\¤
SURƏSİNİN
ŞƏRHİ
ﭑ ﭒ ﭓ ﭔ
Mərhəmətli
və Rəhmli Allahın adı ilə!
ﭴ ﭵ ﭶ ﭷ ﭸ ﭹ
ﭺ
(39. 1) “Kitab Fövqəlqüdrətli, Müdrik Allahdan
nazil edilmişdir”.
Fövqəluca Öz qullarına Kəramətli Quranın əzəməti
və onu bəyan və nazil Edənin fövqəlqüdrəti
haqqında xəbər verir. Onu bəyan və Naziledən isə Fövqəluca Allahdır ki, Onun gözəl
Fövqəlqüdrətli,
Müdrik adları vardır. Yalnız O (Pak və Müqəddəs) pərəstiş olunmağa və ibadət
edilməyə layiqdir, çünki yalnız O (Pak və Müqəddəs) ən kamil məziyyətlərə
malikdir. Öz fövqəlqüdrəti
sayəsində O (Pak və Müqəddəs), Kainatı idarə edir, Özünün
müdrikliyi sayəsində isə O (Pak və Müqəddəs) xəlq edir və ən mükəmməl qanunlar
yaradır.
Mübarək Quran gözəl sifətlərə malik olan Allahın
Sözüdür. Danışmaq qabiliyyəti də Onun ilahi keyfiyyətlərindən biridir və Fövqəluca
Allahın bütün sifətləri nöqsansız və bənzərsiz olduğuna görə, Mübarək Quran da
nöqsansız və bənzəri olmayan bir Kitabdır. Təkcə bu, sonuncu Səmavi Vəhyin
kamilliyini və əzəmətini təsdiqləməyə kifayət edən bir dəlildir.
ﭻ ﭼ ﭽ ﭾ ﭿ ﮀ
ﮁ ﮂ ﮃ ﮄ ﮅ
(39. 2) “Həqiqətən, Biz Kitabı sənə haqq
ilə nazil etmişik. Onun dininə səmimi olmaqla Allaha ibadət
et!”
Fövqəluca bundan öncəki ayədə buyurduğu ilə kifayətlənməyərək,
Mübarək Quranın əzəmətini sübut edən daha bir dəlil gətirir. Bu, Allahın
Sonuncu Elçisi Muhəmmədin (ona Allahın salavatı və salamı olsun!) peyğəmbərliyidir.
O (s.ə.s.) – insanların ən yaxşısıydı və bu o demək idi ki, ona (s.ə.s.) nazil
edilən Kitab bütün Kitabların ən yaxşısı olmalıydı. O – haqdan ibarətdir və
Haqq xatirinə nazil edilmişdir. Heç bir şey insanları onun doğruluğuna və səhihliyinə
şübhə etməyə vəsilə olmaq gücünə malik deyildir, çünki o, insanları cahillik
zülmətindən haqqın nuruna doğru yönəldir, onlara gerçək hekayətlər və ədalətli
qanunlar öyrədir. Mövcud olan bütün varlıqlar Şərəfli Quranın yer üzündə ən
böyük həqiqət olduğuna dəlalət edir və insanın bilməli olduğu ən mühüm məsələlərin
hamısını əhatə edir. Qurana zidd olan kitablara və rəvayətlərə gəldikdə isə,
onlar yalan və azğınlıqdır.
Beləliklə, bu Kitabda nazil edilən və bu Kitabın
nazil edilməsinin və həmçinin bu Kitabı bəşəriyyətə gətirən Peyğəmbərin (ona
Allahın salavatı və salamı olsun!) gəlişinin məqsədi olan Haqq, Allahın Öz
qullarına bəslədiyi böyük mərhəmətin dəlilidir. Bu, hər bir insana öz Rəbbinə
şükür etməyi və təkcə Ona səmimiyyətlə ibadət etməyi zəruriləşdirir. Məhz
buna görə Fövqəluca Allah buyurur: “Allahın dininə qəlbən və cismən etiqad et
ki, yalnız Onun lütüfkarlığını qazana biləsən. İslam əhkamlarını yerinə yetir,
haqq əqidəyə etiqad et və mənfəət güdmək məqsədilə deyil, yalnız Onun xatirinə
xeyirxah işlər gör”.
ﮆ ﮇ ﮈ ﮉﮊ ﮋ
ﮌ ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ ﮘ ﮙ ﮚ ﮛ ﮜ ﮝ ﮞ ﮟﮠ ﮡ ﮢ ﮣ ﮤ ﮥ ﮦ ﮧ ﮨ ﮩ
(39. 3) “Həqiqətən, xalis iman yalnız tək
Allaha aid edilə bilər. Başqalarını Onun yerinə özlərinə hami və köməkçi götürənlər
deyirlər: “Biz onlara ibadət
edirik ki, bizi Allaha daha da yaxınlaşdırsınlar". Allah onların nəyə görə
ixtilaf etdikləri barədə hökmünü verəcəkdir. Həqiqətən, Allah yalan danışanları
və iman gətirməyənləri doğru yolla aparmır”.
Yalnız Allaha səmimi iman gətirmək olar. O (Pak və
Müqəddəs), bu sözlərlə təkcə Ona səmimiyyətlə ibadət etməyin xüsusi əhəmiyyət
kəsb etdiyini vurğulayır. Rəbb ən mükəmməl və kamil sifətlərə malikdir və Öz
qullarına hərtərəfli lütüfkarlıq göstərir və buna görə Ona iman gətirmək səmimi
və pak olmalıdır. Belə bir iman nöqsanlar və çatışmazlıqlarla bir araya sığışmaz,
çünki Allah onu Özü və sadiq məxluqları üçün seçmişdir. İnsanlar Onun iradəsinə
itaət etməli, tək Ona pərəstiş göstərməli, Ona məhəbbətlə, qorxu və ümidlə ibadət
etməli və həmçinin bütün xeyirxah əməllərində yardım üçün Ona dua etməlidirlər.
Məhz belə din insanların
qəlbini təmizləməyə və rövnəqləndirməyə qadirdir, çünki ona etiqad edən insan
Allaha şərik qoşmur və Ondan başqa heç kimə ibadət etmir. Allaha şərik qoşan müşriklərin
dininə gəldikdə isə, onun xalis din ilə heç bir əlaqəsi yoxdur, çünki O (Pak və
Müqəddəs), şəriklərə hamıdan daha çox Möhtacolmayandır. Müşriklik insan qəlblərini
və ürəklərini məhv edir və adamları yer üzündəki həyatda və ölümdən sonra əbədi
əzab-əziyyətə məhkum edir. Buna görə də Allah əvvəlcə qullarına əmr edir ki,
tövhid dininə etiqad etsinlər. Sonra da onlara, yalançı ilahlar uyduraraq, məxluqlara
ibadət etməyi haram buyurur.
Bu qadağanı pozan insanlar alçaldılmış və mənfur
olunmuşlardır. Onlar aciz məxluqlara ibadət edir, onlara yardım üçün yalvarır
və sonra da davranışlarına bəraət qazandırmağa сəhd göstərərək, deyirlər: “Biz
onlardan xahiş edirik ki, yalnız dualarımızı Allaha çatdırsınlar və Onun
qarşısında bizə şəfaət diləsinlər. Biz onların özlərindən heç nə istəmirik,
çünki onların yaratmağa, ruzi verməyə qadir olmadıqlarını, Kainatda baş verənləri
idarə etməyə qabil olmadıqlarını bilirik”.
Bu müşriklər Rəbbə səmimi qulluq etməkdən boyun qaçırırlar
və ən böyük günahlar törətməyə cəsarət göstərirlər. Onlar Allaha şəriklər
qoşur, aciz qulları Fövqəlqüdrətli və Müqayisəolunmaz Hökmdarla bərabər
tuturlar. Onlar özlərinin xəstə təsəvvürləri üzündən elə zənn edirlər ki, Fövqəluca
Allah da zalım hökmdarlara bənzərdir. Axı adlı-sanlı zadəganlar, yaxın təəssübkeşlər
və ya hörmət-izzət sahibi olan vəzirlər öz hökmdarlarının lütüfkarlıq göstərməsini
diləmədən, rəiyyətin xahişləri qəbul olunmurdu. Bu, ən dəhşətli və ən
yaramaz bir müqayisə idi, çünki Xaliq Öz yaratdıqlarına oxşadıla bilməz. Bunun
lehinə ağıl, təhtəlşüur və çoxsaylı naslar dəlalət etməkdədir. İmperatorlar və
hökmdarlar yaxınları olan vasitəçilərin və havadarların sözlərinə qulaq
asırdılar, çünki onlar özləri təbəələrinin vəziyyətindən xəbərdar olmurdular və
onlara heç bir rəhm hissi bəsləmir, hallarına acımırdılar. Onların öz vəzirlərinin
və adlı-sanlı zadəganlarının sözlərinə qulaq asmalarının səbəbi, sonuncuların
sözlərinin onların ürəklərində mərhəmət və rəhm hissi oyatması ilə bağlı idi.
Bundan başqa, hakimlər, adətən, zadəganların narazılığından ehtiyat etdikləri
üçün onların xahişlərini yerinə yetirirlər. Lakin bununla belə, onlar, sadəcə,
öləsi insanlardır, kasıblıqdan və dilənçi halına düşməkdən qorxurlar və buna
görə bütün xahişləri yerinə yetirə bilmirlər.
Lakin onlardan fərqli
olaraq Fövqəluca Rəbb bütün aşkar və qeybə məxsus olan hər şeyi bilir. O (Pak və
Müqəddəs), Ona qullarının vəziyyəti və ehtiyacları haqqında xəbər verəcək məsləhətçilərə
möhtac deyil. O (Pak və Müqəddəs), Mərhəmətli və Səxavərli Hökmdardır və buna
görə də Onun insanlara lütüfkarlıq göstərməsinə vasitəçilik və havadarlıq edənlərə
ehtiyacı yoxdur. Bundan başqa, Fövqəluca Allah qullarına onların özlərindən və
valideynlərindən də daha çox mərhəmətlidir. O (Pak və Müqəddəs)
onları Onun mərhəmətinə layiq olmalarına imkan verən xeyirxah işlər görməyə
çağırır. O (Pak və Müqəddəs) insanlar üçün onların özləri üçün
arzuladıqlarından daha çox xeyirxahlıqlar arzulayır.
Allah zəngindir və heç nəyə
möhtac deyil. Onun var-dövləti o qədər kamildir ki, əgər O (Pak və Müqəddəs),
Öz məxluqlarının hamısının istəklərini yerinə yetirsə də və onları arzu etdikləri
hər şeylə təmin etsə də, Onun mülkü bundan qətiyyən azalmaz. Sudan çıxarılmış
iynə dənizin suyunu azalda bilmədiyi kimi, qullarının saysız-hesabsız xahişləri
də Fövqəluca Xaliqin varidatını azalda bilməz. Vasitəçilər və şəfaətçilər Onun
qəzəbindən dəhşətə gələrək, Onun hüzurunda yalnız Onun icazəsi ilə şəfaətçilik
edərlər, çünki şəfaət tam və bütövlüklə Onun sərəncamındadır.
Əgər insan Fövqəlqüdrətli Yaradanla aciz məxluqların
arasındakı bu böyük fərqi dərk edərsə, onda müşriklərin nə qədər nadan,
axmaq, düşüncəsiz və ədəbsiz olması ona bəlli olar. Ona aydın olar ki, Allah
müşrikləri bağışlamır, çünki uydurma ilahlara ibadət edilməsi Onun ünvanına
yönəldilmiş təhqirdir. Lakin elə bir gün gələcək ki, O (Pak və Müqəddəs),
möminlərlə müşriklərin arasında onların ziddiyyətə düşdükləri məsələ barəsində
hökm verəcəkdir. Hər bir kafir müşrik bu sərt xəbərdarlıq üzərində düşünməlidir,
çünki Fövqəlmüdrik Allah səmimiyyətlə iman gətirənləri Cənnət Səadəti ilə mütləq
mükafatlandıracaq və yalançı ilahlara ibadət edən hər kəsi Cəhənnəmə vasil edəcəkdir.
Allah yalançıları və kafirləri doğru yola yönəltmir.
Bu insanlara iki yaramaz keyfiyyət xasdır: yalan və küfür. Onlar da moizələrə
qulaq asır və əzəmətli möcüzələri gözləri ilə görürlər, amma bu keyfiyyətlərindən,
heç vəchlə xilas ola bilmir. Allah onlara Öz möcüzələrini göstərəndə, onları rədd
edirlər və küfrə batmaqda davam edirlər. Onlara doğru yola gəlmək
imkanı nəsib edilməmişdir, çünki onlar əbədi xoşbəxtliyə aparan qapıları öz
qarşılarında özləri bağlamışlar və sonra da Fövqəluca onların ürəklərini
möhürləmişdir. Həqiqətən, belə insanlar heç vaxt iman gətirməzlər!
ﮪ ﮫ ﮬ ﮭ ﮮ ﮯ
ﮰ ﮱ ﯓ ﯔ ﯕﯖ ﯗﯘ ﯙ ﯚ ﯛ ﯜ ﯝ
(39. 4) “Əgər Allah övlad götürməyi
arzulasaydı, O, məxluqlarından istədiyini seçərdi. O – Pakdır! O – Vahid, Fövqəlqüdrətli
Allahdır”.
Axmaqlar və nadanlar elə güman edirlər ki, Allahın
övladları vardır. Əgər O (Pak və Müqəddəs), övladının olmasını istəsəydi,
Özünə zövcə axtarmazdı, məxluqlarının ən yaxşılarından seçər və onu Öz oğlu
adlandırardı. Lakin müşriklərin zənni qüsurlu və yalandır və buna görə Fövqəluca
Rəbb bəyan edir ki, Onun, müşriklərin və bidətçilərin Onun haqqında danışdıqlarına
heç bir aidiyyəti yoxdur. O (Pak və Müqəddəs) ən gözəl adlara malikdir. O (Pak
və Müqəddəs) – Vahiddir və Fövqəlqüdrətlidir. İlahi mahiyyət, gözəl adlar,
kamil sifətlər və həmdəlayiq əməllər yalnız Ona məxsusdur. Ona bərabər və oxşar
olan yoxdur və əgər Onun övladı olsaydı, o, Ona oxşayardı. Bu isə Allahın
birliyi ilə qətiyyən uyuşmur, axı Allahın hər hansı bir hissəsi də Allahın sifətlərinə
malikdir.
Bundan başqa, yalnız
Allah Fövqəlqüdrətli Hökmdardır, yer aləmi və ondan yüksək aləmlər Onun hökmranlığı
altındadır. Əgər Onun övladı olsaydı, Onun mütləq hakimiyyəti sarsıdılmış
olardı, çünki oğul atasının qulu ola bilməz. Bundan əlavə, onların arasında
qohumluq əlaqələri və təklifsizlik münasibətləri hökm sürərdi.
Tək bir Allahın
varlığı və Onun fövqəlqüdrəti bir biri ilə qırılmaz surətdə bağlıdır, çünki
Vahid Hökmdar həmişə Fövqəlqüdrətlidir[1],
Fövqəlqüdrətli Hökmdar isə yalnız Vahid olmalıdır. Bu konseptual müddəa
müşrikliyi ən mükəmməl surətdə təkzib edir.
ﯞ ﯟ ﯠ ﯡﯢ ﯣ
ﯤ ﯥ ﯦ ﯧ ﯨ ﯩ ﯪﯫ ﯬ ﯭ ﯮﯯ ﯰ ﯱ ﯲ ﯳﯴ ﯵ ﯶ ﯷ ﯸ ﯹ
(39. 5) “O, göyləri və yeri haqqı ilə xəlq
etdi. O, gündüzü gecəylə bürüyür, gecəni də gündüzlə bürüyür. O, günəşi və ayı tabe
etdi. Onların hamısı müəyyən bir vaxtadək cərəyan edəcək. Həqiqətən, O – Fövqəlqüdrətlidir,
Fövqəlbağışlayandır”.
Fövqəluca xəbər verir ki, O (Pak və Müqəddəs), göyləri
və yeri haqqı ilə, yəni, böyük nemət, böyük fayda və həmçinin hökm vermək və
qadağan etmək, mükafatlandırmaq və cəzalandırmaq xatirinə yaratmışdır.
Allahın iradəsi ilə gündüz gecəni bürüyür, gecə də gündüzü bürüyür. Onlar növbə
ilə bir birilərini əvəz edirlər və heç vaxt eyni vaxtda hərəkətə başlamırlar.
Bundan başqa, onlardan birinin növbəsinin vaxtı çatdıqda, digəri öz yerini
ona güzəştə gedir. Allah günəşi və ayı da Özünə tabe etmişdir və bunun sayəsində
onlar, müəyyən qaydada təyin edilmiş müddət ərzində müvafiq orbitlər üzrə hərəkət
edirlər. Bu müddət tamam olduqda, dünyanın sonu başlayacaq, Fövqəluca Allah
Kainatı büküb yığışdıracaq[2], günəşi və
ayı onlara xas olan qüdrətdən məhrum eədəcək. Allah Öz məxluqlarını yeni
simada dirildəcək ki, onlar ya Cənnətdə əbədi həyata, ya da Сəhənnəmdə əbədi
əzab-əziyyətə nail olsunlar.
Fövqəlqüdrətli və Fövqəlbağışlayan adları Allahın
gözəl adları arasındadır. Onun ilahi əzəmətinə bütün varlıqlar itaət edir və
Ona görə mümkün olmayan heç bir şey yoxdur. Öz əzəməti sayəsində O (Pak
və Müqəddəs), Rəbbin qanunları ilə yaşayan nəhəng Kainatı
yaratmışdır və Özünün fövqəlbağışlama qabiliyyəti sayəsində O (Pak və Müqəddəs),
Öz mömin və tövbə etmiş qullarının günahlarını əfv edir. O (Pak və Müqəddəs) buyurur:
“Həqiqətən, Mən tövbə edənləri, iman gətirənləri, xeyirxah işlər görənləri
və sonra da doğru yolla getməyə davam edənləri bağışlayıram” (Ta-ha,
20/82). O (Pak və Müqəddəs), hətta əvvəllər Ona şərik qoşan, Onun ayələrini rədd
edən və sonra bu zalımlıqlarından əl çəkən günahkarları da bağışlayır.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛ ﭜ ﭝ ﭞﭟ ﭠ ﭡ ﭢ ﭣ ﭤ ﭥ ﭦ ﭧ ﭨ ﭩ ﭪﭫ ﭬ ﭭ ﭮ ﭯ ﭰﭱ ﭲ ﭳ ﭴ ﭵﭶ ﭷ ﭸ ﭹ
(39. 6) “O, sizi bir nəfərdən
xəlq etdi. Sonra ondan zövcəsini yaratdı və sizin üçün mal-qaradan səkkiz cüt
nazil etdi. O, sizi analarınızın bətnində: bir xilqətdən digərinə çevirərək,
üç zülmət içində yaradır. Rəbbiniz Allah – belədir! Mülk Ona məxsusdur. Ondan
başqa ilah yoxdur! Gör necə üz döndərirsiniz!”
Allah bir daha Özünün əzəməti və fövqəlqüdrətini
xatırladır və qullarına müraciət edir. Ey insanlar! Sizin çoxsaylı olmağınıza
və yer kürəsinin bütün guşələrinə yayılmanıza baxmayaraq, sizin hamınız
vahid bir əcdaddan törədilmisiniz. Sonra Allah kişidən qadını yaratdı ki,
onlar biri digərində rahatlıq tapıb, dincələ bilsinlər. Bu həm də Rəbbin Öz
məxluqlarına bəslədiyi böyük mərhəmətini təsdiq edir. Sonra O (Pak və Müqəddəs),
sizə səkkiz cüt ayrı-ayrı mal-qara cinsi nazil etdi[3],
yəni, göylərdən nazil olunmuş ilahi qədərinə uyğun olaraq onları yaratdı ki,
qullarına iltifatını göstərsin. “Əl-Ənam” surəsində Fövqəluca bildirmişdir
ki, bu heyvan cinsləri qoç və qoyun, keçi və dişi keçi, dəvə və dişi dəvə, öküz
və inəkdir (bax: Ənam, 6/143-144).
Əlbəttə ki, Allah bu heyvanlarla yanaşı bir çox digərlərini
də yaratmışdır, lakin Rəbb bu səkkiz heyvanı xüsusilə qeyd etmişdir, çünki
onlar insana ən çox fayda verirlər. Bundan başqa, onlar heyvanlar aləminin ən dəyərli
təmsilçiləridir, çünki mömin müsəlmanlar qurban bayramlarında, həcc ziyarətində
və uşaqların doğuluşu zamanı yalnız onları qurban kəsirlər. Məhz bu heyvanlardan
zəkat ödəmək nəzərdə tutulur və məhz bu heyvanlardan fidyə verilir.
Allah bütün bəşəriyyətin əcdadlarının xəlq edilməsini
xatırlatdıqdan sonra, Öz qullarına sonrakı bütün insanların yaradılması
sirrini açıqlayır. Ey insanlar! Siz öz analarınızın bətnində ikən, sizə heç bir
insan əli toxunmur və heç kim sizi o qatı qaranlıq içində görə bilmir. Siz öz
görkəminizi dəyişirsiniz və sizi üç qaranlığın: ana qarnının qaranlığı, qadın
uşaqlığının qaranlığı və cift mayesinin qaranlığının[4]
əhatə etdiyi öz analarınızın darısqal bətnində bir məxluqdan başqa bir məxluqa
çevrilirsiniz.
Fövqəluca Allah belədir. O (Pak və Müqəddəs), göyləri
və yeri xəlq etmiş, günəşi və ayı Özünə tabe etmiş, olmadığınız[5]
halda sizi xəlq etmiş, sizə mal-qara və bir çox digər nemətlər əta etmişdir. O
(Pak və Müqəddəs), sizin qayğınızı çəkir, sizi idarə edir və yalnız O (Pak və
Müqəddəs), ibadətə və pərəstişə layiqdir. O (Pak və Müqəddəs), məxluqları
yaratmaq və onların qayğısını çəkmək üçün şəriklərə möhtac deyil və Onunla
ibadət haqqını bölüşə bilən şəriklərə də ehtiyacı yoxdur. Hökmranlıq təkcə Ona
məxsusdur. Ondan başqa ilah yoxdur! Amma insanlar haqq yoldan necə də üz
çevirirlər!
ﭺ ﭻ ﭼ ﭽ ﭾ ﭿﮀ
ﮁ ﮂ ﮃ ﮄﮅ ﮆ ﮇ ﮈ ﮉﮊ ﮋ ﮌ ﮍ ﮎ ﮏﮐ ﮑ ﮒ ﮓ ﮔ ﮕ ﮖ ﮗ ﮘﮙ ﮚ ﮛ ﮜ ﮝ ﮞ
(39. 7) “Əgər iman gətirməsəniz, bilin ki,
Allah sizdən zəngindir. O, qullarının küfrünü bəyənmir. Əgər siz şükür etsəniz,
O, bunu sizin üçün bəyənər. Heç kim başqasının yükünü daşımayacaq. Sonra siz Rəbbinizə
qayıdacaqsınız və O, sizə törətdiklərinizi xəbər verəcəkdir. Həqiqətən, O,
kökslərdə olanları bilir”.
Allah, Rəbbə səmimiyyətlə qulluq etmənin, bütlərə
ibadətdən və müşriklikdən əl çəkməyin zəruriliyini bir daha vurğulayır. Həqiqətən
də, bütlər Kainatda baş verən hadisələr üzərində hökmə malik deyillər. Bundan
başqa, onlar hətta fikirləşmək və düşünmək qabiliyyətinə belə qabil deyillər.
Ey insanlar, bu gerçəkliklər üzərində düşünün! Əgər siz Allaha minnətdarlıq
etməkdən və təkcə Ona ibadət etməkdən boyun qaçırarsınızsa, onda unutmayın
ki, Allah sizə möhtac deyil! Sizin kafirliyiniz Ona heç bir zərər vurmadığı
kimi, sizin itaətkarlığınız da Ona heç bir fayda gətirmir. Onun hökm və
qadağalarına gəldikdə isə, onlar Allahın sizə göstərdiyi lütüfkarlığı və
xeyirxahlığıdır. O (Pak və Müqəddəs), Öz qullarının naşükürlüyünü bəyənmir və
bu Onun rəhmli və mərhəmətli olmasını təsdiq edir. O (Pak və Müqəddəs) hamıdan
yaxşı bilir ki, kafirlik və naşükürlük insanları əbədi bədbəxtliyə məhkum
edir. O (Pak və Müqəddəs) Öz qullarını xəlq etmişdir ki, onlar Ona səmimiyyətlə
ibadət etsinlər və O (Pak və Müqəddəs) öz vəzifələrini icra etməkdən boyun
qaçıranları sevmir. İnsanlar Allaha şükür etdikdə, tövhid dininə etiqad göstərdikdə
və ibadəti təkcə Ona həsr etdikdə, onda bu Fövqəluca Rəbbə xoş gəlir. O (Pak və
Müqəddəs) Öz qullarına qarşı xeyirxah və mərhəmətlidir. O (Pak və Müqəddəs) məxluqlarına
xeyirxahlıq etməyi sevir və onların Onun qarşısında öz vəzifələrini yerinə
yetirməsini də sevir.
Kafirlik və müşriklik Ona heç bir zərər toxundura
bilməz. Möminlik və tövhid isə Ona heç bir fayda gətirmir və təkcə bu artıq təsdiq
edir ki, insan öz yaxşı və pis əməllərinin bəhrələrini yalnız özü dadacaqdır.
Buna görə Fövqəluca Allah buyurur ki, bütün insanlar öz Rəbbinə
qayıtmalıdırlar. Bu, Qiyamət günü baş verəcəkdir və insanlar əmin olacaqlar ki,
onların Rəbbi Öz qullarının hər bir addımından xəbərdardır və onların əməlləri
Mühafizəedilən lövhələrdə əzəldən yazılmışmış və alicənab mələklər onların hər
addımını müşahidə edirmişlər. Bütün bu çoxsaylı sübutlara baxmayaraq, insanın
bədən üzvləri də həmçinin adamların törətdikləri əməllərinə şahidlik edəcəklər
və bundan sonra Allahın hər bir qulu ədalətli əvəz alacaqdır. Allah insanların
ürəklərində gizlənən hər xeyiri və şəri bilir. Bu isə o deməkdir ki, Allahın verəcəyi
hər bir hökm mütləq ədalətli olacaqdır.
ﮟ ﮠ ﮡ ﮢ ﮣ ﮤ
ﮥ ﮦ ﮧ ﮨ ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚﯛ ﯜ ﯝ ﯞ ﯟﯠ ﯡ ﯢ ﯣ ﯤ ﯥ
(39. 8) “İnsana bir zərər
dəyəndə, yalnız tək Rəbbinə yönəlib, Ona dua edir. O, ona nemətlər bəxş edəndə
isə, insan əvvəlcə Ona dua etdiyini unudur və başqalarını Allaha bərabər tutur
ki, onları Onun yolundan azdırsın. De: “Öz küfrünlə bir qədər həzz al! Şübhəsiz
ki, sən Od sakinlərindən biri olacaqsan”.
Allah Özünün Səxavəti və Xeyirxahlığını və həm də
insanların öz Rəbbinə necə az şükür etdiklərini xatırladır. Onları xəstəlik,
yoxsulluq və ya hər hansı digər bir bəla yaxaladıqda, onlar o saat kömək üçün
Allaha yalvarırlar. Onlar çox gözəl bilirlər ki, insanı böyük fəlakətdən Fövqəluca
Rəbdən başqa heç kim xilas edə bilməz və buna görə səmimiyyətlə, mütiliklə və
inadla Ona kömək və xilas etməsindən ötrü dua edirlər. Allah qullarını bəlalardan
və qəm-qüssədən qurtardıqdan sonra, onlar olduqları acınacaqlı vəziyyətlərini
və öz Rəbbinə necə yalvardıqlarını unudurlar. Bundan başqa, onlar özlərini elə
aparırlar ki, sanki heç vaxt Allahdan kömək istəməyiblər və Ona şərik qoşmağa
davam edir və uydurduqları “ilahlara” sitayiş edirlər. Bununla da onlar ətrafda
olan insanları azdırırlar. Lakin hər şeydən öncə, onlar özlərini doğru yoldan
azğınlığa salırlar, çünki insan özü dərin azğınlıq burulğanına batmadıqca,
başqalarını azdıra bilməz.
Ey Muhəmməd! Sən, öz Rəbbinin
çoxsaylı nemətlərinə naşükürlüklə cavab verməyə cəsarət edən bu qatı cinayətkarlara
müraciət et və onlara de: “Siz öz küfrünüzlə çox da həzz almayacaqsınız,
çünki siz tezliklə Cəhənnəm Odunun sakinləri arasında olacaqsınız. Siz Cəhənnəmdə
olduğunuz zaman dünyada aldığınız fani ləzzətlər haqqında xəyallarınız sizə
heç bir sevinc gətirməyəcək”.
Fövqəluca buyurur: “Sən bilirsənmi ki, Biz onları
uzun illər boyu faydalandırsaydıq, sonra isə onlara vəd edilən gəlsəydi,
yararlanmalarına icazə verilən şeylər onlara bir fayda verərdimi?” (Şuəra,
26/205-207).
ﯦ ﯧ ﯨ ﯩ ﯪ ﯫ
ﯬ ﯭ ﯮ ﯯ ﯰ ﯱﯲ ﯳ ﯴ ﯵ ﯶ ﯷ ﯸ ﯹ ﯺﯻ ﯼ ﯽ ﯾ ﯿ ﰀ
(39. 9) “Məgər o[6] – Axirətdən çəkinən, Rəbbinin
mərhəmətinə ümid bəsləyərək, gecə saatlarını mütiliklə səcdəyə gedən və qiyamda
dayananla eyni olarmı? De: “Məgər bilənlərlə bilməyənlər bərabərdirmi?” Həqiqətən,
yalnız ağıl sahibləri nəsihəti xatırlayarlar”.
Allah itaətkar qullarla
itaətsizlər və həmçinin elm sahibləri ilə nadanlar arasında nəhəng bir fərqin
olduğunu göstərir. Həqiqətən, bu fərq hər bir sağlam düşüncəli insan üçün
aydın görünür. Allaha ibadətdən boyun qaçıran və özünün alçaq istəklərinə
imkan yaradan günahkar, Rəbbin hökmlərini qüsursuz yerinə yetirən və Ona ən
mükəmməl surətdə ibadət edən, yəni, gecə-gündüzün ən yaxşı vaxtında ən yaxşı
ibadət ayinini yerinə yetirən möminlə bərabər tutula bilməz. Burada, gecə
yarısı qılınan nafilə sünnə namazlarından[7] bəhs
edilir. Bu mömin Allaha qorxu və ümidlə ibadət edir. O, Axirət həyatında törətdiyi
günahlara və nöqsanlara görə cəzalandırılacağından qorxur, lakin Rəbbinin mərhəmət
göstərəcəyinə ümidini kəsmir. Beləliklə, Allah mömin qullarının nəinki yalnız əməllərini,
həm də onların daxili aləmini də təsvir etmişdir. Onlar itaətsizlik göstərən
günahkarlara qətiyyən oxşamırlar.
Məgər bilənlər və nadanlar eynidirlər? Söhbət
Allahı, İslam dinini, onun dini ayinlərini və şəriət hökmlərini bilib, dərk etməkdən
gedir. Bu qiymətli biliklərə malik olan möminlərin onlardan məhrum olan
nadanlara heç bir aidiyyəti yoxdur. Bunların arasında fərq – gündüz ilə gecə,
işıqla qaranlıq, su ilə od arasındakı fərq kimidir.
Həqiqətən də, nəsihətlərə yalnız qüsursuz və sağlam
təfəkkürə malik insanlar qulaq asarlar. Onlar az əhəmiyyətli olanın müqabilində
daha vacib olana üstünlük verirlər, faydalı bilikləri və Fövqəluca Allaha itaətkarlıq
göstərməyi dəyərləndirirlər və bütün bunlar insan fəaliyyətinin labüd nəticələri
haqqında onları düşünməyə məcbur edən sağlam təfəkkür sayəsindədir. Onlar,
sağlam düşüncə qabiliyyətindən məhrum olan və öz alçaq istəklərinə pərəstiş
edən cahillərə qətiyyən oxşamırlar.
ﰁ ﰂ ﰃ ﰄ ﰅ ﰆﰇ
ﰈ ﰉ ﰊ ﰋ ﰌ ﰍﰎ ﰏ ﰐ ﰑﰒ ﰓ ﰔ ﰕ ﰖ ﰗ ﰘ ﰙ
(39. 10) “Mənim iman gətirmiş qullarıma
de: “Rəbbinizdən qorxun! Bu dünyada yaxşılıq edənləri – yaxşılıq gözləyir.
Allahın yeri
genişdir. Həqiqətən, səbirli olanlara saysız-hesabsız mükafatları bütünlüklə
veriləcəkdir”.
Ey Muhəmməd! İndi sən Mənim ən yaxşı qullarıma – mömin
müsəlmanlara – müraciət et və onlara hökmlərimdən ən yaxşısını çatdır! Onlara əmr
et ki, Fövqəlqüdrətli Allahdan qorxsunlar və Allahdan qorxmağı zəruri edən səbəbləri
onlara xatırlat. Bu – Fövqəlucanın Hökmran və Xeyirxah olmasıdır. Məhz Onun
çoxsaylı yaxşılıqları möminləri və həm də digər insanları öz Rəbbindən
qorxmağa məcbur edir. Bu yaxşılıqların ən əzəmətlisi isə, Allahın Öz səmimi
qullarının qəlbinə yerləşdirdiyi haqq dindir. Ey möminlər, Allahdan qorxun! Bu
çağırış geniş yayılmış: “Ey səxavətli insan, mənə sədəqə ver! Ey igid
döyüşçü, döyüş!” kimi müraciətlərə bənzəyir.
Sonra Allah yer üzündə iman gətirənləri gözləyən
mükafat haqqında xəbər verir. O (Pak və Müqəddəs), Öz mömin qullarına gözəl
qismət nəsib edir, onlara rahatlıq və əmin-amanlıq əta edir, onların ürəklərini
ən yaxşı şeylər üçün açır. Fövqəluca həmçinin belə buyurur: “İnsafla
davranan mömin kişiyə və mömin qadına Biz mütləq gözəl həyat bəxş edərik”
(Nəhl, 16/97).
Bəzi insanlarda belə bir sual yarana bilər ki, Fövqəlucanın
bu dünyada yaxşılıq edən dindarlara bərəkətli mükafat hazırlanması haqqında
sözü niyə ümumi səciyyə daşıyır, halbuki yaxşı məlumdur: elə ölkələr var ki,
müsəlmanlar orada təqibə və zülmə məruz qalırlar. Bu suala cavab vermək üçün
Fövqəluca Allah belə buyurur: “Ey müsəlmanlar! Allahın əraziləri genişdir və əgər
sizə hər hansı bir ölkədə Allaha layiqincə ibadət etməyə mane olurlarsa, başqa
bir ölkəyə köçüb gedin ki, Rəbbinizə ibadət edə və dininizin hökmlərini yerinə
yetirə biləsiniz”. Bununla da Rəbb müsəlmanlara, nəinki Axirətdə, həmçinin
yer üzündə də xoşbəxt həyat haqqında böyük bir müjdə nazil etmişdir. Məhz buna
görə Allahın Elçisi (ona Allahın salavatı və salamı olsun!) demişdir: “Mənim
davamçılarımın bir hissəsi həmişə haqq tərəfdarı olacaq və öz rəqibləri üzərində
qələbə çalacaq. Onlara yardım etməkdən boyun qaçıranlar və ya müqavimət göstərənlər,
onlara heç bir zərər vura bilməyəcəklər. Bu, Qiyamət gününədək belə davam edəcəkdir”.
Bu hədis müzakirə
etdiyimiz ayə ilə çox bağlıdır. Yer kürəsi böyük və genişdir və əgər müsəlmanlar
yerin bir guşəsində Rəbbə ibadət etmək imkanına malik deyillərsə, onda onlar
başqa yerə köçüb gedə bilərlər. Dinin bu hökmü bütün ölkələr və bütün dövrlər
üçün öz qüvvəsini saxlayır. Zülmə məruz qalan müsəlmanın onu qəbul etməyə
hazır olan və ona haqq dinə etiqad etməyə kömək göstərən qardaşlarının yanına
köçüb getməyə imkanı həmişə vardır[8].
Həqiqətən, səbirli möminlər mükafatlarını tam və
hesabsız alacaqlar. Söhbət o möminlərdən gedir ki, onlar Allahın, bəzən, ağır və
ağrılı olan Qədərinə səbirlə dözür, günahlardan səbirlə çəkinir və öz Rəbbinin
hökmlərini səbirlə yerinə yetirirlər. Məhz onlara saya-hesaba gəlməyəcək və həddi-hüdudu
olmayacaq mükafat vəd edilmişdir və bütün bunlar səbirli olmağın insana
necə fayda verməsinə və onun Allah qarşısında necə mühüm yer tutmasına dəlalət
edir.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ
(39. 11) “De: “Mənə, Allaha ibadət edərək,
Onun dininə səmimi olmaq əmr edilmişdir”.
Fövqəluca Allah Özünün bu hökmünü surənin ən başlanğıcında:
“...Onun dininə səmimi olmaqla Allaha ibadət et!” (Zumər, 39/2) –
deyə buyuran zaman xatırlatmışdır.
ﭛ ﭜ ﭝ ﭞ ﭟ ﭠ
(39. 12) “Mənə müsəlmanların ilki olmağım
da əmr edilmişdir”.
Mən İslam təbliğatçısı və bütün bəşəriyyətin nəsihətçisiyəm
və buna görə mən birinci olaraq Allahın əmrlərinə itaət etməliyəm. Muhəmməd
Peyğəmbər (ona Allahın salavatı və salamı olsun!) məhz belə deyirdi və belə də
davranırdı və özünü onun (s.ə.s.) davamçıları hesab edən hər kəs də belə
davranmalıdır. Müsəlman dininin hökmlərini qəlbən və bədəni ilə yerinə yetirməli
və xeyirxah işləri yalnız Rəbbinin xatiri üçün görməlidir.
ﭡ ﭢ ﭣ ﭤ ﭥ ﭦ
ﭧ ﭨ ﭩ ﭪ
(39. 13) “De: “Mən Rəbbimə itaətsizlik etsəm,
həqiqətən, Əzəmətli günün əzabindan qorxaram”.
Bu amansız cəza Fövqəlucanın hökmlərinə itaətsizlik
göstərən hər kəsi gözləyir. Müşriklərə və kafirlərə gəldikdə isə, onlar o cəzadan
əsrlər boyunca belə qurtula bilməyəcəklər.
ﭫ ﭬ ﭭ ﭮ ﭯ ﭰ
ﭱ ﭲ ﭳ ﭴ ﭵ ﭶﭷ ﭸ ﭹ ﭺ ﭻ ﭼ ﭽ ﭾ ﭿ ﮀﮁ ﮂ ﮃ ﮄ ﮅ ﮆ ﮇ
(39. 14) “De ki: “Allahın dinində səmimiyyətlə
yalnız Ona ibadət edirəm.
(39. 15) Siz də, Ondan başqa, kimə istəyirsinizsə,
ibadət edin”. De: “Həqiqətən, Qiyamət günü özlərini və ailələrini itirənlər
ziyana uğrayacaqlar. Açıq-aşkar ziyana uğramaq da elə budur!”
Bu ayənin başlanğıcı əl-Kafirun surəsinə oxşayır: “De:
“Ey kafirlər! Mən sizin ibadət etdiyinizə ibadət etmərəm, siz də mənim ibadət
etdiyimə ibadət etməzsiniz. Mən sizin ibadət etdiyiniz kimi ibadət etmərəm,
siz də mənim ibadət etdiyim kimi ibadət etməzsiniz. Sizin öz dininiz var, mənim
də öz dinim!” (Kafirun, 109/1-6).
Sonra Fövqəluca Allah
buyurur ki, günahkarlar əsil mənada bədbəxtdirlər, çünki Qiyamət günü onlar
mükafatdan məhrum ediləcək və ağrılı-işgəncəli cəzaya layiq görüləcəklər. Bundan
başqa, onları doğmalarından və yaxınlarından ayıracaqlar və bundan onların kədəri
və işgəncələri daha da dəhşətli olacaqdır. Elə bu – açıq-aşkar ziyandır, çünki
heç bir itgini və heç bir məhrumiyyəti bununla müqayisə etmək olmaz. Bu
ziyanın nə həddi var, nə də hüdudu. O, insanı nəinki xoşbəxtlikdən və uğurdan,
həm də qurtulmağa və xils edilməyə olan ümiddən də məhrum edir.
ﮈ ﮉ ﮊ ﮋ ﮌ ﮍ
ﮎ ﮏ ﮐﮑ ﮒ ﮓ ﮔ ﮕ ﮖﮗ ﮘ ﮙ ﮚ
(39. 16) “Onların üstündə Odun kölgəsi və
altlarında da kölgə olacaqdır”. Allah bununla qullarını qorxudur. Ey qullarım,
Məndən qorxun!”
Allah Cəhənnəm cəzasının ağırlığından bəhs edərək,
buyurur ki, odlu buludlar və od yataqları əzabkeşləri hər tərəfdən əhatə edəcək.
Beləliklə, Allah amansız Cəhənnəm əzabını elə təsvir edir ki, sanki O (Pak və
Müqəddəs), Öz qullarına kəndir ucu uzadır ki, onun sayəsində onlar Cəhənnəmdən
xilas ola və Cənnətə düşə bilsinlər. Rəbbin qorxunc xəbərdarlığı insanları təqvalılığa
riayət etməyə və qulları alçaldıcı işgəncələrə məhkum edən hər şeydən çəkinməyə
çağırır. Qullarına lütüfkarlıq göstərən, onların Cənnət məkanına yolunu
asanlaşdıran, onları xeyirxah işlər görməyə ruhlandıran, ürəklərin
rahatlandığı və qəlblərin riqqətə gəldiyi müjdə ilə onları sevindirən Rəbb
Pakdır! Bundan əlavə, O (Pak və Müqəddəs), qullarını ən mükəmməl surətdə pis əməllər
barədə xəbərdar etmiş və sözə qulaq asmamaqdan və itaətsizlik göstərməkdən necə
çəkinməli olduqlarını onlara öyrətmişdir.
ﮛ ﮜ ﮝ ﮞ ﮟ ﮠ
ﮡ ﮢ ﮣ ﮤﮥ ﮦ ﮧ ﮨ ﮩ ﮪ ﮫ ﮬ ﮭﮮ ﮯ ﮰ ﮱ ﯓﯔ ﯕ ﯖ ﯗ ﯘ ﯙ
(39. 17) “Tağuta ibadətdən çəkinərək
Allaha yönələnlər üçün müjdə vardır. O qullarımı sevindir ki,
(39. 18) “onlar sözlərə qulaq asır və ən
yaxşısına itaət edirlər. Onlar – Allahın doğru yola yönəltdikləridir. Məhz onlar
ağıl sahibləridir”.
Fövqəluca tövbə ilə Ona
müraciət edən təqvalı qullarının məziyyətlərini və mükafatlarını xatırladır.
Onlar Ondan başqa heç kimə ibadət etmirlər, bütün təşəbbüslərində yalnız Ona müraciət
edir və Ona səmimi qulluq göstərirlər. Onların qəlbi bütlərə və saleh
insanlara ibadətə razı olmur və təkcə Hərşeyibilən Hökmdara ibadət etməyi
arzulayır. Onlar müşriklikdən və itaətsizlik göstərməkdən üz döndərir,
tövhidə və mütiliyə can atırlar. Rəbb isə öz növbəsində onlara böyük bir müjdə
verir ki, onu yalnız möminlər özləri dəyərləndirməyə qadirdirlər. Bu müjdə yer
üzündəki həyata aid olduğu kimi, ölümdən sonrakı həyata da aiddir. Yer üzündə
bu, yaxşı ad-sanla, gələcəkdən xəbər verən yuxularla və Allahın himayəsi altında
möminləri bütün həyatı boyu müşayiət etməklə özünü büruzə verir və Allahın mömin
qullarına həm bu dünyada, həm də Axirətdə iltifat göstərməsini təsdiq edir.
Ölümdən sonra müjdə isə, ölümdən sonra möminlərin dünya həyatından ayrılmasını,
qəbirdə sınağı və həm də dirilməni asanlaşdırmaqda onlara kömək edir. Nəhayət,
elə bir saat gələcək ki, Mərhəmətli Rəbb Özü, Onun mərhəmətini qazanmağı
bacardıqları və Onun rəhm etməsinə, Cənnət məkanında əbədi olaraq xoşbəxt həyat
haqqına layiq olduqları barədə müjdə ilə möminləri sevindirəcək.
Sonra Rəbb Öz Peyğəmbərinə
(ona Allahın salavatı və salamı olsun!) əmr edir ki, belə yüksək şərəfə öz gözəl
məziyyətləri sayəsində nail olmuş möminləri sevindirsin. Onlar müxtəlif danışıqları
dinləyirlər, lakin onlardan yalnız ən yaxşısının ardınca gedirlər. Bu, onların
nəyə üstünlük vermək və nədən çəkinmək qabiliyyətinə malik olduqlarını təsdiq
edir. Ağıllılıq və sağlam düşüncə onlara yaxşı sözlərin ardınca getməkdə kömək
edir və bu sözlər, heç şübhə yoxdur ki, Allahın ayələri və Onun Elçisinin (ona
Allahın salavatı və salamı olsun!) hədisləridir. Fövqəluca buyurur: “Allah ən
yaxşı hekayətlər nazil etmişdir...” (Zumər, 39/23).
Bu ayədə incə və çox maraqlı bir çalar vardır. Fövqəluca
təkcə Ona ibadət edən, müxtəlif sözlərə qulaq asıb, yalnız ən yaxşısının
ardınca gedən saleh insanlar haqqında xəbər vermişdir. Lakin burada bir sual
ortaya çıxır: əgər kimsə ağıllı insanların gözəl keyfiyyətlərinə malik deyilsə,
onda o, hansı sözlərin haqqa yaxın olduğunu söyləyə bilər? Həqiqətən üstünlüyə
layiq olana üstünlük vermək qabiliyyəti olan kəs, ağıl sahibi olmalıdır. Məhz
buna görə Fövqəluca buyurur ki, nəcib əxlaqi keyfiyyətlərini və saleh əməllərini
göstərdiyi şəxslərin ağlı pak və qüsursuzdur. Onlar öz ağılları sayəsində
yaxşılığı pislikdən ayırd edərək, üstünlüyü ona layiq olana verirlər. Bütün
bunlar onların ağıllılığına dəlalət edir. Bundan əlavə, heç bir şey insanın
ağıllılığını təsdiq edə bilməz. Xeyirxah danışıqları bədxah danışıqlardan
ayır edə bilməyən, sağlam təfəkkürdən məhrum olmalıdır. Amma xeyirli nitqi
yaramaz danışıqlardan fərqləndirən, lakin öz alçaq istəklərinə yol verən və
sonuncuları üstün tutan insan etiraf etməlidir ki, onun ağlında böyük
çatışmazlıqlar vardır, çünki o, onu öz şıltaqlıqlarına və istəklərinə tabe
etmişdir.
ﯚﯛﯜﯝﯞﯟﯠ
ﯡﯢﯣﯤ
(39. 19) “Məgər sən barəsində əzab Sözünün
gerçəkləşdiyi Oddakını xilas edə bilərsənmi?”
Ey Muhəmməd! Günahkarlar arasında elələri var ki,
öz azğınlığına, inadkarlığına və kafirliyinə görə artıq cəzaya layiq görülmüşlər.
Sən onları doğru yola gətirməyi bacarmazsan və Cəhənnəm əzabkeşlərini Oddan
qurtara da bilməzsən. Onlar[9],
böyük ehtiramla qarşılanacaq[10]
və insanın bütün ecazkarlığını dəyərləndirə bilməyəcəyi çoxsaylı nemətlər
hazırlanmış xoşbəxt təqvalı möminlərə tay deyillər və tay ola da bilməzlər.
(39. 20) “Lakin o şəxslər ki, Rəbbindən
qorxarlar, onlar üçün çoxtəbəqəli və altından çaylar axan imarətlər hazırlanmışdır.
Allahın vədi belədir və Allah vədinə xilaf çıxmaz!”
Onlara yüksək imarətlər, yəni, uca və gözəl
saraylar hazırlanmışdır. Yaşayış üçün nəzərdə tutulmuş bu binalar o dərəcədə təmiz
və yaraşıqlıdırlar ki, onların içərisində olan möminlər içəridən zahirdə baş
verən hər şeyi görə biləcəklər, eləcə də binaların çölündə olan Cənnət sakinləri
onların daxilində olanları görə biləcəklər. Onlar elə hündürlükdə yerləşdiriləcək
və özləri də elə uca olacaqlar ki, Cənnət sakinləri onları göy qübbəsindəki ulduzlarla
müqayisə edəcəklər. Məhz buna görə Allah onları çoxtəbəqəli adlandırmışdır,
çünki mənzillər bir-birinin üstündə yerləşdiriləcəkdir. Onların divarları
qızıl və gümüş kərpiçlərdən hörülmüşdür, onlara mala əvəzinə nəfis müşk maddəsi
çəkiləcəkdir. İmarətlərin altından şırıltılı kiçik çaylar axacaqdır ki, Cənnət
sakinləri onların suyu ilə gül-çiçək bağlarını və ləzzətli və yetişkən meyvələr
gətirən ecazkar ağacları sulayacaqlar. Allahdan qorxan müsəmanlar bu mükafatı
mütləq alacaqlar, çünki Allaha Öz vədini yerinə yetirməyə heç nə mane ola bilməz.
Ey möminlər! Öz vəzifələrinizi yerinə yetirin və Allahdan qorxun və belə
olduqda, Allah sizi artıqlaması ilə mükafatlandıracaqdır.
ﯼ ﯽ ﯾ ﯿ ﰀ ﰁ
ﰂ ﰃ ﰄ ﰅ ﰆ ﰇ ﰈ ﰉ ﰊ ﰋ ﰌ ﰍ ﰎ ﰏ ﰐ ﰑ ﰒ ﰓ ﰔﰕ ﰖ ﰗ ﰘ ﰙ ﰚ ﰛ ﰜ
(39. 21) “Məgər sən görmürsən ki, Allah göydən su
nazil edir və onu yer üzündəki qaynaqlara axıdır və sonra O, onunla müxtəlif rəngli
əkinlər becərdir. Sonra onlar solur və sən onların saraldığını görürsən.
Sonra O, onları çör-çöpə çevirir. Həqiqətən, bu, ağıl sahibləri üçün bir öyüd-nəsihətdir”.
Fövqəluca Özünün ağıllı qullarına xatırladır ki, O (Pak və Müqəddəs), səmalardan
təmiz su nazil edir və o, yerə hoparaq mənbələri doldurur, sonra isə heç bir zəhmət
tələb etmədən yer altından fantan vurur. Onun sayəsində Allah müxtəlif çiçəklər
açan taxıllar yetişdirir. Bunlar – buğda, qarğıdalı, çovdar, düyü və bir çox
digər taxıl bitkiləridir. Sonra onlar solur və saralırlar. Bu, bitkilər öləziməyə
başlayanda və ya xəstələnəndə baş verir. Nəhayət, onlar ovulub çürüntüyə
dönürlər. Həqiqətən, bütün bunlarda ağıl sahibləri üçün bir ibrət vardır.
Onlar Allahın nemətləri və Onun qulları haqqında ilahi qayğısı üzərində
düşünməlidirlər. O (Pak və Müqəddəs), göylərdən su nazil edir və onu yeraltı mənbələrdə
saxlayır ki, insanlar ondan istifadə edə bilsinlər. Onlar həmçinin Onun üçün
ölüləri diriltmək çətinlik yaratmayan Allahın fövqəlqüdrəti üzərində düşünməlidirlər,
çünki O (Pak və Müqəddəs), saysız-hesabsız sayda
cansız, həyat əlaməti olmayan torpaqları diriltmiş və diriltməkdə davam edir.
İnsanlar həm də etirah etməlidirlər ki, bunu etməyə qadir olan Rəbb, həqiqətən,
Öz qullarının Ona ibadət etməsinə layiqdir.
Ey Allah, bizi Öz Kitabında xatırladığın o ağıl
sahibləri olan saleh insanlardan biri et! Bizə aydın ağıl bəxş et və bizi doğru
yola yönəlt! Bizə Mübarək Quranın sirlərini aç, kafirlərin və müşriklərin görməyə
qadir olmadıqları ecazkar möcüzələrini göstər! Həqiqətən, Sən istədiyinə mərhəmət
göstərirsən.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚﭛ ﭜ ﭝ ﭞ ﭟ ﭠ ﭡﭢ ﭣ ﭤ ﭥ ﭦ ﭧ
(39. 22) “Allahın bağrını İslama açdığı şəxs
Rəbbindən nurlanır. Allahın Zikrinə qarşı daşürəkli olanların vay halına!
Onlar açıq-aşkar bir zəlalətdədirlər”.
Məgər Allahın İslamı qəbul etmək üçün köksünü açdığı
şəxs, iman gətirməkdən boyun qaçırana bərabər tutula bilərmi? Müsəlman Rəbbinin
nuru ilə ziyalanır, yəni o, həmişə Rəbbinin iradəsinə itaət etməyə, geniş qəlbində
Allahın hökmləri üçün yer tapmağa və öz xeyirxah əməllərindən ləzzət almağa
hazırdır. Vay o kəslərin halına ki, bu keyfiyyətlərə malik deyillər, ürəkləri də
Allahın nəsihətlərinə hissiyyatsız olmuşdur! Onlar Allahın Kitabına qulaq
asmır, Onun ayələri üzərində düşünmürlər və Allahı zikr edərkən rahatlıq
tapmırlar. Əksinə, onlar Ondan üz çevirir və özlərinə başqa himayədarlar
tapmağa cəhd göstərirlər. Onlar böyük bəlaya və məşum qismətə layiq olurlar. Həqiqətən,
onlar aydın bir azğınlıq içindədirlər. Öz köməkçisinə və hamisinə nifrət bəsləməkdən
daha böyük azğınlıq nə ola bilər? İnsan özünü yalnız Allaha həsr etdikdə, xoşbəxtlik
qazana bilər, kafirlər isə bunu etmirlər. Bəs onda öz Rəbbini xatırlamaqdan
boyun qaçıran və özlərini, ziyandan və pislikdən başqa heç nə gətirməyən əməllərə
həsr edən müşriklər haqqında nə demək olar?!
ﭨ ﭩ ﭪ ﭫ ﭬ ﭭ
ﭮ ﭯ ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻﭼ ﭽ ﭾ ﭿ ﮀ ﮁ ﮂ ﮃﮄ ﮅ ﮆ ﮇ ﮈ ﮉ ﮊ ﮋ ﮌ
(39. 23) “Allah bir-birinə bənzər və
tez-tez təkrarlanan ən yaxşı hekayətlərdən[11] ibarət Kitab nazil
etmişdir. Rəbbindən qorxanların dərisi ondan ürpəşir. Sonra Allahın Zikrindən
onların dəriləri və ürəkləri yumşalır. Bu, Allahın doğru yoludur və bunun
vasitəsilə O, istədiyini doğru yolla aparır. Allahın azdırdığı kimsəyə doğru
yol göstərən tapılmaz”.
Allah Özünün mövcud və bir vaxtlar mövcud olmuş
Kitablarının hamısından ən yaxsısı olan sonuncu Vəhyini xatırladır. Şübhəsiz
ki, ən yaxşı söz – Allahın Sözüdür, ən yaxşı Kitab – Şərəfli Qurandır.
Deməli, Quran ayələri ən aydın və ən bəlağətli,
onların mənaları isə şərəfli olmalıdır. Öz ecazkar hecası və əzəmətli mənası
ilə fərqlənən ən yaxşı hekayət hətta ən kiçicik və əhəmiyyətsiz ziddiyyətlərə
belə malik olmamalıdır. Məhz bu keyfiyyət Mübarək Qurana xasdır və buna görə
Fövqəluca Allah xəbər verir ki, Onun ayələri mənaca və formaca bənzərdir. Əgər
insan onların ilahi mənaları üzərində düşünərsə, onda Quranın kamilliyi və
qüsursuzluğu onun qarşısında mütləq açılacaqdır. Əlbəttə, başlanğıcda bəzi ayələrin
mənası aydın olmayacaq, lakin bu, Kəramətli Quranı Müdrik və Hərşeyibilən
Allahın nazil etdiyini başa düşməsində insana mane olmayacaq.
Ərəb sözü olan “mütəşabih”[12]
təkcə “oxşar”, “bənzər” mənalarında deyil, həm də “məcazi” mənada tərcümə
edilir. Burada yeri gəlmişkən xatırladaq ki, Fövqəluca Allah belə buyurmuşdur:
“O – Kitabı sənə Naziledəndir və onda aydın ifadə edilmiş ayələr Kitabın əsasını
təşkil edir və digər ayələr isə məcazi məna daşıyır” (Ali-İmran, 3/7). Məcazi
məna kəsb edən ayələrin şərh edilməyə ehtiyacı var, lakin insanların çoxu
onların əsil mənalarını ilk oxunuşdan özləri üçün aydınlaşdırmaq bacarığına
malik deyillər. Buna baxmayaraq, məcazi məna daşıyan ayələrin təfsir edilməsi
üçün aydın ifadə olunmuş ayələrə müraciət etdikdə, istənilən qeyri-müəyyənlik
aydınlaşır. Məhz buna görə Allah qeyd edir ki, Quranın yalnız bir qismi məcazi
səciyyəlidir.
Bu surədə “mütəşabih” sözü başqa məna daşıyır və bu
dəfə Allah bütöv Quranı bu vəsflə səciyyələndirir. Lakin, öncə dediyimiz
kimi, burada, Quranın bütün ayələrinin forma və məzmunca gözəl və bir-birinə oxşar
olmasından bəhs edilir.
Sonra Rəbb bildirir ki,
Quranın ayələri təkrarlanır. Rəvayətlər və dini hökmlər, mükafatlandırma
haqqında vədlər və cəzalandırma haqqında xəbərdarlıqlar, möminlər və cinayətkarların
keyfiyyətlərinin və həmçinin Allahın adlarının və sifətlərinin xatırladılması
təkrarlanır. Bütün bunlar son Səmavi Kitabın əzəmətini və ecazkarlığını təsdiq
edir. Fövqəluca, insan qəlbini saflaşdırmağa və onda yüksək əxlaqi keyfiyyətlər
oyatmağa qadir olan müdrik ayələrə insanların necə böyük ehtiyac duyduğunu çox
gözəl bilir. Ağaclar onları canlandıran suya möhtac olduğu kimi, insanların da
ürəkləri ayələrə möhtacdır. Ağaca uzun müddət su verməsən, o, solar və hətta
məhv ola bilər. Əgər o, vaxtaşırı sulanarsa, onda o çoxlu faydalı meyvələr gətirər.
İnsan ürəyi də həmçinin Allahın vəhyinin həqiqi mənası haqqında tez-tez xatırlatmalara
möhtacdır. Əgər Kəramətli Quranda eyni fikirlər dəfələrlə təkrarlanmasaydı,
onda insan ona zəruri diqqət yetirə bilməzdi. Bu isə o deməkdir ki, Allahın nəsihətləri
lazım olan nəticəni verməzdi. Quran ayələrinin tez-tez təkrarlanmasının mənası
bununla izah olunur. Mən də bu müdrik üslubdan istifadə edərək, onu öz təfsirimin
əsası etdim.
Quran ayələri arasında,
onların tez-tez təkrarlanmalarına baxmayaraq, heç bir ziddiyyət yoxdur. Bundan
başqa, təkrarlanan ayələrin hər birinin öz xüsusi mənası vardır ki, bunlar
oxşar mənalı digər ayələrdən fərqlənirlər. Əlbəttə, təkrarlanan ayələrin bəzisi
bu və ya digər şəraitdə daha aydın və daha faydalı ola bilər, lakin bu heç də
o demək deyildir ki, oxucu Şərəfli Quranın yalnız bir hissəsi üzərində düşünməklə
özünü məhdudlaşdırmalıdır. Digər ayələr üzərində düşünmək də həmçinin böyük
fayda verə bilər.
Sonra Fövqəluca
bildirir ki, Kəramətli Quran ağıl sahibi olan hər bir möminə olduqca güclü təsir
göstərir. Onlar cəzalandırma və qisas haqqında təhdidedici ayələri oxuduqda, bədənləri
ürpəşir. Amma onlar Rəbbin mərhəməti və bol-bol mükafatlandıracağı barədə ayələri
oxuyan kimi ürpəşmə kəsilir və onların ürəkləri Allahı zikr etməkdən yumşalır.
Onlar Quranı oxuduqları bütün vaxt ərzində həmin vəziyyətdə olurlar, çünki Fövqəluca
Allah gah onları xeyirxah işlər görməyə çağırır, gah da günahlardan və cinayətlərdən
uzaqlaşdırmaq üçün onları qorxudur.
Budur
Allahın düz yolu. Bu sözlər onu bildirir ki, Quran ayələrinin güclü təsiri Öz
qullarını düz yola yönəldən Allahın möcüzəsidir. Bu, Rəbbin göstərdiyi
çoxsaylı nemətlərindən və xeyirxahlıqlarından yalnız biridir. Bax, Fövqəluca
Allah, məhz beləliklə Öz qullarından istədiyini doğru yola yönəldir. Bu – həmin
sözlərin şərhlərindən biridir.
Başqa bir şərhə
görə, burada Şərəfli Quranın Allaha aparan yeganə yol olmasından bəhs edilir. O
(Pak və Müqəddəs), yalnız pak niyyətlərə sahib olanlara bu yolla getməyə kömək
göstərir. Bu şərh Fövqəlucanın bu ayəsi ilə həmahəng səslənir: “Allah Onun
razılığını qazanmağa can atanları bunun vasitəsilə əmin-amanlıq yoluna yönəldir.
O, Öz izni ilə onları qaranlıqlardan işığa çıxardıb, düz yola yönəldir” (Maidə,
5/16).
Allah kimi azdırarsa, onu kimsə doğru yola yönəldə bilməz, çünki yalnız
Allahın Təlimatı insana doğru yola gəlməyə kömək edə bilər. Bu Təlimatın
işığı yalnız Allahın Kitabını bütövlüklə qəbul edənləri nurlandırır. Əgər
insan Qurana iman gətirməkdən və tabe olmaqdan imtina edirsə, onda o, haqq Təlimatdan
məhrum olur və özünü açıq-aşkar azğınlığa və səfalətə düçar edir.
ﮍ ﮎ ﮏ ﮐ ﮑ ﮒ ﮓﮔ ﮕ ﮖ ﮗ ﮘ ﮙ ﮚ ﮛ
(39. 24) “Qiyamət
gününün əzabından üzləri ilə qorunacaq zalımlara deyiləcək: “Dadın
qazandıqlarınızı!”
Məgər
Allahın doğru yola yönətdiyi və bu yolla Cənnət məkanına gətirilmiş şəxs,
azğınlığa dalmış və öz gözü ilə görə bilmədiyinə görə dirilmənin gerçəkliyinə
iman gətirməkdən inadkarcasına imtina edənlərlə bərabər ola bilərmi? Fövqəluca
xəbər verir ki, Qiyamət günü günahkarlar cəzadan üzləri ilə qorunacaqlar.
Yaxşı məlumdur ki, üz insan bədəninin ən nəcib və ən zərif hissəsidir və
buna görə ən cüzi cəza belə əzabkeşlərə hədsiz iztirab verəcəkdir. Lakin
onlar amansız cəzadan bədənlərinin digər hissəsi ilə qoruna bilməyəcəklər,
çünki əlləri qandallı və ayaqları buxovlu olacaqdır. Küfrə və itaətsizliyə
batmış və öz canlarına zalımlıq etmiş fasiqlərə belə deyiləcək: “Dadın qazandıqlarınızı!”
Bu, kafirlərin ünvanına yönəldilmiş qınaq və istehza olacaqdır.
ﮜ ﮝ ﮞ ﮟ ﮠ ﮡ
ﮢ ﮣ ﮤ ﮥ ﮦ
(39. 25) “Onlardan əvvəlkilər də[13] yalançı sayırdılar və
əzab onlara zənn etmədikləri tərəfdən gəldi”.
Qədim xalqlar da, ərəb müşrikləri kimi, Allahın
elçilərini inkar edərdilər və cəza da onları elə buna görə haqlamışdı. Amansız
cəza onları gözləmədikləri yerdə yaxaladı. O, onların başının üstünü aydın bir
gündə və ya gündüz istirahət etdikləri zaman aldı.
ﮧ ﮨ ﮩ ﮪ ﮫ ﮬﮭ
ﮮ ﮯ ﮰﮱ ﯓ ﯔ ﯕ ﯖ
(39. 26) “Allah onlara dünya həyatındaca
rüsvayçılığı daddırdı. Axirət əzabı isə daha böyükdür. Kaş ki, biləydilər!”
Alçaldıcı cəza onları nəinki təkcə Allah
qarşısında, həm də bütün məxluqların qarşısında rüsvay etdi. Axirət həyatının cəzası
isə daha da sərt olacaqdır. Et kafirlər və müşriklər! Öz kafirliyinizdə inadkarlıq
etməkdən çəkinin ki, sizdən əvvəlkilərdən alınan intiqam sizdən də alınmasın.
ﯗ ﯘ ﯙ ﯚ ﯛ ﯜ
ﯝ ﯞ ﯟ ﯠ ﯡ ﯢ
(39. 27) “Biz insanlar üçün bu Quranda hər
cür misallar çəkmişik ki, onlar nəsihətləri yadda saxlaya bilsinlər”.[14]
Fövqəluca insanlara xatırladır ki, Şərəfli Quranda
saleh insanlar və cinayətkarlar, tövhid və müşriklik haqqında müxtəlif ibrətamiz
məsəllər verilmişdir. O məsəllərin hər biri şeylərin və hadisələrin mahiyyətini
dərk etməkdə Allahın qullarına kömək göstərir və buna görə Rəbb vurğulayır ki,
Qurandakı məsəllərin ibrətamizliyi, insanların onların vasitəsi ilə ağıllanmaq
imkanına malik ola bilmələrindədir. Həqiqətən də, bir çox insanlar haqqı dərk
etdikdən sonra, xeyirxah işlər görməyə başlayırlar.
ﯣ ﯤ ﯥ ﯦ ﯧ ﯨ
ﯩ ﯪ
(39. 28) “Ərəbcə Quran qüsursuzdur. Bəlkə
çəkindilər”.
Allah Şərəfli Quranı ərəb
dilində bəyan etmişdir. Onun sözləri olduqca aydındır, mənası, xüsusilə, ərəblər
üçün asan və anlaşıqlıdır. Onda əyriliklər, yəni qüsur və xətalar yoxdur.
Onun sözləri və mənaları mükəmməl və qınaqsızdır. Bütün bunlar Şərəfli Quranın
doğruluğuna dəlalət edir. Fövqəluca Allah həmçinin buyurmuşdur: “Həmd
olsun Allaha ki, quluna Kitab nazil etmiş və onda yanlışlığa yol verməmişdir və
onu doğru etmişdir ki, Özünün ağır əzabından çəkindirsin və xeyirxah
işlər görən möminləri onlara gözəl mükafat veriləcəyi ilə müjdələsin” (Kəhf,
18/1-2).
Sonra Fövqəluca Allah qeyd edir ki, O (Pak və Müqəddəs)
ərəb dilində olan haqq Quranı nazil edərək, onda çoxsaylı ibrətamiz məsəllər çəkmiş,
insanlara təqvalılığın dərk edilməsinə və təqvalılığa doğru aparan yolu
asanlaşdırmışdır və bütün bunları O (Pak və Müqəddəs) ona görə etmişdir ki,
insanlar Fövqəluca Rəbdən qorxub çəkinsinlər.
ﯫ ﯬ ﯭ ﯮ ﯯ ﯰ
ﯱ ﯲ ﯳ ﯴ ﯵ ﯶ ﯷﯸ ﯹ ﯺﯻ ﯼ ﯽ ﯾ ﯿ ﰀ
(39. 29) “Allah, bir-biri ilə çəkişən bir
neçə şərikli sahibi olan kişi ilə, yalnız bir sahibi olan kişini misal çəkir. Məgər
onlar bu məsəldə bərabərdirlərmi? Həmd olsun Allaha! Axı əksəriyyət bilmir”.
Bu ibrətamiz məsəl bütpərəstlik və tövhid
haqqındadır. Öz aralarında razılığa gələ bilməyən bir-neçə sahibə məxsus köləni
təsəvvürünüzə gətirin. Əlbəttə ki, belə kölə özünə rahatlıq tapa bilməz, çünki
onun bir-biriləri ilə mübahisə edən bir sahibi ondan digərlərinin
razılaşmadığını tələb edir. Ədalətsiz və bir-biri ilə düşmənçilik edənlərin əllərində
qalan bu bədbəxt kölənin haqqında nə demək olar? İndi isə yalnız bir sahibə məxsus
olan köləni təsəvvür edin. O, yeganə ağasının ondan nəyi tələb etdiyini dəqiq
bilir və buna görə heç bir narahatçılıq da keçirmir. Onlar bu məsəldə bərabərdirlərmi?
Şübhəsiz ki, bu kölələr bərabər ola biməzlər.
Eyni şeyi müşrik haqqında da demək olar, çünki o,
uydurulmuş ilahlara ibadət edir. O, ya bu, ya da başqa bir “ilaha” dua edir və
rahatlıq və əmin-amanlıq tapa bilmir.
Həmd olsun Allaha ki, O (Pak və Müqəddəs), haqq ilə
yalan arasında hədd qoymuş və Özünün nadan qullarına doğru yolu göstərmişdir.
Lakin insanların əksəriyyəti Allaha şərik qoşmağı davam etdirir və özlərini
işgəncəli cəzaya məhkum etməkdən çəkinmir.
ﰁ ﰂ ﰃ ﰄ ﰅ
(39. 30) “Həqiqətən, sən də öləsisən,
onlar da öləsidirlər”.
Hər bir insan ölümün ləzzətini biləcəkdir. Fövqəluca
belə buyurur: “Sənə qədər Biz insanlardan heç kimə ölməzlik əta etməmişdik.
Məgər sən öldüyün halda, onlar əbədi yaşayacaqlar?” (Ənbiya, 21/34).
ﰆ ﰇ ﰈ ﰉ ﰊ ﰋ
ﰌ ﰍ
(39. 31) “Sonra da, Qiyamət günü Rəbbinizin
yanında mübahisə edəcəksiniz”.
Siz dünyada aranızda baş verən ziddiyyətlərlə bağlı
mübahisə açacaqsınız[15],
sonra isə Fövqəluca Allah aranızdakı mübahisəni ayırd edərək, Öz ədalətli hökmünü
verəcək. Hər biriniz törətdikləriniz bütün əməllərinizə, hətta özünüzün unutduğunuz
əməllərinizə görə ədalətli əvəz alacaq. Bu barədə Fövqəluca Rəbb belə
buyurmuşdur: “Həmin Gün Allah onların hamısını dirildəcək və onlara etdikləri
əməlləri xəbər verəcəkdir. Allah onları hesablayıb qeyd etmişdir, onlar isə
etdiklərini unutmuşlar. Allah – hər şeyin Şahididir” (Vaqiə, 58/6).
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛﭜ ﭝ ﭞ ﭟ ﭠ ﭡ ﭢ
(39. 32) “Allaha böhtan atandan və haqq
ona bəlli olandan sonra onu yalan sayandan da zalım kim ola bilər? Məgər Cəhənnəmdə
kafirlər üçün yermi yoxdur?”
Allah bu sözləri ilə, Allah barədə nalayiq şeylər
danışmağa və ya özünü peyğəmbər elan etməyə və yaxud Allahın sözünü eşitdiyini
bəyan etməyə cəsarət göstərən hər bir fasiqi təhdid edir. Belə şeyləri
danışmağa cəsarət edən insan yalançıdır. Məhz belə danışıqları nəzərə alaraq, Fövqəluca
Öz qullarına Allahın adından, heç bir biliyi olmadığı halda, yalan danışmağı
qadağan etmuşdir (Əraf, 7/33). Buna bənzər davranış, hətta insan bu barədə
bilməsə də, böyük günahdır. Əgər o, bunu şüurlu surətdə edirsə, onda bu,
daha dəhşətlidir və yaramazlıqdır.
Lakin kafirlər təkcə bununla qane olmurlar. Onlar
haqqı yalan adlandırırlar, amma insanın, aydın dəlillər və ayələrlə təsdiq
edilən həqiqəti inkar etməsindən də daha pis nə ola bilər?! Kafirlər öz
haqsızlıqlarına əmin olan kimi, haqqı inkar edirlər ki, bu onların tərəfindən ən
böyük zalımlıqdır. Əgər onlar bununla yanaşı hələ bir Allaha da böhtan atmağa cəsarətlənirlərsə,
onda onların zalımlığı dəfələrlə artmış olur.
Məgər kafirlərin yeri Cəhənnəmdə deyil? Həqiqətən də,
oraya yalnız ən bədbəxtlər düşəcəklər və onlardan hər biri Fövqəluca Allahın
haqqını dandıqları üçün cəzaya düçar ediləcəklər. Məhz buna görə Allah belə
buyurur: “Allaha şərik qoşma, çünki müşriklik böyük zalımlıqdır” (Loğman,
31/13).
Haqqı inkar edən yalançılara, onların günahlarının
ağırlığını və cəzalarının ağırlığını xatırlatdıqdan sonra, Fövqəluca Allah haqqa
və Allahın mükafatlandıracağına iman gətirən sadiq möminlərdən xəbər verir.
Fövqəluca buyurur:
ﭣ ﭤ ﭥ ﭦ ﭧﭨ
ﭩ ﭪ ﭫ ﭬ
(39. 33) “Haqq ilə gələn və Haqqı təsdiq
edənlər, doğrudan da, Allahdan qorxanlardır”.
Birincilər – peyğəmbərlər və onların doğru sözlər
danışan və xeyirxah işlər görən, Allahın vəhylərini və hökmlərini insanlara
çatdıran və özləri də onları layiqincə yerinə yetirən ardıcıllarıdır. İkincilər
isə, haqqın onlara gəlib çatdığını qəbul edən möminlərdir. Çox vaxt Haqq
insanlara bəlli olur, lakin onlar öz təkəbbürlükləri və haqqı təbliğ edənlərə
etinasız yanaşmaları üzündən onu inkar edirlər.
Bu onu göstərir
ki, insan yalnız həqiqəti bildikdə və onu qəbul etdikdə tərifə layiq olur. Həqiqəti
bilmək insanın sağlam düşünmək və insafla mühakimə yürütmək qabiliyyətinə dəlalət
edir, həqiqəti qəbul etmək isə onun təvazökarlığını və qəlbində təkəbbürün
olmamasını təsdiq edir. Bu iki məziyyətə malik olan insanlar mömin və təqvalıdırlar,
çünki təqvalılıq yalnız həqiqəti bilməyə və onu qəbul etməyə əsaslanır.
ﭭﭮﭯﭰﭱﭲﭳﭴﭵﭶ
(39. 34) “Onlar üçün Rəbbinin yanında istəyəcəkləri
hər şey hazırlanmışdır. Bu, xeyirxahlıq edənlərə – əvəzdir”.
Möminlər üçün baxışların görmədiyi, qulaqların
eşitmədiyi və insan qəlbindən belə heç vaxt keçməyən şeylər hazırlanmışdır.
Onlar ən arzu edilən və ən çox xoşagələn ləzzətlərə zövq almaq istədikləri anda
nail ola biləcəklər. Xeyirxah işlər görənlərin alacağı mükafat belə olacaqdır.
Onlar Allaha, sanki Onu görürmüşlər kimi, ibadət edirlər. Hərçənd bu belə
olmasa da, onlar qəti bilirlər ki, Allah onları görür. O (Pak və Müqəddəs),
onların öz Rəbbinə necə səmimiyyətlə ibadət etdiklərini və Onun məxluqlarına
xeyixahlıq göstərdiklərini görür.
ﭷ ﭸ ﭹ ﭺ ﭻ ﭼ
ﭽ ﭾ ﭿ ﮀ ﮁ ﮂ ﮃ
(39. 35) “Allah onların etdiklərinin ən
pisini örtər və etdikləri ən yaxşı əməlin əvəzi ilə mükafatlandırar”.
İnsanların bütün əməllərini üç qrupa bölmək olar:
yaxşı, pis və nə yaxşı, nə də pis olmayan əməllər. İnsan sonuncu əməlləri cəzasız
olaraq etmək və ya etməmək haqqına malikdir. O, buna görə nə mükafat, nə də cəza
almaz. Pis əməllər – günahlardır, yaxşı əməllər isə – xeyirxah işlərdir.
Bunu nəzərə alaraq, belə başa düşmək olar ki, Allah möminlərin kiçik günahlarını
və az əhəmiyyətli xətalarını onların xeyirxahlığı və təqvalılığı xatirinə
bağışlayır. Bundan başqa, onlar hər bir xeyirxah əməllərinə görə mükafat
alacaqlar. Fövqəluca buyurur: “Allah hətta zərrə qədər də zülm etməz, əgər əməl
xeyirli olarsa, onda O, onu çoxaldır və Özündən böyük mükafat əta edir” (Nisa,
4/40).
ﮄ ﮅ ﮆ ﮇﮈ ﮉ
ﮊ ﮋ ﮌﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ ﮘ ﮙ ﮚ ﮛ ﮜﮝ ﮞ ﮟ ﮠ ﮡ ﮢ ﮣ
(39. 36) “Məgər Allah Onun quluna kifayət
etmirmi? Onlar səni Ondan aşağı olanlarla qorxudurlar. Allah kimi zəlalətə salarsa,
onun doğru yol göstərəni olmaz”.
(39. 37) “Və
əgər Allah kimi doğru yola yönəldərsə, onu kimsə zəlalətə sala bilməz. Məgər
Allah intiqam almağa qadir olan Fövqəlqüdrətli deyilmi?”
Məgər Allahın səxavəti, mərhəməti və himayəsi Onun quluna kifayət
etmirmi? Əgər qul öz Rəbbinə ibadət edirsə, fərz hökmləri yerinə yetirirsə və
günah törətməkdən çəkinirsə, onda Fövqəluca Allah ona bütün mənəvi və dünyəvi
işlərində mütləq kömək göstərər və, xüsusilə, əgər söhbət, qullarından ən sadiq
mömin olan Muhəmməd Peyğəmbərdən (ona Allahın salavatı və salamı olsun!)
gedirsə, onu düşmənlərindən və bədxahlarından qoruyar.
Ey Muhəmməd! Məgər onlar səni hələ də öz bütləri ilə qorxudurlar? Həqiqətən,
bu, bir daha onların zalımlığına və özlərini aldatmalarına dəlalət edir. İman
və azğınlıq Allahın hökmü altındadır və yalnız O (Pak və Müqəddəs), onlara
necə sərəncam çəkəcəyini qərara alır. Məgər Fövqəlqüdrət və intiqam almaq haqqı
Allaha məxsus deyilmi? O (Pak və Müqəddəs) Öz əzəməti və fövqəlqüdrəti sayəsində
seçdiyi qullarını himayə edir, onları hər cür bədxahlıqlardan və çirkinliklərdən
qoruyur və həmçinin günahkarları cəzalandırır. Ey insanlar! Bunu yaddan
çıxarmayın və Allahın qullarını əzaba-əziyyətə məhkum edən günahlardan çəkinin.
ﮤ ﮥ ﮦ
ﮧ ﮨ ﮩ ﮪ ﮫﮬ ﮭ ﮮ ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜ ﯝ ﯞ ﯟ ﯠ ﯡ ﯢ ﯣﯤ ﯥ ﯦ ﯧﯨ ﯩ ﯪ ﯫ ﯬ
(39. 38) “Əgər sən onlardan soruşsan ki: “Göyləri və yeri kim
yaratmışdır?”– onlar mütləq deyəcəklər: “Allah”. De: “Allahdan başqasına
dua etdiklərinizi görmüsünüzmü? Əgər Allah mənə zərər vurmaq istəsə, onlar Onun
zərərinin qarşısını ala bilərlərmi? Yaxud da, əgər O, mənə mərhəmət göstərmək
istəsə, onlar Onun mərhəmətinin qarşısını ala bilərlərmi?” De: “Allah mənə
kifayətdir. Təvəkkül edənlər tək Ona təvəkkül edirlər”.
Ey Muhəmməd! Sən səni bütlər və mərhum saleh insanlarla
qorxudan yolunu azmış günahkarlara açıq-aşkar bilikləri çatdırmalısan. Buna
görə onlardan soruş: “Göyləri və yeri kim yaratmışdır?” Onlar çox gözəl bilirlər
ki, özlərinin uydurduqları “ilahlar” hətta ən cılız bir məxluqu belə yaratmağa
qabil deyillər və buna görə onlar mütləq etiraf edəcəklər ki, göyləri və yeri
Allah xəlq etmişdir... Onda Onun fövqəlqüdrətini və yalançı “ilahların”
gücsüzlüyünü onların yadına sal və de: “Əgər Allah istəsə ki, mənə bəla nəsib
etsin, onda onlar taleyin qismətindən xilas edə və ya heç olmazsa, aqibətimi
yüngülləşdirə bilərlərmi? Bəs əgər O (Pak və Müqəddəs) mənə mərhəmət göstərmək
istəsə, onlar buna doğrudanmı mane ola bilərlər?” Heç bir şübhə yoxdur ki,
müşriklər etiraf edəcəklər ki, onların “ilahları” insanı cəzalandırmaqda və
ya ona lütfkarlıq göstərməkdə Allaha mane ola bilməzlər. Bu danılmaz məntiqi dəlili
inkar etməyə heç bir kafirin gücü çatmaz. Bu isə o deməkdir ki, sən indi
müşriklərə bəyan edə bilərsən ki, yalnız Allah qullarının ibadətinə layiqdir,
yalnız O (Pak və Müqəddəs), yaratmağa və xəlq etməyə, sevinc gətirməyə və bəlalar
nazil etməyə qadirdir. Bütün qalanlar isə, sadəcə, gücsüz məxluqlardır ki,
Allahın iradəsinin ziddinə heç kimə zərər vura bilməzlər. Buna görə, öz Rəbbinə
təvəkkül et, Ona dua et ki, səni kafirlərin fitnələrindən qorusun və onlara belə
de: “Allah mənə bəsdir! Möminlər təkcə Ona ümid bəsləməli və təvəkkül etməlidirlər,
çünki O (Pak və Müqəddəs) ən mükəmməl surətdə mömin qullarının qayğısına qalır.
O (Pak və Müqəddəs), qullarını təkcə narahat edən bəlalardan deyil, həm də özlərinin
xüsusi əhəmiyyət vermədikləri şərdən də qoruyur”.
ﯭ ﯮ ﯯ ﯰ ﯱ ﯲ
ﯳﯴ ﯵ ﯶ ﯷ ﯸﯹﯺﯻﯼﯽﯾﯿﰀ
(39. 39) “De: “Ey xalqım! Siz öz
bacardığınızı edin, mən də öz bacardığımı. Yaxında biləcəksiniz ki,
(39. 40) kimə onu rüsvay edən əzab, kimə də
əbədi iztirab qismət olacaq”.
Ey xalqım! Nə etmək istəyirsinizsə, edin və ibadətə
layiq olmayan və heç bir hakimiyyətə malik olmayan “ilahlara” ibadət edin, mən
isə, başqalarını dəvət etdiyimə və yalnız Fövqəluca Allaha səmimiyyətlə ibadət
edəcəyəm. Siz lap yaxın vaxtda biləcəksiniz ki, kim bu
dünyada alçaldıcı cəzaya, Axirətdə isə əbədi cəzaya məruz qalacaqdır. Bu sərt xəbərdarlıq
kafirlərə yönəldilmişdir və məhz onların əbədi cəzaya layiq olduqlarını özləri
yaxşı bilirlər, lakin onların şərəfsizliyi və inadkarlığı onların iman gətirməsinə
mane olur.
ﭑ ﭒ ﭓ ﭔ ﭕ ﭖﭗ
ﭘ ﭙ ﭚﭛ ﭜ ﭝ ﭞ ﭟ ﭠﭡ ﭢ ﭣ ﭤ ﭥ ﭦ
(39. 41) “Həqiqətən, Biz sənə Kitabı
insanlar üçün Haqq olaraq nazil etdik. Doğru yolla gedən öz xeyri üçün gedir.
Yoldan azan isə, yalnız özünə zərər vurur və sən onların vəkili deyilsən”.
Fövqəluca xatırladır ki, O (Pak və Müqəddəs) Öz
Elçisinə (ona Allahın salavatı və salamı olsun!) Haqq Kitab nazil etmişdir.
Onda həqiqi hekayətlər, ibrətli hökmlər və ədalətli qadağalar vardır ki, doğru
yolun əsası onlardan ibarətdir. Bu Kitab öz Rəbbinə tərəf aparan doğru yolu
tapmağa və Cənnətə düşməyə səy göstərən insanların gözlərini haqqa açır,
kafirlərə gəldikdə isə, o, onları, öz zalımlıqlarına biliksizlikləri və məlumatsızlıqları
ilə haqq qazandırmaq imkanından məhrum edir.
Kim Şərəfli Quranın nurlu yolu ilə gedirsə və onun
hökmlərinə itaətkarlıq göstərirsə, o, bundan mütləq böyük fayda əldə edəcəkdir.
Kim ki, haqq ona aşkar olduqdan sonra, azğınlığı üstün tutarsa, o, öz Rəbbinə
heç bir zərər vurmaz və yalnız özünü əzaba və iztiraba məhkum edər. Ey Muhəmməd!
Onların törətdikləri cinayəti yadda saxlamaq, Allahın məhkəməsini qurmaq və ya
insanları sənə xoş gələn işlərə məcbur etmək sənin vəzifənə daxil deyil. Sən
günahkarlara cavabdeh deyilsən – sən yalnız Fövqəluca Rəbbin vəhyini bəşəriyyətə
çatdırmalısan.
ﭧ ﭨ ﭩ ﭪ ﭫ ﭬ
ﭭ ﭮ ﭯ ﭰﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻﭼ ﭽ ﭾ ﭿ ﮀ ﮁ ﮂ ﮃ
(39. 42) “Allah ölənin canını ölüm anında,
hələ ölməyənlərinkini isə, onlar yuxudaykən alır; ölümünü təyin etdiklərini
saxlayır, digərlərini isə müəyyən vaxtadək buraxır. Həqiqətən, bunda – düşünənlər
üçün dəlillər vardır”.
Fövqəluca ayədə qeyd edir ki, təkcə O (Pak və Müqəddəs)
Öz məxluqlarının taleyinə sərəncam çəkir. Onların oyaq olmasından və ya
yuxuya getməsindən, yaşamasından və ya ölməsindən asılı olmayaraq – Fövqəlqüdrətli
Allah onlarla istədiyi kimi rəftar edir. O (Pak və Müqəddəs), qullarının ölüm
anında, yəni, dünya həyatından ayrıldıqları zaman, canını alır. Bu, ölüm mələyinin
öz köməkçiləri ilə birlikdə ölən insanın ruhunu bədənindən çıxarmalarına zidd
deyildir. Elə buna görə Allah Öz Elçisinə (ona Allahın salavatı və salamı
olsun!) buyurur ki, belə desin: “... sizin tapşırıldığınız ölüm mələyi sizi vəfat
etdirəcək və sonra siz Rəbbinizə qaytarılacaqsınız” (Səcdə, 32/11). Quranda
həmçinin belə deyilir: “...Sizdən birinizə ölüm gəldikdə, Bizim elçilərimiz
onun canını alırlar və onlar qüsura yol vermirlər” (Ənam, 6/61). Fövqəluca
bəzən bu və ya digər əməli Özünə aid edir, çünki məhz o (Pak və Müqəddəs) –
Vahid Xaliq və Kainatın Hökmdarıdır, amma bəzən də, hər hansı əməli Öz məxluqlarına
aid edir, çünki ilahi müdrikliyi tələb edir ki, Kainatda baş verən hər şeyin
öz səbəbi olsun.
Sonra Rəbb bildirir ki, O (Pak və Müqəddəs)
insanların ruhunu onlar yuxuda olarkən bədənlərindən çıxarıb götürür. Bu onu
göstərir ki, yuxu kiçik ölümdür[16].
Əgər insanın qismətinə yuxuda olduğu zaman ölmək yazılmışdırsa, onda Allah onun
ruhunu bir daha bu dünyaya qaytarmır, amma əgər insana yuxudan oyanmaq nəsib
olacaqsa, onda onun ruhu bədəninə qayıdır və müəyyən müddət keçənə qədər həyatdan
zövq almaqda davam edir. Həqiqətən, bütün bunlarda düşünən insanlar üçün dəlillər
vardır. İnsan bunların üzərində fikirləşərsə, ona aydın olar ki, Fövqəluca Rəbb
fövqəlqüdrətlidir və öldükdən sonra mərhumları diriltməyə qadirdir.
Bu sözlərdən belə məlum olur ki, ruh və bədən müxtəlif
varlıqlardır. Onların mövcudluğu bir-birindən fərqlidir və müxtəlif mahiyyətə
malikdirlər. Ruh da Allahın yaratdığı məxluqdur və Onun hakimiyyəti altındadır.
Ruh ölmür və başqa bir aləmə düşmək imkanına malikdir və orada digər insanların
ruhları ilə görüşə bilər, hətta onlarla söhbətləşə də bilər. Canlı insanlar yuxudan
oyandıqları anda onların ruhu bədənlərinə qayıdır, ölmüş insanların ruhu bu
imkandan məhrumdur.
Sonra, Fövqəluca Onun hüzurunda özlərinə şəfahətçilik
etmək üçün başqa havadarlar axtaran, onlara böyük ümidlər bəsləyən və hətta
onların himayəsinə layiq olmaları üçün havadarlarına ibadət edən müşrikləri qınayır.
ﮄ ﮅ ﮆ ﮇ ﮈ ﮉﮊ
ﮋ ﮌ ﮍ ﮎ ﮏ ﮐ ﮑ ﮒ ﮓ
(39. 43) “Bəlkə onlar özlərinə Allahdan
başqa şəfaətçilər götürüblər? De: “Əgər onlar heç nəyə malik deyillərsə və heç
nə anlamırlarsa?”
Ey Muhəmməd! Müşriklərə onların özlərinin nə dərəcədə
cahil olduqlarını və nə dərəcədə də onların “ilahlarının” aciz olduqlarını
onlara izah et! Doğrudanmı onlar heç bir hakimiyyətə malik olmayan, hətta
fikirləşməyə və düşünməyə belə qabil olmayan bütlərə ibadət edirlər? Göylərdə
və yerdə heç bir məxluq hətta bir tozcuğa belə müstəqil sərəncam çəkmir. O məxluqun
sərəncamında hətta belə bir tozcuğun bir hissəciyi də yoxdur. Bundan başqa,
müşriklərin ibadət etdikləri bütlər və daş heykəllər təriflənə biləcəkləri
ağıla da heç sahib deyillər. Daşlar, ağaclar, sənəmlər, heykəllər, ölülər –
bütün bunlar cansız bədənlərdir və insana heç bir fayda verə bilməzlər. Lakin
burada ortaya bir məsələ çıxır: bu bədənlərə ibadət edənlərin ağlı varmı? Ola
bilsin ki, onlar yolunu ən azmış, ən cahil və ən zalım insanlardır!?
ﮔ ﮕ ﮖ ﮗﮘ ﮙ
ﮚ ﮛ ﮜﮝ ﮞ ﮟ ﮠ ﮡ
(39. 44) “De: “Şəfaət tamamilə Allaha məxsusdur.
Göylər və yer üzərində hakimiyyət Ona məxsusdur və siz Ona qaytarılacaqsınız”.
Dünyada hər şey Allaha məxsusdur. Elə bir vasitəçi
və şəfaətçi yoxdur ki, Onun qəzəbindən dəhşətə gəlməsin və buna görə bir məxluq
Onun qarşısında bir başqası üçün vasitəçiliyi[17]
yalnız Onun izni ilə edə bilər. Əgər Allah Öz quluna iltifat göstərmək istəyərsə,
onda alicənab şəfaətçilərin ona vasitəçilik etməsinə icazə verər. Bununla da O
(Pak və Müqəddəs), onların hər ikisinə mərhəmət və rəhm etmiş olar.
Allah göylər və yer üzərində
hakimiyyətə malikdir. Bu, şəfaətin tamamilə və bütövlükdə Fövqəluca Rəbbin nəcib
iradəsindən asılı olmasının bir dəlilidir. Məxluqların özləri və həmçinin onların
əməlləri və haqları Allahın iradəsi ilə müəyyən edilir və buna görə fərasətli
insan şəfaəti yalnız onun tamsəlahiyyətli sahibindən və sərəncamçəkəbiləndən
istəməlidir. İnsanlar həmçinin yadda saxlamalıdırlar ki, mütləq öz Rəbbinə
qaytarılacaqlar və o zaman O (Pak və Müqəddəs), sədaqətli iman sahiblərini səxavətlə
mükafatlandıracaq, müşriklərdən isə müdhiş qisas alacaqdır.
ﮢ ﮣ ﮤ ﮥ ﮦ ﮧ
ﮨ ﮩ ﮪ ﮫﮬ ﮭ ﮮ ﮯ ﮰ ﮱ ﯓ ﯔ ﯕ ﯖ
(39. 45) “Təkcə bir olan Allahı
xatırlayanda, Axirət həyatına iman gətirməyənlərin ürəkləri kin-küdurətdən lərzəyə
gəlir. Ondan aşağıda olanları xatırladıqda isə, onlar sevinirlər”.
Fövqəluca, yanlarında tövhiddən və yalnız Allaha
ibadətin zəruriliyindən danışılarkən ürəkləri kin-küdurətdən tir-tir əsən
müşriklərin məziyyətlərindən xəbər verir. Onlar belə söhbətlərdən uzaq qaçır
və onlara olduqca böyük nifrət bəsləyirlər. Onlar insanların bütlərə ibadət
etdiyini görəndə və ya yalan carçılarının müşrikliyi təriflədiklərini və ona
başqalarını dəvət etdiklərini eşidəndə, şadyanalıq edirlər. Onlar sevinirlər
ki, ətrafdakılar onların yalançı “ilahlarını” xoş sözlərlə xatırlayırlar,
çünki bu onların öz qüsurlu niyyət və arzularına uyğun gəlir. Həqiqətən, bu
davranışlar ən yaramaz və ən çirkindir və buna baxmayaraq, hətta belə insanlar
da Qiyamət gününədək möhlət alırlar. Həmin gün başladıqda onlardan
zalımlıqlarına görə hökmən intiqam alınacaq və onlar əmin olacaqlar ki,
Allahdan başqa ibadət etdikləri tanrıçalar onlara heç bir fayda gətirməyəcəklər.
ﯗ ﯘ ﯙ ﯚ ﯛ ﯜ
ﯝ ﯞ ﯟ ﯠ ﯡ ﯢ ﯣ ﯤ ﯥ ﯦ ﯧ ﯨ
(39. 46) “De: “Ey göylərin və yerin Yaradanı,
qeybi və aşkarı Bilən Allah! Qullarının arasında ixtilafa düşdükləri barədə hökmü
Sən çıxaracaqsan”.
Ey Rəbb! Sən Kainatı yaradaraq onu idarə edirsən. Sən
bizim baxışlarımızdan gizli qalan və bizə məlum olan hər şeyi bilirsən. Sən
bizim aramızda ədalətlə hökm verəcəksən və, əlbəttə ki, ən böyük ixtilahı nəzərindən
kənarda qoymayacaqsan. Bu ixtilaf – xalis möminlərlə müşriklərin
qarşıdurmasıdır. Biz yalnız Sənə ibadət edirik və əminik ki, doğru hərəkət
edirik və Axirət günü üçün mükafata layiqik. Onlar isə Sənə bütləri və daş heykəlləri
şərik qoşurlar, qətiyyən ilahi keyfiyyətlərə malik olmayan uydurulmuş “tanrıçaları”
Sənə bərabər tuturlar və Sənin ləyaqətini ən müdhiş tərzdə azaldırlar. Onlar
yanlarında yalançı “ilahlardan” bəhs edildikdə şadlanır və tövhid haqqında
eşitdikdə isə qəzəblənirlər. Buna baxmayaraq, onlar elə hesab edirlər ki, doğru
davranır və mükafata layiqdirlər.
Fövqəluca Allah belə buyurur: “Qiyamət günü
Allah yəhudiliyə, səbailiyə, xristianlığa, atəşpərəstliyə və müşrikliyə etiqad
edənlər arasında hökm verəcəkdir. Həqiqətən, Allah hər şeyin Şahididir. Məgər sən
görmürsən ki, Allahın qarşısında göylərdə və yerdə olanlar, günəş, ay,
ulduzlar, dağlar, ağaclar, heyvanlar və insanların çoxu səcdə edirlər. Onların
bir çoxu əzab çəkməyə layiqdirlər. Allahın alçaltdığına heç kim hörmət göstərməz.
Həqiqətən, Allah necə istəyirsə elə də davranır. Budur, öz Rəbbi barədə
mübahisə edərək bir-biri ilə çəkişən iki dəstə. İman gətirməyənlər üçün Oddan
libas biçəcəklər və başlarına qaynar su tökəcəklər. Bundan onların dərisi və
iç-içalatı əriyəcəkdir. Onlar üçün dəmir toppuzlar hazırlanmışdır. Onlar hər dəfə
oradan çıxmaq və kədərdən xilas olmaq istəyəndə, onları geri qaytaracaqlar.
Dadın yandırıb-yaxan Odun əzabını! İman gətirib, xeyirxah işlər görənləri
Allah altından çaylar axan Cənnət bağlarına daxil edəcəkdir. Onlar orada qızıl
bilərziklər və mirvarilərlə bəzədiləcək, libasları isə ipəkdən olacaqdır” (Həcc,
22/17-23);
“O kəslər ki, iman gətirib, imanını
zalımlığa bürüməmişlər, əmin-amanlıq içindədirlər və onlar doğru yolla gedirlər”
(Ənam,
6/82);
“Həqiqətən, Allaha şərik qoşana O, Cənnəti
qadağan etmişdir. Onun sığınacağı Cəhənnəm olacaqdır” (Maidə,
5/72).
Müzakirə etdiyimiz ayədə Fövqəluca Allah xəbər
verir ki, bütün məxluqların yaradıcısı yalnız Odur, bütün başverən hadisələrdən
xəbərdardır və qullarını da Özü mühakimə edir. Fövqəlqüdrətli Xaliq və Hərşeyibilən
Hökmdar Öz qullarının bütün yaxşı və pis əməllərini və həmçinin cəzalandırma və
mükafatlandırma hədlərini mütləq bilməlidir. O (Pak və Müqəddəs) ədalətli
mühakimə etməkdən ötrü məxluqlarını hökmən diriltməlidir. Bu məhkəmənin ədalətli
olması heç bir şübhə doğurmamalıdır, çünki Xaliq Öz məxluqlarından bixəbər
qala bilməz. Fövqəluca buyurur: “Məgər Xəlqedən bunu bilməyəcək?” (Mülk,
67/14).
ﯩ ﯪ ﯫ ﯬ ﯭ ﯮ
ﯯ ﯰ ﯱ ﯲ ﯳ ﯴ ﯵ ﯶ ﯷ ﯸ ﯹﯺ ﯻ ﯼ ﯽ ﯾ ﯿ ﰀ ﰁ ﰂ ﰃ
(39. 47) “Əgər yer üzündəki
hər şey və bir o qədər də əlavəsi zalımların olsaydı, onlar hökmən bunları
fidyə verib Qiyamət gününün dəhşətli əzabından xilas olmağa cəhd göstərərdilər.
Lakin sonra Allahdan onlara nəzərə almadıqları düçar olacaq”.
Öncəki ayələrdə Rəbb qullarına ədalətli məhkəmə
quracağından və həm də müşriklərin yaramaz sifətlərindən bəhs edirdi. Şübhəsiz
ki, indi insanlar Qiyamət günü bu günahkarların başına nələr gələcəyini bilməyə
tələsirlər və buna görə Fövqəluca bəyan edir ki, Axirət həyatında onları ən sərt
və ən müdhiş cəza gözləyir. Onlar o cəzaya layiqdirlər, çünki ən böyük və ən
yaramaz günahlar törədirdilər – Vahid Allaha iman gətirmirdilər. Hətta əgər təsəvvür
etsək ki, Axirət həyatında bütün yer özünün qızılı, gümüşü, mirvariləri,
heyvanları, ağacları, taxılı və hətta ev əşyaları ilə birlikdə müşriklərə məxsusdur,
onda yenə də onlar bütün bu sərvətlərini fidyə verməklə Allahın cəzasından
xilas ola bilməzlər. Onlar hətta iki dəfə artıq sərvətə malik olsaydılar da,
onları fidyə verib, qurtula bilməzdilər. Heç bir şey onları sərt cəzadan
qurtara bilməz və heç bir şey onlara dair ədalətli hökm çıxarılmasına maneə
ola bilməz. Bunu bildiyi üçün İbrahim peyğəmbər (ə) Allaha belə dua etmişdir:
“Onların dirildiləcəyi gün məni rüsvay etmə – nə var-dövlətin, nə də
övladların heç kimə fayda verməyəcəyi gün, Allah qarşısında pak qəlblə dayananlardan
başqa” (Şüəra, 26/87-89).
Sonra Allah bildirir ki, müşriklərə, onların heç
vaxt zənn etmədiklərini göstərəcəkdir. Onlar böyük bir uğur qazanacaqlarını
düşünürlər, amma yalnız Fövqəlqüdrətli Allahın qəzəbinə və nifrətinə məruz
qalacaqlar.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛ ﭜ
(39. 48) “Belə ki, onlara əməllərinin
pislikləri aşkar olacaq və məsxərəyə qoyduqları onları çulğalayacaqdır”.
Onların gözü qarşısında günahlarının və cinayətlərinin
nəticələri olaraq şərli əməlləri aşkar olacaq və onların dünya həyatında məsxərəyə
qoyduqları vəd edilən cəza onları hər tərəfdən bürüyəcəkdir.
ﭝ ﭞ ﭟ ﭠ ﭡ ﭢ
ﭣ ﭤ ﭥ ﭦ ﭧ ﭨ ﭩ ﭪ ﭫﭬ ﭭ ﭮ ﭯ ﭰ ﭱ ﭲ ﭳ ﭴ
(39. 49) “İnsana zərər dəyəndə, o Bizə dua
edir. Biz Öz nemətimizdən ona əta edəndə isə, o deyir: “Həqiqətən, bu, mənə
elmimə görə bəxş edilmişdir”. Qətiyyən! Bu – yanılmadır, lakin çoxları
bilmir”.
Fövqəluca insan təbiətinə xas olan sifətlər
haqqında xəbər verir. İnsana xəstəlik, müsibət və qəm-qüssə düçar olanda, o, o
saat Rəbbinə müraciət edir və kömək və xilas üçün Ona dua edir. Rəbb qayğıların
və müsibətlərin yükünü ondan götürdükdə, o, Allahın mərhəmətini unudur və
deyir: “Allah mənə lütfkarlıq əta etdi, çünki mənim mərhəmətə və mükafata layiq
olduğum Ona yaxşı məlumdur. Allah qarşısında mənim hörmətim var və mərhəmətin
necə qazanılması və sərvətə necə nail olunması mənə məlumdur”.
Allah qullarına var-dövlət nazil edir və onların bəzilərinin
Rəbbinə necə şükür etdiklərini, digərlərinin isə naşükürlüyünü görür. Lakin
insanların əksəriyyəti elə zənn edir ki, sınaqdan keçirilmək məqsədi ilə bəxş
edilən sərvət mükafat və bəxşişdir. Belə insanlara elə gəlir ki, var-dövlət –
mütləq nemətdir, halbuki əsil həqiqətdə, o, həm böyük nemət gətirə bilər, həm də
böyük şər vasitəsi ola bilər.
ﭵ ﭶ ﭷ ﭸ ﭹ ﭺ
ﭻ ﭼ ﭽ ﭾ ﭿ ﮀ
(39. 50) “Bunu onlardan əvvəlkilər də
demişdilər, lakin qazandıqları onları xilas etmədi”.
Onlar da həmçinin deyirdilər ki, var-dövləti və
yüksək vəzifələri öz bilikləri hesabına əldə etmişlər. Kafirlər bu sözləri sanki
nəsildən nəsilə ötürürlər. Onlar öz Rəbbinin göstərdiyi mərhəmətini qəbul
etmirlər, Onun qarşısında öz vəzifələrindən boyun qaçırırlar və ölümlə üzbəüz gələnə
qədər öz dediklərindən əl çəkmirlər. Məhz belə bir qismət kafirlərin əvvəlki nəsillərinə
nəsib olmuşdur və onların sərvəti onları Allahın cəzasından qoruya bilməmişdir.
ﮁ ﮂ ﮃ ﮄﮅ ﮆ
ﮇ ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ
(39. 51) “Nəhayət, nail olduqları pis əməlləri
öz başlarına gəldi. Zalımlıq edənlərə də şər əməlləri düçar olacaq və onlar
xilas ola bilməyəcəklər”.
Burada bəhs edilən – cəzadır, çünki istənilən cəza
insana pislik və narahatçılıq nəsib etməkdədir. Müasir günahkarlar öz sələflərindən
heç də üstün deyillər və onların cəzadan qoruyan heç bir “mühafizə şəhadətnaməsi”[18]
də yoxdur.
ﮒ ﮓ ﮔ ﮕ ﮖ ﮗ
ﮘ ﮙ ﮚﮛ ﮜ ﮝ ﮞ ﮟ ﮠ ﮡ ﮢ
(39. 52.) “Məgər onlar bilmirlər ki, Allah
istədiyinə ruzisini artırar və ya əskildər? Həqiqətən, bunda iman gətirənlər
üçün dəlillər vardır”.
Sərvət və müvəffəqiyyət onları dərin bir azğınlığa
salır və nəticədə bu nadan axmaqlar elə güman edirlər ki, yer üzündə nail
olduqları əmin-amanlıq insanın vicdanlı olmasına dəlalət edir. Fövqəluca
onların yanlış baxşlarını təkzib edərək bildirir ki, zənginlik
gözəl əxlaq və vicdanlı olmaqla heç də bağlı deyil[19]. Allah qullarına,
onların xeyirxahlığından və ya yaramaz əməllərindən asılı olmayaraq, sərvət
verir. Yerdəki nemətlər bütün məxluqlar arasında bölünmüşdür, amma iman və
möminlik yalnız ən yaxşıların qismətidir.
Həqiqətən, bunda – mömin insanlar üçün dəlillər
vardır. Onlar başa düşürlər ki, zənginlik və kasıblıq Fövqəluca Allahdandır.
O (Pak və Müqəddəs), qullarını ilahi müdrikliyi və mərhəməti sayəsində idarə
edir. O (Pak və Müqəddəs), insanlar haqqında daha yaxşı bilir və əgər O (Pak və
Müqəddəs), onlara cüzi bir qismət nəsib edirsə, bu, Onun həm də ilahi
xeyirxahlığının təcəssümüdür. Ola bilsin ki, əgər Allah onlara var-dövlət və
hakimiyyət versəydi, onlar zalımlıq edərdilər. Allah bunu çox yaxşı bilir,
lakin O (Pak və Müqəddəs), qullarının imanı və dindarlığı haqqında qayğı çəkir,
çünki məhz onlar qullarının səadətinin və uğurunun rəhnidir.
ﮣ ﮤ ﮥ ﮦ ﮧ ﮨ
ﮩ ﮪ ﮫ ﮬ ﮭ ﮮﮯ ﮰ ﮱ ﯓ ﯔ ﯕﯖ ﯗ ﯘ ﯙ ﯚ ﯛ
(39. 53) “De: “Ey Mənim özlərinə zərər
vurmaqda həddini aşan qullarım: “Allahım mərhəmətindən ümidinizi kəsməyin. Həqiqətən,
Allah bütün günahları bağışlayır, çünki O – Bağışlayandır, Mərhəmətlidir”.
Ey Muhəmməd! Ey haqq dinin təbliğatçıları! Mənim,
çoxlu günah işlədən və özlərinə zərər vurmaqda həddi aşan qullarıma Fövqəluca Rəbbin
hüdudsuz rəhməti və hər şeyi bağışlaması haqqında xəbər verin! Onları
günahlarını tövbə etmək üçün bu gözəl imkandan məhrum olmayana qədər çağırın.
Onlar öz alçaq istəklərinə güzəştə gedirlər, Hər şeyi Bilən Rəbbə itaətsizlik
edirlər və Onun qəzəbini özlərinə yönəldirlər. Lakin onlar Allahın mərhəmətinə
ümidlərini kəsməməli və bununla özlərini daha böyük təhlükəyə məruz
qoymamalıdırlar. Onlar deməməlidirlər ki, həddən artıq günahlar etmişlər və ya
qurtula bilməyəcəkləri hədsiz qüsurlara malikdirlər. Belə ümidsizlik
günahkarlara tövbə etməkdə, itaətsizlik burulğanından çıxmaqda maneçilik törədir.
Nəticədə, onlar Mərhəmətli Allahın qəzəbindən başqa bir şey əldə edə bilmirlər.
Buna görə günahkarlara Onun mərhəməti barədə ümidsizliyə qapılmağa imkan verməyin
və Onun mərhəməti və rəhmliliyinə dəlalət edən gözəl ilahi adlarını dərk etməkdə
onlara yardım göstərin.
İnsan tövbə edən kimi, Fövqəluca Allah onun bütün
böyük və kiçik günahlarını, hətta müşrikliyini, qatilliyini,
zinakarlığını, faiz yeməsini və zalımlığını[20] bağışlayır.
Həqiqətən də, Allah – Bağışlayandır, Mərhəmətlidir. Mərhəmət və Hərşeyibağışlama
kimi, bu iki sifəti, Fövqəluca Allaha əbədi xas olan sifətlərdir. Allahın bu
sifətlərinin təzahürü, Onun bütün məxluqları tərəfindən bilavasitə hiss
olunur. Rəbb qullarına gecə-gündüz nemətlər nazil edir. O (Pak və Müqəddəs),
onlara Öz mərhəməti ilə gizli və aşkar himayə edir. Onun üçün nemətləri
bağışlamaq, onları Özündə saxlamaqdan olduqca xoşdur. Onun mərhəməti Onun ədalətli
qəzəbini qabaqlayır və ona üstün gəlir. Lakin bu mərhəmətə layiq olmaqdan ötrü
insan zəhmət çəkməlidir və əgər o bunu etməsə, özü öz qarşısındakı mərhəmət və
hər şeyi bağışlama qapılarını bağlamış olur.
Fövqəlucanın mərhəmətini qazanmağın ən etibarlı və ən
şərəfli üsulu – Onun qarşısında səmimi tövbə etmək, bağışlanma haqqında dua ilə
Ona müraciət etmək, itaət, mütilik və təmənnasız ibadətdir. Həqiqətən, Onun mərhəmətinə
və bağışlamasına doğru bundan daha etibarlı bir yol yoxdur. Buna görə sonra
Allah buyurur:
ﯜ ﯝ ﯞ ﯟ ﯠ ﯡ
ﯢ ﯣ ﯤ ﯥ ﯦ ﯧ ﯨ ﯩ
(39. 54) “Əzab-əziyyət sizə çatanadək, Rəbbinizə
yalvarın və Ona itaət edin, axı belə olmazsa, onda artıq sizə kömək göstərilməyəcəkdir”.
Rəbbinizə qəlbən və vicudunuzla itaət edin. Allahın
qulu müqəddəs məqsədinə, özündə bu iki məziyyəti birləşdirdikdən sonra, nail
ola bilər. Bu zaman insan Rəbbinə ancaq səmimi, yəni təkcə bir olan Allah
xatirinə tövbə etməli və itaət göstərməlidir. Əgər insan Rəbbinin mərhəmətini
qazanmağa can atmır, digər məqsədlər güdürsə, onda onun tövbəsi və itaətkarlığı
ona heç bir fayda verməz. Əgər insan Axirət cəzasına çatdıqdan sonra tövbə edərsə,
tövbəsi və itaətkarlığı yenə ona heç bir fayda gətirməz. Heç bir şey kafiri Cəhənnəm
qisasından xilas edə bilməz və artıq heç nə ona kömək etməz. Əlbəttə ki, bu
sözlərdən sonra insanlar tövbə, islam dini və saleh əməllər haqqında daha çox
öyrənmək istəyəcək. Buna görə, sonra Allah belə buyurur:
ﯪﯫﯬﯭﯮﯯﯰﯱﯲﯳﯴﯵ
ﯶﯷﯸﯹﯺ
(39. 55) “Əzab sizə qəflətən gəlməzdən əvvəl
Rəbbinizin sizə nazil etdiklərinin ən yaxşılarına itaət edin ki, hətta onu[21] duymayasınız”.
Rəbbinizin hökmlərini qəlbən və bədəninizlə yerinə
yetirin. Müsəlman Rəbbini qəlbən sevməli, Ondan qorxmalı və Ona ümid bəsləməli
və həmçinin öz mömin qardaşlarına səmimi məhəbbət göstərməli və bunu sarsıda
bilən hər şeydən çəkinməlidir. Müsəlmanın bədənilə icra etməli olduğu əməllərə
gəldikdə isə, bunlara aid olanlar: namaz, zəkat, həcc, sədəqə və bir çox digər
xeyirxah işlərdir. Məhz müxtəlif formalarda təzahür edən xeyirxahlıqlar göstərmək
hökmü – Allahın Vəhyində nazil edilən ən yaxşı hökmlərdəndir. Allahın bu və digər
hökmlərini yerinə yetirən – Rəbbinə qəlbən və bədəni ilə ibadət edən müsəlmandır.
Hər bir ağıllı adam, onun hətta heç gözləmədiyi cəza
onu qəflətən yaxalayana qədər, həmin yola mütləq qədəm basmalıdır. Fövqəluca
Allah bu sözlərlə qullarını Rəbbin mərhəmətini qazanmaq üçün tələsməyə və
bundan ötrü hər imkandan istifadə etməyə çağırır.
ﯻ ﯼ ﯽ ﯾ ﯿ ﰀ
ﰁ ﰂ ﰃ ﰄ ﰅ ﰆ ﰇ ﰈ ﰉ
(39. 56) “Bir kəs deməsin ki: “Allahın hüzurunda
etdiklərimə görə vay halıma! Mən yalnız məsxərəçilərdən biri idim!”
Azğınlıqdan çəkinin və moizələrə və nəsihətlərə
biganə qalmayın, çünki çox yaxın vaxtda elə bir gün gələcək ki, insanlar tövbə
edəcəklər, lakin onlar öz tövbələrindən[22]
faydalana bilməyəcəklər. Belə olduqda, insan deyəcək: “Bütün həyatım boyu
haqqa etinasız yanaşdığıma görə vay halıma. Bundan başqa, mən başqalarını cəza
barədə düşünməyə dəvət edən insanları da məsxərəyə qoyurdum. Budur artıq mənim
onların sözlərinə öz gözümlə görüb, əmin olduğum gün başlamışdır”.
ﭑﭒﭓﭔﭕﭖﭗﭘﭙﭚ
(39. 57) “Yaxud deməsin: “Əgər Allah məni
doğru yola yönəltsəydi, mən də təqvalılardan biri olardım”.
Bu – Cəhənnəm
əzabkeşlərinə qismət olmayacaq xəyallarıdır. Onlar cəzadan xilas olmaq və
mükafata layiq görülmək üçün Allahdan onları doğru yola yönəltməyi diləyəcəklər.
Ayədəki “Əgər” sözü “şərt” kimi başa düşülməməlidir, çünki bu halda,
günahkarların sözləri öz günahlarına Allahın qədəri ilə haqq qazandırmağa cəhd
etdiklərini bildirərdi. Yaxşı məlumdur ki, belə bəraət yanlış və əsassızdır,
Qiyamət günü isə hər hansı yalan puç olacaqdır.
ﭛ ﭜ ﭝ
ﭞ ﭟ ﭠ ﭡ ﭢ ﭣ ﭤ ﭥ ﭦ ﭧ
(39. 58) “Ya
da əzabı gördükdə, deməsin ki: “Əgər mən bir də olsaydım[23], xeyirxahlıq edənlərdən
olardım”.
Əzabkeş
sarsıdıcı cəzanı öz gözlərilə görüb əmin olduqda, belə deyəcək: “Mənim dünya həyatına
qayıtmaq imkanım olsaydı və o həyatda yenidən yaşasaydım, onda mən saleh insanlardan
biri olardım”. Lakin bu mümkün olmayacaqdır və kafirlərin duaları onlara fayda
verməyəcəkdir. Bundan da başqa, onların vədləri yalandır və həqiqətdən uzaqdır
və əgər Fövqəluca Allah kafirləri dünya həyatına qaytarsaydı, onlar onsuz da öz
küfürlərindən əl çəkməzdilər.
ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ ﭲ
(39. 59)
“Xeyr! Ayələrim sənə gəldi, amma sən onları yalan saydın, təkəbbürləndin və
kafirlərdən biri oldun”.
Şübhə edilməsi
mümkün olmayan haqq sənə açıqlandı. O, çoxsaylı dəlillərlə təsdiq edilmişdi.
Lakin sən bu dəlilləri təkzib etdin və Rəbbinin iradəsinə itaət etməkdən təkəbbürlə
imtina etdin. Nəticədə, sən kafirlərdən biri oldun, indi isə sənə daha bir
imkan verilməsini istəyirsən. Həqiqətən, sən bunu ona görə xahiş edirsən ki,
yenə də şənlənmək və bir qədər də əylənmək imkanı əldə edəsən. Fövqəluca
buyurur: “Əgər onlar geri qaytarılsaydılar, onda mütləq onlara qadağan edilənə
dönərdilər. Həqiqətən, onlar – yalançıdırlar!” (Ənam, 6/28).
ﭳ ﭴ ﭵ ﭶ ﭷ ﭸ
ﭹ ﭺ ﭻﭼ ﭽ ﭾ ﭿ ﮀ ﮁ ﮂ
(39. 60) “Qiyamət günü sən Allaha böhtan
atanları üzüqara görəcəksən. Məgər təkəbbürlülərin məskəni Cəhənnəmdə deyilmi?!!”
Fövqəluca, kafirləri yaxalayacaq böyük rüsvayçılıq
haqqında xəbər verir. Onların üzləri, sanki qorxunc gecə zülməti kimi,
tamamilə qapqara olacaqdır və mömin insanlar Qiyamət günü Məhşər ayağında
kafirləri bu əlamətlə tanıyacaqlar. Haqq həmişə buludsuz səhər kimi aydın və
gözəldir, lakin kafirlər öz yalançı əməlləri ilə haqqı qaralamağa cəhd edirlər.
Onların cinayətlərinə cavab olaraq, Fövqəluca Allah diriltdikdən sonra kafirlərin
üzünü qaraldacaqdır. Həqiqətən də, Allahın verəcəyi əvəz həmişə törədilən cinayətə
uyğun olur.
Amma qaralmış üzlər canilərə düçar ediləcək yeganə
cəza olmayacaqdır. Fövqəluca onlardan ötrü dəhşətli Cəhənnəm işgəncələri tədarük
etmişdir. Bu gün onlar haqqı təkəbbürlə inkar edirlər, Rəbbə ibadət etməkdən təkəbbürlə
boyun qaçırırlar və Ona müdhiş böhtanlar atırlar. Əlbəttə ki, belə insanların nəsibi
Cəhənnəm olacaqdır. Orada onları sarsıntılar, rüsvayçılıq və Fövqəlqüdrətli
Hökmdarın qəzəbi gözləyir. Cəhənnəm intiqamının həddi-hüdudu yoxdur və təşəxxüslü
əzabkeşlər törətdikləri bütün günahlara görə cavab verməli olacaqlar.
Allaha atılan böhtanlara qayıdaraq, qeyd etmək
lazımdır ki, bu ən ağır cinayət – Ona şərik qoşan, Ona övlad və zövcə aid edən,
Onun barəsində müxtəlif ləyaqətsiz sözlər danışan, özünü peyğəmbər elan edən və
ya Onun adından Onun dinində olmayan hökmlər icad edən hər kəs tərəfindən törədilməkdədir.
ﮃ ﮄ ﮅ ﮆ ﮇ ﮈ
ﮉ ﮊ ﮋ ﮌ ﮍ ﮎ
(39. 61) “Allah təqvalıları xilas edəcək və
onlar uğur qazanacaqlar. Şər onlara toxunmayacaq və onlar kədərlənməyəcəklər”.
Allah kafirlərin taleyini xatırlatdıqdan sonra, təqvalı
möminlərin taleləri haqqında xəbər verməyi də qərara alır. Onlar müvəffəqiyyətə
nail olacaqlar və Allahın qullarını təmin etdiyi xilasın məziyyəti sayəsində cəzadan
qurtulacaqlar. Bu məziyyət – təqvalılıq və dindarlıqdır. Məhz bu məziyyətlər
müsəlmanın ən ağır və ən dəhşətli anlarında silahına çevrilir. Bu məziyyətlərə
görə mükafat mütləq Səadət və tam əmin-amanlıq olacaqdır və məhz buna görə
Allah xüsusilə vurğulayır ki, möminlər onların önündə nə cəza çəkəcək, nə də
qorxu hiss etməyəcəklər. Bütün yol boyunca, onlar üçün hazırlanmış Cənnət məkanına
nəhayət gəlib düşənədək, təqvalı möminləri tam əmin-amanlıq müşayiət edəcəkdir.
Onların sevincini və rahatlığını heç bir şey poza bilməyəcək və onlar Rəbbi şərəfləndirərək,
belə deyəcəklər: “Həmd olsun bizi qəm-qüssədən Xilasedən Allaha! Həqiqətən,
Rəbbimiz – Bağışlayandır, Şakirdir”[24] (Fatir, 35/34).
ﮏ ﮐ ﮑ ﮒﮓ ﮔ
ﮕ ﮖ ﮗ ﮘ ﮙ
(39. 62) “Allah – hər şeyin Xaliqidir və O
– hər şeyin Vəkilidir!”
Fövqəluca Özünün əzəmətindən və kamilliyindən xəbər
verir və təkcə bu, bütün varlıqların Xaliqi olan Allaha iman gətirməkdən
imtina edən hər bir kəsi bədbəxt etməyə kifayətdir. Bu və buna bənzər ifadələrə
Şərəfli Quranda tez-tez rast gəlinir. Onlar bir mənalı olaraq göstərir ki,
bütün varlıqlar, Allahın Özündən və həmçinin Onun gözəl adlarından və ilahi
sifətlərindən başqa, hamısı xəlq ediliblər[25].
Bu ədalətli müddəa, filosofların göylərin, yerin, insan ruhlarının və sairənin
əzəldən mövcud olması haqqında nəzəriyyələrini təkzib edir. Belə nəzər nöqtələri
yalan və qüsurludur, çünki Kainatın yaradılması haqqında konseptual müddəaya
ziddir.
Qeyd olunması çox vacib olan bir məsələ: Allahın
nitqinin məxluq olmamasıdır, çünki nitq Onun ilahi sifətlərindən biridir. Rəbb əzəldən
var olandır və, deməli, Onun gözəl adları və əzəmətli sifətləri də əzəldən
mövcuddur. Buna baxmayaraq, mötəziləçilər Allahın bu sözlərini əsas götürərək,
bəyan edirlər ki, Onun nitqi yaradılmışdır. Bu, cahilliyin ən böyük təzahürüdür,
çünki hər bir mömin bilməlidir ki, bütün ilahi adlar və sifətlər Fövqəluca
Allaha əzəldən məxsusdur. O (Pak və Müqəddəs), zaman keçdikcə yeni adlar və sifətlər
qazanmır və onlardan, qısa müddətə də olsa, ayrılmır. Müzakirə etdiyimiz ayəyə
gəldikdə isə, Fövqəluca Allah bildirmişdir ki, O (Pak və Müqəddəs) – göylərin
və yerin Xaliqi, məxluqların Himayədarıdır.
Bütün varlıqlara havadarlıq etmək – Kainatda başverən
hər şey haqqında kamil biliyə malik olmağı, onda gedən bütün proseslər üzərində
mütləq hakimiyyəti, zəruri olan hər şeyi yadda saxlamaq qabiliyyəti, kamil
müdrikliyi və həmçinin səltənətinə lazımınca sərəncam çəkmək istedadını nəzərdə
tutur. Bu məziyyətlərdən, heç olmazsa, birinə sahib olmayan, mütləq himayəçi
ola bilməz. Lakin Fövqəluca Allah qüsurlara malik deyil və Onun sifətləri
kamildir. O (Pak və Müqəddəs) Özünü bütün varlığın Hamisi adlandırır və bu Onun
kamil elminə, mütləq fövqəlqüdrətinə, Kainatı kamil idarəetmək bacarığına və
mütləq müdrikliyinə dəlalət edir və bunların sayəsində O (Pak və Müqəddəs) hər
şeyi öz yerinə yerləşdirir.
ﮚ ﮛ ﮜ ﮝﮞ ﮟ
ﮠ ﮡ ﮢ ﮣ ﮤ ﮥ ﮦ
(39. 63) “Göylərin və yerin açarları
yalnız Ona məxsusdur. Allahın ayələrinə inanmayanlar isə zərərə
uğramışlardır”.
Göylərin və yerin açarları – bilik və hakimiyyətdədir.
Fövqəluca buyurur: “Allah rəhmətini insanlar üçün açarsa, heç kim onun
qarşısını ala bilməz. Onun saxladığını isə, Ondan başqa kimsə nazil edə bilməz.
O – Fövqəlqüdrətlidir, Müdrikdir” (Fatir, 35/2). Allahın əzəmətinin dərk
edilməsi insanları Ona ehtiram bəsləməyə və Onun qarşısında təzim etməyə yönəltməlidir.
Onu layiqincə dəyərləndirməyən fasiqlərə gəldikdə isə, onlar mütləq zərərə
uğrayacaqlar. Onlar, doğru yolu tutmağın zəruriliyinə qətiyyən heç bir şübhə
yeri qoymayan çoxsaylı ayələri inkar edir və Vahid Allaha iman gətirməməklə,
dilləri ilə Rəbbi tez-tez xatırlamamaqla, bədənləri ilə Ona mütilik və itaət
göstərməməklə öz qəlblərini rövnəqləndirmək imkanından məhrum edirlər.
Bundan boyun qaçıranlar – həm qəlbən pozğunlaşmış və həm də qüsurlu bədənə
malik insanlardır. Onlar Cənnət səadətindən imtina edir və əzab-əziyyətli cəzaya
üstünlük verirlər.
(39. 64) “De: “Ey cahillər, doğrudanmı mənə
Allahdan başqa birisinə ibadət etməyimi əmr edirsiniz?”
Ey Elçi! Səni bütpərəstliyə dəvət edən cahil
günahkarlara müraciət edib de: “Doğrudanmı siz məni Allaha deyil, bir başqasına
ibadət etməyəmi çağırırsınız? Həqiqətən, siz yalnız öz cahilliyiniz üzündən belə
davranırsınız. Əgər siz belə olmasaydınız, onda hökmən anlayardınız ki, Fövqəluca
Allah heç kimə və heç nəyə möhtac deyildir. Qullarına nemət nazil edən yalnız
Odur və təkcə O (Pak və Müqəddəs) ibadətə layiqdir. Sizin bütləriniz və uydurma
“ilahlarınız” çoxsaylı nöqsanlara malikdirlər. Onlar zərər vurmağa və fayda
verməyə qabil deyillər və buna görə bu aciz daş heykəllərə ibadət etməyi mənə təklif
etməyin”.
ﮯ ﮰ ﮱ ﯓ ﯔ ﯕ
ﯖ ﯗ ﯘ ﯙ ﯚ ﯛ ﯜ ﯝ ﯞ
(39. 65) “And olsun ki, sənə və səndən əvvəlkilərə
belə vəhy edilmişdi: “Əgər şəriklər qoşsan, əməllərin zay olar və sən mütləq
ziyana uğramışlardan olarsan”.
Çoxallahlıq və bütpərəstlik
insan həyatını məhv edir və insanların əməllərini əbəsləşdirir. İnsan məxluqları
ilahlaşdırırsa və ya uydurulmuş “ilahlara” ibadət edirsə, onda onun istisnasız
olaraq bütün əməlləri hədər və faydasız olur. O, öz imanını və Axirətini məhv
edir, özünü əbədi sarsıntıya məruz qoyur. Allahın bütün peyğəmbərləri (onlara
salam olsun!) bu həqiqəti təbliğ edirdilər və bəyan edirdilər ki, çoxallahlıq
insanın əməllərinin hətta ən yaxşılarını belə puç edir. Buna görə Fövqəluca
Allah buyurur: “Bu, Allahın istədiyi qulunu yönəltdiyi doğru yoldur. Əgər
onlar da şərik qoşsaydılar, bütün etdikləri boşa çıxardı” (Ənam, 6/88).
ﯟ ﯠ ﯡ ﯢ ﯣ ﯤ
ﯥ
(39. 66) “Tək Allaha ibadət et və şükür edənlərdən
ol!”
Allah əvvəlki ayələrdə çoxallahlıların insanları
uydurulmuş “ilahlara” ibadət etməyə çağırmasından və onların əməllərinin necə
dəhşətli və yaramaz olmasından xəbər verir. Buna görə, sonra Fövqəluca yalnız
Tək Allaha ixlasla ibadət etməyi buyurur və doğru yol rəhbərliyinə,
sağlamlığa, əmin-amanlığa, ruziyə və başqa maddi nemətlərə görə Ona minnətdarlıq
bildirməyi əmr edir. Əlbəttə ki, Rəbbin bütün nemətlərindən ən yaxşısı – Vahid
Allaha iman və təqvalılıqdır. Bu, bütün nemətlərin ən böyüyüdür. Hər bir mömin
dərk etməlidir ki, o, yalnız öz Rəbbinin lütfkarlığı sayəsində iman gətirmişdir
və doğru yolu göstərdiyinə görə Allaha həmd etməlidir. Təkcə belə olduğu halda
mömin öz-özünü aldatmaqdan xilas ola bilər. Təəssüflər olsun ki, bir sıra nadan
müsəlmanlarda bu hal müşahidə edilir. Əgər onların bu nadanlığı olmasaydı,
onlar öz dinlərinə yalnız heyranlıqla yanaşmaz, Fövqəluca Rəbbə daha səylə
şükür edərdilər.
ﯦ ﯧ ﯨ ﯩ ﯪ ﯫ
ﯬ ﯭ ﯮ ﯯ ﯰ ﯱ ﯲﯳ ﯴ ﯵ ﯶ ﯷ ﯸ
(39. 67) “Onlar Allahın qədrini layiqincə
bilmədilər, halbuki Qiyamət günü bütün yer kürəsi Onun bir Ovcuna yerləşəcək,
göylər isə Onun Sağ Əli ilə büküləcəkdir. O, Pakdır və onların şərik
qoşduqlarının fövqündədir”.
Bu ayədə Fövqəlqüdrətli Rəbbin qədrini layiqincə
bilməyən və Onun ilahi ləyaqətini azaltmağa çalışan müşriklərdən bəhs edilir.
Onlar, naqis keyfiyyətlərə malik və qüsursuz olmayan əməllər işləyən məxluqları
Onunla bərabər tuturlar. Onların uydurduqları “ilahları” nə göylərdə, nə də yer
üzündə heç bir hakimiyyətə malik deyillər: fayda verməyə və ya zərər vurmağa,
nemət əta etməyə və ya öz mərhəmətindən məhrum etməyə qadir deyillər. Onların
çoxsaylı qüsur və xətaları vardır və, buna baxmayaraq, müşriklər onları Fövqəlqüdrətli
Xaliqə və Əzəmətli Rəbbə bərabər tuturlar. Onlar Allahın böyüklüyü və fövqəlqüdrəti
üzərində düşünmürlər, axı Qiyamət günü bütün yer kürəsi Onun əlində cəmisi bir
ovuc içi olacaq, nəhəng göylər isə Onun Sağ Əli ilə büküləcəkdir. Onlar bu fövqəlqüdrətli
Hökmdarı aciz məxluqlarla bərabər tutmağa cəsarət göstərirlər. Bundan da dəhşətli
zalımlıq nə ola bilər? Allah Pakdır və başqalarını Ona bərabər saymaqdan
sonsuzluğadək Ucadır!
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛ ﭜ ﭝ ﭞﭟ ﭠ ﭡ ﭢ ﭣ ﭤ ﭥ ﭦ ﭧ ﭨ
(39. 68) “Sura üfürüldükdə göylərdə və
yerdə olanlar, Allahın istədiklərindən başqa, bayılıb öləcəklər. Sonra ona bir
daha üfürüldükdə onlar qalxıb baxacaqlar”.
Sonra Sura ikinci dəfə üfürüləcək və bununla dirilmənin
başlanması xəbər veriləcək. İnsanlar öz qəbirlərindən qalxacaqlar ki, Fövqəluca
Allah onlara ədalətli Məhkəmə qursun. Onlar yeni və kamil qiyafədə dirildiləcək
və ətrafda baş verənlərə diqqətlə baxacaq və Fövqəlqüdrətli Rəbbin onlarla necə
rəftar edəcəyi barədə düşünəcəklər.
ﭩ ﭪ ﭫ ﭬ ﭭ ﭮ
ﭯ ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ ﮀ ﮁ ﮂ
(39. 69) “Yer Rəbbinin nurundan
parıldayacaq. Kitab qoyulacaq, peyğəmbərlər və şahidlər gətiriləcək. Onların
arasında ədalətlə mühakimə aparılacaq, haqsızlığa yol verilməyəcək”.
(39. 70) “Hər kəsə etdiklərinin əvəzi tam
veriləcək. Onların nələr törətdiklərini O, daha yaxşı bilir”.
Qiyamət günü başlananadək
Kainatı işıqlandıran nəhəng səma cisimləri sönəcəkdir. Günəş dürmələnib büküləcək,
ayın işığı çəkiləcək və ulduzlar isə səpələnib yox olacaq. İnsanlar qatı qaranlıq
içində qalacaq və Allah ədalətli Məhkəmə aparması üçün gəldikdə[26] yer[27] Onun
nurundan işıqlanacaqdır. Dediyimiz kimi, Allahın məxluqları yeni qiyafədə
yaradılacaq və onlara yeni qabiliyyət və bacarıqlar əta ediləcəkdir. Məhz
buna görə Allahın nuru onları yandırmayacaq. Bundan başqa, onlar Fövqəlucanın
Üzünü görə biləcəklər. Əgər O (Pak və Müqəddəs) istəsəydi, Onun ilahi nuru
məxluqlarının əvvəlincidən sonuncusuna kimi hamısını yandırardı.
Sonra insanların
qarşısında onların əməl kitabları qoyulacaq və Allahın hər bir qulu onlarda etdiyi
öz xeyirxah əməllərini və günahlarını oxuyacaqdır. Fövqəluca buyurur: “Kitab
qoyulacaqdır və sən görəcəksən ki, günahkarlar onda yazılandan necə qorxub
titrəyəcəklər. Onlar deyəcəklər: “Vay halımıza! Bu necə kitabdır! Onda nə
kiçik, nə də böyük günahlar nəzərdən qaçırılmamışdır – hər şey hesaba alınmışdır”.
Onlar nə törətmişlərsə, qarşılarında görəcəklər və Rəbbin heç kimlə zalımcasına
davranmayacaqdır” (Kəh18/49). Allahın mühakiməsinin mükəmməlliyi və
kamilliyini hər bir insana deyiləcək sözlər təsdiq edəcəkdir: “Öz kitabını
oxu! Bu gün özünə qarşı öz hesablaman kifayətdir!” (İsra, 17/14).
Peyğəmbərlər
(onlara Allahın salamı olsun!) öz vəzifələrini qüsursuz yerinə yetirdiklərini təsdiq
edəcək və həmçinin öz xalqlarının lehinə və ya əleyhinə şahidlik edəcəklər. Mələklər,
insan orqanları və yer də Yer üzündə baş vermiş hər şey haqqında şahidlik edəcəklər.
Allahın qulları üzərində qurduğu Məhkəmə ədalətli olacaq, çünki hökmü – bütün
varlıqlar haqqında hər şeyi bilən və heç vaxt ədalətsiz davranmayan Fövqəlali
Hakim çıxaracaqdır. Onun Kitabı – Mühafizəolunan Lövhədir və onda Allahın
qullarının bütün əməlləri hesablanıb yazılmışdır. Onun, Rəbbinin əmrlərindən
çıxmayan alicənab mühafizəçi-mələkləri də insanın etdiyi hər bir əməli qeyd
edirlər. Allahın çıxaracağı hökmün ədalətli olmasını ən qərəzsiz şahidlər təsdiq
edəcəklər. Ona çox gözəl məlumdur ki, bu və ya digər əmələ görə hansı mükafat və
ya cəza verilməlidir və buna görə bütün məxluqlar Onun ilahi Qərarının
müdrikliyini və ədalətliliyini qəbul edəcəklər. Onlar öz Rəbbinə həmd edəcək və
Allahın əzəmətinin, kamil elminin, müdrikliyinin və rəhmdilliyinin şahidi
olacaqlar. Onlar bu qüsursuz ilahi sifətlərini sözlərlə təsvir edə bilməyəcək
və etiraf edəcəklər ki, belə bir şey heç onların ağlına belə gəlməyibdir.
ﮃ ﮄ ﮅ
ﮆ ﮇ ﮈﮉ ﮊ ﮋ ﮌ ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ ﮘ ﮙ ﮚ ﮛ ﮜ ﮝﮞ ﮟ ﮠ ﮡ ﮢ ﮣ ﮤ ﮥ ﮦ ﮧ
(39. 71) “İman gətirməyənləri
zümrə-zümrə Cəhənnəmə qovacaqlar. Onlar ona yaxınlaşdıqda, onun dərvazaları açılacaq
və mühafizəçiləri onlara deyəcəklər: “Məgər sizə özünüzdən olan elçilər gəlib,
Rəbbinizin ayələrini sizə oxumurdularmı və sizi bu gününüz barədə xəbərdar
etmirdilərmi?” Onlar deyəcəklər: “Elədir”. Buna baxmayaraq, kafirlərə aid əzab
Sözü həqiqət oldu”.
O (Pak və
Müqəddəs), məxluqları yaratmış, onlara qayğı göstərir və onları idarə edir. Ona
Öz qullarını yer üzündə toplamaq çətin olmadığı üçün, onları yenidən Qiyamət
günü Məhşər ayağında bir yerə yığmaq da çətinlik yaratmayacaq. Lakin yer üzündə
insanlar dağınıq halda idilər – möminlərə və kafirlərə və həm də təqvalılara və
günahkarlara bölünmüşdülər. Buna görə Qiyamət günü də Allah insanları zümrələrə
böləcəkdir. Kafirləri və müşrikləri Cəhənnəmə kobud və sərt mühafizəçilər
qovacaqlar. Onlar dəhşətli qırmanclarla günahkarları qamçılayacaq və onları itələyə-itələyə
ən müdhiş və ən mənfur bir məkana atacaqlar. Cəhənnəmdə isə onları ağrılı-əzablı
işgəncələr və ən böyük faciə gözləyir. Bu günahkarlar bir daha heç vaxt sevinc
və rahatlığa nail ola bilməyəcək. Onlar cəzadan qaçmağa cəhd göstərərək,
müqavimət göstərəcəklər, lakin mələklər onları itələyəcəklər və buna görə
Fövqəluca Allah belə buyurur: “Həmin gün onlar amansızcasına Cəhənnəm oduna
vasil ediləcəklər” (Tur, 52/13). Onların hər biri oxşar günahlar törətmiş
fasiqlərlə birlikdə Cəhənnəmə atılacaqlar. Onlar, nəhayət, Cəhənnəmin dərvazalarına
çatana qədər bir-birilərini lənətləyəcək və bir-birindən üz döndərəcəklər.
Onlar Cəhənnəmə çatan kimi, onun dərvazaları qarşılarında açılacaq və onda sərt
mühfizəçilər əzabkeşlərə deyəcəklər: “Biz sizin üçün əzabverici cəza
hazırlamışıq və siz ondan əbədi olaraq qurtula bilməyəcəksiniz. Lakin sizi bu əzablara
düçar edən biz deyilik, çünki siz ona öz yaramaz əməllərinizlə layiq
olmusunuz. Məgər sizə sizin öz aranızdan olan elçilər gəlməmişdimi? Məgər siz
onların şərəfli əsil-nəcabətini və doğru danışan olduqlarını bilmirdinizmi? Məgər
siz onlarla görüşməkdən məhrum idinizmi? Onlar yanınıza gəlmiş və Allahın
çoxsaylı möcüzələrini sizə göstərmişdilər ki, bunların hər biri haqq-hesab gününün
labüdlüyünün dəlilləri idi. Siz onlara itaət etməli və bu Günə
hazırlaşmalıydınız və siz dindarlığa və təqvalılığa üstünlük versəydiniz, onda
belə bir müdhiş vəziyyətə düşməzdiniz”.
Günahkarlar
günahlarını etiraf edəcək və bunları şüurlu surətdə etdiklərini boyunlarına
alacaqlar. Onlar deyəcəklər: “Rəbbimizin elçiləri bizə gəlirdilər və bizə
aydın ayələr və inkarolunmaz dəlillər göstərirdilər, haqqı ən mükəmməl tərzdə
bizə izah edirdilər və bizi bu Günün dəhşətlərindən xəbərdar edirdilər.
Lakin kafirlik və allahsızlıq bizi sarsıdıcı cəzaya məhkum etdi. Bu, Allahın
ayələrini inkar edən, elçilərin təlimlərindən boyun qaçıran və, ən başlıcası
isə, bunu şüurlu surətdə edən hər kəs üçün əzəldən hazırlanmışdı”.
ﮨ ﮩ ﮪ
ﮫ ﮬ ﮭﮮ ﮯ ﮰ ﮱ ﯓ
(39. 72)
“Deyiləcəkdir: “Cəhənnəmin dərvazalarından daxil olun və orada əbədi qalın!” Təkəbbürlülərin
məskəni necə də pisdir!”
Günahkarların hər bir
zümrəsi, törətdikləri günahların ağırlığına uyğun gələn Cəhənnəm dərvazasından
daxil olacaqdır. Cəhənnəm əzabkeşləri odlu məskənlərini heç vaxt tərk etməyəcəklər
və onların əzabı, qısa müddətə də olsa belə, yüngülləşdirilməyəcək. Özündənrazı
təşəxxüslülərin qalacaqları yer necə də mənfurdur! Bu qalacaqları yer Cəhənnəmdir
və burada haqqı etinasızlıqla inkar edənlər toplanacaqlar və buna görə
alacaqları əvəz – alçaldılma, nifrət və rüsvayçılıq olacaqdır. Sonra Fövqəluca
Allah Cəhənnəm sakinləri haqqında xəbər verərək belə buyurur:
ﯔ ﯕ ﯖ ﯗ ﯘ ﯙ
ﯚﯛ ﯜ ﯝ ﯞ ﯟ ﯠ ﯡ ﯢ ﯣ ﯤ ﯥ ﯦ ﯧ ﯨ ﯩ
(39. 73) “O kəsləri ki, Rəbbindən
qorxurdular, Cənnətə dəstə-dəstə gətirəcəklər. Onlar yaxınlaşdıqda, onun dərvazaları
açılacaq və mühafizəçilər onlara deyəcəklər: “Sizə salam olsun! Xoş halınıza!
Əbədilik daxil olun!”
Onlar yalnız Fövqəluca Rəbbə ibadət edərdilər və
Onun hökmlərini qüsursuz yerinə yetirərdilər və buna görə də Allah mələklərə
tapşırır ki, onları Cənnətə ən layiqli bir təntənə ilə müşayiət etsinlər. Bu
zaman möminlər də dəstə-dəstə, əməlləri onların əməllərinə uyğun gələn
qardaşlarının müşayiəti ilə gedəcəklər. Onlar Cənnət məkanına çatdıqda, göz
işlədikcə geniş məskənlər və möhtəşəm saraylar görəcək, füsunkər rayihə və zərif
Cənnət küləyi duyacaq və əbədi Cənnət səadətinə yaxınlaşdıqlarını
anlayacaqlar. Sonra onların qarşısında Cənnət dərvazaları açılacaqdır və bu əzəmətli
hadisə bir daha möminlərin üstünlüyünü və nəcibliyini nəzərə çarpdıracaqdır. Cənnət
keşikçiləri onları: “Salam əleykum! Siz hər cür şərdən və hər hansı bəladan qorunacaqsınız!
Sizin qəlbləriniz Allahı dərk etmək, Ona məhəbbətlə və Onun qarşısında qorxu
ilə dolurdu, sizin diliniz yorulmadan Onu xatırlayırdınız, bədənləriniz isə
qüsursuz olaraq Onun hökmlərini yerinə yetirirdi. Buna görə girin Cənnətə və
burada əbədi olaraq qalacaqsınız. Bu – xeyirxahlıq məskənidir və yalnız
xeyirxahlıq edən möminlər üçün təyin edilmişdir” sözləri ilə salamlayıb
qarşılayacaqlar.
Fövqəluca Allah Cəhənnəm
sakinlərinin oraya necə yaxınlaşacaqlarından bəhs edərək belə buyurur: “Onlar
ona yaxın gəldikdə, onun dərvazalarını açacaqlar”. Cənnət sakinlərinin Cənnətə
yaxınlaşacağından bəhs edərkən isə Allah belə buyurur: “Onlar yaxınlaşan
kimi onun dərvazaları da açılacaqdır”. Bu isə o deməkdir ki, Cəhənnəmin
dərvazaları, əzabkeşlər onun qarşısına çatan kimi, o saat açılacaqdır ki,
onlar Cəhənnəm alovunun bütün dəhşətini duyub, onun əzab-əziyyətinin
ağırlığını dərk etsinlər. Cənnət isə, bu şərəfli və əzəmətli məskən, yalnız
Allahın ən yaxşı qullarından ötrü hazırlanmışdır. Oraya yalnız o kəslər düşə
bilər ki, xeyirxah işlər görmüş və Rəbbinin lütüfkarlığına nail olmağa yüksək
səylə can atmış olsunlar. Amma, hətta buna da baxmayaraq, Cənnət dərvazalarının
qarşısına gəlib çatmış möminlər, şəfaətçilik edənlərin ən alicənabı Muhəmməd
Peyğəmbər (ona Allahın salavatı və salamı olsun!) onlara şəfaətçilik etmədikcə,
Cənnətə düşə bilməyəcəklər. Yalnız bundan sonra Cənnət dərvazaları açılacaq və
möminlər əbədi Səadət məskəninə girməyə imkan əldə edəcəklər.
Bu ayələr açılıb-bağlanan Cəhənnəm və Cənnət dərvazalarının
mövcudluğuna dəlalət edir. Bu dərvazaların hər birinin yanında keşikçilər
vardır və onlar içəriyə yalnız bu və ya digər məskənə layiq görülmüş insanları
buraxırlar. Cənnət və Cəhənnəm bu xüsusiyyəti ilə Kainatdakı digər yerlərdən fərqlənirlər.
ﯪ ﯫ ﯬ ﯭ ﯮ ﯯ
ﯰ ﯱ ﯲ ﯳ ﯴ ﯵ ﯶﯷ ﯸ ﯹ ﯺ ﯻ
(39. 74) “Onlar deyəcəklər: “Həmd olsun vədinə
sadiq Allaha ki, bizi Cənnətin istədiyimiz yerinə varis etmişdir. Yaxşı əməl
sahiblərinin mükafatı necə də gözəldir!”
Möminlər Cənnətə girdikdən
sonra, fasilə vermədən onların qayğısına qaldığına, hüdudsuz mərhəmətinə və
doğru yolu onlara göstərdiyinə görə Rəbbə minnətdarlıqlarını bildirərək, belə
deyəcəklər: “Vədini yerinə yetirən Allaha həmd olsun! Biz bu vəd barədə sadiq
elçilərin dilindən eşitmişik və oma iman gətirmişik. Biz mömin olmağa can
atmışıq və Allah da Sözünə əməl etmişdir. O (Pak və Müqəddəs), Cənnət torpağını
ixtiyarımıza vermişdir və biz burada, istədiyimiz yerdə məskunlaşa bilərik.
Biz Cənnətin hər hansı bir guşəsində yerləşə bilərik və istənilən məmnunedici
şeylərdən zövq ala bilərik. Bundan sonra bizdən ötrü heç bir qadağa mövcud
deyil. Yaxşı əməl sahiblərinin mükafatı necə də gözəldir! Biz qısa müddət ərzində
zəhmət çəkmiş və Allaha ibadət etmişik, əvəzində isə çox böyük mükafat və əbədi
səadət almışıq”.
Cənnət o qədər
füsunkardır ki, ən yüksək tərifə layiqdir. Axı başqa cür ola da bilməz, çünki Səxavətli
və Alicənab Allah onu öz seçilmiş qulları üçün hazırlamışdır, bağları isə onun
uca guşələrində Öz Əlləri ilə salmış və onları Özünün böyük mərhəməti ilə
himayəsi altına almışdır. Cənnət o qədər misilsiz gözəlliyə malikdir ki, hətta
onun kiçicik bir ləzzəti insanı əbədi olaraq qəm-qüssədən xilas etməyə və rahat
həyatı təmin etməyə qadirdir.
Sonra Allah, digər məxluqlarla birlikdə bu əzəmətli
Günü mütləq görəcək möminlərə müraciət edərək belə buyurur:
ﭑ ﭒ ﭓ ﭔ ﭕ ﭖ
ﭗ ﭘ ﭙﭚ ﭛ ﭜ ﭝ ﭞ ﭟ ﭠ ﭡ ﭢ ﭣ
(39. 75) “Sən Ərşi əhatə edən və öz Rəbbinin
şan-şöhrətini həmd ilə ucaldan mələkləri görəcəksən. Artıq qullara ədalətli
hökm çıxarılmışdır və onlar deyəcəklər: “Həmd olsun aləmlərin Rəbbi Allaha!”
Barələrində bəhs edilən mələklər Allaha fasiləsiz
qulluq edən mələklərdir. Onlar Onun Ərşinin ətrafında toplaşır, Onun əzəməti
qarşısında səcdə edir, Onun kamilliyini bildirir, Onun gözəlliyinə
heyranlıqlarını nümayiş etdirir, Onun ilahi adlarını və sifətlərini şərəfləndirir,
müşriklərin və kafirlərin Ona qoşduqları ədalətsiz ifadələri inkar edirlər.
Allah, birincidən başlamış sonuncuya qədər bütün
insanlar haqqında Hökm çıxaracaq və ilahi Qərarının ədaləti heç kimdə bir şübhə
doğurmayacaqdır. Bundan başqa, heç kim bu Qərarı rədd etmək fikrinə belə düşməyəcəkdir
və Allahın bütün məxluqları aləmlərin Rəbbi Allaha həmd edəcəklər və bu onu
göstərir ki, istisnasız olaraq bütün məxluqlar Allaha həmd edəcəklər. Onların
hamısı möminlərə və günahkarlara aid müdrik hökmün qüsursuzluğunu etiraf və qəbul
edəcəklər. Onların bir qismi Allahı mərhəmətinə və xeyirxahlığına görə, digər
qismi isə müdrikliyi və ədalətinə görə mədh edəcəklər.
[1] Yəni,
Allahdan başqa heç kim, heç nə Ondan üstün qüdrətə və üstün sifətlərə malik ola
bilməz. F.S.
[2] Kursiv mənimdir. Rus mətnində “məhv edəcək” ifadəsi getmişdir. F.S.
[3] Bu ayə ona dəlalət edir ki, Fövqəlqüdrətli Allah insanı və digər məxluqları
yaratdığı kimi, həmçinin bütün heyvanları da Özü yaratmışdır. Təbiətdə Rəbbin
iştirakı olmadan, seçmə yolu ilə müstəqil təkamül qanunları mövcud deyil və məxluqların
formaca dəyişikliyə uğraması Allahın qədərinə uyğun baş verir. F.S.
[4] Quranın nazil
edildiyi yeddinci əsrdə insanların cift kisəsi haqqında anlayışı belə yox idi.
Bəs o zaman Quranın ana bətnindəki üç qaranlığa işarə etməsi necə izah edilə
bilərdi? Heç şübhə yoxdur ki, bu ifadəni Quranın nazil edildiyi dövrün bilik səviyyəsi
ilə anlamağa imkan yox idi. Döl bu üç təbəqənin mühafizəsi altında qaranlıq bir
məkanda tədricən inkişaf edirdi. Cift torbası təmiz və axıcı bir maye ilə dolu
olur. Bu maye sarsıntıları neytrallaşdıran qoruyucu yastıq rolunu oynayır, təzyiqi
tənzimləyir, ciftin selikli qişasının dölə yapışmasına mane olur və dölün
uşaqlıqda rahat dönməsini təmin edir. Əgər döl bu maye sayəsində rahat hərəkət
edə bilməsəydi, bir ət parçası kimi yığışıb qalar, aylarla tərpənə bilməyib bir
tərəfi üstündə qalması ilə zədələnərdi. Xarici aləmdə hərarətin necə olmasından
asılı olmayaraq, dölün maye suyunun hərarəti daima hər tərəfdə 31 dərəcədə
sabit qalır. Allah hər mərhələdə hər şeyi ən incəliklərinə qədər
sahmanlamışdır. Bu qaranlıqlara daxildən nüfuz edə bilsəydik, görərdik ki,
“birinci qaranlıq məkan böyük qaranlıq bir tuneli xatırladır. İkinci qaranlıq -
işıqsız bir meşəni xatırladır. Üçüncü isə, qaranlıq bir dənizin altının təsəvvürünü
yaradır. Bütün bu təsvirlər Quranın, həqiqətən, Allah tərəfindən nazil edilməsinin
misilsiz dəlilləridir. (Bax: Quran heç tükənməyən möcüzə, səh. 194). F.S.
[5] Tərcümə
etdiyim mətndə: “создал вас из небытия” ifadəsi işlədilmişdir ki, bunu bəzən
“heçlikdən” kimi çevirirlər. Lakin Fövqəlqüdrətli Allah xəlq etdiklərini Öz
misilsiz ilahi enerjisi ilə yaradır ki, bu hikmət mənbəyi və qüdrət xəzinəsini,
dolayısı ilə də olsa, “heçlik” adlandırmaq, Fövqəluca Allaha qətiyyən
yaraşmayacaq bir məziyyət kimi, Ona aid edilə bilməz. Yeri gəlmişkən qeyd etməliyəm
ki, Mübarək Quranı, Allahın bu Misilsiz Kitabını bütövlükdə və ya onun
ayrı-ayrı ayələrini tərcümə etmək qərarına gələn hər bir müsəlman, hər şeydən
öncə, özündə Müqəddəs Allahın bu Kitabına ehtiram hissi ilə yanaşmalı və
Allahın hər bir kəlamını mümkün olduqca orijinala uyğun və ya daha yaxın şəkildə
çevirməlidir və bu zaman yeganə meyar – Allahın sözünün dəyişməzliyi, dəqiqliyi,
onun incə çalarlarının mütləq araşdırılıb kəşf edilməsi zəruriyyəti olmalıdır.
İlahi ayələrin əsli mənasının deyil, ağla gələn və ya başqa tərcümələrdə rast gəlinən
bir variantını əsas götürüb tərcüməni həyata keçirilmiş saymaq günah sayılmalıdır.
Bütün hallarda kəlamın və bütün fraqmentlərin mümkün qədər dəqiqliyinə səy
göstərilməlidir. Bu səylər – Allaha ehtiramın nəticəsi olaraq savaba layiqdir və
hər kəsə faydalı olacaqdır. Tərcüməçilərin, dəvətçilərin və digər müsəlman bacı
və qardaşların bu məqamlara xüsusi diqqət yetirmələri yetərincə vacib bir
etiqad məsələsidir. F.S.
[6] Zümər surəsinin
8-ci ayəsində xatırlanan Cəhənnəm sakini nəzərdə tutulur. F.S.
[7] Gecələr
qılınan nafilə təhəccüd, vitr namazları. F.S.
[8] Zamanımızda
bu məsələyə münasibətdə müsəlmanlar çox diqqətli olmalıdırlar və hicrət barədə
qərar qəbul edərkən bir sıra vacib məsələləri nəzərə almalıdırlar. Çünki müsəlmanlar
ilk növbədə, yalnız Allah xatirinə normal şəraitdə ibadət etmək, vaxtında
namazı, camaat namazlarını şəriətə müvafiq və maneəsiz qılmaq və digər ayinləri
yerinə yetirmək mütləq mənada mükün olmadığı bir şəraitdə hicrət etmək haqqına
malikdirlər. Digər bütün hallar hicrət adlandırıla bilməz. Amma bunların hər
birinin grçəkləşdirilməsi özü də konkret və incələnməli özəlliklərlə bağlıdır.
Məsələn, müsəlman ölkəsindən, hər hansı, bilavasitə dinlə bağlı olmayan səbəblərə
görə hansı ölkəyəsə getmək, istər islam ölkəsi olsun, istərsə qeyri islam ölkəsi,
hicrət hesab edilə bilməz və bu adi miqrasiya hadisəsi kimi qəbul edilməlidir.
Özlərini müsəlman sayan insanlar xalqının mütləq əksəriyyətinin tarixən müsəlman
etiqadına malik olduğu bir ölkədən, bilavasitə dinlə bağlı olmayan səbəblərə
görə, bir ölkədən qərbin “demokratiya həlqəsində” olan və əhalisinin maddi
rifahının nisbətən yüksək olduğu qeyri-müsəlman ölkəsinə getməsini də “hicrət”
adlandırmaq mümkün deyil. Əgər bu islam şəriətinin tələbləri ilə bilavasitə
üst-üstə düşsəydi, bu gün dünya əhalisi arasında olan mövcüd təbii miqrasiya misilsiz
dərəcədə arta bilərdi (əlbəttə, əgər bunu Allah istəsəydi!). Odur ki, nə emiqrasiya,
nə də sadəcə, immiqrasiya hicrət hesab edilə bilməz və müsəlman qardaş və
bacılarımız bunu unutmamalıdırlar. F.S.
[9] Cəhənnəm əzabkeşləri.
F.S.
[10] Möminlər nəzərdə tutulur. F.S.
[11] Mənim
“hekayət” kimi çevirdiyim ifadə ayədəki “الْحَدٖيثِ” sözünün
qarşılığı kimi verilmişdir. Lakin ölkəmizdə nəşr olunan bir sıra məlum əsərlərdə
bu istilah – “Söz”, “Kəlmə” kimi çevrilmişdir. Bununla əlaqədar beynəlxalq ensiklopediya
sayılan Wikipediyada “hədis” istilahının həmin formalarını axtarsam da, aşkar
edə bilmədim. Wikipediyadan aşağıdakı nümunəyə baxın (rus dilindədir):
“Хади́с (араб. الحديث) — изречение (кауль),
одобрение (такрир), образ (васфи) или действие (филь)
пророка Мухаммада, сумма которых образует Сунну, являющуюся авторитетной для
всех мусульман и составляющую одну из основ шариата. Хадисы передавались посредством сподвижников
пророка.
Слово «хадис» в переводе с арабского языка буквально означает «новый»,
«беседа», «предание», «рассказ». В исламском богословии изучением хадисов занимается специальная наука — хадисоведение (усуль аль-хадис)”. Gördüyünüz kimi, mütəxəssislərin
tərtib etdiyi və nümunəsini verdiyimiz mənbələrdə “hədisin” - “söz” və ya “kəlmə”
kimi tərcüməsinə təsadüf edilmir. Tərc. F.S.
[12] Ayədəki bu
sözü mən Azərbaycan dilində “bir-birinə bənzər” ifadəsi ilə vermişəm. F.S.
[13] Ayədə əvvəlki
dövrlərdə də Allahın elçilərini (onlara salam olsun!) yalançı sayan kafirlər nəzərdə
tutulur. F.S.
[14] Bu ayədə Fövqəluca Allahın buyurduğu ibrətamiz məsəllərdən biri də
Quranın Qəmər surəsinin 54/7-ci ayəsində verilmişdir: “Hamısı gözlərini həqircəsinə
aşağı dikib, hər tərəfə yayılan çəyirtkələr kimi qəbirlərindən çıxacaqlar”. Bu
ayə ilə Allah kafirlərə Qiyamət günü dirildiləcəklərinin canlı örnəyini misal
çəkir. Həmin gün insanların qəbirlərindən çıxması çəyirtkələrə bənzədilir. Niyə
çəyirtkələrə bənzədilir? Niyə Allah məhz bu örnəyi göstərir? Keçən iyirminci əsrdə
həşəratlar üzərində aparılan elmi müşahidələr bizə bu hikməti dərk etməkdə
yardım göstərir. Hər şeydən öncə qeyd etmək lazımdır ki, çəyirtkə sürüləri həddən
artıq böyük və sıx kütlə halında olur. Milyardlarla çəyirtkə bir yerə
toplaşaraq uzun və geniş miqyaslı qara yağış buludlarına bənzəyir. Bəzən belə
çəyirtkə sürülərinin eninin 3-5 km və qalınlığının bir-neçə metrə çatdığı
alimlər tərəfindən təsbit edilmişdir. Çəyirtkələr yumurtalarını torpağın içinə
yerləşdirirlər və onlar torpağın altında uzun müddət qaldıqdan sonra yer üstünə
çıxırlar. Niyə çıxırlar?...
İndi də, ABŞ-ın Nyu Enqland
bölgəsindəki çəyirtkə sürülərini öyrənən tədqiqatçıların araşdırmalarını
oxucuların nəzərinə çatdırıram. Verilən məlumata görə, o ərazidə tədqiq edilən
çəyirtkələr torpağın altında dünyaya gəlib 17 (on yeddi) il ayrılmadan
yaşadıqdan sonra, yəni onyeddinci ilin may ayında torpaq altındakı qaranlıq
yarıqlardan torpağın üstünə çıxırlar. Tədqiqatçılar yazırlar ki, əgər insanları
qaranlıq bir yerə salaraq, saatsız, xarici aləmlə əlaqə olmadan hətta 17 gün
sonra hamısının eyni vaxtda oradan çıxmalı olduqları onların özlərinə həvalə
edilərsə, əmin olun ki, onların bir çoxu bu 17-günlük müddəti düzgün təyin edə
bilməz. Beləcə də bu dünyadaykən maddi bədəni məzara qoyulmuş insanların
Axirətdə hamının eyni vaxtda yenidən yaradılmasına bundan da gözəl örnək ola
bilərmi?
Qısaca desək, insanlar və çəyirtkələr
torpağın altında uzun müddət qaldıqdan sonra toplu halında yer üzünə
çıxacaqlar.
Fövqəluca və Fövqəlqüdrətli
Allah Quranda belə ibrətamiz məsəllər çəkir. Bu nümunələr üzərində, oxucu
qardaş və bacılar, düşünəriksə, həm Müdrik Allahın çəkdiyi məsəllərin gözəlliyini,
həm də onların vasitəsilə nəyin nəzərdə tutulduğunu anlamağımız mümkün olacaqdır.
Gördüyünüz kimi, iyirminci əsrdə alimlərin aşkar etdiyi çəyirtkə gerçəklikləri
14 əsr bundan öncə Kəramətli Quranda öz əksini tapmışdır. 17 il yer altının
qaranlığında qalan çəyirtgələrin bu həssaslığı, yer üstünə çıxmaq vaxtını belə
dəqiqliklə təyin edə bilməsi bilavasitə çəyirtgələrin xarüqəladə
istedada malik olmalarının deyil, məhz Fövqəlqüdrətli Allahın fəaliyyətinin,
yəni bu möcüzəni yaratması və idarəetməsinin nəticəsidir. Bu isə, öz növbəsində,
Quranın Allahdan nazil edilməsini, Allahın gerçək varlığını, Onun peyğəmbərlərinin
(onlara Allahın salamı olsun!) haqq yolda olduğunu təsdiq edir.
Quranın ən böyük müddəası
və ən əzəmətli xəbəri – Allahın varlığı, Onun varlığının hər şeydən önəmli
olması və Allaha şəriklər qomamağımızdır. (Bax: “Quran Heç Tükənməyən Möcüzə”,
səh. 278-279). F.S.
[15] Burada Qiyamət
günü aparılacaq mübahisə nəzərdə tutulur. F.S.
[16] Yəni az müddət ərzində davam edən ölüm halı və onun özəl formasıdır.
Bu halda insan orqanizminin bir sıra mühüm həyati prosessləri davam edir və bu
kiçik ölüm əsil ölümə çevrilmir. Ölümün ilahi funksiyaları başqa olduğu üçün,
kiçik ölümün – yəni yuxunun da ayrıca funksiyaları vardır ki, bunlardan ən
vacibi – insanın gecə-gündüz ərzində “mənimsədiyi” mənfi yükü – yorğunluğu
aradan qaldırmaq və s. ilahi səbəbləri gerçəkləşdirməkdir. Bu iki ölümün bir
özəlliyini qeyd etməyim yerinə düşərdi. Belə görünür ki, öz qədəri ilə ölməli
insanın ruhunun alınması, ömrü davam edəcək insanın ruhunun alınmasından
prinsipcə fərqlidir. Öləsinin ruhunun alınması həmin anda onun bədənində
deformasiyaların başlanması prosesi ilə müşahidə edilir, yəni, artıq insanın
canı çıxır, nəfəs almır və onun həyat fəaliyyəti göstərən orqanlarının fəaliyyəti
dayanır. Lakin qədərinin hələ sona yetmədiyi insanın isə, yuxusunun nə qədər
uzanmasından asılı olmayaraq, ruhunun bədəndən ayrı olması ilə, onun həyat fəaliyyəti
göstərən orqanları öz funksiyalarını itirmirlər: bədən oksigenlə təmin olunur
(nəfəs alınır), nəfəs tənzim edilir və müvafiq digər orqanlar da fəaliyyət
göstərirlər. Bunu necə izah etmək mümkündür? Məncə, ikinci halda, ruhun bədəndən
ayrılaraq çıxması ilə, onun bədənə qayıtmasınadək olan dövrdə insanın daha
bir fiziopsixi idarəedici orqanının öz ruhu ilə olan əlaqəsi qətiyyən
kəsilməmiş olur və bu onu göstərir ki, yuxu zamanı ruhun çıxması ilə həm
birbaşa, həm dolayısı ilə və həm də məcazi mənada “can” adlandırdığımız həyat
qüvvəsi bədəndən çıxmır və insan, “d i r i” saydığımız bir vəziyyətdə
qalır. İlahiyyat bilicilərinin bu mülahizəyə öz özəl düşüncələrini bildirməsi,
müzakirə məqsədi ilə, arzuolunandır. F.S.
[17] Yəni, şəfaətçiliyi.
F.S.
[18] Rus mətnində:
«Охранная грамота». Adətən, o, dövlət başçıları və ya dini rəhbərlər tərəfində
ayrı-ayrı şəxslərin təhlükəsizliyinin və digər imtiyazlarının təmin edilməsi
üçün onlara verilən xüsusi bir sənəddir. F.S.
[19] Kursiv
mənimdir. F.S.
[20] Kursiv
mənimdir. F.S.
[21] Burada “əzabın
qəflətən gəlişi” nəzərdə tutulur. F.S.
[22] ... həmin
gün... F.S.
[23] İnsanın bir
daha yerə qayıtmaq istəyi nəzərdə tutulur. F.S.
[24] Şakir - şükür
edənin əvəzini verən. F.S.
[25] Yəni,
yaradılmışlar, məxluqdurlar (bu ifadələr – “xəlq edilmişlər” söz birləşməsinin
sinonimləridir). F.S.
[26] Rus mətnində:
“endikdə” («когда спустится») kimi verilmişdir. F.S.
[27] Bu surənin
67-68-ci ayələrindən görünür ki, Qiyamətin başlaması ilə Yer və göylər Fövqəlqüdrətli
Allahın əlləri ilə bükülüb dürmələnəcəkdir. Belə olduğu halda Allahın təzahürü
ilə Yerin işıqlanması halında, bu yerin hansı yer olması ortaya çıxır.
Araşdırmamız nəticəsində aydınlaşdı ki, Yer bükülüb dürmələndikdən sonra “başqa
bir yerə çevrilir...” (İbrahim, 14/48) ki, bu da Məhşər məkanı olacaqdır (“Haqq
dini Quran dili”, Elmalılı Hamdi Yazır, Zümər surəsinin, 39/69-70-ci ayələrinin
təfsiri). Oradaca qeyd olunur ki: “Bir şərəfli hədisdə belə deyilmişdir:
“İnsanlar təmiz ələnmiç un kimi ağ bir yer üstündə dirildilib toplanacaqlar.
Əbu Həyyanın İbn Abbasdan nəql etdiyi başqa bir rəvayətə görə buradakı nuru
Fövqəluca Allah yaradacaq ki, (Məhşəri) işıqlandırsın”. F.S.
Комментариев нет:
Отправить комментарий