\y
ƏL-ƏNKƏBUT
SURƏSİNİN
ŞƏRHİ
ﭑ ﭒ ﭓ ﭔ
Mərhəmətli və Rəhmli Allahın adı ilə!
ﮡ ﮢ ﮣ ﮤ ﮥ ﮦ ﮧ ﮨ ﮩ ﮪ ﮫ
ﮬ ﮭ ﮮ ﮯ ﮰ ﮱ ﯓﯔ ﯕ ﯖ ﯗ ﯘ ﯙ ﯚ ﯛ
(29. 1) “Əlif.
Ləm. Mim”.
(29. 2)
“Doğrudanmı insanlar “İman gətirdik” deməklə, sınaqdan keçirilmədən, xilas
ediləcəklərini sanırlar?!”
(29. 3) “And
olsun ki, onlara qədər olanları da Biz sınamışıq. Allah doğru danışanları
da, yalançıları da hökmən tanıyacaqdır”.
Fövqəluca
Özünün kamil hikmətindən bəhs edərək, özünü mömin adlandıran insandan tələb
edir ki, o, zəif insanların və kəmetiqadların imanını tərəddüdə sala bilən hər
hansı çətinliklərə və sınaqlara dözümlü olsun. Yalnız belə sınaqlar sayəsində
həqiqi iman sahibini yalançıdan fərqləndirmək olar və buna görə Fövqəluca
Allah əvvəldən də müsəlmanları var-dövlətlə və məhrumiyyətlərlə, firavanlıq
və çətinliklərlə, sevinc və qəm-qüssə ilə, bolluq və ehtiyacla və həm də haqqı
söz və əməlləri ilə qorumalı olduqları İslamın düşmənləri ilə yorucu mübarizədə
imtahandan keçirərdi. Lakin bütün bu sınaqların bir özəlliyi də ondan ibarət
idi ki, onlar imanı möhkəm olmayan insanları əsil İslam baxışlarından çəkindirir
və ya onlarda xeyirə qarşı yönəlişi sarsıdırdı[1].
Buna
baxmayaraq, məhz belə sınaqlar keçirildikdə müsəlmanların bir qisminin imanının
sarsılmaz olduğu aydınlaşır. Onlar qətiyyətlə haqqın tərəfini saxlayır və
bunun sayəsində insanı günah törətməyə və Fövqəluca Allaha itaətsizliyə sövq edən
hər hansı şübhələri qəti rədd edirlər. Onlar Allaha və Onun Elçisinə (s.ə.s.)
itaətsizlik etməkdən boyun qaçırır və haqq dinin tələblərinə tam uyğun olaraq
davranırlar. Onların öz nəfslərinin alçaq istəkləri ilə aramsız mübarizəsi
onların imanının səmimiliyinə və etiqadının səhihliyinə dəlalət edir. Eyni
zamanda çoxsaylı sınaqlar və tamahlandırılmalar digər səbatsız insanların ürəklərinə
şübhələr salır və bunun nəticəsində onlar günah törətməyə başlayır və vacib şəriət
tələblərini yerinə yetirməkdən soyuyurlar ki, bu da onların imanının zəifliyinə
və düzgün olmamasına dəlalət edir. Hər bir insan sınaqdan keçərək müəyyən pilləyə
qalxır və o pillələrin sayı o qədər çoxdur ki, hesabını yalnız Allah bilir. Ey
Rəbbimiz! Biz Səndən rica edirik ki, bizə Öz möhkəm Sözünlə həm bu dünyada, həm
də ölümümüzdən sonrakı həyatda kömək göstərəsən! Ürəklərimizdə imanı qorumağa
və dəmirçi körüyünün yanığı dəmirdən ayırdığı kimi, möminləri də günahkarlardan
ayıran sınaqlardan keçməyə kömək et!
ﯜ ﯝ ﯞ ﯟ ﯠ ﯡ ﯢﯣ ﯤ ﯥ ﯦ ﯧ
(29. 4)
“Doğrudanmı pis əməl törədənlər Bizi qabaqlayacaqlarını zənn edirlər? Çox
pis mühakimə yürüdürlər”.
Məgər, yalnız
cinayət törətmək haqqında düşünən şərəfsizlər Fövqəluca Allahın onların cinayətlərinə
diqqət yetirməyəcəyinimi zənn edirlər? Doğrudanmı onlar elə güman edirlər
ki, törətdikləri cinayətlər bağışlanacaq və buna görə də öz Rəbbinə belə
saymazyana itaətsizlik göstərirlər? Onların bu gümanı necə də kobud və
yaramazdır! Bu günahkarlar Fövqəluca Rəbbin qüdrəti və hikmətini unudur və
Onun cəzasından canlarını qurtara biləcəklərini sanırlar, halbuki onlar
yalnız zəif və köməksiz qullardır.
ﯨ ﯩ ﯪ ﯫ ﯬ ﯭ ﯮ ﯯ ﯰﯱ ﯲ ﯳ
ﯴ ﯵ
(29. 5) “Kim
Allaha qovuşmağa ümid edirsə, bilsin ki, Allahın təyin etdiyi müddət mütləq gələcəkdir.
O – Eşidəndir, Biləndir”.
Ey Rəbbini səmimi
məhəbbətlə sevən və Onunla görüşə can atan insan! Sən bütün varlığınla Ona
yaxınlaşmağa və Onun iltifatını qazanmağa çalışırsan. Sevin, çünki çox tezliklə
öz Sevimli Rəbbinlə görüşəcəksən! Bu görüş mütləq baş verəcəkdir və bu o deməkdir
ki, onun yaxın olduğunu demək olar. Buna görə Axirət həyatına hazırlaş və öz Rəbbinlə
görüşə iman və ümidlə yönəl. Amma yadında saxla ki, heç də hər adama arzu
olunan məqsədə çatmaq müyəssər olmur, çünki Fövqəluca Allah insanların danışıqlarını
eşidir və onların niyyətlərindən xəbərdardır. Arzu edilən məqsədə nail olmaq
yalnız doğruçu və öz sözünə sadiq olanlara nəsib ediləcəkdir. Amma yalançı və
etibarsız olanlar ümid bəslədikləri uğuru əldə edə bilməyəcəklər. Həqiqətən
də, kimin Rəbbin məhəbbətinə layiq olması, kimin isə bu yüksək şərəfə layiq olmaması
Fövqəluca Allaha məlumdur.
ﯶ ﯷ ﯸ ﯹ ﯺﯻ ﯼ ﯽ ﯾ ﯿ ﰀ ﰁ
(29. 6) “Cihad
edənlər öz xeyrinə cihad edirlər. Həqiqətən, Allah aləmlərə möhtac deyildir!”
Müsəlman öz
ehtiraslarına, şeytana və kafir düşmənlərə qarşı mübarizə[2]
aparmalıdır, lakin bu mübarizənin meyvələrini ilk növbədə o özü dadacaq. Allah
aləmlərin məskunlarına möhtac deyildir. O (Pak və Müqəddəs Olan) qullarını
hökmləri ilə ona görə vəzifələndirməyib ki, Onu varlandırsınlar; qadağalarını
da onlara həsəd çəkdiyinə görə qoymayıb.
Bu Quran ayəsindən
aydın olur ki, Rəbbinin hökmlərini yerinə yetirmək üçün müsəlman mübarizə
aparmalıdır. O, öz ehtirasları ilə mübarizə aparmalıdır, çünki insanın nəfsi
öz təbiətinə görə tənbəlliyə meyillidir. O, şeytanla mübarizə etməlidir, çünki
şeytan onu xeyirxah əməllərdən uzaq saxlamağa çalışır. O həm də ona dininə
layiqincə etiqad etməyə mane olan kafirlərlə mübarizə aparmalıdır. Müsəlman
bu maneələrin öhdəsindən gəlmək üçün böyük səy və həvəs göstərməlidir.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝ
(29. 7) “İman gətirib,
xeyirxah işlər görənlərin cinayətlərini Biz bağışlayacağıq və onların ən
yaxşı əməllərinə görə əvəzini verəcəyik”.
Allah Özünün
iman və saleh əməllər əta etdiyi qullarının günahlarını bağışlayacaq, çünki
saleh əməllər günahları yuyur. Lakin bunlarla yanaşı Allah onları etdikləri ən
yaxşı əməllərə görə də mükafatlandıracaqdır. Bu – fərz və nafilə hökmlərdir
ki, insan bu dünyada ikən yerinə yetirmişdir. Bunlarla yanaşı insan sərbəst,
arzuedilməz və hətta qadağan olunmuş hərəkətlərə yol verir, lakin onun əməllərindən
ən yaxşısı, məhz yerinə yetirdiyi fərz və nafilə[3]
hökmlərdir.
ﭞ ﭟ ﭠ ﭡﭢ ﭣ ﭤ ﭥ ﭦ ﭧ ﭨ ﭩ
ﭪ ﭫ ﭬ ﭭﭮ ﭯ ﭰ ﭱ ﭲ ﭳ ﭴ ﭵ
(29. 8) “Biz
valideynlərinə xeyirahlıq etməsinə dair insanlarla əhd bağlamışıq. Əgər onlar
Mənə, barələrində heç nə bilmədiyin şəriklər qoşmağa səni məcbur etmək məqsədilə
səninlə mübarizə etsələr, onda onlara itaət etmə! Qayıdışınız Mənə olacaqdır
və Mən sizə nə etdiklərinizi bildirəcəyəm”.
Hər bir insan həmişə
öz valideynlərinə hörmət bəsləməli və onlara sözü və əməli ilə yaxşılıq etməlidir.
İnsanın valideynlərinə itaətsizlik göstərmək və onları sözü və əməli ilə
incitmək haqqı yoxdur. Əgər onlar onu Allaha şərik qoşmağa məcbur etsələr, onda
onun da buna razılaşmağa haqqı yoxdur. Heç bir insanın əlində müşrikliyin ədalətli
olması haqqında sübutu yoxdur və Fövqəluca Allah bunu xatırladaraq, bu ağır
günahın yanlışlığını xüsusilə vurğulayır.
Ey insanlar!
Siz mütləq Allaha qaytarılacaqsınız, sonra isə hər biriniz törətdiyiniz əməllərinizə
görə əvəz alacaqsınız. Bunu yadda saxlayın və valideynlərinizə itaət edin.
Lakin onlar sizə Allaha və Onun Elçisinə (s.ə.s.) itaətsizlik göstərməyi əmr
etsələr, Allahın və Onun Elçisinin (s.ə.s.) hökmlərinın hər şeydən daha üstün
olduğunu nəzərə alaraq, onlara tabe olmayın!
ﭶ ﭷ ﭸ ﭹ ﭺ ﭻ ﭼ ﭽ
(29. 9) “İman gətirib,
saleh əməllər işləyənləri Biz salehlərin arasına daxil edəcəyik”.
Fövqəluca, bütün iman gətirənləri və saleh əməllər işləyənləri Cənnət bağlarına
daxil edəcəyi barədə Öz vədini bəyan edir. Onlar peyğəmbərlərin, sadiq möminlərin,
şəhidlərin, Allahın saleh dostlarının əhatəsində olacaqlar və hər biri Fövqəluca
Rəbbin qarşısında öz pillələrinə qalxacaqlar. Bütün bunlar ona dəlalət edir
ki, düzgün iman və saleh əməllər xoşbəxtliyin və müvəffəqiyyətin rəhnidir.
Yalnız bu sifətlərə malik olanlar Mərhəmətli Allahın dostları arasına düşürlər
və Onun təqvalı qullarının əhatəsində olurlar.
ﭾ ﭿ ﮀ ﮁ ﮂ ﮃ ﮄ ﮅ ﮆ ﮇ ﮈ
ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ ﮓ ﮔ ﮕﮖ ﮗ ﮘ ﮙ ﮚ ﮛ ﮜ ﮝ ﮞ
(29. 10) “İnsanların elələri də var ki, deyirlər: “Biz Allaha iman gətirdik”.
Lakin Allah xatirinə bir əziyyətə düşdükdə, insanların fitnəsini Allahın əzabı
ilə eyniləşdirirlər. Rəbbindən bir kömək gələn kimi, həmən, “Biz də sizinləydik”
– deyirlər. Məgər Allah aləmlərin köksündə nəyin gizlədildiyini daha yaxşı
bilmirmi?”
Bundan əvvəlki
ayələrdə Fövqəluca Rəbb xəbər vermişdir ki, hər bir insan sınaqdan keçməlidir və
sədaqətli mömin məhz bu sınağın sayəsində yalançıdan fərqlənir. Sonra Fövqəluca
Rəbb bildirir ki, insanlar arasında elələri də var ki, ağır sarsıntılara dözməyə
və sərt sınaqlardan mətanətlə keçməyə qadir deyillər. Belə adamlar iddia edirlər
ki, Allaha iman gətirmişlər. Amma kafirlər onları fiziki əzaba məruz
qoyanda, əmlakdan məhrum edəndə və ya haqq dindən əl çəkməyə çağıraraq, onları
təhqir edib söyəndə, onlar bu sınağı dindən əl çəkmələri üçün əsaslı səbəb
sayırlar. Bununla da onlar insanların verdiyi əzabı Allahın verəcəyi cəza ilə
bərabər tuturlar, halbuki məhz sonuncu, günahlardan əl çəkmək üçün, ən
tutarlı səbəbdir. Lakin Fövqəluca Allah möminlərə qələbə əta etdikdə, bu kəmetiqadlar
mütləq deyəcəklər ki, onlar möminlərlə birlikdə idilər. Onların belə deməsi,
qələbə və zəfərin onların alçaq niyyətlərinə uyğun olması ilə bağlıdır. Onlar
aşağıdakı ayədə xatırlanan insanlara aiddirlər: “İnsanlardan elələri də
var ki, Allaha tərəddüdlə ibadət edir. Ona bir xeyir dəyəndə, o, özünü imanlı
hiss edir, aldadıldıqda isə, geriyə dönür. O, həm bu dünyasını, həm də Axirətini
itirir. Bu – açıq-aydın uğursuzluqdur!” (Hacc, 22/11). Lakin, məgər
Allah Öz məxluqlarının ürəklərində nələrin gizlədilməsindən xəbərdar
deyil?! O (Pak və Müqəddəs Olan), bu insanların sifətləri haqqında sizə ən
doğrusunu xəbər vermişdir ki, bütün bunlar Onun ilahi biliyinin kamilliyinə və
Onun ilahi hikmətinin hüdudsuzluğuna dəlalət etməkdədir.
ﮟﮠﮡﮢ ﮣ ﮤﮥ
(29. 11) “Allah
Ona iman gətirənləri tanıyır və münafiqləri də mütləq tanıyacaq”.
Fövqəluca Allah
sınağı və yoldan çıxarmanı ona görə müəyyən etmişdir ki, Ona əzəldən məlum
olan hər şey gerçəkləşə bilsin. Buna görə Hərşeyibilən Xaliq onları, Öz
elminə müstəsna istinad etməklə deyil, yalnız törətdikləri əməllərə müvafiq
olaraq mükafatlandıracaq və cəzalandıracaq[4].
Əks təqdirdə Allahın qulları, “onlara imkan verilsəydi, onlar istənilən sınaqdan
keçə bilərdilər” iddiası ilə Rəbbin hökmünə etiraz edə bilərdilər.
ﮦ ﮧ ﮨ ﮩ ﮪ ﮫ ﮬ ﮭ ﮮ ﮯ ﮰ
ﮱ ﯓ ﯔ ﯕ ﯖﯗ ﯘ ﯙ ﯚ
(29. 12)
“Kafirlər iman gətirənlərə deyirlər: “Yolumuza tabe olun, biz də günahlarınızı
üstümüzə götürək”. Onlar möminlərin günahının bir hissəsini belə götürən
deyillər. Həqiqətən, onlar – yalançıdırlar”.
Fövqəluca,
kafirlərin müsəlmanları öz dinlərinə çağırmaq üçün hansı vasitələrdən istifadə
etdiklərindən xəbər verir. Müsəlmanlar bunu yadda saxlayaraq, kafirlərin
şirnikdirici çağırışlarına aldanmamalı və onların müdhiş toruna düşməməlidirlər.
Kafirlər və allahsızlar müsəlmanlara deyirlər: “Ya İslam dinindən, ya da, heç
olmazsa, onun bəzi hökm və tələblərindən əl çəkin və dinimizin buyurduğu
kimi davranın. Biz də sizin uğurunuza zəmanət verərik və hətta sizin günahlarınızın
yükünü belə daşımağa hazırıq”. Onlar elə vədlər verirlər ki, onları yerinə
yetirməyə heç vaxt nail ola bilməyəcəklər. Heç kəs günahkarların yükünü, hətta
bir az da olsa, yüngülləşdirə bilməz. Hətta bir adam könüllü surətdə başqasının
günahlarının yükünü öz üstünə götürməyə razılaşsa da belə, o, onsuz da günahkara
heç vəchlə kömək edə bilməz, çünki haqq – Öz qullarını Özünün xüsusi qanunları
ilə mühakimə etməkdə sərbəst olan Fövqəlqüdrətli Rəbbin tərəfindədir. Fövqəluca
Allahın qanununda isə belə deyilir: “Heç kim özgəsinin günahlarının yükünü
daşımayacaqdır”.
ﯛ ﯜ ﯝ ﯞ ﯟﯠ ﯡ ﯢ ﯣ ﯤ ﯥ ﯦ ﯧ
(29. 13) “Onlar
mütləq öz yüklərini və öz yüklərilə birlikdə neçə-neçə başqa yükləri də
daşıyacaqlar. Qiyamət günü isə onlardan uydurduqları iftiralar barədə mütləq
soruşulacaqdır”.
Əvvəlki ayədən
aydın olur ki, ətraflarındakıları günah işlətməyə çağıran kafirlər
başqalarının günahlarına görə məsuliyyət daşımayacaqlar. Amma bu, belə bir
yanlış zənnə səbəb ola bilər ki, guya kafirlər düz yoldan azdırdıqları
insanların günahlarına görə də cavab verməyəcəklər. Belə gümanların
yaranmasının qarşısını almaqdan ötrü Fövqəluca Allah bəyan edir ki, fasiqlər
müstəqil törətdikləri günah yükü ilə bərabər, öz fitnəkarlıqları sayəsində
başqa insanları günah törətməyə yönəltdiklərinə görə də məsuliyyət
daşıyacaqlar. Əgər bir nəfər başqa birisindən nümunə götürərək, günah işlədirsə,
buna görə məsuliyyət eyni bərabərlikdə hər iki günahkara aid olur. Birinci,
Allaha itaətsizlik göstərdiyinə görə cəzalandırılır, ikinci isə ətrafındakıları
Ona itaətsizlik göstərməyə təhrik etdiyinə görə cəzalandırılır. Oxşar hal
bir başqasının nümunəsi sayəsində göstərilən xeyirxahlıq nəticəsində də əmələ
gəlir. Belə ki, birinci Fövqəlucaya itaətinə görə mükafat alır, ikinci isə,
onun göstərdiyi nümunəsinin ətrafdakılara faydalı olmasına görə mükafata
layiq görülür. Qiyamət günü başlandıqda isə, Fövqəluca Allah bədxahlıq edən və
bunu başqa insanların nəzərində bərbəzəkli göstərən və onları cinayət törətməyə
sövq edərək, sonradan onları günahların yükündən qurtaracağını vəd edən günahkarları
da məsuliyyətə cəlb edəcəkdir.
ﯨ ﯩ ﯪ ﯫ ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ ﯶ ﯷﯸ
(29. 14) “Biz Nuhu da onun xalqının yanına göndərdik və o,
onların arasında min ildən əlli[5] il əskik qaldı. Onlar
zalım idilər və tufan onları həlak etdi”.
Fövqəluca bu ayədə
kafir xalqlara tətbiq edilmiş və Onun hüdudsuz hakimiyyəti və müdrikliyinin
parlaq dəlili olan cəza haqqında xəbər verir. Bu xalqlardan birinin yanına
Allah Öz qulu və elçisi Nuhu (ə) göndərir. O (ə) öz qəbilədaşlarını Allahdan
başqa heç kimə ibadət etməməyə və başqa “ilahlara” ibadətdən əl çəkməyə
çağırır. Peyğəmbər (ə) öz qəbilədaşları arasında 950 il təbliğat aparır. O (ə)
fasilə vermədən hikmətli nəsihətlər vermək imkanını əldən buraxmır və öz moizələrinə
də ara vermir. O (ə) öz Rəbbinin təlimini gecə-gündüz, gizli və aşkarda
insanlara çatdırır, lakin günahkarlar doğru yolla getməkdən boyun qaçırırlar.
Bundan başqa, onlar küfrə etiqadlarını və zalım əməllərini davam etdirirdilər.
Belə olduqda Nuh peyğəmbər (ə) onları lənətləyir. O (ə) onlara qarşı görünməmiş
səbir və çox böyük səbat göstərmişdi, amma son nəticədə yenə də öz Rəbbinə
aşağıdakı sözlərlə dua etdi: “Ey Rəbbim! Yer üzündə bir nəfər də olsa kafir
qoyma!” (Nuh, 71/26). Bir müddət keçdikdən sonra tufan onları yaxaladı: su
göylərdən tökülür və yerin dərinliklərindən fışqırırdı. Nuhun (ə) qəbilədaşları
bu cəzaya layiq idilər, çünki onlar mürtədiydilər.
ﭑ ﭒ ﭓ ﭔ ﭕ ﭖ ﭗ
(29. 15) “Biz
onu gəmidə olanlarla birlikdə xilas etdik və onu aləmlərə bir dəlil etdik”.
Nuh peyğəmbər (ə)
və daha bir neçə iman gətirənlər gəmiyə oturdular və onlar məşəqqətli
cəzadan xilas olan yeganə insanlar oldular. Buna görə də Fövqəluca Rəbb bu gəmini
və bu peyğəmbərin (ə) hekayətini aləmlərin məskunları üçün bir dəlil edir.
İnsanlar və cinlər bu hekayətdən ibrət almalıdırlar və yadda saxlamalıdırlar
ki, Allahın elçilərinə (onlara salam olsun!) imansızlıq göstərmək həmişə həlak
olmaqla nəticələnir, haqq din isə həmişə qayğılardan qurtulmağa ümid bəsləməyə
və ən çətin şəraitdən çıxış yolu tapmağa imkan verir. İnsanlar və cinlər həmçinin
Fövqəluca Rəbbin dəlilləri və Onun mərhəmətinin xatırladılması olan gəmilərə
xüsusi diqqət yetirməlidirlər. Məhz Allahın mərhəməti sayəsində insanlar gəmiləri
inşa etməyi öyrəndilər ki, onların vasitəsi ilə dənizlərin arxasında qalan ölkələrə
səfər edə və ağır yüklər daşıya bilsinlər.
ﭘ ﭙ ﭚ ﭛ ﭜ ﭝ ﭞﭟ ﭠ ﭡ ﭢ ﭣ
ﭤ ﭥ ﭦ
(29. 16) “Budur, İbrahim də xalqına dedi: “Allaha ibadət edin və Ondan qorxun! Bunu bilsəydiniz sizin üçün daha yaxşı
olardı”.
Bu ayədə Fövqəluca
Öz sevimlisi İbrahimin (ə) peyğəmbərliyi haqqında xəbər verir. Rəbb onu (ə)
Allahın dinini yaymaq üçün öz xalqının yanına göndərmişdi və o (ə) demişdi: “Tək
Allaha ixlasla ibadət edin və Onun hökmlərini layiqincə yerinə yetirin! Allahın
qəzəbindən ehtiyat edin və günah işlətməyin ki, işgəncəli cəza sizi
yaxalamasın. Əgər siz bunu dərk edə bilsəniz, bu sizin üçün daha yaxşı olardı.
Tək Allaha ibadət və təqvalılıq sizə hər şeydən daha çox fayda verər”.
Bu Quran ayəsində
müqayisə dərəcəsindən istifadə edilməsi[6]
üstünlük dərəcəsi mənasını bildirir, çünki onda Allaha ibadətlə və təqvalılıqla
məhz nəyin müqayisə edildiyi göstərilmir. Həqiqətən, tək Allaha ibadətdən və təqvalılıqdan
imtina etmə insana heç bir fayda vermir, çünki yalnız tövhid tərəfdarı və
dindar olmaq sayəsində həm bu dünyada, həm də öldükdən sonra Axirətdə səadətə
nail olmaq mümkündür. Həm bu dünyada, həm də Axirət həyatında istənilən nemətlər
məhz bu gözəl keyfiyyətlərin nəticəsi olacaqdır. İnsanlara bu həqiqəti dərk
etməyə, öz fitrəti haqqında düşünməyə və doğrudan da layiq olana üstünlük verməyə
mane olan görəsən nədir?
Tək Allaha və təqvalılığa
etiqad etmək hökmündən sonra İbrahim peyğəmbər (ə) öz qəbilədaşlarına,
çoxsaylı qüsurları olan və ilahlaşdırılmağa layiq olmayan bütlərə ibadət etməyə
qadağa qoydu. O (ə) dedi:
ﭧ ﭨ ﭩ ﭪ ﭫ ﭬ ﭭ ﭮﭯ ﭰ ﭱ ﭲ
ﭳ ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ ﮀﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋﮌ ﮍ ﮎ ﮏ ﮐ ﮑ ﮒ ﮓ
(29. 17) “Siz Allahın əvəzinə bütlərə ibadət edir və yalan uydurursunuz. Həqiqətən,
Allahın yerinə ibadət etdikləriniz, sizə ruzi verməyə qadir deyillər. Ruzini
Allahın dərgahında arayın, Ona ibadət edin və Ona şükür edin. Siz Onun yanına
qaytarılacaqsınız”.
(29. 18) “Siz
bunu yalan saysanız, bilin ki, sizə qədər bir sıra xalqlar da yalan
saymışdılar, lakin elçinin vəzifəsi yalnız açıq-aşkar təbliğatdır”.
Siz yalan uydurur, daş heykəllər düzəldir, onları ilahi adlarla adlandırırsınız
və insanları öz “ilahlarınıza” ibadət etməyə və dininizə etiqad bəsləməyə
çağırırsınız. Lakin uydurduğunuz “ilahlar” onların ilahlaşdırılmasını tələb
edən sifətlərə malik deyillər. Onlar fayda gətirməyə və şərdən qorumağa
qadir deyillər. Onlar həyat, ölüm və dirilmə üzərində hakimiyyətə malik deyillər.
Onlar ibadətin və ya ilahlaşdırılmanın hətta zərrəciyinə belə layiq olmayan
məxluqların keyfiyyətlərinə malikdirlər, çünki ilah yalnız o kəs adlandırıla
bilər ki, ondan yardım və xilas üçün xahiş etmək mümkün olsun. Bax elə buna
görə də İbrahim peyğəmbər (ə) öz həmqəbilələrini Vahid Haqq Allaha ibadət
etməyə çağıraraq demişdir: “Ruzini Allahın dərgahında arayın, Ona ibadət
edin və Ona şükür edin. Təkcə Fövqəluca Allah sizə ruzi nazil edə bilər, çünki
təkcə O (Pak və Müqəddəs Olan) Öz qullarına zəruri ehtiyaclarını əldə etməyə
yardım göstərir, onların bu dünyadakı nəsibini müəyyənləşdirir və Ona
maddi və mənəvi işləri ilə bağlı dua edən insanların dadına çatır. Yalnız O
(Pak və Müqəddəs Olan) ibadətə layiqdir, çünki təkcə O (Pak və Müqəddəs
Olan) qüsur və nöqsanlardan xalidir, nemət nazil etmək və ya zərər vurmaq
iqtidarına sahibdir. O (Pak və Müqəddəs Olan), Kainatı təkbaşına idarə
edir və sizin Ona səmimiyyətlə minnətdarlıq etmənizə layiqdir, çünki təkcə
O (Pak və Müqəddəs Olan) məxluqlarına bol-bol nemətlər əta edir və onları bədbəxtliklərdən
və məhrumiyyətlərdən qoruyur. Siz Onun dərgahına qaytarılacaqsınız və
o zaman O (Pak və Müqəddəs Olan) sizin hər birinizə etdiyiniz əməllərə görə
əvəz verəcək və sizə gizlətdiyiniz və ya aşkar etdiyiniz bütün əməllərinizi xəbər
verəcək. Onun hüzurunda müşriklər və ya kafirlər kimi dayana biləcəyinizdən
ehtiyat edin və var qüvvənizlə çalışın ki, bol mükafatını almaqdan ötrü Ona yaxınlaşasınız”.
ﮔ ﮕ ﮖ ﮗ ﮘ ﮙ ﮚ ﮛﮜ ﮝ ﮞ ﮟ
ﮠ ﮡ ﮢ
(29. 19) “Məgər onlar görmürlər ki, Allah əzəldən məxluqu necə yaradır və
sonra onu necə təkrar xəlq edir? Həqiqətən də bu Allah üçün asandır”.
Ayədə Qiyamət
günü məxluqların dirildilməsindən bəhs edilir. Quranın digər bir ayəsində isə
deyilir: “O – məxluqları ilk dəfə yaradır, sonra onları yenidən xəlq edir,
bunu etmək isə Onun üçün daha asandır” (30/27).
ﮣ ﮤ ﮥ ﮦ ﮧ ﮨ ﮩ ﮪﮫ ﮬ ﮭ ﮮ
ﮯ ﮰﮱ ﯓ ﯔ ﯕ ﯖ ﯗ ﯘ ﯙ
(29. 20) “De:
“Yer üzündə gəzib dolaşın və Onun məxluqları ilk dəfə necə yaratdığına nəzər
salın. Sonra Allah onları Axirət üçün dirildəcəkdir. Həqiqətən, Allah hər şeyə
Qadirdir”.
Əgər siz dirildilmənin gerçəkliyinə
şübhə edirsinizsə, onda bu dünyaya nəzər salın və düşünün və siz mütləq görəcəksiniz
ki, insanlar doğulur və ölürlər, bitkilər gül açır və solur, buludlar toparlaşır
və parçalanır, küləklər isə güclənir və zəifləyib sakitləşir. Bütün varlıqlar
yaradılır və sonradan yenə zühur etmək üçün ölür. İnsanın yuxusu üzərində
düşünün – onu kiçik bir ölüm kimi adlandırmaq olar. Gecə insanları öz pərdəsi
ilə əhatə edir, gündüzün vurnuxmalarının arası kəsilir və insan səsləri eşidilməz
olur. İnsanlar yatmaq üçün isti yataqlarına uzanırlar ki, burada onlar daha
çox meyidi xatırladırlar. Lakin gecə bitməyə macal tapmamış, insanlar artıq
yuxudan oyanırlar, kiçik ölümdən sonra canlanaraq belə deyirlər: “Həmd olsun
Allaha ki, ölümdən sonra bizi həyata qaytardı və biz Ona qaytarılacağıq!”
Sonra isə Allah insanları Axirət üçün sonuncu dəfə bərpa edir və bundan sonra
insanlar artıq bir də heç vaxt ölümü və yuxunu dadmayacaqlar – onların hər
biri iki məkandan birində əbədilik qazanırlar. Fövqəluca Rəbb üçün mümkün
olmayan heç bir şey yoxdur, əgər O, bir dəfə insanları xəlq etmişdirsə, onda
onların varlığını yenidən bərpa etmək Onun üçün heç də çətinlik yarada bilməz.
ﯚ ﯛ ﯜ ﯝ ﯞ ﯟﯠ ﯡ ﯢ ﯣ
(29. 21) “O, istədiyinə əzab
verir və istədiyinə də mərhəmət göstərir və siz Ona qaytarılacaqsınız”.
O (Pak
və Müqəddəs Olan), Öz məxluqlarını təkbaşına mühakimə edir: müti möminlərini
mükafatlandırır və onların qayğısına qalır, itaətsizlik göstərənləri isə cəzalandırır.
Qəti hökm çıxarıldıqdan sonra hər bir insan ya Səadət yurdunda, ya da Odpüskürən
Cəhənnəmdə öz yerinə nail olur. Bunu yadda saxlayın və sizə Rəbbinizin
iltifat göstərməsinə kömək olacaq xeyirxah əməllər edin. Həmçinin itaətsizlik
göstərməkdən və dikbaşlıq etməkdən çəkinin, çünki bunlar günahkarı böyük əzab-əziyyətə
məhkum edir.
ﯤ ﯥ ﯦ ﯧ ﯨ ﯩ ﯪ ﯫﯬ ﯭ ﯮ ﯯ
ﯰ ﯱ ﯲ ﯳ ﯴ ﯵ ﯶ
(29. 22) “Siz nə yerdə, nə
də göydə heç yana qaça bilməzsiniz və sizin Allahdan başqa nə dostunuz, nə də
köməkçiniz olmayacaqdır”.
Ey Fövqəluca Allaha itaətsizlik
göstərməyə cəsarət edən kafirlər! Elə düşünməyin ki, günahlarınıza diqqət
yetirilməyəcəkdir və siz yerdə və ya göydə Rəbbinizin cəzalandırmasından qaça
biləcəksiniz. Öz gücünüzə aldanmayın və amansız cəzadan xilas ediləcəyiniz
barədə xəyalətə qapılmayın, çünki siz heç vaxt Hərşeydən Xəbərdarolan Rəbbin
nəzarəti altından qaçmağa nail ola bilməyəcəksiniz. Allahdan başqa heç kim
sizə kömək edə bilməyəcək və heç kim sizi himayəsi altına almaq istəməyəcək,
ancaq O (Pak və Müqəddəs Olan), sizə maddi və mənəvi zənginlik əldə etməyə
və sizi hər hansı şərdən qorumağa kömək göstərə bilər.
ﯷ ﯸ ﯹ ﯺ ﯻ ﯼ ﯽ ﯾ ﯿ ﰀ ﰁ
ﰂ ﰃ ﰄ
(29. 23) “Allahın ayələrinə və Onunla görüşəcəklərinə iman gətirməyənlər Mənim mərhəmətimə
ümidini itirənlərdir. Məhz onlara məşəqqətli əzab hazırlanmışdır”.
Fövqəluca bu ayədə xeyirdən
məhrum edilib, müsibəti dadacaq bədbəxtlər haqqında xəbər verir. Onlar
Allahın elçilərini və peyğəmbərlik təlimlərini rədd edən kafirlərdir. Onlar
öz Rəbbi ilə görüşəcəklərini güman etmirdilər və ancaq dünya həyatı haqqında
düşünürdülər. Onlar törətdikləri cinayətlərin bəhrəsini dadacaqlarından
ehtiyat etmirdilər və bu onları günah işlətməyə və müşrikliyə sövq edirdi.
Onlar Allahın mərhəmətini qazanmaq üçün bir addım belə atmırdılar və buna görə
Fövqəluca Allah bəyan edir ki, onlar Onun rəhm edəcəyinə ümidlərini itirmişlər.
Əgər bu belə olmasaydı, əgər onlar öz Rəbbinin mərhəmətinə ümid bəsləsəydilər,
onda onlar bunun xatirinə mütləq xeyirxah işlər görərdilər. Buna görə müsəlman
bilməlidir ki, Allahın mərhəmət göstərəcəyinə naümid olmaq ən təhlükəli səhvlərdən
biridir. Bu yanlışlıq iki formada təzahür edir: kafirlər Allahın mərhəmətinə
ümidlərini, Rəbbə yaxınlaşmağa ümumiyyətlə cəhd göstərmədiklərinə görə
itirirlər, günahkar möminlər isə onların ürəklərinə qəm-qüssə salan və
onları nurlu ümiddən məhrum edən çoxsaylı cinayətləri və günahları üzündən
ümidsizləşirlər. Əgər insanlar yuxarıda sadalanan keyfiyyətlərə malik
olsalar, onlar ağrılı-acılı cəzaya məruz qalacaqlar. Əvvəlki və sonrakı ayələrdə
İbrahimin (ə) qəbilədaşlarının öz peyğəmbəri ilə çəkişmələri xatırlanılırsa,
Fövqəluca Rəbb bu ayə ilə inadkar kafirlərin iddialarını təkzib edir. Bu barədə
Allah daha yaxşı bilir!
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝ ﭞﭟ ﭠ ﭡ ﭢ ﭣ ﭤ ﭥ ﭦ
(29. 24) “Qəbilədaşlarının
ona cavabı: “Onu öldürün və ya yandırın!” - oldu. Lakin Allah onu oddan xilas
etdi. Həqiqətən, bunda – mömin insanlar üçün bir dəlil vardır”.
İbrahim (ə) öz xalqı
arasında təbliğatını davam etdirirdi. O (ə) onları Rəbbə iman gətirməyə, onun (ə)
səmimi nəsihətlərinə qulaq asmağa və onlara elçi Göndərən Allahın mərhəməti
üzərində düşünməyə dəvət edirdi. Lakin onun (ə) qəbilədaşlarının cavabı dəhşətli
oldu. Onlar qərara aldılar ki, onu (ə) ən əzablı tərzdə edam etsinlər və
bundan ötrü onlar kifayət qədər hakimiyyətə malik idilər. Onlar peyğəmbəri (ə)
oda atdıqda, Fövqəluca Allah onu (ə) odun alovlu şölələrindən qorudu. Həqiqətən,
bu, iman gətirmiş insanlar üçün bir dəlil oldu. Bu möcüzə Allahın elçilərinin
doğruçuluğuna, xeyirxahlığına və səmimiliyinə və həmçinin elçilərə
müqavimət göstərən və bir-birini daha böyük küfrə çağıran kafirlərin niyyətlərinin
yanlışlığına dəlalət etməkdədir.
ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ
ﭲﭳ ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ ﮀ ﮁ ﮂ ﮃ
(29. 25) “O dedi: “Siz
ancaq bu dünyada bir-birinizə bəslədiyiniz məhəbbətə görə Allahın əvəzinə
bütlərə ibadət etməyə başladınız. Lakin sonra, Qiyamət günü, sizdən bir
qisminiz digərlərini inkar edib, lənətləyəcək. Sığınacağınız – Oddur, kömək
edənləriniz isə olmayacaqdır”.
İbrahim peyğəmbər (ə)
özünün moizələrinin birində öz xalqına belə dedi: “Bütpərəstlik tərəfdarı
olmağınız sayəsində siz, çox tezliklə varlığına son qoyulacaq və yox olacaq bu
dünyada bir-birinizi müdafiə edə bilərsiniz. Qiyamət günü başladıqda isə, sizin
bir qisminiz digər qisimlərinizdən əl çəkəcəklər. Bəs niyə siz sizin ibadətinizdən
boyun qaçıranlara və sizi lənətləyənlərə ümid bəsləməkdə davam edirsiniz?”
Bu o
deməkdir ki, bütlər və bütpərəstlər bir-birilərindən üz döndərib, bir-birilərini
danacaqlar. Qızmar Cəhənnəm həm bütlər üçün, həm də bütpərəstlər üçün
sığınacaq olacaqdır və bir nəfər belə onları Allahın cəzasından xilas edə bilməyəcəkdir.
Fövqəluca buyurur: “Allahın əvəzinə, onlara Qiyamət gününə qədər cavab verə
bilməyənlərə və onların duasından belə xəbərləri olmayanlara dua edənlərdən
daha çox azğınlığa düşən kim ola bilər?!.. İnsanlar bir yerə toplandıqda isə,
onlar bir-birinin düşməninə çevriləcək, onların ibadətini inkar edəcəklər” (Əhqaf,
46/5-6).
ﮄ ﮅ ﮆ ﮇﮈ ﮉ ﮊ ﮋ ﮌ ﮍﮎ ﮏ
ﮐ ﮑ ﮒ ﮓ
(29. 26) “Sonra Lut ona iman gətirdi, o isə dedi:
“Mən Rəbbimin xatirinə hicrət edəcəyəm. Həqiqətən, O – Fövqəlqüdrətlidir,
Müdrikdir”.
İbrahim peyğəmbərin (ə) qəbilədaşları
öz inadcıllıqlarında və onun (ə) dəvətindən boyun qaçırmaqda davam edirdilər və
təkcə Lut alicənab peyğəmbərə (ə) iman gətirdi. Sonradan Fövqəluca Allah bu
mömin bəndəsini Öz elçisi edəcək və onu öz qəbilədaşlarının arasına dini təbliğat
üçün göndərəcəkdi. İbrahim peyğəmbər (ə) dedi: “Mən qərara
almışam ki, şərin və zalımlığın hökm sürdüyü bu ölkəni tərk edib, mübarək Şam torpaqlarına
köç edim. Həqiqətən, Allah bütün varlıqlar üzərində hökmrandır və mənim xalqımı
doğru yola yönəltməyə qadirdir, lakin Allahın hikməti bunu etməyə yol verməmişdir”.
İbrahim
(ə) öz kafir qəbilədaşlarını tərk etdi və Fövqəluca Allah bundan sonra onun (ə)
xalqının başına gələn əzab-əziyyətli cəza haqqında xəbər vermir. Lakin
İsrail oğullarının rəvayətlərindən məlumdur ki, Fövqəlqüdrətli Rəbb fasiqlərin
üstünə mığmığa göndərmişdir və o həşəratlar onların bədənlərini dişlək-dişlək
etmiş, qanlarını sovurmuş və onları axırıncı nəfərinə kimi həlak etmişdir.
Buna baxmayaraq, biz birmənalı olaraq bu rəvayətin səhihliyini təsdiq edə
bilmərik, çünki bu barədə İslam dini mətnlərində xəbər verilməmişdir.
Əgər İbrahim peyğəmbərin (ə) xalqı məhv edilsəydi, Fövqəluca Allah başqa
kafir xalqların məhv edilməsi haqqında xəbər verdiyi kimi, bu barədə də
bildirərdi. Ola bilsin ki, bütün bunlar İbrahimin (ə) ən ürəyiyanan, ləyaqətli,
səbirli və alicənab insan olmasına dəlalət edir. Ola da bilsin ki, Fövqəluca
Allahın onun (ə) xalqının kökünü kəsməməyinin səbəbi, bir çox digər elçilərdən
fərqli olaraq, onun (ə) öz qəbilədaşlarını lənətləməmsdir. Belə ehtimalların
doğruluğunu İbrahim peyğəmbərin (ə) Lut peyğəmbərin (ə) xalqını məhv etməyə
yollanan mələkləri geri qaytarmağa cəhd göstərməsi də təsdiq edir. O (ə)
mələklərlə mübahisə edərək var qüvvəsi ilə çalışırdı ki, hətta onun qəbiləsindən
olmayan insanları da müdafiə etsin. Həqiqətən, bütün baş vermiş hadisələri
bilən yalnız Fövqəluca Allahdır!
ﮔ ﮕ ﮖ ﮗ ﮘ ﮙ ﮚ ﮛ ﮜ ﮝ ﮞ
ﮟ ﮠﮡ ﮢ ﮣ ﮤ ﮥ ﮦ ﮧ
(29. 27) “Biz ona İshaqı və
Yəqubu, onun nəslinə peyğəmbərlər və Kitab bəxş etdik. Biz ona mükafatını bu
dünyada əta etdik və şübhəsiz ki, Axirətdə o, salehlərdən olacaqdır”.
Bu, İbrahim peyğəmbər (ə)
Şama hicrət etdikdən sonra baş vermişdi. Bundan sonra Fövqəluca Allahın göndərdiyi
bütün peyğəmbərlər və elçilər İbrahim peyğəmbərin (ə) alicənab nəslinə mənsub
olurdular, bu seçilmişlərin sonuncusu isə Muhəmməd Peyğəmbər (ona Allahın
salavatı və salamı olsun!) olmuşdur. Bunun sayəsində İbrahim peyğəmbərin (ə) nəsli
ilahi rəhbərlik, rəhmdillik, xoşbəxtlik və müvəffəqiyyət mənbəyinə
çevrilmişdir. Onlar doğru yola gəlməkdə, iman gətirməkdə, xeyirxah işlər görməkdə
insanlara kömək göstərir və bütün bunlar İbrahim peyğəmbərin (ə) ən böyük məziyyətlərindəndir.
Allah
ona (ə) bu dünyada layiq olduğunu bəxş etmişdir. O (ə) heyranedici qüvvəyə
malik olan qadınla evlənmiş, böyük var-dövlətə sahib olmuş, ona (ə) çoxlu
sevinc bəxş edən uşaqların atası olmuşdur. Bundan başqa, o (ə) Fövqəluca Rəbbi
dərk etməyi, Onu sevməyi və doğru yola gəlməyi bacarmışdır. Buna görə Axirət
həyatında o (ə) möminlər arasında olacaqdır. Bundan başqa, o (ə) və onun
birbaşa nəslindən olan Muhəmməd (ona Allahın salavatı və salamı olsun!)
saleh möminlərin ən yaxşılarından olacaqlar və Cənnət məkanında ən gözəl yerləri
tutacaqlar. Beləliklə, Fövqəluca Allah xəbər verir ki, İbrahim peyğəmbər (ə) həm
bu dünyada ikən və həm də ölümündən sonra Səadətə nail olmuşdur.
ﮨ ﮩ ﮪ ﮫ ﮬ ﮭ ﮮ ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜ
ﯝ ﯞ ﯟ ﯠﯡ ﯢ ﯣ ﯤ ﯥ ﯦ ﯧ ﯨ ﯩ ﯪ ﯫ ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ ﯶ ﯷ
(29. 28) “Bir vaxt Lut öz
xalqına dedi: “Həqiqətən, siz elə bir fahişəlik edirsiniz ki, sizdən əvvəlki
aləmlərdən heç kim bunu etməmişdir.
(29. 29) Siz hələ də kişilərə
yaxınlıq edir, yolları kəsir və öz yığnaqlarınızda çirkin hərəkətlər törədirsiniz?”
Ona cavab verən camaat belə dedi: “Əgər sən doğru danışanlardansansa, tez ol,
Allahın əzabını üstümüzə göndər!”
(29. 30) “O dedi: “Ey Rəbbim!
Şərəfsizlik yayan insanlara qalib gəlməkdə mənə kömək et!”
Bundan
öncə Fövqəluca Allah artıq Lutun İbrahim peyğəmbərə (ə) iman gətirməsini və döğru yola gəlməsini xəbər vermişdi. İslam
ilahiyyatçıları belə hesab edirlər ki, o (ə) İbrahimin (ə) nəslindən deyildi, çünki onun (ə) qardaşının öğlu idi. Lakin bu heç də Fövqəluca Allahın İbrahimin (ə) nəsillərinə peyğəmbərlik və Kitab əta etməsinə zidd deyildir. Fövqəluca
Allah bu barədə xəbər verməklə sadəcə Özünün sevimli qulunun üstünlüyünü
vurğulayır, çünki Lut peyğəmbər (ə) məhz onun (ə) moizələri sayəsində
haqq dinə gəlmişdi. Şübhəsiz ki, insanı doğru yola yönəltmək qabiliyyəti,
saleh nəsillərə malik olmaqdan daha böyük şərəf gətirir. Bu barədə ən
yaxşı bilən Allahdır!
Sonra Fövqəluca Rəbb xəbər
verir ki, alicənab peyğəmbər Lut (ə) elə insanların arasına dini təbliğ etməyə
göndərilmişdi ki, onlar bütlərə ibadət edir, kişibazlıqla[7] məşğul
olur, səfərə çıxanlara yollarda basqın edib soyğunçuluq törədir və öz
yığnaqlarında yaramaz hərəkətlərə yol verirdilər. Lut (ə) qəbilədaşlarını törətdikləri
cinayətlərə görə tövbə etməyə çağırır və onlara izah edirdi ki, törətdikləri
günahlar iyrənc hərəkətlərdir və sarsıdıcı cəza ilə nəticələnəcəkdir. Lakin qəbilədaşları
onun (ə) sözlərinə qulaq asmadılar və nəsihətləri üzərində düşünmədilər.
Onlar səmimi təbliğatına cavab olaraq belə dedilər: “Əgər sən doğru deyirsənsə,
onda Allahın cəzasını üstümüzə göndər”. Nəhayət, peyğəmbər (ə) onların
doğru yola gələcəyindən ümidini itirdi və başa düşdü ki, onlar həqiqətən, ən
amansız cəzaya layiqdirlər. Onların kafirliyi onu (ə) bərk narahat etdi və
belə olduqda, o (ə) öz qəbilədaşlarını lənətlədi. Allah Öz elçisinin (ə)
duasını qəbul etdi və fasiqləri məhv etmək üçün mələkləri onun (ə) yanına göndərdi.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛﭜ
ﭝ ﭞ ﭟ ﭠ ﭡ ﭢ ﭣ ﭤ ﭥﭦ ﭧ ﭨ ﭩ ﭪ ﭫﭬ ﭭ ﭮ ﭯ ﭰ ﭱ ﭲ ﭳ ﭴ
(29. 31) “Elçilərimiz müjdə
ilə İbrahimin yanına gəldikdə, onlar dedilər: “Biz bu məskənin əhalisini məhv
edəcəyik. Həqiqətən, onun sakinləri zalımdırlar”.
(29. 32) “O dedi: “Axı Lut oradadır!” Onlar dedilər: “Orada kimin olmasını biz yaxşı
bilirik! Biz onu və ailəsini, dala qalanların arasında olacaq qarısından
başqa, mütləq xilas edəcəyik”.
Mələklər yol üstü İbrahimin (ə) yanına gəldilər və ona (ə) müjdə verdilər ki, yaxın vaxtlarda İshaq doğulacaq və onun da sonradan
Yəqub adında oğlu dünyaya gələcək. İbrahim peyğəmbər (ə) mələklərdən haraya getdiklərini soruşduqda, onlar ona (ə) Lutun (ə) xalqını məhv
etməyə hazırlaşdıqlarını bildirdilər. Bunu eşitdikdə, İbrahim peyğəmbər (ə) cəzanı ləngitmələri üçün mələkləri razı salmağa cəhd göstərdi,
lakin onları fikrindən döndərmək mümkün deyildi.
ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ ﭿ
ﮀ ﮁ ﮂ ﮃﮄ ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ ﮘ ﮙ ﮚ
(29. 33) “Elçilərimiz Lutun yanına gəldikdə, o, məyus
oldu və çarəsizliyini hiss etdi. Onda onlar dedilər: “Qorxma və qəm yemə! Biz
səni və ailəni, dala qalanların arasında olacaq qarısından başqa, mütləq xilas
edəcəyik”.
(29. 34) “Biz bu məskənin əhalisinin üstünə, günah
işlədiklərinə görə, göylərdən cəza yağdıracağıq”.
Sonra
mələklər yollarına davam edərək Lut peyğəmbərin məskəninə gəldilər. O (ə),
çağrılmamış qonaqları gördükdə, ovqatı bərk təlx oldu və onlardan ötrü
narahatlıq keçirməyə başladı. Onda o (ə) hələ mələkləri tanımamışdı və elə
bilmişdi ki, qonaqları adi müsafirlərdir. O (ə) ehtiyat edirdi ki, qəbilədaşları
onlara zərər toxundura bilərlər, lakin mələklər dedilər: “Qorxma və qəm yemə!”
Onlar ona (ə) anlatdılar ki, onlar Fövqəlqüdrətli Allahın elçiləridir və
sonra da ona (ə) gecə qaranlığının pərdəsi altında şəhəri tərk etməyi
tapşırdılar, səhər isə artıq Fövqəluca Allah bədbəxtlərin məskənini alt-üst
etməkdəydi: fasiqlərin üstünə bişmiş gildən daş yağmuru yağdırdı və o daşlar,
bütün günahkarlar məhv edilənədək, göydən bir-birinin ardınca düşürdü.
Bunun nəticəsində Lutun (ə) xalqının rəvayəti bir ibrət dərsi və nümunəsi
oldu.
ﮛﮜﮝ ﮞ ﮟﮠﮡ ﮢ
Alicənab peyğəmbərin (ə) qəbilədaşlarının
yaşadıqları məskənə gəldikdə isə, o, öyüd-nəsihətə qulaq asan və onlardan
faydalı nəticələr çıxaran insanlar üçün əyani bir ibrət vasitəsinə çevrildi.
Bu Quran ayəsi aşağıdakı ayəyə bənzəyir: “Siz, sözsüz ki, səhər-axşam
onlarla rastlaşırsınız. Bəs ibrət götürməyəcəksiniz?” (Saffat,
37/137-138).
ﮣ ﮤ ﮥ ﮦ ﮧ ﮨ ﮩ ﮪ ﮫ ﮬ ﮭ
ﮮ ﮯ ﮰ ﮱ ﯓ ﯔ ﯕ ﯖ ﯗ ﯘ ﯙ ﯚ ﯛ ﯜ
(29. 36) “Mədyənlilərə də onların qardaşı Şueybi göndərdik
və o dedi: “Ey xalqım! Allaha ibadət edin, Axirət gününə ümid bəsləyin və yer üzündə pozğunluq edib, şərəfsizlik yaymayın!”
(29. 37) “Onlar onu yalançı saydılar və bu zaman onlar
müdhiş bir sarsıntıya düşdülər və məskənlərində yerə sərilib qaldılar”.
Fövqəluca xəbər verir ki, mədyənlilərə
də öz qardaşları Şueybi göndərmişdir. Mədyən – yaxşı tanınmış bir qəbilənin
adıdır. Peyğəmbər (ə) qəbilədaşlarını bir olan Allaha ibadət etməyə və Ona şərik
qoşmamağa, insanların dirildiləcəyinə iman gətirməyə, ümidi Axirət həyatı ilə
bağlamağa və ölümdən sonrakı həyat naminə zəhmətə qatlaşmağa çağırırdı. O (ə)
onlara yer üzündə fasiqlik etməyi və onu yaymağı, alıcıları çəkidə və ölçüdə
aldatmağı və yol üstə olan müsafirlərə qarşı quldurcasına basqını qadağan
etdi. Lakin fasiqlər öz peyğəmbərlərini (ə) inkar etdilər və elə həmən anda
da Allahın cəzası onları yaxaladı və onlar öz evlərindəcə ölüb, yerə sərildilər.
ﯝ ﯞ ﯟ ﯠ ﯡ ﯢ ﯣﯤ ﯥ ﯦ ﯧ ﯨ
ﯩ ﯪ ﯫ ﯬ ﯭ ﯮ ﭑ ﭒ ﭓﭔ ﭕ ﭖ ﭗ ﭘ ﭙ ﭚ ﭛ ﭜ ﭝ ﭞ ﭟ
(29. 38) “Adları da, səmudluları da həmçinin[9]...!
Bu, onların məskənlərindən də bəllidir. Şeytan onların əməllərini özlərinə
gözəl göstərdi və onları yoldan çıxartdı, halbuki onlar gözüaçıq idilər”.
(29. 39) “Qarunu da, Fironu
və Hamanı də[10]...!
Musa onların yanına açıq-aydın bir bəyənatla gəlmişdi, amma onlar yer üzündə
təkəbbürlük göstərdilər, lakin onlar[11]
qabaqlaya bilmədilər”.
Eyni tale adlara da, səmudlulara
da nəsib oldu. Onların başına gələn tarix yaxşı məlumdur. O əhvalatların
doğruluğuna əmin olmaq üçün, sizin onların həmişəlik tərk etdikləri məskənlərinin
xarabalıqlarını görməyiniz kifayətdir. Bu xalqların hər birinin yanına
ecazkar möcüzələr nümayiş etdirən elçilər gəlmişdilər. Bu dəlillər hər bir
ağıllı insan üçün kifayət edərdi, lakin fasiqlər onları rədd etdilər və elçilərlə
mübahisə etməyə üstünlük verdilər. Şeytan onların əməllərini özlərinə bər-bəzəkli
şəkildə göstərib, yoldan azdırdı və nəticədə onlar belə qərara gəldilər ki,
elçilərə itaət etməkdənsə, cinayət törətmək daha yaxşıdır. Şeytan onlarla yanaşı
Qarunu, Fironu (L) və Həməni də aldadıb azdırdı. Fövqəluca onların yanına Öz
elçisi İmran oğlu Musanı (ə) göndərdi. O (ə) onlara açıq-aydın dəlillər
nümayiş etdirdi və özünün (ə) haqlı olduğunu təkzibolunmaz sübutlarla təsdiq
etdi. Amma bu günahkarlar alicənab peyğəmbərə (ə) itaət etməkdən boyun qaçırdılar
və Allahın qulları üzərində təkəbbürlük etməyə başladılar və haqqı təşəxxüslə
inkar etdilər. Amansız cəza onları haqlayanda onlar həlak edilməkdən xilas
ola bilmədilər. Onlar Allahı qabaqlaya və alçaldılmaqdan yaxa qurtara bilmədilər.
Əksinə, onlar Allahın hüzurunda müti və lal oldular.
ﭠ ﭡ ﭢﭣ ﭤ ﭥ ﭦ ﭧ ﭨ ﭩ ﭪ ﭫ
ﭬ ﭭ ﭮ ﭯ ﭰ ﭱ ﭲ ﭳ ﭴﭵ ﭶ ﭷ ﭸ ﭹ ﭺ ﭻ ﭼ ﭽ ﭾ
(29. 40) “Onların hər
birini Biz günahlarına görə yaxaladıq. Bəzilərinə Biz daş qasırğası göndərdik,
bəzilərini müdhiş bir fəryad çulğadı, onlardan bəzilərini də, Bizim hökmümüz
ilə, yer uddu, digərlərini isə Biz suya qərq etdik. Allah onlara zalımlıq
etmirdi – onlar özlərinə qarşı zalımcasına davranırdılar”.
Fövqəlqüdrətli Allah bəyan
etmişdir ki, kafir xalqların hər biri törətdikləri cinayətlərə uyğun gələn cəza
almışdır. Rəbb bəzi günahkarları qəfildən qopan şiddətli küləklərə məruz
qoymuşdur. Bu acı tale Ad xalqına nəsib olmuşdur. Onları həlak edən uğursuz
qasırğa yeddi gecə və səkkiz gün ərzində, fasiləsiz olaraq, davam edib əsmiş və
bundan sonra isə həlak edilmiş günahkarlar çürümüş xurma ağaclarının yerə
yıxılmış gövdələrinə bənzəyirmişlər. Rəbb bəzi günahkarları müdhiş bir
gurultulu səslə məhv etmişdir və bunun ən parlaq dəlili Saleh peyğəmbərin (ə) qəbilədaşlarının
həlakı olmuşdur. Digər fasiqləri yer udmuşdur və belə sonluq təkəbbürlü Qarunun
qismətinə düşmüşdür. Başqa günahkarları isə Fövqəlqüdrətli Rəbb dənizdə
batırmışdır ki, bu, Fironun (L), Həmənin və onların qoşunlarının başına gəlmişdir.
Allah insanlara qarşı
zalımlıq etmirdi – onlar özləri özlərinə zülm edirdilər. Fövqəluca Allaha Öz
qullarını incitmək yaraşmaz, çünki O (Pak və Müqəddəs Olan) ədalətlidir və Öz
məxluqlarına möhtac deyildir. Lakin günahkarlar özləri özlərinə ədalətsizcəsinə
yanaşırlar, çünki öz vəzifələrini icra etmir və unudurdular ki, insan həyatının
mənası elə tək Allaha ibadət etməkdən ibarətdir. Onlar buna layiqincə əhəmiyyət
vermir, öz nəfslərinə uyur və günah etməyə qurşanırdılar. Bunların nəticəsində
onlar özlərini böyük bədbəxtliyə məhkum edirlər, amma səhvən elə düşünürlər ki,
bundan bir fayda qazanacaqlar.
ﭿﮀ ﮁﮂ ﮃ ﮄ ﮅ ﮆ ﮇ ﮈ ﮉﮊ ﮋ
ﮌ ﮍ ﮎ ﮏﮐ ﮑ ﮒ ﮓ ﮔ
(29. 41) “Özlərinə Allahdan
başqa dost seçənlər özünə ev toxuyan hörümçəyə
bənzərlər. Həqiqətən, ən davamsız ev – hörümçəyin evidir. Kaş ki, onlar bunu
biləydilər!”
Allah bu məsəli, Onunla
yanaşı, şan-şöhrət və arxa qazanmaq məqsədilə saxta ilahlara ibadət edənlər
haqqında çəkir. Amma əslində hər şey əksinə baş verir, çünki müşriklər qızmar
istidən, soyuqdan və incə torlardan toxunmuş yuvalarındakı müsibətlərdən
qorunmağa cəhd göstərən hörümçəyə bənzəyirlər. Hörümçək heyvanların ən zəiflərindəndir,
onun mənzili isə ən davamsız mənzillərdəndir. Hörümçək yuvasını hazırlayanda,
onun gücsüzlüyü özünü daha da qabarıq surətdə büruzə verir. Eyni şeyi Allahdan
başqa hamilər axtaran müşriklər barəsində də demək olar. Onlar bütün məsələlərdə
köməksiz və zəifdirlər və onlar kömək və yardım haqqında yalvarmağa
başladıqda, eyni aciz və əlacsız məxluqlar kimi olurlar və bu onların çarəsizliyini
və bacarıqsızlığını artırır. Onlar yalnız öz “ilahlarına” ümid bəsləyir, xoşbəxtlik
əldə etmək üçün təşəbbüs göstərmir və “ilahlarının” onların barəsində hökmən
qayğı göstərəcəklərinə kor-koranə təvəkkül edirlər. Lakin onlar özbaşına
buraxılacaq və köməksiz qalacaqlar, çünki onlar öz uydurulmuş “himayədarlarından”
hətta ən kiçik yardım belə ala bilməyəcəklər.
Əgər onlar özlərinin gerçək
vəziyyətini və sitayiş etdiklərinin vəziyyətini dərk edə bilsəydilər, onda
heç vaxt onlara pənah aparmazdılar. Onlar saxta ilahlardan əl çəkər və var
qüvvələri ilə Onun köməyinə ümid bəsləyən və Ona təvəkkül edən, qullarını Öz
yardımından məhrum etməyən Fövqəlqüdrətli və Mərhəmətli Allahın himayəsinə
sığınardılar. O (Pak və Müqəddəs Olan) onlara imanını qorumaqda və dünya həyatını
sahmana salmaqda kömək göstərir, onlara mənəvi qüvvə və sağlamlıq bəxş edir,
onların vəziyyətini və əməllərini islah edir.
ﮕ ﮖ ﮗ ﮘ ﮙ ﮚ ﮛ ﮜ ﮝﮞ ﮟ ﮠ
ﮡ ﮢ
(29. 42) “Həqiqətən, Allah
onların Ondan başqa ibadət etdikləri şeylərin hamısından agahdır. O – Fövqəlqüdrətlidir,
Müdrikdir”.
Bundan əvvəlki ayədə Fövqəluca
Allah müşriklərin ibadət etdikləri bütlərin acizliyini ifşa etmişdi. Sonra Fövqəlmüdrik
Rəbb müşrikliyin yanlışlığını daha qabarıq şəkildə vurğulamağı qərara alır
və bəyan edir ki, bütpərəstlərin uydurduqları “ilahlar” ümumiyyətlə mövcud
deyildir. Onlar sadəcə olaraq, fasiqlər tərəfindən uydurulmuş adlardan ibarətdir.
Müşriklər öz “ilahlarına” Allaha məxsus keyfiyyətlər aid edir və öz dediklərinə
özləri də inanırlar. Lakin bir nəfər ağıllı insan onların baxışları üzərində
düşündükdə, ona bəlli olur ki, bunlar nə dərəcədə yalan və yanlışdır. Fövqəluca
bütün bu məlum və qeybə aid məsələlərdən xəbərdardır və bilir ki, müşriklər
mövcud olmayan “ilahlara”, yəni, ilah olmayan məxluqlara sitayiş edirlər. Bu
Quran ayəsi aşağıdakına bənzəyir: “Siz Ondan başqa, yalnız özünüzün və
atalarınızın uydurduğu adlara ibadət edirsiniz. Allah onların barəsində
heç bir dəlil nazil etməmişdir...” (Yusuf, 12/40);
“Həqiqətən, göylərdə
olanlar da, yerdə olanlar da Allaha məxsusdur. Allahdan başqa ilahlara ibadət
edənlər, əslində, qoşduqları şəriklərə itaət etmirlər. Onlar yalnız zənnə
qapılır və təkcə yalan uydururlar” (Yunus,
10/66).
Həqiqətən, Allah – Fövqəlqüdrətlidir,
Müdrikdir. O (Pak və Müqəddəs Olan) kamil qüdrətə malikdir və onun sayəsində
bütün varlıqlara amiranə sərəncam çəkir. O (Pak və Müqəddəs Olan) həmçinin
ilahi müdriklik Sahibidir və onun sayəsində bütün varlıqları öz yerlərində
yerləşdirir, bütün məxluqlarına gözəl surət bəxş edir və onlara yalnız ən mükəmməl
sərəncamlar verir.
ﮣ ﮤ ﮥ ﮦﮧ ﮨ ﮩ ﮪ ﮫ
Allah Öz qullarına bu məsəlləri
ona görə bildirir ki, onlar bundan faydalansınlar və bilik əldə etsinlər. Məsəllər
– haqqın insanın şüuruna çatması üçün tətbiq edilən vasitələrdən biridir, çünki
onlar maddi aləmdən götürülmüş sübutlara istinad etməklə maddi olmayan mücərrəd
şeylər haqqında mühakimə yürütməyə yardım göstərir. Məhz məsəllər vasitəsilə
çox vaxt bu və ya digər hökmün tələblərinin əsil mənası izah olunur və buna görə
onlar bütün bəşəriyyətə son dərəcə mühüm fayda gətirir. Lakin onların mahiyyətini
yalnız elmə malik olan insanlar anlaya bilir və onlar hər bir məsəlin məzmunu
üzərində fikirləşir və onun rəvayət edilməsinin səbəbləri barədə düşünürlər.
Belə insanlar onların qəlbində kök salmış əsil biliklərin sahibi olurlar.
Bu ayədə Fövqəlqüdrətli
Allah Quran məsəllərinin əhəmiyyətini vurğulayır və insanları məcazi mənaya
malik olan hekayətlər barədə düşünməyə və mühakimə yürütməyə dəvət edir.
Bununla yanaşı Allah Qurandakı hikmətli məsəllərin mənasını dərk edən
insanların üstünlüyünü qeyd edərək, nəzərə çatdırır ki, məhz bu xüsusiyyət gerçək
bilik sahiblərini fərqləndirən əlamətdir. Bütün bu deyilənlərdən aydın olur
ki, əgər bir insan məcazi özəlliyə malik olan ayələrin mənasını başa düşmürsə,
onda o, elm sahibləri sırasına aid edilə bilməz.
Bu müddəa doğrudan da ədalətlidir,
çünki Qurandakı hikmətli məsəllər yalnız ən mühüm problemlərə həsr
edilmişdir. Bilik sahibləri qeyd edirlər ki, Fövqəluca Allah bu məsələlərə
xüsusi diqqət yetirmiş və Öz qullarını bu məsələlərə həsr olunmuş hikmətli
məsəllər üzərində düşünməyə çağırmışdır. Onlar bu məsələlərin nə dərəcədə
vacib olduğunu anlayır və var qüvvələri ilə Allahın nazil etdiyi hikmətli məsəllərin
mənasını dərk etməyə can atırlar. Amma elə insanlar da vardır ki, Quranın hikmətli
rəvayətlərinin vacibliyinə əhəmiyyət vermir və onların mənasını dərk edə
bilmirlər. Belə insanları bilik sahiblərinə aid etmək mümkün deyil, çünki əgər
onlar ən vacib məsələləri qavramaq qabiliyyətinə malik deyillərsə, onda
onlar qalan başqa məsələləri heç ayırd edə də bilməzlər. Məhz buna görə,
Allahın rəvayət etdiyi hikmətli məsəllərin əksəriyyəti İslam dininin əsas
prinsipial müddəalarına həsr edilmişdir.
ﮭ ﮮ ﮯ ﮰ ﮱﯓ ﯔ ﯕ ﯖ ﯗ ﯘ ﯙ
(29. 44) “Allah göyləri və
yeri haqq ilə yaratmışdır. Həqiqətən, bunda möminlər üçün dəlil vardır”.
Fövqəluca xəbərdar etmişdir
ki, O (Pak və Müqəddəs Olan), bu yüksək, nəhəng və gözəl göyləri günəşlə, ayla,
ulduzlarla, planetlərlə və mələklərlə birlikdə və həmçinin ücsuz-bucaqsız yeri
dağlarla, səhralarla, ağaclarla və bütün qalan şeylərlə birlikdə təkbaşına
yaratmışdır. O (Pak və Müqəddəs Olan), Kainatı əylənmək xatirinə və əbəs yerə
deyil, haqq ilə yaratmışdır. O (Pak və Müqəddəs Olan) bütün varlığı ona görə
yaratmışdır ki, məxluqlar Onun hökmlərini yerinə yetirsinlər və Onun
qanunlarını rəhbər tutsunlar. O (Pak və Müqəddəs Olan) dünyanı yaratmışdır ki,
qullarına lütfkarlıq göstərsin və onlara Öz İlahi Hikmətini və hüdudsuz hakimiyyətini
göstərsin, çünki Onun bu keyfiyyətlərindən hər biri tək Onun sevilməyə, ibadətə
və pərəstişə layiq olduğunu təsdiq edir. Həqiqətən də, bu – möminlər üçün bir dəlildir.
Mömin insan Kainatın yaradılışı üzərində bir qədər düşünən kimi, İslam dininin
əsas müddəalarının mənası ona agah olur.
ﯚ ﯛ ﯜ ﯝ ﯞ ﯟ ﯠ ﯡﯢ ﯣ ﯤ ﯥ
ﯦ ﯧ ﯨﯩ ﯪ ﯫ ﯬﯭ ﯮ ﯯ ﯰ ﯱ ﯲ
(29. 45) “Kitabdan sənə vəhy ediləni oxu və namaz qıl. Həqiqətən, namaz çirkinlikdən
və qınanılandan qoruyur. Əlbəttə, Allahı zikr etmək daha əzəmətlidir. Allah
nə etdiklərinizi bilir”.
Fövqəluca Öz Elçisinə (ona
Allahın salavatı və salamı olsun!) buyurur ki, ona (s.ə.s.) nazil edilmiş vəhyi,
yəni, Quranı oxusun. Bu o deməkdir ki, hər bir mömin vacib hökmləri yerinə
yetirməli, qadağan olunmuş əməllər işləməkdən çəkinməli, Quranın nəsihətlərini
əldə rəhbər tutmalı, Quran hekayətlərinə iman gətirməli, ayələrin hikmətli mənaları
üzərində düşünməli və müəyyən qaydalara uyğun olaraq onları oxumalıdır. Bütün
deyilənlərdən aydın olur ki, Quranın oxunması – bu gözəl buyuruqların yalnız
bir hissəsidir. Bu isə o deməkdir ki, Kitabın oxunması bu sözün ən geniş mənasında
İslam dininin bütün tələblərini yerinə yetirməyi nəzərdə tutur. Buna görə
namaz qılmaq haqqında sonrakı hökm xüsusinin ümumiyə daxil edilməsi nümunələrindən
biridir və namazın vacib əhəmiyyətinə və üstünlüyünə dəlalət edir. Bu ibadət
ayini insana çox böyük fayda gətirir və buna görə Fövqəluca Allah bəyan edir
ki, namaz insanı çirkin əməllərdən və qınanılan hərəkətlərdən qoruyur. Burada
yaramaz günahlar çirkin əməllər adlandırılır ki, insan nəfsi öz təbiəti
etibarı ilə onlara meyilli olur. Qınanılan əməllər isə nəinki təfəkkürün rədd
etdiyidir, onlar həmçinin insan qəlbinin fitrətinə də ziddir. Əgər insan vacib
rüknlərini yerinə yetirərək, Rəbbin qarşısında mütiliklə müntəzəm surətdə namaz
qılırsa, onda o, mütləq istənilən günahlardan xilas ola biləcəkdir. Qıldığı
namazların sayəsində onun qəlbi nurla dolacaq, ürəyi pisliklərdən təmizlənəcək,
imanı artacaq, xeyirxahlıq etmək istəyi güclənəcək və günah əməllər törətməyə
olan meyli azalacaq və hətta tamamilə yox olacaqdır. Müntəzəm olaraq namaz
qılan, onun fərzlərini və şərtlərini yerinə yetirən hər kəs hökmən bu nəticələrə
nail olacaqdır, çünki müsəlmanların möminliyi namazın ən vacib bəhrələrindəndir.
Lakin namazın faydalılığı bununla məhdudlaşmır, çünki daha vacib və gözəl bir
şey vardır. Bu – Allahı qəlbən, dillə və bədən hərəkətləri ilə xatırlamaqdır
ki, müsəlmanın namazının ən mühüm tərkib hissəsini təşkil edir. Fövqəluca
insanları yaratmışdır ki, onlar Ona ibadət etsinlər və mərasim namazı ibadətin
ən gözəl ayinidir. İnsan namaz qılarkən, bütün bədən üzvləri ilə Rəbbinə
ehtiram təzimi edir ki, bu, digər ibadət ayinləri yerinə yetirildikdə, baş
vermir. Məhz buna görə Fövqəluca Allah buyurur ki, Allahın bu sayaq xatırlanması
daha çox vacibdir.
Lakin bu ayənin digər təfsiri
də vardır və ona müvafiq olaraq, Fövqəluca Allah əvvəlcə namaz qılmağın
vacibliyini bildirmiş, sonra isə qeyd etmişdir ki, Allahı digər vaxtlarda da
yada salmaq çox mühüm bir məşğuliyyətdir. Quranın əksər şərhçiləri məhz bu rəyi
dəstəkləmişlər, amma birinci təfsir daha inandırıcıdır. Bu şərhə müvafiq
olaraq, namaz Allahı başqa vaxtlarda xatırlamaqdan daha vacibdir, çünki o
özlüyündə Allahı xatırlamanın ən əzəmətli təzahürüdür. Həqiqətən, O (Pak və
Müqəddəs Olan) Öz qullarının bütün xeyirxah və şər əməllərindən xəbərdardır və
onlardan hər birinə etdikləri bütün əməllərə görə tam əvəz verəcəkdir.
ﭑ ﭒ ﭓ ﭔ ﭕ ﭖ ﭗ ﭘ ﭙ ﭚ ﭛ
ﭜ ﭝﭞ ﭟ ﭠ ﭡ ﭢ ﭣ ﭤ ﭥ ﭦ ﭧ ﭨ ﭩ ﭪ ﭫ ﭬ
(29. 46) “Kitab əhli ilə, ən
yaxşı tərzdə davranmadan, mübahisə etməyin. Onlardan zalımlar istisnadır.
Deyin: “Biz bizə nazil edilənə də, sizə nazil edilənə də iman gətirmişik. Bizim
Allahımız da, sizin Allahınız da – eynidir və biz yalnız Ona təslimik”.
Fövqəluca, müsahibi Kitab əhlindən
olan cahil insanla mübahisəyə girməyi və müzakirənin yaramazlıqla
aparılmasını qadağan etmişdir. Rəbb əmr edir ki, haqqı ən ləyaqətli tərzdə
sübuta yetirmək lazımdır və bu zaman həmsöhbətə yüksək əxlaqi məziyyətlər
nümunəsi və xeyirxah münasibət göstərilməlidir. Vaiz[13] haqqı
ən yüksək səviyyədə göstərməklə, yalanı ən təsirli uslubda ifşa etməlidir. O,
özünü üstün tutmaq xatirinə müqabil tərəfi təkzib etməyə can atmamalıdır. Əksinə,
o, bütün imkanlardan istifadə edərək, haqqı insanlara çatdırmalı və onları
doğru yola çıxart-malıdır.
Vaizə aydın olduqda ki,
Kitab əhli mübahisəyə haqqı aşkar etmək xatirinə deyil, müsəlmanların üzərində
üstünlük əldə etməyə və fitnə salmağa ümid bəsləyərək girişir, onda o,
onların bu istəklərinə razılıq verməməlidir, çünki belə adamlarla mübahisəyə
girmək fayda verməz. Bu isə o deməkdir ki, belə müzakirələrə qoşulmağın mənası
yoxdur.
Əgər vaiz Kitab əhlinə
haqqı çatdırmaq imkanı taparsa, onda o bilməlidir ki, Kitab əhli arasında təbliğat,
Mübarək Kitablara, elçilərə və Vahid Allaha imana əsaslanmalıdır. Mübahisənin
gedişi zamanı dəvətçi, nadanların etdiyi kimi, əvvəlki Mübarək Kitablarda və
ya əvvəlki elçilərdə nöqsan axtarmamalıdır. Belə nadanlar başqa dinə mənsub
olanlar və yolunu azmışlarla mübahisəyə girdikdə, qarşılıqlı anlaşma və razılıq
hissindən uzaq olurlar. Bu nadanlar Kitab əhli ilə bağlı bütün yaxşı və pis nə
varsa, hamısını inkar edirlər, lakin onlar bununla özləri günah törədir və mübahisə
zamanı riayət olunmalı zəruri davranış normalarını pozurlar. Müsəlman həmsöhbətinin
etiqad etdiyi yalanı təkzib etməli, amma onun düzgün baxışları ilə
razılaşmalıdır. O, haqqı, yalnız kafir tərəfindən söyləndiyinə görə, inkar etməyə
haqlı deyildir.
Dəvətçi Kitab əhli ilə söhbəti
layiqincə apararsa, onda onun həmsöhbətləri onunla razılaşmaya məcbur
olacaqlar, çünki Mübarək Quran – Səmavi Kitab, Muhəmməd (s.ə.s.) isə Allahın
Elçisidir. Dəvətçi onlara İslam dininin əsasları və bütün elçilərin təlimlərinin
və bütün Səmavi Kitabların uyğun gəldiyi digər məsələlər haqqında danışarsa,
onlar buna əmin olarlar. Onlara aydın olar ki, müsəlmanların dini, vəhy olunmuş
əvvəlki Kitablarda qorunub saxlanmış Haqqa uyğun gəlir. Bütün Səmavi Kitablar
və məsum elçilər Mübarək Quranın və Muhəmməd Peyğəmbərin (ona Allahın salavatı
və salamı olsun!) tərəfində olanlardır, çünki bütün zamanlarda peyğəmbərlər və
Kitablar sonuncu elçinin gələcəyi haqqında öncədən xəbər verərdilər. Məhz
bunun sayəsində həmsöhbətlər bütün Kitabları və bütün peyğəmbərləri qəbul etməyin
zəruriliyini anlayarlar. Bu etiraf – İslam dininin müstəsna özəlliyidir.
Əgər onlar bəyan etsələr
ki, bir Kitaba iman gətiriblər və başqasını qəbul edə bilməzlər, onda onların
dedikləri zalımlıq və əsassız olacaqdır. Hər bir sonrakı Kitab, ondan əvvəlki
Kitabın haqq olduğunu təsdiq edən Haqdır və buna görə, Mübarək Quranı inkar edən
insanlar, əslində, özlərinin sadiq olduqlarını bəyan etdikləri Kitabı da təkzib
edirlər.
Əgər onlar elçilərdən
birinin peyğəmbərliyinin gerçəkliyini sübut etməyə başlasalar, onda eyni
üsulla və hətta daha böyük müvəffəqiyyətlə Muhəmmədin (s.ə.s.) peyğəmbərliyinin
gerçək olduğunu da əsaslandırmaq olar. Əgər onlar onun (s.ə.s.) peyğəmbərliyini
inkar etməyə cəhd göstərsələr, onda belə çıxar ki, onların şübhədoğurucu dəlilləri
daha çox öz elçilərinə aiddir. Əgər onlar öz elçilərinin ünvanına belə
ittihamların əsassızlığını etiraf edirlərsə, onda Muhəmməd Peyğəmbərin (s.ə.s.)
ünvanına yönəltdikləri ittihamın əsassızlığı daha bariz şəkildə aydın olacaqdır.
Dəvətçi, bütün deyilənlərdən
başqa, bir daha vurğulamalıdır ki, o – müsəlmandır və Rəbbin iradəsinə təslim
olandır. Həqiqətən də, insan Allaha iman gətirdikdə, Onu özünün Allahı qəbul
etdikdə, bütün Kitablara və bütün elçilərə iman gətirdikdə, öz Rəbbinin iradəsinə
təslim olduqda və məsum elçilərin yolu ilə getdikdə, onda o, böyük Səadətə nail
olmuşdur. Əgər o, bu yoldan imtina etmişsə, deməli özünü əzab-əziyyətə və bədbəxtliyə
məhkum etmişdir.
ﭭ ﭮ ﭯ ﭰﭱ ﭲ ﭳ ﭴ ﭵ ﭶﭷ ﭸ
ﭹ ﭺ ﭻ ﭼﭽ ﭾ ﭿ ﮀ ﮁ ﮂ ﮃ
(29. 47) “Beləliklə, Biz sənə
Kitabı nazil etdik. Kitab əta etdiklərimiz ona inanırlar. Bunların[14]
da arasında elələri var ki, ona inanırlar və yalnız kafirlər Bizim ayələrimizi
inkar edirlər”.
Ey Muhəmməd! Sənə bütün
mühüm məsələlərin izah edildiyi Mübarək Kitab nazil edilmişdir. O, insanlara ən
nəcib məziyyətləri öyrədir, ən mükəmməl hökmlərdən ibarətdir, əvvəlki Səmavi
Kitabların gerçəkliyini təsdiq edir və əvvəlki elçilərin taleyi haqqında həqiqi
hekayətləri özündə əks etdirir. Buna görə, hələ bundan əvvəl Mübarək Kitablar əta
edilmiş möminlər onu o saat tanıyırlar. Onlar qısqanclıq hissi keçirmir və öz
ehtiraslarına uymurlar – onlar sənə nazil edilən Qurana inanırlar, çünki
onun doğruluğuna və əvvəlki vəhylərə tam uyğun gəldiyinə əmindirlər. Onların
onu tanıması, Mübarək Quranın əvvəlki peyğəmbərlərə Səmavi Kitablarda vəhy
edilənləri gerçəkləşdirməsi ilə və onların elmə sahib olmaları ilə bağlıdır və
bunun sayəsində yaxşını pisdən, haqqı yalandan ayırd edirlər.
Sənin müasirlərin arasında
da iman gətirənlər vardır və onlar Mübarək Quranın həqiqi Kitab olduğunu artıq
bilirlər. Onlar, mükafat almaq və cəzadan xilas olmaq ümidi ilə ona inananlardan
fərqlənirlər. Haqqı inadkarcasına inkar edən insanlara gəldikdə isə, onlar
Mübarək Qurana iman gətirməkdən imtina edirlər. Belə insanların arasında bir nəfər
də yoxdur ki, haqqa etiqad etmək istəsin. Əgər insanın fikirləri və niyyətləri
təmizdirsə, onda o, mütləq sonuncu Səmavi Kitaba iman gətirəcəkdir[15],
çünki onda olan açıq-aydın ayələr haqqı dinləməyə hazır olan hər bir ağıllı
insan üçün kifayətdir.
Mübarək Quranın
doğruluğunun dəlillərindən biri də onun müdrik və sədaqətli Muhəmməd Peyğəmbər
(ona Allahın salavatı və salamı olsun!) tərəfindən təbliğ edilməsidir[16]. Hətta
onun (s.ə.s.) kafir qəbilədaşları da onu (s.ə.s.) etibarlı və doğru danışan
insan hesab edirdilər. Onlar onu (s.ə.s.) anadan olduğu gündən tanıyırdılar
və onun (s.ə.s.) həyatına aid hər bir əhəmiyyətli hadisəni xatırlayırdılar.
Onlar bilirdilər ki, o (s.ə.s.) nə yazmağı, nə də oxumağı bilir. O (s.ə.s.)
Mübarək Quranı təbliğ etməyə başlayanda, yaşadığı illər onun (s.ə.s.)
doğruçuluğunun təkzibolunmaz dəlillərinə çevrildi. Bu Kitabın Böyük və Tərifəlayiq
Allahın Vəhyi olmasına məkkəlilərin heç bir şübhəsi yox idi. Məhz buna görə
sonra Fövqəluca Rəbb belə buyurur:
ﮄ ﮅ ﮆ ﮇ ﮈ ﮉ ﮊ ﮋ ﮌ ﮍﮎ ﮏ
ﮐ ﮑ ﮒ
(29. 48) “Sən əvvəlcə bir
Kitab belə oxumamışdın[17]
və onu öz əlinlə köçürməmişdin. Əks təqdirdə, yalan tərəfdarları şübhəyə düşə
bilərdilər”.
Ey Muhəmməd! Əgər sən savadlı
olsaydın, onda yalana tərəfdar olanlar elə zənn edərdilər ki, sən keçmiş
Kitabları öyrənirsən və hətta onları köçürürsən. Lakin bu belə deyil, çünki bu
Şan-şöhrətli Kitab sənin qəlbinə nazil edilmiş vəhydir. Sən bəlağət sahibi
şairlərə və özünün qatı düşmənlərinə çağırış göndərdin və onlara bu vəhyə və
ya heç olmazsa, bunun bir hissəsinə bənzər bir şey yazmağı təklif etdin, lakin
onlar sənin çağırışına cavab verməyə qadir olmadılar. Bundan başqa, onlar hətta
sənin dəvətini qəbul etməyə cəhd belə göstərmədilər, çünki Quran ayələrinin
mükəmməlliyini və zərifliyini dərk edirdilər. Onlar çox gözəl bilirdilər ki,
insan nitqi bu Kitabın heyrətamiz ifa tərzi ilə müqayisə edilə bilməz. Fövqəluca
bunu qeyd edərək, deyirdi:
ﮓ ﮔ ﮕ ﮖ ﮗ ﮘ ﮙ ﮚ ﮛﮜ ﮝ ﮞ
ﮟ ﮠ ﮡ ﮢ
(29. 49) “Fəqət, bu – elm əta
edilmişlərin köksündə aydın ayələrdir və yalnız zalımlar Bizim ayələrimizi
inkar edirlər”.
Quran
ayələri açıq-aydındır və dolaşıq deyildir. Onlar ağıl və mükəmməl məziyyətlərə
malik ən yaxşı məxluqların ürəklərində qorunub saxlanılır. Onları bu keyfiyyətlərə
malik olmayan insanlar yadda saxladıqda, açıq-aydın Quran ayələri bu
günahkarlara qarşı şahidlərə çevrilir. Kafirlərin inkar etməsi və razılaşmaması
Mübarək Quranın gözəl məziyyətlərini heç vəchlə azaltmır, çünki kafirlər zalım
və fasiq insanlardır. Yalnız mürtədlər öz Rəbbinin ayələrini inkar edirlər.
Onlardan bəziləri cahildir və bilikləri sərbəst dərk edə bilmirlər və belə
biliklərə malik olanlardan isə nümunə götürmək istəmirlər. Digərləri isə,
haqdan xəbərdardırlar, lakin inadkarlıq etməyi və ona müqavimət göstərməyi
üstün tuturlar.
ﮣ ﮤ ﮥ ﮦ ﮧ ﮨ ﮩﮪ ﮫ ﮬ ﮭ ﮮ
ﮯ ﮰ ﮱ ﯓ ﯔ ﯕ
(29. 50) “Onlar deyirlər:
“Niyə ona Rəbbindən möcüzələr göndərilməmişdir?” De: “Həqiqətən, möcüzələr –
Allahın dərgahındadır, mən isə, yalnız açıq-aşkar nəsihətçiyəm”.
Fövqəluca
bildirir ki, Muhəmməd Peyğəmbərə (ona Allahın salavatı və salamı olsun!) və gətirdiyi
Kitaba iman gətirməkdən imtina edən mürtədlər ondan (s.ə.s.) möcüzə tələb
edirdilər. Bir dəfə onlar hətta belə dedilər: “Sən bizə yerdən bir çeşmə
açmasan; və ya sənin xurma ağacların və üzümlüklərin olmasa, onlarda çay axıtmasan
və yaxud iddia etdiyin kimi, göyu parça-parça başımıza endirməsən və ya da
Allah və mələklərlə birlikdə qarşımızda dayanmasan; ya da qiymətli
daş-qaşdan evin olmasa və ya göyə qalxmasan biz sənə iman gətirmərik. Lakin
sənin qalxmağına da inanmarıq, əgər sən oradan yerə bizim oxuyacağımız
Kitabla enməsən” (İsra, 17/90-93). Onlar nə özlərinin, nə də Muhəmməd Peyğəmbərin
(s.ə.s.) gücünün yetməyəcəyi möcüzələr tələb edirdilər. İstənilən möcüzə
yalnız Allahın iradəsi ilə baş verir. Əgər Fövqəluca Allah qullarına bəzi
möcüzələri göstərmişdirsə, deməli, onlar artıq kifayət qədər mövcud
olmalıdır. Heç kim nəyi isə dəyişdirmək iqtidarında deyildir, çünki möcüzələr
yalnız Allaha məxsusdur. O (Pak və Müqəddəs Olan), hansı möcüzələri göstərmək
və hansıları – göstərməmək qərarını Özü qəbul edir. Muhəmməd Peyğəmbərə (ona
Allahın salavatı və salamı olsun!) gəldikdə isə, o (s.ə.s.) sadəcə aydın bir nəsihətçi
idi və öz imkanlarından kənara çıxa bilməzdi.
Haqq və nahaq müşriklərə bəlli
idi, lakin onlar özlərinə möcüzələr göstərilməsi tələbində israr edirdilər.
Belə tələblər Allaha və ümumiyyətlə haqqa münasibətdə zalımlığın və təkəbbürlüyün
ən böyük təzahürü idi. Onlar təkcə möcüzələr göstərilməsinə cavab olaraq iman
gətirəcəklərinə razılaşırdılar və əgər Fövqəluca Allah onların tələblərini qəbul
etsəydi də, onların razılığı gerçək imana dəlalət etməzdi. Bu, onların əsassız
iddialarına güzəştə getmək olardı və onlar haqqın xatirinə deyil, nazil edilən
möcüzələrin xatirinə iman gətirmiş olardılar. Konkret tələblərə cavab olaraq
möcüzələrin nazil edilməsindən hansı faydalar əldə edilə bilərdi? Möcüzələrin
haqqı izah etməsi üçün nəzərdə tutulduğunu qeyd edir və sonra Fövqəluca
Allah haqqın izah edilməsi metodunu xatırladaraq, belə buyurur:
ﯖ ﯗ ﯘ ﯙ ﯚ ﯛ ﯜ ﯝﯞ ﯟ ﯠ ﯡ
ﯢ ﯣ ﯤ ﯥ ﯦ
(29. 51) “Doğrudanmı Bizim sənə nazil etdiyimiz və onlara oxuduğun Kitab
onlara kifayət etmir? Həqiqətən, bunda – mömin insanlar üçün mərhəmət və
xatırlatma vardır”.
Doğrudanmı onlar hələ də sənin
haqlı və sənə nazil edilən Vəhyin haqq olduğuna əmin olmayıblar? Sən onlara çox
yığcam, amma hər şeyi əhatə edən və çoxsaylı ecazkar ayələrin və parlaq dəlillərin
toplandığı bir Kitab[18]
oxuyursan. Axı sən savadı olmayan bir insansan və bu özü artıq sənin haqlı
olduğunu təsdiq edir. Sən onlara sənə nazil edilən Kitaba bənzər şey
yazmalarını təklif edirsən və onların sənin çağırışına cavab verməyə qadir
olmamaları sənin haqlılığının daha bir sübutudur.
Sən bu Kitabı bütün xalqın
qarşısında təbliğ edirsən və açıq-aşkar bildirirsən ki, o, Fövqəluca Allah tərəfindən
nazil edilmişdir. Sən tərəfdarlarının azsaylı və düşmənlərinin çox olmasına
baxmayaraq haqqı müdafiə edirsən. Sən Kitabı onlardan gizlətmirsən və ruhdan
düşmürsən. Əksinə, sən öz ətrafına şəhərlilərdən və bədəvilərdən ibarət kütlələri
toplayırsan və var gücünlə elan edirsən ki, bu – Rəbbinin Sözüdür. Kim sənin
Kitabını yalançılıqda ifşa etməyi bacarar? Kim onunla müqayisə olunmağa cəsarət
edər? Kim onunla yarışa girə bilər?
Sənə nazil edilən Vəhy
bütün əvvəlki Səmavi Kitabların səhihliyinin qayğısını çəkir. O, onlarda
qorunub saxlanmış haqqı təsdiq edir və onlarda edilmiş dəyişiklikləri rədd
edir. Mübarək Quranın hər bir hökmü və hər bir qadağası doğru yola yönəldilmiş
nəsihətdir. Bu Kitabda elə bir hökm yoxdur ki, ona cavab olaraq insan təfəkkürü:
“Bu hökmün olmaması yaxşı olardı!” – desin. Onda elə bir qadağan da yoxdur ki,
ona cavab olaraq insan təfəkkürü: “Bu qadağanın olmaması yaxşı olardı!” –
desin. Quranın bütün hökmləri ədalət və müdrikliklə doludur və hər bir ağıllı
insan bunu təsdiq edə bilər. Bu hökmlər, öyüd-nəsihətlər və qanunlar hər bir
şəraitdə və hər bir zamanda tətbiq edilə bilər. Onlar ümumbəşəri səciyyə
daşıyır və yalnız onların sayəsində insanlar yer üzündə qayda-qanun yarada bilərlər.
Yuxarıda
deyilənlərin hamısı haqqı tapmaq istəyən hər bir kəsə kifayət edər. Qoy
Allah Mübarək Quranla qane olmayanları Öz köməyindən məhrum etsin! Qoy Allah bu
Kitabın sayəsində şəfa tapmaq istəməyənlərə şəfa verməsin! Həqiqətən, hər bir
insan üçün Quranın nəsihətləri bəs edər, çünki onlar mərhəmət və xeyir verir.
Məhz buna görə Fövqəluca Rəbb Öz Vəhyini iman gətirmiş xalq üçün mərhəmət və
xatırlatma adlandırmışdır. Bu həqiqətən də belədir, çünki Mübarək Quran
insanlara dərin bir elm mənbəyi açır, onlara nəhəng faydalar verir, insan qəlbini
və ürəyini paklaşdırır, insanlara yanlış baxışlardan xilas olmaqda kömək
edir, onların əxlaqını nəcibləşdirir, onların ürəklərini ilahi nuru ilə
ziyalandırır və onları Allahın sirlərini dərk etməyə ruhlandırır.
ﯧ ﯨ ﯩﯪ ﯫ ﯬﯭ ﯮ ﯯ ﯰ ﯱ ﯲﯳ
ﯴ ﯵ ﯶ ﯷ ﯸ ﯹ ﯺ ﯻ ﯼ
(29. 52) “De: “Allahın mənimlə
sizin ararınzda Şahid olması yetər! O, göylərdə və yerdə olanları bilir.
Batilə inanıb, Allaha iman gətirməyənlər, mütləq ziyana uğrayacaqlar”.
Əgər mənim iddialarım
yalandırsa, onda mən mütləq sizin qabaqcadan bildirdiyiniz cəzaya məruz
qalacağam. Əgər Fövqəluca Allah mənə yardım edərsə və mənim peyğəmbərliyimi
asanlaşdırarsa, onda qoy bu sizin üçün Rəbbinizdən ən böyük bir şəhadət
olsun. Əgər sizə elə gəlsə ki, sizin görmədiyiniz və eşitmədiyiniz Allahın
şahidliyi sizə kifayət etmir, onda bilin ki, O, göylərdə və yerdə baş verən hər
şeydən agahdır. Ona mənim və sizin haqqınızda hər şey məlumdur. O, mənim
nitqimi eşidir və əgər mən Ondan sizə artıq-əskik sözlər desəm, onda O, məni
mütləq amansızlıqla cəzalandırar. Əks halda, bu Onun elminin, qüdrətinin və
hikmətinin kamil olmadığına dəlalət edə bilər. Belə bir şeyin mümkün olmadığına
görə Fövqəluca Allah buyurur: “Əgər o, Bizim dediklərimizə bəzi sözləri əlavə
etsəydi, onda Biz onun sağ əlindən möhkəm tutar və onun şah damarını kəsərdik və
sizdən heç kim onu xilas edə bilməzdi” (Haqqa, 69/44-47).
Yalana
inanıb, Allaha iman gətirməyənlər isə, mütləq zərərə düşəcəklər. Onlar özlərini
Allaha, mələklərə, Kitablara, elçilərə və Qiyamət gününə iman gətirməkdən məhrum
etdilər və Axirət həyatında əbədi Səadətdən məhrum edildilər. Gözəl haqqın əvəzinə
onlar çirkin yalana etiqad etdilər, Cənnət firavanlığı əvəzinə əzab-əziyyətli
cəzaya layiq görüldülər. Qiyamət günü başladıqda isə, onlar böyük bir ziyana
düşəcək və ailələrindən məhrum olacaqlar.
ﭑ ﭒﭓ ﭔ ﭕ ﭖ ﭗ ﭘ ﭙ ﭚ ﭛ ﭜ
ﭝ ﭞ
(29. 53) “Səndən əzabın
tezləşdirilməsini istəyirlər. Təyin edilmiş müddət olmasaydı, əzab onlara
artıq gəlmiş olardı. Əslində, o, qəfildən elə gələcək ki, hətta hiss etməyəcəklər”.
Fövqəluca
bu ayədə Muhəmməd Peyğəmbəri (ona Allahın salavatı və salamı olsun!) və ona
nazil edilən Kitabı inkar edən günahkarların cahilliyindən xəbər verir.
Onlar ondan (s.ə.s.) cəzanı tezləşdirməsini istəyirdilər və küfür onların ürəklərində
daha da dərinliyə kök salırdı. Onlar soruşurdular: “Əgər siz doğru deyirsinizsə,
bəs vəd etdiyiniz havaxt başlayacaq?” (Mülk, 67/25). Buna cavab olaraq
Fövqəluca Allah buyurur ki, böyük əzab onları müəyyən olunmuş saatda
haqlayacaqdır, lakin bu müəyyən olunmuş Qədər olmasaydı, iman gətirməkdən
imtina edən və amansız cəzanın tezləşdirilməsini istəyən hər kəsi o, dərhal
yaxalayardı. Əgər Rəbb bu cahilləri bu qaydada cəzalandırsaydı, onda belə çıxardı
ki, onlar özləri özlərindən qisas almağı yaxınlaşdırıblar. Hərçənd bu hələ
baş vermirsə də, kafirlər qoy fikirləşməsinlər ki, ədalətli qisas gecikir.
Bax buna görə, sonra Allah buyurur ki, cəza onları qəfildən, onlar onun gəlişinə
şübhə belə etmədikləri halda sarsıdacaqdır.
Belə bir hal doğrudan da
baş vermişdi. Məkkə müşrikləri Bədr döyüşü zamanı vuruşmağa başlarını dik
tutaraq və qələbə çalacaqlarına şübhə etməyərək gedirdilər. Lakin Fövqəlqüdrətli
Allah müşrikləri alçaltdı, küfrün başçılarını məhv etdi və çoxlu yaramazları həlaka
uğratdı. Bədbəxtlik Məkkənin bütün evlərinə və hər qureyş ailəsinə toxundu –
Allahın cəzası onları hətta heç gözləmədikləri yerdən haqladı. Cəza kafirlərin
üstünə elə bir vaxtda çökdü ki, onlar onun yaxınlaşmasına hətta şübhələnməmişdilər.
Lakin əgər onları cəza bu dünyada yaxalamasaydı da, onlar Axirətdə, onsuz
da, qisasdan yaxa qurtara bilməyəcəkdilər, çünki heç bir kafir bu dünyada, əzab-əziyyət
çəkməsindən asılı olmayaraq, ədalətli qisasdan xilas ola bilməyəcəkdir.
ﭟ ﭠ ﭡ ﭢ ﭣ ﭤ ﭥ
(29. 54) “Səndən əzabın
tezləşdirilməsini istəyirlər. Sözsüz ki, Cəhənnəm kafirləri saracaqdır”.
Günahkarlar alovun dillərindən
kənara çəkilə də bilməyəcəklər, çünki onlar günahkarları hər tərəfdən
qarsalayacaq və bu, onları dünya həyatında hər tərəfdən əhatəyə almış günahlara
və küfrə bənzəyəcək. Bu – arzuladıqları həmin əzablı cəzadır!
ﭦ ﭧ ﭨ ﭩ ﭪ ﭫ ﭬ ﭭ ﭮ ﭯ ﭰ ﭱ ﭲ ﭳ
(29. 55) “Həmin gün ki, əzab onları üstdən və ayaqlarının altından saracaq, onlara: “Əməllərinizdən zövq alın” – deyiləcək”.
Bu gün sizin cinayətləriniz
cəzaya çevrilərək, sizi hər tərəfdən əhatə edir, çünki dünya həyatınızda
günahlardan və kafirlikdən əl çəkmədiniz.
ﭴ ﭵ ﭶ ﭷ ﭸ ﭹ ﭺ ﭻ ﭼ ﭽ ﭾ
ﭿ ﮀﮁ ﮂ ﮃ ﮄ ﮅ ﮆ ﮇ ﮈ ﮉ ﮊ ﮋ ﮌ ﮍ ﮎ ﮏ ﮐ ﮑ ﮒ ﮓﮔ ﮕ ﮖ ﮗ ﮘ ﮙ ﮚ ﮛ ﮜ ﮝ ﮞ
(29. 56) “Ey Mənim mömin
qullarım! Həqiqətən, Mənim yer üzüm genişdir. Yalnız Mənə ibadət edin!”
(29. 57) “Bütün nəfslər
ölümü dadacaq, sonra siz Bizə qaytarılacaqsınız”.
(29. 58) “İman gətirib,
xeyirli işlər görənləri Biz mütləq Cənnətdə altından[19]
çaylar axan yüksək saraylarda məskunlaşdıracağıq. Onlar orada əbədi
qalacaqlar. Əməl sahiblərinin mükafatı necə də gözəldir”,
(29. 59) “onlar səbrliydilər və öz Rəbbinə təvəkkül
edirdilər!”
Fövqəluca Onun Elçisinə
(ona Allahın salavatı və salamı olsun!) iman gətirən möminlərə müraciət edərək
buyurur: “Mənim yer üzündəki ərazim genişdir və əgər sizə bir ölkədə Rəbbinizə
ibadət etməyə mane olurlarsa, onda insanların bir Allaha ibadət etdikləri
başqa ölkəyə köçüb gedin. Dünyada çoxlu ölkələr vardır ki, insanlar oralarda tək
Allaha ibadət edirlər, lakin sizin Rəbbiniz – Vahiddir. Ölüm çox tezliklə sizə
də çatacaqdır və onda siz öz Rəbbinizə qayıdacaqsınız və O (Pak və Müqəddəs
Olan), Ona layiqincə ibadət və düzgün etiqad edən, xeyirxah işlər görən hər kəsi
bol-bol mükafatlandıracaqdır. O (Pak və Müqəddəs Olan) onlara imkan verəcəkdir
ki, qəlbin zövq alacağı və baxışların məftun olacağı hər şeyin toplandığı
yüksək imarətlərdə və gözəl saraylarda məskunlaşsınlar. Onlar orada əbədi
qalacaqlar.
Valehedici Cənnət bağları
arasında yerləşən yüksək imarətlər necə də füsunkardır! Həqiqətən, onlar Rəbbinə
səbrlə ibadət edənlərə və Onun yardımına təvəkkül edənlərə mükafat olaraq veriləcəkdir.
Allaha səbirlə ibadət etmək üçün insan bütün qüvvələrini öz vəzifələrini
yerinə yetirməyə və insanları fasilə vermədən, heç olmazsa qismən, vəzifələrini
icra etməkdən yayındırmağa çağıran şeytanla böyük mübarizəyə yönəltməlidir.
Mömin Allaha düzgün təvəkkül etməkdən ötrü Ona səmimi ümid bəsləməli və nəzərdə
tutduğu məqsədini həyata keçirməkdə Allahın ona kömək göstərəcəyinə şübhə etməməlidir.
Sözsüz ki, Allaha səbirlə ibadət etmək Ona təvəkkül etməyi nəzərdə tutur,
lakin buna baxmayaraq, Fövqəluca Rəbb təvəkkül etmənin zəruriliyini xüsusilə
vurğulayır, çünki insan bu məziyyətə malik olmadan Onun hökmlərinə və
haramlarına layiqincə riayət edə bilməz.
ﮟ ﮠ ﮡ ﮢ ﮣ ﮤ ﮥ ﮦ ﮧﮨ ﮩ ﮪ
ﮫ ﮬ
(29. 60) “Neçə-neçə canlılar var ki, özlərilə ruzi ehtiyatı daşımazlar! Onlara da,
sizə də ruzini verən Allahdır. O – Eşidəndir, Biləndir”.
Fövqəlxeyirxah və Fövqəluca
Xaliq xəbər verir ki, O (Pak və Müqəddəs Olan) təklikdə bütün məxluqlarının
ruzisi haqqında qayğı çəkir. Həm güclü olanlar, həm də aciz məxluqlar yalnız
öz Rəbbinin qayğısı sayəsində ruzi tapırlar. Nə qədər heyvanlar da vardır ki,
onlar nəinki gücdən, həm də ağıldan məhrumdur! Onlar özlərinə yem ehtiyatı tutmur,
amma Mərhəmətli Allah yer üzündə onlara hər birinin qismətini aramsız olaraq əta
edir.
Ey insanlar! Bununla yanaşı
Allah sizin özünüzü də ruzi ilə təmin edir. Sizin hər biriniz Allahın himayəsi
altındadır. O (Pak və Müqəddəs Olan) bütün varlıqları yaratmış, məxluqlarının talelərini
yönəldir və onlara zəruri olan hər şeyi əta edir.
O – Eşidəndir, Biləndir.
Buna görə heç bir şey Onun xəbəri olmadan baş vermir və heç bir canlı məxluq,
guya Allahın onun varlığını unuda biləcəyinə[20] görə,
acından ölə bilməz. Bu ayə aşağıdakıına bənzəyir: “Yer üzündə elə bir
canlı məxluq yoxdur ki, Allah onun ruzisini təmin etməsin. Allah onların
olduğu və saxlandığı yeri bilir. Bütün bunlar Aydın Kitabdadır” (Hud,
11/6).
ﮭ ﮮ ﮯ ﮰ ﮱ ﯓ ﯔ ﯕ ﯖ ﯗ ﯘﯙ
ﯚ ﯛ ﯜ ﯝ ﯞ ﯟ ﯠ ﯡ ﯢ ﯣ ﯤ ﯥﯦ ﯧ ﯨ ﯩ ﯪ ﯫ ﯬ ﯭ ﯮ ﯯ ﯰ ﯱ ﯲ ﯳ ﯴ ﯵ ﯶ ﯷ ﯸ ﯹ ﯺ ﯻﯼ ﯽ ﯾ ﯿﰀ ﰁ ﰂ ﰃ
ﰄ ﰅ
(29. 61) “Əgər sən onlardan
soruşsan ki: “Kim göyləri və yeri yaratmış, günəşi və ayı tabe etmişdir?” –
onlar hökmən deyəcəklər: “Allah”. Onlar necə də üz döndərirlər!”
(29. 62) “Allah qullarından
istədiyinə qismətini artırar və ya azaldar. Həqiqətən, Allah hər şeydən
agahdır”.
(29. 63) “Əgər sən soruşsan
ki: “Kim göydən su nazil edir və torpaq öldükdən sonra onu canlandırır?” –
onlar mütləq deyəcəklər: “Allah”. De: “Həmd olsun Allaha!” Lakin onların əksəriyyəti
başa düşmür”.
Bu və bundan
sonrakı ayələrdə Onu Vahid Rəbb və Xaliq qəbul etməkdən irəli gələn tək Allaha
ibadətin zəruriliyi göstərilmişdir. Hətta müşriklər də inanırlar ki, Allah
Kainatda Vahid Rəbdir. Əgər sən onlardan soruşsan ki, göyləri və yeri kim yaratmışdır
və kim günəşi və ayı Öz hakimiyyətinə tabe etmişdir, onlar deyərlər: “Allah”.
Sən onlardan soruşsan ki, kim göydən su yağdırır və onunla cansız torpağı həyata
qaytarır, onda onlar deyəcəklər: “Allah”. Əgər sən onlardan soruşsan ki, bütün
varlığı idarə edən kimdir, onda onlar hamısı yenə də deyəcəklər: “Allah”.
Bununla onlar bütlərin, daş heykəllərin və onların ibadət etdikləri bütün qalan
məxluqların acizliyini etiraf etmiş olacaqlar.
Həqiqətən də,
gücsüzlüyünə və acizliyinə əmin olduqları məxluqlara ibadət etməyi üstün tutan
insanların azğınlığı və saxtakarlığı necə də qəribədir! Bu adamlar ağıldan və
düşüncədən məhrum axmaqlardır. Daş heykəllərə və qəbirlərə etiqad etməkdən
daha ağılsız əməl nə ola bilər? Müşrik onların yanına gələrək, çox gözəl başa
düşür ki, onlar ona fayda verməyə və ya ziyan vurmağa, əsər yaratmağa və ya
ona ruzi əta etməyə qadir deyillər. Lakin, buna baxmayaraq, müşrik səmimi
dualarla onlara müraciət edir və bununla da onları, xəlq edən və ruzi verən,
nemətlər bəxş edən və bədbəxtlik göndərən Rəbbə bərabər tutur.
Ey Muhəmməd! Öz
qullarına doğru yolu azğınlıqdan fərqləndirməyi öyrədən və sadiq möminlərin
ondan çəkinməsi üçün bütpərəstliyin əsassızlığını ifşa edən Allaha həmd et!
Göylərdə və yer üzündə həyatı yaradan və Öz məxluqlarının taleyini idarə edən,
bəzilərinə böyük nemətlər əta edən, digərlərinə isə cüzi bir qismət nazil edən
Rəbbinə həmd et! Doğrudan da, yalnız Fövqəlmüdrik Allaha məlumdur ki, Onun
qulları nəyə möhtacdır və onlara nə fayda gətirə bilər.
ﭑ ﭒ ﭓ ﭔ ﭕ ﭖ ﭗﭘ ﭙ ﭚ ﭛ ﭜ
ﭝﭞ ﭟ ﭠ ﭡ ﭢ
(29. 64) “Dünya
həyatı oyun və əyləncədən başqa bir şey deyil. Əsil həyat – Axirət yurdundadır.
Əgər bilsəydilər!”
Fövqəluca bu ayədə dünya və
Axirət həyatının gerçək dəyərlərindən bəhs edir. Bununla yanaşı O (Pak və Müqəddəs
Olan), insanları dünya nemətlərinə aldanmamağa və Axirət həyatının
füsunkarlıqlarını arzulamağa çağırır. Dünya həyatı öz mahiyyəti etibarı ilə
yalnız əyləncə və oyundur. İnsanların qəlbi dünya zövqlərindən məmnun qalır, bədənləri
isə yer üzünün ehtiraslarından ləzzət alır. Bu ötəri gözəlliklər azmış ürəkləri
ovsunlayır, dərdsiz-qəmsiz baxışlara sevinc gətirir və insanların şikəst qəlbini
həyəcana salır. Lakin çox tezliklə dünya zövqləri sona yetir, onlara vurğun
olmuş günahkar isə peşman olmağa başlayır və əldən çıxmış imkanlara görə
acı-acı təəssüflənir.
Əsil həyat – ölümdən
sonrakı həyatdır! O – kamildir, çünki hər
bir canlı ruha Axirətdə görünməmiş güclü bədən və ecazkar bacarıqlar əta
ediləcəkdir[21].
İnsan bədənləri artıq əbədi həyat üçün yaradılacaq və ən mükəmməl və kamil
varlıq üçün zəruri olan hər şeyə malik olacaqdır. Axirətdə möminlərin ürəyi
sevinclə dolub-daşacaq, özləri isə görünməmiş ləzzətə malik yeməklərdən, təravətli
içkilərdən, füsunkar zövcələrdən və gözlərin görmədiyi, qulaqların eşitmədiyi
və insanın xəyalına belə gətirmədiyi bir çox digər şeylərdən məmnun qalacaqlar.
Əgər insanlar bu barədə
bilsəydilər, onda onlar bu dünya həyatına üstünlük verməzdilər. Əgər onlar
sağlam düşüncə qabiliyyətinə malik olsaydılar, onda onlar əbədi həyatdan üz
döndərməz, oyun və əyləncə yurduna bağlanıb qalmazdılar. Bu onu göstərir ki,
dünya və Axirət həyatlarının gerçək dəyərini bilən hər bir insan ölümdən
sonrakı həyata üstünlük verməlidir.
ﭣ ﭤ ﭥ ﭦ ﭧ ﭨ ﭩ ﭪ ﭫ ﭬ ﭭ
ﭮ ﭯ ﭰ ﭱ ﭲ ﭳ ﭴﭵﭶﭷﭸ ﭹ ﭺﭻ
(29. 65) “Onlar gəmiyə minəndə,
Allaha dua edərək, dini Ona məxsus sayırlar. O, onları xilas edib quruya
çıxartdıqda isə, onlar o saat şərik qoşurlar”.
(29. 66) “Bizim əta etdiklərimiz,
inkar etməyinizə baxmayaraq, bir müddət də faydalanmanız üçündür, amma
tezliklə biləcəksiniz”.
Fövqəluca bu ayələrdə
bildirir ki, müşriklər çətin vəziyyətdə olanda səmimiyyətlə təkcə Allaha
ibadət etməyə başlayırlar. Müşriklər gəmi ilə dənizin ortasında olarkən, dəniz
coşmağa başlayan kimi, onları ölüm qorxusu bürüyür. Elə onda onlar öz “ilahlarını”
unudur və Allaha şərik qoşmadan, yalnız Ona ixlasla dua etməyə başlayırlar.
Tufan sakitləşəndə, onlar xilas olmaları üçün dua etdikləri Allahı unudur və çətin
anda onlara kömək etməyə qadir olmayan və onları fəlakətlərdən xilas edə bilməyən
saxta ilahlara ibadət etməyə başlayırlar. Onlara hüzn və sevinc zamanı, sınaq
və rifah dövrlərində tək Allaha dua etməyə maneə olan nədir? Əgər onlar
layiqincə davransaydılar, Rəbbindən mükafat alan və Onun cəzasından xilas olan
həqiqi mömin olardılar. Əksinə, hətta Rəbb onlara iltifat göstərib, labüd
ölümdən xilas etdikdən sonra da müşriklər çoxallahlığa etiqad etməyi üstün
tuturlar. Onlar Allaha onlara nazil etdiyi bol nemətlərə görə şükür etməkdən
boyun qaçırır və Allahın mərhəmətinə cavab olaraq günah işlədirlər. Lakin
belə davranış nəticəsində, onlar, ancaq öz mədəsini doldurmaq və ehtirasını
qane etməklə qayğılanan heyvan kimi, yalnız çox qısa dünya həyatından zövq
almaq imkanına nail olurlar. Az müddət keçdikdən sonra, onlar bu dünya həyatından
ayrılmalı və Axirət həyatına getməli olacaqlar ki, orada onları böyük qəm-qüssə
və şiddətli əzab-əziyyət gözləyir.
ﭼ ﭽ ﭾ ﭿ ﮀ ﮁ ﮂ ﮃ ﮄ ﮅﮆ ﮇ
ﮈ ﮉ ﮊ ﮋ ﮌ
(29. 67) “Məgər onlar
görmürlər ki, ətraflarındakı insanları yaxaladıqları halda, Biz onların
yurdunu təhlükəsiz və toxunulmaz etmişik? Doğrudanmı onlar yalana inanır və
Allahın nemətini inkar edirlər?”
Rəbb Məkkə müşriklərinə
xatırladır ki, onların şəhərini təhlükəsiz və toxunulmaz yurda çevirmişdir.
Onlar əmin-amanlıq içində yaşayır və ehtiyac duymadıqları halda, digər şəhərlərin
sakinləri daima qorxu içində yaşayır və quldurların basqınına məruz qalırlar.
Buna baxmayaraq, müşriklər onlara ruzi əta edən və qorxudan qurtaran Rəbbə
ixlasla ibadət etməkdən imtina edirlər. Doğrudanmı onlar yalana inanır və
Allahın nemətlərini danırlar? Onlar şirkə etiqad edir, yalan nitqlər söyləyir,
yanlış əməllərə yol verir və Fövqəluca Allaha həmd etməkdən boyun qaçırırlar.
Onlar doğru yoldansa sapıqlığı, haqdansa yalanı və uğurdansa bədbəxtliyi üstün
tutanda nə barədə fikirləşirdilər? Dünyada ən böyük günahkarlar olmağa razılaşdıqları
zaman nə barədə düşünürdülər?
ﮍ ﮎ ﮏ ﮐ ﮑ ﮒ ﮓ ﮔ ﮕ ﮖ ﮗ
ﮘﮙ ﮚ ﮛ ﮜ ﮝ ﮞ ﮟ
(29. 68) “Allaha böhtan
atandan və ya ona nazil edilən haqqı yalan sayandan kim daha zalım ola bilər?
Məgər kafirlərin məskəni Cəhənnəm olmayacaqmı?”
Onlar Allaha yalan iddialar
və yanlış fikirlər aid edir və eyni zamanda özləri Muhəmməd Peyğəmbərin (ona
Allahın salavatı və salamı olsun!) gətirdiyi haqqı inkar edirlər. Lakin bu
müdhiş zalımlığın nəticəsi – alovpüskürən Cəhənnəm olacaqdır. Onlar törətdikləri
cinayətlərə görə orada hesabat verəcək və rüsvay ediləcəklər. Cəhənnəm məskəni
onların həmişəlik və əbədi sığınacağı olacaq və onlar heç vaxt oradan çıxa
bilməyəcəklər.
ﮠ ﮡ ﮢ ﮣ ﮤﮥ ﮦ ﮧ ﮨ ﮩ ﮪ
(29. 69) “O kəslər ki, Bizə
görə səy göstərirlər, Biz onları mütləq Öz doğru yolumuza yönəldərik. Həqiqətən
də, Allah – xeyrxahlarladır!”
Fövqəluca Rəbbin yolunda hicrət edən, haqq dinin düşmənləri
ilə mübarizəyə və var gücü ilə Allahın mərhəmətini qazanmağa can atan
möminlərə gəldikdə isə, onlar Fövqəluca Allaha aparan çətin yolları keçməyi
bacaracaqlar. Onlar Onun rəhbərliyinə layiq görüləcəklər, çünki onlar
xeyirxah işlər görməyi sevirlər, O (Pak və Müqəddəs Olan) isə belə insanları
heç vaxt tərk etmir. O (Pak və Müqəddəs Olan) onlara kömək göstərir və onları
doğru yola yönəldir. Buradan isə aydın olur ki, ən ləyaqətli və sadiq
insanlar – müsəlmanlardır və onlar Allahın yolunda mübarizə aparırlar.
Buradan həmçinin belə bir nəticə də çıxır ki, əgər insan dinin hökmlərini nöqsansız
yerinə yetirirsə, onda Allah ona kömək göstərir və onun xoşbəxtliyə və xilas
olmağa doğru yolunu asanlaşdırır. Əgər insan şəriət biliklərini qavramaqda
səmimiyyətlə cəhd göstərirsə, onda o, haqqı tapmağa və qarşıya qoyduğu məqsədə
çatmağa mütləq nail olur, həmçinin Fövqəluca Rəbb ona digər insanların
imkanlarından üstün olan imkanlar əta edir və şəriət elmlərini dərk etməsini
asanlaşdırır. Bunun belə olması – Allahın dininin öyrənilməsinin
Allah yolunda mübarizəyə aid edilməsindədir[22].
Mömin alimlər kafirlərə və
münafiqlərə qarşı söz və dillə mübarizə aparırlar. Belə təfəkkür
savaşlarında yalnız seçilmişlər iştirak edirlər. Onlar insanlara dinin tələblərini
öyrədir və haqqa müqavimət göstərənlərin yanlış baxışlarını, hətta, bəzən o
baxışlar müsəlmanların bəzilərinə məxsus olsa da, rədd edirlər.
[1] Bu sınaqlar sarsıdıcı olsa da, Allahın Müdrik Elminə əsaslanır və,
deməli, ədalətli və Haqqın təcəssümüdür və Onun Dininin zəfər çalmasına yönəldilir.
F.S.
[2] Mübarizə - cihad. F.S.
[3] Fərz və ya vacib namazlardan başqa qalan və Allahın Elçisinin (s.ə.s.)
qıldığına dair hədislərdə rəvayət edilən namazlardır. Nafilə namazlar: sünnə və
məndub kimi ikiyə ayrılırlar. Sünnə olan nafilə Allahın Elçisinin (s.ə.s.)
daima qıldığı və ancaq nadir hallarda tərk etdiyi namazlardır. Məndub olan
nafilə isə, Peyğəmbərin (s.ə.s.) bəzən qıldığı və bəzən də qılmadığı, qüvvətli
olmayan sünnə namazlarıdır. (Mənbə: İslam Ensiklopediyası, Nafilə bölməsi).
F.S.
[4] Möhtərəm müəllifin kursivlə verdiyim bu qiymətli ifadəsi,
Allahın insanları niyə sınağa çəkməsi məsələsinə bir daha gözəl əyani örnəkdir.
Hərşeyibilən Allah, onsuz da, yaratdığı insanların nəyə qabil olacağını əzəldən
bilir və Qiyamət günü onların bəhanə gətirməmələri üçün misilsiz qədər
sınağını gerçəkləşdirir ki, haqqı onlara əyani olaraq sübuta
yetirsin. F.S.
[5] Qeyd
etmək lazımdır ki, ayədə «min ildən əlli il əskik” ifadəsinə nə Azərbaycan dilinə
bu günədək tərcümə edilmiş Quran nəşrlərində, nə Quran şərhlərində dəqiq bir şərhə
rast gəlinməmişdir. Bu barədə rəhmətlik Ə. əs-Səədinin əlimizdəki şərhində də
açıqlamalara rast gəlmədiyimizdən və bunun Quran möcüzələri ilə bağlı olduğunu
düşünərək, məsələyə aydınlıq gətirmək üçün yenə “Quran heç tükənməyən möcüzə”
adlı kitaba müraciət edirəm. Türkiyə Respublikasındakı “Quran Araşdırmaları Mərkəzinin”
2005-ci il nəşri olan bu əsərdə “min ildən əlli il əskik” ifadəsi, Quranın
Allahın Özü tərəfindən mühafizə edilməsi möcüzəsi ilə, yəni onun şifrələnmiş
sistemi ilə bağlılığını təsdiq edir. Belə ki, Quranda keçən bütün rəqəmlərin cəmi
müəyyən bir qanuna – 19 rəqəminə qalıqsız bölünmə prinsipinə tabedir. Quranda cəmi
30 tam (qalıqsız) ədəd keçir. Bunların cəmi toplandıqda alınan rəqəm qalıqsız
olaraq 19-a bölünür. Ondoqquz rəqəmi isə Quran mühafizə sisteminin əsas
kodudur. “950 il” rəqəmi əvəzinə 1000 ildən əl il əskik yazılmasının səbəbi
aşağıdakı kimi imiş: əgər Quranın mətnində 950 rəqəmi yazılsaydı, Mübarək
Kitabdakı rəqəmlərin cəmi 19-a qalıqsız bölünməzdi. Eyni hal Kəhf surəsində
300 və əlavə 9 il rəqəmlərinin yazılışına da aiddir. (Bax: həmin məxəz, səh.
371). Yeri düşdükcə, Quranın kəşf edilmiş yeni-yeni möcüzələri haqqında, şərhlərlə
əlaqəli olduğu halda, belə kiçik izahlar verməkdən yayınmayacağıq. Çünki məqsədimiz
Allahın Quranını insanlara daha da dərindən və Quranın özündən gələn sarsılmaz
dəlillərlə sevdirməkdir. F.S.
[6] Burada “daha yaxşı” ifadəsindən bəhs edilir. F.S.
[7] Homoseksualizm.
[8] Yəni, Lut (ə) xalqının məskənindən. F.S.
[9] Məhv etdik. F.S.
[10] Məhv etdik. F.S.
[11] Yəni, talelərini qabaqlayıb xilas ola bilmədilər. F.S.
[12] Türk Quran tədqiqatçısı Taşkın Tuna Quranda
Günəşin doğduğu yerlərin cəm şəkilli bir ifadə ilə dəyərləndirilməsindəki
incəliyi belə açıqlayır: “Hər səhər doğarkən gördüyümüz Günəş nəhəng bir nüvə
reaktorudur. Hidrogenin atomlarını heliuma çevirərək işləyən bu reaktor çox
mükəmməl bir şəkildə tənzimlənərək öz vəzifəsini yerinə yetirir. Həyatımızın
qaynağının bu çox sürətli hərəkətində ən dəqiq müvazinətin saxlandığı bir şəraitdə,
Quranın bəyan etdiyi son nöqtəsinə, dayanacağına, sona yetəcəyi yerə doğru hərəkət
etməsi ilə birgə biz də Kainatda səfər etməkdəyik. Düşünən, araşdıran və səmimi
olaraq Quranın və Kainatın dəlillərini dəyərləndirə bilənlər Allahın fövqəlqüdrətini
və Quranın möcüzələrini görəcəklər” (Bax: “Quran heç tükənməyən möcüzə,
2005, İstanbul, 8-ci nəşr, (elektron variant, www.mucizeler.com saytı), səh. 83. F.S.
[13] İslamı təbliğ edən, islama dəvət edən müsəlman. F.S.
[14] Yəni, Kitab əhlindən Muhəmməd Peyğəmbərin (s.ə.s.) müasirləri
olanların. F.S.
[15] Kursiv mənimdir. F.S.
[16] Xalq arasında peyğəmbərliyinə qədər Muhəmmədi (s.ə.s.) “Əmin”
(etibarlı, sədaqətli) adlandırardılar. F.S.
[17] Möhtərəm oxucuya bu ayənin Səədi şərhində ötəri toxunulmuş bir özəlliyini
çatdırmaq istəyirəm. Diqqət yetirin! Allah buyurur ki: “Sən əvvəlcə
bir Kitab belə oxumamışdın...”. Səədi də deyir
ki: “Əgər sən savadlı olsaydın...”. Bu isə o deməkdir ki, Muhəmməd
Peyğəmbərin (s.ə.s.) oxu və yazı savadının olmamasının səbəbi, ilk növbədə,
Allahın Öz peyğəmbəri barəsindəki qədəri ilə bağlı olan bir özəllikdir və o
vaxt ərəblərin arasında oxumağı və yazmağı bilənlərin nadir olmadığı bir şəraitdə
Allahın gələcək elçisinin ümmi olması Onun həqiqi peyğəmbərliyinin dəlillərindən
biri kimi nəzərdə tutulmuşmuş. Bilin ki, Hərşeyəqadir Fövqəluca Allah, həqiqətən, hər
şeyi öncədən Nəzərdətutandır! F.S.
[18] “Quran heç tükənməyən möcüzə” adlı elmi-tədqiqat araşdırmasının müəllifləri
Quranın bu müddəası ilə əlaqədar qeyd edirlər ki, Kainatda elə bir kitab
yoxdur ki, onda Kosmosun “əlçatmaz” dərinliklərindən tutmuş dənizlərin
arasındakı maneələrə, arının cinsiyyətinə, yağışdakı ölçüyə (və s.) qədər
müxtəlif sahələrdə möcüzə səciyyəli izahlara rast gəlinsin. Üstəlik bütün
bu möcüzəvi həqiqətlərin əksini tapdığı Kitab fövqəladə ehtişama malik bir
sistem üzrə riyazi qanunauyğunluqlara müvafiq kodlaşdırılmışdır. Fövqəluca və Fövqəlqüdrətli
Allah Quranında, bütün təkzibolunmaz dəlillərə baxmayaraq, inanmağa niyyəti
olmayan kafirlərin inanmamağa davam edəcəklərini bildirmişdir. Quranda
kafir psixologiyasına əsasən, kafirlərin dilindən İslam Peyğəmbərinə (s.ə.s.)
xitabən belə bir nümunə verilir: “Bizi sehrləmək üçün dəlil kimi nə gətirirsən
gətir, biz sənə inanmayacağıq” (Əraf, 7/132). “Kuran Heç tükənməyən möcüzə”,
2005. 8-ci nəşr, s. 290. İstanbul, www.mocuzeler.com. F.S.
[19] Mübarək Quranda istifadə olunmuş “...altında” (تَحْتِ) sözü bir çox hallarda məcazi mənalarda işlədilmişdir.
Belə ki, həm bu (29.58) ayədə, həm də (2.66; 66.10) və bir sıra digər ayələrdə
də, birbaşa “alt” mənasını deyil, əsasən, insanın, binanın və sairənin yaxınlığındakı
yerdə olan bir əşyanı (çayı, ağacları və s.) nəzərdə tutur. F.S.
[20] Allah Özü istəmədikcə, heç bir şeyi unutmaz! F.S.
[21] Kursiv və qalın şrift mənimdir. Əgər
insan oğlu, öz mənbəyini naslardan əxz etmiş bu müddəanın ifadə etdiyi bir həqiqəti
– insana Fövqəlqüdrətli Allahın bəxş edəcəyi bu xarüqəladə keyfiyyətlər məcmusunun
gerçək olduğuna əminliklə inansaydı, sözsüz ki, o, Axirət həyatına daha səylə
və həvəslə hazırlaşardı. Bu əminlik isə, Allahın izni ilə, Quranı və Sünnəni dərindən
öyrənməklə hasil edilə, mümkün ola bilər. F.S.
[22] Böyük İslam alimi Şeyx Əbdürrəhman bin Nasir əs-Səədinin bu gözəl şəriət
müddəası günümüzdə olduqca vacib və prinsipial bir məsələni çox açıq və sadə
tərzdə ifadə etmişdir. Bu gün İslam dininin bütün dünya ölkələrinə vüsətlə
yayıldığı bir şəraitdə Allahın elminin öyrənilməsi və yayılması müsəlmanlar
qarşısında duran ən mühüm etiqad məsələsi olmalıdır. Quranda və Səhih Sünnədə
– Fövqəluca və Fövqəlqüdrətli Allahın misilsiz Elmi özünəməxsus əksini
tapmışdır. Quran və Peyğəmbər Sünnəsi, heç nədən asılı olmayaraq, hər bir insanın
bilik mənbəyinə çevrilməlidir. Bu gün İslam dininin əsas strateji istiqaməti –
dinimizin Qurana və Sünnəyə istinad edən elmi əsaslarla yayılmasıdır.
Günümüzün cihadının kulminasiyası – İslam elmlərini peyğəmbərlərin üslubu və
müasir İT vasitələrindən istifadə ediməklə insanların düşüncə vasitəsinə
çevirməkdir. Bu gün beynəlxalq münasibətlərdə ümumi qloballaşma prosesi ilə
bərabər İslam təfəkkürünün, İslam dünyabaxışının qloballaşması zamanı
başlamışdır. Bu isə, Allaha qayıdış təfəkkürünün yeni bir formasiyasıdır.
Bu gün Yer kerəsinin istənilən
guşəsində yaşayan mömin müsəlman Allaha qayıdışın yeganə və labüd haqq yol
olduğunu başa düşür və bunu öz cari fəaliyyətində əsas tutaraq, Onun yolunda əlindən
gələni əsirgəmir: Onun hökm və qadağalarını olduğu kimi icra etməyə bacarığını
göstərir və səylə çalışır, yaxşı əməllər edir və bunu başqalarının də etməsinə
təşəbbüs göstərir, insanları pis əməllərdən çəkindirir və Axirəti üçün faydalı
olacaq digər işlər görür, Allahın qadağan, haram etdiyi istənilən əməldən, işdən,
hərəkətdən uzaq durur. O, Allahın bəyənmədiyi hərəkətləri nəinki özü etmir və hətta
bunu edənləri qınayır və çəkindirməyi özünə borc sayır. Mən burada qınanılan əməllərdən
ən dözülməzi olan qətl hallarını xüsusilə vurğulamaq istəyirəm. Allah haqqı,
ixtiyarı olmadan insana qarşı zorakılıq əməllərini qəti qadağan etmişdir. Çünki
insana həyatı bəxş edən Fövqəlqüdrətli Allahdır və Onun razılığı olmadan insan
həyatına qəsd etmək Allaha qarşı düşmənçiliyin ən qatı növlərindəndir. Bu həqiqəti
mömin müsəlmanlar artıq min illərdir ki, mənimsəmişlər və elə buna görə də
günahsız insanların qətli ilə, məskənlərin dağıdılması və sair təxribatlarla məşğul
olanlar və ya olmağa təşəbbüs göstərənlər kim olursa olsun, özlərini necə
adlandırırlarsa, adlandırsınlar, müsəlman adı daşımağa layiq deyillər və
onların adları müvafiq cinayət törədənlərdən fərqləndirilə bilməz. Siyasi məqsəd
uğrunda terror, təxribat, qəsd törədənlər heç vəchlə müsəlman ola bilməz və əgər
bunları törədənlər bundan əvvəl müsəlman kimi tanınmışlarsa, onda onlar bu mənsubiyyətlərini
Allah qarşısında itirmiş olurlar. Allahın Quranında və Onun Son Peyğəmbərinin
(s.ə.s.) Öz qullarından istədiyi – Onun varlığını qəbul etmələri, Ona iman gətirmələri
və Axirət həyatına hazırlaşmalarıdır. Bunun ən optimal haqq yolu isə Allahın
Elminə yiyələnməklə və Onun Son Peyğəmbərinin (s.ə.s.) yolu ilə getməklə gerçəkləşdirilə
bilər! Allah haqq yolla gedənlərə kömək olsun! (Kursiv, qalın şrift və qeydlər
mənimdir). F.S.
Комментариев нет:
Отправить комментарий