\}
LOĞMAN
SURƏSİNİN
ŞƏRHİ
ﭑ ﭒ ﭓ
ﭔ
Mərhəmətli və Rəhmli Allahın adı ilə!
ﭑ ﭒ ﭓ ﭔ ﭕ ﭖ ﭗ
(31. 1) “Əlif. Ləm. Mim”.
(31. 2) “Bu – Hikmətli Kitabın ayələridir”,
Fövqəluca Hikmətli Kitabın ayələrinin
möhtəşəmliyini vurğulayır. Onlar mükəmməldir, Müdrik və Hərşeyibilən Allah tərəfindən
nazil edilmişdir. Onların kamilliyi Quran kəlmələrinin əzəmətində,
paklığında və aydınlığında özünü göstərir və bütün bunlar Səmavi Vəhyin mahiyyətinin
ənginliyini və cazibədarlığını sübut edir. Ayələrin kamilliyi həmçinin onların
hər cür dəyişikliklər və təhriflərdən, artırılma və azaldılmalardan mühafizə
olunması[1]
ilə təzahür etməkdədir. Onların kamilliyi həm də keçmiş və gələcək haqqında
hekayətlərdə özünü büruzə verir və insanlara qeybə məxsus biliklərdən zərrəciklər
açıqlayır. Quran ayələri Kainatda baş verənlərə bütövlükdə uyğun gəlir və Kainatda
baş verənlər də tamamilə Quran ayələrinə müvafiqdir. Onlar Allahın əvvəlki
Kitablarına və əvvəlki elçilərin təlimlərinə zidd deyildir. İnsanın qavrama və
ya məntiqi təfəkkür yolu ilə özü üçün kəşf etdiyi mötəbər biliklərin heç biri
heç vaxt bu ayələrin mənaları ilə ziddiyyət təşkil etməyəcəkdir. Bu vaxtadək
bu baş verməmişdir və bundan sonra da baş verməyəcəkdir.
Ayələrin kamilliyi həmçinin ondadır ki,
onlarda nazil edilən hökmlər insanlara ya mütləq fayda, ya da zərərdən daha
çox fayda gətirir. Eyni zamanda, Quranın haram qıldığı istənilən əməl ya
insanlara mütləq bəla və yaxud faydadan daha çox bədbəxtlik gətirir. Məhz buna
görə Quran hökmləri onların hikmətini və faydasını göstərən izahlarla,
haramlar isə onlara riayət edilmədikdə törəyən zərərin açıqlanması ilə müşayiət
edilir.
Onların kamilliyi – insanları
xeyirxahlığa sövq etməklə və şərdən qorumaqla özünü göstərir. Bu inandırıcı
moizələr xeyirxah qəlbləri doğru yola yönəldir və qəti hərəkətlərə həvəsləndirir.
Onlar həm də öz kamilliyini, Quran hekayətlərinin və hökmlərinin tez-tez təkrarlanmasına
baxmayaraq, eyni zamanda bir-birinə son dərəcə uyğun gəlmələri ilə göstərir.
Onların arasında qətiyyən ziddiyyət yoxdur və ağıllı insan o ayələrin üzərində
nə qədər çox düşünürsə, onlar onu bir o qədər də heyrətə salır. Tam uyğunluq
və ən mükəmməl dəqiqlik bu ayələrin doğrudan da Müdrik və Həmdəlayiq Rəbbin vəhyi
olmasına şübhə etməyə əsas vermir. O (Pak və Müqəddəs) Öz qullarını gözəl əxlaqa
dəvət edir və yaramaz xasiyyətlərdən çəkindirir, lakin insanların əksəriyyəti,
buna baxmayaraq, Allahın Təlimindən imtina edir, dindən üz döndərir və
xeyirxahlıq etmək istəmirlər. Yalnız Fövqəluca Allahın doğru yola yönəltdiyi
və şərdən qoruduğu şəxslər Rəbbə səmimi ibadət edir və Onun məxluqlarına
yaxşılıq göstərirlər.
ﭘ ﭙ ﭚ ﭛ
(31. 3) “xeyirxahlıq edənlər üçün haqq
Təlimat və mərhəmətdir”;
Bu Kəramətli
Kitab saleh insanları doğru yola yönəldir və onları Cəhənnəmə aparan yoldan
qoruyur. Bu Kitabın sayəsində onlar həm dünyada, həm də öldükdən sonra Axirətdə
xoşbəxtlik qazanır və həmçinin böyük nemətə nail edilir, bol mükafata layiq
görülür, azğınlıqdan və bəlalardan qorunurlar.
ﭜ ﭝ ﭞ ﭟ ﭠ ﭡ
ﭢ ﭣ ﭤ ﭥ
(31. 4) “o kəslər üçün ki, onlar namaz
qılır, zəkat verir və Axirət gününə iman gətirirlər”.
Fövqəluca xəbər verir ki, belə insanlar
kamil biliklərə malik olurlar və bu biliklər onları saleh işlər görməyə,
Allahın cəzasından qorxmağa və günahlardan çəkinməyə vadar edir. Allah möminləri
zəhmətkeşlər kimi təsvir edir və onların yerinə yetirdiyi bütün əməllərdən
namazı və zəkatı xüsusilə vurğulayır. Möminlər namazı xüsusi şövq ilə qılır və
Fövqəluca Allaha səmimiyyətlə dua edirlər. Onlar Ona qəlbən, dillə və bədənlərinin
bütün əzaları ilə ibadət edirlər və belə ibadət onlara qalan vəzifələrinin də
öhdəsindən gəlməyə yardım göstərir. Bununla yanaşı onlar sədəqə paylayırlar
ki, bu, insanları yaramaz xasiyyətlərdən təmizləyir və ehtiyacı olan müsəlmanlara
tələbatlarını təmin etməyə imkan yaradır. Onlar Allaha bəslənən məhəbbəti
var-dövlətə olan istəkdən üstün tuturlar və onlar ən çox xoşladıqları şeylərdən,
Allahın mərhəmətini qazanmaq və ən çox arzu edilən mükafata layiq olmaq ümidi
ilə sədəqə paylayırlar.
ﭦ ﭧ ﭨ ﭩ ﭪﭫ
ﭬ ﭭ ﭮ ﭯ
(31. 5) “Onlar öz Rəbbinin haqq
yolundadırlar və xilas olanlar da onlardır”.
Dini biliklər əldə edən və xeyirxah əməllər
işləyən bu möminlər əzəmətli doğru yolun tərəfdarıdırlar. Bu yolun möhtəşəmliyinə
“huda” (“doğru yol”, “haqq təlimat”) sözünün önündə müəyyən önşəkilçinin
olmaması dəlalət edir. Onlar bu yola, onlara arasıkəsilmədən bol nemətlərini əta
edən və onları çətinliklər və bəlalardan qoruyan öz Rəbbinin mərhəməti sayəsində
gələ bilmişlər. Möminlərin öz Rəbbindən aldıqları haqq Təlimat, Onun sevimli
qullarına bəslədiyi xüsusi mərhəmətinin nəticəsidir. Bu – bəxtiyar möminlərin
aldıqları ən yaxşı tərbiyədir və onlara Rəbbin iltifatını qazanmaq, bol
mükafat almaq və Allahın qəzəbindən və sərt cəzasından qorunmaq həm bu dünyada,
həm də Axirət həyatında nəsib olacaqdır. Onlar buna, doğru yolla vaxtında və
ardıcıl olaraq getdiklərinə görə nail olmağı bacaracaqlar, çünki heç bir başqa
yol insanı uğurlu sonuca çatdıra bilməz.
Quranın hökmlərini haqq Təlimat kimi qəbul
edən möminlər barəsində xatırlatmadan sonra Fövqəluca Allah Quran ayələrindən
üz çevirən və onlara heç bir əhəmiyyət verməyənlərdən xəbər verir. Belə
insanlar hökmən cəzalandırılacaqlar, çünki onlar əxlaqsız yalana və
azğınlığa üstünlük vermiş və ən ləyaqətli və ən gözəl rəvayətlərdən imtina
etmişlər. Bax buna görə də daha sonra Fövqəluca belə buyurur:
ﭰ ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ
ﭻ ﭼ ﭽﭾ ﭿ ﮀ ﮁ ﮂ ﮃ
(31. 6) “İnsanların arasında eləsi də
var ki, başqalarını Allahın yolundan biliksizcəsinə sapdırmaq üçün məzəkəli
sözləri satın alır və onları məsxərəyə qoyur. Belələri üçün alçaldıcı əzab
hazırlanmışdır”.
Allah, öz
varidatını insanların qəlbini məşğul edən, onları mühüm məqsədlərdən
yayındıran boş danışıqlara sərf edən hər kəsi unudur və Öz ilahi yardımından
məhrum edir. Bu, insanları küfrə, əxlaqsızlığa və itaətsizliyə sövq edən
qadağan olunmuş bütün danışıqlara, əhəmiyyətsiz söhbətlərə, yalan nitqlərə
və moizələrə aiddir. Bu həm də o kəslərin danışıqlarına aiddir ki, onlar haqqı
inkar etməyə cəhd göstərir və bu məqsədlə uydurma sübutlardan yararlanır,
qardaşlarının ardınca yaramaz sözlər deyir və onlara böhtan atırlar, ətraflarındakıları
aldadır və təhqir edirlər. Bu, həmçinin mahnılara, musiqiyə və habelə,
insanı məşğul edərək, din və dünya həyatı üçün heç bir fayda gətirməyən
bütün şeylərə aiddir.
Belə insanlar ətraflarındakıları
azdırmaq üçün əhəmiyyətsiz sözlər söyləyir və dini söhbətlərdən imtina
edirlər. Bu isə o deməkdir ki, onlar özləri də elə əvvəlcədən düz yoldan
sapmışlar, çünki yalnız özləri yoldan çıxanlar başqalarını da sapdırarlar. Bu
günahkarlar öz faydasız danışıqları ilə insanları yayındırır və onlara faydalı
söhbətlər aparmaqda və xeyirli işlər görməkdə mane olurlar. Onlar insanları
açıq-aydın haqdan uzaqlaşdırır və düz yoldan çıxmağa məcbur edirlər. Lakin
onlar, Quran ayələrinin insanlara açıqladığı haqqı yalanlamağa başlamadan,
qarşılarına qoyduqları məqsədə nail ola bilmirlər. Buna görə, Fövqəluca
Allah buyurur ki, belə insanlar hökmən doğru yolu lağa qoyur, Quran ayələrinə
məsxərə edir və onları təbliğ edənləri ələ salırlar. Onlar yalanı tərifləyir
və insanları ona etiqad etməyə çağırır, haqqı yalanlayır və ona istehza edirlər
və həmçinin haqqın tərəfdarlarına sataşırlar ki, çox vaxt bunun sayəsində həqiqi
biliklərə malik olmayanları yoldan sapdırmağa nail olurlar. Onlar heç özlərinin
də başa düşmədikləri və layiqincə anlamağa qabil olmadıqları yalançı söhbətləri
ilə belə insanları tovlayırlar. Onların Quran ayələrinə lağ eləməsi və mübahisəsiz
haqqa kin bəsləməsinin nəticəsi – alçaldıcı cəza olacaqdır və buna görə Fövqəluca
buyurur:
ﮄ ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﮏ ﮐﮑ ﮒ ﮓ
ﮔ ﮕ
(31. 7) “Ona Bizim ayələrimizi
oxuduqda, o, sanki eşitmirmiş və qulağı karmış kimi, təkəbbürlə üz döndərir.
Onu işgəncəli əzab xəbəri ilə “sevindir!””
Belə bir insana
Quran ayələrini oxuyub, haqqa iman gətirmək və ona itaət etmək təklif
olunduqda, o, belə moizələrdən təkəbbürlə üz döndərir. Quran ayələri onun qəlbinə
girmir və onu düşünməyə yönəltmir və buna görə o, heç vaxt nəsihət eşitməmiş
adam kimi, ayələrdən üz çevirir. Bundan başqa, o, özünü elə aparır ki, sanki
onun kar olması insan nitqini dərk etməkdə ona mane olur. Belə bir adamın doğru
yola gəlməsinə ehtimal yoxdur və buna görə onu kədərləndirəcək və çoxsaylı əziyyətlər
nəsib edəcək xəbəri ona çatdırmaq lazımdır, çünki bu, həm insanın ruhu, həm
də bədəni üçün hədsiz ağrılı-acılı cəzanın ona öncədən xəbər verilməsi
olacaqdır. Bu cəza o dərəcədə əzablı olacaq ki, insanlar onun ağırlığını dəyərləndirməyə
və ya təsəvvür etməyə qadir olmayacaqlar. Məhz bu xəbəri günahkarlara
çatdırmaq lazımdır və bu xəbər necə də xoşagəlməzdir! Möminlərə gəldikdə isə,
Fövqəluca Allah onları Cənnət mükafatı haqqında müjdə ilə sevindirir və belə
buyurur:
ﮖﮗﮘﮙﮚﮛﮜﮝﮞ
(31. 8) “Həqiqətən, iman gətirənlərə və
xeyirxah işlər görənlərə Nəim cənnəti hazırlanmışdır”.
Belə insanlar Allaha həm qəlbən, həm də
bütün varlığı ilə ibadət edirlər, çünki onlar doğru baxışlara etiqad edir və xeyirxah
işlər görürlər. Onlara Bərəkətli bağlar[2]
vəd edilmişdir və bu vəd möminlərin öz əməlləri sayəsində layiq görüldükləri
müjdə və mükafatdır. Bu bərəkətli bağlarda möminlər qəlbən və öz bədənləri ilə
zövq alacaqlar və bu məmnunluq əbədi olacaqdır.
ﮟ ﮠﮡ ﮢ ﮣ ﮤﮥ
ﮦ ﮧ ﮨ ﮩ
(31. 9) “Onların orada əbədi qalması
Allahın haqq vədinə uyğundur və O – Fövqəlqüdrətlidir, Müdrikdir”.
Allah Öz vədini heç vaxt pozmur və dəyişmir,
çünki Fövqəlqüdrətli və Müdrik adı Onun gözəl adları arasındadır. O (Pak və Müqəddəs)
bəzilərini doğru yola yönəldir, digərlərini isə Öz ilahi hidayətindən məhrum
edir, lakin həmişə Öz müdrikliyinə uyğun olaraq fəaliyyət göstərir və bu onu
bildirir ki, Onun fövqəlqüdrəti kamildir, İlahi müdrikliyi isə qüsursuzdur.
ﮪ ﮫ ﮬ ﮭ ﮮﮯ
ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜﯝ ﯞ ﯟ ﯠ ﯡ ﯢ ﯣ ﯤ ﯥ ﯦ ﯧ ﯨ
(31. 10) “O, göyləri görə biləcəyiniz
dayaqlarsız yaratdı və Yerdə sarsılmaz dağlar ucaltdı ki, o, sizinlə birlikdə
yırğalanmasın və onun üzərində hər növ heyvanlar yerləşdirdi və Biz göydən
su nazil etdik və orada hər növ faydalı və xoşagələn cütlər yetişdirdik”.
Fövqəluca qullarına Özünün hüdudsuz fövqəlqüdrətinin,
hikmətinin və mərhəmətinin dəlilləri olan məxluqlarını xatırladır. Bu məxluqlar
yeddi nəhəng, əzəmətli, qüdrətli və yüksək səmadan ibarətdir ki, hər hansı
bir dayaqsız ucaldılmışlar. Əgər səmalar dayaqlara söykəndirilsəydi, insanlar
onları hökmən görərdilər. Lakin bu dirəklər mövcud deyil, çünki Fövqəluca
Allah göyləri Öz fövqəlqüdrəti sayəsində saxlayır. Allah onlarla yanaşı
üstündə dağları ucaltdığı yer kürəsini yaratmışdır. Bu qüdrətli istehkamlar
yer üzünün hər bir guşəsində ucaldılmışdır və yerin titrəməsinə və yırğalanmasına
imkan vermir. Əgər onlar olmasaydı, canlı məxluqlar yer üzündə yaşaya bilməzdilər.
Allah həmçinin yerin geniş ərazilərinə müxtəlif heyvan növləri yerləşdirmişdir.
Onlar Adəmin (ə) nəsillərinə tabe etdirilmiş və insanlara saysız-hesabsız
fayda gətirirlər. Lakin Fövqəluca Rəbb bilirdi ki, məxluqlar yer üzündə
ruzisiz yaşaya bilməzlər və buna görə O (Pak və Müqəddəs), səmadan bərəkətli
su nazil etmişdir ki, onun sayəsində də yerdə hər növ faydalı və xoşagələn
bitkilər yetişdirilmişdir. Bu bitkilər canlı məxluqların istifadəsi üçün
qidadır və onlara çox böyük fayda verir.
ﯩ ﯪ ﯫ ﯬ ﯭ ﯮ ﯯ ﯰ ﯱﯲ ﯳ ﯴ
ﯵ ﯶ ﯷ ﯸ
(31. 11) “Bu, Allahın yaratdıqlarıdır!
Siz də Mənə bütün qalanların yaratdıqlarını göstərin! Yox! Zalımlar
açıq-aşkar zəlalətdədirlər”.
Yer və səma aləmləri, canlı və cansız məxluqlar
və həmçinin göylərdən nazil edilən ruzi – Şərikiolmayan Vahid Allahın
yaratdıqlarıdır. Ey müşriklər! Bu haqqı bütün məxluqlar və hətta siz də etiraf
edirsiniz. Göstərin görək, sizin Allahla yanaşı, uydurub, sonra ibadət
etdiyiniz “ilahlar” nə yaradıblar? Siz onlara dua ilə yalvarır və ibadət
edirsiniz, bu isə o deməkdir ki, onlar xəlq edən və ruziverən olmalıdırlar. Əgər
onlar doğrudan da belədirlərsə, onda öz dəlillərini təqdim etsinlər və
sübuta yetirsinlər ki, onların “allahları” doğrudan da ibadətə layiqdirlər.
Heç şübhə yoxdur ki, müşriklər öz
uydurduqları “ilahların” yaratdıqlarını göstərə bilməyəcəklər, çünki bütün məxluqlar
onların Kainatın Vahid Xaliqi – Allah tərəfindən yaradıldıqlarına dəlalət edirlər.
Bütün deyilənlərdən belə çıxır ki, müşriklər elə sifətlər tanımırlar ki,
onların sayəsində “ilahları” ibadətə və ilahlaşdırılmağa layiq olsunlar. Onlar
öz “ilahlarına”, heç bir aydın biliyə və sağlam təfəkkürə əsaslanmadan ibadət
edirlər. Bundan başqa, onlar öz cahillikləri və azğın baxışlarına istinad
edirlər və buna görə Fövqəluca Allah xəbər verir ki, bu fasiqlər açıq-aşkar
azğınlıq içindədirlər. Onların doğru yoldan azmış olması şübhə doğurmur, çünki
onlar fayda verməyə və zərər vurmağa qabil olmayan məxluqlara ibadət edirlər
ki, onlar nə həyata, nə ölümə və nə də dirilməyə sərəncam çəkə bilmirlər.
Müşriklər bu davranışları ilə məxluqları yaradan, onlara ruzi əta edən və
Kainatın bütün işlərini idarəsi altında saxlayan Allaha səmimi ibadətdən boyun
qaçırırlar.
ﭑ ﭒ ﭓ ﭔ ﭕ ﭖ
ﭗﭘ ﭙ ﭚ ﭛ ﭜ ﭝﭞ ﭟ ﭠ ﭡ ﭢ ﭣ ﭤ ﭥ
(31. 12) “And olsun ki, Biz Loğmana
hikmət verib buyurduq: “Allaha şükür et! Şükür edən bunu yalnız öz xeyri
üçün etmiş olur. Kim naşükürlük edərsə, bilsin ki, Allah – Zəngindir, Həmdəlayiqdir”.
Fövqəluca ayədə əməlisaleh qulu Loğmana
göstərdiyi Öz mərhəməti haqqında xəbər verir. O (Pak və Müqəddəs), ona hikmət,
yəni, əşyalar haqqında düzgün təsəvvürlər, Allahın qanunları və həmçinin
onlarda olan sirr və hikmətlər bəxş edir. Çox vaxt insanlar bilikli olsalar
da, hikmətdən məhrum olurlar. Lakin müdrik olmaqdan ötrü həm biliklərə nail
olmaq, həm də onları işdə istifadə etməyi bacarmaq lazımdır. Məhz buna görə,
müdriklik dedikdə, çox vaxt, faydalı bilik və saleh əməllər nəzərdə tutulur.
Fövqəluca Allah Öz iltifatını Loğmana
göstərib, ona bu böyük nemətini əta etdikdə, ona əmr olunmuşdu ki, bol
mükafata görə Allaha şükür etsin və vəd edilmişdi ki, belə etsə, Allah onun
mükafatını daha da artıracaq və onu daha geniş mərhəməti ilə əhatə edəcəkdir.
Allah xəbər verir ki, təşəkkür və minnətdarlıq insanlara fayda verdiyi halda,
imansızlıq və naşükürlük ağır yük kimi onların üstünə düşür. Allah Özünün
naşükür qullarına möhtac deyil və itaətsizlik göstərənlərə belə bir tale
qismət etdiyinə görə hər cür tərifə layiqdir. Zənginliyi və özünəbəsliyinin
kamilliyi Allahın varlığına məxsus sifətlərin ən ayrılmaz tərkib hissəsidir.
O (Pak və Müqəddəs) Öz kamil sifətləri və gözəl əməllərinə görə tərifə layiqdir
və bu da Allahın varlığının ayrılmaz sifətlərindəndir. Bu sifətlərin hər biri
kamillik sifətidir və onlar birlikdə xatırlandıqda, bir kamillik digərinə əlavə
olunur[3].
ﭦ ﭧ ﭨ ﭩ ﭪ ﭫ
ﭬ ﭭ ﭮ ﭯﭰ ﭱ ﭲ ﭳ ﭴ ﭵ
(31. 13) “Bir dəfə
Loğman oğluna nəsihətlə dedi: “Ey oğlum! Allaha şərik qoşma! Həqiqətən,
müşriklik – böyük zalımlıqdır”.
Quran şərhçiləri Loğmanın peyğəmbər və
ya əməlisaleh qul olması məsələsində müxtəlif rəylər söyləmişlər. Fövqəluca
Allah ona yalnız hikmət əta etdiyini və onun öz oğluna nəsihət verdiyini bizə
bildirmişdir. Nəsihət – hökm və qadağalardan ibarət olan sövq etmə və çəkindirmə
deməkdir. Müdrik Loğmanın nəsihətlərində müdrikliyin əsas müddəaları və
başlıca prinsipləri öz əksini tapmışdır. O, öz oğluna tapşırır ki, səmimiyyətlə
yalnız Allaha ibadət etsin və onu müşriklikdən çəkindirir, sonra isə, bunun səbəblərini
ona izah edir və müşrikliyi ən böyük zalımlıq adlandırır. Bütpərəstlik və
müşriklik, həqiqətən də, ən böyük zalımlıqdır, çünki bu dünyada bundan da
daha dəhşətli və yaramaz əməl yoxdur. Necə ola bilər ki, torpaqdan əmələ gəlmiş
bir məxluqu bütün varlıqların Padişahına bənzədəsən? Necə ola bilər ki,
hakimiyyətdən büsbütün məhrum olan qulları, Kainatın bütün işlərini idarə edən
Hökmdara bənzədəsən? Necə ola bilər ki, hər an köməyə və yardıma möhtac olan
qeyri-kamil məxluqları, qüsursuz və heç nəyə ehtiyacı olmayan Rəbbə bənzədəsən?
Necə ola bilər ki, mərhəməti sayəsində insanların can və bədən əldə etdikləri,
dinə etiqad bəslədikləri, öz maddi yaşayışlarını sahmana saldıqları, Axirət
naminə çalışdıqları və şərdən çəkindikləri Fövqəluca Rəbbi, azacıq da olsa
xeyir verməyə qadir olmayana bərabər tutasan?! Məgər bundan da böyük zalımlıqmı
olar?!! Allahın yalnız Özünə səmimi ibadət etmək üçün yaratdığı insanın öz nəcib
ruhunu məhvə məhkum etməsindən və dəyərsiz məxluqlara ibadət və özünə pislik
etməyə qədər alçalmasından da böyük bir bəla ola bilərmi?!
Rəbbin qarşısında müşriklikdən əl çəkməyin
insanın ən vacib vəzifələrindən biri olduğunu və bunun yerinə yetirilməsi
üçün insanların tövhidə qəti etiqad etməli olmalarını xatırlatdıqdan sonra,
Fövqəluca Öz qullarından valideynləri qarşısında öz vəzifələrini yerinə yetirmək
tələbini qoyaraq belə buyurur:
ﭶ ﭷ ﭸ ﭹ ﭺ ﭻ
ﭼ ﭽ ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ
(31. 14) “Biz insana ata-anasına
baxmağı tapşırdıq. Anası onu zəifləyə-zəifləyə daşımışdır. O, südündən iki ilə
kəsilir. Mənə şükür et, valideynlərinə də, çünki qayıdışın Mənədir”.
Allah insana öz valideynlərinə yaxşı
münasibət bəsləməyi tapşırmışdır və onun bu tapşırığı necə yerinə yetirdiyini
ondan mütləq soruşacaqdır. İnsan Allaha minnətdarlığını bildirməli, Ona ibadət
etməli, Onun qarşısında vəzifələrini yerinə yetirməli və Allahın nemətlərini
günah törətmək üçün istifadə etməməlidir. Bununla yanaşı ona valideynlərinə
ehtiramla yanaşması, onlarla mülayim və ədəblə danışması, onlara xeyirxahlıq
etməsi, qarşılarında özünü itaətkarlıqla aparması, onlara hörmət bəsləməsi,
yardım göstərməsi və onları narahat edə bilən hər hansı hərəkət və sözlərdən hər
vasitə ilə çəkinməsi əmr edilmişdir.
Allah insana məhz belə davranmaq
hökmünü vermiş və bildirmişdir ki, insan, bu hökmü ona Naziledən və ona bu vəzifəni
Həvaləedən Allahın dərgahına mütləq qayıdacaqdır. Onda Allah Öz qulundan
soruşacaq: “Sən bu tapşırığıma riayət etdinmi? Əgər sən ona riayət etmisənsə,
mütləq bol mükafat alacaqsan. Əgər sən onu pozmusansa, onda əzab-əziyyətli cəzaya
məruz qoyulacaqsan”.
İnsana valideynlərinə
ehtiramla yanaşmasının vacibliyinin səbəblərindən bəhs edərək, Fövqəluca
Allah xatırladır ki, ana uşağını öz bətnində daşıyaraq, zəiflik ardınca zəiflik
hiss edir. Hamilə olduğu andan qadın tələbkar, nasaz, zəif olur və
ağırlaşır. Sonra qadına çox güclü ağrılar verən doğuş sancıları başlayır.
Uşaq doğulduqdan sonra ana onun qayğısını çəkir, onu tərbiyə edir və hələ
iki il ərzində də əmizdirir. Məgər insan, öz körpəsinin xatirinə bu qədər
çətinliklərə qatlaşan və həm də eyni vaxtda ona qarşı ən güclü məhəbbət bəsləyən
anasına yaxşı münasibət bəsləməməlidirmi?
ﮈ ﮉ ﮊ ﮋ ﮌ ﮍ
ﮎ ﮏ ﮐ ﮑ ﮒ ﮓ ﮔﮕ ﮖ ﮗ ﮘ ﮙﮚ ﮛ ﮜ ﮝ ﮞ ﮟﮠ ﮡ ﮢ ﮣ ﮤ ﮥ ﮦ ﮧ ﮨ
(31. 15) “Əgər onlar səni Mənə, barələrində
biliyin olmayan şəriklər qoşmağa məcbur etsələr, onda onlara tabe olma, amma
onlarla dünyada yaxşı dolan və Mənə üz tutanların yoluna tabe ol. Sonra siz Mənə
qaytarılacaqsınız və sizə nə etdiklərinizi xəbər verəcəyəm”.
Valideynlərinə hörmət et! Onlara,
yalnız insanı Allaha şərik qoşmağa çağırdıqları halda itaət etmək olmaz. Bu
məsələdə valideynlərə itaətsizlik göstərmək onlara hörmətsizlik etmək deyildir,
çünki insanın Allah qarşısındakı vəzifələri, onun istənilən məxluqlar
qarşısındakı vəzifələrindən daha vacibdir. Xaliqə itaətsizlik etməklə məxluqa
itaət olunmaz!
Fövqəluca, övladlarını bütpərəstliyə və
müşrikliyə çağırmayan valideynlərə hörmətsizlik göstərməyi əmr etməmişdir.
O (Pak və Müqəddəs), yalnız övladlarını günah işlətməyə yönəldən valideynlərə
bu məsələdə itaət etməməyi buyurmuşdur. Lakin hətta bu halda da övlad valideyninə
qarşı xoşrəftar olmalıdır, amma onlar onu kafirliyə və ya Allaha itaətsizliyə
yönəltməyə cəhd göstərdikdə, onlara tabe olmamalıdır. İnsan təkcə Allaha, Onun
mələklərinə, Onun Kitablarına, Onun elçilərinə iman gətirənlərin, Rəbbinə müti
olanların və Ona tərəf dönənlərin yolu ilə getməlidir. Bu yolla getmək və
Allaha tərəf dönmək üçün insan qəlbən Rəbbinə can atmalı və onu Allaha
yaxınlaşmağa kömək edən işlər görməli və Onun mərhəmətini qazanmalıdır.
Hər bir insan onun itaətkar müsəlman və
ya günahkar olmasından asılı olmayaraq, mütləq Allaha qayıdacaqdır və onda
onun bütün etdikləri əməllər haqqında ona xəbər veriləcəkdir. O, imanına görə və
ya kafirliyinə görə əvəz alacaqdır, həmçinin etdiyi xeyirxahlıqlara və günah əməllərə
görə də əvəz alacaqdır və insanın heç bir əməli Allahdan gizli qalmayacaqdır.
Daha sonra Fövqəluca Allah müdrik
Loğmanın dedikləri barədə xəbər verir:
ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ
ﯕ ﯖ ﯗ ﯘ ﯙ ﯚ ﯛ ﯜ ﯝﯞ ﯟ ﯠ ﯡ ﯢ ﯣ
(31. 16) “Ey oğlum! Əgər bir şey xardal
toxumu ağırlığında qayaların içində və ya göylərdə, ya da yerdə olsa da,
Allah onu aşkar edər. Həqiqətən, Allah – İncəlikləribiləndir, Xəbərdarolandır”.
Xardal toxumu ən kiçik və dəyərsiz məxluqlardandır.
Amma hətta belə bir məxluq da Allahdan gizlənə bilməz, çünki Allahın elmi
hüdudsuzdur, Onun fövqəlqüdrəti isə mükəmməldir. Xeyirxah, İncəlikləribilən
və Xəbərdarolan adları – Onun gözəl adlarındandır. Onun elmi o dərəcədə kamil
və qüsursuzdur ki, onlar məxluqların, okeanların və səhraların bütün qeybə aid
sirrlərini əhatə edir. Bu isə o deməkdir ki, insan Allahın onu müşahidə
etdiyini yadda saxlamalı, öz Rəbbinə itaət etməli və bütün böyük və kiçik
günahlardan çəkinməlidir.
ﯤ ﯥ ﯦ ﯧ ﯨ ﯩ ﯪ ﯫ ﯬ ﯭ ﯮ
ﯯﯰ ﯱ ﯲ ﯳ ﯴ ﯵ ﯶ
(31. 17) “Ey oğlum! Namaz qıl, yaxşı
işlər görməyi buyur, qınanılanları qadağan et və qarşına çıxan çətinliklərə səbirlə
yanaş. Həqiqətən, qətiyyət – bu işlərdədir”.
Loğman oğlunu namaz qılmağa çağırır və
bunu qalan xeyirxah əməllərin arasında xüsusilə fərqləndirir, çünki namaz
ibadətin ən böyük ayinidir və müsəlmanlar onu bədən hərəkətləri ilə yerinə
yetirirlər. O, oğluna həmçinin insanları bəyənilən işlər görməyə dəvət etməyi
və onları qınanılan əməllərdən çəkindirməyi tapşırır. Bunun üçün müsəlman bəyənilən
və qınanılan əməllər haqqında biliyə malik olmalıdır, çünki yalnız bu halda
o, insanları xeyirli işlərə çağıra və onları şərdən uzaqlaşdırmağa nail ola
bilər. Təbliğatçı biliklərlə yanaşı xeyirxah xasiyyətə, səbirə malik olmalıdır
və buna görə Loğman oğluna tapşırır ki, istənilən çətinliklərə və xoşagəlməz
hallara səbirlə dözsün. Belə səbirlilik dəvətçidən tələb edir ki, o, ətrafındakıları
dəvət etdiyi şeyi əvvəlcə özü yerinə yetirsin və insanları çəkindirdiyi şeylərdən
özü uzaq dursun. Bu hökmləri yerinə yetirərək, insan nəinki özü doğru yola gəlir,
çünki o, yaxşı işlər görür və bəd işlərdən çəkinir, habelə başqalarına da bu
yola gəlməyə kömək edir, onları yaxşılıq etməyə və şərdən çəkinməyə çağırır.
Loğman çox yaxşı
bilirdi ki, haqqa və xeyirə dəvət edəni çətinliklər və sınaqlar gözləyir.
Ətrafdakıları bəyənilənə dəvət etmək və onları qınanılandan çəkindirmək çox
ağır işdir. Məhz buna görə o, öz oğluna tapşırır ki, layiqincə səbirlilik
göstərsin və onun tapşırıqlarını lazımi qətiyyətlə icra etsin. Doğrudan da,
bu nəsihətlər onlara diqqətlə yanaşılmasını tələb edir və onları yalnız qətiyyətə
malik olan şəxslər layiqincə yerinə yetirməyə nail olurlar.
ﯷ ﯸ ﯹ ﯺ ﯻ ﯼ ﯽ ﯾ ﯿﰀ ﰁ ﰂ
ﰃ ﰄ ﰅ ﰆ ﰇ ﰈ
(31. 18) “Təkəbbürlük edərək
insanlardan üzünü çevirmə və yer üzündə təşəxxüslə gəzmə. Həqiqətən, Allah istənilən
lovğanı və özünü öyəni sevmir”.
Təkəbbürlə və ətrafındakılara nifrətlə üzünü
turşudub, insanlardan üz döndərmə. Yer üzündə təşəxxüslə gəzib-dolaşaraq, öz
zənginliyinlə lovğalanaraq, Xeyirxahını unutma! Özündənrazı və özünü öyən
olma, çünki Allah ürəklərində insanlara kibirlə yanaşan və insanlara öz təkəbbürünü
zahiri görkəmi ilə büruzə verən və təkəbbürünü sözlə ifadə edən lovğaları və
özünü tərifləyənləri sevmir.
ﰉ ﰊ ﰋ ﰌ ﰍ ﰎﰏ ﰐ ﰑ ﰒ ﰓ ﰔ
ﰕ
(31. 19) “Sakit yerişlə yeri və səsini
alçalt, çünki ən xoşagəlməz səs, həqiqətən, eşşəyin səsidir”.
Təvazökar və sakit addımlarla yeri.
Lovğa təkəbbürlülər və ya qayğısız sadəlövhlər kimi addımlama. Səsini
qaldırma, insanlara hörmət göstər və Allaha ehtiram bəslə. Həqiqətən, ən xoşagəlməz
və çirkin səs – eşşək anqırtısıdır. Əgər uca səs faydalı olsaydı, o, axmaqlığı
və rəzilliyi ilə tanınan uzunqulağı səciyyələndirən əlamət sayılmazdı.
Müdrik Loğmanın oğluna verdiyi nəsihətlər
özündə ən mühüm dini hökmləri ehtiva edir ki, bunlardan da bir çox digər nəticələr
çıxır. İstənilən dini nəsihətlər Loğmanın oğluna verdiyi tapşırıqları ilə
bağlıdır, çünki onlar müsəlmanlara yaxşılıq etməyi və şərdən çəkinməyi öyrədir.
Bütün bunlar bizim bundan öncə bəyan etdiklərimizi təsdiq etməklə göstərir ki,
müdriklik – dini hökmlərdən və onların faydası haqqında biliklərdən ibarətdir.
Məhz buna görə, müdrik Löğman dinin əsasını təşkil edən tovhid əqidəsinə etiqad
göstərilməsini və Allaha şərik qoşulmasının haram olduğunu əmr edir və açıqlama
verir ki, insanları bütpərəstlikdən və müşriklikdən nələr çəkindirə bilər. O,
həmçinin valideynlərə yaxşılıq göstərməyi əmr edir və insanın valideynləri ilə
hörmətlə davranmalı olmasının səbəbini də izah edir. O, həmçinin Allaha şükür
etməyi və valideynlərə minnətdarlıq bildirməyi əmr edir, lakin xüsusilə
vurğulayır ki, ancaq valideynlər övladlarını Allaha şərik qoşmağa
çağırmadıqları halda onlara itaət edilməlidir. Əgər onlar insanı Allaha şərik
qomağa məcbur edirlərsə, onda o, onlara tabe olmamalı, lakin buna baxmayaraq,
onlara hörmət və yaxşılıq göstərməkdə davam etməlidir. Loğman həmçinin əmr
edir ki, Allahın öz qullarını müşahidə etdiyini və insanların öz Rəbbi
qarşısında dayanacağını və etdikləri ən kiçik və ən böyük yaxşı və pis əməllərə
görə əvəz alacaqlarını unutmasınlar. O, lovğalıq və təkəbbür göstərməyi də
qadağan etmiş və təvazökarlığa riayət etməyi buyurmuşdur. O, həm yeriyərkən, həm
də danışarkən asta davranmağı və təvazökarlığa riayət etməyi buyurmuş və bu
gözəl nəsihəti pozmağı qadağan etmişdir. O, insanları bəyəniləni yerinə yetirməyə
dəvət etməyi və qınanılandan çəkindirməyi, namaz qılmağı və hətta ən ağır
hökmlərin icrasını insan üçün asanlaşdıran səbirliliyi nəsihət etmişdir. Məhz
buna görə Fövqəluca buyurur: “Səbir və namaz ilə yardım diləyin...” (Bəqərə,
2/45). Loğmanın nəsihətlərinə gəldikdə isə, onlar onun, doğrudan da, müdrik
adlandırılmağa layiq olduğunu təsdiq edir. Fövqəluca Allah Öz mərhəməti sayəsində
qullarına onun müdrikliyi haqqında ona görə xəbər vermişdir ki, insanlar
Loğmanın gözəl nümunəsinin davamçıları olsunlar.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛ ﭜ ﭝ ﭞ ﭟ ﭠ ﭡ ﭢ ﭣﭤﭥﭦ ﭧ ﭨ ﭩ
ﭪ ﭫ ﭬ ﭭ ﭮ ﭯ ﭰ
(31. 20) “Məgər siz görmürsünüz ki,
Allah göylərdə olanları da, yerdə olanları da sizə tabe etmiş və sizə Özünün
bütün aşkar və gözəgörünməz nemətlərini bağışlamışdır? Lakin insanlar
arasında eləsi də var ki, heç bir biliyi, gerçək Təlimatı, nurlandırıcı Kitabı
olmadan Allah barədə mübahisə edir”.
Fövqəluca
insanlara Özünün onlara olan mərhəmətini xatırladır və onları öz Rəbbinə
Onun xeyirxahlığına görə minnətdarlıq etməyə, Onun bol nemətləri üzərində
düşünməyə və onları unutmamağa dəvət edir. İnsanlar görür və bilirlər ki,
günəş, ay və ulduzlar, eyni ilə heyvanlar, ağaclar, taxıl, çaylar, mədənlər və
bir çox başqa şeylər də onlara hədsiz fayda verir. Fövqəluca buyurur: “O –
yer üzündə olan hər şeyi sizin üçün Yaradandır...” (Bəqərə, 2/29). O (Pak
və Müqəddəs), insanları Özünün aşkar və gözlə görünməyən nemətləri ilə himayə
edir, onlardan bəziləri insanlara məlumdur, bəziləri isə məlum deyildir. O (Pak
və Müqəddəs), onlara maddi nemətlər və haqq din əta etmişdir, onlara uğur
qazanmağa və uğursuzluqlardan qurtulmağa kömək edir. Bu isə, insanların
Allaha, Onun xeyirxahlığına görə, şükür etmələrini, Onu səmimiyətlə sevmələrini,
Onun qarşısında müti olmalarını və Allahın bəxş etdiyi nemətləri Ona
yaxınlaşmaq məqsədilə və Ona itaətsizlik göstərməmələri üçün istifadə etmələrini
ehtiva edir.
Lakin Allahın çoxsaylı nemətlərinə baxmayaraq,
insanlar arasında elələri olur ki, onlar Ona şükür etməkdən boyun qaçırır və
küfrə etiqad etməyi üstün tuturlar. Onlar Allahın nazil etdiyi Kitabları və
elçiləri ilə göndərdiyi haqqı danırlar. Onlar Allah barədə mübahisə edir,
öz yalançı baxışlarını müdafiə etməyə və Elçinin (ona Allahın salavatı və
salamı olsun!) bir olan Allaha çağırışlarını inkar etməyə cəhd göstərirlər.
Lakin onlar bu barədə heç bir biliyə malik deyillər və öz baxışlarını aydın
biliklər əsasında qurmağa çalışmırlar. Onlar haqq Təlimatdan da məhrumdurlar,
halbuki onun əsasında möminlərin yolu ilə gedə bilərdilər. Onların haqqı izah
edən və onu öz nuru ilə işıqlandıran bir Kitabı da yoxdur. Buna görə onlar
Allah haqqında mübahisə edərək, kor-koranə doğru yolla getməyən və azğınlıq
zülmətində dolaşan və başqa adamları da azdıran ata-babalarının yoluna istinad
edirlər.
ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ
ﭼ ﭽ ﭾﭿ ﮀ ﮁ ﮂ ﮃ ﮄ ﮅ ﮆ ﮇ
(31. 21) “Onlara deyiləndə ki: “Allahın
nazil etdiyinə itaət edin!” – belə deyirlər: “Heç vaxt! Biz atalarımızın tabe
olduqlarına itaət edəcəyik”. Bəs onda şeytan onları Od içində əzab-əziyyətə
çağırsa necə?”
Onları elçilərin dəvət etdikləri və təkzibolunmaz
dəlillərlə təsdiq olunan haqqa tabe olmağa çağırdıqda, onlar ondan üz döndərir
və deyirlər: “Bizi atalarımızın yolundan əl çəkməyə kim çağırırsa çağırsın,
biz bunu etmərik”. Bu günahkarların baxışlarını təkzib edərək, Fövqəluca Allah
bildirir ki, şeytan onların ata-babalarını od içində cəzaya çağırmışdı və onlar
da onun çağırışına cavab vermiş, onun ardınca getmiş və şeytanın şagirdlərinə
çevrilmişdilər. İnsanlar yolunu azmış atalarının ardınca getməlidirlərmi?
Ya da onlar bu yoldan çəkinməli və onların azmışlığını, onların
ardıcıllarının azmışlığını ifşa etməlidirlər?
Şeytan, onların
yolunu azmış atalarını və babalarını öz yoluna, onları sevdiyinə və onlara
yaxşılıq arzuladığına görə dəvət etmirdi. Əksinə, şeytan onlara qarşı ən
böyük düşmənçilik və nifrət bəsləyirdi. Həqiqətən də, şeytanın ardıcılları
onun onların üzərində qələbə çalmağa nail olduğu barışmaz düşmənləridir. Onlar
şeytanın çağırışına cavab verirlər və o, tərəfdarlarının özlərini Cəhənnəmdə
cəzalandırılmaya necə məhkum etdiklərindən həzz alır.
ﮈ ﮉ ﮊ ﮋ ﮌ ﮍ
ﮎ ﮏ ﮐ ﮑ ﮒ ﮓﮔ ﮕ ﮖ ﮗ ﮘ ﮙ
(31. 22) “Kim ki, yaxşılıq etməklə
üzünü Allaha təslim edir, o, etibarlı bir dəstəkdən yapışmışdır, işlərin həlli
isə Allaha məxsusdur”.
İnsan üzünü Allaha tutaraq, Onun
qarşısında təslim olur, Onun dininin hökmlərini yerinə yetirir, əməlisaleh
baxışlara səmimiyyətlə etiqad edir, Elçinin (ona Allahın salavatı və salamı
olsun!) hökmlərinə tam uyğun olaraq xeyirxah işlər görür. İnsan üzünü
Allaha tutaraq, Ona, sanki Onu görürmüş kimi, ibadət edir və hətta o, Onu
görmürsə də, axı Allah onu görür! Üzünü Allaha tutaraq o, Onun qarşısında öz
vəzifələrini yerinə yetirir, ətrafdakılara yaxşılıqlar edir və onların
qarşısında da öz vəzifələrini yerinə yetirir.
Bu şərhlər doğrudur və əgər bir sıra
leksik fərqlər nəzərə alınmazsa, onda, demək olar ki, onların arasında əhəmiyyətli
ixtilaf yoxdur, çünki onların hər biri dinin bütün tələblərinin layiqincə
yerinə yetirilməsini nəzərdə tutur ki, binların hər biri Allah tərəfindən qəbul
olunsun. Kim beləcə davranmış olarsa, o, etibarlı bir dəstəkdən yapışmışdır,
xilas olmağı, həlak olmaqdan qaçınmağı və tam uğura nail olmağı bacaracaqdır.
Kim ki, üzünü Allaha çevirmir və yaxşılıq etmir, o, etibarlı bir dəstəkdən
yapışa bilməyəcəkdir. Bu isə o deməkdir ki, belə bir insan məhvə və əzab-əziyyətə
məhkumdur. Bütün əməllər Allaha qayıdacaq və O (Pak və Müqəddəs), hər bir
quluna hökm çıxaracaqdır. İnsanlar öz əməllərinə görə mütləq əvəz alacaqlar və
əməllərinin nəticələrini biləcəklər və buna görə onlar Hesablaşma və Əvəzalma
Gününə hazırlaşmalıdırlar.
ﮚ ﮛ ﮜ ﮝ ﮞﮟ ﮠ ﮡ ﮢ ﮣ ﮤﮥ
ﮦ ﮧ ﮨ ﮩ ﮪ ﮫ
(31. 23) “Qoy iman gətirməyənin küfrü səni
kədərləndirməsin. Onlar Bizə qaytarılacaqlar və Biz onlara törətdikləri əməllərini
xəbər verəcəyik. Həqiqətən, Allah kökslərdə olanı Biləndir”.
Bəzi insanların iman gətirməkdən imtina
etmələrindən kədərlənmə, çünki sənə yalnız İslamı təbliğ etmək və haqqı insanlara
çatdırmaq vəzifəsi həvalə edilmişdir. Sən öz vəzifənin öhdəsindən gəlmisən və
hətta insanlardan bəziləri doğru yola gəlməkdən boyun qaçırsalar da belə, sən
Allahdan mükafatını alacaqsan. Onların kafir qalması kədərlənməyin üçün səbəb
ola bilməz, çünki əgər onlarda xeyirxahlıq olsaydı, Allah onları mütləq
düzgün yola gətirərdi[4].
Onların səninlə düşmənçilik və mübahisə etməyə cəsarət göstərməsinə və küfr
və azğınlıq zülmətində dolaşmaqda davam etməklərinə görə də kədərlənmə.
Onlardan indiyə qədər ədalətli intiqam alınmadığına görə, özün qisas almaq
istəyi ilə alovlanma! Onların hər biri mütləq Allaha qaytarılacaqdır və onda
Fövqəluca Rəbb onlara kafirlikləri, haqqa düşmən münasibətləri, Allahın nurunu
söndürmək arzuları və onların Allahın elçilərinə (onlara Allahın salamı olsun!)
verdikləri əziyyət haqqında xəbər verəcəkdir. Həqiqətən, Allah insanların
köksündə gizlədilənləri və onların dillərinə gətirmədiklərini Biləndir. Belə
olduqda, onda insanların açıq danışdıqları və törətdikləri əməlləri haqqında
söz söyləməyə heç ehtiyac qalmır.
ﮬ ﮭ ﮮ ﮯ ﮰ ﮱ ﯓ ﯔ
(31. 24) “Biz onları bir az
yararlandıracağıq, sonra isə çox mürəkkəb əzablara düçar edəcəyik”.
Biz onlara dünya nemətlərindan istifadə
etməyə imkan verəcəyik ki, onlar daha çox günah törətsinlər və daha dəhşətli cəzaya
layiq olsunlar, sonra da onlar mütləq Cəhənnəmə atılacaqlar. Orada onları işgəncəli
əzab-əziyyət və hədsiz dəhşət gözləyir.
ﯕ ﯖ ﯗ ﯘ ﯙ ﯚ
ﯛ ﯜﯝ ﯞ ﯟ ﯠﯡ ﯢ ﯣ ﯤ ﯥ ﯦ
(31. 25) “Əgər onlardan soruşsan ki:
“Göyləri və yeri kim xəlq etmişdir?” – mütləq deyəcəklər: “Allah”. De: “Həmd
olsun Allaha!” Lakin onların əksəriyyəti bilmir”.
Allaha şərik qoşan və haqqı inkar edən
müşriklər etiraf edirlər ki, Allah – yerin və göylərin Vahid Xaliqidir. Onlar
çox yaxşı bilirlər ki, bütlər və daş heykəllər xəlq etməyə qətiyyən qadir
deyillər. Buna görə O (Pak və Müqəddəs), Peyğəmbərinə (ona Allahın salavatı və
salamı olsun!) əmr edir ki, Rəbbinə həmd etsin və müşriklərin inkar etdikləri
haqqı onların qəbul etdiyi dəlillər vasitəsilə sübuta yetirsin. O (Pak və Müqəddəs)
doğrudan da Həmdəlayiqdir, çünki O (Pak və Müqəddəs) Öz dinini elə aydınlaşdırmışdır
ki, onun doğruluğunu bütün məxluqların qəbul etdiyi dəlillər təsdiq edir. Əgər
insanlar mükəmməl biliklərə malik olsaydılar, onlara bəlli olardı ki, yalnız
Allah – Vahid Xaliq və Hökmdar, ibadətə və ilahlığa layiqdir. Lakin onların əksəriyyəti
haqdan xəbərsizdirlər və buna görə Ona şərik qoşurlar və öz ziddiyyətli
iddiaları ilə qane olurlar. Onlar öz baxışlarını möhkəm biliklər əsasında
qurmur, şübhələr içində batır və çaşıb qalırlar.
Sonra Allah Özünün ilahi sifətlərinin
kamilliyi haqqında xəbər verir və qullarını Onu dərk etməyə, Onu sevməyə və
yalnız tək Ona səmimi ibadət etməyə çağırır:
ﯧﯨﯩﯪﯫﯬﯭﯮﯯﯰﯱﯲ
(31. 26) “Göylərdə və yerdə olanlar
Allaha məxsusdur. Həqiqətən, Allah – Zəngindir, Həmdəlayiqdir”.
Fövqəluca bildirir ki, göylərdə və yerdə
olan nə varsa, Ona məxsusdur. Ali və aşağı aləmlər tam və bütünlüklə Onun hakimiyyəti
altındadırlar və Allahın qədər, səmavi din və ədalətli əvəz qanunlarına
tabedirlər. Bütün məxluqlar – Onun qullarıdır. Onlar Onun iradəsindən
asılıdırlar və Kainatda hakimiyyətə malik olmadıqları halda, Allahın
var-dövləti və qüdrəti hüdudsuz və mükəmməldir. O (Pak və Müqəddəs) heç nəyə
möhtac deyil və Onun məxluqları üçün zəruri olan heç nəyə tələbat hiss etmir.
Fövqəluca buyurur: “Mən onlardan nə ruzi istəyirəm, nə də Məni yedirmələrini
istəyirəm” (Zariyat, 51/57).
Peyğəmbərlərin və möminlərin, şəhidlərin
və əməlisaleh insanların xeyirxah əməlləri Allaha heç bir fayda verə bilməz,
amma onlar xeyirxah işləri görənlərin özlərinə fayda verir. Allah nə Öz
qullarına, nə də onların xeyirli əməllərinə möhtac deyil. O (Pak və Müqəddəs)
qullarına həm bu dünyada, həm də öldükdən sonra hədiyyələr əta edir və bu Onun
Zənginliyinin və Özünəbəsliyinin kamilliyini təsdiq edir. Onun ilahi varlığının
ayrılmaz məziyyəti olan ən kamil tərif də Ona məxsusdur. Allah ən gözəl və
hərtərəfli mədh olunmağa layiqdir. Onun ilahi varlığı və Onun qüsursuz sifətləri
də həmdə layiqdir, çünki onlar əzəmət və kamillik təcəssümüdür. O (Pak və
Müqəddəs) həmçinin həm bu dünyada, həm də ölümdən sonra Öz məxluqları üçün müəyyən
etdiyi qismətlərinə və onların arasında baş verən ixtilafları aradan qaldırması
ilə əlaqədar qəbul etdiyi qərarlarına, əməllərinə və yaratdıqlarına,
qadağalarına və hökmlərinə görə də tərifə layiqdir.
ﯳ ﯴ ﯵ ﯶ ﯷ ﯸ
ﯹ ﯺ ﯻ ﯼ ﯽ ﯾ ﯿ ﰀ ﰁ ﰂ ﰃﰄ ﰅ ﰆ ﰇ ﰈ ﰉ
(31. 27) “Əgər yerdəki bütün ağaclar qələm
və dəniz isə mürəkkəb olarsa və sonra ona yeddi dəniz də əlavə edilərsə,
Allahın Sözləri bitib-tükənməz. Həqiqətən, Allah – Fövqəlqüdrətlidir,
Müdrikdir”.
Fövqəluca Özünün ilahi nitqinin kamilliyi
və əzəmətindən xəbər verir. Allahın nitqinin bu bənzərsiz təsviri insanların qəlbini
heyrətləndirir, insan ağlını valeh edir və təfəkkür sahiblərində Rəbbi dərk
etməyə həvəs yaradır. Əgər yer üzündəki bütün ağaclardan qələm hazırlansaydı, dəniz
və okeanlar mürəkkəbə çevrilsəydi, yenə də onlar Allahın sözlərinin tükənməsi
üçün bəs etməzdi, çünki bundan çox-çox əvvəl qələmlər sınıb-dağılar və dənizlər
quruyardı. Bu müqayisə həqiqətdən uzaq olan məcazi məna daşımır. Fövqəluca və
Fövqəlxeyirxah Allaha yaxşı məlumdur ki, insan təfəkkürü bir sıra ilahi məziyyətləri
qavramaq gücünə sahib deyil. Fövqəluca Allah onu da bilir ki, Rəbbi dərk etmək ən
gözəl, ən şərəfli və ən ləyaqətli nemətlərdən biridir. Hərçənd insan Allahı
büsbütün dərk etmə qabiliyyətinə malik olmasa da, o, Allahı qismən dərk etmək
imkanından məhrum deyil və buna görə Fövqəluca Rəbb Öz qullarına, onların
köksünü yarıb, qəlbini nurlandıran biliyi açmışdır. Müsəlmanlar isə insan
ağlının anlaya biləcəyi biliklərin vasitəsi ilə ağılla izah edilməsi mümkün
olmayan biliklərin gerçəkliyini əsaslandırırlar. Onlar, insanların ən ləyaqətlisinin,
öz Rəbbi haqqında başqalarından çox yaxşı məlumatı olanın (ona Allahın salavatı
və salamı olsun) sözlərini təkrarlayır və deyirlər: “Ey Rəbbimiz! Biz Səni Sənin
layiq olduğun kimi tərif edə bilmirik, çünki yalnız Sən Özünü layiqincə tərifləməyə
qadirsən”. Həqiqətən də, Fövqəluca Allah məxluqlarının Onu mədh etdikləri tərifdən
çox yüksəkdədir!
Müzakirə etdiyimiz müqayisəyə gəldikdə
isə, o, insan ağlının tam mənada qavramağa qadir olmadığı bir şeyin mənasını dərk
etmək üçün onlara kömək edir. Hətta ayədə qeyd olunan ağaclar və okeanlar
qat-qat daha çox olsaydılar belə, insan onların yox olmasını təsəvvür edə bilərdi,
çünki onların hamısı yaradılmışdır. Fövqəluca Allahın sözlərinə gəldikdə isə,
onların tükənməsini təsəvvür etmək mümkünsüzdür. Bundan başqa, naslar[5]
və möhkəm məna ona dəlalət edir ki, Allahın sözləri tükənməzdir, çünki, yalnız
Xaliqdən və Onun ilahi sifətlərindən başqa, bütün varlıqların sonu vardır.
Fövqəluca buyurur: “Həqiqətən, son hədd Rəbbinədəkdir” (Nəcm, 53/42).
Fövqəluca Allahın nə əzəlinin, nə də
sonunun olmadığını dərk edərək, başa düşürsən ki, O (Pak və Müqəddəs), yalnız
insan zəkasının təsəvvür edə biləcəyi istənilən zamanlardan əvvəllər də
mövcud olmuşdur və insanın təsəvvür edə biləcəyi ən uzaq gələcək zamanlarda da
mövcud olacaqdır.
Allah bütün zamanlarda mövcuddur, hökmlər
çıxarır, danışır və istədiyini həyata keçirir. Əgər O (Pak və Müqəddəs) bir
şey etmək istəyərsə, heç nə Ona söz deməyə və ya istədiyi işi etməyə mane
olmağa qadir deyil. Əgər insan bunu dərk edərsə, onda o başa düşər ki, müzakirə
etdiyimiz ayədəki müqayisə, sadəcə, öz Rəbbini dərk etmək üçün qullara kömək
edir. Allahın sifətlərinə gəldikdə isə, onlar hər hansı müqayisədən ucadırlar.
Sonra Fövqəluca
Allah Özünün fövqəlqüdrətinin hüdudsuzluğunu və Öz müdrikliyinin
kamilliyini bəyan edir. Fövqəlqüdrətli və Müdrik – Onun gözəl adlarındandır.
Fövqəlqüdrət və əzəmət təkcə Ona məxsusdur. Ali və aşağı aləmlərdə mövcud
olan qüdrət və qüvvələrə gəldikdə isə, onlar Tək Olan Allahdan törəmədir. Öz məxluqlarına
gücü O (Pak və Müqəddəs) vermişdir və Onun vermədiyi gücə və qüdrətə malik
olan yoxdur. O (Pak və Müqəddəs) Öz fövqəlqüdrəti sayəsində bütün məxluqlarını
idarə edir və onların üzərində hökmrandır. O (Pak və Müqəddəs) Öz müdrikliyi
sayəsində bütün varlıqları yaratmış və məxluqlarının həyatını hikmət və məna
ilə rövnəqləndirmişdir. O (Pak və Müqəddəs) Öz müdrikliyi sayəsində həmçinin
hər biri hikmət və məna ilə dolu hökmlər və qadağalar nazil etmişdir. Hikmət
– Onun bütün yaratdıqlarının və hökmranlığının gözə çarpan əlamətlərindəndir.
ﰊ ﰋ ﰌ ﰍ ﰎ ﰏ
ﰐﰑ ﰒ ﰓ ﰔ ﰕ ﰖ
(31. 28) “Sizin yaradılmanız və
dirildilməniz bir nəfərin yaradılmasına və dirildilməsinə oxşardır. Həqiqətən,
Allah – Eşidəndir, Görəndir”.
Fövqəluca bu ayədə, insanın tam mənada
təsəvvür etməyə belə qadir olmadığı, Öz fövqəlqüdrətinin mükəmməlliyini bir daha
vurğulayır. Bütün bəşəriyyəti yaratmaq və diriltmək də bir insanı yaratmaq və
ya diriltmək kimi Allah üçün asandır. Həqiqətən də, bu, insan zəkasını heyrətləndirir.
Çox böyük sayda insanları xəlq etmək və öldükdən sonra onları bir an içində
diriltmək də, bir insanı xəlq etmək və diriltmək kimi, Allah üçün asandır. Bu
o deməkdir ki, ölümdən sonra dirildilməyə və törədilmiş əməllərə görə əvəz
veriləcəyinə, Allahın əzəməti, gücü və qüdrətinə yalnız xəbərsiz cahillər təəccüblənirlər.
O (Pak və Müqəddəs) istənilən səsi eşidir və istənilən məxluqu görür, axı
Eşidən və Görən adları Onun gözəl adlarındandır.
ﭑ ﭒ ﭓ ﭔ ﭕ ﭖ
ﭗ ﭘ ﭙ ﭚ ﭛ ﭜ ﭝ ﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭨ ﭩ ﭪ
(31. 29) “Məgər sən görmürsən ki, həqiqətən,
Allah gündüzü gecəyə qatır və gecəni də gündüzə qatır və bəlli vaxtadək hərəkət
edən günəşi və ayı da ram etmişdir. Allah sizin nə etdiklərinizdən xəbərdardır”.
Fövqəluca xəbər verir ki, O – Kainatın
Vahid Hökmdarı və Rəhbəridir. Onun hakimiyyəti o qədər mükəmməldir ki, O, gecəni
gündüzə qatır və gündüzü də gecəyə qatır, həmçinin onlar üçün müəyyən edilmiş
qaydaya tam uyğun olaraq hərəkət edən günəşi və ayı idarə edir[6].
Bu qayda günəşin və ayın xəlq edildiyi
zamanlardan bəri pozulmamışdır və Allahın qullarına həm bu dünyada, həm də
öldükdən sonra faydalı nəticələr çıxarmaq və nemət əldə etmək üçün hər ikisi
kömək göstərir.
Günəş və ay müəyyən olunmuş müddətə qədər
hərəkət edəcəklər və bu vaxt çatdıqda, onların səmada gedişinə son qoyulacaq
və onlar qüvvədən məhrum ediləcəklər. Bu, Qiyamət günü baş verəcəkdir – günəş
dürmələnib büküləcək, ay isə sönəcək. Bu elə bir gün olacaq ki, yer kürəsi
dağılacaq və əbədi həyat başlayacaq[7].
Allah isə Öz məxluqlarının xeyir və
şər əməlləri haqqında hər şeyi dəqiqliklə bilir. Ondan heç bir şeyi gizlətmək
mümkün deyil və buna görə hər bir məxluq layiq olduğu əvəzi artıqlaması ilə
alacaqdır. Kim Allaha itaətkar olarsa, o, mükafatını alacaqdır. Kim Ona itaətsizlik
göstərərsə, cəzalandırılacaqdır.
ﭫ ﭬ ﭭ ﭮ ﭯ ﭰ
ﭱ ﭲ ﭳ ﭴ ﭵ ﭶ ﭷ ﭸ ﭹ ﭺ ﭻ
(31. 30) “Bu ona görədir ki, Allah –
Haqdır, və Ondan başqa dua edilənlər saxtadır və həm də ona görə ki, Allah –
Fövqəlalidir, Ən Böyükdür”.
Allah sizə Özünün ilahi sifətləri və
Özünün böyüklüyü haqqında xəbər verir, çünki Allah – Haqdır.
Onun ilahi mahiyyəti – Haqdır, Onun kamil sifətləri – Haqdır,
Onun dini – Haqdır,
Onun elçiləri –Haqdır, Onun vədi – Haqdır, Onun xəbərdarlığı – Haqdır
və Ona ibadət etmək də Haqdır.
İnsanların Allahla yanaşı ibadət etdikləri
uydurulmuş saxta “ilahlara” gəldikdə isə, onlar batildir. Onların ilahi mahiyyəti
uydurma olduğu kimi, “ilahi” sifətləri də uydurmadır.
Əgər Allah o məxluqları yaratmasaydı,
onlar heç vaxt mövcud ola bilməzdilər.
Əgər Allah onların var olmasını istəməsəydi,
onlar heç vaxt özləri müstəqil həyat sürə bilməzdilər. Əgər bu məxluqlar bu
dərəcədə acizdirlərsə, onda onlara ibadət etmək də əbəs və fayda-sızdır.
Fövqəlali və Ən Böyük adları – Allahın ən
gözəl adlarındandır. Onun İlahi Mahiyyəti[8]
bütün məxluqlarının fövqündədir, qüsursuz sifətləri isə məxluqlarının
keyfiyyətlərindən misilsiz qədər müqayisəedilməz üstünlükdədir.
O (Pak və Müqəddəs), Öz qullarının
fövqündədir və onları Özünün iradəsinə ram etmişdir. Bununla yanaşı Allahın
İlahi Mahiyyəti və sifətləri əzəmətlidir və göylərin və yerin bütün sakinlərinin
qəlbi Ona ehtiramla doludur.
ﭼ ﭽ ﭾ ﭿ ﮀ ﮁ
ﮂ ﮃ ﮄ ﮅ ﮆ ﮇﮈ ﮉ ﮊ ﮋ ﮌ ﮍ ﮎ ﮏ ﮐ
(31. 31) “Məgər sən
görmürsən ki, gəmi dənizdə Allahın mərhəməti ilə üzür ki, O Özünün bəzi dəlillərini
sizə göstərsin? Həqiqətən,
bunda səbirli olanlar və şükür edənlər üçün dəlillər vardır”.
Məgər sən Allahın
Onun qullarına yönəltdiyi qüdrətinin, mərhəmətinin və qayğısının nəticələrini
görmürsən? O, dənizləri və okeanları insanların ixtiyarına vermişdir və gəmilər
dənizdə Kainat qanunlarına müvafiq üzür və bu, Rəbbin mərhəmətinə və xeyirxahlığına
dəlalət edir. Allah insanlara öz dəlillərini beləcə nümayiş etdirir ki,
onlar özləri üçün faydalı nəticələr çıxartsınlar və bundan faydalansınlar.
Lakin Allahın dəlillərindən təkcə səbirli
olan və şükür edən qulları ibrət götürürlər. Onlar müsibət zamanı səbir edir
və sevinc içində olanda Allaha şükür edirlər. Onlar Allahın hökmlərini səbirlə
yerinə yetirir və günahlardan çəkinir, Allahın qədərinin ağırlığını mətinliklə
daşıyır və Allaha maddi və mənəvi nemətlərə görə şükür edirlər.
ﮑ ﮒ ﮓ ﮔ ﮕ ﮖ
ﮗ ﮘ ﮙ ﮚ ﮛ ﮜ ﮝ ﮞ ﮟﮠ ﮡ ﮢ ﮣ ﮤ ﮥ ﮦ ﮧ ﮨ
(31. 32) “Dalğalar qara buludlar kimi
üstlərini örtəndə, onlar dini xalis Allaha məxsus sayaraq, Ona yalvarırlar. O,
onları xilas edib quruya çıxaranda isə, aralarında mötədil yol tutanlar
olur. Lakin
yalnız qəddar nankorlar Bizim ayələrimizi inkar edirlər”.
Fövqəluca gəmidə olan insanların
dalğalar onların üstünü qara buludlar kimi örtəndə özlərini necə apardıqları
haqqında xəbər verir. Həmin anda onlar Allaha səmimiyyətlə dua edirlər. Lakin O
(Pak və Müqəddəs), onları sağ-salamat sahilə çıxartdıqdan sonra, onlar iki
qrupa bölünürlər. Onların bir hissəsi elə oradaca Ona layiqincə şükür etməyi
yaddan çıxarır, günah işlətməyə başlayaraq, özü özünə zərər vurur. Digərləri
isə, ümumiyyətlə Onun mərhəmətini inkar edir və kafirliyi üstün tuturlar.
Onlar Onun ayələrini rədd edirlər, çünki xain və nankordurlar. Əvvəlcə onlar
deyirdilər ki, onları həlakdan xilas etsə, mütləq Ona minnətdarlıq edəcəklər.
Lakin artıq indi onlar öz andlarını və vədlərini pozurlar və nazil edilmiş
nemətə görə təşəkkür etmək istəmirlər. Axı Fövqəluca Allah onları labüd ölümdən
xilas etmişdir və təkcə bu, onları Ona layiqincə şükür etməyə məcbur etməliydi.
ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ
ﯕ ﯖ ﯗ ﯘ ﯙ ﯚ ﯛﯜ ﯝ ﯞ ﯟ ﯠﯡ ﯢ ﯣ ﯤ ﯥ ﯦ ﯧ ﯨ ﯩ ﯪ
(31. 33) “Ey insanlar! Öz Rəbbinizdən
qorxun! Valideynin uşağını və uşağın da valideynini xilas edə bilməyəcəyi Gündən
dəhşətə gəlin! Allahın vədi haqdır. Qoy dünya həyatı sizi aldatmasın və qoy
o tovlayan da Allah barədə sizi yoldan çıxartmasın!”
Fövqəluca insanlara buyurur ki,
Allahdan qorxsunlar, yəni Onun hökmlərini yerinə yetirsinlər və Onun
haramlarını pozmasınlar. İnsan elə buna görə Qiyamət günündən dəhşətə gəlməlidir.
Həmin gün o qədər ağır və vəhşətəngiz olacaq ki, hər bir insanı təkcə onun öz
taleyi narahat edəcəkdir. Nə övlad valideynlərinin saleh əməllərini artıra biləcək
və ya onların günah yükünü yüngülləşdirə biləcək, nə də valideynlər öz
övladına kömək edə biləcək. Hər bir insan təkcə öz əməllərinə cavab verməli
olacaq və ona düşən əvəzi alacaqdır. Buna görə, Allahın qulları bu Dəhşətli
günü yadda saxlamalıdırlar ki, öz imanlarını möhkəmlədə bilsinlər və təqvalılıqlarını
artıra bilsinlər. Bu məziyyət insanlara səadətə qovuşmaqda və mükafata layiq
görülməkdə kömək edir və buna görə Allahın təqvalılığa riayət etmək, cəzadan
çəkinmək və ibrətverici moizələrə qulaq asmaq hökmü Allahın qullarına bəslədiyi
mərhəmətini təsdiq edir. Buna görə də həmd yalnız aləmlərin Rəbbi Allaha məxsusdur!
Ey insanlar! Allahın vədi – haqdır.
Buna şübhə etmək mümkün deyildir. Buna görə, mükafata layiq olmayan işlər
görməyin, gözəl və cazibədar, lakin ən böyük sınaq və yoldan sapma rolunu
oynayan maddi nemətlərə aldanmayın. Unutmayın ki, şeytan hər vasitə ilə sizi
aldatmağa cəhd göstərir və bir anlığa belə sizi rahat qoymur. Siz isə Allah
qarşısında öz vəzifələrinizi yerinə yetirməlisiniz. O (Pak və Müqəddəs), sizə
müəyyən möhlət təyin etmişdir. Bu möhlət başa çatdıqdan sonra hər biriniz öz əməllərinə
görə əvəz alacaq və Rəbbin qarşısında öz vəzifələrini yerinə yetirib-yetirmədiyi
ondan soruşulacaqdır. Elə buna görə də, siz bu məsələyə xüsusi diqqət yetirməli
və Allah qarşısında vəzifələrin yerinə yetirilməsini özünüzün bir nömrəli vəzifəsi
etməlisiniz. Bu yolda sizi böyük çətinliklər və ağır maneələr gözləyir və
onlardan ən təhlükəli olanları: tamahsılandırıcı (şirnikləndirici və həvəsləndirici)
maddi ləzzətlər və məkrli şeytandır. Məhz buna görə sizə dünyəvi məftunedici
gözəlliklərə və şeytanın vəsvəsəsinə uymaq qadağan edilmişdir. Fövqəluca
buyurur: “O, onlara vəd verir və onlarda ümid oyadır. Lakin şeytan onlara
aldatmaqdan başqa heç nə vəd etmir” (Nisa, 4/120).
ﯫ ﯬ ﯭ ﯮ ﯯ ﯰ
ﯱ ﯲ ﯳ ﯴ ﯵﯶ ﯷ ﯸ ﯹ ﯺ ﯻ ﯼﯽ ﯾ ﯿ ﰀ ﰁ ﰂ ﰃﰄ ﰅ ﰆ ﰇ ﰈ ﰉ
(31. 34) “Həqiqətən, yalnız Allah o
Saat haqqında elmə malikdir, yağış nazil edir və bətndə nə olduğundan xəbərdardır.
Heç bir insan sabah nə əldə edəcəyini bilmir və heç bir insan hansı yerdə öləcəyini
bilmir. Həqiqətən, Allah – Biləndir, Xəbərdarolandır”.
Fövqəluca bir daha Özünün bütün aşkarı
və qeybi əhatə edən hüdudsuz elm Sahibi olduğunu xəbər verir. Allah Öz qullarına
qeybi biliklərdən bir çox şeyləri öyrənməyə imkan verir, lakin bu ayədə
sadalanan beş şey haqqında bilik məxluqlardan gizlədilmişdir. Bu şeylər
haqqında nə göndərilmiş peyğəmbərlər, nə Allaha yaxın mələklər, nə də qalan hər
hansı başqa məxluqlar heç nə bilmirlər. Təkcə Fövqəluca Allah Qiyamət gününün
başlayacağı Saatın vaxtını bilir. Fövqəluca buyurur: “Onlar səndən Saat
haqqında soruşurlar: “O nə vaxt başlayacaq?” De: “Həqiqətən, bu barədə bilik
yalnız Rəbbimə məxsusdur. Ondan başqa heç kim onun başlanması vaxtını açmağa
qadir deyildir. Bu elm göylər və yer üçün çox ağırdır. O, qəfildən
başlayacaq”. Onlar səndən elə soruşurlar ki, sanki bu sənə məlumdir. De: “Həqiqətən,
bu barədə bilik tək Allaha məxsusdur, lakin insanların əksəriyyəti bilmir” (Əraf,
7/187).
Təkcə Fövqəluca Allah yağışın yağacağı
vaxtı dəqiq bilir. O, həmçinin bilir ki, ananın bətnində inkişaf edən rüşeymdən
oğlan və ya qız əmələ gələcək[9].
Təyin olunmuş vaxt gəlib çatdıqda, mələk Rəbbindən soruşur: “Bu oğlan və ya
qız olacaqdır?” Belə olduqda, Allah onu Öz bildiyi kimi həll edir. Yalnız Fövqəluca
Allah bilir ki, insanı sabahkı gündə hansı maddi və mənəvi nailiyyətlər
gözləyir. Təkcə Allaha məlumdur ki, insana harada ölməsi nəsib olacaqdır. Bu
şeylər haqqında biliklərə Allahdan başqa heç kim sahib deyildir və bu –
Allahın elminin cüzi bir hissəsidir ki, tamamilə bütün varlıqları əhatə edir.
Bilən və Xəbərdarolan adları – Allahın gözəl adları arasındadır. Ona aşkarda
və qeybdə olanlar da, gizlində və açıqda olanlar da məlumdur. Yuxarıda
sadalanan beş şey haqqında biliklərə gəldikdə isə, O (Pak və Müqəddəs),
onları məxluqlarından Öz müdrikliyinə uyğun olaraq gizlətmişdir[10].
Əgər insan bu barədə düşünərsə, onda ona aydın olar ki, bəzi şeylərdən xəbərsiz
olmaq insanlara çox böyük fayda gətirir.
[1] Əlinizdəki Səədi
Təfsirinin bu və bundan əvvəlki cildlərinində “Quran heç tükənməyən möcüzə”
adlı elmi-tədqiqat əsərindən götürülmüş müvafiq qeydlərə xüsusi diqqət
yetirin. Həmin əsərin müsəlman tədqiqatçı-alimləri Fövqəluca Allahın Öz Quranının
mühafizəsini onun özündə, ilahi qüdrətinə uyğun tərzdə şifrələməsini və batil
qüvvələrin müdaxiləsindən qorumasının mühüm bir sistemini aşkar və təsdiq edirlər
və bu sistemi müəyyən təfsilatlarla şərh edirlər. F.S.
[2] Bərəkətli
bağlar – Cənnət bağlarına işarədir. Nəim bağı isə Cənnət bağlarından birinin
adıdır. F.S.
[3] İki və daha
çox kamil sifətin birlikdə xatırlanması onların ən yüksək kamillik dərəcəsi
amili kimi başa düşülə bilər. Lakin mətndə söhbət Allahın sifətlərindən getdiyi
üçün qeyd etmək olar ki, Onun bütün sifətləri – ən ali məziyyətlərdir və
onların ikisinin və daha çoxunun eyni vaxtda xatırlanması Onun, insan təfəkkürünə
sığmayan, misilsiz Müdrikliyinin və Fövqəlqüdrətinin təbii təzahürləridir və bu
sifətlərin meyarları bəşər övladına məlum olan ölçülərlə tam səciyyələndirilə
bilməz. İnsan bu sifətləri tam təsvir və təsəvvür etməkdə acizdir və onlar
haqqında hər dövrdə yalnız öz intellektual səviyyəsinə müvafiq olaraq, Allahın
və Onun Peyğəmbərinin (s.ə.s.) verdirdikləri şərhlərinə uyğun dəyərləndirə bilər.
F.S.
[4] Möhtərəm
oxucunun diqqətini müəllifin kursivlə verdiyim müddəasına cəlb etmək
yerinə düşərdi. Bu, Allahın hər bir quluna hidayət verməsinin bir vacib
meyarıdır. Bildiyimiz kimi, doğru yola yönəldən yalnız Allahdır. Müsəlman dəvətçilər
İslama gələn insanları, sadəcə, məlumatlandırırlar. Bu, müəllif ideyasından da
aydın göründüyü kimi, insan qəlbən xeyirxah olmadıqca, Allahın dininə gəlməyi
səmimiyyətlə istəmədikcə, o, Allahın hidayətinə nail ola bilməz. Möhtərəm
oxucu, məhz bunu öz yaxınlarına, dost və tanışlarına aşılamalıdır. F.S.
[5] Quran ayələri
və Peyğəmbər (s.ə.s.) hədislərinin olduğu mətnlər. F.S.
[6] Burada Fövqəluca
Allahın bütün göy cisimləri ilə yanaşı günəş və ay üçün də təyin etdiyi orbital
sistemlər nəzərdə tutulur. F.S.
[7] Kursiv
mənimdir. F.S.
[8] Allahın əzəli
və sonu olmayan Zatı (varlığı, mahiyyəti) nəzərdə tutulur. F.S.
[9] Lakin hər şeyə
qadir olan Fövqəluca, Fövqəlqüdrətli Allah bu və digər bir şeyi, istədiyi
halda, onun qeybə aid olub-olmamasından asılı olmayaraq, məxluqlarına açıb, aşkar
etmək kimi bir imkanı Özündə saxlayır və heç kim Onu bu və ya digər bir şeyi etməyə
və ya etməməyə məcbur edə bilməz. O (Pak və Müqəddəs), Öz iradəsini istədiyi
kimi və istədiyi vaxtda gerçəkləşdirməkdə sərbəstdir. Kitablarında nazil etdiyi
və elçilərinin dili ilə əvvəllər söylədikləri kəlamlar Allahın əngin müdrikliyinə
əsaslanan İradəsini məhdudlaşdırmağa yönəldilə bilməz. Buna müvafiq olaraq,
bu gün Allahın insanlara bəxş etdiyi yeni texnologiyalar sayəsində mütəxəssislərin
müəyyən mərhələdən sonra ana bətnindəki dölün cinsiyyətini aşkar edə bilməsi
də Fövqəluca Allahın məxluqlarına aşkar etdiyi qeybə məxsus kiçik sirlərdən
biridir. Əlbəttə, bu – dölün cinsiyyətinin doğulmazdan öncə mütəxəssislər tərəfindən
bilinməsi, Allahın onu bilməsi ilə qətiyyən müqayisə edilə bilməz, çünki O
(Pak və Müqəddəs) bunu mütləq anlamda bilir, yəni, heç rüşeymin özü
olmamışdan, ondan kimlərin çıxacağı bütün incəlikləri ilə Ona məlumdur. Axı
bütün bunlar Onun Mühafizəolunan Kitabında (Lövhi-Məhfuzda) öncədən
yazılıbdır. Bu, yenilməz fövqəlqüdrət sahibi Fövqəluca Allahın mütləq bilik
Sahibi olmasının açıq-aşkar dəlillərindəndir. Bu müddəada qəribə, təəccüblü
və anlaşılması çətin olan bir şey yoxdur. Hər şey Onun Əlindədir. Həmd olsun
Allaha, aləmlərin Fövqəluca Rəbbinə! F.S.
[10] Fövqəluca
Allah, vaxtı yetişdikdə, onlardan bəzisini (məs., dölün cinsiyyətini və s.)
insanların aşkar edə bilməsinə icazə verməkdə, əlbəttə ki, sərbəstdir. F.S.
SHerh eden kimdi?
ОтветитьУдалить