓ ﮔ ﮕﮖ
ﮗ ﮘ ﮙ ﮚ ﮛ ﮜ
(27. 93) “De: “Həmd Allaha məxsusdur!
O, sizə möcüzələrini göstərəcək[24] və siz
onları anlayacaqsınız”. Rəbbin əməllərinizdən əsla qafil deyil”.
Həm bu dünyada, həm də Axirət aləmində
həmd yalnız Allaha məxsusdur. Bütün məxluqlar Ona həmd edirlər, lakin Onun
seçilmiş qulları bunu daha yaxşı edirlər. Onlar bütün digər yaradılmışlardan
yüksəkdirlər, Ona yaxınlıq duyurlar və Onun saysız-hesabsız ənamlarından ləzzət
alırlar və buna görə onların tərifləməsini və minnətdarlığını digər məxluqların
tərifi və minnəti ilə müqayisə etmək olmaz.
Allah dəlillərini[25] insanlara göstərir ki, onlar haqqı yalandan ayırmaqda kömək əldə
etsinlər və Allahın qulları bu dəlilləri dərk edərək, onların vasitəsi ilə
qatı qaranlığı işıqlandırsınlar. Bu ona görə belə edilir ki, həlak olanlar nəyə
görə həlak olduqlarını tam başa düşsünlər. Həqiqətən, Rəbb insanın əməllərini
unutmur. Əksinə, Ona qullarının əməlləri və niyyətləri yaxşı məlumdur. O bilir
ki, onlar öz əməlləri ilə hansı mükafata və ya cəzaya layiqdirlər və buna
görə mütləq elə bir hökm çıxaracaq ki, hər bir insanın Ona həmd etməsini labüdləşdirsin. İnsanlar Onu hökmən tərifləyəcəklər, çünki
Onun müdrik qərarında zərrə qədər nöqsan tapa bilməyəcəklər.
Fövqəluca Allahın mərhəməti və yardımı
sayəsində mən bu ecazkar surənin şərhini başa çatdırdım. Ey Rəbbim! Bizi mərhəmətindən
və köməyindən məhrum etmə, axı Sən hökmdarların Ən Alicənabı və Mərhəmətlisisən.
Sən Öz qullarının dualarına diqqətlə yanaşansan, onların çətin işlərini
yüngülləşdirirsən, Öz bolluq qapılarını onların qarşısında açırsan və onlara
ara vermədən bol hədiyyələrini əta edirsən. Sən möminlərə Bərəkətli Quranın
mənalarını anlamağa kömək göstərirsən və bu ecazkar elm dəryasına can
atanlara onun sirlərini açırsan. Həmd olsun Sənə, ey Rəbbim! Peyğəmbərin Muhəmmədə
(s.ə.s.), ailəsinə və səhabələrinə Allahın salavatı və salamı olsun!
[1] Quran surələrinin, əsasən, başlanğıcında verilən və ayələrin mətnində,
ilk nəzərdə, izah olunmayan bu hərflər haqqında Təfsirin öncəki cildlərində
qısa məlumat verilmişdir. “Ta” və “Sin” hərflərinə gəldikdə isə, onların bu ayənin mətni ilə əlaqədar
özəlliyə malik olduğunu düşünərək bir sıra kiçik araşdırmalara çalışdıq.
Belə ki, əlimizdə bir neçə (Azərbaycan, rus, türk, ingilis) dillərdə olan
Quranın (otuzdan çox) sanballı tərcümələrində bu (27.1) ayənin fərqli
çevirilərinin şahidi olduq və onların əksəriyyətində başlanğıc hərflər
(“Ta”, “Sin”), sadəcə olaraq, “...Aydın Kitabın ayələri” kimi verilmişdir ki,
bu həmin ayənin mahiyyətini qətiyyən açmır. Lakin “ayə” sözünün Azərbaycan
mətnində “dəlil” kimi verilməsi, mətnin mahiyyətini nisbətən aydınlaşdırır
və anlaşılmasını asanlaşdırır. “Ta”, “Sin”-nin ayədə Aydın Kitabın mühafizəsinin
dəlillərindən olması ifadəsi araşdırmamızı gerçəkliyə daha çox yaxınlaşdırır.
Müsəlman alimlərinin bu başlanğıc hərflər haqqında söylədikləri də bizim
variantımızın lehinədir. Surələrdəki başlanğıc hərflərin indiyədək aşkar
edilmiş əsas təyinatının – Quranı təhriflərdən mühafizə etmək olduğunu təsdiq
edir. (Bax: İstifadə etdiyim mənbə: “Quran heç tükənməyən möcüzə, İstanbul,
2005.). Əlbəttə, mənim, bu qeydimdə, məndən öncəki tərcüməçilərin həmin ayəni
yanlış çevirmələrini iddia etdiyimi düşünə bilənlər səhv etmiş olarlar. “Ayə”
kəlməsinin həmin şərəfli ayədə müxtəlif sözlərlə Azərbaycan dilinə tərcümə
edilməsini, əlbəttə ki, yanlış kimi qəbul etmək olmaz. Mən bu iddiadan uzağam.
Çünki həmin çevirilərin hər biri öz növbəsində doğru hesab edilə bilər və bu
qeydlər, tənqid niyyətli mərəzdən deyil, sadəcə, Quranın möcüzəvi mahiyyətini
bir daha vurğulamaq məqsədindən irəli gəlmişdir. Ən doğrusunu Allah bilir. Tərc.
F.S.
[2] Yəni, “Davudu da, Süleymanı da xatırla!” F.S.
[3] Görünür burada: 27/15-ci ayənin şərhində keçən (21/78-79) ayədəki: “...Biz Süleymana bunu araşdırmaqda kömək etdik...” müddəası
nəzərdə tutulur. F.S.
[4] Yəni, öz qarışqa tayfasına görə. F.S.
[5] “Nass” deyildikdə, Quran ayələri və Muhəmməd Peyğəmbərin (s.ə.s.) hədisləri
(rus dilində: «священные тексты» kimi verilmişdir) nəzərdə tutulur. F.S.
[6] Mən möhtərəm oxucudan son dərəcədə xahiş edirəm ki, müasir dövrün ən
sadiq müfəssiri olan Şeyx Əbdürrıhman əs-Səədinin bu müddəasına diqqətlə
yanaşsın və həqiqətən, bu əsərdə uydurma rəvayətlərin müəllif tərəfindən qətiyyən
istifadə edilmədiyinə əmin olsun. F.S.
[7] Kursiv mənimdir. F.S.
[9] 1)
Şeyx əs-Səədi Təfsirinin mətnində bu rəvayəti təsdiq edən hər hansı maddi mənbəyə
əsaslanan bir dəlil verilməsə də, Öz peyğəmbərinin müşriklər üzərində qələbəsini
təmin etmək istəyən Fövqəluca Allahın istənilən möcüzəni hər hansı bir mövcud məxluqunun
adı altında gerçəkləşdirmək istəyə bilməsi şübhəsizdir. Fövqəlqüdrət Sahibi
Allah Səba məlikəsinin taxtını kitabda adı çəkilən Asəf b. Bərxiya adlı şəxsin
simasında Öz mələyi vasitəsi ilə də gətirtmiş ola bilər. Allah ayədə buyurur
ki, “bir nəfər Kitabdan elmi olan”. Bu o deməkdir ki, Allah konkret bir şəxsiyyəti
nəzərdə tutur. Burada söhbət nazil edilmiş Kitablardan gedə bilməz. Çünki maddənin
işıq sürəti kimi bir sürətdə nəql edilməsi, daşınması haqqında hər hansı bir
nass həmin Kitablardan məlum deyil. Taxt isə məhz belə bir sürətlə gətirilmişdi.
Deməli, Kitab deyildikdə, çox ehtimal ki, Lövhi-Məhfuz nəzərdə tutulub ki,
onda nəinki işıq sürəti, həm də hələ kəşf olunmamış, Qiyamətə qədər gerçəkləşdiriləsi
çox elmi kəşflər barəsində məlumatlar saxlanıla bilər.
2) Türkiyə Quran
Araşdırmaları Mərkəzinin tədqiqatçı-alimlərinin yazdığına görə, bu ayədə “taxtı
gətirən şəxsin Kitabdan bir elmə malik olmasıdır. Onun nə peyğəmbər, nə də
cin olmasının göstərilməməsi, diqqətimizi elmə tərəf yönəldir. Bu gün maddənin
səsinin və təsvirinin elmi kəşflər sayəsində işığa yaxın bir sürətlə nəql edilməsi
gerçəkliyi artıq bir faktdır (radio və televiziya). Ayə bizə göstərir ki,
maddənin kütləsinin nəqli və daşınması da elmi nailiyyətlər əsasında bu sürətə
yetişəcəkdir və bu barədə Kitabda (böyük ehtimal var ki, Lövhi-Məhfuz nəzərdə
tutulur) bilik vardır. (Bax: “Quran heç tükənməyən möcüzə, səh. 261). İstənilən
halda ayədəki “taxt möcüzəsi” Allahın möcüzəsidir və bu məsələdə məhz Onun
iradəsi gerçəkləşmişdir. O (Pak və Müqəddəs Olan) hər şeyə qadirdir. Həmd
olsun Fövqəluca Allaha! F.S.
[10] Səba məlikəsinə. F.S.
[11] Sarayın döşəməsini. F.S.
[12] Sərh – (ərəbcə) saray, qəsr mənalarındadır. F.S.
[13] Saleh peyğəmbərin (ə) xalqı. F.S.
[14] Vəli – yaxın qohum, qəyyum, dost, varis, himayədar və s. mənalarda
işlədilir. F.S.
[15] Allahın buyurduğu kimi qadınlarla cinsi əlaqəyə girməkdənsə, kişilərə
meyil edirdilər.
[16] Kursiv mənimdir.”Bu gil topalarının hər biri
nişanlanmış və ayrı-ayrı günahkarların hər biri üçün nəzərdə tutulmuşdu”. Müəllif şərhinin, təbii ki,
nasslara əsaslanan müddəasının bu fraqmentinə istinad edərək, belə bir nəticə
çıxartmaq olar ki, Fövqəluca və Müdrik Allah, həmişə olduğu kimi, Öz fövqəlqüdrəti
və elmi ilə, Lut peyğəmbərin (ə) azğın xalqına qarşı amansız cəza göndərməzdən
öncə, iyrənc fasiqlərin hər birini fərdi qaydada məhv etməyi
planlaşdırmışdır. Bişmiş gil topalarına nişan qoyulması bu nəticəyə gəlməyə əsas
verir. Bişmiş gil topaları hər bir günahkarı fərdi qaydada alazlayıb məhv
edirdi, yəni, hər bir gil topası konkret bir günahkar üçün təyin olunmuşdu. Bu
isə Allahın dərgahında hər bir günahkarın əməllərinin, o cümlədən günahkar əməllərinin
qeydə alınmasının daha bir ilahi sübutudur və bişmiş gil topalarının “nişanlanması”
ifadəsi bunu təsdiq edir. F.S.
[17] Bu ayə (27/60) bundan əvvəlki ayənin (27/59) son fraqmentinin davamı
olduğu üçün bu formada verilmişdir. Tərcümə mətnin əslinə uyğundur. F.S.
[18] “Dənizlər arasında maneələr”-lə əlaqədar bu ciliddə Furqan
surəsinin (25. 53) ayəsinə yazdığım qeydə bax! F.S.
[19] Lövhi-Məhfuz – Fövqəluca Allahın dərgahında Mühafizəolunan Kitab nəzərdə
tutulur. F.S.
[20] Dəbbə - Allahın yerdən çıxaracağı
qeyri-adi bir heyvan adıdır. Bu söz Quranda düzəltmə törəmələri ilə birlikdə 18
dəfə (2/164; 11/6, 56; 16/49, 61; 31/10 və s. ayələrdə) keçmişdir. Təfsirçilərə
görə böyük bir heyvandır, Qiyamətin ilk əlamətlərindəndir, bir ağac qurdunun
adıdır. Barəsində müxtəlif rəvayətlər söylənmişdir.
[21] Yəni, günahkarlar. F. S.
[22] Qeyri-adi və danışa bilən bir heyvanın yerin təkindən çıxması. F.S.
[23] Yer üzünün ən sabit görünüşlü forması dağlardır. Dağların əlçatmazlığı
düşüncəsi bəzi ibtidai təfəkkür səviyyəsində olan insanların çoxallahlıq məfkurələrində,
onların təpələrində tanrıların olduğu zənninə qapılmalarına səbəb olmuşdu. Dağların
əlçatmazlığı qədər yerindəntərpənməz sabit görkəmi insanlar üçün bir aldanma
formasıdır. Bu ayə həmin qavrayış yanlışlığını insanların nəzərinə çatdırır və
dağların da buludlar kimi hərəkət etdiyini bildirir. Əgər belə sabit görkəmli
dağlar hərəkət edirsə, deməli, onlarla birlikdə bütün yer kürəsi də hərəkət
edir. Ayə, peyğəmbərimizin (s.ə.s) zamanında yaşayan insanlar üçün inanılmaz
olan bir biliyə işarə edir. Muhəmməd
Peyğəmbərin (s.ə.s) zamanında inanılmaz olan bu əlamət (işarə, dəlil), ondan
sonrakı ilk əsrlərdə ayənin Qiyamətə işarə etdiyi düşünülərək, anlaşılmamışdı.
Hətta iyirminci əsrin 70-ci illərində bir məşhur ərəb ilahiyyatçısı yer kürəsinin
hərəkət etmədiyini və bunu deyənlərin kafir olduğunu bəyan etmişdi. Yerin hərəkət
etməsinə dair Ənbiya (21/33) surəsində də işarə edilmişdir. Dünyanın hərəkətsiz
olmasına aid təsəvvürlər o qədər güclü olmuşdur ki, Qurandakı açıq-aydın dəlillərə
baxmayaraq, hətta görkəmli din adamları bu gerçəkliyi doğru-düzgün qavraya
bilməmişlər. (Bax: “Quran heç tükənməyən möcüzə, səh. 118-119, 121). F.S.
[24] Quranın bu ayələrinin (27/92-93) nazil edildiyi vaxtdan xeyli əvvəl
Allahın dəlillərinin (möcüzələrinin) aşkar olacağı məhz bu 93-cü ayə ilə müjdələnmişdir.
Quran möcüzələri Muhəmməd Peyğəmbərin (s.ə.s) iradəsindən asılı olmayaraq gerçəkləşdirilmişdir.
Hər şeydən öncə, bu möcüzələrin baş verməsi üçün o zamanın bütün insanlarının
bir yerə yığışıb bunu ərsəyə gətirmək istəməsi belə kifayət etməzdi. Yaxın
tarixlərə qədər bütün İslam dünyası özü bu möcüzələrdən xəbərsiz idi. Quranın
riyazi hesablamalarla bağlı möcüzələri hələ 45-50 il bundan qabaq belə heç kimə
məlum deyildi. Bəli, vaxtı çatdıqca, Allah Öz dəlillərini aşkar edir. Ağlı və
vicdanı olan insanlar bu möcüzələri başa düşür, Allaha həmd edir və Ona şükür
etməklə minnətdar olduqlarını göstərirlər (Bax: “Quran heç tükənməyən möcüzə”,
səh. 284.). F.S.
[25] Bu sözü “möcüzə” kimi də başa düşmək olar, çünki ərəb dilində “ayə”
kimi verilmiş həmin istilahın mənaları çoxdur. F.S.
Комментариев нет:
Отправить комментарий