SURƏSİNİN
ŞƏRHİ
ﭑ ﭒ
ﭓ ﭔ
Mərhəmətli və Rəhmli
Allahın adı ilə!
ﭵ ﭶ
Bu hərflər
“parçalanmış” hərflər adlandırılır və onlar Muhəmməd Peyğəmbərin (ona Allahın
salavatı və salamı olsun!) adlarından birinin rəmzi deyildir. Quran surələrinin
çoxu oxşar tərzdə başlanmışdır[2].
ﭷ ﭸ ﭹ
ﭺ ﭻ ﭼ
(20.2)
“Biz Quranı sənə nazil etməmişik ki, bədbəxt olasan”.
Fövqəluca vəhyi sənə nazil etmiş, Müqəddəs
Quranı və şəriəti sənə ona görə öyrətməmişdir ki, sən bədbəxt olasan. Allah Öz
məxluqlarının vəziyyətini onların yerinə yetirə bilməyəcəyi vəzifələrlə
ağırlaşdırmır. Əksinə, Mərhəmətli və Rəhmli Allah sənə vəhyi, Müqəddəs Quranı və
şəriəti ona görə nazil etmişdir ki, sizə
xoşbəxtliyə, uğura və əmin-amanlığa doğru yol göstərsin. O (Pak və Müqəddəs
Olan) Öz qanunlarını yüngül edərək, insanların qarşısında onların dərk olunması
və tətbiq edilməsi üçün qapıları açıq qoymuşdur. O (Pak və Müqəddəs Olan) Öz vəhyini
insan qəlbinin qidası və insan vücudunun dəvası etmişdir. Ağıl və təhtəlşüur
insanları ona iman gətirməyə və onun hökmlərini yerinə yetirməyə təkan verir,
çünki məhz bu – onların bu dünyada və öldükdən sonra Axirətdə əmin-amanlığının
təminatçısıdır. Buna görə daha sonra Fövqəluca buyurur:
ﭽ ﭾ ﭿ ﮀ ﮁ
(20.3)
“Onu ancaq qorxanlar üçün nəsihət göndərmişik”.
Səmavi Vəhy
Fövqəluca Allahdan qorxanlar üçün nəsihətdir. Belə bir insan müqəddəs məqsədə
can atmaq çağırışına diqqətlə yanaşır və onu böyük zərərə və əbədi bədbəxtliyə
məhkum edə biləcək cinayətlərdən çəkinir. O (insan) şəriət qanunları üzərində
düşünür və onların bütövlükdə gözəl olduğunu görür. O, o qanunların hər birinin
üzərində ayrıca fikirləşdikdə, əmin olur ki, şəriət hökmlərinin hamısı məntiqidir
və insan ruhunun təbiətinə zidd deyildir. Bax elə buna görə Allah Öz vəhyini nəsihət
adlandırır. İnsanlar haqqı unudanda və ya onu təfsilatı ilə ayırd etməyə
ehtiyac duyduqda, vəhy nəsihət rolunu ifa edir.
Lakin nəsihətlərə
təkcə Allah xofu olan qullar diqqət yetirirlər. Qalan insanlar isə onlardan
heç bir fayda əldə edə bilmirlər. Axı Cənnətə və Cəhənnəmə inanmayan, qəlbləri
Allah qarşısında azacıq qorxudan da məhrum olan insanlar Quran nəsihətlərindən
hansı faydaları çıxara bilərlər?! Onlar, sadəcə olaraq, nəsihətlərdən bəhrələnmək
qabiliyyətinə malik deyillər.
Fövqəluca
buyurur: “Sənin xatırlatmanın fayda gətirəcəyi insanlara nəsihət ver. Qorxan
onu qəbul edəcəkdir və ən bədbəxt olan isə ondan yayınacaqdır ki, o da Nəhəng
Oda girəcəkdir” (Əla, 87/9-12).
ﮂ ﮃ ﮄ
ﮅ ﮆ ﮇ ﮈ
(20.4)
“Bu – Yeri və Uca Göyləri Yaradanın nazil etdiyidir”.
Fövqəluca,
Yerin və göylərin Xaliqinin və bütün varlıqların Hökmdarının nazil etdiyi Müqəddəs
Quranın əzəmətindən xəbər verir. Məhz buna görə insanlar bu Kitaba iman gətirməli
və ona təslim olmalı, onu sevməli və ən ecazkar tərzdə ona ehtiram göstərməlidirlər.
Bu ayə,
Allahın Özünü Xaliq və Hökmdar bəyan etdiyi bir çox digər ayələrə bənzəyir.
Fövqəluca buyurur: “Şübhəsiz ki, O yaradır və hökm edir” (Əraf, 7/54); “Allah
– yeddi göyü və o qədər də yeri Yaradandır. Hökm onların arasında nazil
olur...” (Talaq, 65/12). Kainatın Xaliqi hökm verir və qadağan edir və O –
Vahid Yaradan olduğu üçün, Onun yaratdıqları digər qanunvericilərin əmr və
qadağalarına itaət etmək haqqına malik deyillər. Kainatın yaradılması Allahın qədərinin
varlığını nəzərdə tutur, qanunların nazil edilməsi isə, Allahın dininin
mövcudluğunu tələb edir. Hər yaradılış hikmətlə icra edilmişdir, çünki O (Pak və
Müqəddəs Olan), əyləncə xatirinə və ya əbəs yerə yaratmır. Onun hökmləri və qadağaları
da ədalətlə, hikmətlə və rəhmlə icra edilmişdir.
Allahın –
Vahid Xaliq, Hökmdar və Qanunverici olduğunu xatırlatdıqdan sonra, Fövqəluca
Özünün hüdudsuz Əzəmətindən bəhs edir:
(20.5) “Mərhəmətli
Ərşinin üzərindədir”.
Allahın
Ərşi – Onun ən nəhəng və ən əzəmətli məxluqudur. O bütün digər məxluqlardan ən
uca, ən böyük, ən geniş və ən üstdə olanıdır. Mərhəmətli Öz Əzəmətinə və
ecazkar Qüdrətinə yaraşan bir tərzdə Ərşi üzərindədir.
ﮎ ﮏ ﮐ
ﮑ ﮒ ﮓ
ﮔ ﮕ ﮖ
ﮗ ﮘ ﮙ ﮚ
(20.6)
“Göylərdə, yerdə, onların arasında və torpağın altında nə varsa, Onundur”.
Üst və
alt aləmlər və həmçinin onlarda məskunlaşan mələklər, insanlar, cinlər,
heyvanlar, bitkilər və digər cansız əşyalar tək Onundur. Bütün varlıqlar
Allahın hakimiyyəti altındadırlar. Bütün
məxluqlar Onun qullarıdır və tamamilə Allahın qədərindən asılıdırlar. Onlar
Kainatda gedən proseslər üzərində hökm verməyə qadir deyillər və hətta özlərinə
belə fayda vermək və ya zərər vurmaq iqtidarına malik deyillər. Nə həyat, nə
ölüm, nə də dirilmə onların sərəncamında deyil.
ﮛ ﮜ ﮝ
ﮞ ﮟ ﮠ
ﮡ ﮢ
(20.7)
“Ucadan danışmağının fərqi yoxdur, çünki Ona gizli olan da, gizlədilən də məlumdur”.
Gizli
söhbətlər və ürəkdə saxlanılan niyyətlər Allaha məlumdur. O (Pak və Müqəddəs
Olan), hətta insanların hələ düşünmədikləri, lakin gələcəkdə onların mütləq
düşünəcəkləri şeyləri də bilir. Onun
elmi bütün varlığı: böyüyü də, kiçiyi də, aşkarda olanı da, gizli olanı da əhatə
edir. İnsanların öz niyyətlərini
bildirib-bildirməməyindən asılı olmayaraq, Ona onların haqqında hər şey olduğu
kimi məlumdur.
Bütün
deyilənlərdən aydın olur ki, Fövqəluca Allah ən kamil keyfiyyətlərə malikdir. O
(Pak və Müqəddəs Olan) Vahid Yaradan və Qanunvericidir. Onun mərhəməti
hüdudsuzdur, böyüklüyü isə mütləqdir. O (Pak və Müqəddəs Olan) Ərşi üzərindədir,
məhdudiyyətsiz hakimiyyətə və hərşeyiəhatəedən elmə malikdir. Bu o deməkdir ki,
O (Pak və Müqəddəs Olan), həqiqətən, ibadətə və pərəstişə layiqdir. Ona (Pak və
Müqəddəs Olana) ibadət – haqdır. Şəriət, ağıl və təhtəlşüur da buna dəvət edir.
Məxluqlara ibadət etməyə gəldikdə isə, bu, əbəsdir və faydasızdır elə buna görə
sonra Fövqəluca belə buyurur:
ﮣ ﮤ ﮥ
ﮦ ﮧﮨ ﮩ
ﮪ ﮫ ﮬ
(20.8)
“Allah – Özündən başqa ilah Olmayandır və Onundur ən gözəl adlar”.
Təkcə
Allah ibadətə layiq olan Rəbdir. Bütün məxluqlar Ona pərəstiş etməli, Onu sevməli,
Onun qarşısında alçalmalı, Ondan qorxmalı, Ona təvəkkül etməli, tövbə etməli,
duanı Ona etməli və Onunla yanaşı heç kimə ibadət etməməlidir. O (Pak və Müqəddəs Olan) ən gözəl
və ən kamil çoxsaylı adlara malikdir. Onların gözəlliyi ondadır ki, hər bir təzahür
edən ad Allahı tərifləməyin zəruriyyətini vurğulayır. Allahın gözəl adları
arasında elə bir ad yoxdur ki, o, Rəbbi tərifləməyin zəruriyyətini təsdiq etməmiş
olsun. Onların lətafəti həm də ondadır ki, Allah həmin sifətlərlə nəinki
adlandırılır, həmçinin Onun kamil, yüksək və gözəl məziyyətləri xüsusilə
vurğulanır. Onların cazibədarlığı bir də ondadır ki, onlar Allaha yaxınlaşmanın
vasitələridir. Məhz buna görə Fövqəluca Allah Öz qullarına əmr etmişdir ki, bu
adlarının vəsiləsi ilə Ona dua etsinlər. O (Pak və Müqəddəs Olan) bu adları
sevir və həm də bu adları sevənlərin də hər birini sevir. O (Pak və Müqəddəs
Olan) həmçinin onları əzbərləyənləri, onların mənaları üzərində düşünənləri və
bu minvalla öz Rəbbinə ibadət edənləri də sevir. Fövqəluca buyurur: “Ən gözəl
adlar – Allahındır. Buna görə Ona bu adların vasitəsi ilə dua edin!” (Əraf,
7/180).
ﮭ ﮮ ﮯ
ﮰ ﮱ
(20.9)
“Musanın hekayəti sənə çatmışdırmı?”
Fövqəluca
Öz Peyğəmbərindən (ona Allahın salavatı və salamı olsun!) bu barədə ona görə
soruşur ki, Musa peyğəmbər (ə) barəsindəki əhvalatın mühümlüyünü xüsusi nəzərə
çarpdırsın. Ey Muhəmməd! Sən bilirsənmi ki, səndən əvvəlkinin peyğəmbərliyi
necə başlamışdır? Bərk soyuq olan bir vaxtda Musa (ə) öz ailəsi ilə yolu azmışdılar. Onlar qızına
bilmirdilər və elə bu zaman o (ə) uzaqdan alovu titrəşən bir od gördü.
ﯓ ﯔ ﯕ
ﯖ ﯗ ﯘ
ﯙ ﯚ ﯛ
ﯜ ﯝ ﯞ
ﯟ ﯠ ﯡ
ﯢ ﯣ ﯤ ﯥ
(20.10)
“Budur, o, odu görüb, ailəsinə dedi: “Burada dayanın! Mən od gördüm. Ola
bilsin ki, mən sizə ya bir kösöv gətirim, ya da odun yanında yolu tapa bilim”.
O (ə),
odu dağın sağ ətəyində gördü və yaxınlarına dedi: “Ola bilsin ki, mən sizə bir
kösöv gətirərəm və siz də qızınarsınız. Amma ola da bilər ki, mən orada yolu
bizə göstərə bilən adamları taparam”. O (ə) ümid edirdi ki, bu dünyada işıq və
yol tapsın, nəticədə isə ruhani nur tapdı. Bu, qəlbi və ürəyi ziyalandıran Səmavi
Vəhyin işığı idi. O (ə) həm də yolçunu Cənnətin Səadət bağlarına aparan doğru
yolu tapdı. O (ə) belə bir uğur barəsində heç xəyalından da keçirməmişdi və ona
ümid bağlamamışdı.
ﯦ ﯧ ﯨ
ﯩ ﯪ
(20.11)
“O, ona yaxınlaşdıqda, ucadan bir nida gəldi: “Ey Musa!”
Musa (ə)
uzaqdan gördüyü oda yaxınlaşdı və onun, həqiqətən də, od şöləsi olduğunu
gördü. Bu işıq yanan və yandıran alova bənzəyirdi. Bunun belə olduğunu Muhəmməd
Peyğəmbərin (ona Allahın salavatı və salamı olsun!) sözləri təsdiq edir. O (s.ə.s.)
demişdir: “Onun örtüyü – işıqdan və ya oddandır. Əgər O, onu qaldırıb
azca açsaydı, onda Onun Üzünün lütfü Onun baxışının əhatə etdiyi hər şeyi
yandırardı”. Bu yerə çatdıqda, Musa (ə) Fövqəlqüdrətli Allahın sədasını
eşitdi. Fövqəluca bu barədə belə buyurur: “Biz onu dağın sağ tərəfindən səslədik
və yavaşcadan yaxına çağırdıq” (Məryəm, 19/52).
ﯫﯬﯭﯮﯯﯰﯱﯲﯳﯴﯵ
(20.12)
“Həqiqətən, Mən – sənin Rəbbinəm! Nəleynlərini çıxart! Sən müqəddəs Tuva
vadisindəsən”.
Allah
Musaya (ə) bildirir ki, O (Pak və Müqəddəs Olan), onun (ə) Rəbbidir və əmr edir
ki, o (ə) Onunla danışmağa hazırlaşsın. Musaya (ə) nəleynlərini çıxartması
əmr olunmuşdu, çünki o (ə) pak və müqəddəs Tuva vadisinə ayaq basmışdı. Fövqəluca
bu vadini şərəfli peyğəmbəri Musa (ə) ilə söhbət üçün seçmişdi və təkcə bu bəs
edərdi ki, bu yerə ehtiramla yanaşılsın. Bir çox təfsirçilər hesab edirdilər
ki, ona (ə) ayaqqabısını çıxartmağının əmr olunmasının səbəbi onun (ə) nəleyninin
ev eşşəyinin dərisindən hazırlanması olmuşdu. Bu barədə ən yaxşısını bilən
Allahdır.
ﭑ ﭒ
ﭓ ﭔ ﭕ ﭖ
(20.13)
“Mən səni seçmişəm və buna görə vəhylə sənə təlqin ediləni dinlə!”
Rəbb səni
insanlar arasından seçmişdir və bu Rəbbin sənə göstərdiyi böyük mərhəmətindən
irəli gəlmişdir. Buna görə sən Ona səni şan-şöhrətə nail etdiyi üçün həmd etməli
və vəhylə sənə nazil edilmiş hər şeyə diqqətli olmalısan. Bu vəhy ona belə
münasibət bəslənməsinə layiqdir, çünki o, dinin əsası və Allaha itaət etməyə
çağırışın dayağıdır. Sonra Fövqəluca xəbər verir ki, Musaya (ə) nazil edilən vəhydə
məhz nədən bəhs edilmişdir.
ﭗ ﭘ ﭙ
ﭚ ﭛ ﭜ ﭝ
ﭞ ﭟ ﭠ
ﭡ ﭢ
(20.14)
“Həqiqətən, Mən – Allaham! Məndən başqa Allah yoxdur! Ancaq Mənə ibadət et və
namaz qıl ki, Məni xatırlayasan!"
Təkcə
Allah ibadətə layiqdir, Çünki Onun adları və sifətləri kamildir, əməlləri isə təkrarolunmazdır.
Heç bir varlıq Allahla müqayisə edilə bilməz və Onun adını daşımağa layiq
deyil. Buna görə, Musa peyğəmbərə əmr olunmuşdu ki, qəlbən və cismən ancaq Ona
ibadət etsin, düzgün baxışlara etiqad etsin və xeyirxah işlər görsün. Namaz da
ibadət mərasimidir, lakin Fövqəluca Allah onun zəruriliyini xüsusi ilə
vurğulayır, Çünki bu şərəfli ibadət ayini bir çox digərlərindən üstündür. İnsan
namaz qılarkən Rəbbinə qəlbən, sözlə və bədəni ilə ibadət edir.
Fövqəluca
həmçinin vurğulayır ki, namaz insana Allahı xatırladır. Rəbbin yad edilməsi
insanın ən mühüm vəzifələrindən biridir. Namaz qulun Rəbbi qarşısında
mütiliyini nəzərdə tutur və xoşbəxtliklə uğurun rəhnidir. Allahın xatırlanması
üçün yer olmayan qəlb korlanmış və bədbəxtdir. İnsanların bundan uzaq olmaları
üçün Fövqəluca Allah onlara, mahiyyəti Rəbbi daima zikr etməklə bağlı olan
namaz qılmaq və digər ibadət ayinlərini icra etmək hökmü vermişdir.
Fövqəluca
buyurur: “Kitabdan sənə təlqin ediləni oxu və namaz qıl. Həqiqətən, namaz
yaramazlıqlardan və qınanmalı əməllərdən qoruyur. Lakin Allahın xatırlanması –
daha vacibdir və Allah sizin nə etdiyinizi bilir” (Ənkəbut, 29/45). Bu sözlərdən
aydın olur ki, namazın Allahı xatırlatması, onun insanları yaramaz əməllərdən
və qınanılanlardan qorumasından daha üstündür.
Bütün
yuxarıda deyilənlər Vahid Allaha iman gətirmək və təkcə Allaha ibadət etmək
adlanır. O (Pak və Müqəddəs Olan), bu ibadətə layiqdir və bu[3] Onun gözəl
sifətlərindən biridir. İbadətin özü isə Onun qullarının gözəl məziyyətlərindən
biridir.
ﭣ ﭤ ﭥ
ﭦ ﭧ ﭨ
ﭩ ﭪ
ﭫ ﭬ ﭭ
(20.15)
“Mən Həmin Saatı az qala Özümdən də gizlədirəm, amma o Saat hökmən gələcəkdir
ki, hər bir nəfsə can atdığının əvəzi verilsin”.
Fövqəluca
buyurur: “Onlar səndən Saat haqqında soruşurlar: “O haçan gələcəkdir?” De:
“Həqiqətən, onu bilən təkcə Rəbbimdir. Ondan başqa heç kim onun başlanması
vaxtını aşkar etməyə qadir deyildir” (Əraf, 7/187); “O Saat haqqında
bilik Ona aiddir” (Fussilət, 41/47).
O (Pak və
Müqəddəs Olan) bu dünyanın sonunun başlanması müddəti haqqında biliyi bütün məxluqlarından,
hətta yaxın mələklərdən və saleh peyğəmbərlərdən (onlara Allahın salamı olsun!)
də gizlətmişdir. Vəd edilən Saat başladıqda, hər bir məxluq öz etdikləri yaxşı
və pis əməllərinə görə əvəz alacaqdır. Qiyamət günü – Axirət həyatının sadəcə
qapısıdır və buna görə Fövqəluca Rəbb buyurur: “Göylərdə olanlar da, yerdə
olanlar da Allaha məxsusdur ki, O, canilərə törətdiklərinə görə əvəz versin və
xeyirxahlıq edənlərə də Ən Yaxşı[4] əvəz
versin” (Nəcm, 53/31).
ﭮ ﭯ ﭰ
ﭱ ﭲ ﭳ
ﭴ ﭵ ﭶ
ﭷ ﭸ
(20.16) “Qoy
ona iman gətirməyənlər və istəklərinə uyanlar səni döndərməsinlər, yoxsa məhv
olarsan!”
Qoy Axirət
həyatının gerçəkliyini dananlar Qiyamət gününün labüdlüyündə və əvəz veriləcəyində
səni şübhəyə salmasınlar və Axirət naminə saleh əməllərdən səni yayındırmasınlar.
Onlar Axirətə şübhə edir və başqa insanların ürəyinə də şübhə salırlar. Onlar
möminlərlə höcətləşir və əllərindən gələni edirlər ki, öz şübhəli dəlilləri ilə
onları azdırsınlar. Belə hallarda onlar ancaq öz alçaq istəklərinə tabe
olurlar, Həqiqəti dərk etməyə can atmır və belə ona görə edirlər ki, bu onların
qüsurlu ürəklərini məmnun edir. Sən belə insanlardan ehtiyat etməlisən və
unutmamalısan ki, onlar öz sözləri və əməlləri ilə Axirətə inanan və əbədi
uğur xatirinə çalışan hər kəsə mane olmağa cəhd göstərirlər.
Allahın
möminləri belə insanlar barəsində xəbərdar etməsi, onların yalan vəsvəsələrinin
müsəlmanlar üçün ən böyük təhlükə olması ilə bağlıdır. İnsanların şübhə etməsi
və özünə bənzərlərdən nümunə götürməsi – onlara məxsus səciyyəvi bir haldır və buna
görə Fövqəluca Allah müsəlmanları, haqq dinə layiqincə etiqad edən adamlara
mane olan, onların arasında şəkk-şübhə törədən, uydurmalar yayan və onları Allaha, Qiyamət
gününə və təkcə Ona ibadətə iman gətirməyə dəvət edən ədəbiyyatdan uzaqlaşdıran
vaizlərdən qorunmağa çağırır. Bu üç anlayış həqiqi imanın əsası və dinin
sütunlarıdır. Əgər insan onların tələblərini qüsursuz olaraq icra edirsə, onda
o, dinə layiqincə etiqad edir. Əgər o, həmin tələbləri natamam yerinə yetirirsə,
onda bu onun imanının zəifliyinə dəlalət edir. Əgər o, onları rədd edirsə, onda
o, dinin ağuşundan çıxmış olur.
Bu ayə,
Fövqəluca Allahın Kitab əhlinin uğur qazanması və bədbəxtliyinin meyarlarını müəyyənləşdirdiyi
vəhyinə bənzəyir. Fövqəluca buyurur: “Həqiqətən, Allaha və Axirət gününə
iman gətirmiş və xeyirxahlıq göstərən möminlərə, yəhudilərə, xristianlara və
səbalılara onların Rəbbinin nəzdində mükafat hazırlanmışdır. Onlar qorxu
bilməyəcək və kədərlənməyəcəklər” (Bəqərə, 2/62).
Fövqəluca
Allah, imanın əsas müddəalarını izah etdikdən sonra, Öz Peyğəmbərinə (ona
Allahın salavatı və salamı olsun!) onun ürəyinə yəqinlik verən, ona (s.ə.s.)
olduqca böyük razılıq hissi gətirən və Allahın ona (s.ə.s.) düşmənləri üzərində
qələbə çalmasına mütləq kömək edəcəyinə inamını gücləndirən möcüzələr göstərməyi
qərara alır. Allah buyurur:
ﭹ ﭺ ﭻ
ﭼ ﭽ
(20.17)
“Ey Musa, sənin sağ əlindəki nədir?”
Allah
Musanın (ə) əlindəkinin nə olduğunu bilirdi, lakin O baş verəcək hadisənin əhəmiyyətini
xüsusilə nəzərə çapdırmaq üçün bu sualı verməyi qərara alır.
ﭾ ﭿ ﮀ
ﮁ ﮂ ﮃ
ﮄ ﮅ ﮆ
ﮇ ﮈ ﮉ
ﮊ ﮋ
(20.18)
“O dedi: “Bu – mənim əsamdır. Mən ona söykənirəm, onunla qoyunlarım üçün
yarpaq çırpıram. Onu başqa işlər üçün də işlədirəm”.
Musa (ə)
bildirir ki, əsa ona (ə) iki halda sədaqətlə xidmət göstərmişdir. Birincisi, o
ona (ə) yeridiyi zaman və dayandıqda kömək edir. İkincisi, o, mal-qaraya fayda
verir, çünki Musa (ə) onunla ağaclardan yarpaq çırpıb, sürüsündəki qoyunlara
yem verərdi. Bununla yanaşı o (ə) əsanı başqa hallarda da istifadə edərdi.
Bu, saleh
peyğəmbərin (ə) xeyirxah xasiyyətə malik olmasına dəlalət edir ki, bunun nəticəsi
də onun (ə) heyvanlara və mal-qaraya göstərdiyi qayğı idi. Allah onu (ə) təsadüfən
seçməmişdi. Bu seçim Fövqəluca Rəbbin kamil idrakı və mərhəmətliliyinin nəticəsiydi.
Musanın (ə)
xeyirxahlığının digər dəlili, onun (ə) əlində nə olmasına verdiyi cavab idi.
Belə bir sual verən təkcə əşya ilə deyil, onun təyinatı ilə də maraqlana bilərdi
və buna görə Musa (ə) ən müfəssəl surətdə cavab verir.
ﮌ ﮍ
ﮎ ﮏ ﮐ
ﮑ ﮒ ﮓ
ﮔ ﮕ
(20.19)
“Buyurur: “Ey Musa! Onu at !”
(20.20) “O,
əsasını atdı və əsa sürətlə hərəkət edən ilana çevrildi”.
Allahın
iradəsi ilə əsa böyük bir ilana döndü və bu zaman Musanın (ə) ürəyi qorxu ilə
doldu. O (ə) çevrilib qaçdı və hətta geriyə də baxmadı. Fövqəluca Allah bunun xəyal
olması kimi yanlış zənnin yaranmasının qarşısını almaqdan ötrü ilanı tərpəşən
və hərəkət edən halda göstərir. Belə bir şeyi isə sadəcə təsəvvür etmək mümkün
deyil.
ﮖ ﮗ ﮘ
ﮙﮚ ﮛﮜ ﮝﮞ
(20.21)
“Buyurdu: “Onu götür əlinə və qorxma. Biz onu əvvəlki halına qaytararıq”.
O sənə zərər
vurmaz, çünki Biz onu yenidən əsaya döndərəcəyik. Musa (ə) Rəbbin iradəsinə
sığındı, çünki o (ə) Onun sözünə inanırdı və itaətsizlik göstərmək fikrində deyildi.
O (ə) ilanı yerdən götürdü və o, o saat, yaxşı bələd olduğu əsaya döndü. Bu,
birinci ecazkar möcüzə idi. Sonra Fövqəluca Allah ona (ə) başqa bir möcüzə göstərərək
buyurur:
ﮟ ﮠ ﮡ
ﮢ ﮣ ﮤ
ﮥ ﮦ ﮧ
ﮨ ﮩ ﮪ
(20.22)
“Əlini qoltuğuna qoy və o, heç bir xəstəlik əlaməti olmadan, oradan ağ
çıxacaqdır. Bax, bu da sənə yeni bir möcüzə!”
Əlini
yaxandan qoltuğuna sal və qolunla sinənə sıx. Sən onu çıxardanda, o ağappaq
olacaqdır. Onun üzərində heç bir xəstəlik əlaməti olmayacaqdır. Fövqəluca belə
buyurur: “Bunlar sənin Rəbbindən Firon və onun əyanları üçün iki dəlil
olacaqdır. Həqiqətən, onlar günahkar adamlardır” (Qəsəs, 28/32).
ﮫ ﮬ ﮭ
ﮮ ﮯ
(20.23)
“Biz sənə Bizim ən böyük möcüzələrimizi göstərəcəyik”.
Biz sənə
öz əsanın ilana necə çevrildiyini və əlinin necə ağardığını göstərdik və
bununla da sənə ən böyük möcüzələrin bəzilərini nümayiş etdirdik. Onlar sənin
peyğəmbərliyinin gerçəkliyini və təliminin doğruluğunu təsdiq edir. Bunun
sayəsində sən yəqinlik əldə edəcək, biliyini artıracaq və Allahın vəd etdiyinə
qəti inanacaqsan. Fövqəluca səni yağılarından qoruyacağına və sənə onlara qələbə
çalmaqda yardım göstərəcəyinə söz vermişdir. Bununla yanaşı Allahın möcüzələri
sənin dinə dəvət etdiyin insanlar arasında təkzibedilməz dəlillər olacaq.
Musanı (ə)
peyğəmbər təyin etdikdən qəribə möcüzələr nümayiş etdirdikdən sonra, Allah Öz
peyğəmbərinə (ə) Misirin hökmdarının yanına getməyi əmr edir və belə buyurur:
ﮰ ﮱ ﯓ
ﯔ ﯕ ﯖ
(20.24)
“Fironun yanına get, çünki o, həddi aşmışdır”.
O, yol
verilənlərin həddini aşıb keçmişdir, küfrə etiqad edir və yaramaz günahlara yol
verir. O, Yerin əhalisinə təkəbbürlə yanaşır, kasıblara və köməksizlərə zülm
edir. Lakin ən başlıcası – bu mənfur günahkar özünü Allah hesab edir. Zalımlığı
Fironu məhv olunmağa layiq etmişdi, lakin Allah mərhəmətlidir, müdrikdir və ədalətlidir.
O (Pak və Müqəddəs Olan), Allahın elçiləri haqqında heç nə bilməyən və elçilərin
doğruçuluğuna əmin olmayan insanları cəzalandırmır. Buna görə Musa peyğəmbərə
(ə) aydın oldu ki, ona (ə) böyük bir çoxməsuliyyətli vəzifə tapşırılmışdır. O
(ə), Misir sakinlərinin heç birinin bir söz belə deməyə cəsarət etmədiyi tərs və
zalım bir hökmdarla üzbəüz dayanıb danışmalı olacaqdı. Musanın (ə) vəziyyəti həm
onun təkliyi, həm də səhabələrinin olmaması ilə çətinləşirdi. Bundan başqa, bir
çox illər bundan qabaq o (ə), bir misirlini öldürmüşdü. Bütün bu şərtlərə
baxmayaraq, o (ə), Rəbbinin əmrinə itaətkarlıqla tabe oldu və Ondan xahiş etdi
ki, ona (ə) yardım göstərsin və uğur qazanması üçün zəmin yaratsın. Həqiqətən,
heç bir dəvətçi belə yardım olmadan uğur əldə edə bilməz.
ﯗ ﯘ ﯙ
ﯚ ﯛ ﯜ
(20.25)
“Dedi: “Ey Rəbb! Köksümü genişlət!”
Məni
geniş qəlbli və səbirli bir insan et ki, Misir xalqının mənə qarşı sözlə və əməlləri
ilə edəcəyi haqsızlıqlara səbatla dözə bilim. Qoy onların cinayətləri həyatda
qanımı qaraltmasın və qəlbimi sıxmasın, çünki ürəyi sıxılan şəxsin başqa
insanları doğru yola gətirməyə və onların arasında haqqı təbliğ etməyə gücü
çatmaz. Məhz buna görə Fövqəluca belə buyurur: “Allahın mərhəməti ilə sən
onlara qarşı yumşaq davranırdın. Əgər sən kobud və daşqəlbli olsaydın, onlar səni
mütləq tərk edərdilər” (Ali İmran, 3/159). Yəqin ki, dəvətçi xeyirxah,
genişürəkli və səmimi olduqda, insanlar haqqı qəbul edirlər.
ﯝ ﯞ
ﯟ ﯠ
(20.26)
“İşimi asanlaşdır!”
Mənim
qarşımda qoyduğun istənilən məqsədə nail olmağı mənim üçün asanlaşdır və məni
gözləyən çətinliklərin öhdəsindən gəlmək üçün mənə kömək et. İnsanlara düzgün
yanaşma üsulu tapdıqda, hər bir şəxsə müvafiq tərzdə müraciət edə bildikdə və
davranışı ilə ətrafdakılarını dediyi sözlərə qulaq asmağa cəlb edə bildikdə dəvətçinin
vəzifəsi asanlaşır.
ﯡ ﯢ ﯣ
ﯤ ﯥ ﯦ
ﯧ ﯨ
(20.27) “Dilimdəki
düyünü aç ki”,
(20.28) “onlar
mənim nitqimi başa düşə bilsinlər”.
Bir çox şərhçilərin
rəyinə görə, Musa (ə) danışığı zamanı çətinlik çəkirdi və həmsöhbətləri onun (ə)
nitqini, demək olar ki, başa düşmürdülər. Fövqəluca onun (ə) dilindən belə
buyurdu: “Qardaşım Harun məndən daha yaxşı danışır...” (28/34). Musa (ə)
Rəbbindən xahiş edir ki, onu, dilini bağlayan buxovdan xilas etsin ki, onun (ə)
nitqi, müraciətləri və izahatları insanlara mümkün qədər çox fayda
versin.
ﯩ ﯪ ﯫ
ﯬ ﯭ ﯮ
ﯯ ﯰ ﯱ
(20.29)
“Mənə öz ailəmdən bir köməkçi təyin et -
(20.30)
“qardaşım Harunu”.
Mənə köməkçi
təyin et ki, məni əvəz edə bilsin və mənə səma vəhyini insanlara çatdırmaqda
yardım göstərsin. Musa (ə) istəyirdi ki, onun (ə) köməkçisi öz ailə üzvlərindən
olsun. Bu onun (ə) xeyirxahlığının dəlili idi, çünki insanın qohumları onun
xeyirxah münasibətinə hamıdan daha çox layiq olurlar.
ﯲ ﯳ ﯴ
ﯵ ﯶ ﯷ
ﯸ ﯹ
(20.31)
“Onun sayəsində mənim gücümü artır
(20.32)
“və onu mənimlə vəzifəmi yerinə yetirməkdə şərik et ki”,
Ona da
peyğəmbərlik vəzifəsi ver və onu da mənimlə yanaşı Öz peyğəmbərin və elçin et.
Fövqəluca buyurdu: “...Biz sənin qolunu qardaşının vasitəslə bərkidəcəyik və
sizə dəlil əta edəcəyik...” (Qəsəs, 28/35).
ﯺ ﯻ ﯼ
ﯽ ﯾ ﯿ ﰀ
(20.33)
“biz Səni çoxluca tərifləyək”
(20.34) “və
Səni tez-tez yada salaq”.
Peyğəmbər
(ə) başa düşmüşdü ki, ibadətin və dinin əsasını Allahı xatırlama təşkil edir və
buna görə də o (ə), Rəbbindən xahiş edir ki, qardaşını da Allahın elçisi
etsin. O (ə) həm də başa düşmüşdü ki, onlar ikilikdə bir-birilərinə kömək göstərərək,
yaxşılıq edə bilər və Allahdan daha möhkəm qorxarlar ki, bunun sayəsində də
onlar Ona tez-tez həmd etməklə və digər ibadət ayinlərinin köməyi ilə yaxınlaşa
bilərlər.
ﰁ ﰂ ﰃ
ﰄ ﰅ
(20.35) “Şübhəsiz
ki, Sən bizi görürsən”.
Sən bizim
vəziyyətimizi bilirsən və onu da bilirsən ki, biz nə qədər zəif və köməksizik.
Biz Sənin köməyinə möhtacıq və Sənə bu barədə, bizim özümüzün bildiyimizdən də
yaxşı məlumdur. Dualarımıza cavab ver və bizə istədiklərimizi əta et.
ﰆ ﰇ ﰈ
ﰉ ﰊ ﰋ
(20.36)
“O buyurdu: “Ey Musa! Sən xahiş etdiklərini artıq almışsan”.
Sən nə
istəmişsənsə, hamısını alacaqsan. Biz sənin köksünü açıb, vəzifəni
asanlaşdıracağıq. Biz sənin dilindəki buxovu götürəcəyik ki, insanlar sənin
nitqini aydın başa düşə bilsinlər və sənə köməkçi olaraq qardaşın Harunu əta edəcəyik.
Fövqəluca həm də belə buyurur: “...Biz sənin qolunu qardaşının vasitəslə bərkidəcəyik
və sizə dəlil əta edəcəyik. Onlar sizə zərər vura bilməyəcəklər. Bizim ayələrimiz
sayəsində siz və sizin ardınızca gedənlər qalib olacaqsınız” (Qəsəs,
28/35).
Musanın (ə)
Rəbbinə yönəltdiyi duası onun (ə) Allahı nə dərəcədə yaxşı dərk etməyi
bacardığını təsdiq edir. Dua həmçinin onun (ə) qəlbinin gözəlliyinə, onun dünyəvi
həyat haqqında təsəvvürlərinin və səmimiyyətinin mükəmməlliyinə dəlalət edir.
İnsanları Allaha doğru çağıran dəvətçi, xüsusilə də, əgər o, inadkar, təkəbbürlü
və zülmkar bir xalqın arasında təbliğat aparırsa, böyük qəlbə və hüdudsuz səbrə
malik olmalıdır. O, səbirlə hər cür haqsız incidilmələrə və təhqirlərə dözməli
və bəlağətli nitq qabiliyyətinə malik olmalıdır ki, öz fikirlərini aydın izah
edə bilsin. Bundan başqa, belə şəraitdə gözəl danışıq qabiliyyəti dəvətçinin ən
mühüm məziyyətlərindən biri olur, çünki o, çoxsaylı suallara cavab verməli və
çaşdırıcı sualların tələsinin üstündən məharətlə keçməlidir. Bununla yanaşı o,
həqiqəti ən gözəl tərzdə təqdim etməlidir ki, insanları onu qəbul etməyə yönəltsin
və yalanı ustalıqla ifşa etməlidir ki, insanlar ona meyil etmədən ondan qaça
bilsinlər.
Deyilənlərlə
yanaşı dəvətçi bilməlidir ki, o, insanlara düzgün yanaşma yolunu taparsa, onda
öz vəzifəsini olduqca asanlaşdıra bilər. Onun insanlara yönəltdiyi dəvət –
müdrik, nəsihətləri isə xeyirxah olmalıdır. Mübahisəyə girməyə ehtiyac yarandıqda,
o onu ən gözəl tərzdə aparmalıdır. Bütün bunlar onu göstərir ki, dəvətçi hər
bir adama fərdi qaydada yanaşmalıdır. Dəvətçinin səsinə qulaq asılması üçün onu
köməkçiləri və tərəfdarları əhatə etməlidirlər. Məhz buna görə Musa (ə) Allaha
həmin xahişləri ilə müraciət edir və istədiklərini bütövlüklə alır.
Allahın
peyğəmbərlərinin və elçilərinin məziyyətləri üzərində düşünüldükdə aydın olur
ki, onların hər biri bu keyfiyyətlərə müəyyən dərəcədə malik olublar. Elçilərin
sonuncusu və ən yaxşısı – Muhəmməd Peyğəmbərə (ona Allahın salavatı və salamı
olsun!) gəldikdə isə, insani məziyyətlərin ən kamilləri ona (s.ə.s.) məxsus
idi. O (s.ə.s.) alicənab insan idi, öz vəzifəsinin öhdəsindən asanlıqla gəlirdi,
gözəl nitq sahibi idi, fikirlərini aydın izah edirdi və o qədər səhabəsi və
davamçısı var idi ki, bu baxımdan özündən əvvəlkilərin hamısını ötüb keçmişdi.
Əvvəlki
ayələrdə Rəbb qulu və elçisi İmran oğlu Musaya (ə) göstərdiyi mərhəmətini ona (ə)
xatırladır. Allah ona (ə) din, Vəhy və peyğəmbərlik əta etmiş, həm də onun (ə)
dualarını qəbul etmişdi. Sonra Fövqəluca Allah körpə çağında ona (ə) bəslədiyi
lütfkarlığını onun (ə) yadına salır.
ﰌ ﰍ ﰎ
ﰏ ﰐ ﰑ ﭑ ﭒ
ﭓ ﭔ ﭕ
ﭖ ﭗ ﭘ
ﭙ ﭚ ﭛ
ﭜ ﭝ ﭞ
ﭟ ﭠ ﭡ
ﭢ ﭣ ﭤ
ﭥ ﭦﭧ ﭨ
ﭩ ﭪ ﭫ
ﭬ ﭭ ﭮ ﭯ
(20.37) “Biz
əvvəllər də sənə mərhəmət göstərmişdik”,
(20.38) ”anana
vəhy nazil edəndə:”
(20.39) “Onu
sandığa qoy və çay aşağı burax. Çay onu sahilə çıxardacaq. Onu Mənim düşmənim və
onun düşməni götürəcək” – deyə buyurduq. Mən sənə məhəbbətimi bəxş etdim
və səni Mənim gözlərimin qarşısında böyütdülər”.
Sən körpə
ikən Biz anana təlqin etdik ki, səni sandığa qoysun. O, sənin həyatın üçün
qorxu keçirirdi, çünki Firon İsrail oğullarından olan bütün oğlan uşaqlarını
öldürməyi əmr etmişdi. Anan səni misirlilərdən gizlətmişdi. O bərk qorxmuşdu və
səni sandığa qoyub Nil çayına atdı. Biz çaya əmr etdik ki, səni sahilə atsın və
elə etdik ki, səbət Mənim və sənin ən zalım düşmənlərimizin əlinə keçsin. Sən
Fironun övladları ilə birlikdə tərbiyə alırdın və sənə baxan hər kəsə sevinc bəxş
edirdin. Bu ona görə belə idi ki, Biz səni Öz məhəbbətimizin altına almışdıq.
Biz səni sevdik və insanlar da sənə məhəbbətlə yanaşırdılar. Səni Mənim nəzarətim
altında boya-başa çatdırdılar və hər cür şərdən qorudular. Kimin qayğısı və
himayəsi, Öz quluna zəruri olan hər şeyi bəxş etmək və onu hər hansı xoşagəlməzliklərdən
müdafiə etmək səlahiyyətinə malik Olan Xeyirxah və Mərhəmətli Allahın qayğısı və
himayəsindən daha yaxşı ola bilər?!
Fövqəluca
Allah Musa (ə) ilə nə baş verdiyini daima müşahidə edirdi. O (ə) öz düşməninin
əlində olduğu zaman, anası bərk həyəcan keçirməyə və narahat olmağa başlamışdı.
O heç nə barədə düşünmürdü və Allah ona ən çətin anda kömək göstərməsəydi, o
hökmən adamlara deyəcəkdi ki, Fironun ailəsinin tapdığı – onun körpəsidir.
Bütün bunlar ona dəlalət edir ki, Onun gələcək peyğəmbər haqqında qayğısı nə dərəcədə
mükəmməl idi. Allah körpəyə özgə qadınların döşünü əmməyi qadağan etmişdi ki,
onun anasını tapıb gətirsinlər və bu yazıq qadına təsəlli olsun və o, rahatlıq
tapa bilsin. Fironun ailə üzvləri dayə axtarışında uğursuzluğa uğradılar və bu
zaman Musanın (ə) bacısı onların yanına gəldi və onlara körpəyə lazımınca baxa
biləcək bir qadını təklif etdi. Fövqəluca buyurur:
ﭰ ﭱ
ﭲ ﭳ ﭴ
ﭵ ﭶ ﭷ
ﭸﭹ ﭺ ﭻ
ﭼ ﭽ ﭾ
ﭿ ﮀ ﮁﮂ ﮃ ﮄ
ﮅ ﮆ ﮇ
ﮈ ﮉﮊ ﮋ
ﮌ ﮍ ﮎ
ﮏ ﮐ ﮑ
ﮒ ﮓ ﮔ ﮕ
(20.40) “Bacın
gəlib dedi: “Onun qayğısını çəkə bilən bir nəfəri sizə göstərimmi?” Biz səni
anana qaytardıq ki, üzü gülsün və kədərlənməsin. Sən adam öldürdün və Biz səni
xilas etdik və ağır sınağa çəkdik, ey Musa! Sən Mədyən sakinləri arasında uzun
illər keçirdin, indi isə vaxtında qayıtmışsan”.
Bir dəfə Musa (ə) günün istirahət vaxtında şəhərə
daxil oldu və dalaşan iki kişini gördü. Onlardan biri Musanın (ə) tayfasından,
digəri isə koptlardan[5] idi.
Fövqəluca bu barədə belə buyurur: “Sakinləri sayıq olmadıqları zaman şəhərə
girdikdə, o bir-biri ilə dalaşan iki kişiyə rast gəldi. Onlardan biri onun tərəfdarı
idi, digəri isə onun düşmənləri arasından idi. Onun tərəfdarı ondan onun düşmənlərindən
olan adama qarşı kömək istədi. Musa da onu yumruğu ilə vurub öldürdü” (Qəsəs,
28/15). O (ə), elə o andaca törətdiyi əmələ görə tövbə etdi və Allahdan
bağışlanması üçün dua etməyə başladı və Rəbbi onu (ə) bağışladı. Sonra Musa (ə)
öyrəndikdə ki, Misir əyanları onu (ə) edam etməyi qərara alıblar, şəhərdən
qaçdı. Allah onu (ə) möhnətdən və edamdan xilas etdi, sonra isə ağır sınağa məruz
qoydu. Musa (ə) seçdiyi yolla qətiyyətlə gedərək, müəyyən yüksəkliklərə nail
oldu. Firondan və onun ətrafındakılardan qaçaraq, o (ə), Mədyəndə yaşamağa
başladı, orada evləndi və səkkiz və ya on il ömür sürdü. Sonra o (ə) Misirə
qayıtdı və onun (ə) bu qayıdışı təsadüfü deyildi. Fövqəluca onun (ə) geri dönməsini
öncədən təqdir etmiş və ona (ə) lütfkarlığını göstərmişdi. Allahın Öz seçdiyi,
Allahın Özü ilə danışmaq şərəfinə nail olmuş, sevimlisinə göstərdiyi qayğısı
belə kamil idi.
ﮖ ﮗ ﮘ
(20.41)
“Mən səni Özüm üçün seçmişəm”.
Ey Musa!
Sən ən böyük nemətlərə layiq edildin və gözəl tərbiyə aldın, çünki sən Allahın
sevimlisi olacaqdın və Onun tərəfindən seçiləcəkdin. Bunun sayəsində sən digər
məxluqları ötüb keçdin və elə ucalıqları fəth etdin ki, onların yüksəkliyinə
qalxmağı ancaq çox nadir insanlar bacara bildilər.
Əgər
insan öz seçdiyi sevimlisinə səmimi hisslər bəsləyirsə, onda o, var gücü ilə
ona kamilləşməsi üçün kömək göstərir və bundan ötrü mümkün olan hər şeyi edir.
Fövqəlqüdrətli və Sonsuz Səxavət Sahibi Allahın insanlar arasından Özü üçün
seçdiyi sevimlisindən ötrü nələr edəcəyini təsəvvür etmək mümkündürmü?!
ﮙ ﮚ ﮛ
ﮜ ﮝ ﮞ
ﮟ ﮠ ﮡ
(20.42)
“Qardaşınla birlikdə Mənim möcüzələrimlə gedin və Məni xatırlamağa etinasızlıq
göstərməyin!”
Fövqəluca
Rəbb Musaya (ə) əta etdiyi dünyəvi və ruhani nemətləri xatırlatdıqdan sonra ona
(ə) və qardaşı Haruna (ə) əmr edir ki, haqqın gözəlliyinə dəlalət edən, yalanı
isə ifşa edən möcüzələri insanlara nümayiş etdirsinlər. Onlara buyurulmuşdu
ki, Firona və Misir əyanlarına əsa və əl ilə bağlı və digər möcüzələri – cəmi
doqquz möcüzəni göstərsinlər. Bunlarla yanaşı onlara əmr edilmişdi ki, fasilə
vermədən Allahı zikr etsinlər və Rəbbi tez-tez xatırlayacaqları və tərifləyəcəkləri
haqqında vədi yerinə yetirsinlər. Həqiqətən, Allahı xatırlamaq insanlara işlərini
yoluna qoymağa və məqsədlərinə nail olmağı asanlaşdırmağa kömək edir.
ﮢ ﮣ ﮤ
ﮥ ﮦ ﮧ
(20.43)
“Fironun yanına ikilikdə gedin, çünki o, yol verilən həddi artıq keçmişdir”.
O, küfrə
etiqad etməklə, zalımlıq törətməklə və insanlara əzab verməklə həddini
aşmışdır.
ﮨ ﮩ ﮪ
ﮫ ﮬ ﮭ ﮮ ﮯ
ﮰ
(20.44)
“Onunla yumşaq danışın, ola bilsin ki, o, nəsihətə qulaq assın və ya qorxuya
düşsün”.
Nitqiniz
sadə, xeyirxah olmalı və sizin gözəl əxlaqınıza dəlalət etməlidir. Sizə özünüzü
kobud aparmaq və dikbaşlıqla, lovğalıqla danışmaq yaraşmaz. Ola bilsin ki, məhz
sizin xeyirxahlığınız sayəsində o, nəyin ona xeyir verəcəyini, nəyin isə ona
zərər vuracağını başa düşsün. Bax onda o, xeyirxahlıq etməyə başlayar və
günahlardan çəkinərdi. Buna ancaq xeyirli nəsihətlər verməklə nail olmaq
mümkündür, çünki onlar insanı moizələrə qulaq asmağa təkan verir, halbuki
adamlarla kobud münasibət onları uzaqlaşdırır.
Fövqəluca,
xeyirxah sözlər adı altında məhz nəyin nəzərdə tutulduğunu izah edərək, belə
buyurur: “Fironun yanına get, çünki o, həddini aşmışdır və de:
“Günahlarından təmizlənmək istəmirsənmi? Mən sənə Rəbbinə doğru yolu göstərərəm
və sən müttəqi olarsan” (Naziat, 79/17-19). Bu sözlər doğrudan da xeyirxahlıqla
doludur və kin-küdurət doğurmur və bu azacıq da olsa onların mənası üzərində
düşünən hər kəsə aydındır. O sözlər, adətən, adamların bir-biri ilə məsləhətləşdikləri
zaman olduğu kimi, sualla başlayır və belə yanaşma, bir qayda olaraq, kinliliyin
yaranmasına səbəb olmur. Musaya (ə) həmçinin əmr olunmuşdu ki, Fironu murdar hərəkətlərdən
təmizlənməyə dəvət etsin ki, bunun da əsas mənbəyi müşriklik[6] idi və
bu çağırış da istənilən ağıllı adamda nifrət oyatmaq mahiyyətinə qabil deyildi.
Allah ona (ə) əmr etməmişdi ki, Fironu günahlardan təmizləsin. Əksinə, Misir
hökmdarına təklif olunmuşdu ki, günahlardan özü təmizlənsin. Sonra isə saleh
peyğəmbər (ə) onu Rəbbin yoluna dəvət etməliydi. O (Pak və Müqəddəs Olan) onu
çoxsaylı gözlə görünən və müşahidə edilməyən nemətlərlə təmin etmişdi və
bunların hər biri insanın öz Rəbbinə şükür etməsini zəruriləşdirir. Lakin
Firon, hər bir insanın qəlbinə təsir göstərə biləcək bu xeyirxah nəsihətlərə
qulaq asmaqdan boyun qaçırdı. Onda Musaya (ə) aydın oldu ki, nəsihətlər Firona
heç bir fayda verməyəcək və belə olduqda, Fövqəluca Allah onu əzablı cəzaya məhkum
etdi.
ﮱ
ﯓ ﯔ ﯕ
ﯖ ﯗ ﯘ
ﯙ ﯚ ﯛ ﯜ
(20.45)
“Onlar dedilər: “Ey Rəbbimiz! Biz qorxuruq ki, o, bizi cəzalandırmağa tələssin
və ya həddi aşsın”.
Biz Sənin
hökmünü ona çatdırana və doğruçuluğumuzu sübuta yetirənə qədər, o, bizi
tutdurub öldürdə bilər. O, çox böyük hakimiyyətə, çarlığa, qoşunlara və xidmətçilərə
malikdir və haqdan dönə bilər.
ﯝ ﯞ ﯟﯠ
ﯡ ﯢ ﯣ
ﯤ ﯥ
(20.46)
“Buyurdu: “Qorxmayın, çünki Mən – sizinləyəm. Mən eşidirəm və görürəm”.
Firon sizə
zərər toxundurmayacaq, çünki Mən daima sizin qayğınızı çəkirəm. Mən sizin
dualarınızı eşidir və vəziyyətinizi görürəm və buna görə də siz narahat olmaya
bilərsiniz. Rəbbin bu sözləri onları qorxmaqdan xilas etdi və Onun vədinin
doğruluğuna onların ürəyində inam yarandı.
ﯦ ﯧ ﯨ
ﯩ ﯪ ﯫ ﯬ ﯭ
ﯮ ﯯ ﯰﯱ
ﯲ ﯳ ﯴ
ﯵ ﯶﯷ ﯸ
ﯹ ﯺ ﯻ
ﯼ ﯽ
(20.47)
“İkilikdə onun yanına gedib deyin: “Biz – sənin Rəbbinin elçiləriyik. İsrail
oğullarını bizimlə birlikdə burax və onlara əzab vermə. Biz sənin yanına Rəbbimizin
möcüzələri ilə gəlmişik. Doğru yolla gedənlərə salam olsun!”
Onu
Allaha itaət etməyə çağırın və əmr edin ki, İsrail oğullarını əzab-əziyyətdən
azad etsin. O, uzun müddət bu şanlı xalqı köləlikdə saxlamışdır və artıq onları
azad etmək vaxtı gəlib çatmışdır və onlara imkan verilməlidir ki, öz talelərinə
müstəqil sərəncam çəkə bilsinlər və Musa peyğəmbərin (ə) rəhbərliyi altında
Allahın qanunları üzrə yaşasınlar. Ona bəyan edin ki, doğru yolla gedən və
Allahın aydın qanunlarını rəhbər tutan hər bir kəs həm bu dünyada, həm də
ölümündən sonra böyük uğur əldə edəcəkdir. Bununla yanaşı isə ona sizin
doğruçuluğunuzu təsdiq edən möcüzələrimizi göstərin. Fövqəluca sonra belə
buyurur: “O, əsasını atdı və əsa açıq-aşkar bir ilana çevrildi. O, əlini qoltuğundan
çıxartdıqda, o, ona baxanlar üçün ağappaq oldu” (Şuəra, 26/32-33).
ﯾﯿﰀﰁ ﰂ ﰃ
ﰄﰅﰆ ﰇ ﰈ
(20.48) “Biz
vəhy almışıq ki, yalan sayıb, üz döndərən hər kəs əzaba düçar ediləcək”.
Bu bilik
bizim uydurmalarımız deyil, Allahdan nazil olan vəhydir. Əgər insan Allahın və
Onun elçilərinin (Allahın onlara salamı olsun!) sözlərini inkar edir və onlara
itaət etməkdən yayınırsa, onda onu əzabverici bir cəza gözləyir. Fövqəluca belə
sözlərlə Fironu haqqa iman gətirməyə və ona müti olmağa çağırır və onu kafirliyə
və itaətsizliyə görə xəbərdar edirdi. Lakin moizə və nəsihətlər Firona fayda
vermədi və o, öz Rəbbini inkar etməyi üstün tutdu, inkarçılıqla qane oldu və
haqqı inadkarlıqla və zalımcasına höcətləşməyə başladı.
ﰉ ﰊ
ﰋ ﰌ ﰍ
ﰎ ﰏ ﰐ
ﰑ ﰒ ﰓ
ﰔ ﰕ ﰖ ﰗ
(20.49)
“Dedi: “Rəbbiniz kimdir, ey Musa?”
(20.50)
“Cavab verdi ki: “Rəbbimiz – hər şeyə Surət Verən, sonra isə hamıya Doğru Yol
Göstərəndir”.
Fironun
sualı imansızlıqla dolu, Musanın (ə) cavabı isə aydın və inandırıcı idi. O (ə)
deyir ki, bütün varlıqları Yaradan və Öz məxluqlarına müvafiq surətlər Verəndir.
Bu məxluqların arasında böyük, kiçik və orta ölçülərdə olan yaradılmışlar
vardır və onların hamısı ən müxtəlif keyfiyyətlərə malikdirlər. Allah onların
bu dünyaya gəlməsinin məqsədinə uyğun olaraq yol göstərir ki, bu mükəmməl rəhbərliyin
dəlillərini hər bir məxluqun özündə müşahidə etmək olar. Hər bir məxluq
yaradılış məqsədi olan nemətə doğru can atır və başına gələ biləcək şərdən uzaq
qaçır. Hətta Allahın bu məqsədə nail olmaq üçün kifayət qədər ağıl verdiyi heyvanlar da belə davranırlar.
Bu ayə
aşağıdakı vəhyə bənzəyir: “Yaratdıqlarının hamısını mükəmməl xəlq
etmişdir...”(Səcdə, 32/7). O (Pak və Müqəddəs Olan), bütün varlıqları
yaratmış və Öz məxluqlarına surət vermişdir. Onlar o dərəcədə əladır ki, insan
təfəkkürü onlardan daha kamilini yaratmaq imkanına malik deyil. O (Pak və Müqəddəs
Olan), Öz məxluqlarına onlara fayda verə bilən şeyləri öyrətmişdir. Bu
isə o deməkdir ki, təkcə O (Pak və Müqəddəs Olan) Həqiqi Rəbdir və Onu inkar
etmək - ən aydın olan bir şeyi inkar etməkdir. İnsan buna yol verdikdə ən böyük
yalanı təntənə ilə elan etmiş olur və əgər aləmlərin Rəbbini inkar etmək, aydın
həqiqəti inkar etməklə müqayisə edilərsə, onda birinci ikincidən olduqca dəhşətlidir.
Firon
Musanın (ə) təkzibolunmaz dəlilinə etiraz edə bilmədi və mövzudan yayınmaq və
müsahibəni səs-küylü mübahisəyə çevirmək qərarına gəldi.
ﰘ ﰙ ﰚ
ﰛ ﰜ ﰝ
(20.51) “Dedi:
“Bəs ilk nəsllər necə olacaq?”
Onların vəziyyəti
necə olmuşdur? Hansı tale onlara nəsib olmuşdur? Sən, Allahın varlığını inkar
edən, zalımlıq göstərən, inadla öz baxışlarını qoruyan və bu gün də bizim üçün
nümunə olan bizdən əvvəlkilər haqqında nə deyə bilərsən?
ﭑﭒﭓﭔﭕﭖﭗﭘﭙﭚﭛﭜﭝ
(20.52)
“Cavab verdi ki: “Bu barədə bilik – Rəbbimin dərgahındakı Kitabındadır. Rəbbim
yanılmır və unutmur”.
Allah
onların şər və xeyirxah əməllərini hesablayaraq, hər birini Lövhi-Məhfuza[7]
yazmışdır. O (Pak və Müqəddəs Olan), Öz elmi ilə bütün varlıqları çulğalayır.
O (Pak və Müqəddəs Olan), qərar qəbul
etdikdə yanlışlığa yol vermir və heç nəyi nəzərdən qaçırmır. Sizdən əvvəlkiləriniz
isə özləri üçün hazırladıqlarını artıq almışlar. Onlar öz əməlləri ilə üz-üzə gəlmiş
və indi əvəz alırlar. Ey Firon! Niyə sən onların taleyi haqqında soruşursan?
Bunun nə mənası var? O insanlar artıq öz həyatlarını yaşamışlar. Onlar əməllərinə
görə əvəz alacaqlar, siz isə öz əməllərinizə cavab verməli olacaqsınız. Mənim gətirdiyim
dəlillər və göstərdiyim möcüzələr doğrudur və təkzib olunmazdır. Əgər sən buna
əmin oldunsa, onda haqqa dön, kafirlikdən və zalımlıqdan imtina et və öz
uydurma baxışlarını müdafiə etməkdən əl çək. Əgər sən hələ də şübhə edirsənsə və
mənim dəlillərim səni qane etməyibsə, onda haqqı tapmaqda və bəzi dəlilləri digər
dəlillərlə təkzib etməkdə sənə heç nə mane olmur. Lakin bil ki, sən heç vaxt məni
yalançılıqda ifşa etməyə nail ola bilməzsən.
Musa (ə)
öz dəlillərinin doğruluğuna əmin idisə, Firon onları necə təkzib edə bilərdi?
Fövqəluca buyurur: “Onlar dəlilləri zalımcasına və təkəbbürlə təkzib etdilər,
halbuki ürəklərində onlar dəlillərin doğruluğuna əmin idilər” (Nəml,
27/14). Musa peyğəmbər (ə) isə belə
dedi: “Sən artıq bilirsən ki, ancaq göylərin və yerin Rəbbi onları əyani
möcüzələr kimi nazil etmişdir. Ey Firon! Mən güman edirəm ki, sən məhv
olacaqsan” (İsra, 17/102). Musa (ə) başa düşmüşdü ki, Firon yalnız özünün təkəbbürü
və dikbaşlığı üzündən mübahisəni davam etdirirdi. Belə olduqda, o (ə) öz dəlillərini
gücləndirməyi qərara alaraq, Allahın çoxsaylı nemətlərini xatırlatdı ki,
insanların yer üzündə yaşayışı onlarsız mümkün deyil. O (ə) dedi:
ﭞ ﭟ ﭠ
ﭡ ﭢ ﭣ
ﭤ ﭥ ﭦ ﭧ ﭨ ﭩ ﭪ ﭫﭬﭭﭮﭯﭰﭱ
(20.53)
“O, yeri sizin üçün beşik etdi, üzərində yollar saldı və göydən su endirdi.
Onun sayəsində Biz müxtəlif bitkilərdən qoşa-qoşa yetişdirdik”.
Allah
yeri elə döşəmişdir ki, siz onun üstündə yaşaya, ev tikə, ağaclar əkə və əkinçiliklə
məşğul ola biləsiniz. O, yeri sizə ram etdi və sizin hər hansı xeyirxah
məqsədlərə nail olmağınıza onun maneçilik törətməsinə yol vermir. O (Pak və Müqəddəs
Olan), sizin üçün yollar saldı ki, onların vasitəslə bir ölkədən başqasına gedə
bilirsiniz. Yerin istənilən guşəsinə gedib çıxmaq sizin üçün çətinlik yaratmır,
doğma şəhərdə qalmaqdansa, ticarət səfərlərinə çıxmaq isə sizə böyük fayda
verir. O (Pak və Müqəddəs Olan), göydən yağış nazil edir və bunun sayəsində yerdə
müxtəlif növlü və müxtəlif keyfiyyətlərə malik bitkilər bitir. Allah bunları
öncədən təyin etmişdir və sizə bu bitkiləri yetişdirməkdə kömək göstərir ki,
siz özünüz üçün yemək hazırlaya biləsiniz və mal-qaranız da özünə yem tapa
bilsin. Əgər Allahın mərhəməti olmasaydı, insanlar və heyvanlar aclıqdan məhv
olmuşdular.
ﭲ ﭳ
ﭴﭵ ﭶ ﭷ ﭸﭹ ﭺ ﭻﭼ
(20.54) “Həm
özünüz yeyin, həm də mal-qaranızı yemləyin. Həqiqətən, bunda – ağıl sahibləri
üçün möcüzələr vardır”.
Fövqəluca
bu sözləri ilə insanlara bəslədiyi Mərhəmətini onlara xatırladır. Onlardan həmçinin
aydın olur ki, zərər gətirən bitkilərdən başqa bütün bitkiləri yeməyə icazə
verilir. Zərərli bitkilərə aid olanlar, məsələn, zəhərli bitkilərdir ki, onları
yemək qadağandır. Bütün bunlar sağlam və düşüncəli insanlar üçün dəlildir və bunlar Allahın Öz məxluqlarına bəslədiyi
hüdudsuz xeyirxahlığının, hər şeyi əhatə edən mərhəmətinin və mükəmməl
qayğısının təsdiqidir. O (Pak və Müqəddəs Olan) təklikdə Həmdəlayiq Hökmdar və
Rəbb olan Allahdır. O təkbaşına Öz qullarını çoxsaylı bol səxavəti ilə təmin edir və buna görə yalnız O (Pak və Müqəddəs
Olan) ibadətə, həmdə və şan-şöhrətə layiqdir. O (Pak və Müqəddəs Olan) bütün
varlıqlar üzərində hakimiyyət Sahibidir. O (Pak və Müqəddəs Olan) çətinlik çəkmədən
ölü torpağı canlandırır və çətinlik çəkmədən də ölmüş insanları dirildəcəkdir.
Lakin bunu dərk etmək təkcə ağıllı olanlara verilmişdir. Belə insanlar öz Rəbbinin
dəlilləri üzərində düşünür və onlardan
fayda əldə edirlər. Bütün qalan insanlara gəldikdə isə, onlar Allahın nemətləri
üzərində fikirləşə bilməyən və onları mənası barədə düşünməyən mal-qaraya bənzərdirlər.
Belə insanların nəsibi – heyvanların qismətidir, onlar yeyirlər, içirlər və
eyni zamanda onların ürəkləri haqqa laqeyddir, bədənləri isə ondan üz çevirir.
Fövqəluca buyurur: “Göylərdə və yerdə neçə-neçə dəlillər vardır ki, insanlar
onların yanından keçirərkən üzlərini çevirirlər” (Yusuf, 12/105).
ﭽ ﭾ ﭿ
ﮀ ﮁ ﮂ
ﮃ ﮄ ﮅ ﮆ
(20.55)
“Biz sizi ondan xəlq etdik, Biz sizi ona qaytaracaq və ondan bir daha
çıxaracağıq”.
Allahın
iradəsi ilə göydən nazil edilən yağışa cavab olaraq ən müxtəlif bitkilər
yetişdirməsini yerin səxavətliliyi kimi xatırlatdıqdan sonra, Fövqəluca Rəbb
insanları da həmin torpaqdan yaratdığını bildirir. İnsanlar öləndə onlar bu
torpağa qaytarılırlar ki, sonra oradan dirildilsinlər. Allah insanı yoxdan
yaratmışdır və bu insanlara çox gözəl məlumdur. Qiyamət günü başlayanda isə, O
(Pak və Müqəddəs Olan) insanları yerdən növbəti dəfə ona görə çıxardacaq ki, hər
bir insan öz etdiyi əməllərinə görə əvəzinin alsın. Bütün bu deyilənlərdən belə çıxır
ki, quru torpağın canlandırılması və insanın torpaqdan yaradılması kimi iki
aydın məntiqi dəlil dirilmənin gerçəkliyinin lehinədir.
ﮇ ﮈ ﮉ
ﮊ ﮋ ﮌ ﮍ
(20.56)
“Biz ona Özümüzün hər növ möcüzələrimizi göstərdik, lakin o onları yalan
sayıb, rədd etdi”.
Fövqəluca
bildirir ki, Firon ən müxtəlif möcüzələrin və təkzib olunmaz dəlillərin şahidi
oldu. Təbiət və insanlar onun gözünün qarşısında ən möcüzəli şəkildə dəyişikliyə
uğrayırdılar, lakin bu ona doğru yola gəlməyə bir təkan vermədi. Əksinə, o,
Allahın möcüzələrini yalan saydı və Allahın hökmlərindən və haramlarından üz
döndərdi. Haqq ona yalan, yalan isə haqq kimi göründü və bu zaman o, öz
“haqqını” müdafiə etməyi və insanları doğru yoldan çəkindirməyi qərara aldı.
ﮎ ﮏ
ﮐ ﮑ ﮒ
ﮓ ﮔ ﮕ
(20.57)
“O dedi: “Ey Musa! Doğrudanmı sən bizim yanımıza gəlmişsən ki, bizi öz
torpağımızdan sehrbazlıqla qovasan?”
O qərara
almışdı ki, Musanın (ə) nümayiş etdirdiyi bütün möcüzələr sadəcə sehrbazlıqdır
və Musa (ə) onun vasitəsi ilə misirliləri öz torpaqlarından qovub çıxarmağa,
Misin hökmdarı olmağa və insanların düşüncəsinə təsir göstərməyə can atır. Firon öz xalqına deyir ki, Musa bu məqsədləri
güdür, çünki o bilir ki, insanın qəlbi həmişə doğma torpağa can atır və ondan
ayrılmaq istəmir. Bu minvalla Firon xalqında Musanın (ə) moizələrinə qarşı
nifrət oyatmağa və ona (ə) qarşı insanları mübarizəyə yönəltməyə cəhd göstərirdi.
ﮖ ﮗ ﮘ
ﮙ ﮚ ﮛ
ﮜ ﮝ ﮞ
ﮟ ﮠ ﮡ
ﮢ ﮣ ﮤ
(20.58) “Biz
mütləq sənə eyni sehrbazlığı göstərəcəyik.
Uğurumuzun bərbər olacağı açıq bir yerdə görüşməyimiz üçün vaxt
təyin et və bizdən heç kim onu pozmasın!”
Gün təyin
et və hər kimin yaxşı tanıdığı bir yer seç. Qoy o yer düzəngah və əlverişli yer
olsun ki, hamı orada nə baş verdiyini
öz gözləri ilə görüb əmin ola bilsinlər.
ﮥ ﮦ ﮧ
ﮨ ﮩ ﮪ
ﮫ ﮬ ﮭ
(20.59)
“Dedi: “Sizin üçün vaxt Zinət günü olacaqdır və qoy adamlar səhər yığışsınlar”.
Musa (ə)
yarışı Zinət gününə təyin etdi, Həmin gün Misirdə bayram sayılır. O gün
insanlar istirahət edir və çoxlu sərbəst vaxtları olurdu. O (ə) həmçinin
günortaya qədər toplaşmağı təklif etdi. O (ə) belə hesab edirdi ki, məhz səhər
bayrama ən çox adam gələ bilər və onlardan hər biri baş verən prosesləri çətinlik
çəkmədən görə bilər. Bu məqsədə tam nail olmaq başqa vaxtda mümkün deyildi.
ﮮ ﮯ
ﮰ ﮱ ﯓ
ﯔ ﯕ
(20.60) “Beləliklə,
Firon dönüb getdi və öz sehrbazlarını toplayıb, sonra gəldi”.
Firon əlindən
gələn hər şeyi etmişdi ki, Musaya (ə) qalib gəlsin. O, öz ölkəsinin bütün şəhərlərinə
qasidlərini göndərdi ki, ən mahir sehrbazları və cadugərləri yığıb gətirsinlər.
O qədim zamanlarda cadugərlik geniş yayılmışdı və bir çoxları bu biliklərə yiyələnməyə
can atırdı. Buna görə qasidlər çoxlu cadugər yığa bilmişdilər və onlar təyin
olunmuş vaxtda gəldilər. Musa (ə) da yarışa gəlmişdi. Çox böyük bir insan kütləsi
toplanmışdı ki, qəribə tamaşaya baxsınlar. Orada kişilər, qadınlar, zadəganlar
və sadə adamlar, yaşlılar və uşaqlar da var idi. Qasidlər adamları yarış
yerinə çağırır və deyirdilər: “Adamlara deyirdilər: “Toplanışa getmirsinizmi?
Cadugərlər üstün gəlsələr, ola bilsin ki, biz onların ardınca getməli olduq” (Şüəra,
26/39-40). Beləliklə, Musa (ə) Misirin hər tərəfindən gəlmiş sehrbazlarla üzbəüz
qalmış oldu. Belə olduqda, o (ə) qərara aldı ki, həqiqəti onlara çatdırmaq üçün
onlara moizə ilə müraciət etsin.
ﯖ ﯗ ﯘ
ﯙ ﯚ ﯛ
ﯜ ﯝ ﯞ
ﯟ ﯠﯡ ﯢ
ﯣ ﯤ ﯥ ﯦ
(20.61)
“Musa onlara dedi: “Vay halınıza! Allaha böhtan atmayın, yoxsa O, sizi işgəncələrə
məruz qoyub məhv edər. Kim yalan danışsa, uğursuzluğa uğrayar”.
Siz
etiqad etdiyiniz yalanı müdafiə etməyin. Sehrbazlığın doğru olduğunu və haqqa
üstün gələcəyini sübut etməyə cəhd göstərməyin. Allaha böhtan atmayın, yoxsa O,
sizə şiddətli cəza verər. Sizin səyləriniz və uydurmalarınız sizə heç bir fayda
verməyəcəkdir və siz heç vaxt çox arzu etdiyiniz qələbəni qazana bilməyəcəksiniz.
Siz Fironun ətrafında yer tuta və amansız cəzadan da xilas ola bilməyəcəksiniz.
ﯧ ﯨ
ﯩ ﯪ ﯫ ﯬ
(20.62)
“Onlar öz aralarında öz əməlləri barədə mübahisəyə başladılar və bu
danışıqlarını gizli saxladılar”.
Haqlı söz
insanların qəlbinə həmişə təsir göstərir və buna görə də Musanın (ə) moizəsi
sehrbazları öz aralarında nə etmək barədə mübahisə etməyə yönəltdi. Ola bilsin
ki, onlar Musanın (ə) doğrudan da haqlı olması barədə də mübahisə etmişdilər. O
anda onlar hələ nə edəcəklərini bilmirdilər. Lakin Allah istəyirdi ki, baş verməli
olan baş verməsin. Allah istəyirdi ki, həlak olan, tam aydınlıq şəraitində həlak
olmalıdır və yaşayan da tam aydınlıq şəraitində yaşamalıdır. Cadugərlər pıçıltı
ilə danışırdılar və vahid bir rəyə gəldilər. Onlar qərara almışdılar ki,
hamılıqla birlikdə üstünlük əldə etsinlər və bütün Misir xalqı onların dinini qəbul
etsin. Sonra Fövqəluca Allah cadugərlərin bir-birinə nə dedikləri haqqında xəbər
verir.
ﯭ ﯮ ﯯ
ﯰ ﯱ ﯲ
ﯳ ﯴ ﯵ
ﯶ ﯷ ﯸ
ﯹ ﯺ
(20.63)
“Onlar dedilər: “Bu iki kişi – cadugərdir. Onlar istəyirlər ki, cadugərliklə
sizi ölkənizdən qovsunlar və ikilikdə sizi gözəl yolunuzu davam etdirsinlər”.
Onların
sözləri Fironun dediyi sözlərə oxşayırdı. Ola da bilsin ki, onlar o sözləri qəsdsiz
təkrarlamışdılar. Ola da bilsin ki, o özü onları onun bütün xalqın qarşısında
söylədiyi nitqindəki sözlərə inandırmışdı. Bununla yanaşı sehrbazlar öz
yollarını təriflənən yol adlandırırdılar. Onlar qərara almışdılar ki, Musa (ə)
onlara qibtə edir və ancaq onlara qalib gəlib şan-şöhrət qazanmaq istəyir. İş
orasındadır ki, onlar məhz bu məqsədlə sehrbazlıqla məşğul olurdular ki, bu
yandan, kimsə birdən çıxıb, hakimiyyəti onların əlindən almaq, qazancdan və
uzun zaman ərzində əldə etdikləri hər şeydən onları məhrum etmək istəyir. Onlar
bunu bir-birilərinə izah etdilər və bir-birilərini nəyin bahasına olursa olsun
qələbə çalmağa ruhlandırırdılar. Onlar dedilər:
ﯻ ﯼ ﯽ
ﯾ ﯿﰀ ﰁ
ﰂ ﰃ ﰄ
ﰅ ﰆ
(20.64) “Bütün
fitnə-fəsadlarınızı birləşdirin sıraya düzülün. Bu gün qələbə çalan uğur
qazanacaqdır”.
Biz birləşib
bir-birimizə kömək etməliyik ki, Musaya qalib gələk. Biz vahid cərgədə çıxış
etməliyik ki, bizim sehrlərimiz daha da güclü olsun, adamların ürəkləri isə
bizim qarşımızda qorxu ilə dolsun. Belə olduqda hər birimiz nəyə qadir
olduğumuzu göstərə bilərik. Bilin ki, uğur o kəsə qismət olacaq ki, o bu gün qələbə
çalsın. Bizim gələcəyimiz bugünkü gündən asılıdır.
Bütün
mümkün bacarıqları ilə haqqa müqavimət göstərməyi qərara alan insanlar gör nə
qədər inadcıl və yaramaz idilər. Onlar böyük bir kələk düşünmüşdülər, lakin
Allah istəmişdi ki, Öz dininin nurunu qorusun və yalanla mübarizədə haqqı müdafiə
etsin. Sehrbaz-cadugərlər öz səylərini birləşdirdilər və son qərar qəbul etdilər. Təkcə yarışı
başlamaq qalırdı.
ﭑ ﭒ
ﭓ ﭔ ﭕ
ﭖ ﭗ ﭘ
ﭙ ﭚ ﭛ ﭜ
(20.65)
“Onlar dedilər: “Ey Musa! Sən birinci
atırsan, ya biz birinci ataq?”
Onlar
Musaya (ə) seçmək hüququ verdilər, çünki istənilən halda üstünlük
qazanacaqlarına əmin idilər.
ﭝ ﭞ ﭟﭠ
ﭡ ﭢ ﭣ
ﭤ ﭥ ﭦ
ﭧ ﭨ ﭩ
ﭪ ﭫ ﭬ
ﭭ ﭮ ﭯ ﭰ
(20.66)
“O dedi: “Yox, siz atın!” Bu anda ona elə gəldi
ki, onların kəndirləri və əsaları sehrdən hərəkətə gəldilər”.
(20.67) “Onda
Musa qəlbində bir qorxu hissi keçirtdi”.
Sehrlər o
qədər güclü oldu ki, Musa (ə) qorxdu. Belə qorxu hər adama xas olan şeydir və
heç də o demək deyildi ki, saleh peyğəmbər (ə) öz Rəbbinin vədinin doğruluğuna
şübhə edirdi.
ﭱ ﭲ ﭳ
ﭴ ﭵ ﭶ ﭷ
(20.68)
“Biz dedik: “Qorxma! Sən üstün gələcəksən”.
Allah Öz
peyğəmbərinə (ə) kömək etdi və ona təlqin etdi ki, o (ə) sehrbazlara qalib gələcəkdir
və onlar ona (ə) itaət edəcəklər.
ﭸ ﭹ ﭺ
ﭻ ﭼ ﭽ
ﭾﭿ ﮀ ﮁ
ﮂ ﮃﮄ ﮅ
ﮆ ﮇ ﮈ
ﮉ ﮊ
(20.69)
“Əlində tutduğunu at və o onların törətdiklərinin hamısını udacaq. Həqiqətən də,
onların etdikləri – cadugərin fitnəsi idi, cadugər isə, hara getsə də, uğur
qazana bilməz”.
Sehrbaz
ovsunları və məşum fitnələr heç vaxt onlara fayda verməz, çünki onlar insanları
aldadırlar, həqiqəti yalan pərdəsi altında gizlədir və yalanı haqq kimi göstərirlər.
Musa (ə) öz əsasını atan kimi, o, sehrbazların bütün quraşdırdıqlarını uddu.
Bu, hadisələri müşahidə edən çox böyük bir insan kütləsinin gözü qarşısında baş
verdi. Sehrbazlar o saat anladılar ki, Musanın (ə) möcüzəsi sehr deyil, Allahın
Möcüzəsidir və buna görə onlar tələsə-tələsə haqq dini qəbul etdilər.
ﮋ ﮌ ﮍ
ﮎ ﮏ ﮐ
ﮑ ﮒ ﮓ
(20.70)
“Sehrbazlar səcdəyə qapılaraq dedilər: “Biz Harunun və Musanın Rəbbinə iman gətirdik!”
Haqq üstün gəldi və insanları öz ziyası ilə
nurlandırdı, sehrbazlıq və yalançıların hiylələri isə insanlardan ibarət böyük
bir izdihamın gözü qarşısında məğlubiyyətə uğradı. Bu möcüzə möminlər üçün mərhəmət
və inadkarlıq göstərən kafirlərə qarşı bir sübut oldu. O vaxt Firon sehrbazlara
müraciət etdi:
ﮔ ﮕ ﮖ
ﮗ ﮘ ﮙ
ﮚﮛ ﮜ ﮝ
ﮞ ﮟ ﮠﮡ
ﮢ ﮣ ﮤ
ﮥ ﮦ ﮧ
ﮨ ﮩ ﮪ
ﮫ ﮬ ﮭ
ﮮ ﮯ ﮰ
(20.71)
“Dedi: “Doğrudanmı siz mənim icazəm olmadan ona inandınız? Həqiqətən, o – sizə
sehri öyrədən böyüyünüzdür. Mən sizin əllərinizi və ayaqlarınızı çarpaz kəsdirərəm
və xurma payalarına keçirtdirərəm. Bax onda bilərsiniz ki, kimin cəzası daha
ciddi və uzunmüddətlidir”.
Siz mənim
icazəm olmadan və mənim iradəmə qarşı necə cürət edib iman gətirdiniz? Firon, əvvəllər
təkcə ona tabe olan və onun hər əmrinə itaət edən bu insanların belə hərəkətinə
təəccüb etmişdi. O özü də möcüzələrin ən əzəmətlisi olan bu möcüzənin şahidi
idi, lakin bu onu daha çox kafirliyə və zalımlığa sövq etdi. O qərara aldı ki,
növbəti dəfə də xalqını aldatsın və insanları inandırsın ki, Musanın (ə) qələbəsi
hələ onun haqlı olmasına sübut deyil. O bəyan etdi ki, Musa sehrbazların
başçısıdır və onların hamısı ilə əlaqəyə girmişdir ki, Fironu və misirliləri öz
doğma torpaqlarından qovub çıxarsın. İnsanlar onun dəlilləri ilə razılaşdılar və
sözlərinə inandılar, Fövqəluca Allah isə belə buyurdu: “O öz xalqını aldatdı
(və ya xalqını yelbeyin hesab etdi), onlar da ona tabe oldular. Həqiqətən də,
onlar günahkar insanlar idilər” (Zuxruf, 53/54). Misirlilər Fironla
razılaşdılar, halbuki onun sözləri hətta bir qətrə ağlı olana və baş verənlərin
mahiyyətini bilənlərə inandırıcı görünə bilməzdi. Musa (ə) Mədyəndən tək qayıtmışdı
və qayıtdıqdan sonra cadugərlər və sehrbazlarla görüşməmişdi. O (ə) gələn kimi
Fironun yanına getmişdi ki, onu və Misir xalqını Allaha iman gətirməyə dəvət
etsin və onlara qeyri-adi möcüzələr göstərsin. Firon Musa (ə) ilə yarışmağı özü
qərara almışdı və ən məharətli cadugərləri ölkəsinin bütün künc-bucağından
yığdırmışdı. Onlar onun hüzuruna toplaşanda Firon onlara qələbə çaldıqları təqdirdə
böyük mükafat və yüksək vəzifə verəcəyini vəd etmişdi. Onlar da əllərindən gələni
etdilər və ən mümkün üsullardan yararlandılar ki, Musaya (ə) üstün gəlsinlər,
lakin son nəticədə onlar ona (ə) iman gətirdilər. Məgər zənn etmək olardımı
ki, Musa (ə) cadugərlərlə sövdələşmiş və misirliləri Misirdən qovmaq niyyətində
imiş? Həqiqətən də, bu güman tamamilə cəfəngiyat idi. Amma Firon bunu artıq
demişdi və sehrbazların sağ əllərini biləngdən, sol ayaqlarını topuqdan kəsəcəyinə
və onları rüsvaycasına xurma payalarına keçirdəcəyinə söz vermişdi. Yer üzündə
fəsad yaymaq üçün döyüşən adamlarla məhz belə rəftar edirdilər. Firon özü və
onun adamları belə hesab edirdilər ki, onların cəzasının əzabı Allahın alacağı
intiqamdan da ağırdır və onlar mühakimə yürütməyi bacarmayan xalqı hamıdan daha
çox aldada və qorxuda bilərlər. Lakin Allah sehrbazlara ağıl vermişdi və onlar
onun sayəsində haqqı dərk etməyi bacardılar.
ﮱ ﯓ ﯔ
ﯕ ﯖ ﯗ
ﯘ ﯙ ﯚ
ﯛﯜ ﯝ ﯞ
ﯟ ﯠﯡ ﯢ
ﯣ ﯤ ﯥ
ﯦ ﯧ
(20.72) “Onlar
dedilər: “Bizə açıq-aşkar görünən aydın möcüzələr qarşısında və Yaradanımız
qarşısında biz sənə üstünlük vermərik. Ver öz hökmünü! Həqiqətən, sən ancaq bu
dünyada hökm verirsən”.
Bu möcüzələr ona dəlalət edir ki, təkcə Allah
– Vahid Rəbb olan Allahdır, həmd olunmağa və pərəstiş edilməyə layiqdir. Bütün
qalanlara ibadət naqis və faydasızdır və buna görə də biz öz Xaliqimiz və
Yaradanımız qarşısında üstünlüyü sənə vermərik. Bu ola bilməz, buna görə də
ver öz hökmünü. Əllərimizi və ayaqlarımızı kəs, bizi xurma ağaclarına keçirt və
bizə ən ağır işgəncələr ver – sən bizə ancaq bu dünyada qalib gələ bilərsən. Sənin
işgəncələrinə son qoyulacaq və onlara bizə zərər vurmayacaq, amma Allah kafirləri
böyük və sonsuz əzablara məruz qoyur.
Sehrbazlar
bu sözləri ilə, Fironun: “onlar biləcəklər kimin cəzası daha ağrılı və uzunmüddətlidir”
ifadəsinə cavab verdilər. Onların sözlərindən aydın olur ki, hər bir ağıllı
insan bu dünyanın cazibədarlıqlarını Axirət həyatının cazibədarlıqları ilə, bu
dünyadakı əzabları isə ölümdən sonrakı cəza ilə müqayisə etməlidir.
ﯨ ﯩ ﯪ
ﯫ ﯬ ﯭ
ﯮ ﯯ ﯰ
ﯱ ﯲﯳ ﯴ
ﯵ ﯶ ﯷ
(20.73) “Biz
həqiqətən Rəbbimizə iman gətirdik ki, O bizim günahlarımızı və sənin bizə zorla
etdirdiyin sehri bizə bağışlasın. Allah daha xeyirli və əbədidir”.
Biz ümid
edirik ki, Allah bizim küfrümüzü və günahlarımızı bağışlayar, çünki iman
günahları yuyur, tövbə isə əvvəllər törədilmiş günahları təmizləyir. Biz həm də
ümid edirik ki, sənin bizi haqqı inkar etmək məqsədi ilə məcbur etdiyin cadugərliyimiz
bağışlanacaq. Buradan belə çıxır ki, Firon sehrbazları yarışda iştirak etməyə məcbur
edibmiş.
Biz əvvəlcə
xatırlatmışdıq ki, Musa (ə) yarışdan qabaq sehrbazlara moizə ilə müraciət edərək
belə demişdi: “...Vay halınıza! Allaha böhtan atmayın, yoxsa O, sizi işgəncələrə
məruz qoyub məhv edər!...” (Taha, 20/61). Aydındır ki, bu sözlər
sehrbazlara güclü təsir bağışlamışdı və onlar öz aralarında mübahisə etməyə
başlamışdılar. O vaxt Firon onları yarışmağa məcbur etmiş və onlara, qalib gələcəkləri
təqdirdə, böyük mükafatlar verəcəyini vəd etmişdi. Bax elə buna görə də onlar
onun sözlərini təkrar edib deyirdilər: “Bu iki kişi – sehrbazdırlar. Onlar
sehrlə sizi ölkənizdən qovub çıxarmaq istəyirlər və ikilikdə sizin daha üstün
yolunuzla getmək istəyirlər” (Taha, 20/63). Onlar Firona tabe olmağa və
onun hökmünü yerinə yetirməyə məcbur idilər. Haqqa müqavimət göstərməyə və yalanı
müdafiə etməyə Firon tərəfindən güclə məcbur edilmələrinə görə onların ürəklərində
nifrət qalmışdı. Ola bilsin ki, məhz buna görə, Allah onlara rəhm edərək,
onların iman gətirmələrinə kömək etdi və onları səmimiyyətlə tövbə etməyə
ruhlandırdı. Onlar başa düşdülər ki, Allahın mərhəməti Fironun vəd etdiyi
mükafatlardan daha yaxşıdır və Allahın nemətləri, bu zülmkarın təhdidləri
baxımından, daha davamlıdır. Musa peyğəmbərin (ə), Fironun və sehrbazların
hekayətlərinin təsvir olunduğu Quran ayələrinin hamısına müraciət etsək aydın
olar ki, onlarda ancaq Fironun təhdidlərindən bəhs edilir, lakin onun edam
etdiyi və çarmıxa çəkdiyi sehrbazlar haqqında bir söz deyilmir. Muhəmməd Peyğəmbərin
(s.ə.s.) heç bir səhih hədisində də həmçinin bu insanların sonrakı taleyi barədə
hər hansı bir xəbər verilmir. Buna görə biz inandırıcı sübutlara malik olmadan
bu barədə hər hansı iddia irəli sürə bilmərik. Bu və yerdə qalan bütün digər
şeylər barədə ən yaxşı bilən Allahdır!
ﯸ ﯹ ﯺ
ﯻ ﯼ ﯽ
ﯾ ﯿ ﰀ
ﰁ ﰂ ﰃ
ﰄ ﰅ
(20.74)
“Rəbbinin hüzuruna günahkar gələnlərə, orada ölməyəcəkləri və yaşamayacaqları Cəhənnəm hazırlanıb”.
Fövqəluca
xəbər verir ki, ölümünə qədər küfrə etiqad edən
və böyük cinayətlər törədən hər bir günahkar onun üçün işgəncəli cəza
hazırlanmış Cəhənnəmə mütləq düşəcəkdir. Orada dəhşətli zəncirlər və dəhşətəngiz
uçurumlar mövcuddur. Orada amansız soyuq və dözülməz hərarət vardır. Orada insanın
ürəyinin və içalatının qaynamağa başladığı ən tükürpədici əzab üsulları tətbiq
olunacaq. Onlar orada ölmürlər, çünki
ölüm onlar üçün asanlıq olardı. Lakin onların orada varlığını yaşamaq adlandırmaq
mümkün deyil, çünki onlar orada mövcud olmalarından nə ruhi, nə də fiziki ləzzət
almayacaqlar. Həyat Cəhənnəmdə qəlb, ürək və bədən üçün əzab-əziyyətlə doludur
və onların ağırlığını qiymətləndirmək mümkün deyil. Onlar hətta bir anlığa belə
yüngülləşdirilməyəcək və əzabkeşlər rəhm edilməsi üçün xahiş etdikdə, onu
almayacaqlar, onlar bağışlanmaq üçün dua etdikdə, duaları eşidilməyəcək. Onlar
kömək üçün müraciət etdikdə, onlara dərini yandıran ərinmiş metala bənzər
qaynar su ilə kömək göstəriləcək. Əgər onlar xilas olmaq haqqında yalvarsalar,
onları alçaldıb geriyə qaytaracaqlar və onlara bir daha Allaha müraciət etməmək
əmr olunacaq.
ﰆ ﰇ ﰈ
ﰉ ﰊ ﰋ
ﰌ ﰍ ﰎ
ﰏ ﰐ ﰑ
ﰒ ﰓ ﰔ
ﰕ ﰖ ﰗ
ﰘﰙ ﰚ ﰛ
ﰜ ﰝ ﰞ
(20.75)
“Onun hüzuruna xeyirxah əməllər işləyərək gələn möminlər üçün isə yüksək dərəcələr
hazırlanıb –
(20.76) “çaylar
axan Ədn cənnətləri. Onlar orada əbədi qalacaqlar. Bax bu günahdan təmizlənənlərə
veriləcək əvəzdir”.
Allahın
elçilərinə iman gətirmiş möminlər Səmavi Kitabları rəhbər tutan və dinin fərz və
arzuedilən hökmlərini yerinə yetirən möminlər uca imarətlərdə və gözəl
saraylarda məskunlaşacaqlar. Onlar şırıltı ilə axan çayların sahillərində
sonsuz ləzzətlər və məmnunluqlar içində həzz alacaqlar. Onların nəsibi - əbədi
həyat və ən böyük səadət olacaqdır və onlar gözlərin görmədiyi, qulaqların
eşitmədiyi və insan ruhunun xəyalından belə keçirmədiklərinə nail olacaqlar.
Bu mükafatlar, şübhələrdən, küfrdən, nöqsanlardan və Allaha itaətsizlikdən təmizlənənlərə
verilən əvəz olacaqdır. Belə insanlar ən ağır günahları ya ümumiyyətlə işlətməmişlər,
ya da törətdikləri günahları tövbə etmişlər. Bununla yanaşı onlar öz qəlblərini
təmizləmiş və özlərini haqq din və xeyirxah əməllərlə bəzəmişlər. İnsan təmizlənmək
üçün iyrənc şeylərdən və murdar hərəkətlərdən paklanmalı və xeyirxahlıq sahibi
olmalıdır və təkcə bu iki şərtə riayət etdikdə, insan təmizlənə bilər.
ﭑ ﭒ
ﭓ ﭔ ﭕ
ﭖ ﭗ ﭘ
ﭙ ﭚ ﭛ
ﭜ ﭝ ﭞ
ﭟ ﭠ ﭡ
ﭢ ﭣ ﭤ ﭥ
ﭦ ﭧ ﭨ
ﭩ ﭪ ﭫ ﭬ
(20.77)
“Biz Musaya vəhy etdik ki, bu gecə Mənim qullarımla yola çıx və onlar üçün dənizdə
quru yol aç. Qorxma ki, sənə çata bilərlər və ehtiyat etmə!”
(20.78) “Firon
öz qoşunu ilə onların ardınca cumdu, lakin dəniz onların hamısını çulğalayıb qərq etdi”.
Musa (ə)
Firona və onun xalqına çoxsaylı dəlillər nümayiş etdirdikdən sonra, Misirdə
qaldı və insanları Allaha itaət göstərməyə dəvət etməyə başladı. O (ə) əlindən
gələni edirdi ki, İsrail oğullarını Firondan və çəkdikləri əzab-əziyyətdən
xilas etsin. Allah zalım hökmdara, Müqəddəs Quranda təfərrüatı ilə təsvir
edilmiş ecazkar möcüzələr göstərdi. Lakin o, haqdan təkəbbürlə üz döndərdi və
İsrail oğullarını əsarət altında saxlamağa davam etdi. Buna görə onlar öz
dinini misirlilərdən gizləməyə və ibadəti öz evlərində icra etməyə məcbur
olmuşdular. Onlar Fironun özbaşınalığına və verdiyi əzab-əziyyətə səbirlə dözürdülər.
Belə bir şəraitdə Fövqəluca Allah qərara alır ki, onları nifrətamiz düşməndən
xilas etsin və onlara güc və qüdrət bağışlasın ki, onlar öz Rəbbinə açıq tərzdə
ibadət edə bilsinlər və Onun hökmlərini yerinə yetirsinlər. Allah Musaya (ə) əmr
edir ki, İsrail oğulları ilə onların Misiri tərk edəcəkləri günü razılaşdırsın
və bunu misirlilərdən gizli saxlasınlar. Onlara tapşırılmışdı ki, gecənin
qaranlıq çağında yola çıxsınlar və istirahət üçün belə dayanmadan hərəkət
etsinlər. Çünki Firon və onun qoşunu hökmən onların ardınca düşəcəklər.
İsrail
oğulları gecənin ilk saatlarında Misiri tərk etdilər. Onların arasında hətta
qadınlar və uşaqlar da var idi. Misirlilər səhərə yaxın bunu bildilər. Onlar öz
qullarını çağırırdılar, qulları isə çağırışa cavab vermirdilər. Belə olduqda,
Firon bərk qəzəbləndi. O, Misirin hər yerindən böyük bir qoşun toplamağı əmr
etdi və günəş çıxandan sonra həmin qoşunla İsrail oğullarının izinə düşdü. Bu
iki nəhəng qüvvə bir-birini gördükdə, Musanın (ə) ardıcılları dedilər: “Bizi
hökmən yaxalayacaqlar” (Şüəra, 26/61). Onlar həyəcanlandılar və qorxdular:
onların qarşısında dəniz, arxalarında isə Fironun qoşunu idi. O, israillilərin
hərəkətindən lap quduzlaşmışdı. Lakin Musa (ə) sakitliyini saxlayırdı, çünki
o (ə) Allahın vədinin gerçəkliyinə qətiyyətlə inanırdı. O (ə) ucadan səsləndi: “Yox!
Rəbbim – mənimlədir və O mənə doğru yol göstərəcək” (Şüəra, 26/62).
Allah ona
(ə) əsası ilə suya vurmağı əmr etdi və o (ə) bunu edən kimi, dəniz aralandı və
onun içində on iki cığır əmələ gəldi ki, onların sağ və sol tərəflərində yüksək
dağlara bənzər nəhəng su sütunlarıydı. Allahın iradəsi ilə yaranmış cığırlar
qupquru idi və Rəbb İsrail oğullarına buyurdu ki, Fironun onları yaxalamasından
və ya dənizdə boğulmaqdan qorxmasınlar. Belə olduqda İsrail oğulları dənizi bu
cığırlarla adlayıb keçməyə başladılar, Firon və onun döyüşçüləri də onların ardınca
getdilər. Musanın (ə) bütün ardıcılları sahilə çıxdıqda və Fironun bütün qoşunu
isə aralanmış dənizə daxil olduqda, Allah dənizə əmr etdi ki, onların üzərində
qapansın. Dəniz kafirləri uddu və onlar bir nəfər kimi məhv oldular. İsrail
oğulları isə düşmənlərini haqlayan aqibəti müşahidə edir və onların necə məhv
olduqlarını gözləri ilə görürdülər.
ﭭ ﭮ ﭯ
ﭰ ﭱ ﭲ
(20.79)
“Firon öz xalqını azdırdı və ona doğru yol göstərmədi”.
Budur
kafirliyin, azğınlığın və doğru yoldan üz döndərməyin nəticələri. Firon öz
xalqını azdırdı, kafirliyi onların gözünə bəzəkli göstərdi və Musanın (ə) moizələrinə
qarşı onlarda ikrah hissi oyatdı. O, öz xalqını aldatdı və heç vaxt ona düz yol
göstərmədi. Nəticədə isə o, misirliləri azğınlıq və aldanış mənbəyinə gətirib
çıxartdı ki, o da öz növbəsində əzablar və işgəncələr dənizinə qarışır.
ﭳ ﭴ ﭵ
ﭶ ﭷ ﭸ
ﭹ ﭺ ﭻ
ﭼ ﭽ ﭾ
ﭿ ﮀ ﮁ
(20.80) “Ey İsrail oğulları! Biz sizi düşməninizdən
xilas etdik və dağın sağ yamacında sizə vəd verdik. Biz həm də sizə qüdrət
halvası[8] və
bildirçin nazil etdik”.
Fövqəluca
İsrail oğullarına onlara göstərdiyi ən böyük mərhəmətini xatırladır. O, onları
Firondan xilas etmiş və onlara şərəfli qanunlardan və gözəl hekayətlərdən ibarət
Səmavi Kitab nazil edəcəyinə söz vermişdi. Bununla da Allah onların dünyəvi və
ruhani həyatını sahmana saldığını yadlarına salır. Sonra O, onlara səhrada köç
edib dolaşdıqları zaman nazil etdiyi ruzini – qüdrət halvasını[9] və
bildirçinləri xatırladır. O, onlara zəhmət sərf edilmədən yeyilən hazır yeməklər
əta edir. O, onlara həmçinin belə buyurur:
ﮂ ﮃ
ﮄ ﮅ ﮆ
ﮇ ﮈ ﮉ
ﮊ ﮋ ﮌﮍ
ﮎ ﮏ ﮐ
ﮑ ﮒ ﮓ ﮔ
(20.81)
“Sizə Bizim ayırıb verdiyimiz nemətləri nuş edin, lakin onların vasitəslə həddi
aşmayın, yoxsa Mənim qəzəbimə düçar olarsınız. Mənim qəzəbimə düçar olan hər kəs
məhv olar”.
Onun səxavətlə
sizə lütf etdiyi nemətlərinə görə Allaha şükür edin və yol verilən həddi
aşmayın. Onun sizə səxavətlə verdiyi nemətlərini günah törətməkdən ötrü sərf
etməyin, yoxsa naşükürlər arasına düşərsiniz. Əgər bu baş verərsə, Allahın mütləq
sizə qəzəbi tutar və sizi amansız cəzaya məhkum edər. Kim ki, Onun qəzəbinə
düçar gələr, onda o məhv olar və ağır itki verər. O şəxs Onun lütfkarlığına və
Onun mərhəmətini qazanmağa nail ola bilməz, Onun qəzəbinə uğrayar və nəhəng zərərə
məruz qalar. Bunu yadda saxlayın və unutmayın ki, Allah Öz qullarının tövbəsini,
onlar hətta ən böyük cinayətlər törətsələr də belə, qəbul edir. Buna görə, daha
sonra Fövqəluca buyurur:
ﮕﮖ ﮗ ﮘ ﮙ ﮚ
ﮛ ﮜ ﮝﮞ
(20.82) “Həqiqətən,
Mən tövbə edib iman gətirənləri, saleh əməllər işləyənləri və sonra da doğru
yolla gedənləri bağışlayıram”.
Allah,
küfr və bidətçilik etdiyinə və günahlar işlətdiyinə görə tövbə edib, Ona, mələklərə,
Kitablara, elçilərə və Qiyamət gününə iman gətirənləri, qəlbən və cismən
xeyirxahlıqlar edənləri və təkcə xeyirli sözlər danışanları, alicənab Elçinin
(s.ə.s.) düz yolunu davam etdirənləri və haqq dinin hökmlərini əsas tutmağa
başlayanları bağışlayır və onlara mərhəmət göstərir. Belə bir insana əvvəllər törətdiyi bütün
günahları bağışlanacaq, çünki o, Allahın mərhəmətini və bağışlanmasını əldə etməyin
ən əzəmətli vasitəsindən yararlanmağı bacarmışdır ki, bu da, öz növbəsində, həmin
məqsədə nail olmağın yerdə qalan bütün üsullarını özündə cəmləşdirir. Həqiqətən
də, tövbə əvvəllər yol verilmiş günahları yuyur, İslama iman gətirib onu qəbul
etmək əvvəllər etiqad edilən kafirliyi darmadağın edir, xeyirxah əməllər isə
günahları təmizləyir. İslamı qəbul etmiş şəxs doğru yola gəlmək üçün Allahın
dinini öyrənməli, Quran ayələri və Muhəmməd Peyğəmbərin (ona Allahın salavatı və
salamı olsun!) hədisləri üzərində düşünməli, onların gözəl mənalarını dərk etməli
və əldə etdiyi biliklərə tam uyğun olaraq qətiyyətlə hərəkət etməli, insanları
gerçək dinə dəvət etməli, bidəti, küfrü və azğınlığı rədd etməli, Allah yolunda
mübarizə aparmalı və zəruriyyət olduqda hicrət etməli və həmçinin İlahi rəhbərliyin
bütün digər tələblərini yerinə yetirməlidir. Bunun sayəsində insan öz
günahlarını təmizləyir və arzu etdiyi məqsədə nail olur.
ﮟ ﮠ ﮡ
ﮢ ﮣ ﮤ ﮥ
(20.83) “O
buyurdu: “Ey Musa! Sən niyə xalqını tərk etməyə tələsdin?”
Fövqəluca
Musaya (ə) vəd etmişdi ki, o (ə) Onun qarşısında otuz gün ərzində və bir də on
gün durmalıdır ki, vəhy vasitəsi ilə Tövratı ala bilsin. Müəyyən edilmiş müddət
çatdıqda, əməlisaleh peyğəmbər (ə) ona vəd edilmiş vəhyi almağa can ataraq şərtləşdirilmiş
yerə getməyə tələsmişdi. Buna görə Allah ondan (ə) soruşur ki, niyə o (ə) şərtləşdirilmiş
yerə camaatı ilə birlikdə gəlməyə səbir etməyərək, onları geridə qoymuşdur.
ﮦﮧ ﮨ ﮩ
ﮪ ﮫ ﮬ
ﮭ ﮮ ﮯ
(20.84) “Belə
cavab verdi: “Onlar yaxındadırlar və mənim izimlə gəlirlər, mən isə, ey Rəbbim,
Səni razı salmaq üçün Sənin hüzuruna tələsdim”.
Ey Rəbbim!
Onlar yaxınlıqdadırlar və tezliklə mənə çatacaqlar. Mən isə Sənə yaxınlaşmaq və
Sənin iltifatına nail olmaq ümidi ilə tələsdim.
ﮰﮱﯓﯔﯕ
ﯖﯗﯘ ﯙﯚ
(20.85) “O
buyurdu: “Biz, sən onları tərk edən kimi, xalqını imtahana çəkdik, bir samirəli
isə onları zəlalətə saldı”.
Sənin qəbilədaşlarına
bir buzova ibadət etməyi təklif etdilər və onlar layiqincə səbir etmədilər və
sınaqdan çıxa bilmədilər. Onlar bir sınaqla üz-üzə gələn kimi, yenə kafirliyə
qayıtdılar. Bir samirəli onlar üçün böyürən qızıl buzov heykəli düzəltdi və
sonra da onları inandırdı ki, bu buzov ilahdır ki, sən onu unutdurmuşsan.
İsrail oğulları samirəliyə inandılar və buzova sitayiş etməyə başladılar. Harun
onlara bunu etməyi qadağan edirdi, lakin onlar ona itaət göstərmirdilər.
ﯛ ﯜ ﯝ
ﯞ ﯟ ﯠﯡ
ﯢ ﯣ ﯤ
ﯥ ﯦ ﯧ
ﯨﯩ ﯪ ﯫ
ﯬ ﯭ ﯮ
ﯯ ﯰ ﯱ
ﯲ ﯳ ﯴ
ﯵ ﯶ ﯷ
(20.86)
“Musa camaatının yanına qəzəblənmiş və kədərli halda qayıdıb dedi: “Ey mənim
xalqım! Məgər Rəbbiniz sizə gözəl vəd vermədimi? Doğrudanmı bu müddət sizə çox
sürəkli göründü? Ya da siz istəyirsiniz ki, Rəbbinizin sizə qəzəbi tutsun və
buna görə siz mənə verdiyiniz əhdi pozmuşsunuz?”
Məgər
Allah sizə Tövratı nazil edəcəyini vəd etməmişdimi? Məgər mənim qısa müddətdə
burada olmamam sizə çoxmu göründü? Doğrudanmı siz peyğəmbərlərsiz və elçilərsiz
o qədər çox yaşamışsınız ki, hətta peyğəmbər moizələrini unutmuş və həqiqi
biliklərin qalıqlarından belə məhrum olmuşsunuz? Doğrudanmı mən sizi o dərəcədə
çoxdan tərk etmişəm ki, siz mənim nəsihətlərimi yaddan çıxarıb, tək Allaha ibadət
etməkdən əl çəkmişsiniz? Doğrudanmı peyğəmbərliyim haqqında biliklərin olmaması
üzündən nadanlıq üstün gəlmişdir? Yox, yox! Siz mənim peyğəmbərliyimin canlı
şahidlərisiniz və o barədə tam təsəvvürə maliksiniz və buna görə sizə bəraət
qazandırmaq olmaz. Doğrudanmı siz öz Rəbbinizi qəzəbləndirməyi qərara almışsınız
və hər şeyi etmişsiniz ki, özünüzü əzabverici cəzaya məhkum edəsiniz? Siz mənə verdiyiniz vədi pozmuşsunuz. Mən sizə
əmr etmişdim ki, doğru yolla gedəsiniz və vəsiyyət etmişdim ki, Haruna itaət edəsiniz,
amma siz həm burada olmayana itaət etməmiş, həm də sizinlə birlikdə qalana hörmətsizlik
göstərmişsiniz.
ﯸ ﯹ ﯺ
ﯻ ﯼ ﯽ
ﯾ ﯿ ﰀ
ﰁ ﰂ ﰃ
ﰄ ﰅ ﰆ ﰇ
(20.87)
“Onlar dedilər: “Biz sənə verdiyimiz vədi öz istəyimizlə pozmamışıq. Biz o
xalqın zinət şeyləri ilə yüklənmişdik və onları çıxarıb atdıq və samirəli də
atdı”.
Biz bunu
qəsdlə etməmişik. İş orasındadır ki, biz Misiri tərk edərkən götürdüyümüz bəzək
şeyləri ilə yüklənmişdik. Bunlar bir vaxtlar koptlardan aldığımız zinət əşyaları
idi. Sən bizi tərk edəndə, biz bu əşyaları yığdıq ki, sən qayıdandan sonra
onları nə edəcəyimiz qərarını verəsən. Bir nəfər samirəli də eyni hərəkəti
etdi.
ﭑ ﭒ
ﭓ ﭔ ﭕ
ﭖ ﭗ ﭘ ﭙ
ﭚ ﭛ ﭜ ﭝ
(20.88) “O, onlar üçün böyürən buzov heykəli
düzəldib dedi: “Budur sizin tanrınız və Musanın tanrısı, amma o – unutmuşdur”.
Firon
qoşununun dənizdə qərq edildiyi gün həmin samirəli Allahın elçisinin (ə)
ayağının izini gördü və bu izin torpağından bir ovuc götürməyi qərara aldı. Ona
təlqin edilmişdi ki, əgər o, bu bir ovuc torpağı hər hansı bir şeyin üstünə
atarsa, o mütləq canlanar. Bu insanlar üçün onları yoldan çıxaran bir şey və
sınaq rolunu oynamalıydı. Samirəli şəxs o torpağı düzəltdiyi buzov heykəlinə
vurdu və o hərəkət etməyə və böyürməyə başladı. Adamlar isə dedilər: “Musa öz Rəbbini
axtarmağa getdi, o isə bizim yanımızdaymış və Musa onu yaddan çıxardıbmış”. Bu,
İsrail oğullarının axmaqlığını və düşüncəsizliyini təsdiq edirdi. Lap
yaxınlarda bu qəribə buzov cansız bir əşya idi, indi isə böyürürdü və onlar qərara
gəldilər ki, o – göylərin və yerin Rəbbidir.
ﭞ
ﭟ ﭠ ﭡ
ﭢ ﭣ ﭤ
ﭥ ﭦ ﭧ
ﭨ ﭩ ﭪ
(20.89)
“Doğrudanmı onlar görmürdülər ki, o onlara cavab olaraq heç bir söz söyləmir və
onlara zərər vurmağa və ya fayda verməyə də qadir deyildir?”
Məgər
onlar buzovun onlarla niyə danışmadığı və müraciətlərinə nitqi ilə cavab vermədiyi
barədə düşünmürdülər? Məgər onlar görmürdülər ki, o onlara fayda və ya zərər
verməyə qabil deyil? Həqiqi ilah öz kamil sifətləri, ilahi nitqi və tərifəşəyan
əməlləri sayəsində ibadətə layıq olur. Allahın iradəsi ilə danışıq qabiliyyətinə
malik, xeyirxah və şər əməllər işləməyə qabil olan insan necə ola bilər ki, öz
keyfiyyətləri ilə ondan çox aşağı səviyyədə yerləşən məxluqa ibadət etsin?
ﭫ ﭬ
ﭭ ﭮ ﭯ
ﭰ ﭱ ﭲ
ﭳ ﭴﭵ ﭶ
ﭷ ﭸ ﭹ
ﭺ ﭻ ﭼ
(20.90)
“Harun bundan öncə onlara demişdi: “Ey mənim xalqım! Sizi bununla sınağa çəkirlər.
Sizin Rəbbiniz – Mərhəmətlidir. Ardımca gəlin və əmrlərimə itaət edin!”
İsrail
oğulları imanın əsas məsələsində şübhəyə düşmüşdülər və belə davranışlarına
görə bəraət qazana bilməzdilər, çünki Harun (ə) onları buzova ibadət etməkdən çəkindirirdi.
O (ə) deyirdi ki, böyürən heykəl doğru yoldan çıxaran sınaqdır və Yeganə Vahid
Rəbb – Mərhəmətli Allahdır. O (ə) onlara xatırladırdı ki, təkcə Allah aşkar və
gözlə görünməsi mümkün olmayan nemətləri insanlara əta edir və onları şərdən
qoruyur və onlar da Ona itaət etməli və buzova itaətdən əl çəkməlidirlər.
ﭽ ﭾ ﭿ
ﮀ ﮁ ﮂ
ﮃ ﮄ ﮅ ﮆ
Musa (ə)
xalqının yanına qayıtdıqda, qardaşını qınamağa və danlamağa başladı.
ﮇ ﮈ ﮉ
ﮊ ﮋ ﮌ
ﮍ ﮎ ﮏ
ﮐﮑ ﮒ ﮓ ﮔ
(20.92)
“Dedi: “Ey Harun! Sən gördükdə ki, onlar
azğınlığa düşüblər, sənə nə mane oldu ki,
(20.93)
“ardımca gəlmədin? Doğrudanmı sən də mənə itaətdən çıxdın?”
Sən baş
vermiş hadisə barəsində mənə xəbər verməyə niyə tələsmədin? Doğrudanmı sən mənim
nəsihətlərimə qulaq asmadın? İş orasındadır ki, Musa (ə) əvvəlcə Haruna (ə)
demişdi: “Xalqımın arasında mənim əvəzimə qal, xeyirxahlıq et və firnə-fəsad
yayanların yoluna uyma” (Əraf, 7/142). Musa (ə) qardaşına məzəmmətini ifadə
edərək, onun başından yapışdı və saqqalını dartmağa başladı. Belə olduqda,
Harun doğma qardaşını sakitləşdirməyə cəhd göstərərək, onu anasının oğlu
adlandırır.
ﮕ ﮖ ﮗ
ﮘ ﮙ ﮚ
ﮛﮜ ﮝ ﮞ
ﮟ ﮠ ﮡ
ﮢ ﮣ ﮤ
ﮥ ﮦ ﮧ ﮨ
(20.94) “Harun
dedi: “Ey anamın oğlu! Mənim saqqalımdan və başımdan yapışma! Mən sənin: “Sən
İsrail oğullarını bir-birindən ayırdın və mənim nəsihətlərimi yerinə yetirmədin”
deyəcəyindən qorxdum”.
Sən mənə əmr
etmişdin ki, olmadığın vaxtda səni əvəz edim və əgər mən İsrail oğullarını tərk
etsəydim, onda sənin iradənin əleyhinə çıxmış olardım. Mən səni qəzəbləndirəcəyimdən
ehtiyat edərək bunu etmədim. Sən məni qınayardın ki, mənim günahım üzündən
İsrail oğulları başçısız qalıb ixtilafa düşüblər. Buna görə məni günahkar
insan hesab etmə və düşmənlərimizi bizə güldürmə.
Musa (ə)
qardaşı ilə kobud rəftar etdiyinə heyifsilənib dedi: “Ey Rəbbim! Məni və
qardaşımı bağışla və bizi mərhəmətinin altına al, çünki Sən – mərhəmətlilərin ən
Mərhəmətlisisən!” (Əraf, 7/151). Sonra isə o (ə) samirəliyə müraciət edir:
ﮩ ﮪ ﮫ
ﮬ ﮭ
(20.95)
“Soruşdu: “Bəs sən nə deyə bilərsən?”
Sən niyə
belə bir yaramaz iş gördün?
ﮮ ﮯ
ﮰ ﮱ ﯓ
ﯔ ﯕ ﯖ
ﯗ ﯘ ﯙ
ﯚ ﯛ ﯜ
ﯝ ﯞ ﯟ
(20.96) “O
dedi: “Mən onların görmədiyini görürdüm. Mən elçinin izinin torpağından bir
ovuc götürmüşdüm və onu atdım. Nəfsim məni buna vadar etdi”.
Quran şərhçilərinin
rəyinə görə, samirəli o anda at üstündə olan Cəbrail əleyhissalamı görmüşdür.
Bu, İsrail oğulları sahilə çıxanda, Firon və onun döyüşçüləri isə batmağa
başlayanda olmuşdu. Samirəli atın dırnaqlarının izi qalmış torpaqdan bir ovuc
götürmüş və buzovun heykəlini düzəldən zaman oda atmışdı.
ﯠ ﯡ ﯢ
ﯣ ﯤ ﯥ
ﯦ ﯧ ﯨ
ﯩﯪ ﯫ ﯬ
ﯭ ﯮ ﯯﯰ
ﯱ ﯲ ﯳ
ﯴ ﯵ ﯶ
ﯷﯸ ﯹ ﯺ
ﯻ ﯼ ﯽ
ﯾ ﯿ
(20.97)
“Dedi: “Rədd ol get! Sənin bu həyatda dediyin: “Sizə dəymirəm, siz də mənə dəyməyin!”
sözü olacaqdır. Sonra isə qaçına bilməyəcəyin müddət başlayacaq. Pənah
apardığın tanrıçana bax! Biz onu yandırıb, külünü dənizə səpəcəyik”.
Bu həyatda
sən elə bir cəzaya məruz qoyulacaqsan ki, ona görə insanlar səndən uzaq qaçacaq
və sənə toxunmayacaqlar. Əgər kimsə sənə yaxınlaşmaq istəsə də, sən qışqırıb
deyəcəksən: “Mənə toxunmayın! Mənə yaxın gəlməyin!” Bu, heç kimin toxunmadığı
bir şeyə sənin toxumağına və əvvəllər heç kimin etmədiyi bir şeyə cəsarət
etdiyinə görə cəza olacaqdır. Labüd olan gün başladıqda isə sən etdiyin bütün
xeyirxah və şər əməllərinə görə əvəz alacaqsan. Bax gör biz sənin buzovunu necə
yandıracağıq.
Musa (ə)
verdiyi vədini yerinə yetirdi və buzovu yandırdı. Əgər o ilah olsaydı, bu aqibətdən
qaçmağı bacarardı. O (ə) bunu İsrail oğullarının gözü qabağında etdi, çünki
onun məhəbbəti artıq onların ürəyinə girə bilmişdi. O (ə) heyvanı[11] yandırdı
və külünü dənizə səpdi ki, bütə bəslədikləri məhəbbət onun qəbilədaşlarının ürəyini
həmişəlik tərk etsin. Əgər o (ə) buzovu yandırmasaydı, o, İsrail oğulları üçün
növbəti sınağa çevrilərdi, çünki insanların ürəyində, çox vaxt, yaramaz və qüsurlu
şeylərə meyil üstünlük təşkil edir. İsrail oğulları azdıqlarını dərk etdikdən
sonra xeyirxah peyğəmbər (ə) onlara kimin həqiqətən də ibadətə və pərəstişə
layiq olduğunu və özünə bərabər tayı olmadığını xəbər verir. O (ə) deyir:
ﰀ ﰁ ﰂ
ﰃ ﰄ ﰅ
ﰆ ﰇﰈ ﰉ
ﰊ ﰋ ﰌ ﰍ
(20.98)
“Sizin ilahınız – Allahdır və Ondan başqa digər ilah yoxdur. O, hər şeyi elmi
ilə qaplayır”.
Başqa heç
kim ibadətə, ilahlaşdırılmağa və məhəbbətə layiq deyildir. İnsanlar təkcə Ona
ümid bəsləməli, təkcə Ondan qorxmalı və öz dualarını təkcə Ona yönəltməlidirlər,
çünki təkcə O istənilən qüsur və naqisliklərdən pakdır. O, gözəl adlara, əzəmətli
məziyyətlərə və hər şeyi əhatə edən elmə malikdir. O, təkbaşına Öz qullarına
bol hədiyyələr verir və onları şərdən qoruyur. Buna görə təkcə O, ibadətə və pərəstişə
layiq olan haqq Allahdır.
ﭑ ﭒ
ﭓ ﭔ ﭕ
ﭖ ﭗ ﭘﭙ
ﭚ ﭛ ﭜ
ﭝ ﭞ ﭟ
(20.99)
“Bax beləcə, Biz, keçmişdə olanlar haqqında xəbərləri sənə söyləyirik. Biz
artıq qeyb aləmimizdən Zikri sənə vermişik”.
Fövqəluca,
Muhəmməd Peyğəmbərə (ona Allahın salavatı və salamı olsun!) çoxdan ötüb keçmiş
hadisələr haqqında biliklərin açıqlanmasından ibarət olan Öz mərhəmətini ona (ə)
göstərdiyini xatırladır. Belə
açıqlamalardan biri də çoxlu hikmətli müddəaları özündə əks etdirən bu şanlı
tarix olmuşdur. Onun doğruluğunu, hətta, Kitab əhli də inkar etmir. Sən qədim
xalqların tarixini heç vaxt öyrənməmişsən, müqəddəs kitabların bilicilərinin
yanında dərs almamışsan və bunlara baxmayaraq, sənin biliklərin onların yadında
qalmış hekayətlərə tamamilə uyğundur. Həqiqətən də bu, sənin Allahın elçisi
olmanı təsdiq edir və sənin gətirdiyin təlim əsl həqiqətdir. Sənə nazil edilmiş
Müqəddəs Quran qiymətli və misli-bərabəri olmayan bir hədiyyədir. Onda keçmiş və
gələcək xalqlar haqqında biliklər və ayələr vardır ki, insanlar onların sayəsində
Allahın kamil adlarını və sifətlərini xatırlaya bilir, dini hökmlər, qadağalar
və əvəz veriləcəyi haqqında həmişə yadlarına salırlar. İnsan zəkası və təhtəlşüur
Quran hökmlərinin gözəlliyi və mükəmməlliyini təsdiq edir, Quran isə özündə
ehtiva etdiyi biliklər haqqında insanlara daima xatırlatmaqdadır.
O,
Allahın Elçisi (ona Allahın salavatı və salamı olsun!) üçün bir nəsihət idi və
onun (s.ə.s.) davamçıları üçün də nəsihətdir. Bu isə o deməkdir ki, hər bir
müsəlman Quran həqiqətinə itaət etməli, Kitabda nazil edilmiş hökmlərə tabe
olmalı, ona layiqincə ehtiram bəsləməli, onu öyrənməli, başqalarını öyrətməli və
bu vəhyin nuru ilə işıqlanan düz yolla getməlidir. Əgər insan ondan üz döndərirsə
və ya hətta ona iman gətirməkdən boyun qaçırırsa, bununla o, Allahın ən böyük
nemətini rədd etmiş olur və özünü layiq olduğu cəzaya məhkum edir. Bax buna görə
də Fövqəluca buyurur:
ﭠ ﭡ ﭢ
ﭣ ﭤ ﭥ
ﭦ ﭧ ﭨ
ﭩ ﭪﭫ ﭬ
ﭭ ﭮ ﭯ
ﭰ ﭱ
(20.100)
“Kim ondan üz döndərərsə, Qiyamət günü ağır günah yükü daşıyacaqdır”.
(20.101)
“Onlar əbədi olaraq belə qalacaqlar. Qiyamət günü onların yükü çox pis olacaqdır”.
Müqəddəs
Qurana iman gətirməkdən boyun qaçıran kəs, onun hökm və qadağalarına etinasız
yanaşır və ya onun əsl mənasını dərk etməyi vacib saymırsa, ən böyük
günahlardan birini üstünə götürür. Məhz bu günah insanı kafirliyə və azğınlığa
itələyir və nəticədə o özünü bu günahın ağır yükünü əbədi daşımağa məhkum edir. Qiyamət günü onun cinayətləri cəza ilə əvəz
olunacaq və o, əbədi olaraq öz böyük və kiçik günahlarının bəhrələrini
dadacaqdır. Cəhənnəmdə əzaba düçar edilmişlərin yükü necə də pis olacaqdır!
Qiyamət günü onları gözləyən cəza necə də məşəqqətli olacaq!!!
ﭲ ﭳ ﭴ
ﭵﭶ ﭷ ﭸ
ﭹ ﭺ ﭻ
ﭼ ﭽ ﭾ
ﭿ ﮀ ﮁ
ﮂ ﮃ ﮄ
ﮅ ﮆ ﮇ
ﮈ ﮉ ﮊ
ﮋ ﮌ ﮍ
ﮎ ﮏ
(20.102)
“Həmin gün buynuza üfürüləcək və Biz elə həmin gün göyərmiş günahkarları toplayacağıq”.
(20.103)
“Onlar bir-biri ilə pıçıltı ilə danışacaqlar: “Siz orada cəmi on gün
qalıbsınız”.
(20.104)
“Onların nədən danışacaqlarını Biz daha yaxşı bilirik. Onların ən nümunəvi
olanı deyəcək: “Siz orada cəmi bir gün qaldınız”.
Mələk
buynuza üfürdükdə insanlar qəbirlərindən çıxacaqlar və onların hər biri öz
yerini tutacaq. Təqva sahibi olan möminlər Mərhəmətli Allahın qarşısında fəxri
nümayəndə heyəti kimi toplanacaq, günahkarların siması isə tanınmaz dərəcədə dəyişəcək.
Onlar qorxudan, həyəcandan və dözülməz susuzluqdan gömgöy göyərəcəklər. Onlar
bir-biriləri ilə dünya həyatının çox qısa olmasından və dirilmənin necə də tez
başlamasından pıçıltı ilə danışacaqlar. Günahkarların bəziləri deyəcək: “Biz
yer üzündə heç on gün də yaşamadıq”. Digər fasiqlər isə başqa bir şey iddia edəcəklər,
lakin Allah onların bir-biriləri ilə pıçıltı ilə məhz nə barədə danışacaqlarını
çox gözəl bilir. O eşidəcək ki, günahkarlardan ən ədalətlisi və dəqiq danışanı
deyəcək ki, onlar yerdə bir gündən də az qalmışlar. Bütün bunlar onu bildirir
ki, kafirlər yaşadıqları qısamüddətli həyatı itirmələri haqqında bərk təəssüf
edəcəklər. Onlar yollarını azmışdılar və haqqa etinasızlıq göstərmişdilər və
onlara fayda verə biləcək hər şeydən üz döndərmiş və öz meyillərini onları məşəqqətə
məhkum edən şeylərə yönəltmişdilər. Budur, artıq əvəz almaq vaxtı gəlib çatmışdır
və Rəbbin vədi icra olunmuşdur. Kafirlərə törətdikləri əməllər üçün təkcə təəssüflənmək
və öz məhvini çağırmaq qalırdı.
Bu ayə
digər bir ayəyə bənzəyir: “Buyuracaq: “Siz yer üzündə neçə il qaldınız?”
“Onlar deyəcəklər: “Biz bir gün və ya günün bir hissəsini qaldıq. Yaxşı olar
ki, hesabı aparanlardan soruşasan”. “O buyuracaq: “Siz çox az qaldınız, kaş ki,
bunu biləydiniz!” “Doğrudanmı siz elə zənn edirdiniz ki, Biz sizi əylənmək
xatirinə xəlq etmişik və siz dərgahımıza qaytarılmayacaqsınız?” (Muminun,
23/112-115).
ﮐ ﮑ ﮒ
ﮓ ﮔ ﮕ
ﮖ ﮗ ﮘ ﮙ
ﮚ ﮛ ﮜ
ﮝ ﮞ ﮟ
ﮠ ﮡ ﮢ
(20.105)
“Onlar səndən dağlar haqqında soruşurlar. De: “Rəbbim onları toza çevirib
havaya sovuracaq”
(20.106)
“və onlardan təkcə hamar düzənlik qalacaqdır”.
(20.107)
“Onun üzərində nə çökəklik, nə də təpəliklər görməyəcəksən”.
Ey Muhəmməd!
İnsanlar səndən soruşacaqlar ki, Qiyamət günü dağlar necə olacaq və onlar əvvəlki
kimi yerlərində qalacaqlarmı? Onlara xəbər ver ki, sənin Rəbbin dağları kökündən
qoparacaq və bundan sonra onlar daranmış yun kimi yumşaq olacaqlar. Sonra onlar
quma çevriləcək, daha sonra isə toz olub havaya sovrulacaq. Dağlar yoxa çıxıb,
yerlə yeksan olacaq və o da çökəyi və hündürlüyü olmayan hamar düzənliyə çevriləcək.
Yer tamamilə yastılanacaq və bütün məxluqlar onun üstündə yerləşəcəklər.
İnsanlar bir yerdə toplanacaq və carçının çağırışını asanlıqla eşidəcəklər.
Buna görə daha sonra Fövqəluca belə buyurur:
ﮣ ﮤ
ﮥ ﮦ ﮧ
ﮨﮩ ﮪ ﮫ
ﮬ ﮭ ﮮ
ﮯ ﮰ ﮱ
(20.108)
“Həmin gün onlar ancaq carçının ardınca gedəcək
və başqa tərəfə meyil etməyə artıq imkanları olmayacaq. Rəhmanın
qarşısında onların səsi itaətkarcasına çıxacaq və sən təkcə ahəstə səslər eşidəcəksən”.
İnsanlar
qəbirlərindən dirilib çıxan kimi, onlar carçının çağırışını eşidəcəklər. O,
onlara Qiyamət günü meydanına gəlməyi əmr edəcək. Onlar carçının çağırışına tələsik
cavab verərək, Məhşər meydanına gəlməyə üz tutacaqlar. Bu zaman bir insan belə
geriyə, sağa və ya sola dönməyəcək. Carçının çağırışı doğru və həqiqi olacaq və
bütün insanlar onu eşidəcək və itaətkarlıqla Mərhəmətli Allahın hüzuruna gələcəklər.
Ətrafda sakitlik hökm sürəcək ki, onu ancaq ayaq səsləri və qorxa-qorxa edilən
pıçıltılar pozacaq. İnsanları qorxu bürüyəcək və sakitcə Mərhəmətli Allahın
hökmünü gözləyəcəklər, onların çöhrəsində isə itaətkarlıq və mütilik öz əksini
tapacaqdır. Varlılar və kasıblar, kişilər və qadınlar, sərbəst olanlar və kölələr,
hökmdarlar və sadə insanlar – bu əzəmətli saatda hamısı sakitcə baxışlarını yerə
dikərək və başlarını aşağı salaraq, qarşıda onları nəyin gözlədiyini bilmədən
diz üstə dayanacaq. Fövqəluca buyurur: “Qulaqbatırıcı Səs gəldikdə, həmin gün
insan öz qardaşını, anasını və atasını, arvadını və övladlarını atacaq, çünki
hər bir insanın öz qayğıları kifayət qədər olacaq” (Əbəsə, 80/33-37). Həmin
anda Ədalətli Hakim möminləri bol-bol mükafatlarla təltif etmək, günahkarları
isə böyük zərərə uğratmaq üzrə Öz hökmünü verəcək. Lakin eyni zamanda bütün məxluqlar
öz Fövqəlsəxavətli, Mərhəmətli və Rəhmli Rəbbinin mərhəmətinə, xeyirxahlığına
və hüdudsuz bağışlamasına əmin ola biləcəklər.
İlahi mərhəmətinin
hüdudsuzluğunu nə sözlərlə ifadə etmək, nə də təsəvvürə gətirmək mümkün deyildir.
Lakin Qiyamət günü bütün məxluqlar, Allaha və Onun elçilərinə iman gətirən
möminlərin bu mərhəmətə necə layiq görüldüklərinin şahidi olacaqlar.
Biz niyə
buna ümid bəsləməyə cəsarət edirik? Niyə biz buna inanırıq? Çünki biz qəti
bilirik ki, Allahın mərhəməti Onun qəzəbini üstələyir. Onun geniş rəhmət sahibi
olması bütün varlığı əhatə edir və buna əmin olmaq üçün, Onun məxluqlarına
saysız-hesabsız maddi nemətlərlə iltifat göstərməsinə nəzər salmaq kifayətdir.
Axirət həyatına gəldikdə isə, onun haqqında xatırlayarkən Fövqəluca Allah dəfələrlə
Özünü Mərhəmətli adlandırmışdır: “Onların səsi Mərhəmətlinin qarşısında
itaətkar olacaqdır”; “Ruh və mələklər cərgə-cərgə dayandıqları həmin Gün Mərhəmətlinin
icazə verdiklərindən başqa heç kim danışmayacaq” (Nəbə, 78/38); “Həmin
gün hakimiyyət gerçək olacaq və Mərhəmətliyə məxsus olacaqdır” (Furqan,
25/26).
Muhəmməd
Peyğəmbər (ona Allahın salavatı və salamı olsun!) demişdir: “Allahın mərhəməti
yüz hissədən ibarətdir və O, onun təkcə bir hissəsini Öz qullarına nazil
etmişdir ki, onun sayəsində onlar bir-biriləri ilə mərhəmət və rəhmlə
davranırlar. Hətta heyvan da ayağını qaldırır ki, öz dölünü tapdalayıb əzməsin,
çünki onun da ürəyinə rəhm hissi daxil edilmişdir. Qiyamət günü başladıqda isə,
bu bir hissə mərhəmətə qalan doxsan doqquz hissə də birləşdiriləcəkdir və
onların sayəsində Allah Öz qullarına rəhm edəcəkdir”. Peyğəmbər (ona
Allahın salavatı və salamı olsun!) həmçinin demişdir: “Allah Öz
qullarına, ananın öz körpəsinə bəslədiyindən daha çox rəhm göstərir”.
İnsan
Allahın mərhəməti haqqında istənilən şeyi deyə bilər, lakin o, onsuz da bütün
deyilənlərdən üstün olacaqdır. İnsan Allahın mərhəmətini özlüyündə istədiyi
kimi təsəvvür edə bilər, lakin o, daha yüksək olacaq. Bağışlayarkən və
mükafatlandırarkən, hətta ədalətlə cəzalandırarkən mərhəmət Göstərən Pakdır! Mərhəməti
bütün varlıq aləmini himayəsi altına alan və fövqəlxeyirxahlığı ilə hər məxluqu
Əhatəedən Pakdır! Qullarına ehtiyacı olmadan onlara Rəhmgöstərən şan-şöhrət Sahibidir.
Onun qulları fasiləsiz olaraq Onun qayğısına möhtacdırlar və bir anlığa belə
Onun bol nemətləri olmadan yaşamağa qadir deyillər.
ﯓ ﯔ ﯕ
ﯖ ﯗ ﯘ
ﯙ ﯚ ﯛ
ﯜ ﯝ ﯞ
ﯟ
(20.109)
“Həmin gün Mərhəmətlinin icazə verdiyi və sözündən razı qalacağı kəslərdən
başqa kimsənin şəfaəti fayda verməyəcəkdir”.
Allah
icazə vermədən heç kim Onun qarşısında insanlar üçün şəfaət istəyə bilməz. Bu şəfaətçilər
peyğəmbərlər və elçilər, həmçinin digər yaxın qullar ola bilər. Onlar ancaq səmimiyyətlə
haqq dinə etiqad etmiş və Allahın mərhəmətini qazanmış insanlara şəfaətçilik edə bilərlər. Bu şərtlər yerinə
yetirilməsə, onda heç kim Allah qarşısında başqaları üçün şəfaətçilik edə bilməz.
ﯠﯡﯢﯣﯤﯥﯦﯧﯨﯩﯪ ﯬ ﯭ
ﯮ ﯯﯰ ﯱ
ﯲ ﯳ ﯴ ﯵ ﯶ
ﯷ ﯸ ﯹ
ﯺ ﯻ ﯼ
ﯽ ﯾ ﯿ
ﰀ ﰁ ﰂ
(20.110)
“O onların gələcəyini də, keçmişini də bilir, lakin onlar Onu öz bilikləri ilə
qapsamağa qadir deyillər”.
(20.111)
“Bütün üzlər, Diri Mütləq Hakim qarşısında baş əyəcək, zülm yükü daşıyanlar isə
uğursuzluğa düçar olacaqlar”.
(20.112)
“Mömin olaraq xeyirxah işlər görənlər isə nə zalımlıqdan, nə də sıxıntılardan
qorxmayacaqlar”.
Həmin gün
insanlar iki qrupa bölünəcəklər. Bir qrupa küfrə etiqad edən zalım günahkarlar
daxil olacaqlar. Onların qisməti uğursuzluq, məhrumiyyət, məşəqqətli Cəhənnəm əzabı
və Ədalətli Hakimin qəzəbi olacaqdır. İkinci qrup isə Allahın iman gətirilməsinə
əmr etdiyi bütün şeylərə iman gətirmiş və dinin bütün vacib və arzu edilən tələblərini
yerinə yetirmiş möminlərdən ibarət olacaqdır. Onlar zalımlıqdan və
sıxıntılardan ehtiyat etməyəcəklər, çünki heç kim onlara törətmədikləri cinayətləri
aid etməyəcək və onların etdikləri xeyirxah əməlləri gizlətməyəcək. Əksinə,
onların günahları və nöqsanları bağışlanacaq, mükafatları isə artırılacaq. Fövqəluca
buyurur: “Allah kimsəyə zərrə qədər də zülm etməz, əgər yaxşı əməl ən kiçik
də olsa belə, onun savabını qat-qat artırar” (Nisa, 4/40).
ﰃ ﰄ ﰅ
ﰆ ﰇ ﰈ
ﰉ ﰊ ﰋ
ﰌ ﰍ ﰎ
ﰏ ﰐ ﰑ
(20.113)
“Beləliklə, Biz onu Quran kimi ərəb dilində nazil etdik və Öz təhdidlərimizi təfsilatı
ilə izah etdik ki, onlar qorxsunlar və ya bu onlar üçün bir nəsihət olsun”.
Bu Kitab
hər bir ərəb üçün anlaşıqlı və aydın nəcib ərəb dilində nazil edilmişdir.
İnsanlar bu Vəhyin sözlərini başa düşür, onun mənalarını dərk edir və nazil
edilmiş təhdid və xəbərdarlıqlardan agah olurlar. Bəzən Allahın ədalətliliyinin
və qisas alınacağının labüdlüyünün dəlili olan adları bu təhdidləri xatırladır.
Bəzən isə onları, xalqların taleləri haqqında olan ibrətamiz hekayətlər yada
salır. Onların kökü keçmiş zamanlarda kəslmişdi və onlar sonrakı nəsllər üçün
ibrət olmuşdular. Bəzən, günahların və qəbahətlərin mənfur nəticələri, bəzən,
Qiyamət günü baş verəcək dəhşətli və həyəcanəngiz hadisələr, bəzən də Cəhənnəmin
və dözülməz Cəhənnəm əzablarının təsviri onları yada salır. Bütün bunlar
Allahın insanlara bəslədiyi mərhəmətidir, çünki onları Rəbdən qorxmağa, cinayətlərdən,
itaətsizlikdən və insana zərər verə biləcək hər şeydən çəkinməyə məcbur edir.
Bununla
yanaşı Müqəddəs Quran elə bir nəsihətdir ki, insanlar ondan Allaha necə itaət
etməyi və böyük fayda verəcək xeyirxahlıq göstərməyi öyrənirlər. Quran, ərəb
dilində nazil edilməsi və aydın təhdidlərdən ibarət olması sayəsində, insanlara
Allahdan qorxmağa etiqad etməyə və saleh əməllər işləməyə təkan verir. Əgər o,
başqa dildə göndərilsəydi və insanların günahlarının dəhşətli nəticələrini
onlara izah etməsəydi, onda o, insanlara belə təsir göstərməzdi.
Yuxarıda
xatırlanan ədalətli əvəz verilməsi və həmçinin Kitabda nazil edilən dini hökmlər
İlahi hakimiyyətinin nəticələridir və buna görə Fövqəluca sonra belə buyurur:
ﭑ ﭒ
ﭓ ﭔﭕ ﭖ
ﭗ ﭘ ﭙ
ﭚ ﭛ ﭜ
ﭝ ﭞﭟ ﭠ
ﭡ ﭢ ﭣ ﭤ
(20.114)
“Gerçək Hökmdar Allah hər şeydən ucadır!
Sənə nazil edilən vəhylər bitənədək Quranla tələsmə! De ki: “Ey Rəbbim!
Biliklərimi artır”.
Allah şan-şöhrət
Sahibi, Böyük və Pakdır. O, hər hansı nöqsan və qüsurlardan azaddır. Allahın
hakimiyyəti Onun ayrılmaz sifətlərindəndir və buna görə bütün məxluqlar Onun
qullarıdır və Onun qədər və şəriət qanunlarına itaətkardırlar. Onun varlığı,
hakimiyyəti və kamilliyi əsl həqiqətdir. Lakin bütün bu sifətlər o zaman kamil
ola bilər ki, onlar gerçək Hökmdara məxsus olsun. Bu özəllik məhz Allaha
xasdır. Onun məxluqları da hakimiyyətə malik ola bilərlər, lakin onların
hökmranlığı fani və qısadır, halbuki Əbədi Yaşayan Mütləq Hakim və şan-şöhrətli
Hökmdarın hakimiyyəti əbədidir.
Ey Muhəmməd!
Səbirli ol və Cəbrail (ə) Quran ayəsini sənə söyləyən zaman onları təkrarlamağa tələsmə. O
(ə), ayənin nazil olmasını bitirəndən sonra, onun ardınca oxu. Həqiqətən, Allah
Quranı sənin ürəyində bir yerə toplayacağını və onu sənə bütövlükdə
oxuyacağını vəd etmişdir. Fövqəluca buyurur: “Dilini tərpədərək onu təkrarlama
ki, tez yadda saxlayasan. Onu toplayıb oxumaq Bizə aiddir. Biz onu oxuduqda, sən
də ardınca oxu. Onu izah etmək də Bizə aiddir” (Qiyamə, 75/16-19).
Muhəmməd
Peyğəmbərin (ona Allahın salavatı və salamı olsun!) vəhyi tez yadda saxlamağa
can atması onun (s.ə.s.) biliklərə göstərdiyi məhəbbətə dəlalət edir və buna
görə Fövqəluca ona (s.ə.s.) əmr edir ki, biliklərinin artırılması üçün
dua etsin. Həqiqətən də, bilik
insana xeyir gətirir və insan bu neməti çoxaltmaq üçün xeyirxahlığını
artırmalıdır. Lakin bilik təkcə Allahın sərəncamındadır və buna görə onu əldə
etmək üçün səy göstərmək və zəhmət çəkmək lazımdır. Bununla yanaşı insan biliklərə can atmalı,
Allaha yalvarmalıdır ki, bu məqsədə nail olmaq üçün ona kömək göstərsin və hər
an Allahın mərhəmətinə ehtiyacı olduğunu bildirməlidir.
Şərh etdiyimiz ayədən aydın olur ki, şagirdlər dərsdə
özlərini necə aparmalıdırlar. Onlar səbirli olmalı, müəllimin və ya mühazirə
oxuyanın mövzunu izah etdiyi zaman sözünü kəsməməlidirlər ki, onun öz fikirlərini
ifadə etməsinə maneçilik olmasın. Müəllim mövzunun izahını bitirdikdə, şagirdlər
ona sual verə bilərlər. Əgər şagird sual verir və həm də müəllimin sözünü kəsirsə, o, özünü böyük nemətdən məhrum
edir. Eyni zamanda, sual verilən müəllim
suala axıradək qulaq asmalı, onu aydınlaşdırmalı və ancaq bundan sonra şagirdə
cavab verməlidir, çünki bu əxlaqi qaydaya riayət edilməsi müəllimə dəqiq və tam
cavab verməyə imkan yaradır.
ﭥ
ﭦ ﭧ ﭨ
ﭩ ﭪ ﭫ
ﭬ ﭭ ﭮ
ﭯ ﭰ
(20.115) “Əvvəlcə Biz Adəmlə əhd bağladıq, lakin o,
unutdu və Biz onda möhkəm iradə görmədik”.
Biz Adəmlə əhd bağladıq və ondan söz aldıq ki, bu əhdə
layiqincə riayət etsin. O, Bizim iradəmizə müti oldu və öz vəzifələrini
qüsursuz yerinə yetirəcəyi qərarına gəldi, amma sonra o, ona əmr olunanı
unutdu. Onun əvvəlki qətiyyəti yoxa çıxdı və o, onun nəslləri üçün nümunə olan
bir hərəkətə yol verdi. İnsanlar Adəmdən bu məziyyəti irsən aldılar və öz vəzifələrini
unutmağa başladılar və bununla da öz əcdadlarına bənzədilər. Adəm günah etdi və
onun nəslləri də günah etməyə başladılar. O, əhdinə riayət edəcəyi haqqında qəti
niyyətini pozdu və sonra onun nəslləri də onun göstərdiyi nümunəni təkrar etdilər.
Sonra o, tövbə etməyə tələsdi və öz səhvini etiraf etdi və belə olduqda Allah
onu bağışladı və vəd etdi ki, onun nümunəsini təkrar edənlərin və zalımlıqdan əl
çəkənlərin hamısını bağışlayacaq.
Sonrakı
yeddi ayədə Fövqəluca Allah bu vəhydə ifadə olunanları daha təfərrüatı ilə təsvir
edir və buyurur:
ﭱ ﭲ
ﭳ ﭴ ﭵ
ﭶ ﭷ ﭸ
ﭹ ﭺ
(20.116)
“Budur, Biz mələklərə dedik: “Adəmin qarşısında səcdə qılın!” Onlar səcdə
qıldılar və təkcə İblis boyun qaçırdı”.
Allah Öz əlləri
ilə Adəmin yaradılışını sona çatdırdıqdan sonra, ona məxluqların adlarını öyrətdi
və böyük lütfkarlıq göstərdi, bütün mələklərə insanın qarşısında səcdə etmək və
bununla ona öz ehtiramını göstərmək əmri
verdi. Mələklər Rəbbə o saat itaət etdilər və təkcə, onların arasında olan,
İblis Adəmə səcdə etməkdən təkəbbürlə boyun qaçırdı və dedi: “Mən ondan daha
yaxşıyam. Sən məni oddan, onu isə palçıqdan yaratmışsan” (Sad, 38/76). Bu,
İblisin Adəmə və onun zövcəsinə qarşı bəslədiyi çox böyük nifrətin dəlili idi.
Paxıllıq hissi onda nifrət doğurmuşdu və buna görə Allah Adəmi və onun zövcəsini
bu məkrli düşməndən qorunmaq barədə xəbərdar etdi.
ﭻ ﭼ
ﭽ ﭾ ﭿ
ﮀ ﮁ ﮂ
ﮃ ﮄ ﮅ
ﮆ ﮇ
(20.117)
“Biz dedik: “Ey Adəm! Bu, həqiqətən, sənin və zövcənin düşmənidir. Qoy o, sizi
Cənnətdən çıxarmasın, yoxsa sən bədbəxt olarsan”.
Özünü bədbəxtliyə
və gözəl nemətlərindən zövq alacağın və tam rahatlıq tapacağın Cənnətdən
qovulmağa məhkum etmə.
ﮈ ﮉ ﮊ
ﮋ ﮌ ﮍ
ﮎ ﮏ ﮐ
ﮑ ﮒ ﮓ
ﮔ ﮕ ﮖ
(20.118)
“Sən orada ac və lüt olmayacaqsan”.
(20.119)
“Sən orada susuzluqdan və bərk istidən əziyyət çəkməyəcəksən”.
Sənə icazə
veriləcək ki, yeməklər və içkilərdən ləzzət alasan, gözəl libaslar geyəsən və
sən heç vaxt yorğunluq və taqətsizlik hiss etməyəcəksən. Sənə hər cür nemətlərdən
istifadə etməyə icazə veriləcək, lakin təkcə bir ağacın meyvələrindən yemək
qadağandır. Fövqəluca buyurur: “Ey Adəm! Zövcənlə Cənnətdə məskunlaş. İstədiyiniz
qədər istədiyiniz yerdə yeyin, ancaq bu ağaca yaxınlaşmayın, yoxsa zalımlardan
biri olarsınız” (Bəqərə, 2/35).
ﮗ ﮘ ﮙ
ﮚ ﮛ ﮜ
ﮝ ﮞ ﮟ
ﮠ ﮡ ﮢ
ﮣ ﮤ
(20.120)
“Lakin şeytan onu vəsvəsəyə salıb dedi: “Ey Adəm! Sənə əbədiyyət ağacını və heç
vaxt yox olmayacaq bir hakimiyyəti nişan verimmi?”
Şeytan Adəmi
və onun zövcəsini yoldan azdırmağı qərara aldı və vəd etdi ki, qadağan olunmuş
ağacın meyvələri onlara əbədi həyat və mütləq hakimiyyət əldə etmək imkanı verəcək.
O onlara özünü xeyirxah məsləhətçi kimi təqdim etdi və mehribanlıqla söhbətə
başladı ki, insanları şirnikləndirib aldatsın və onları azğınlığa salsın.
ﮥ ﮦ
ﮧ ﮨ ﮩ
ﮪ ﮫ ﮬ
ﮭ ﮮ ﮯﮰ
ﮱ ﯓ ﯔ
ﯕ ﯖ
(20.121)
“Onların hər ikisi ondan yedilər və onların ayıb yerləri onlara göründü. Onlar
özlərinə Cənnət yarpaqları tutmağa başladılar. Adəm Rəbbinə itaətsizlik göstərib
azğınlığa düşdü”.
Onlar
şeytana qulaq asdılar, lakin qadağan olunmuş ağacın meyvəsindən yeyən kimi bədənləri
çılpaqlaşdı. Onlar öz günahlarını dərk etdilər və bir-birinin ayıb yerlərini
gördülər, halbuki əvvəllər onların bu yerləri paltarla örtülü idi. Belə
olduqda, onlar ayıb yerlərini Cənnət ağaclarının yarpaqları ilə örtməyə
başladılar və elə böyük bir utancaqlıq hissi keçirdilər ki, onun ölçüsü təkcə
Allaha bəllidir.
ﯗ ﯘ ﯙ
ﯚ ﯛ ﯜ ﯝ
(20.122)
“Sonra Rəbbi onu seçdi, tövbəsini qəbul edib, doğru yola yönəltdi”.
Adəm
tezliklə tutduğu işə görə tövbə etdi və aşağıdakı sözlərlə Allah müraciət etdi:
“Ey Rəbbimiz! Biz özümüzə qarşı zalımcasına davrandıq və əgər Sən bizi
bağışlamasan və bizə rəhm etməsən, biz mütləq zərərə uğramışlardan olarıq” (Əraf,
7/23). Allah onu (Adəm əleyhissalamı) Özünün seçilmiş qulu etdi və ona tövbə
etməkdə köməklik göstərdi. Allah onun (ə) törətdiyi əməli ona bağışladı, onu
doğru yola yönəltdi və bunun sayəsində onun (ə), tövbədən sonra imanı, əvvəlkinə
nisbətən, daha da artdı. Məkrli düşmən uğursuzluğa düçar oldu və onun fitnə-fəsadları
özünə qarşı çevrildi. Adəm (ə) və onun nəslləri isə böyük mərhəmətə layiq
görüldülər ki, bu da onları öz Rəbbinə şükür etməyi, Ona nazil etdiyi nemətlər
üçün həmd etməyi və gecə-gündüz pusqudan qəfil hücum etməyə hazır olan düşməndən
qorunmağı zəruriləşdirir. Fövqəluca buyurur: “Ey Adəm oğulları! Şeytana,
sizin valideynlərinizi Cənnətdən çıxartdırdığı kimi, sizi də azdırmağa imkan verməyin. O, onların
libaslarını soyundurub, onların ayıb yerlərini onlara göstərdi. Həqiqətən, o və
onun törəmələri sizi sizin görə bilmədiyiniz yerdən görürlər. Həqiqətən, Biz
şeytanları iman gətirməyənlərin hamisi və köməkçiləri etdik” (Əraf, 7/27).
ﯞ ﯟ ﯠ
ﯡﯢ ﯣ ﯤ
ﯥﯦ ﯧ ﯨ
ﯩ ﯪ ﯫ
ﯬ ﯭ ﯮ
ﯯ ﯰ ﯱ ﯲ
(20.123)
“O buyurdu: “Bir-birinizə düşmən olaraq hamınız oradan enin. Məndən sizə haqq
rəhbərlik gəldikdə, kim Mənim doğru yol Təlimatımın ardınca getsə, yoldan azmış
və bədbəxt olmayacaq”.
Fövqəluca
bildirir ki, Adəmə və İblisə yer üzünə enmək əmr olundu. Adəm və onun nəslləri,
həmçinin özlərini şeytandan qorumalı, onu özlərinin ən qatı düşməni saymalı və
onunla yorulmadan mübarizə aparmalıydılar. Onlara vəd edilmişdi ki, Allah Yerə Kitab
nazil edəcək və elçilər göndərəcək, onlar isə insanları qatı düşmən barədə xəbərdar
edəcək və Allaha doğru və Cənnət məkanına
aparan düz yola necə gəlməyi izah edəcəklər. Onlara deyilmişdi ki, Allahın Təliminə
diqqətlə yanaşan, elçilərin və Kitabların ardınca gedən hər bir kəs Allahın
hökmlərini yerinə yetirməyə başlayacaq, haramları pozmayacaq, heç vaxt nə bu
dünyada, nə də ölümdən sonra düz yoldan çıxmayacaq. Belə bir insan bədbəxt
olmayacaq, çünki o bu dünyada dönmədən düz yolla gedəcək və Axirət həyatında
xoşbəxtlik və təhlükəsizlik əldə edəcəkdir.
Quranda
deyilir: “Biz buyurduq: “Hamınız buradan aşağı enin!” Sizə Məndən haqq Təlimat
gəldikdə, Mənim Təlimatıma riayət
edənlər qorxu bilməyəcək və kədərlənməyəcəklər” (Bəqərə, 2/38). Doğru
yolla gedənlərin, Səmavi Vəhyə iman gətirənlərin və Haqqa qarşı müxtəlif şübhəli
dəlillər irəli sürməyənlərin, dinin hökmlərini yerinə yetirənlərin və nəfslərinə
uyaraq onlardan üz döndərməyənlərin
mükafatı belə olacaqdır.
ﯳ ﯴ ﯵ
ﯶ ﯷ ﯸ
ﯹ ﯺ ﯻ
ﯼ ﯽ ﯾ
ﯿ
(20.124)
“Əgər kimsə Mənim Zikrimdən üz çevirsə, onun həyatı sıxıntılar içində keçəcək,
Qiyamət günü isə Biz onu kor halda dirildəcəyik”.
Səmavi
Kitab insanlara ən müqəddəs məqsədi xatırladır və əgər insan ondan üz döndərirsə
və ya ona iman gətirməkdən, ümumiyyətlə, boyun qaçırırsa, onda onun bu ağılsız
cəsarəti öz əleyhinə bir cəza kimi qayıdır.
Şərhçilər belə hesab edirdilər ki, “sıxıntılar içində keçəcək həyat” ifadəsi
ilə, qəbirdə veriləcək əzab nəzərdə tutulur, çünki qəbir daralaraq əzabkeşləri sıxır.
Bu ayə, qəbirdə cəzanın gerçək olmasını təsdiq edən bir sıra vəhylərdən biridir.
Fövqəluca
buyurur: “Sən zalımları can verərkən və mələklərin onlara əllərini uzadıb:
“Canınızı verin! Bu gün sizə Allah
haqqında yalan danışdığınıza və özünüzü Onun ayələrindən üstün tutduğunuza görə
alçaldıcı əvəz veriləcək” dedikləri zaman görəydin!” (Ənam, 6/93).
“Lakin ən
böyük işgəncələrdən başqa, Biz onlara mütləq kiçik əzablar da daddıracağıq” (Səcdə,
32/21).
“Allah
onu onların hazırladıqları şərdən qorudu, Fironun tayfasını isə çox dəhşətli əzablar
bürüdü – səhər və günortadan sonra atıldıqları Od. Amma Saatın başladığı Gün
Firon tayfasını ən amansız işgəncələrə məruz qoyun!” (Ğafir,
40/45-46).
Bütün bu
ayələr qəbirdə cəzanın gerçək olduğunu təsdiq edir. Şərh etdiyimiz ayəyə gəldikdə
isə, saleh sələflərimiz onu bu tərzdə ona görə təbir edirdilər ki, o, Qiyamət
günü cəza haqqında xatırlatma ilə bitirdi. Bütün bunlar haqqında ən yaxşı bilən
təkcə Allahdır.
Bəzi müfəssirlər
elə hesab edirdilər ki, Allahı xatırlamaqdan üz döndərən insanların ağır həyatı
yer üzündə əziyyətlərdən, qəbirdə iztirablardan və həm də Qiyamət günü
qayğılardan, qəm-qüssədən, çətinliklərdən və
məşəqqətlərdən ibarətdir. Belə ki, onlar öz iddialarını, Allahın çətinlikləri
insan həyatının müəyyən mərhələsi ilə əlaqələndirmədiyi ilə əsaslandırırdılar.
Sonra Fövqəluca
Allah bildirir ki, kafirlər Qiyamət günü görməkdən məhrum ediləcəklər. Bu barədə
Quranda deyilir: “Qiyamət günü Biz
onları üzü üstə uzanmış, kor, kar, lal
halda toplayacağıq” (İsra,17/97).
ﰀ ﰁ ﰂ
ﰃ ﰄ ﰅ
ﰆ ﰇ ﰈ
(20.125)
“O deyəcək: “Ey Rəbbim! Niyə Sən, mən əvvəllər gördüyüm halda, məni kor
diriltdin?”
Kafirlər
alçaldılacaq və pərt olacaqlar. Onların vəziyyəti onlara dözülməz əzab verəcək
və onlar yadlarına salacaqlar ki, dünya həyatında gözləri görürdü. Buna görə
soruşacaqlar ki, niyə onlar belə yaramaz vəziyyətə düşüblər.
ﭑ ﭒ
ﭓ ﭔ ﭕﭖ
ﭗ ﭘ ﭙ ﭚ
(20.126)
“O buyuracaq: “Belədir! Ayələrimiz sənə çatdı, lakin sən onları unutqanlığa
saldın. Sən də bu gün eynilə unudulacaqsan”.
Sən sənə
nazil edilən Kitabı unutdun və ondan üz döndərdin və buna görə də bu gün sən də
unudulacaqsan Cəhənnəm əzabları burulğanına atılacaqsan. Sənin törətdiyin cinayətin
belə idi və sən tam layiqincə əvəzini alırsan. Sən Allahın nəsihətlərinə kor
kimi yanaşdın, onlardan uzaq qaçdın, onları yada salmadın və öz vəzifələrini
xatırlamadın və buna görə Allah səni görməkdən məhrum etdi. Cəhənnəmə səni
kor, kar və lal olduğun halda qovub gətirdilər və Allah da səndən üz döndərdi və
səni Cəhənnəm Odunda yanmağa atdı.
ﭛ ﭜ ﭝ
ﭞ ﭟ ﭠ
ﭡ ﭢﭣ ﭤ ﭥ
ﭦ ﭧ ﭨ
(20.127)
“Həddini aşanları və Rəbbinin ayələrinə iman gətirməyənləri Biz belə cəzalandırırıq.
Axirət əzabları isə daha ağır və sürəkli olacaqdır”.
Belə
qisas, yol verilən əməllərin həddini aşan, günah işlədən və Allahın ona icazə
verdiyi ilə qane olmayanların və həmçinin dinin doğruluğunu və zəruriliyini
aydın sübut edən ayələrini rədd edən hər bir kəsi gözləməkdədir. Allah belə
insanlarla ədalətsiz davranmayacaq və onlara layiq olmadıqları cəzanı verməyəcəkdir,
çünki onlar özləri həddi aşmışdılar, küfrə etiqad etmişdilər və özləri özlərini
əzab-əziyyətə məhkum etmişdilər. Onlar bu dünyada cəza alırlar, lakin Axirətdə
alacaqları cəza bundan qat-qat ağrı-acılı olacaqdır, çünki onun sonu isə heç
vaxt olmayacaqdır. Bütün bunlar o deməkdir ki, insan Axirət həyatındakı cəzadan
qorxmalı və çəkinməlidir.
ﭩ ﭪ ﭫ
ﭬ ﭭ ﭮ
ﭯ ﭰ ﭱ
ﭲ ﭳﭴ ﭵ
ﭶ ﭷ ﭸ
ﭹ ﭺ ﭻ
(20.128)
“Doğrudanmı, onlaradək, məskənlərində gəzib dolaşdıqları neçə-neçə əvvəlki nəslləri
məhv etməyimiz onları doğru yola gətirmədi? Həqiqətən, bunda – ağıl sahibləri
üçün ibrət vardır”.
Doğrudanmı
qədim xalqların başına gələnlər inadkar kafirləri doğru yolu gəlməyə və
azğınlıqdan, özbaşınalıqdan çəkinməyə sövq etmir? Onlar o xalqların tarixini
yaxşı bilirlər, onlar haqqında hekayətləri nəsllərdən nəsllərə ötürürlər və
onların xarabalıqlarını öz gözləri ilə görürlər. Onlar Hudun, Salehin və Lutun,
Allahın elçilərini rədd edən, Səmavi Kitablardan üz döndərən və məşəqqətli cəzaya
məruz qoyulan xalqları haqqında məlumata malikdirlər. Niyə onda kafirlər özlərini
Allahın, vaxtilə onlardan əvvəlki nəslləri sarsıtmış cəzasından təhlükəsizlikdə
olduqlarını sanırlar? Fövqəluca buyurur: “Məgər sizin kafirlər onlardan
yaxşımı idilər? Yaxud da sizin Kitablarda keçən toxunulmazlığınızmı var?” (Qəmər,
54/43). Kafirlərin mühafizə olunması haqqında fərman yoxdur və onlar özlərindən
əvvəlkilərdən heç də daha yaxşı olmamaqla, cəzadan xilas edilməyə də layiq
deyillər. Bundan da başqa, onlar əvvəlki kafirlərdən daha pisdirlər, çünki elçilərin
ən yaxşısına iman gətirməkdən boyun qaçırmışlar və ən yaxşı Kitabdan üz döndərmişlər.
Allah onlara xilas vədi verməmişdir və onların çoxsaylı olmaları onlara fayda verməyəcək
və onları cəzadan qurtarmayacaq. Əksinə, onların hamısı alçaldılıb rüsvay ediləcək.
Bütün
deyilənlərdən aydın olur ki, əvvəlki nəsllərin məhv edilməsi, insanların doğru
yola gəlməsi üçün olan şərtlərdən biridir. Bu şərtlər Allahın elçilərinin
doğruluğuna və azğın xalqların qüsurlu mövqe tutduqlarına dəlalət edir. Lakin
heç də hamı Allahın ayələrindən faydalanmaq qabiliyyətində olmur. Bu şərəfə,
ancaq aydın mühakimə yürütmək qabiliyyəti, təmiz qəlbi və onu hər cür pislikdən
və əxlaqsızlıqdan uzaqlaşdıran sağlam düşüncə sahibi olan insanlar nail
olurlar.
ﭼ ﭽ ﭾ
ﭿ ﮀ ﮁ ﮂ ﮃ
ﮄ ﮅ
(20.129)
“Rəbbin
tərəfindən öncədən vəd edilmiş Söz və müəyyənləşdirilmiş bir vaxt olmasaydı, əzab
onları artıq mütləq yaxalamışdı”.
Allah bu sözləri ilə Peyğəmbərinə (s.ə.s.)
təsəlli verir və onu haqdan üz döndərən kafirlərin ünvanına lənət oxumaqdan çəkinməyə
çağırır. Kafirlik və allahsızlıq onsuz da bu insanları xilas ola bilməyəcəkləri
əzab və işgəncələrə məhkum edir, çünki Allah cəzanı günahların və cinayətlərin
labüd nəticəsi etmişdir. Kafirlər artıq bu yolu tutublar, lakin Allah onlara cəza
vermə vaxtını uzatmışdır və müəyyən olunmuş müddət çatana qədər qullarını
müdhiş cəzaya məruz qoymayacağına söz vermişdir. Əgər günahkarlar Allahın vədinin
icra edilməsinədək öz Rəbbinin yoluna qayıdırlarsa, onda O (Pak və Müqəddəs
Olan), onların tövbəsini qəbul edir və onları cəzadan qurtarır.
ﮆ ﮇ
ﮈ ﮉ ﮊ
ﮋ ﮌ ﮍ
ﮎ ﮏ ﮐ
ﮑﮒ ﮓ ﮔ
ﮕ ﮖ ﮗ
ﮘ ﮙ ﮚ ﮛ
(20.130) “Buna görə onların dediklərinə
səbirlə yanaş, günəşin doğmasından və batmasından öncə Rəbbini həmd ilə şərəfləndir,
Onu gecənin müəyyən vaxtlarında, həmçinin günün əvvəlində və sonunda təriflə.
Ola bilsin ki, Allahın razılığını qazanasan”.
Fövqəluca
Öz Elçisinə (ona Allahın salavatı olsun!) əmr edir ki, müşriklərin ona qarşı
etdikləri haqsızlıqlara səbirlə dözsün və ən gözəl saatlarda: günəşin tülu və
qürub etməsindən əvvəl, günün başlanğıcında və sonunda və həmçinin gecənin
yarısında, Onu tərifləmək sayəsində Allahdan yardım diləsin. Ey Muhəmməd! Sən
belə etsən, ola bilsin ki, bu dünyada yaşadığın zaman və ölümündən sonra sənə nəsib
olacaq mükafatdan razı qalacaqsan. Rəbbinə ibadətin sayəsində rahatlığa nail
olacaq və böyük həzz alacaqsan və bu qəbilədaşlarının sənə qarşı etdikləri təhqirləri
unutmağa və layiqincə səbirli olmağa kömək göstərəcəkdir.
ﮜ ﮝ
ﮞ ﮟ ﮠ
ﮡ ﮢ ﮣ
ﮤ ﮥ ﮦ
ﮧ ﮨ ﮩﮪ
ﮫ ﮬ ﮭ
ﮮ ﮯ
(20.131)
“Bizim sınamaq üçün onlardan bəzilərinə əta etdiklərimizə təəccüblənmə. Bu –
dünya həyatının bər-bəzəyidir, Rəbbinin ruzisi isə daha xeyirli və əbədidir”.
Yerdəki
var-dövlətə və onlardan həzz alan insanlara çox
fikir vermə. Gözəl dadlı yeməklər, ətirli içkilər, təmtəraqlı zinət əşyaları,
dəbdəbəli imarətlər, gözəl qadınlar – bütün bunlar yer həyatının parıltılarıdır
ki, o həyata aldananları heyran qoyur. Onlar maddi nemətlərdən istifadə edir,
ancaq Axirət həyatından üz döndərirlər, çünki zalım insanlardır. Bu zövqlərin
ardı çox tezliklə kəsləcək və bütün dünya cazibədarlıqları yox olub gedəcəkdir.
Bu zaman dünya həyatına vurulanlar məhv olacaqlar. Onlar acı-acı təəssüflənəcək,
lakin bu onlara fayda verməyəcək. Qiyamət günü başlayanda isə, onlar öz fəlakət
içində olduqları vəziyyəti dərk edəcək və başa düşəcəklər ki, bütün maddi nemətlər
bir aldanma və sınaq imiş ki, onun sayəsində kim keçici zövqlərə uymuş, kim də
xeyirxah əməllər işləməyi üstün tutmuşdu. Fövqəluca buyurur: “Həqiqətən,
yerdə olan hər şeyi Biz onun üçün bəzək etdik ki, insanları sınaqdan keçirib
görək ki, kimin əməlləri daha yaxşı olacaqdır. Həqiqətən, yerdə olan hər şeyi
Biz cansız quma çevirəcəyik” (Kəhf, 18/7-8).
Lakin
böyük bir qismət var ki, o, dünya cazibədarlıqlarından mahiyyətcə və keyfiyyətcə
üstündür. Bu – doğru biliklər və haqq dindir ki, onlar insana bu dünya həyatında
bəxş edilir, habelə əbədi nemətlər və dirildikdən sonra Mərhəmətli Rəblə
qonşuluqdakı olduqca rahat həyatdır. Bu qismət bu dünyadakı nemətlərdən daha
uzunmüddətlidir, çünki o, heç vaxt tükənməyəcəkdir. Fövqəluca buyurur: “Xeyr!
Siz bu dünya həyatına çox üstünlük verirsiniz, halbuki Axirət həyatı – daha
yaxşı və daha uzunmüddətlidir” (Əla, 87/16-17).
Şərh
etdiyimiz ayədə göstərilir ki, əgər insan özünü maddi nemətlərə və dəbdəbəyə
meyilli olmasını müşahidə edərsə, onda o, Rəbbin bol mükafatını xatırlamalı və onu fani
dünya zövqləri ilə müqayisə etməlidir.
ﮰ ﮱ
ﯓ ﯔ ﯕﯖ
ﯗ ﯘ ﯙﯚ
ﯛ ﯜﯝ ﯞ
ﯟ ﯠ
(20.132)
“Ailənə namaz qılmağı tapşır və özün də onu səbirlə qıl! Biz səndən ruzi istəmirik,
axı Biz sənə ruzi veririk. Xoş aqibət - Allah qorxusu ilə bağlıdır”.
Ailə üzvlərini
fərz və könüllü namazları qüsursuz qılmağa çağır və onların üzülməsinə imkan
vermə. Namazı qüsursuz qılmaq üçün insanlar onun, yarımçıq və natamam
olmamağından ötrü, bütün zəruri rüknlərini yerinə yetirməlidirlər. Buna görə, əslində
Muhəmməd Peyğəmbərə (ona Allahın salavatı və salamı olsun!) tapşırılmışdı ki,
namazı necə düzgün qılmağı və nəyin namazı batil etdiyini insanlara öyrətsin.
Bununla
yanaşı onun özünə (s.ə.s.) əmr edilmişdi ki, namazı, onun vacib tərkib hissələrini yerinə yetirərək
və Rəbbi qarşısında mütilik göstərərək, səbirlə qılsın. İnsan qəlbi bu hökmə
könülsüz tabe olur, lakin hər bir müsəlman öz nəfsinə, istəklərinə qarşı
mübarizə aparmalı, namazı qüsursuz qılmağa özünü vadar etməli və layiqincə səbirlilik
göstərməlidir. Həqiqətən, əgər insan
namazı müntəzəm olaraq lazımi qaydada qılırsa, onda o, dinin digər tələblərini
də qüsursuz icra edir. Əgər o, namazda nöqsana yol verirsə, onda o, Rəbbin
qalan digər hökmlərinə də etinasızlıqla yanaşır.
Sonra
Fövqəluca Allah Elçisinə (s.ə.s.) ruzi verəcəyini vəd edir ki, dünyəvi qayğılar
onu (s.ə.s.) dinin hökmlərinə riayət etməkdən yayındırmasın. Lakin Allah ruzi
nazil edəcəyini təkcə Muhəmməd Peyğəmbərə
(ona Allahın salavatı və salamı olsun!) deyil, bütün məxluqlara vəd etmişdi.
Bu, ilk növbədə, Rəbbinin hökmlərini yerinə yetirən və Onu daima yad edənlərə
aiddir. Maddi nemətlərin həm təqvalılara, həm də naşükür qullara verildiyini nəzərə
alaraq, insan, hər şeydən öncə, Axirətdə əbədi səadətə qovuşmaq qayğısına
qalmalıdır. Bu məqsədə nail olmaq isə təqvalılıq sayəsində mümkündür və buna
görə Fövqəluca xatırladır ki, həm bu dünyada ikən, həm də ölümdən sonra gözəl
aqibət, Allahın hökmlərini yerinə yetirən və Onun qadağalarını pozmaqdan
qorunan təkcə təqvalı müsəlmanlar üçün hazırlanmışdır. Fövqəluca həmçinin
buyurmuşdur: “...Aqibət müttəqilərindir” (Qəsəs, 28/83).
ﯡ ﯢ ﯣ
ﯤ ﯥ ﯦﯧ
ﯨ ﯩ ﯪ
ﯫ ﯬ ﯭ
ﯮ ﯯ
(20.133)
“Onlar deyirlər: “O, niyə bizə Rəbbindən möcüzə gətirmədi?” Məgər ilk səhifələrdə olanlar haqqında onlara
açıq-aydın dəlil gəlməmişdirmi?”
Kafirlər
Muhəmməd Peyğəmbərdən (ona Allahın salavatı və salamı olsun!) tələb edirdilər
ki, onlara möcüzələr göstərsin və onu bunu edə bilməməsində günahlandırırdılar.
Onlar deyirdilər: “Bizə yerdən bulaq çıxartmayınca sənə heç vəchlə inanmarıq
və ya sənin xurma və üzüm bağın olmadıqca və ortasından çay axıtmadıqca və
yaxud Allah və mələkləri ilə birlikdə bizim qarşımızda durmadıqca, ya da daş-qaşdan evlərin
olmadıqca və ya sən göyə qalxmadıqca. Lakin biz sənin göyə çıxmağına da, bizim
oxuyacağımız Kitabla yerə düşməyincə inanmayacağıq” (17/90-93). Bu,
müşriklər tərəfindən ən böyük inadkarlığın və zalımlığın təzahürü idi.
Onlar da, Elçinin (s.ə.s.) özü kimi, sadəcə, Allahın qulları idilər və öz
ehtiraslarına uyğun olaraq Ondan möcüzə tələb etmək haqqına malik deyildilər,
çünki O, Öz qullarına təkcə Onun ilahi hikmətinə müvafiq gələn möcüzələri göstərir.
Müşriklərin
onlara Muhəmməd Peyğəmbərin (ona Allahın salavatı və salamı olsun!)
doğruçuluğunu təsdiq edən möcüzə göstərilməməsi haqqında iddialarına gəldikdə
isə, bunlar iftiradır, çünki o (s.ə.s.) onlara həqiqi peyğəmbər olması
haqqında o qədər qeyri-adi möcüzələr və təkzibolunmaz dəlillər göstərmişdir
ki, hətta onların bir hissəsi belə məqsədlərinə çatmaq üçün onlara bəs edərdi.
Ey
müşriklər! Əgər siz doğru deyirsinizsə və həqiqətən haqqı axtarırsınızsa, onda
qədim səhifələrdə barəsində bəhs edilən möcüzəyə nəzər salın. Bu – Müqəddəs
Qurandır və Tövratda və İncildə nazil edilmiş vəhylərin gerçəkliyini təsdiq
edir. Quran ayələri əvvəlki Kitablara zidd deyildir, ən başlıcası isə, bu
Kitablar Quranın nazil ediləcəyi və Muhəmməd Peyğəmbərin (ona Allahın salavatı
və salamı olsun!) gələcəyi barədə öncədən xəbər verirdilər. Buna görə Fövqəluca
buyurub: “Məgər Bizim onlara oxunan Kitabı sənə nazil etməyimiz onlara bəs
etmirmi? Həqiqətən, bunda – iman gətirən insanlara mərhəmət və nəsihət vardır”
(Ənkəbut, 29/51).
ﯰ ﯱ ﯲ
ﯳ ﯴ ﯵ
ﯶ ﯷ ﯸ
ﯹ ﯺ ﯻ
ﯼ ﯽ ﯾ
ﯿ ﰀ ﰁ
ﰂ ﰃ
(20.134)
“Əgər Biz onları bundan əvvəl əzabla məhv etsəydik, onda deyərdilər ki: “Ey Rəbbimiz!
Niyə biz alçaldılıb rüsvay edilənə qədər Sən bizə bir elçi göndərmədin ki, sənin
ayələrinin ardınca gedəydik?”
Quran ayələri
möminlərə fayda verir, onların imanını və etiqadını artırır. O ki, qaldı
onlardan boyun qaçıranlara və onlara müqavimət göstərənlərə, onlar Qurana iman
gətirə və ondan faydalana bilməzlər. Fövqəluca buyurur: “Həqiqətən, barələrində
Allahın Sözünün təsdiq olunduğu şəxslər, onlara hətta istədikləri möcüzələr göstərilsə
də, əzab-əziyyətə düçar edilmədikcə iman gətirməzlər” (Yunus, 10/96-97). Lakin
kafirlərə nazil edilən möcüzələr nəticəsiz qalmır, çünki bu möcüzələr onları
bilməməzliklərinə görə bəraət almaqdan məhrum edir. Onlar cəzanı gördükdə,
özlərini artıq doğrulda bilməyəcəklər, çünki Elçi (s.ə.s.) gəlmişdir və onlar
çoxsaylı möcüzələr və dəlillər görmüşlər. Buna görə sonra Fövqəluca buyurur:
ﰄ ﰅ
ﰆ ﰇﰈ ﰉ
ﰊ ﰋ ﰌ
ﰍ ﰎ ﰏ ﰐ
(20.135)
“De: “Hamı gözləyir, siz də gözləyin. Yaxında siz kimin haqlı olduğunu, kimin doğru
yolla getdiyini görəcəksiniz”.
Ey Muhəmməd!
Qoy kafirlər sənin ölümünü gözləsinlər. Sən isə cəzanın onları haqlayacağı günü
gözlə. De: “Doğrudanmı siz, bizə iki nemətin birindən başqa nəyinsə düşəcəyini
gözləyirsiniz? Biz də Allahın sizi Özü tərəfindən və ya bizim əlimizlə əzaba
düçar edəcəyini gözləyirik. Gözləyin, biz də sizinlə birlikdə gözləyirik”
(Tövbə, 9/52). Bu ayədə xatırlanan iki nemət qələbə və şəhidlikdir.
Ey kafirlər!
Siz çox tezliklə biləcəksiniz ki, haqq yola kim sadiq idi: siz və ya Muhəmməd
Peyğəmbər (ona Allahın salavatı və salamı olsun!). Doğru yolla gedən hər kəs
müvəffəqiyyətə nail olacaq, xoşbəxtlik və xilas əldə edəcək. Amma bu yoldan kənara
meyil edən hər kəsi isə ümidsizlik və əzabverici cəza yaxalayacaqdır. Bizə çox
yaxşı məlumdur ki, uğur Allahın Elçisini (ona Allahın salavatı və salamı
olsun!) müşayiət edəcək və onun (s.ə.s.) düşmənləri və yağılar böyük ziyana
uğrayacaqlar. Allahın Özü bu barədə daha yaxşı bilir.
[1] Müqəddəs Quranın bəlli
olan bölmələri (surələri) başlanğıc hərfləri ilə başlayan, bizə məlum olan,
yeganə bir kitabdır. Quranın bəzi surələri “Əlif. Lam. Mim” və “Qaf” kimi
başlanğıc hərfləri ilə başlayır və sonra surə davam edir. Müqəddəs Qurandakı 19
kodunun kəşf edilməsinə qədər bu surələrin belə başladılmasının hikməti maraq
doğururdu. 19 kodu aşkar edildikdə, onun problemləri izah edən özəlliyə malik
bir gerçəklik olduğu aydınlaşdı və məlum oldu ki, başlanğıc hərflər 19
kodu baxımından əhəmiyyətli bir yer tutur. Başlanğıc hərfləri olan 29 surədə
başlanğıc hərflərin olduğu ayələrin sayı 30-dur. 29 surənin 19-da başlanğıc hərflərin
özü sıra nömrəsi olan ayədir. (Məsələn,
Bəqərə surəsində 1-ci ayə: “Əlif. Lam. Mim”, o cümlədən, “Ta. Ha”
surəsində 1-ci ayə: “Ta. Ha” və s.). 10 surədə isə başlanğıc hərf surənin
ilk ayəsinin tərkibində, ayənin başlanğıcında yazılır (Məsələn: “Qaf” surəsində
1-ci ayə: “Qaf. Şərəfli Qurana and olsun!” formasındadır.). Başlanğıc hərfləri
ilə başlayan 10 ədəd surənin 9-da Müqəddəs
Qurana diqqət yetirilir. Məhz bu 9 surənin surə nömrələrinin cəmi – 190-dır.
(10+11+12+13+14+15+27+38+50=190). 190 isə gördüyümüz kimi, 19-un 10 əmsalıdır.
“Ta.Ha” surəsi ilə əlaqədar nümunəsini verdiyimiz bu bir misal Qurandakı söz və
rəqəm uyğunluğu möcüzəsinin insan təfəkkürünə sığmayan İlahi qanunauyğunluqlar
olmasına təkzibolunmaz dəlildir. Bunlar isə Allahın bu Kitabında yüzlərcə və
daha çoxdur (Mənbə: “Quran – heç tükənməyən möcüzə”. Quran Araşdırmaları Mərkəzi.
İstanbul, 2005, səh. 400-402). F.S.
[2] Artıq 21-ci əsrin əvvəllərində,
əsasən, müsəlman Quran tədqiqatçıları tərəfindən bu “başlanğıc hərflərin” sirri,
Allahın rizası ilə, açılmağa başlanmışdır. İslam əqidəsi daşıyıcıları olan bir
çox alimlər Quranın başlanğıc hərflərinin Quranın özünümüdafiə mexanizmi ilə əlaqədar
olduğunu sübuta yetirməkdədirlər və bundan öncə yuxarıda verdiyimiz (46-cı)
izah da Allahın Quranı Özü tərəfindən mühafizə etməsi kimi misilsiz müddəasını
təsdiq edir. Yeri gəldikcə, ayələrin A. Səədi tərəfindən verilmiş şərhlərinə,
ehtiyac yarandıqda, mövcud elmi mənbələrdən əxz etdiyimiz müvafiq zəruri qeydlərimizi
oxucularımızdan əsirgəməyəcəyik. F.S.
[3] İbadətə Layiq Olan (Allah) adı. F.S.
[4] Cənnət nəzərdə tutulur. F.S.
[6] Çoxallahlıq mənasında.
Müşrik isə, Fövqəluca və Vahid Allaha saxta “ilahları” şərik qoşanlara deyilir.
F.S.
[7] Hifz olunan, qorunan
lövhə - Allahın dərgahında hər şeyi yazmış olduğu əsas yazılı mənbə. F.S.
[8] Ayənin əslində
bu söz “mənnə”-dir. Məlum olduğu kimi, dəvətikanı bitkisinin şəkərinə də
“manna” deyilir (1). Bundan başqa, bəzi bitkilərin dondurulmuş şirəsi də
“manna” adlanır. F.S.
[10] Buzova. F.S.
Комментариев нет:
Отправить комментарий